ശരിയായ മതം അറിയു​ന്ന​തോ​ടൊ​പ്പം ഉത്തരവാ​ദി​ത്വ​വും ഉണ്ടാകു​ന്നു

“ദൈവ​ത്തി​ന്റെ വചനം കേട്ടു പ്രമാ​ണി​ക്കു​ന്നവർ അത്രേ ഭാഗ്യ​വാൻമാർ [സന്തുഷ്ടർ, NW].”—ലൂക്കൊസ്‌ 11:28.

1. ശരിയാ​യ​മതം ഒരിക്കൽ തിരി​ച്ച​റി​ഞ്ഞാൽ ഏതു തരത്തി​ലുള്ള ആളുക​ളാ​ണു തങ്ങളുടെ ജീവിതം അതിനു ചുററും കെട്ടി​പ്പ​ടു​ക്കു​ന്നത്‌?

ശരിയായ മതം തിരി​ച്ച​റി​യു​ന്ന​തു​മാ​ത്രം മതിയാ​കു​ന്നില്ല. നാം ശരിയും സത്യവു​മായ കാര്യ​ങ്ങളെ സ്‌നേ​ഹി​ക്കു​ന്ന​വ​രാ​ണെ​ങ്കിൽ ഒരിക്കൽ അതു കണ്ടെത്തി​യാൽ നമ്മുടെ ജീവി​തത്തെ അതിനു ചുററും കെട്ടി​പ്പ​ടു​ക്കാൻ നാം ശ്രമി​ക്കും. ശരിയായ മതം വെറു​മൊ​രു മാനസിക തത്ത്വശാ​സ്‌ത്രമല്ല; അത്‌ ഒരു ജീവി​ത​രീ​തി​യാണ്‌.—സങ്കീർത്തനം 119:105; യെശയ്യാ​വു 2:3; താരത​മ്യം ചെയ്യുക: പ്രവൃ​ത്തി​കൾ 9:2.

2, 3. (എ) ദൈവ​ഹി​തം ചെയ്യു​ന്ന​തി​ന്റെ പ്രാധാ​ന്യം യേശു ഊന്നി​പ്പ​റ​ഞ്ഞത്‌ എങ്ങനെ? (ബി) ശരിയായ മതം അറിയാ​വുന്ന ഓരോ​രു​ത്തർക്കും എന്ത്‌ ഉത്തരവാ​ദി​ത്വ​മാ​ണു​ള്ളത്‌?

² തന്റെ ഹിതമെന്ന നിലയിൽ ദൈവം വെളി​പ്പെ​ടു​ത്തിയ കാര്യങ്ങൾ ചെയ്യു​ന്ന​തി​ന്റെ പ്രാധാ​ന്യ​ത്തെ​ക്കു​റിച്ച്‌ യേശു​ക്രി​സ്‌തു ഊന്നി​പ്പ​റഞ്ഞു. ഗിരി​പ്ര​ഭാ​ഷണം എന്നറി​യ​പ്പെ​ടു​ന്ന​തി​ന്റെ ഉപസം​ഹാ​ര​ത്തിൽ യേശു​ക്രി​സ്‌തു അതു മനസ്സി​ലാ​ക്കി​ത്തന്നു. അവനെ കർത്താവേ എന്നു വിളി​ക്കുന്ന (അങ്ങനെ ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടുന്ന) ഏവരു​മാ​യി​രി​ക്കില്ല രാജ്യ​ത്തിൽ പ്രവേ​ശി​ക്കു​ന്നത്‌ മറിച്ച്‌, തന്റെ പിതാ​വി​ന്റെ ഇഷ്ടം ചെയ്യു​ന്ന​വ​രാ​യി​രി​ക്കും പ്രവേ​ശി​ക്കു​ന്നത്‌ എന്ന്‌ യേശു പറഞ്ഞു. മററു​ള്ളവർ “അധർമ്മം പ്രവർത്തി​ക്കു​ന്നവ”രായി പുറന്ത​ള്ള​പ്പെ​ടും എന്ന്‌ അവൻ പറഞ്ഞു. അധർമ​മാ​യി​രി​ക്കു​ന്നത്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ ദൈവ​ഹി​തം ചെയ്യു​ന്ന​തി​ലുള്ള പരാജയം പാപമാണ്‌ എന്നു ബൈബിൾ പറയുന്നു, പാപം അധർമ​മാണ്‌. (മത്തായി 7:21-23; 1 യോഹ​ന്നാൻ 3:4; താരത​മ്യം ചെയ്യുക: റോമർ 10:2, 3.) ഒരു വ്യക്തി ഒരുപക്ഷേ ശരിയായ മതം ഏതാ​ണെന്നു തിരി​ച്ച​റി​ഞ്ഞേ​ക്കാം, അതു പഠിപ്പി​ക്കു​ന്ന​വരെ അയാൾ പ്രശം​സി​ച്ചേ​ക്കാം, അത്‌ ആചരി​ക്കു​ന്ന​വ​രെ​ക്കു​റിച്ച്‌ അയാൾ പുകഴ്‌ത്തി​പ്പ​റ​ഞ്ഞെ​ന്നും വരാം. എന്നാൽ, തന്റെ സ്വന്തം ജീവി​ത​ത്തിൽ അതു ബാധക​മാ​ക്കു​ന്ന​തി​നുള്ള ഉത്തരവാ​ദി​ത്വം​കൂ​ടെ അയാൾക്കുണ്ട്‌. (യാക്കോബ്‌ 4:17) ആ ഉത്തരവാ​ദി​ത്വം അയാൾ ഏറെറ​ടു​ത്താൽ തന്റെ ജീവിതം പരിപു​ഷ്ടി​യു​ള്ള​തെന്നു കണ്ടെത്തു​ക​യും മറെറാ​രു​വി​ധ​ത്തി​ലും കൈവ​രി​ക്കാ​നാ​വാത്ത സന്തുഷ്ടി അയാൾ അനുഭ​വി​ക്കു​ക​യും ചെയ്യും.

³ ശരിയായ മതത്തെ തിരി​ച്ച​റി​യു​ന്ന​തി​നുള്ള ആറ്‌ അടയാ​ളങ്ങൾ നാം കഴിഞ്ഞ ലേഖന​ത്തിൽ പരിചി​ന്തി​ച്ചു. അവയി​ലോ​രോ​ന്നും ശരിയായ മതത്തെ തിരി​ച്ച​റി​യു​ന്ന​തി​നു നമ്മെ സഹായി​ക്കുക മാത്രമല്ല, വ്യക്തി​പ​ര​മാ​യി വെല്ലു​വി​ളി​ക​ളും സാഹച​ര്യ​ങ്ങ​ളും നമ്മുടെ മുമ്പാകെ തുറന്നി​ടു​ക​യും ചെയ്യുന്നു. അതെങ്ങനെ?

ദൈവ​വ​ച​ന​ത്തോ​ടു നിങ്ങൾ എങ്ങനെ പ്രതി​ക​രി​ക്കും?

4. (എ) പുതിയ ആളുകൾ യഹോ​വ​യു​ടെ സാക്ഷി​ക​ളു​മാ​യി സഹവസി​ക്കാൻ തുടങ്ങു​മ്പോൾ സാക്ഷി​ക​ളു​ടെ ബൈബിൾ ഉപയോ​ഗ​ത്തെ​ക്കു​റിച്ച്‌ അവർ പെട്ടെന്ന്‌ നിരീ​ക്ഷി​ക്കു​ന്നത്‌ എന്താണ്‌? (ബി) ആത്മീയ​മാ​യി നല്ലരീ​തി​യിൽ പോഷി​പ്പി​ക്ക​പ്പെ​ടു​ന്നത്‌ യഹോ​വ​യു​ടെ ദാസൻമാ​രെ എങ്ങനെ ബാധി​ക്കു​ന്നു?

