അവിവാ​ഹി​ത​രെ​ങ്കി​ലും ദൈവ​സേ​വ​ന​ത്തിൽ തികഞ്ഞവർ

“തന്റെ കന്യകാ​ത്വ​ത്തെ വിവാഹം കഴിപ്പി​ക്കു​ന്ന​വ​നും നന്നായി ചെയ്യുന്നു, എന്നാൽ അതിനെ വിവാഹം കഴിപ്പി​ക്കാ​ത്തവർ ഏറെ നന്നായി ചെയ്യും.”—1 കൊരി​ന്ത്യർ 7:38.

1. വിവാഹം ഒരു അനു​ഗ്ര​ഹ​മെന്നു തെളി​ഞ്ഞി​രി​ക്കു​ന്ന​തെ​ങ്ങനെ?

ആദ്യമ​നു​ഷ്യൻ അവിവാ​ഹി​ത​നാ​യി​രി​ക്ക​ണ​മെന്ന്‌ യഹോവ ഒരിക്ക​ലും പ്രതീ​ക്ഷി​ച്ചില്ല. പകരം, ദൈവം മനുഷ്യ​വർഗ്ഗ​ത്തി​ന്റെ ജനയി​താ​വായ ആദാമി​നു​വേണ്ടി ഒരു വിവാ​ഹ​ഇ​ണയെ സൃഷ്ടിച്ചു. (ഉല്‌പത്തി 2:20-24; പ്രവൃ​ത്തി​കൾ 17:26) വിവാഹം എന്തോ​ര​നു​ഗ്ര​ഹ​മെന്നു തെളിഞ്ഞു! അത്‌ സഖിത്വം പ്രദാനം ചെയ്യു​ക​യും പരസ്‌പ​ര​സ​ഹാ​യം സാദ്ധ്യ​മാ​ക്കു​ക​യും ചെയ്‌തു. അത്‌ സന്താന​ങ്ങളെ ഉളവാ​ക്കു​ന്ന​തി​നുള്ള ഒരു മാന്യ​മായ ക്രമീ​ക​ര​ണ​മാ​യി​രു​ന്നു. അത്‌ മനുഷ്യ​സ​ന്തു​ഷ്ടിക്ക്‌ വലിയ സംഭാവന ചെയ്‌തു. എന്തിന്‌, ദരി​ദ്രർക്കും മർദ്ദി​തർക്കും പോലും, യാതൊ​രു പണത്തു​ക​ക്കും വാങ്ങാൻ കഴിയാ​ത്തത്‌—ദാമ്പത്യ​സ്‌നേഹം!—ആസ്വദി​ക്കാൻ കഴിയും.—ശലോ​മോ​ന്റെ ഗീതം 8:6, 7.

2, 3. (എ) ഒരു മതപ്ര​സി​ദ്ധീ​ക​രണം ബ്രഹ്മച​ര്യ​ത്തെ​യും വിവാ​ഹ​ത്തെ​യും കുറിച്ച്‌ ഏതു വീക്ഷണം പുലർത്തി? (ബി) തിരു​വെ​ഴു​ത്തു​പ​ര​മാ​യി, വിവാ​ഹത്തെ എങ്ങനെ വീക്ഷി​ക്കണം?

² എന്നിരു​ന്നാ​ലും, ചിലർ വിവാ​ഹത്തെ ഒരു വ്യത്യ​സ്‌ത​വി​ധ​ത്തിൽ വീക്ഷി​ക്കു​ന്നു. ഒരു മതപ്ര​സി​ദ്ധീ​ക​രണം ഇങ്ങനെ പറയുന്നു: “വിവാ​ഹി​താ​വ​സ്ഥ​യി​ലു​ള്ള​വർക്ക്‌ പട്ടം കൊടു​ക്കു​ന്ന​തിൽനി​ന്നും വിശുദ്ധ പട്ടത്വ​ത്തി​ലു​ള്ള​വർക്ക്‌ വിവാഹം ചെയ്യു​ന്ന​തിൽനി​ന്നും വിലക്കു കൽപ്പി​ച്ചു​കൊണ്ട്‌ വൈദി​ക​രു​ടെ​മേൽ ചുമത്തി​യി​രി​ക്കുന്ന പാശ്ചാ​ത്യ​സ​ഭ​യി​ലെ സഭാനി​യ​മ​മാണ്‌ ബ്രഹ്മച​ര്യം. അതിൽ സമ്പൂർണ്ണ​നിർമ്മലത കാക്കു​മെ​ന്നുള്ള പ്രതിജ്ഞ പാലി​ക്കു​ന്ന​തി​നുള്ള കടപ്പാട്‌ ഉൾപ്പെ​ട്ടി​രി​ക്കു​ന്നു. ഇതിനുള്ള കാരണങ്ങൾ പട്ടത്വം കിട്ടി​യി​ട്ടു​ള്ളവർ ഉദ്ദേശ്യ​പ​ര​മായ കൂടിയ ഏകാ​ഗ്ര​ത​യോ​ടെ ദൈവത്തെ സേവി​ക്ക​ണ​മെ​ന്നും (1 കൊരി​ന്ത്യർ 7:32) അങ്ങനെ ഒരു സംയമ ജീവിതം നയിക്കു​ന്ന​തി​നാൽ അവർ അവിവാ​ഹി​താ​വസ്ഥ നിലനിർത്ത​ണ​മെ​ന്നു​മു​ള്ള​താണ്‌, അത്‌ വിവാ​ഹ​ത്തെ​ക്കാൾ വിശു​ദ്ധ​വും ശ്രേഷ്‌ഠ​വു​മാണ്‌. പുതി​യ​നി​യ​മ​ത്തിൽ ബ്രഹ്മച​ര്യം അഥവാ അവിവാ​ഹി​താ​വസ്ഥ ദാമ്പത്യ​ത്തെ​ക്കാൾ ഉയർന്ന ഒരു വിളി​യാണ്‌.”—ദ കാത്തലിക്ക്‌ എൻ​സൈ​ക്ലോ​പ്പി​ഡി​യാ, റോബർട്ട്‌ സി. ബ്രോ​ഡ​റി​ക്കി​നാൽ സമാഹ​രി​ക്ക​പ്പെ​ട്ടത്‌.

³ നിർബ്ബ​ന്ധിത ബ്രഹ്മച​ര്യം ‘വിവാ​ഹ​ത്തെ​ക്കാൾ വിശു​ദ്ധ​വും ശ്രേഷ്‌ഠവു’മായി​രി​ക്കാൻ യഥാർത്ഥ​ത്തിൽ സാദ്ധ്യ​ത​യു​ണ്ടോ? “പുതി​യ​നി​യമ”മനുസ​രിച്ച്‌ ഇല്ല. കാത്തലിക്ക്‌ യെരൂ​ശ​ലേം ബൈബി​ളിൽ അതിങ്ങനെ പറയുന്നു: “അവസാ​ന​നാ​ളു​ക​ളിൽ വിശ്വാ​സം ഉപേക്ഷി​ക്കു​ന്ന​വ​രും വഞ്ചനാത്മക ആത്മാക്ക​ളെ​യും ഭൂതങ്ങ​ളിൽനി​ന്നു വരുന്ന ഉപദേ​ശ​ങ്ങ​ളെ​യും ശ്രദ്ധി​ക്കു​ന്ന​വ​രു​മായ ചിലർ ഉണ്ടായി​രി​ക്കു​മെന്ന്‌ ആത്മാവു സ്‌പഷ്ട​മാ​യി പറഞ്ഞി​ട്ടുണ്ട്‌. ഇതിന്റെ കാരണം ചുട്ടു​പ​ഴുത്ത ഇരുമ്പു​കൊ​ണ്ടെ​ന്ന​പോ​ലെ മനഃസാ​ക്ഷി​ക​ളിൽ ചൂടു​വെ​ക്ക​പ്പെ​ട്ടി​രി​ക്കുന്ന കപടഭക്തർ പറഞ്ഞ വ്യാജ​ങ്ങ​ളാണ്‌: അവർ വിവാഹം വിലക്ക​പ്പെ​ട്ടി​രി​ക്കു​ന്നു​വെന്നു പറയു​ക​യും, വിശ്വ​സി​ക്കു​ക​യും സത്യം അറിയു​ക​യും ചെയ്യു​ന്ന​വർക്ക്‌ നന്ദി​യോ​ടെ സ്വീക​രി​ക്കാൻ ദൈവം സൃഷ്ടിച്ച ഭക്ഷണങ്ങൾ വർജ്ജി​ക്കു​ന്നതു സംബന്ധി​ച്ചു ചട്ടങ്ങൾ വെക്കു​ക​യും ചെയ്യും.” (1 തിമൊ​ഥെ​യോസ്‌ 4:1-3) യഥാർത്ഥ​ത്തിൽ വിവാഹം ദൈവ​ത്തിൽനി​ന്നുള്ള ഒരു ദാനമാണ്‌, അതു നല്ലതു​മാണ്‌.—രൂത്ത്‌ 1:9.

