ബൈബി​ളി​ന്റെ വീക്ഷണം

ഭാര്യോ​ചിത കീഴ്‌പെടൽ അത്‌ എന്തർഥ​മാ​ക്കു​ന്നു?

ദൈവ​വ​ച​ന​മായ ബൈബിൾ എഫെസ്യർ 5:22-ൽ ഇപ്രകാ​രം പറയുന്നു: “ഭാര്യ​മാ​രേ, കർത്താ​വി​ന്നു എന്നപോ​ലെ സ്വന്ത ഭർത്താ​ക്ക​ന്മാർക്കു കീഴട​ങ്ങു​വിൻ.” ഇതിന്റെ കൃത്യ​മായ അർഥം എന്താണ്‌? മറ്റൊ​ന്നും പരിഗ​ണി​ക്കാ​തെ ഭർത്താവ്‌ ആവശ്യ​പ്പെ​ടുന്ന എന്തിനും ഭാര്യ കീഴ്‌പെ​ട​ണ​മോ? മുൻകൈ എടുക്കാ​നോ അവന്റേ​തിൽനി​ന്നു വ്യത്യ​സ്‌ത​മായ അഭി​പ്രാ​യങ്ങൾ ഉണ്ടായി​രി​ക്കാ​നോ അവൾക്ക്‌ ഒരിക്ക​ലും സാധി​ക്കു​ക​യി​ല്ലേ?

അബീഗ​യി​ലി​നെ​ക്കു​റി​ച്ചുള്ള ബൈബിൾ വൃത്താന്തം പരിചി​ന്തി​ക്കുക. അവൾ ബുദ്ധി​പൂർവം പ്രവർത്തി​ച്ചു. എന്നാൽ, സമ്പന്നനായ അവളുടെ ഭർത്താവ്‌ നാബാ​ലി​ന്റെ ആഗ്രഹ​ങ്ങൾക്കു വിരു​ദ്ധ​മാ​യി​രു​ന്നു അത്‌. ഇസ്രാ​യേ​ലി​ന്റെ രാജാ​വാ​കാൻ ദൈവം തിര​ഞ്ഞെ​ടുത്ത ദാവീ​ദി​ന്റെ അനുയാ​യി​കൾ നാബാ​ലി​നോ​ടു ദയ കാട്ടി​യെ​ങ്കി​ലും നാബാൽ ‘അവരോ​ടു കയർത്തു.’ നാബാ​ലി​ന്റെ നന്ദിയി​ല്ലാ​യ്‌മ​യിൽ രോഷാ​കു​ല​നാ​യി ദാവീദ്‌ അവനെ കൊല്ലാൻ തയ്യാ​റെ​ടു​ത്തു. തന്റെ മുഴു​കു​ടും​ബ​വും അപകട​ത്തി​ലാ​ണെന്ന്‌ അബീഗ​യിൽ മനസ്സി​ലാ​ക്കി. അവൾ ദാവീ​ദി​നെ ശാന്തനാ​ക്കി. എങ്ങനെ?—1 ശമൂവേൽ 25:2-35.