⁴ താത്‌പ​ര്യം പ്രകടി​പ്പിച്ച പുതി​യ​വ​രോ​ടൊ​പ്പം യഹോ​വ​യു​ടെ സാക്ഷികൾ ബൈബിൾ പഠിക്കു​മ്പോൾ, പഠിപ്പി​ക്കു​ന്നതു ബൈബി​ളിൽനി​ന്നാ​ണെന്ന്‌ അവരി​ല​നേ​ക​രും പെട്ടെന്നു ഗ്രഹി​ക്കു​ന്നു. അവരുടെ ചോദ്യ​ങ്ങൾക്ക്‌ ഉത്തരമാ​യി സഭാ പ്രമാ​ണ​ങ്ങ​ളി​ലേ​ക്കോ മാനുഷ പാരമ്പ​ര്യ​ങ്ങ​ളി​ലേ​ക്കോ പ്രമു​ഖ​രായ ആളുക​ളു​ടെ അഭി​പ്രാ​യ​ങ്ങ​ളി​ലേ​ക്കോ അല്ല അവരുടെ ശ്രദ്ധ തിരി​ക്കു​ന്നത്‌. ദൈവ​ത്തി​ന്റെ സ്വന്തം വചനമാ​ണു പ്രമാ​ണ​ഗ്രന്ഥം. രാജ്യ​ഹാ​ളിൽ പോകു​മ്പോൾ അവി​ടെ​യും പ്രധാന പാഠ്യ​പു​സ്‌തകം ബൈബി​ളാ​ണെന്ന്‌ അവർ നിരീ​ക്ഷി​ക്കു​ന്നു. യഹോ​വ​യു​ടെ സാക്ഷി​ക​ളു​ടെ ഇടയിലെ സന്തോ​ഷ​ത്തി​ന്റെ പ്രമുഖ കാരണം അവർ ദൈവ​വ​ച​ന​ത്തിൽനിന്ന്‌ ആത്മീയ​മാ​യി നല്ലവണ്ണം പോഷി​പ്പി​ക്ക​പ്പെ​ടു​ന്നു​വെ​ന്ന​താണ്‌ എന്ന്‌ ആത്മാർഥ​രായ സത്യാ​ന്വേ​ഷി​കൾക്കു തിരി​ച്ച​റി​യാൻ അധിക​സ​മയം വേണ്ടി​വ​രില്ല.—യെശയ്യാ​വു 65:13, 14.

5. (എ) യഹോ​വ​യു​ടെ സാക്ഷി​കളെ നിരീ​ക്ഷി​ക്കുന്ന ആളുകൾക്കു മുമ്പാ​കെ​യുള്ള വെല്ലു​വി​ളി എന്ത്‌? (ബി) സാക്ഷി​ക​ളു​ടെ സന്തോ​ഷ​ത്തിൽ അവർക്ക്‌ എങ്ങനെ പങ്കുപ​റ​റാം?

⁵ നിങ്ങൾ ഇതു തിരി​ച്ച​റി​യു​ന്നു​വെ​ങ്കിൽ അതി​നോട്‌ എങ്ങനെ പ്രതി​ക​രി​ക്കും? അതിന്റെ ആശയം പിടി​കി​ട്ടി​യാൽ വെറും ഒരു നിരീ​ക്ഷകൻ മാത്ര​മാ​യി നില​കൊ​ള്ളാൻ നിങ്ങൾക്കു കഴിയില്ല, അങ്ങനെ​യാ​യി​രി​ക്കാൻ നിങ്ങൾ ആഗ്രഹി​ക്കാ​നും പാടില്ല. “വചനം കേൾക്ക മാത്രം ചെയ്‌തു​കൊ​ണ്ടു” “അതിനെ ചെയ്യു​ന്ന​വരാ”യിരി​ക്കാ​ഞ്ഞാൽ അവർ ‘തങ്ങളെ​തന്നെ ചതിക്കു​ക​യാണ്‌’ ചെയ്യു​ന്നത്‌ എന്നു ബൈബിൾ കാണി​ക്കു​ന്നു. (യാക്കോബ്‌ 1:22) അവർ തങ്ങളെ​ത്തന്നെ ചതിക്കു​ന്നു എന്നു പറയാൻ കാരണം, അവർ എന്തുതന്നെ പറഞ്ഞാ​ലും ദൈവത്തെ അനുസ​രി​ക്കു​ന്ന​തി​ലുള്ള അവരുടെ പരാജയം വാസ്‌ത​വ​ത്തിൽ ദൈവ​ത്തോ​ടുള്ള അവരുടെ സ്‌നേ​ഹ​മി​ല്ലാ​യ്‌മ​യെ​യാ​ണു കാണി​ക്കു​ന്നത്‌ എന്നു തിരി​ച്ച​റി​യു​ന്ന​തിൽ അവർ പരാജ​യ​പ്പെ​ടു​ന്നു എന്നതാണ്‌. പ്രവൃ​ത്തി​ക​ളാൽ പിന്തു​ണ​ക്ക​പ്പെ​ടാത്ത വിശ്വാ​സം ചത്തതാണ്‌. (യാക്കോബ്‌ 2:18-26; 1 യോഹ​ന്നാൻ 5:3) അതിനു വിപരീ​ത​മാ​യി, യഹോ​വ​യോ​ടുള്ള സ്‌നേ​ഹ​ത്താൽ പ്രേരി​ത​നായ ഒരുവൻ “പ്രവൃത്തി ചെയ്യു​ന്ന​വ​നാ​യി താൻ ചെയ്യു​ന്ന​തിൽ ഭാഗ്യ​വാൻ ആകും.” അതേ, യേശു​ക്രി​സ്‌തു വിശദീ​ക​രി​ച്ച​പ്ര​കാ​രം: “ദൈവ​ത്തി​ന്റെ വചനം കേട്ടു പ്രമാ​ണി​ക്കു​ന്നവർ അത്രേ ഭാഗ്യ​വാൻമാർ [സന്തുഷ്ടർ, NW].”—യാക്കോബ്‌ 1:25; ലൂക്കൊസ്‌ 11:28; യോഹ​ന്നാൻ 13:17.

6. നാം യഥാർഥ​ത്തിൽ ദൈവ​വ​ച​നത്തെ വിലമ​തി​ക്കു​ന്നു​വെ​ങ്കിൽ നാം ഏതി​നെ​ല്ലാ​മുള്ള അവസരങ്ങൾ തേടും?