4. 1 കൊരി​ന്ത്യർ 7:38-ന്റെ വീക്ഷണ​ത്തിൽ ഏതു ചോദ്യ​ങ്ങൾ ഉദിക്കു​ന്നു?

⁴ വിവാഹം ദൈവ​ത്തിൽനി​ന്നുള്ള ഒരു ദാനമാ​ണെ​ങ്കി​ലും അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “തന്റെ കന്യകാ​ത്വ​ത്തെ വിവാഹം കഴിപ്പി​ക്കു​ന്ന​വ​നും നന്നായി ചെയ്യുന്നു, എന്നാൽ അതിനെ വിവാഹം കഴിപ്പി​ക്കാ​ത്തവൻ ഏറെ നന്നായി ചെയ്യും.” (1 കൊരി​ന്ത്യർ 7:38) അവിവാ​ഹി​ത​രാ​യി കഴിയു​ന്നത്‌ മെച്ചമാ​യി​രി​ക്കു​മെന്ന്‌ പൗലോസ്‌ സൂചി​പ്പി​ച്ച​തെ​ന്തു​കൊണ്ട്‌? ഒരു ഏകാകി അപൂർണ്ണ​നെന്നു വിചാ​രി​ക്കേ​ണ്ട​തു​ണ്ടോ? ഏകാകി​ത്വ​ത്തിന്‌ പ്രതി​ഫ​ല​ദാ​യ​ക​മാ​യി​രി​ക്കാൻ കഴിയു​മോ?

ക്രിസ്‌തീയ ജീവി​ത​ത്തി​ന്റെ കേന്ദ്രം

5. ക്രിസ്‌തീയ ജീവി​ത​ത്തി​ന്റെ കേന്ദ്രം എന്തായി​രി​ക്കണം?

⁵ നാം ഏകാകി​ക​ളാ​യി​രു​ന്നാ​ലും വിവാ​ഹി​ത​രാ​യി​രു​ന്നാ​ലും യഹോ​വയെ സേവിക്കൽ നമ്മുടെ ക്രിസ്‌തീയ ജീവി​ത​ത്തി​ന്റെ കേന്ദ്ര​ഘ​ടകം തന്നെയാ​യി​രി​ക്കണം. ദൈവ​ത്തിന്‌ സന്തോ​ഷ​പൂർവ്വം അർപ്പി​ക്ക​പ്പെ​ടുന്ന വിശു​ദ്ധ​സേ​വനം സാർവ്വ​ത്രി​ക​പ​ര​മാ​ധി​കാ​രി​യെ​ന്ന​നി​ല​യിൽ അവനോ​ടു നമുക്കുള്ള സ്‌നേ​ഹ​ബ​ന്ധ​ത്തി​നു തെളിവു നൽകുന്നു. മുഴു​ഹൃ​ദ​യ​ത്തോ​ടു​കൂ​ടിയ അനുസ​ര​ണ​വും ക്രിസ്‌തീയ ശുശ്രൂ​ഷ​യി​ലെ തീക്ഷ്‌ണ​മായ പങ്കുപ​റ​റ​ലും ആ സ്‌നേ​ഹ​ബന്ധം പ്രകടി​പ്പി​ക്കാ​നുള്ള മാർഗ്ഗ​ങ്ങ​ളാണ്‌. (1 യോഹ​ന്നാൻ 5:2, 3; 1 കൊരി​ന്ത്യർ 9:16) ഒരു വ്യക്തി അവിവാ​ഹി​ത​നാ​ണെ​ങ്കിൽ ശുശ്രൂ​ഷ​യും ദിവ്യേ​ഷ്ട​ത്തിന്‌ ചേർച്ച​യായ മററ്‌ അനുസ​ര​ണ​പൂർവ്വ​ക​മായ പ്രവർത്ത​ന​ങ്ങ​ളും നിർവ്വ​ഹി​ക്കാൻ കഴിയും.

6. നാം വിവാ​ഹി​ത​രാ​യാ​ലും അവിവാ​ഹി​ത​രാ​യാ​ലും തീക്ഷ്‌ണ​മായ സേവനം എന്തു ചെയ്യാൻ നമ്മെ പ്രാപ്‌ത​രാ​ക്കു​ന്നു?

⁶ ഇപ്പോൾ സുവി​ശേ​ഷ​കൻമാർ യഹോ​വ​യു​ടെ സ്‌തു​തി​ക്കാ​യി രാജ്യ​പ​സം​ഗ​വേല നിർവ്വ​ഹി​ച്ചു​കൊ​ണ്ടി​രി​ക്കു​ക​യാണ്‌. നാം വിവാ​ഹി​ത​രാ​യി​രു​ന്നാ​ലും, ഏകാകി​ക​ളാ​യി​രു​ന്നാ​ലും, ഒരു തീക്ഷ്‌ണ​മായ ശുശ്രൂഷ നമ്മുടെ വ്യക്തി​പ​ര​മായ വിഭവ​ങ്ങ​ളി​ലും പ്രാപ്‌തി​ക​ളി​ലും കുറെ​യെ​ങ്കി​ലും ദൈവ​സേ​വ​ന​ത്തിൽ കേന്ദ്രീ​ക​രി​ക്കാ​നുള്ള അവസരം നൽകുന്നു. എന്നാൽ ശുശ്രൂഷ ഒരിക്ക​ലും നമ്മുടെ ജീവി​ത​ത്തി​ന്റെ കേന്ദ്ര​മ​ല്ലാത്ത ഒരു സ്ഥാന​ത്തേക്ക്‌ നീക്ക​പ്പെ​ടാ​തി​രി​ക്കാൻ നാം നമ്മുടെ സാഹച​ര്യ​ങ്ങളെ വികസി​പ്പി​ക്കു​ക​യും നിയ​ന്ത്രി​ക്കു​ക​യും ചെയ്യേ​ണ്ട​താണ്‌. നാം ‘ഒന്നാമതു രാജ്യം അന്വേ​ഷി​ക്കണം.’ (മത്തായി 6:33) കേവലം വ്യക്തി​പ​ര​മായ താൽപ്പ​ര്യ​ങ്ങ​ളിൽ അല്ല ദിവ്യ​താൽപ്പ​ര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്ന​തിൽ സന്തോ​ഷ​മുണ്ട്‌.

ശുശ്രൂ​ഷ​ക്കു​വേണ്ടി തികഞ്ഞവർ

7. ഒരു അവിവാ​ഹിത ക്രിസ്‌ത്യാ​നിക്ക്‌ ശുശ്രൂ​ഷ​ക്കു​വേണ്ടി തികഞ്ഞ​വ​നാ​യി​രി​ക്കാൻ കഴിയു​മെന്ന്‌ പ്രകട​മാ​ക്കാൻ ഏതു ദൃഷ്ടാ​ന്ത​മുണ്ട്‌?