നാബാൽ ‘ഒന്നിനും കൊള്ളാ​ത്ത​വനാ’ണെന്നു ദാവീ​ദി​നോ​ടു സമ്മതി​ച്ചു​പറഞ്ഞ അബീഗ​യിൽ നാബാൽ തടഞ്ഞു​വെച്ച വസ്‌തു​വ​കകൾ ദാവീ​ദി​നു നൽകു​ക​യും ചെയ്‌തു. പൊതു​വേ, ഇണയുടെ തെറ്റു​കു​റ്റങ്ങൾ കൊട്ടി​ഘോ​ഷി​ക്കു​ന്നതു ഭാര്യ​യെ​യോ ഭർത്താ​വി​നെ​യോ സംബന്ധി​ച്ചി​ട​ത്തോ​ളം തെറ്റാണ്‌. അബീഗ​യിൽ ഇത്തരത്തിൽ സംസാ​രി​ക്കു​ക​യും പ്രവർത്തി​ക്കു​ക​യും ചെയ്‌ത​തിൽ മത്സരമ​നോ​ഭാ​വം കാട്ടി​യോ? ഇല്ല. അവൾ നാബാ​ലി​ന്റെ​യും കുടും​ബാം​ഗ​ങ്ങ​ളു​ടെ​യും ജീവൻ രക്ഷിക്കാൻ ശ്രമി​ക്കു​ക​യാ​യി​രു​ന്നു. അവൾ പതിവാ​യി അനാദ​ര​വോ സ്വത​ന്ത്ര​ചി​ന്താ​ഗ​തി​യോ കാട്ടി​യി​രു​ന്നു എന്നതിനു യാതൊ​രു സൂചന​യു​മില്ല. മാത്രമല്ല, ആർക്കും പ്രീതി​പ്പെ​ടു​ത്താൻ പറ്റാത്ത ആളായ നാബാൽ തന്റെ വലിയ എസ്റ്റേറ്റ്‌ നോക്കി​ന​ട​ത്താൻ അവൾ സഹായി​ച്ചി​രുന്ന വിധത്തിൽ ഒരിക്ക​ലും അസംതൃ​പ്‌തി പ്രകടി​പ്പി​ച്ചി​രു​ന്നില്ല. എന്നാൽ, ഈ നിർണാ​യക സാഹച​ര്യ​ത്തിൽ മുൻകൈ എടുക്കാൻ ജ്ഞാനം അവളെ പ്രേരി​പ്പി​ച്ചു. അതിലു​മു​പരി, അബീഗ​യിൽ ചെയ്‌ത സംഗതി ബൈബിൾ ശരി​വെ​ക്കു​ക​യും ചെയ്യുന്നു.—1 ശമൂവേൽ 25:3, 25, 32, 33.

അബീഗ​യിൽ ജീവി​ച്ചി​രു​ന്ന​തി​നു വളരെ മുമ്പേ​തന്നെ ഗോ​ത്ര​പി​താ​ക്ക​ന്മാ​രു​ടെ ഭാര്യ​മാർ തങ്ങളുടെ വീക്ഷണ​ഗ​തി​കൾ പ്രകടി​പ്പി​ക്കു​ക​യും ഭർത്താ​ക്ക​ന്മാ​രു​ടെ ആഗ്രഹ​ങ്ങ​ളിൽനി​ന്നു വിഭി​ന്ന​മായ നടപടി​കൾ സ്വീക​രി​ക്കു​ക​യും ചെയ്‌ത കാലങ്ങ​ളു​ണ്ടാ​യി​രു​ന്നു. എങ്കിലും, ‘ദൈവ​ത്തിൽ പ്രത്യാ​ശ​വെ​ച്ചി​രുന്ന ഈ വിശുദ്ധ സ്‌ത്രീ​കൾ’ ഒരു ക്രിസ്‌തീയ ഭാര്യ​യു​ടെ കീഴ്‌പെ​ട​ലി​ന്റെ മാതൃ​ക​ക​ളാ​ക്ക​പ്പെ​ട്ടി​രി​ക്കു​ന്നു. (1 പത്രൊസ്‌ 3:1-6) ഉദാഹ​ര​ണ​ത്തിന്‌, അബ്രാ​ഹാ​മി​ന്റെ പുത്ര​നായ യിശ്‌മാ​യേൽ തങ്ങളുടെ മകനായ യിസ്‌ഹാ​ക്കി​നു ഭീഷണി​യാ​യി​ത്തീർന്നി​രി​ക്കു​ന്ന​താ​യി സാറാ മനസ്സി​ലാ​ക്കി​യ​പ്പോൾ യിശ്‌മാ​യേ​ലി​നെ പറഞ്ഞയ​യ്‌ക്കാൻ അവൾ തീരു​മാ​നി​ച്ചു. ഇത്‌, “അബ്രാ​ഹാ​മി​ന്നു അനിഷ്ടമാ”യിരുന്നു. എന്നാൽ, ദൈവം അബ്രാ​ഹാ​മി​നോ​ടു പറഞ്ഞു: ‘ബാലന്റെ നിമിത്തം . . . നിനക്കു അനിഷ്ടം തോന്ന​രു​തു; സാറാ നിന്നോ​ടു പറഞ്ഞതി​ലൊ​ക്കെ​യും അവളുടെ വാക്കു കേൾക്ക.’—ഉല്‌പത്തി 21:11, 12.