⁶ ദൈവ​ഹി​ത​ത്തെ​ക്കു​റി​ച്ചുള്ള അറിവിൽ വളരു​ക​യും അങ്ങനെ കൂടു​ത​ലാ​യി പഠിക്കുന്ന കാര്യങ്ങൾ പ്രാവർത്തി​ക​മാ​ക്കു​ക​യും ചെയ്യു​മ്പോൾ ആ സന്തോഷം നിങ്ങളിൽ ആഴത്തിൽ വേരൂ​ന്നും. ദൈവ​വ​ചനം പഠിക്കു​ന്ന​തി​നു നിങ്ങൾ എത്രമാ​ത്രം ശ്രമം ചെലു​ത്തും? നിരക്ഷ​ര​രാ​യി​രുന്ന പതിനാ​യി​ര​ക്ക​ണ​ക്കി​നു വ്യക്തികൾ വായി​ക്കാ​നും പഠിക്കാ​നും കഠിന​ശ്രമം ചെലു​ത്തി​യി​ട്ടുണ്ട്‌. തിരു​വെ​ഴു​ത്തു​കൾ വായി​ക്കു​ക​യും അതു മററു​ള്ള​വരെ പഠിപ്പി​ക്കു​ക​യും ചെയ്യുക എന്ന ഉദ്ദേശ്യ​ത്തി​ലാണ്‌ അവർ വിശേ​ഷി​ച്ചും അങ്ങനെ ചെയ്‌തി​രി​ക്കു​ന്നത്‌. മററു ചിലർ ബൈബിൾ വായി​ക്കു​ക​യോ വീക്ഷാ​ഗോ​പു​രം​പോ​ലുള്ള ബൈബി​ള​ധ്യ​യന സഹായി​കൾ വായി​ക്കു​ക​യോ ചെയ്‌തു​കൊ​ണ്ടു കുറച്ചു​സ​മയം ചെലവി​ടു​ന്ന​തിന്‌ ഓരോ ദിവസ​വും അതിരാ​വി​ലെ എഴു​ന്നേൽക്കു​ന്നു. നിങ്ങൾ തുടർച്ച​യാ​യി ബൈബിൾ വായി​ക്കു​ക​യോ മറേറ​തെ​ങ്കി​ലും അധ്യയന ഭാഗത്തു പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ എടുത്തു​നോ​ക്കു​ക​യോ ചെയ്യു​മ്പോൾ അതില​ട​ങ്ങി​യി​രി​ക്കുന്ന യഹോ​വ​യു​ടെ നിയമ​ങ്ങ​ളും കല്‌പ​ന​ക​ളും സൂക്ഷ്‌മ​മാ​യി മനസ്സി​ലാ​ക്കുക. കൂടാതെ, നമ്മുടെ മാർഗ​നിർദേ​ശ​ത്തി​നാ​യി അവിടെ നൽകി​യി​രി​ക്കുന്ന അനേകം തത്ത്വങ്ങൾ വിവേ​ചി​ച്ച​റി​യാ​നും ശ്രമി​ക്കുക. ദൈവ​ത്തെ​യും അവന്റെ ഉദ്ദേശ്യ​ത്തെ​യും മനുഷ്യ​രു​മാ​യുള്ള അവന്റെ ഇടപെ​ട​ലു​ക​ളെ​യും​കു​റിച്ച്‌ ഓരോ ഭാഗവും വെളി​പ്പെ​ടു​ത്തി​യി​രി​ക്കുന്ന കാര്യ​ങ്ങ​ളെ​ക്കു​റി​ച്ചു ധ്യാനി​ക്കുക. ഇതു നിങ്ങളു​ടെ ഹൃദയത്തെ രൂപ​പ്പെ​ടു​ത്തു​ന്ന​തി​നു സമയം അനുവ​ദി​ക്കുക. ബൈബി​ളി​ലെ ബുദ്ധ്യു​പ​ദേശം നിങ്ങളു​ടെ സ്വന്തം ജീവി​ത​ത്തിൽ ഏറെ മെച്ചമാ​യി ബാധക​മാ​ക്കാൻപ​റ​റിയ വഴിക​ളു​ണ്ടോ​യെന്നു പരിചി​ന്തി​ക്കുക.—സങ്കീർത്തനം 1:1, 2; 19:7-11; 1 തെസ്സ​ലൊ​നീ​ക്യർ 4:1.

യഹോ​വ​യോ​ടുള്ള നിങ്ങളു​ടെ ഭക്തി തികവു​ള്ള​താ​ണോ?

7. (എ) ത്രിത്വ സിദ്ധാന്തം ദൈവത്തെ ആരാധി​ക്കു​ന്ന​തി​നുള്ള ആളുക​ളു​ടെ ഉദ്യമത്തെ സ്വാധീ​നി​ച്ചി​രി​ക്കു​ന്ന​തെ​ങ്ങനെ? (ബി) ഒരു വ്യക്തി യഹോ​വ​യെ​ക്കു​റി​ച്ചുള്ള സത്യം അറിയു​മ്പോൾ എന്തു സംഭവി​ച്ചേ​ക്കാം?

⁷ സത്യ​ദൈവം ഒരു ത്രിത്വ​മല്ല എന്ന്‌ അറിയാൻ കഴിഞ്ഞത്‌ ലക്ഷക്കണ​ക്കിന്‌ ആളുകളെ സംബന്ധിച്ച്‌ ഒരു ആശ്വാ​സ​മാ​യി​ട്ടുണ്ട്‌. “അതൊരു മർമമാണ്‌” എന്ന വിശദീ​ക​രണം അവരെ ഒരിക്ക​ലും സംതൃ​പ്‌ത​രാ​ക്കി​യില്ല. അജ്ഞേയ​നായ ഒരു ദൈവ​ത്തി​ലേക്ക്‌ അവർക്ക്‌ എങ്ങനെ അടുക്കാൻ കഴിയും? ആ പഠിപ്പി​ക്ക​ലി​ന്റെ ഫലമായി അവർ പിതാ​വി​നെ അവഗണി​ക്കു​ന്ന​തി​നും (ദൈവ​ത്തി​ന്റെ പേര്‌ അവർ ഒരിക്ക​ലും പള്ളിയിൽ കേട്ടി​ട്ടില്ല) യേശു​വി​നെ ദൈവ​മാ​യി ആരാധി​ക്കു​ന്ന​തി​നും അതുമ​ല്ലെ​ങ്കിൽ അവരുടെ ആരാധന മറിയക്ക്‌ നൽകു​ന്ന​തി​നും (മറിയ “ദൈവ​മാ​താവ്‌” ആണെന്നാണ്‌ അവരെ പഠിപ്പി​ച്ചി​രി​ക്കു​ന്നത്‌) പ്രേരി​ത​രാ​യി. എന്നാൽ യഹോ​വ​യു​ടെ സാക്ഷി​ക​ളിൽ ഒരാൾ ബൈബിൾ തുറന്ന്‌ ദൈവ​ത്തി​ന്റെ വ്യക്തി​പ​ര​മായ നാമം യഹോവ എന്നാ​ണെന്ന്‌ അവരെ കാണി​ച്ച​പ്പോൾ അവരുടെ ഹൃദയം സന്തോ​ഷ​ത്തോ​ടെ പ്രതി​ക​രി​ച്ചു. (സങ്കീർത്തനം 83:18) വെനെ​സ്വേ​ല​ക്കാ​രി​യായ ഒരു സ്‌ത്രീ​ക്കു ദിവ്യ​നാ​മം കാണി​ച്ചു​കൊ​ടു​ത്ത​പ്പോൾ മഹത്തായ ആ സത്യം അവരു​മാ​യി പങ്കിട്ട ആ യുവ സാക്ഷിയെ അവർ ആനന്ദാ​തി​രേ​ക​ത്താൽ അക്ഷരാർഥ​ത്തിൽ വാരി​പ്പു​ണർന്നു. ഒരു ഭവന ബൈബി​ള​ധ്യ​യനം നടത്താൻ അവർ സമ്മതി​ക്കു​ക​യും ചെയ്‌തു. യേശു തന്റെ പിതാ​വി​നെ​ക്കു​റിച്ച്‌ “എന്റെ ദൈവ​വും നിങ്ങളു​ടെ ദൈവ”വുമെന്നു പറഞ്ഞു​വെ​ന്നും തന്റെ പിതാ​വി​നെ “ഏകസത്യ​ദൈവ”മെന്നു വിളി​ച്ചു​വെ​ന്നും അത്തരം ആളുകൾ മനസ്സി​ലാ​ക്കു​മ്പോൾ ദൈവ​ത്തെ​ക്കു​റി​ച്ചു ബൈബിൾ പഠിപ്പി​ക്കു​ന്നത്‌ അജ്ഞേയ​മ​ല്ലെന്ന്‌ അവർ തിരി​ച്ച​റി​യു​ന്നു. (യോഹ​ന്നാൻ 17:3; 20:17) യഹോ​വ​യു​ടെ ഗുണങ്ങ​ളെ​ക്കു​റിച്ച്‌ അറിയു​മ്പോൾ അവർ ദൈവ​ത്തി​ലേക്ക്‌ അടുക്കു​ന്ന​താ​യി തോന്നു​ക​യും അവനോ​ടു പ്രാർഥി​ക്കാൻ തുടങ്ങു​ക​യും അവനെ സന്തോ​ഷി​പ്പി​ക്കാൻ ആഗ്രഹി​ക്കു​ക​യും ചെയ്യുന്നു. ഫലമോ?