⁷ ക്രിസ്‌ത്യാ​നി​കൾ, അവിവാ​ഹി​ത​രാ​യി​രു​ന്നാ​ലും വിവാ​ഹി​ത​രാ​യി​രു​ന്നാ​ലും ശുശ്രൂ​ഷ​ക്കു​വേണ്ടി തികഞ്ഞ​വ​രാ​യി​രി​ക്കാൻ കഴിയും. തന്നിമി​ത്തം അവിവാ​ഹി​താ​വസ്ഥ അവശ്യം മാററ​മാ​വ​ശ്യ​മാ​ക്കി​ത്തീർക്കാത്ത ഒരു അടിസ്ഥാ​ന​മാണ്‌. (1 കൊരി​ന്ത്യർ 7:24, 27 താരത​മ്യ​പ്പെ​ടു​ത്തുക.) ഒരു മനുഷ്യൻ വിവാ​ഹി​ത​ന​ല്ലെ​ങ്കിൽ അയാൾ പൂർണ്ണാ​വ​സ്ഥ​യി​ലെ​ത്തു​ന്നി​ല്ലെ​ന്നുള്ള ചില ഗോ​ത്ര​ങ്ങ​ളു​ടെ വീക്ഷണം ദൈവ​വ​ചനം കൈ​ക്കൊ​ള്ളു​ന്നില്ല. യേശു​ക്രി​സ്‌തു വിവാ​ഹി​ത​നാ​കാ​തെ മരിച്ചു. യേശു​വിന്‌ സ്വർഗ്ഗ​ത്തിൽ ഒരു ആത്മീയ മണവാട്ടി മാത്രം ഉണ്ടായി​രി​ക്കാ​നാണ്‌ യഹോവ അധികാ​ര​പ്പെ​ടു​ത്തി​യി​രി​ക്കു​ന്നത്‌. (വെളി​പ്പാട്‌ 21:2, 9) എന്നിരു​ന്നാ​ലും, ഒരു മനുഷ്യ​നെ​ന്ന​നി​ല​യിൽ വിവാ​ഹി​ത​ന​ല്ലാ​ഞ്ഞി​ട്ടും, ശുശ്രൂ​ഷ​ക്കു​വേണ്ടി തികഞ്ഞ​വ​നായ ഒരു വ്യക്തി​യു​ടെ പ്രമുഖ ദൃഷ്ടാ​ന്ത​മാ​യി​രു​ന്നു ദൈവ​പു​ത്രൻ.

8. പൗലോസ്‌ പ്രകട​മാ​ക്കു​ന്ന​തു​പോ​ലെ, അവിവാ​ഹി​ത​രാ​യി​രി​ക്കു​ന്നത്‌ എന്തിന്‌ അനുവ​ദി​ക്കു​ന്നു?

⁸ യഥാർത്ഥ​ത്തിൽ, അവിവാ​ഹി​താ​വസ്ഥ ശുശ്രൂ​ഷക്ക്‌ വർദ്ധിച്ച വ്യക്തി​പ​ര​മായ സ്വാത​ന്ത്ര്യ​വും സമയവും അനുവ​ദി​ക്കു​ന്നു. ഏകാകി​ത്വം ശുപാർശ​ചെ​യ്‌തു​കൊണ്ട്‌ പൗലോസ്‌ ഇങ്ങനെ പറഞ്ഞു: “നിങ്ങൾ ഉൽക്കണ്‌ഠ​യിൽനി​ന്നു വിമു​ക്ത​രാ​യി​രി​ക്കാൻ ഞാൻ ആഗ്രഹി​ക്കു​ന്നു. അവിവാ​ഹി​ത​നായ മനുഷ്യൻ കർത്താ​വി​ന്റെ കാര്യ​ങ്ങ​ളിൽ ആകാം​ക്ഷ​യു​ള്ള​വ​നാണ്‌, തനിക്ക്‌ എങ്ങനെ കർത്താ​വി​ന്റെ അംഗീ​കാ​രം നേടാ​മെ​ന്നു​തന്നെ. . . . കൂടാതെ, അവിവാ​ഹി​ത​യായ സ്‌ത്രീ​യും, കന്യക​യും, കർത്താ​വി​ന്റെ കാര്യ​ങ്ങ​ളിൽ ആകാം​ക്ഷ​യു​ള്ള​വ​ളാണ്‌.” (1 കൊരി​ന്ത്യർ 7:32-34) ഇത്‌ അവിവാ​ഹി​ത​രായ ക്രിസ്‌ത്യാ​നി​കൾക്കും, ഒരിക്കൽ വിവാ​ഹി​ത​രാ​യി​രു​ന്നിട്ട്‌ സാഹച​ര്യ​ങ്ങ​ളു​ടെ മാററം ഒരു അവിവാ​ഹി​താ​വ​സ്ഥ​യി​ലേക്ക്‌ തിരി​ച്ചു​വി​ട്ട​വർക്കും ബാധക​മാ​കു​ന്നു.—മത്തായി 19:9; റോമർ 7:2, 3.

9. അവിവാ​ഹി​ത​നാ​യി​രി​ക്കു​ന്നത്‌ ഒരു വ്യക്തിയെ ക്രിസ്‌തീയ ശുശ്രൂ​ഷക്ക്‌ തികഞ്ഞ​വ​ന​ല്ലാ​താ​ക്കു​ന്നി​ല്ലെന്ന്‌ യേശു​വി​ന്റെ ദൃഷ്ടാന്തം പ്രകട​മാ​ക്കു​ന്ന​തെ​ങ്ങനെ?

⁹ ശാരീ​രി​ക​വും മാനസി​ക​വും ആത്മീയ​വു​മായ പക്വത​പ്രാ​പി​ക്കൽ ദൈവ​സേ​വ​ന​ത്തി​നാ​യുള്ള തികവു കൈവ​രു​ത്തു​ന്നു. ദൈവ​ത്തി​ന്റെ മുഖ്യ ശുശ്രൂ​ഷ​കന്റെ പങ്കിനും മറുവില പ്രദാനം ചെയ്യു​ന്ന​തി​നുള്ള മുഖാ​ന്ത​ര​മാ​യി​രി​ക്കു​ന്ന​തി​നും തികഞ്ഞ​വ​നാ​യി​രി​ക്കാൻ യേശു​ക്രി​സ്‌തു​വിന്‌ വിവാഹ ഇണയുടെ ആവശ്യ​മി​ല്ലാ​യി​രു​ന്നു. (മത്തായി 20:28) യേശു അവിവാ​ഹി​ത​നാ​യി​രു​ന്ന​തി​നാൽ തന്റെ ശക്തികൾ മുഴുവൻ ശുശ്രൂ​ഷ​യിൽ കേന്ദ്രീ​ക​രി​ക്കാൻ സ്വത​ന്ത്ര​നാ​യി​രു​ന്നു. അവന്റെ അവിവാ​ഹി​താ​വസ്ഥ യഹൂദ​മാ​തൃ​ക​യിൽനിന്ന്‌ തികച്ചും വ്യത്യ​സ്‌ത​മാ​യി​രു​ന്നു, അതിൻകീ​ഴിൽ വിവാ​ഹ​ത്തി​നും മക്കൾക്കും ഊന്നൽ കൊടു​ത്തി​രു​ന്നു. എന്നിരു​ന്നാ​ലും, യേശു തന്റെ ദൈവദത്ത വേല പൂർത്തീ​ക​രി​ക്കു​ന്ന​തിന്‌ തികച്ചും പ്രാപ്‌ത​നാ​യി​രു​ന്നു. (ലൂക്കോസ്‌ 3:23; യോഹ​ന്നാൻ 17:3, 4) അതു​കൊണ്ട്‌, വിവാഹം കഴിക്കാ​തി​രി​ക്കു​ന്നത്‌ ഒരു വ്യക്തിയെ ക്രിസ്‌തീയ ശുശ്രൂ​ഷക്ക്‌ അപൂർണ്ണ​നാ​ക്കു​ന്നില്ല.