വിവേചന ആവശ്യം

അപ്പോൾ, കീഴ്‌പെ​ട​ലി​ന്റെ പേരിൽ, ബുദ്ധി​ശൂ​ന്യ​മെ​ന്നോ ദൈവി​ക​ത​ത്ത്വ​ങ്ങ​ളു​ടെ ലംഘന​മെ​ന്നോ തോന്നുന്ന കാര്യം ചെയ്യാ​നുള്ള സമ്മർദ​ത്തി​നു വഴങ്ങു​ന്നത്‌ ഒരു ഭാര്യയെ സംബന്ധി​ച്ചി​ട​ത്തോ​ളം ബുദ്ധി​യാ​യി​രി​ക്കു​ക​യില്ല. എന്നുമാ​ത്രമല്ല, അബീഗ​യി​ലും സാറാ​യും ചെയ്‌ത​തു​പോ​ലെ അനിവാ​ര്യ​മാ​യി​രി​ക്കുന്ന ഏതെങ്കി​ലും സംഗതി മുൻകൈ എടുത്തു​ചെ​യ്യു​ന്ന​തിൽ അവൾക്കു കുറ്റ​ബോ​ധം തോ​ന്നേ​ണ്ട​തു​മില്ല.

ഭാര്യോ​ചി​ത കീഴ്‌പെടൽ എന്നു പറയു​മ്പോൾ, ഭർത്താവ്‌ ആഗ്രഹി​ക്കുന്ന എന്തി​നോ​ടും യോജി​ക്ക​ണ​മെന്ന്‌ അർഥമാ​ക്കു​ന്നില്ല. വ്യത്യാ​സ​മു​ണ്ടാ​ക്കു​ന്നത്‌ എന്താണ്‌? ശരിയായ തത്ത്വങ്ങൾ അപകട​ത്തി​ലാ​യി​രി​ക്കു​മ്പോൾ അവൾക്കു ഭർത്താ​വി​നോ​ടു വിയോ​ജി​ക്കേ​ണ്ട​തു​ണ്ടാ​യി​രി​ക്കാം. എങ്കിൽപോ​ലും ദൈവി​ക​കീ​ഴ്‌പെ​ട​ലി​ന്റെ എല്ലാവ​ശ​വും ഉൾക്കൊ​ള്ളുന്ന മനോ​ഭാ​വം അവൾ അപ്പോ​ഴും പ്രകടി​പ്പി​ക്കേ​ണ്ട​താണ്‌.

തീർച്ച​യാ​യും തന്നിഷ്ടം, വിരോ​ധം അല്ലെങ്കിൽ തെറ്റായ ആന്തരങ്ങൾ എന്നിവ നിമിത്തം ഭർത്താ​വി​ന്റെ ആഗ്രഹ​ങ്ങളെ മറിക​ട​ക്കാ​തി​രി​ക്കാൻ അവൾ ശ്രദ്ധി​ക്കേ​ണ്ട​താണ്‌. അവൾ അബീഗ​യി​ലി​നെ​പ്പോ​ലെ വിവേ​ച​ന​യു​ള്ള​വ​ളും “വിവേ​ക​മു​ള്ള​വ​ളും” ആയിരി​ക്കണം.—1 ശമൂവേൽ 25:3.

ഭർത്താവ്‌ ഉത്തരവാ​ദി​ത്വം തഴയു​മ്പോൾ

ഭാര്യ​യു​ടെ കീഴ്‌പെ​ട​ലി​ന്റെ മുഖ്യ ലക്ഷ്യവും പ്രചോ​ദ​ന​വും തന്റെ ഭർത്താ​വു​മാ​യി സഹകരി​ക്കു​ക​യും അയാളു​ടെ തീരു​മാ​ന​ങ്ങളെ പിന്തു​ണ​യ്‌ക്കു​ക​യും ചെയ്‌തു​കൊണ്ട്‌ യഹോ​വയെ പ്രസാ​ദി​പ്പി​ക്കുക എന്നതാ​യി​രി​ക്കണം. ഭർത്താവ്‌ ആത്മീയ പക്വത​യു​ള്ള​വ​നാ​ണെ​ങ്കിൽ ഇതു വളരെ എളുപ്പ​മാ​യി​രി​ക്കും. അല്ലെങ്കിൽ അതൊരു വെല്ലു​വി​ളി​യാ​യേ​ക്കാം.