8. (എ) യഹോ​വ​യോ​ടുള്ള തങ്ങളുടെ സ്‌നേ​ഹ​വും അവനെ സന്തോ​ഷി​പ്പി​ക്കാ​നുള്ള ആഗ്രഹ​വും​മൂ​ലം ലക്ഷക്കണ​ക്കി​നാ​ളു​കൾ എന്തു ചെയ്‌തി​രി​ക്കു​ന്നു? (ബി) ക്രിസ്‌തീയ സ്‌നാ​പനം ജീവത്‌പ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁸ കഴിഞ്ഞ പത്തു വർഷം​കൊണ്ട്‌ ആറു ഭൂഖണ്ഡ​ങ്ങ​ളി​ലും അസംഖ്യം ദ്വീപു​ക​ളി​ലു​മാ​യി 25,28,524 പേർ തങ്ങളുടെ ജീവിതം യഹോ​വക്കു സമർപ്പി​ക്കു​ക​യും ആ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തു​ക​യും ചെയ്‌തു. നിങ്ങൾ അവരിൽ ഒരാളാ​യി​രു​ന്നു​വോ? അതോ നിങ്ങൾ ഇപ്പോൾ സ്‌നാ​പ​ന​ത്തി​നു തയ്യാ​റെ​ടു​ക്കു​ക​യാ​ണോ? സ്‌നാ​പനം ഓരോ സത്യ​ക്രി​സ്‌ത്യാ​നി​യു​ടെ​യും ജീവി​ത​ത്തി​ലെ ഒരു പ്രധാന നാഴി​ക​ക്ക​ല്ലാണ്‌. സകല രാഷ്‌ട്ര​ങ്ങ​ളി​ലെ​യും ജനങ്ങളെ ശിഷ്യ​രാ​ക്കു​ക​യും അവരെ സ്‌നാ​പ​ന​പ്പെ​ടു​ത്തു​ക​യും ചെയ്യു​വാൻ യേശു തന്റെ അനുഗാ​മി​കൾക്കു നിയോ​ഗം നൽകി. (മത്തായി 28:19, 20) യഹോവ സ്വർഗ​ത്തിൽനിന്ന്‌ “നീ എന്റെ പ്രിയ പുത്രൻ; നിന്നിൽ ഞാൻ പ്രസാ​ദി​ച്ചി​രി​ക്കു​ന്നു” എന്നു പറഞ്ഞത്‌ യേശു​വി​ന്റെ സ്‌നാ​പനം കഴിഞ്ഞ ഉടനെ​യാണ്‌ എന്നതും ശ്രദ്ധേ​യ​മാണ്‌.—ലൂക്കൊസ്‌ 3:21, 22.

9. യഹോ​വ​യു​മാ​യി ഒരു അംഗീ​കൃത ബന്ധം നിലനിർത്തു​ന്ന​തിന്‌ നമ്മുടെ പക്ഷത്തു​നിന്ന്‌ എന്ത്‌ ആവശ്യ​മാണ്‌?

⁹ യഹോ​വ​യു​മാ​യുള്ള അംഗീ​കൃത ബന്ധം വളരെ​യ​ധി​കം വിലമ​തി​ക്കേണ്ട ഒന്നാണ്‌. നിങ്ങൾ സമർപ്പ​ണ​ത്തി​ലൂ​ടെ​യും സ്‌നാ​പ​ന​ത്തി​ലൂ​ടെ​യും അത്തര​മൊ​രു ബന്ധത്തി​ലേക്കു പ്രവേ​ശി​ച്ചി​ട്ടു​ണ്ടെ​ങ്കിൽ ആ ബന്ധത്തിനു കേടു​ത​ട്ടുന്ന എന്തി​നെ​യും ഒഴിവാ​ക്കുക. ജീവി​ത​ത്തി​ലെ ഉത്‌ക​ണ്‌ഠ​ക​ളും ഭൗതിക വസ്‌തു​ക്ക​ളി​ലുള്ള താത്‌പ​ര്യ​വും അതിനെ രണ്ടാം​സ്ഥാ​ന​ത്തേക്കു തള്ളിക്ക​ള​യാൻ അനുവ​ദി​ക്ക​രുത്‌. (1 തിമൊ​ഥെ​യൊസ്‌ 6:8-12) തീർച്ച​യാ​യും, “നിന്റെ എല്ലാവ​ഴി​ക​ളി​ലും അവനെ [യഹോവ] നിനെ​ച്ചു​കൊൾക; അവൻ നിന്റെ പാതകളെ നേരെ​യാ​ക്കും” എന്ന സദൃശ്യ​വാ​ക്യ​ങ്ങൾ 3:6-ലെ ബുദ്ധ്യു​പ​ദേ​ശ​ത്തി​നു ചേർച്ച​യിൽ ജീവി​ക്കുക.

ക്രിസ്‌തു​വി​ന്റെ സ്‌നേഹം എത്ര ആഴമായി നിങ്ങളെ ബാധി​ക്കു​ന്നു?

10. യഹോ​വയെ ആരാധി​ക്കു​ന്നത്‌ യേശു​വി​നെ അവഗണി​ക്കാൻ ഇടയാ​ക്കു​ന്നി​ല്ലാ​ത്തത്‌ എന്തു​കൊണ്ട്‌?

¹⁰ സത്യ​ദൈ​വ​മെന്ന നിലയിൽ യഹോ​വ​യോട്‌ ഒരുവൻ കാട്ടുന്ന ശരിയായ വിലമ​തിപ്പ്‌ അയാൾ യേശു​വി​നെ അവഗണി​ക്കാൻ തീർച്ച​യാ​യും ഇടയാ​ക്കു​ക​യില്ല. നേരേ മറിച്ച്‌, വെളി​പ്പാ​ടു 19:10 പറയു​ന്നത്‌ “യേശു​വി​ന്റെ സാക്ഷ്യ​മോ പ്രവച​ന​ത്തി​ന്റെ ആത്മാവു തന്നേ” എന്നാണ്‌. യഹോ​വ​യു​ടെ ഉദ്ദേശ്യ​ത്തിൽ യേശു​വി​നുള്ള റോളി​നെ​പ്പ​ററി നിശ്വസ്‌ത തിരു​വെ​ഴു​ത്തു​കൾ ഉൽപ്പത്തി മുതൽ വെളി​പാ​ടു വരെ വിശദാം​ശങ്ങൾ നൽകു​ന്നുണ്ട്‌. ഒരു വ്യക്തി ആ വിശദാം​ശങ്ങൾ മനസ്സി​ലാ​ക്കു​മ്പോൾ ക്രൈ​സ്‌ത​വ​ലോ​ക​ത്തി​ന്റെ വ്യാജ പഠിപ്പി​ക്ക​ലു​ക​ളു​ടെ ഫലമായി ഉളവാ​യി​ട്ടുള്ള വക്രഗ​തി​യിൽനി​ന്നും മിഥ്യാ​ധാ​ര​ണ​യിൽനി​ന്നും സ്വത​ന്ത്ര​മായ, മനോ​ജ്ഞ​മായ ഒരു ധാരണ ഉളവാ​കു​ന്നു.