വിവാ​ഹി​തർ “വിഭജിത”ർ

10. “ഏകജഡ”ബന്ധം നിമിത്തം, പൗലോസ്‌ വിവാ​ഹി​തരെ സംബന്ധിച്ച്‌, അവിവാ​ഹി​ത​രോ​ടുള്ള താരത​മ്യ​ത്തിൽ എന്തു പറഞ്ഞു?

¹⁰ അവിവാ​ഹി​ത​രിൽനി​ന്നു വ്യത്യ​സ്‌ത​രാ​യി, വിവാ​ഹി​ത​രായ ക്രിസ്‌ത്യാ​നി​കൾ തങ്ങളുടെ “ഏകജഡ”ബന്ധം അംഗീ​ക​രി​ച്ചു​വേണം ശുശ്രൂ​ഷ​യിൽ വ്യാപൃ​ത​രാ​കാൻ. (മത്തായി 19:5, 6) ആ ബന്ധവും അതിന്റെ വിവിധ ഉത്തരവാ​ദി​ത്ത​ങ്ങ​ളും നിമിത്തം വിവാ​ഹി​ത​രായ വ്യക്തികൾ “വിഭജിത”രാണെന്ന്‌ പൗലോസ്‌ പറഞ്ഞു. അവൻ എഴുതി: “നിങ്ങൾ ഉൽക്കണ്‌ഠ​യിൽനി​ന്നു വിമു​ക്ത​രാ​യി​രി​ക്ക​ണ​മെന്നു ഞാൻ ആഗ്രഹി​ക്കു​ന്നു. അവിവാ​ഹി​ത​നായ മനുഷ്യൻ കർത്താ​വി​ന്റെ കാര്യ​ങ്ങ​ളിൽ ആകാം​ക്ഷാ​ഭ​രി​ത​നാണ്‌, തനിക്ക്‌ എങ്ങനെ കർത്താ​വി​ന്റെ അംഗീ​കാ​രം നേടാ​മെ​ന്നു​തന്നെ. എന്നാൽ വിവാ​ഹി​ത​നായ മനുഷ്യൻ എങ്ങനെ തന്റെ ഭാര്യ​യു​ടെ അംഗീ​കാ​രം നേടാ​മെന്നു വച്ച്‌ ലോക​ത്തി​ലെ കാര്യ​ങ്ങ​ളിൽ ആകാം​ക്ഷാ​ഭ​രി​ത​നാണ്‌, അയാൾ വിഭജി​ത​നാണ്‌. കൂടാതെ, അവിവാ​ഹിത സ്‌ത്രീ​യും, കന്യക​യും, തന്റെ ശരീര​ത്തി​ലും തന്റെ ആത്മാവി​ലും വിശു​ദ്ധ​യാ​യി​രി​ക്കേ​ണ്ട​തിന്‌ കർത്താ​വി​ന്റെ കാര്യ​ങ്ങ​ളിൽ ആകാം​ക്ഷാ​ഭ​രി​ത​യാണ്‌. എന്നിരു​ന്നാ​ലും, വിവാ​ഹി​ത​യായ സ്‌ത്രീ എങ്ങനെ തന്റെ ഭർത്താ​വി​ന്റെ അംഗീ​കാ​രം നേടാ​മെ​ന്നു​വച്ച്‌ ലോക​ത്തി​ലെ കാര്യ​ങ്ങ​ളിൽ ആകാം​ക്ഷ​യു​ള്ള​വ​ളാണ്‌. എന്നാൽ നിങ്ങളു​ടെ​മേൽ ഒരു കുരു​ക്കി​ടാൻ വേണ്ടിയല്ല, പിന്നെ​യോ യോഗ്യ​മാ​യ​തി​ലേ​ക്കും, ശ്രദ്ധാ​ശൈ​ഥി​ല്യം കൂടാതെ കർത്താ​വി​നെ നിരന്തരം ശുശ്രൂ​ഷി​ക്കു​ന്ന​തി​നെ അർത്ഥമാ​ക്കു​ന്ന​തി​ലേ​ക്കും നിങ്ങളെ പ്രേരി​പ്പി​ക്കാൻ നിങ്ങളു​ടെ വ്യക്തി​പ​ര​മായ പ്രയോ​ജ​ന​ത്തി​നു വേണ്ടി​യാണ്‌ ഞാൻ ഇതു പറയു​ന്നത്‌.”—1 കൊരി​ന്ത്യർ 7:32-35.

11. പൗലോസ്‌ 1 കൊരി​ന്ത്യർ 7:32-35-ൽ എന്തു പ്രകട​മാ​ക്കു​ക​യാ​യി​രു​ന്നു?

¹¹ കൂടുതൽ ശല്യര​ഹി​ത​മായ ഒരു ജീവി​ത​ത്തിന്‌ പൗലോസ്‌ അവിവാ​ഹി​താ​വ​സ്ഥയെ ശുപാർശ ചെയ്‌തു​വെന്നു വ്യക്തമാണ്‌. അവൻതന്നെ പുനർവി​വാ​ഹം ചെയ്യാൻ ഇഷ്ടപ്പെ​ടാഞ്ഞ ഒരു വിഭാ​ര്യ​നാ​യി​രു​ന്നി​രി​ക്കണം. (1 കൊരി​ന്ത്യർ 9:5) എങ്ങനെ​യാ​യാ​ലും, ഈ ലോക​ത്തി​ലെ ദാമ്പത്യ​ജീ​വി​ത​ത്തോട്‌ ബന്ധപ്പെട്ട ഉൽക്കണ്‌ഠ​ക​ളു​ണ്ടെന്ന്‌ അവന്‌ അറിയാ​മാ​യി​രു​ന്നു. അവൻ അവിവാ​ഹി​ത​രായ ക്രിസ്‌ത്യാ​നി​കൾക്ക്‌ ആസ്വദി​ക്കാൻ കഴിയുന്ന താരത​മ്യേ​ന​യുള്ള സ്വാത​ന്ത്ര്യം എടുത്തു കാട്ടു​ക​യാ​യി​രു​ന്നു; വിവാ​ഹി​ത​രായ വിശ്വാ​സി​ക​ളു​ടെ താൽപ്പ​ര്യ​ങ്ങൾ ജഡിക​വും ആത്മീയ​വു​മായ കാര്യ​ങ്ങ​ളിൽ വിഭജി​ത​മാ​യി​രി​ക്കു​ന്നു​വെ​ന്നും അവൻ പ്രകട​മാ​ക്കി. വിവാ​ഹിത വ്യക്തി തന്റെ ശരീര​ത്തിൻമേൽ പൂർണ്ണാ​ധി​കാ​രം പ്രയോ​ഗി​ക്കു​ന്നില്ല, എന്തെന്നാൽ അവന്റെ ഇണ അവനു​മാ​യി ഏകജഡ​മാണ്‌, തന്നിമി​ത്തം അവന്റെ ശരീര​ത്തിൻമേൽ ഇണക്ക്‌ ഒരു അവകാ​ശ​മുണ്ട്‌. (1 കൊരി​ന്ത്യർ 7:3-5) ഇതിന്റെ വീക്ഷണ​ത്തിൽ അവിവാ​ഹിത ക്രിസ്‌ത്യാ​നിക്ക്‌ ശരീര​ത്തി​ലും ആത്മാവി​ലും വിശു​ദ്ധ​നാ​യി​രി​ക്കാൻ, അതായത്‌, യഹോ​വ​യാം ദൈവ​ത്തി​ന്റെ നേരി​ട്ടുള്ള ഉപയോ​ഗ​ത്തിന്‌ പൂർണ്ണ​മാ​യും വേർതി​രി​ക്ക​പ്പെ​ട്ടവൻ, നീക്കി​വെ​ക്ക​പ്പെ​ട്ടവൻ, ആയിരി​ക്കാൻ കഴിയും.