ഈ സാഹച​ര്യ​ത്തെ അവൾക്ക്‌ എങ്ങനെ നേരി​ടാം? അയാ​ളോട്‌ ആത്മാർഥ​മാ​യി അഭ്യർഥി​ക്കു​ക​യോ കുടും​ബ​ത്തിന്‌ ഏറ്റവും പ്രയോ​ജ​ന​പ്ര​ദ​മായ തീരു​മാ​നങ്ങൾ നിർദേ​ശി​ക്കു​ക​യോ ചെയ്യാം. ‘നേതൃ​ത്വം വഹിക്കാൻ’ അവൾ അയാളെ അനുവ​ദി​ക്കു​ക​യാ​ണെ​ങ്കിൽ അയാൾ കൂടുതൽ നിപു​ണ​നാ​യേ​ക്കാം. ഭർത്താ​വി​നെ നിരന്തരം കുറ്റ​പ്പെ​ടു​ത്തി​ക്കൊ​ണ്ടി​രി​ക്കു​ന്നത്‌, ഉചിത​മായ കീഴ്‌പെടൽ മനോ​ഭാ​വത്തെ ലംഘി​ക്കു​ന്നു. (സദൃശ​വാ​ക്യ​ങ്ങൾ 21:19) എങ്കിലും, അയാളു​ടെ നയം കുടും​ബ​ക്ഷേ​മത്തെ അപകട​ത്തി​ലാ​ക്കു​മെന്നു വ്യക്തമാ​യാൽ, സാറാ ചെയ്‌ത​തു​പോ​ലെ ശരിയായ ഗതി നിർദേ​ശി​ക്കാ​നുള്ള തീരു​മാ​നം അവൾക്ക്‌ എടുക്കാ​വു​ന്ന​താണ്‌.

ഭർത്താവ്‌ ഒരു അവിശ്വാ​സി​യാ​ണെ​ങ്കിൽ ഭാര്യ​യ്‌ക്കുള്ള വെല്ലു​വി​ളി അതിലും കൂടു​ത​ലാ​യി​രി​ക്കും. അപ്പോ​ഴും, ബൈബിൾ നിയമങ്ങൾ ലംഘി​ക്കാൻ അവളോട്‌ ആവശ്യ​പ്പെ​ടാ​തി​രി​ക്കു​ന്നി​ട​ത്തോ​ളം അവൾ കീഴ്‌പെ​ട്ടി​രി​ക്കേ​ണ്ട​താണ്‌. അവൻ ബൈബിൾ നിയമങ്ങൾ ലംഘി​ക്കാൻ ആവശ്യ​പ്പെ​ടു​ന്ന​പക്ഷം ഒരു ക്രിസ്‌തീയ ഭാര്യ​യു​ടെ പ്രതി​ക​രണം, ദൈവ​കൽപ്പന ലംഘി​ക്കാൻ കോടതി ആവശ്യ​പ്പെ​ട്ട​പ്പോ​ഴത്തെ ശിഷ്യ​ന്മാ​രു​ടെ പ്രതി​ക​ര​ണ​ത്തോ​ടു സമാന​മാ​യി​രി​ക്കേ​ണ്ട​താണ്‌: “മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു.”—പ്രവൃ​ത്തി​കൾ 5:29.