11. ദൈവ​പു​ത്ര​നെ​ക്കു​റി​ച്ചു ബൈബിൾ യഥാർഥ​ത്തിൽ പഠിപ്പി​ക്കു​ന്നതു സംബന്ധി​ച്ചുള്ള അറിവ്‌ പോള​ണ്ടി​ലെ ഒരു സ്‌ത്രീ​യിൽ എപ്രകാ​രം സ്വാധീ​നം ചെലുത്തി?

¹¹ ദൈവ​പു​ത്ര​നെ​ക്കു​റി​ച്ചുള്ള സത്യം ഒരുവൻ ഉൾക്കൊ​ള്ളു​മ്പോൾ ആ സത്യത്തിന്‌ അയാളു​ടെ​മേൽ ശക്തമായ സ്വാധീ​നം ചെലു​ത്താൻ കഴിയും. പോള​ണ്ടി​ലെ ഡനൂറ​റ​യു​ടെ അനുഭവം അതായി​രു​ന്നു. അവൾ യഹോ​വ​യു​ടെ സാക്ഷി​ക​ളു​മാ​യി എട്ടു വർഷ​ത്തോ​ളം ബന്ധപ്പെ​ട്ടു​കൊ​ണ്ടി​രു​ന്നു. അവർ പഠിപ്പി​ക്കു​ന്ന​തെ​ല്ലാം അവൾ ആസ്വദി​ച്ചു. എന്നാൽ അവൾ സത്യാ​രാ​ധ​നയെ തന്റെ ജീവി​ത​രീ​തി​യാ​ക്കി​യില്ല. പിന്നീട്‌, ക്രിസ്‌തു​വി​ന്റെ ജീവിതം എളുപ്പ​ത്തിൽ മനസ്സി​ലാ​ക്കാ​വു​ന്ന​രീ​തി​യിൽ അവതരി​പ്പി​ച്ചി​രി​ക്കുന്ന ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യൻ പുസ്‌തകം അവൾക്കു കിട്ടി.a അന്നു സന്ധ്യക്ക്‌ ഒരധ്യാ​യം മാത്രം വായി​ക്കാ​മെന്ന ഉദ്ദേശ്യ​ത്തോ​ടെ അവൾ പുസ്‌തകം തുറന്നു. എന്നാൽ മുഴുവൻ വായിച്ചു തീരാതെ അവൾ അതു താഴെ​വെ​ച്ചില്ല. അപ്പോ​ഴേ​ക്കും നേരം വെളുത്തു കഴിഞ്ഞി​രു​ന്നു. അവൾ പൊട്ടി​ക്ക​ര​ഞ്ഞു​പോ​യി. “യഹോവേ, എന്നോടു പൊറു​ക്കേ​ണമേ” എന്ന്‌ അവൾ കേണ​പേ​ക്ഷി​ച്ചു. അവൾ വായി​ച്ച​തിൽനിന്ന്‌, യഹോ​വ​യും അവന്റെ പുത്ര​നും കാണി​ച്ചി​രി​ക്കുന്ന സ്‌നേ​ഹ​ത്തെ​ക്കു​റിച്ച്‌ എന്നത്തേ​ക്കാ​ളു​മ​ധി​കം വ്യക്തമാ​യി അവൾ ഗ്രഹിച്ചു. എട്ടു വർഷമാ​യി ദൈവം ക്ഷമയോ​ടെ തനിക്കു​നേരെ വെച്ചു​നീ​ട്ടിയ സ്‌നേ​ഹ​ത്തി​നു നന്ദിഹീ​ന​യാ​യി താൻ പുറം​തി​രി​ഞ്ഞു​ക​ള​യു​ക​യാ​യി​രു​ന്ന​ല്ലോ എന്ന്‌ അവൾ തിരി​ച്ച​റി​ഞ്ഞു. യഹോ​വ​ക്കാ​യുള്ള സമർപ്പ​ണ​ത്തി​ന്റെ പ്രതീ​ക​മാ​യി യേശു​ക്രി​സ്‌തു​വി​ലുള്ള വിശ്വാ​സത്തെ അടിസ്ഥാ​ന​പ്പെ​ടു​ത്തി അവൾ 1993-ൽ സ്‌നാ​പ​ന​മേ​ററു.

12. യേശു​ക്രി​സ്‌തു​വി​നെ​ക്കു​റി​ച്ചുള്ള സൂക്ഷ്‌മ​മായ അറിവ്‌ നമ്മുടെ ജീവി​തത്തെ എപ്രകാ​രം ബാധി​ക്കു​ന്നു?

¹² “നമ്മുടെ കർത്താ​വായ യേശു​ക്രി​സ്‌തു​വി​ന്റെ പരിജ്ഞാ​നം” സജീവ​വും ഫലപ്ര​ദ​വു​മായ ക്രിസ്‌ത്യാ​നി​യാ​യി​രി​ക്കു​ന്ന​തി​നോ​ടു ബന്ധപ്പെ​ട്ടി​രി​ക്കു​ന്നു. (2 പത്രൊസ്‌ 1:8) രാജ്യ​സ​ന്ദേശം മററു​ള്ള​വ​രു​മാ​യി പങ്കുവ​യ്‌ക്കുന്ന ആ പ്രവർത്ത​ന​ത്തിൽ നിങ്ങൾക്ക്‌ എത്ര​ത്തോ​ളം പങ്കുണ്ടാ​യി​രി​ക്കും? വ്യക്തി​കൾക്ക്‌ എത്ര​ത്തോ​ളം ചെയ്യാ​നാ​കും എന്നത്‌ വ്യത്യസ്‌ത സാഹച​ര്യ​ങ്ങ​ളു​മാ​യി ബന്ധപ്പെ​ട്ടി​രി​ക്കു​ന്നു. (മത്തായി 13:18-23) ചില സാഹച​ര്യ​ങ്ങൾ നമുക്കു മാററാ​നാ​വില്ല; എന്നാൽ ചിലതു നമുക്കു കഴിയും. വരുത്താ​വുന്ന മാററങ്ങൾ തിരി​ച്ച​റിഞ്ഞ്‌ അപ്രകാ​രം ചെയ്യു​ന്ന​തി​നു നമ്മെ എന്തു പ്രേരി​പ്പി​ക്കും? “ക്രിസ്‌തു​വി​ന്റെ സ്‌നേഹം ഞങ്ങളെ നിർബ്ബ​ന്ധി​ക്കു​ന്നു” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. മററു​വാ​ക്കു​ക​ളിൽ പറഞ്ഞാൽ, നമുക്കാ​യി തന്റെ ജീവൻ വെടി​ഞ്ഞു​കൊണ്ട്‌ അവൻ പ്രകടി​പ്പിച്ച സ്‌നേഹം വളരെ സവി​ശേ​ഷ​മാ​ക​യാൽ അതി​നോ​ടുള്ള നമ്മുടെ വിലമ​തി​പ്പു വർധി​ക്കു​ന്ന​ത​നു​സ​രി​ച്ചു നമ്മുടെ ഹൃദയം പ്രേരി​ത​മാ​കു​ക​യും ചെയ്യും. തത്‌ഫ​ല​മാ​യി, സ്വയം പ്രീതി​പ്പെ​ടു​ത്തു​ന്ന​തി​നാ​യി ജീവി​ക്കു​ന്ന​തും സ്വാർഥ ലക്ഷ്യങ്ങൾ പിന്തു​ട​രു​ന്ന​തും തീർത്തും അനുചി​ത​മാ​ണെന്നു നാം തിരി​ച്ച​റി​യു​ന്നു. പകരം, തന്റെ ശിഷ്യൻമാർ ചെയ്യു​ന്ന​തി​നാ​യി യേശു​ക്രി​സ്‌തു അവരെ പഠിപ്പിച്ച വേലയ്‌ക്ക്‌ ഒന്നാം സ്ഥാനം നൽകു​ന്ന​തി​നു നാം നമ്മുടെ ചുമത​ലകൾ ക്രമ​പ്പെ​ടു​ത്തും.—2 കൊരി​ന്ത്യർ 5:14, 15.