12. ഒരു ഇണയി​ല്ലാ​ത്ത​തു​കൊണ്ട്‌ ഒരു അവിവാ​ഹി​ത​നായ വ്യക്തിക്ക്‌ എന്തു ചെയ്യാൻ കഴിയും?

¹² അവിവാ​ഹിത ക്രിസ്‌ത്യാ​നി​യു​ടെ ആത്മാവ്‌ അഥവാ മാനസിക ചായ്‌വ്‌ ശല്യം കൂടാ​തെ​യുള്ള സജീവ ദൈവ​രാ​ജ്യ​സേ​വ​ന​ത്തിന്‌ അയാളെ പ്രേരി​പ്പി​ക്കു​ന്നു. തന്റെ ശരീര​ത്തി​ന്റെ ഭാഗിക നിയ​ന്ത്രണം ആവശ്യ​പ്പെ​ടുന്ന ഇണ ഇല്ലാത്ത​തി​നാൽ അയാൾക്ക്‌ തന്റെ മനസ്സി​ന്റെ​യും ഹൃദയ​ത്തി​ന്റെ​യും ആത്മാവ്‌, അഥവാ ചായ്‌വ്‌ അനുസ​രി​ക്കാൻ കഴിയും. മനസ്സി​ന്റെ​യും ശരീര​ത്തി​ന്റെ​യും കേന്ദ്രീ​ക​ര​ണ​ത്തോ​ടെ അയാൾക്ക്‌ യഹോ​വ​യു​ടെ സേവന​ത്തിൽ പ്രത്യേ​ക​വൽക്ക​രി​ക്കാൻ കഴിയും. തന്നിമി​ത്തം അവിവാ​ഹിത പുരു​ഷ​നോ സ്‌ത്രീ​ക്കോ ഏററവും വലിയ വ്യക്തി​പ​ര​മായ സ്വാത​ന്ത്ര്യ​ത്തോ​ടെ കർത്താ​വി​നെ മാത്രം പ്രസാ​ദി​പ്പി​ക്കു​ന്ന​തിന്‌ പരമാ​വധി ശ്രമി​ക്കാൻ കഴിയും. പൗലോസ്‌ പറഞ്ഞതി​നോട്‌ നമുക്ക്‌ ഉചിത​മാ​യി വിയോ​ജി​ക്കാൻ കഴിക​യില്ല, എന്തെന്നാൽ നമ്മുടെ പ്രബോ​ധ​ന​ത്തി​നു​വേണ്ടി അത്‌ രേഖ​പ്പെ​ടു​ത്തി​യി​രി​ക്കു​ന്നത്‌ ഉചിത​മെന്ന്‌ യഹോവ കണ്ടു.

ഒരു വിവാ​ഹിത വ്യക്തി സമ്പൂർണ്ണ​നല്ലേ?

13, 14. ഏതു തെററായ ഗതി “ഏകജഡ”ബന്ധത്തെ നിസ്സാ​രീ​ക​രി​ക്കു​ക​യും ഒരു വിവാ​ഹിത വ്യക്തിയെ ക്രിസ്‌തീയ ശുശ്രൂ​ഷക്ക്‌ തികഞ്ഞ​വ​ന​ല്ലാ​താ​ക്കു​ക​യും ചെയ്യും?

¹³ വിവാ​ഹി​ത​രായ ചില ക്രിസ്‌ത്യാ​നി​കൾ, തങ്ങൾക്ക്‌ ദൈവ​സേ​വ​ന​ത്തിൽ കൂടുതൽ ചെയ്യാൻ കഴിയു​മെ​ന്നുള്ള തെററായ ആശയത്താൽ തങ്ങളുടെ വിവാ​ഹ​ജീ​വി​തത്തെ ഒരു അപ്രധാ​ന​സ്ഥാ​ന​ത്തേക്ക്‌ തള്ളിനീ​ക്കി​യേ​ക്കാം. ഉദാഹ​ര​ണ​ത്തിന്‌, ഭാര്യ ഗൗരവ​മുള്ള വിധങ്ങ​ളിൽ ഭർത്താ​വിൽനിന്ന്‌ സ്വത​ന്ത്ര​യാ​യി പ്രവർത്തി​ച്ചു തുടങ്ങി​യേ​ക്കാം. ഭർത്താവ്‌ സഭാ​പ്ര​വർത്ത​ന​ങ്ങ​ളിൽ മുഴു​കി​യേ​ക്കാം. അങ്ങനെ​യുള്ള സാഹച​ര്യ​ങ്ങ​ളിൽ അവർ യഹോ​വ​യു​ടെ സേവന​ത്തിൽ വളരെ നന്നായി പ്രവർത്തി​ക്കു​ക​യാ​ണെന്ന്‌ അവർ നിഗമനം ചെയ്‌തേ​ക്കാം. യഥാർത്ഥ​ത്തിൽ, അവർ “ഏകജഡ”ബന്ധത്തെ നിസ്സാ​രീ​ക​രി​ക്കുന്ന ഒരു ഗതി സ്വീക​രി​ക്കു​ക​യാ​യി​രി​ക്കാം. അങ്ങനെ​യാ​ണെ​ങ്കിൽ അത്‌ യഹോ​വക്കു പ്രസാ​ദ​ക​രമല്ല.

¹⁴ യഥാർത്ഥ​ത്തിൽ, “ഏകജഡ”ബന്ധത്തെ നിസ്സാ​രീ​ക​രി​ക്കു​ന്നത്‌ ഒരു വിവാ​ഹിത വ്യക്തിയെ ക്രിസ്‌തീയ ശുശ്രൂ​ഷക്ക്‌ തികഞ്ഞ​യാ​ള​ല്ലാ​താ​ക്കും. വിവാഹം ശുശ്രൂ​ഷാ​പ​ര​മായ തികവു വർദ്ധി​പ്പി​ക്കു​ന്നില്ല, എന്നാൽ ശുശ്രൂ​ഷക്ക്‌ കൊടു​ക്കാൻ കഴിയുന്ന വ്യക്തി​പ​ര​മായ ശ്രദ്ധയെ കുറയ്‌ക്കു​ക​യാ​ണു ചെയ്യു​ന്നത്‌. (ലൂക്കോസ്‌ 14:16, 17, 20 താരത​മ്യ​പ്പെ​ടു​ത്തുക.) എന്നിരു​ന്നാ​ലും, വിവാ​ഹി​ത​രാ​യി​രി​ക്കു​ന്നവർ ദൈവത്തെ പ്രസാ​ദി​പ്പി​ക്കു​ക​യും അവന്റെ ശുശ്രൂ​ഷ​ക​രെ​ന്ന​നി​ല​യിൽ തികഞ്ഞ​വ​രാ​യി​രി​ക്കു​ക​യും ചെയ്യണ​മെ​ങ്കിൽ അവർ തങ്ങളുടെ ദാമ്പത്യ കടപ്പാ​ടു​കൾക്ക​നു​യോ​ജ്യ​മാ​യി ജീവി​ക്കേ​ണ്ട​താണ്‌.

രാജ്യ​ത്തി​നു​വേണ്ടി അവിവാ​ഹി​തർ

15. (എ) അവിവാ​ഹിത ക്രിസ്‌ത്യാ​നി​കൾ ഏതു ഗുണം നട്ടുവ​ളർത്തണം? (ബി) 1 കൊരി​ന്ത്യർ 7:36, 37-ൽ പൗലോസ്‌ വിവാ​ഹ​ത്തെ​യും ഏകാകി​ത്വ​ത്തെ​യും കുറിച്ച്‌ ഏത്‌ അടിസ്ഥാന ആശയം വ്യക്തമാ​ക്കി?