എങ്കിലും, അനുഭ​വ​പ​രി​ച​യ​ത്തി​ന്റെ അഭാവ​വും പരിമി​ത​മായ ജ്ഞാനവും നിമിത്തം നല്ല ഭാര്യാ​ഭർത്താ​ക്ക​ന്മാർപോ​ലും തങ്ങളുടെ ഭാഗ​ധേ​യത്തെ മറിക​ട​ന്നേ​ക്കാം. ഭർത്താവ്‌ പരിഗണന കാട്ടാ​തി​രു​ന്നേ​ക്കാം; ഭാര്യ തന്റെ ഇഷ്ടങ്ങൾക്കാ​യി ശാഠ്യം​പി​ടി​ച്ചേ​ക്കാം. സഹായ​ക​മായ സംഗതി എന്തായി​രി​ക്കും? “നാം എല്ലാവ​രും പലതി​ലും തെററി​പ്പോ​കു​ന്നു” എന്നുള്ള​തു​കൊണ്ട്‌ ഇരുവർക്കും തന്നെക്കു​റി​ച്ചു​തന്നെ എളിയ ഒരു വീക്ഷണ​മു​ണ്ടാ​യി​രി​ക്കേ​ണ്ടതു പ്രധാ​ന​മാണ്‌.—യാക്കോബ്‌ 3:2.

ഭാര്യ ആത്മാർഥ​ത​യോ​ടെ മുൻകൈ എടുത്തു പ്രവർത്തി​ക്കു​ന്നതു വിവേ​ക​ത്തോ​ടെ​യാ​ണെ​ങ്കിൽ, പല പുരു​ഷ​ന്മാ​രും അതു വിലമ​തി​ക്കാൻ ഇടയാ​കും. തെറ്റു ചെയ്യു​മ്പോൾ ഇരുവ​രും ക്ഷമചോ​ദി​ക്കു​ക​യാ​ണെ​ങ്കിൽ സഹകരണം വർധി​ക്കു​ന്നു. യഹോവ നമ്മുടെ ദൈനം​ദിന തെറ്റു​കു​റ്റങ്ങൾ ക്ഷമിക്കു​ന്ന​തു​പോ​ലെ നാം മറ്റുള്ള​വ​രോ​ടും ക്ഷമിക്കണം. “യഹോവേ, നീ അകൃത്യ​ങ്ങളെ ഓർമ്മ​വെ​ച്ചാൽ കർത്താവേ, ആർ നിലനി​ല്‌ക്കും?. . . നിന്റെ പക്കൽ വിമോ​ചനം [“ക്ഷമ,” NW] ഉണ്ടു.”—സങ്കീർത്തനം 130:3, 4.

‘അന്യോ​ന്യ​മുള്ള കീഴ്‌പെടൽ’

അപ്പോൾ, മെച്ചപ്പെട്ട പരസ്‌പര ക്ഷേമത്തി​നു​വേണ്ടി തിരു​വെ​ഴു​ത്തു​കൾ ഇപ്രകാ​രം ഉപദേ​ശി​ക്കു​ന്നു: “ക്രിസ്‌തു​വി​ന്റെ ഭയത്തിൽ അന്യോ​ന്യം കീഴ്‌പെ​ട്ടി​രി​പ്പിൻ.” പരസ്‌പരം സ്‌നേ​ഹ​പു​ര​സ്സ​ര​മായ ആദരവു കാട്ടുക; ഇടഞ്ഞു​നിൽക്കു​ക​യോ മത്സരി​ക്കു​ക​യോ ചെയ്യരുത്‌. വാക്യം തുടരു​ന്നു: “ഭാര്യ​മാ​രേ, കർത്താ​വി​ന്നു എന്നപോ​ലെ സ്വന്ത ഭർത്താ​ക്ക​ന്മാർക്കു കീഴട​ങ്ങു​വിൻ. ക്രിസ്‌തു ശരീര​ത്തി​ന്റെ രക്ഷിതാ​വാ​യി സഭെക്കു തലയാ​കു​ന്ന​തു​പോ​ലെ ഭർത്താവു ഭാര്യെ​ക്കു തലയാ​കു​ന്നു.”—എഫെസ്യർ 5:21-23.