ലോക​ത്തിൽനിന്ന്‌ വേർപെ​ട്ടു​നിൽക്കൽ—എത്ര​ത്തോ​ളം?

13. ലോക​ത്തി​ന്റെ ഭാഗമാ​യി​ത്തീർന്ന മതത്തിന്റെ ഭാഗമാ​യി​രി​ക്കാൻ നാം ആഗ്രഹി​ക്ക​രു​താ​ത്തത്‌ എന്തു​കൊണ്ട്‌?

¹³ ലോക​ത്തി​ന്റെ ഭാഗമാ​യി​രി​ക്കാ​നുള്ള ആഗ്രഹം​നി​മി​ത്തം ക്രൈ​സ്‌ത​വ​ലോ​ക​വും മററു മതങ്ങളും സൃഷ്ടി​ച്ചി​രി​ക്കുന്ന രേഖ കാണുക പ്രയാ​സമല്ല. സഭയുടെ ഫണ്ടുകൾ വിപ്ലവ​ക​ര​മായ പ്രവർത്ത​ന​ത്തി​നാ​യി ഉപയോ​ഗി​ച്ചി​രി​ക്കു​ന്നു, പുരോ​ഹി​തൻമാർ ഗറില്ലാ പോരാ​ട്ട​ക്കാ​രാ​യി തീർന്നി​രി​ക്കു​ന്നു. ലോക​ത്തി​ന്റെ വ്യത്യസ്‌ത ഭാഗങ്ങ​ളിൽ പരസ്‌പരം നടത്തുന്ന മതപര​മായ കക്ഷിവ​ഴ​ക്കു​ക​ളെ​ക്കു​റി​ച്ചു നാം ദിനം​തോ​റും വാർത്താ​പ​ത്ര​ങ്ങ​ളിൽ കാണുന്നു. അങ്ങനെ അവരുടെ കൈകൾ രക്തത്തിൽ കുതിർന്നി​രി​ക്ക​യാണ്‌. (യെശയ്യാ​വു 1:15) കൂടാതെ, ലോക​വ്യാ​പ​ക​മാ​യി വൈദി​കർ രാഷ്‌ട്രീയ രംഗങ്ങ​ളിൽ തുടർന്നും ചരടു​വലി നടത്തു​ക​യാണ്‌. സത്യാ​രാ​ധ​കർക്ക്‌ ഇതിൽ യാതൊ​രു പങ്കുമില്ല.—യാക്കോബ്‌ 4:1-4.

14. (എ) ലോക​ത്തിൽനിന്ന്‌ വേർപെ​ട്ടു​നിൽക്കാൻ ആഗ്രഹി​ക്കു​ന്ന​പക്ഷം വ്യക്തി​പ​ര​മാ​യി നാം എന്ത്‌ ഒഴിവാ​ക്കേ​ണ്ട​തുണ്ട്‌? (ബി) ലൗകിക മനോ​ഭാ​വ​ത്തി​ന്റെ​യും ആചാര​ങ്ങ​ളു​ടെ​യും കെണി​യിൽ അകപ്പെ​ടാ​തി​രി​ക്കു​ന്ന​തി​നു നമ്മെ സഹായി​ക്കാൻ എന്തിനു സാധി​ക്കും?

¹⁴ എന്നാൽ, ലോക​ത്തിൽനി​ന്നു വേർപെ​ട്ടു​നിൽക്കു​ന്ന​തിൽ അതിലു​മ​ധി​കം ഉൾപ്പെ​ട്ടി​രി​ക്കു​ന്നു. പണത്തോ​ടും പണത്തിനു വാങ്ങാൻ കഴിയു​ന്ന​തി​നോ​ടു​മുള്ള സ്‌നേഹം, വ്യക്തി​പ​ര​മായ പ്രാമു​ഖ്യ​ത​നേ​ടാ​നുള്ള ആഗ്രഹം, സുഖ​ലോ​ലു​പ​ത​ക്കു​വേ​ണ്ടി​യുള്ള നിരന്ത​ര​മായ അനുധാ​വനം എന്നിവ ലോക​ത്തി​ന്റെ സ്വഭാ​വ​വി​ശേ​ഷ​ത​ക​ളാണ്‌. കൂടാതെ, മററു​ള്ള​വ​രിൽ യഥാർഥ താത്‌പ​ര്യ​മെ​ടു​ക്കു​ന്ന​തി​ലുള്ള അഭാവം, നുണപ​റ​ച്ചിൽ, അസഭ്യ സംസാരം, അധികാ​രി​കൾക്കെ​തി​രെ​യുള്ള മത്സരം, ആത്മനി​യ​ന്ത്രണം പാലി​ക്കു​ന്ന​തി​ലുള്ള പരാജയം എന്നിവ​യും അവയ്‌ക്കു സമാന​മാണ്‌. (2 തിമൊ​ഥെ​യൊസ്‌ 3:2-5; 1 യോഹ​ന്നാൻ 2:15, 16) നമ്മുടെ അപൂർണ​ത​നി​മി​ത്തം ചില​പ്പോ​ഴെ​ല്ലാം നാം അത്തരം സ്വഭാ​വ​വി​ശേ​ഷ​ങ്ങ​ളിൽ ചിലതു പ്രതി​ഫ​ലി​പ്പി​ച്ചേ​ക്കാം. അത്തരം കെണികൾ ഒഴിവാ​ക്കു​ന്ന​തി​നുള്ള നമ്മുടെ പോരാ​ട്ട​ത്തിൽ നമ്മെ സഹായി​ക്കാൻ എന്തിനു സാധി​ക്കും? ഇതി​നെ​ല്ലാം പിന്നിൽ പ്രവർത്തി​ക്കു​ന്ന​താ​രാണ്‌ എന്നു നാം നമ്മെത്തന്നെ ഓർമി​പ്പി​ക്കേ​ണ്ട​തുണ്ട്‌. “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) ഗതി എത്രതന്നെ ആകർഷ​ക​മെന്നു തോന്നി​യാ​ലും ആരൊക്കെ അങ്ങനെ ജീവി​ച്ചാ​ലും യഹോ​വ​യു​ടെ പ്രധാന എതിരാ​ളി​യായ പിശാ​ചായ സാത്താ​നാണ്‌ അതിന്റെ പിന്നി​ലെന്നു നാം മനസ്സി​ലാ​ക്കു​മ്പോൾ അതു വാസ്‌ത​വ​ത്തിൽ എത്ര വൃത്തി​ഹീ​ന​മാ​ണെന്നു നാം തിരി​ച്ച​റി​യും.—സങ്കീർത്തനം 97:10.

നിങ്ങളു​ടെ സ്‌നേഹം എവി​ടെ​വരെ എത്തുന്നു?

15. നിങ്ങൾ നിരീ​ക്ഷിച്ച നിസ്വാർഥ​മായ സ്‌നേഹം സത്യമ​തത്തെ തിരി​ച്ച​റി​യു​ന്ന​തി​നു നിങ്ങളെ എങ്ങനെ സഹായി​ച്ചു?