¹⁵ യഹോ​വ​യു​ടെ വിവാ​ഹിത ദാസൻമാർ തങ്ങളുടെ വൈവാ​ഹിക കടപ്പാ​ടു​കൾക്ക​നു​യോ​ജ്യ​മാ​യി ജീവി​ക്ക​ണ​മെ​ന്നി​രി​ക്കെ, അവിവാ​ഹി​ത​രായ ക്രിസ്‌ത്യാ​നി​കൾ അവിവാ​ഹിത തികവിൽ സംതൃ​പ്‌തി നട്ടുവ​ളർത്തേ​ണ്ട​താണ്‌. പൗലോസ്‌ പറഞ്ഞ​പ്ര​കാ​രം: “ഇപ്പോൾ അവിവാ​ഹി​ത​രും വിധവ​മാ​രും എന്നെ​പ്പോ​ലെ [അവിവാ​ഹി​ത​രാ​യി] സ്ഥിതി​ചെ​യ്യു​ന്നത്‌ നന്നാ​ണെന്ന്‌ ഞാൻ അവരോ​ടു പറയുന്നു. നീ ഒരു ഭാര്യ​യോ​ടു ബന്ധിക്ക​പ്പെ​ട്ടി​രി​ക്കു​ന്നു​വോ? ഒരു വിമോ​ചനം തേടു​ന്നതു നിർത്തുക. നീ ഒരു ഭാര്യ​യിൽനിന്ന്‌ സ്വത​ന്ത്ര​നാ​ണോ? ഒരു ഭാര്യയെ തേടു​ന്നതു നിർത്തുക.” (1 കൊരി​ന്ത്യർ 7:8, 27) ഒരു അവിവാ​ഹിത വ്യക്തി​യെ​ന്ന​നി​ല​യിൽ, യഹോ​വ​യു​ടെ സഹായ​ത്തോ​ടെ, ദൈവം സാദ്ധ്യ​മാ​ക്കുന്ന ഉറച്ച അവസ്ഥ നട്ടുവ​ളർത്തുക. അവസ്ഥയു​ടെ ഏതെങ്കി​ലും മാററം നേരത്തെ നിശ്ചയിച്ച ഒരു തീരു​മാ​ന​മോ ഒരു ആചാര​മോ സമപ്രാ​യ​ക്കാ​രു​ടെ സമ്മർദ്ദ​ത്തോ​ടുള്ള പ്രതി​ക​ര​ണ​മോ ആയിരി​ക്ക​രുത്‌. എന്നാൽ അത്‌ തിരു​വെ​ഴു​ത്തു​പ​ര​മായ ആവശ്യ​ത്തിൽ നിന്ന്‌ ആവിർഭ​വി​ക്കണം, എന്തെന്നാൽ പൗലോസ്‌ പറഞ്ഞു: “ആരെങ്കി​ലും, തന്റെ നവയൗ​വനം പിന്നി​ട്ടി​രി​ക്കു​ന്നു​വെ​ങ്കിൽ, തന്റെ അവിവാ​ഹി​താ​വ​സ്ഥ​യോട്‌ അനുചി​ത​മാ​യി പെരു​മാ​റു​ന്നു​വെന്ന്‌ വിചാ​രി​ക്കു​ന്നു​വെ​ങ്കിൽ, അത്‌ നടക്കേ​ണ്ടത്‌ ഈ വിധത്തി​ലാണ്‌, അയാൾ ആഗ്രഹി​ക്കു​ന്നതു ചെയ്യട്ടെ; അയാൾ പാപം ചെയ്യു​ന്നില്ല. അവർ വിവാഹം കഴിക്കട്ടെ. എന്നാൽ ഒരുവൻ നിർബ്ബ​ന്ധ​മി​ല്ലാ​തെ, തന്റെ ഹൃദയ​ത്തിൽ ഉറച്ചു​നിൽക്കു​ന്നു​വെ​ങ്കിൽ, തന്റെ സ്വന്തം അവിവാ​ഹി​താ​വ​സ്ഥയെ നിലനിർത്താൻ സ്വന്തം ഇഷ്ടത്തിൻമേൽ അധികാ​ര​ത്തോ​ടെ തന്റെ സ്വന്തം ഹൃദയ​ത്തിൽ ഈ തീരു​മാ​നം ചെയ്‌തി​രി​ക്കു​ന്നു​വെ​ങ്കിൽ അയാൾ നന്നായി ചെയ്യും.”—1 കൊരി​ന്ത്യർ 7:36, 37.

16. “നവയൗ​വനം പിന്നി​ടുക”യെന്നാൽ അർത്ഥ​മെന്ത്‌? (ബി) വിവാഹം ചെയ്യാതെ സ്ഥിതി​ചെ​യ്യുന്ന ക്രിസ്‌ത്യാ​നിക്ക്‌ എന്തി​നെ​ക്കു​റി​ച്ചു ബോദ്ധ്യ​മു​ണ്ടാ​യി​രി​ക്കണം?

¹⁶ അങ്ങനെ, അപ്പോ​സ്‌തലൻ നിസ്സം​ശ​യ​മാ​യി ഗുരു​ത​ര​മായ പാപത്തെ പരാമർശി​ക്കു​ക​യ​ല്ലാ​യി​രു​ന്നെ​ങ്കി​ലും, ഒരു വ്യക്തി തന്റെ കന്യാ​ത്വ​ത്തോട്‌ ഏതെങ്കി​ലും അനുചി​ത​മായ വിധത്തിൽ പെരു​മാ​റു​ക​യാ​യി​രു​ന്നെ​ങ്കിൽ, വിവാഹം ചെയ്യു​ന്നത്‌ തെററാ​യി​രി​ക്കു​ക​യി​ല്ലെന്ന്‌ പൗലോസ്‌ പ്രകട​മാ​ക്കി. അവൻ നേരത്തെ പറഞ്ഞതു​പോ​ലെ, “വികാ​ര​ത്താൽ ജ്വലി​ക്കു​ന്ന​തി​നെ​ക്കാൾ നല്ലതാണ്‌ വിവാഹം ചെയ്യു​ന്നത്‌.” (1 കൊരി​ന്ത്യർ 7:9) തീർച്ച​യാ​യും, ഒരു വ്യക്തി ലൈം​ഗിക താൽപ്പ​ര്യം ആദ്യം ശക്തമാ​യി​ത്തീർന്ന സമയത്തി​നു​മ​പ്പു​റം “നവയൗ​വനം പിന്നി​ട്ടി​രി”ക്കുന്നു​വെ​ങ്കിൽ, ആ സാഹച​ര്യ​ങ്ങ​ളി​ലെ വിവാ​ഹ​ത്തെ​യാണ്‌ അവൻ പരാമർശി​ച്ചത്‌. ഒരു പക്വത​യുള്ള വ്യക്തിക്ക്‌ “സ്വന്തം ഇഷ്ടത്തിൻമേൽ അധികാര”മുണ്ടാ​യി​രി​ക്കു​ക​യും അവിവാ​ഹി​താ​വ​സ്ഥക്ക്‌ ഇടമു​ണ്ടാ​ക്കാൻ തന്റെ ഹൃദയ​ത്തിൽ ദൃഢമാ​യി തീരു​മാ​നി​ച്ചി​രി​ക്കു​ക​യു​മാ​ണെ​ങ്കിൽ അയാൾ നല്ലതു ചെയ്യുന്നു. വിജയ​പ്ര​ദ​മായ അവിവാ​ഹി​താ​വസ്ഥ വിവാ​ഹ​ത്തി​നും കുടും​ബ​ജീ​വി​ത​ത്തി​നും വേണ്ടി​യുള്ള ഒരു ക്ലേശക​ര​മായ, മിക്കവാ​റും അപ്രതി​രോ​ധ്യ​മായ, ആഗ്രഹത്തെ അടിച്ച​മർത്തു​ന്ന​തി​നെ അർത്ഥമാ​ക്കു​ന്നില്ല. പകരം വിവാഹം കഴിക്കാ​തെ കഴിയാ​നാ​ഗ്ര​ഹി​ക്കുന്ന ക്രിസ്‌ത്യാ​നിക്ക്‌ തന്റെ കാര്യ​ത്തിൽ ഏകാകി​ത്വം ശരിയാ​ണെന്ന്‌ ഹൃദയ​ത്തിൽ പൂർണ്ണ​ബോ​ദ്ധ്യ​മു​ണ്ടാ​യി​രി​ക്കണം. നിർമ്മ​ല​ത​യോ​ടെ ആ അവസ്ഥ നിലനിർത്താൻ ആവശ്യ​മായ ഏതു ശ്രമവും ചെയ്യാൻ മനസ്സു​മു​ണ്ടാ​യി​രി​ക്കണം. അങ്ങനെ ചെയ്യുന്ന ക്രിസ്‌ത്യാ​നിക്ക്‌ കുറഞ്ഞ ശല്യങ്ങളേ ഉണ്ടായി​രി​ക്ക​യു​ള്ളു, കർത്താ​വി​നെ സേവി​ക്കാൻ ഏറിയ സ്വാത​ന്ത്ര്യം ഉണ്ടായി​രി​ക്കു​ക​യും ചെയ്യും.