എഫെസ്യർ 5:21, 22-ൽ പൗലൊസ്‌ ഉപയോ​ഗിച്ച ഗ്രീക്കു പദം, സ്വയം കീഴ്‌പെ​ടുക എന്നാണ്‌ അർഥമാ​ക്കു​ന്നത്‌, അല്ലാതെ കീഴ്‌പെ​ടാൻ നിർബ​ന്ധി​ത​രാ​കുക എന്നല്ല. കീഴ്‌പെടൽ വിവാ​ഹ​ത്തി​ന്റെ യോജി​പ്പി​നു​വേണ്ടി മാത്ര​മു​ള്ളതല്ല, അതു കർത്താ​വി​നു​വേ​ണ്ടി​യു​ള്ള​താണ്‌. ക്രിസ്‌തു​വി​ന്റെ അഭിഷിക്ത സഭ സ്വമേ​ധയാ, സന്തോ​ഷ​പൂർവം ക്രിസ്‌തു​വി​നു കീഴ്‌പെ​ടു​ന്നു. ഭാര്യ ഭർത്താ​വി​നോ​ടും അപ്രകാ​രം ചെയ്യു​മ്പോൾ സാധ്യ​ത​യ​നു​സ​രിച്ച്‌ വിവാഹം സന്തുഷ്ടി​യു​ള്ള​തും വിജയ​പ്ര​ദ​വു​മാ​യി​രി​ക്കും.

തിരു​വെ​ഴു​ത്തു​കൾ ഇങ്ങനെ​യും പറയുന്നു: ഉദാര​മാ​യി, ‘ഓരോ [ഭർത്താ​ക്ക​ന്മാ​രും] താന്താന്റെ ഭാര്യയെ തന്നെ​പ്പോ​ലെ തന്നേ സ്‌നേ​ഹി​ക്കേണം.’ (എഫെസ്യർ 5:33; 1 പത്രൊസ്‌ 3:7) താനും തന്റെ ശിരസ്സി​നു കീഴ്‌പെ​ട്ടി​രി​ക്കേ​ണ്ട​താ​ണെന്നു ഭർത്താ​വും മനസ്സിൽ പിടി​ക്കണം. കാരണം, ബൈബിൾ ഇങ്ങനെ പറയുന്നു: “ഏതു പുരു​ഷ​ന്റെ​യും തല ക്രിസ്‌തു.” അതേ, പുരുഷൻ ക്രിസ്‌തു​വി​ന്റെ പഠിപ്പി​ക്ക​ലു​ക​ളോ​ടു കീഴ്‌പെ​ട്ടി​രി​ക്കേ​ണ്ട​താണ്‌. ക്രമത്തിൽ, ക്രിസ്‌തു തന്റെ ശിരസ്സി​നു കീഴ്‌പെ​ട്ടി​രി​ക്കു​ന്നു: “ക്രിസ്‌തു​വി​ന്റെ തല ദൈവം.” അങ്ങനെ, യഹോ​വ​യ്‌ക്കൊ​ഴി​കെ മറ്റെല്ലാ​വർക്കും ഒരു ശിരസ്സുണ്ട്‌. മാത്രമല്ല, യഹോവ തന്റെ നിയമ​ങ്ങ​ളോ​ടു പറ്റിനിൽക്കു​ക​പോ​ലും ചെയ്യുന്നു.—1 കൊരി​ന്ത്യർ 11:3; തീത്തൊസ്‌ 1:2; എബ്രായർ 6:18.

ക്രിസ്‌തീ​യ കീഴ്‌പെടൽ സന്തുലി​ത​വും ഇരുലിം​ഗ​ത്തിൽപ്പെ​ട്ട​വർക്കും പ്രയോ​ജ​ന​പ്ര​ദ​വു​മാണ്‌. സ്‌നേ​ഹ​വാ​നായ നമ്മുടെ സ്രഷ്ടാ​വി​നു മാത്രം പ്രദാനം ചെയ്യാൻ കഴിയുന്ന യോജി​പ്പും സംതൃ​പ്‌തി​യും അതു വിവാ​ഹ​ത്തിൽ കൈവ​രു​ത്തു​ന്നു.—ഫിലി​പ്പി​യർ 4:7.

[14-ാം പേജിലെ ചിത്ര​ത്തിന്‌ കടപ്പാട്‌]

Leslie’s