¹⁵ നിങ്ങൾ ആദ്യമാ​യി യഹോ​വ​യു​ടെ സാക്ഷി​ക​ളു​മാ​യി സഹവസി​ക്കാൻ തുടങ്ങി​യ​പ്പോൾ, ലോക​ത്തി​ലെ പ്രവണ​ത​യ്‌ക്കു വിരു​ദ്ധ​മാ​യി അവരുടെ ഇടയിൽ പ്രകടി​ത​മായ സ്‌നേഹം നിസ്സം​ശ​യ​മാ​യും നിങ്ങളെ ആകർഷി​ച്ചു. നിസ്വാർഥ സ്‌നേ​ഹ​ത്തിൻമേ​ലുള്ള ഊന്നൽ യഹോ​വ​യു​ടെ നിർമ​ലാ​രാ​ധ​നയെ മററു സകല ആരാധ​നാ​രീ​തി​ക​ളിൽനി​ന്നും വേർതി​രി​ച്ചു​നിർത്തു​ന്നു. യഹോ​വ​യു​ടെ സാക്ഷികൾ വാസ്‌ത​വ​മാ​യും ശരിയായ മതം ആചരി​ക്കു​ന്നു​വെന്നു നിങ്ങളെ ബോധ്യ​പ്പെ​ടു​ത്തിയ സംഗതി ഒരുപക്ഷേ ഇതുത​ന്നെ​യാ​കാം. “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യൻമാർ എന്നു എല്ലാവ​രും അറിയും” എന്ന്‌ യേശു​ക്രി​സ്‌തു​തന്നെ പറഞ്ഞു.—യോഹ​ന്നാൻ 13:35.

16. വ്യക്തി​ക​ളെ​ന്ന​നി​ല​യിൽ നമ്മുടെ സ്‌നേ​ഹ​ത്തിൽ വിശാ​ല​ത​യു​ള്ള​വ​രാ​കാൻ നമുക്ക്‌ എന്തെല്ലാം അവസര​ങ്ങ​ളു​ണ്ടാ​യി​രി​ക്കാം?

¹⁶ ക്രിസ്‌തു​വി​ന്റെ ശിഷ്യ​രിൽ ഒരാളാ​ണു നിങ്ങളും എന്ന്‌ ആ ഗുണം തിരി​ച്ച​റി​യി​ക്കു​ന്നു​ണ്ടോ? നിങ്ങൾക്കു സ്‌നേഹം പ്രകടി​പ്പി​ക്കു​ന്ന​തിൽ വിശാ​ല​ത​യു​ള്ള​വ​രാ​യി​രി​ക്കാൻ മാർഗ​ങ്ങ​ളു​ണ്ടോ? നമു​ക്കെ​ല്ലാം അപ്രകാ​രം ചെയ്യാൻ കഴിയു​മെ​ന്ന​തിൽ സംശയ​മില്ല. രാജ്യ​ഹാ​ളി​ലു​ള്ള​വ​രോ​ടു സ്‌നേഹം പ്രകടി​പ്പി​ക്കു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നു. നമ്മെ സ്‌നേ​ഹി​ക്കു​ന്ന​വ​രെ​മാ​ത്രം നാം സ്‌നേ​ഹി​ച്ചാൽ നാമും ലോക​വും തമ്മിൽ എന്തു വ്യത്യാ​സ​മാ​ണു​ള്ളത്‌? “സകലത്തി​ന്നും മുമ്പെ തമ്മിൽ ഉററ സ്‌നേഹം ഉള്ളവരാ​യി​രി​പ്പിൻ” എന്നു ബൈബിൾ ഉത്‌ഘോ​ഷി​ക്കു​ന്നു. (1 പത്രൊസ്‌ 4:8) നാം ആരോ​ടാണ്‌ അധികം സ്‌നേഹം പ്രകടി​പ്പി​ക്കേ​ണ്ടത്‌? അത്‌ നമ്മു​ടേ​തിൽനി​ന്നു വ്യത്യസ്‌ത ചുററു​പാ​ടു​ള്ള​തും നമുക്ക്‌ അത്ര സുഖി​ക്കാത്ത രീതി​യിൽ ചില കാര്യങ്ങൾ ചെയ്യു​ന്ന​തു​മായ ഒരു ക്രിസ്‌തീയ സഹോ​ദ​ര​നോ​ടോ സഹോ​ദ​രി​യോ​ടോ ആണോ? രോഗ​മോ വാർധ​ക്യ​മോ നിമിത്തം യോഗ​ങ്ങൾക്കു ക്രമമാ​യി ഹാജരാ​കാൻ പററാത്ത ആരോ​ടെ​ങ്കി​ലു​മാ​ണോ? അതു നമ്മുടെ വിവാഹ ഇണയോ​ടാ​ണോ? അതോ, ഒരുപക്ഷേ അതു പ്രായം​ചെ​ന്നു​കൊ​ണ്ടി​രി​ക്കുന്ന നമ്മുടെ മാതാ​പി​താ​ക്ക​ളോ​ടാ​ണോ? കഠിന​മാ​യി അംഗ​വൈ​ക​ല്യം സംഭവിച്ച ഒരു കുടും​ബാം​ഗ​ത്തി​നു സദാ പരിച​രണം നൽകു​ന്ന​തിൽനിന്ന്‌ ഉളവാ​യേ​ക്കാ​വുന്ന പ്രയാ​സ​ക​ര​മായ സാഹച​ര്യ​ങ്ങളെ നേരി​ടു​മ്പോൾ സ്‌നേഹം ഉൾപ്പെ​ടെ​യുള്ള ആത്മാവി​ന്റെ ഗുണങ്ങൾ നല്ലരീ​തി​യിൽ പ്രകടി​പ്പി​ച്ചു​കൊ​ണ്ടി​രുന്ന ചിലർക്ക്‌, തങ്ങൾ അത്തരം ഗുണങ്ങ​ളെ​ല്ലാം വീണ്ടും പഠിക്കു​ക​യാണ്‌ എന്ന തോന്നൽ ഉണ്ടായി​ട്ടുണ്ട്‌. ഇത്തരം സാഹച​ര്യ​ങ്ങളെ അഭിമു​ഖീ​ക​രി​ക്കു​മ്പോൾപോ​ലും നമ്മുടെ സ്‌നേഹം തീർച്ച​യാ​യും നമ്മുടെ സ്വന്തം കുടും​ബാം​ഗ​ങ്ങൾക്കും അപ്പുറ​ത്തേക്ക്‌ എത്തേണ്ട​തുണ്ട്‌.

രാജ്യ സാക്ഷീ​ക​രണം—നിങ്ങൾക്ക്‌ എത്ര പ്രധാ​ന​മാണ്‌?

17. യഹോ​വ​യു​ടെ സാക്ഷി​ക​ളു​ടെ സന്ദർശ​ന​ത്തിൽനി​ന്നു വ്യക്തി​പ​ര​മാ​യി നാം പ്രയോ​ജ​ന​മ​നു​ഭ​വി​ച്ചി​ട്ടു​ണ്ടെ​ങ്കിൽ ഇപ്പോൾ എന്തു​ചെ​യ്യാൻ നാം പ്രേരി​ത​രാ​കേ​ണ്ട​താണ്‌?

¹⁷ നമ്മുടെ സഹമനു​ഷ്യ​രോ​ടു നാം സ്‌നേഹം പ്രകടി​പ്പി​ക്കുന്ന ഒരു പ്രധാന മാർഗം അവർക്കു ദൈവ​രാ​ജ്യ​ത്തെ​ക്കു​റി​ച്ചു സാക്ഷ്യം നൽകു​ന്ന​താണ്‌. യേശു മുൻകൂ​ട്ടി​പ്പറഞ്ഞ ഈ വേല​ചെ​യ്യുന്ന ഒരേ ഒരു വിഭാ​ഗമേ ഉള്ളൂ. (മർക്കൊസ്‌ 13:10) അവർ യഹോ​വ​യു​ടെ സാക്ഷി​ക​ളാണ്‌. നാം വ്യക്തി​പ​ര​മാ​യി ഇതിൽനി​ന്നു പ്രയോ​ജ​ന​മ​നു​ഭ​വി​ച്ചി​ട്ടുണ്ട്‌. മററു​ള്ള​വരെ സഹായി​ക്കുക എന്നത്‌ ഇപ്പോൾ നമ്മുടെ പദവി​യാണ്‌. ഈ കാര്യ​ത്തിൽ ദൈവ​ത്തി​ന്റെ വീക്ഷണം പുലർത്തു​ന്നു​വെ​ങ്കിൽ ഈ വേലക്കു നമ്മുടെ ജീവി​ത​ത്തിൽ പ്രമു​ഖ​സ്ഥാ​നം ഉണ്ടായി​രി​ക്കും.

18. യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന പുസ്‌ത​ക​ത്തി​ന്റെ വായന രാജ്യ സാക്ഷീ​ക​ര​ണ​ത്തി​ലുള്ള നമ്മുടെ പങ്കുപ​റ​റ​ലി​നെ എങ്ങനെ സ്വാധീ​നി​ച്ചേ​ക്കാം?

¹⁸ ഈ അന്ത്യനാ​ളു​ക​ളിൽ രാജ്യ​സ​ന്ദേശം എങ്ങനെ​യാ​ണു ഭൂമി​യി​ലെ ഏററവും ബഹുദൂ​ര​പ്ര​ദേ​ശ​ങ്ങ​ളി​ലേക്കു വഹിച്ചു​കൊ​ണ്ടു​പോ​യി​ട്ടു​ള്ളത്‌ എന്നതി​നെ​ക്കു​റി​ച്ചുള്ള രോമാ​ഞ്ച​ജ​ന​ക​മായ വിവരണം യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന പുസ്‌ത​ക​ത്തിൽ പറഞ്ഞി​ട്ടുണ്ട്‌. നിങ്ങൾക്ക്‌ ഇംഗ്ലീഷ്‌ ഭാഷ വശമാ​ണെ​ങ്കിൽ വായി​ക്കാ​തി​രി​ക്ക​രുത്‌. നിങ്ങൾ അതു വായി​ക്കു​മ്പോൾ ദൈവ​രാ​ജ്യ​ത്തെ​ക്കു​റി​ച്ചു സാക്ഷ്യം നൽകു​ന്ന​തിന്‌ ഓരോ വ്യക്തി​ക​ളും സ്വീക​രിച്ച എല്ലാ വഴിക​ളെ​യും കുറിച്ചു പ്രത്യേ​കം കുറി​ക്കൊ​ള്ളുക. അതിൽ ആരു​ടെ​യെ​ങ്കി​ലും മാതൃക നിങ്ങൾക്ക്‌ അനുക​രി​ക്കാൻ പററു​മോ? നമു​ക്കെ​ല്ലാം അനവധി അവസരങ്ങൾ തുറന്നു​കി​ട​പ്പുണ്ട്‌. ആ അവസരങ്ങൾ നല്ലവണ്ണം പ്രയോ​ജ​ന​പ്പെ​ടു​ത്തു​വാൻ യഹോ​വ​യോ​ടുള്ള നമ്മുടെ സ്‌നേഹം നമ്മെ പ്രേരി​പ്പി​ക്കട്ടെ.

19. ശരിയായ മതം ഏതെന്നു മനസ്സി​ലാ​ക്കു​മ്പോൾ ഉണ്ടാകുന്ന ഉത്തരവാ​ദി​ത്വം ഏറെറ​ടു​ക്കു​ന്ന​തിൽനി​ന്നു നാം എങ്ങനെ പ്രയോ​ജനം നേടുന്നു?

¹⁹ അങ്ങനെ, യഹോ​വ​യു​ടെ ഹിതം ചെയ്യു​ന്ന​തി​നു നമ്മെത്തന്നെ വെച്ചു​കൊ​ടു​ക്കു​മ്പോൾ ജീവി​ത​ത്തി​ന്റെ അർഥം എന്താണ്‌ എന്ന ചോദ്യ​ത്തിന്‌ നാം ഉത്തരം കണ്ടെത്തു​ന്നു. (വെളി​പ്പാ​ടു 4:11) ഒരു ശൂന്യ​താ​ബോ​ധ​ത്തിൽ നാം തപ്പിത്ത​ട​യു​ന്നില്ല. യഹോ​വ​യു​ടെ സേവന​ത്തി​നാ​യി മുഴു​ഹൃ​ദ​യ​ത്തോ​ടും നിങ്ങ​ളെ​ത്തന്നെ അർപ്പി​ക്കു​ന്ന​തി​നെ​ക്കാൾ സംതൃ​പ്‌തി​യേ​കുന്ന വേറൊ​രു ജീവി​ത​ഗ​തി​യു​മില്ല. എത്ര മഹത്തായ ഭാവി​യാണ്‌ അതു വെച്ചു​നീ​ട്ടു​ന്നത്‌! മനുഷ്യ​വർഗത്തെ സൃഷ്ടി​ച്ച​പ്പോൾ ദൈവ​ത്തി​നു​ണ്ടാ​യി​രുന്ന സ്‌നേ​ഹ​നിർഭ​ര​മായ ഉദ്ദേശ്യ​ത്തോ​ടുള്ള ചേർച്ച​യിൽ നമ്മുടെ പ്രാപ്‌തി​കൾ പൂർണ​മാ​യി ഉപയോ​ഗി​ക്കാൻ കഴിയുന്ന പുതിയ ഭൂമി​യി​ലെ സംതൃ​പ്‌തി​ദാ​യ​ക​മായ അനന്തജീ​വി​തം​തന്നെ.

[അടിക്കു​റിപ്പ്‌]

നിങ്ങൾ എങ്ങനെ ഉത്തരം നൽകും?

◻ ഒരു മതം ബൈബി​ളി​നെ ദൈവ​വ​ച​ന​മാ​യി അംഗീ​ക​രി​ക്കു​ക​യും യഹോ​വയെ സത്യ​ദൈ​വ​മാ​യി ബഹുമാ​നി​ക്കു​ക​യും ചെയ്യേ​ണ്ടത്‌ ജീവത്‌പ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

◻ വീണ്ടെ​ടു​പ്പു​കാ​രൻ എന്ന നിലയി​ലുള്ള യേശു​വി​ന്റെ റോളി​നെ​ക്കു​റി​ച്ചു സത്യമതം എന്താണു പഠിപ്പി​ക്കു​ന്നത്‌?

◻ ക്രിസ്‌ത്യാ​നി​കൾ ലോക​ത്തിൽനി​ന്നു വേർപെ​ട്ടു​നിൽക്കു​ക​യും നിസ്വാർഥ സ്‌നേഹം പ്രകടി​പ്പി​ക്കു​ക​യും ചെയ്യേ​ണ്ടത്‌ എന്തു​കൊണ്ട്‌?

◻ ശരിയായ മതത്തിൽ രാജ്യ സാക്ഷീ​ക​ര​ണ​ത്തി​നുള്ള പങ്ക്‌ എന്ത്‌?

[16-ാം പേജിലെ ചിത്രം]

സത്യാരാധന സ്വീക​രി​ക്കു​ന്ന​തി​ലുള്ള ഉത്തരവാ​ദി​ത്വ​ങ്ങ​ളിൽ മർമ​പ്ര​ധാ​ന​മായ ഒരു പടിയാ​ണു സ്‌നാ​പനം. ഓരോ മാസവും ലോക​വ്യാ​പ​ക​മാ​യി ഏതാണ്ട്‌ 25,000 പേർ ആ പടി സ്വീക​രി​ക്കു​ന്നു

റഷ്യ

സെനെഗൾ

പാപ്പുവ ന്യൂ ഗിനി

യു.എസ്‌.എ.

[17-ാം പേജിലെ ചിത്രം]

മററുള്ളവരുമായി ബൈബിൾ സത്യം പങ്കിടു​ന്നത്‌ സത്യാ​രാ​ധ​ന​യു​ടെ ഒരു ഭാഗമാണ്‌

യു.എസ്‌.എ.

ബ്രസീൽ

യു.എസ്‌.എ.

ഹോ ങ്കോംഗ്‌