17. യേശു പറയു​ന്ന​ത​നു​സ​രി​ച്ചു, ചിലർ അവിവാ​ഹി​ത​രാ​യി സ്ഥിതി​ചെ​യ്യു​ന്ന​തെ​ന്തു​കൊണ്ട്‌?

¹⁷ അവിവാ​ഹി​ത​രായ ക്രിസ്‌ത്യാ​നി​കൾ യേശു​ക്രി​സ്‌തു​വി​ന്റെ മനസ്സു നട്ടുവ​ളർത്തു​ന്നു​വെ​ങ്കിൽ അവിവാ​ഹി​താ​വസ്ഥ നിലനിർത്താൻ അവർ സഹായി​ക്ക​പ്പെ​ടും. വിവാ​ഹ​ത്തിന്‌ ഊന്നൽ കൊടു​ത്തി​രുന്ന ഒരു സംസ്‌ക്കാ​ര​ത്തിൽ അവൻ അവിവാ​ഹി​ത​നാ​യി​രു​ന്നെ​ങ്കി​ലും അവൻ തന്റെ സമയവും വരങ്ങളും തന്റെ ആവർത്തി​ക്കാ​വ​ത​ല്ലാത്ത ശുശ്രൂ​ഷ​യിൽ കേന്ദ്രീ​ക​രി​ച്ചു. യേശു​വി​നെ​പ്പോ​ലെ, ഒരു അവിവാ​ഹിത ക്രിസ്‌ത്യാ​നിക്ക്‌ ഏകാകി​ത്വ​മാ​കുന്ന വരത്തിൽ സന്തോ​ഷി​ക്കാൻ കഴിയും, ആ വരം അതിന്‌ ഇടമു​ണ്ടാ​ക്കു​ന്ന​വർക്ക്‌ ദൈവം നൽകു​ന്ന​താണ്‌. ഇതിനെ സംബന്ധിച്ച്‌ യേശു പറഞ്ഞു: “എല്ലാ മനുഷ്യ​രും ഈ വചനത്തിന്‌ ഇടമു​ണ്ടാ​ക്കു​ന്നില്ല, എന്നാൽ വരമു​ള്ളവർ മാത്രം. എന്തെന്നാൽ അമ്മയുടെ ഗർഭാ​ശയം മുതൽ ഷണ്ഡൻമാ​രാ​യി ജനിച്ച ഷണ്ഡൻമാർ ഉണ്ട്‌, മനുഷ്യ​രാൽ ഷണ്ഡൻമാ​രാ​ക്ക​പ്പെട്ട ഷണ്ഡൻമാ​രു​മുണ്ട്‌, സ്വർഗ്ഗ​രാ​ജ്യം നിമിത്തം തങ്ങളേ​ത്തന്നെ ഷണ്ഡൻമാ​രാ​ക്കിയ ഷണ്ഡൻമാ​രുണ്ട്‌. അതിന്‌ ഇടമു​ണ്ടാ​ക്കാൻ കഴിയു​ന്നവർ അതിന്‌ ഇടമു​ണ്ടാ​ക്കട്ടെ.”—മത്തായി 19:11, 12.

18. രാജ്യ​ത്തി​നു​വേണ്ടി “ഷണ്ഡൻമാ​രാ”യിരി​ക്കു​ന്ന​വരെ വിവാ​ഹി​ത​രാ​കു​ന്ന​തിൽ നിന്നു തടയു​ന്ന​തെന്ത്‌?

¹⁸ ഒരു അവിവാ​ഹിത വ്യക്തി വിവാ​ഹിത വ്യക്തി​യെ​ക്കാൾ ശ്രേഷ്‌ഠ​നാ​ണെന്ന്‌ യേശു പറഞ്ഞില്ല. ഒരു സ്വത​ന്ത്ര​ജീ​വി​ത​ത്തി​നു​വേണ്ടി മാത്രം അവൻ ഏകാകി​ത്വ​ത്തിന്‌ പ്രോ​ത്സാ​ഹി​പ്പി​ച്ചില്ല. അവിവാ​ഹിത വ്യക്തിക്ക്‌ വിപരീത ലിംഗ​വർഗ്ഗ​ത്തിൽപെട്ട പലരി​ലേക്ക്‌ തന്റെ ശ്രദ്ധകൾ വ്യാപി​പ്പി​ക്കാൻ കഴി​യേ​ണ്ട​തി​നും അവൻ അതിനെ ശുപാർശ ചെയ്‌തി​ല്ലെന്നു തീർച്ച. ഇല്ല, എന്നാൽ രാജ്യത്തെ പ്രതി തങ്ങളേ​ത്തന്നെ “ഷണ്ഡൻമാ”രാക്കു​ന്നവർ, തങ്ങളുടെ ഹൃദയ​ത്തിൽ ഇതിന്‌ ഇടമു​ണ്ടാ​ക്കുന്ന ധാർമ്മി​ക​മാ​യി നേരുള്ള ആളുക​ളാണ്‌. വിവാ​ഹി​ത​രാ​കു​ന്ന​തിൽനിന്ന്‌ അവരെ തടയു​ന്ന​തെ​ന്താണ്‌? ഏതെങ്കി​ലും ശാരീ​രിക വൈക​ല്യ​മല്ല, പിന്നെ​യോ ദൈവ​സേ​വ​ന​ത്തിൽ തങ്ങളാ​ലാ​വോ​ളം പൂർണ്ണ​മാ​യി ഏർപ്പെ​ടു​ന്ന​തി​നുള്ള ഒരു അദമ്യ​മായ ആഗ്രഹ​മാണ്‌. രാജ്യം 1914-ൽ സ്വർഗ്ഗ​ത്തിൽ സ്ഥാപി​ക്ക​പ്പെ​ട്ട​തു​കൊ​ണ്ടും, നാശത്തി​നു വിധി​ക്ക​പ്പെട്ട ഈ വ്യവസ്ഥി​തി​യു​ടെ സത്വരം സമീപി​ച്ചു​വ​രുന്ന അവസാ​ന​ത്തി​നു​മുമ്പ്‌ “രാജ്യ​ത്തി​ന്റെ ഈ സുവാർത്ത” ഒരു സാക്ഷ്യ​ത്തി​നാ​യി ഭൂവ്യാ​പ​ക​മാ​യി പ്രസം​ഗി​ക്ക​പ്പെ​ടേ​ണ്ട​തു​ള്ള​തു​കൊ​ണ്ടും ഈ സേവനം ഇപ്പോൾ വിശേ​ഷാൽ പ്രധാ​ന​മാണ്‌.—മത്തായി 24:14.

അവിവാ​ഹി​ത​രായ ക്രിസ്‌ത്യാ​നി​കളെ അഭിന​ന്ദി​ക്കു​ക

19. രാജ്യ​ത്തി​നു​വേണ്ടി അവിവാ​ഹി​ത​രാ​യി സ്ഥിതി​ചെ​യ്യു​ന്ന​വ​രു​ടെ കാര്യ​ത്തിൽ എല്ലാ ക്രിസ്‌ത്യാ​നി​ക​ളും എന്തു ചെയ്യണം?

¹⁹ രാജ്യ​ത്തി​നു​വേണ്ടി അവിവാ​ഹി​ത​രാ​യി സ്ഥിതി​ചെ​യ്യു​ന്ന​വരെ എല്ലാ ക്രിസ്‌ത്യാ​നി​ക​ളും അഭിന​ന്ദി​ക്കു​ക​യും പ്രോ​ത്സാ​ഹി​പ്പി​ക്കു​ക​യും വേണം. ഏതായാ​ലും, അവിവാ​ഹി​ത​രാ​യി​രി​ക്കു​ന്നത്‌ “ശ്രദ്ധാ​ശൈ​ഥി​ല്യം കൂടാതെ കർത്താ​വി​നെ നിരന്തരം ശുശ്രൂ​ഷി​ക്കു​ന്ന​തി​നെ അർത്ഥമാ​ക്കു​ന്നു.” (1 കൊരി​ന്ത്യർ 7:35) അവിവാ​ഹി​താ​വ​സ്ഥയെ സംബന്ധി​ച്ചും യഹോ​വ​യു​ടെ സേവനം സംബന്ധിച്ച്‌ അതിനുള്ള പ്രയോ​ജ​ന​ങ്ങ​ളെ​ക്കു​റി​ച്ചും ബൈബിൾ പറയു​ന്നത്‌ മാതാ​പി​താ​ക്കൾ തങ്ങളുടെ മക്കളെ പഠിപ്പി​ക്കു​ന്നതു കൊള്ളാം. നമു​ക്കെ​ല്ലാം അവിവാ​ഹി​ത​രായ സഹവി​ശ്വാ​സി​കളെ പ്രോ​ത്സാ​ഹി​പ്പി​ക്കാൻ കഴിയും, രാജ്യ​ത്തി​നു​വേണ്ടി അവിവാ​ഹി​ത​രാ​യി നില​കൊ​ള്ളാ​നുള്ള അവരുടെ തീരു​മാ​നത്തെ നാം ഒരിക്ക​ലും ദുർബ്ബ​ല​പ്പെ​ടു​ത്ത​രുത്‌.

20. നിങ്ങൾ വിവാഹം കഴിക്കാത്ത ഒരു ക്രിസ്‌ത്യാ​നി​യാ​ണെ​ങ്കിൽ നിങ്ങൾ എന്തു ചെയ്യണം?

²⁰ അവിവാ​ഹി​ത​രായ ക്രിസ്‌ത്യാ​നി​കൾക്ക്‌ ദൈവ​ത്തി​ന്റെ തികവുള്ള ശുശ്രൂ​ഷ​ക​രെന്ന നിലയിൽ സന്തോ​ഷി​ക്കാൻ കഴിയും. ഈ പരമോച്ച കാലങ്ങ​ളിൽ രാജ്യ​പ്ര​സം​ഗ​മാ​കുന്ന അടിയ​ന്തിര വേലയിൽ പങ്കെടു​ക്കു​ന്ന​തിൽ അവർ സന്തോ​ഷി​ക്കു​ന്നു. അതു​കൊണ്ട്‌ നിങ്ങൾ ഏകാകി​യെ​ങ്കിൽ, തികവുള്ള ഒരു അവിവാ​ഹിത ക്രിസ്‌തീയ ശുശ്രൂ​ഷ​ക​നെന്ന നിലയിൽ യഹോ​വ​യാൽ ഉപയോ​ഗി​ക്ക​പ്പെ​ടു​ന്ന​തിൽ സന്തോ​ഷി​ക്കുക. ‘ജീവന്റെ വചനത്തിൻമേൽ ദൃഢമായ ഒരു പിടി നിലനിർത്തി​ക്കൊണ്ട്‌ ലോക​ത്തിൽ ഒരു ജ്യോ​തി​സ്സാ​യി ശോഭി​ക്കവേ, ഭയത്തോ​ടും വിറയ​ലോ​ടും​കൂ​ടെ നിങ്ങളു​ടെ രക്ഷക്കായി പ്രവർത്തി​ക്കുക.’ (ഫിലി​പ്യർ 2:12-16) യഹോ​വ​യു​ടെ സാക്ഷി​ക​ളു​ടെ സാർവ്വ​ദേ​ശീയ സഹോ​ദ​ര​വർഗ്ഗ​ത്തോ​ടു​കൂ​ടെ നിങ്ങൾ ഒററ​ക്കെ​ട്ടാ​യി നില​കൊ​ള്ളു​മ്പോൾ രാജ്യ​താൽപ്പ​ര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ക​യും ക്രിസ്‌തീയ ശുശ്രൂഷ നിറ​വേ​റ​റു​ക​യും ചെയ്യുക. നാം കാണാൻ പോകു​ന്ന​തു​പോ​ലെ ഒരു അവിവാ​ഹിത വ്യക്തി​യെന്ന നിലയിൽ അങ്ങനെ ചെയ്യു​ന്നത്‌ പ്രതി​ഫ​ല​ദാ​യ​ക​മായ ഒരു ജീവി​ത​രീ​തി​യാണ്‌. (w87 11/15)

നിങ്ങളു​ടെ ഉത്തരങ്ങൾ എന്താണ്‌?

◻ ക്രിസ്‌തീയ ജീവി​ത​ത്തി​ന്റെ കേന്ദ്രം എന്തായി​രി​ക്കണം?

◻ യഹോ​വ​യു​ടെ അവിവാ​ഹിത ദാസർക്ക്‌ ക്രിസ്‌തീയ ശുശ്രൂ​ഷ​ക്കു​വേണ്ടി തികഞ്ഞ​വ​രാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

◻ ഒരു വിവാ​ഹിത വ്യക്തിക്ക്‌ ഏതു വിധത്തിൽ തികവി​ല്ലാ​ത്ത​വ​നാ​യി​രി​ക്കാൻ കഴിയും?

◻ രാജ്യ​ത്തി​നു​വേണ്ടി ഒരു “ഷണ്ഡൻ” ആയിരി​ക്കു​ക​യെ​ന്നാൽ അർത്ഥ​മെന്ത്‌?

◻ നാം അവിവാ​ഹി​ത​രായ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കേ​ണ്ട​തെ​ന്തു​കൊണ്ട്‌?

[10-ാം പേജിലെ ചിത്രം]

അവിവാഹിതനായിരുന്നെങ്കിലും അപ്പോ​സ്‌ത​ല​നായ പൗലോസ്‌ തികഞ്ഞ​വ​നാ​യി​രു​ന്നു

[12-ാം പേജിലെ ചിത്രം]

ശുശ്രൂഷക്ക്‌ തികഞ്ഞ​വ​നായ ഒരു വ്യക്തി​യു​ടെ പ്രമുഖ ദൃഷ്ടാ​ന്ത​മാ​യി​രു​ന്നു യേശു

[15-ാം പേജിലെ ചിത്രം]

രാജ്യത്തിനുവേണ്ടി അവിവാ​ഹി​ത​രാ​യി സ്ഥിതി​ചെ​യ്യു​ന്ന​വരെ നിങ്ങൾ അഭിന​ന്ദി​ക്കു​ന്നു​വോ?