“സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു”

ഔദാ​ര്യ​ത്തി​ന്റെ മകു​ടോ​ദാ​ഹ​ര​ണ​മാണ്‌ യഹോവ. തീർച്ച​യാ​യും, “എല്ലാ നല്ല ദാനവും തികഞ്ഞ വരം ഒക്കെയും” നൽകു​ന്നവൻ ആണ്‌ അവനെന്നു ബൈബിൾ പറയുന്നു. (യാക്കോബ്‌ 1:17) ഉദാഹ​ര​ണ​ത്തിന്‌, ദൈവം സൃഷ്ടി​ച്ചി​രി​ക്കുന്ന കാര്യങ്ങൾ നോക്കുക. അവൻ ഉണ്ടാക്കി​യത്‌ രുചി​യി​ല്ലാത്ത ഭക്ഷണമല്ല, സ്വാദി​ഷ്‌ഠ​മാ​യ​താണ്‌; നിറം മങ്ങിയ പൂക്കളല്ല, വർണഭം​ഗി​യാർന്ന​വ​യാണ്‌; വിരസ​മായ സൂര്യാ​സ്‌ത​മ​യ​ങ്ങളല്ല, പകി​ട്ടേ​റി​യ​വ​യാണ്‌. അതേ യഹോ​വ​യു​ടെ സൃഷ്ടി​യു​ടെ ഏതു വശവും അവന്റെ സ്‌നേ​ഹ​ത്തി​നും ഔദാ​ര്യ​ത്തി​നും തെളിവു നൽകുന്നു. (സങ്കീർത്തനം 19:1, 2; 139:14) മാത്രമല്ല, യഹോവ സന്തുഷ്ട ദാതാ​വാണ്‌. തന്റെ ദാസന്മാർക്കു നന്മ ചെയ്യു​ന്നത്‌ അവനു പ്രമോ​ദ​മാണ്‌.—സങ്കീർത്തനം 84:11; 149:4.

പരസ്‌പ​ര​മു​ള്ള ഇടപെ​ട​ലു​ക​ളിൽ ദൈവ​ത്തി​ന്റെ ഔദാ​ര്യ​ത്തെ പ്രതി​ഫ​ലി​പ്പി​ക്കാൻ ഇസ്രാ​യേ​ല്യ​രോ​ടു കൽപ്പി​ച്ചി​രു​ന്നു. “ദരി​ദ്ര​നായ സഹോ​ദ​രന്റെ നേരെ നിന്റെ ഹൃദയം കഠിന​മാ​ക്കാ​തെ​യും കൈ അടെക്കാ​തെ​യും . . . നീ അവന്നു കൊടു​ത്തേ മതിയാ​വു; കൊടു​ക്കു​മ്പോൾ ഹൃദയ​ത്തിൽ വ്യസനം തോന്ന​രു​തു” എന്ന്‌ മോശ അവരോ​ടു പറഞ്ഞു. (ആവർത്ത​ന​പു​സ്‌തകം 15:7, 10) ഹൃദയ​പ്രേ​രി​ത​മാ​യി കൊടു​ക്കേ​ണ്ടി​യി​രു​ന്ന​തി​നാൽ, ഔദാര്യ പ്രവൃ​ത്തി​ക​ളിൽ ഇസ്രാ​യേ​ല്യർ പ്രമോ​ദം കണ്ടെത്ത​ണ​മാ​യി​രു​ന്നു.

സമാന​മാ​യ ബുദ്ധ്യു​പ​ദേശം ക്രിസ്‌ത്യാ​നി​കൾക്കും ലഭിച്ചു. വാസ്‌ത​വ​ത്തിൽ, “കൊടു​ക്കു​ന്ന​തിൽ സന്തുഷ്ടി” ഉണ്ടെന്ന്‌ യേശു പറഞ്ഞു. (പ്രവൃ​ത്തി​കൾ 20:35, NW) സന്തോ​ഷ​ത്തോ​ടെ കൊടു​ക്കു​ന്ന​തിൽ മാതൃക വെച്ചവ​രാണ്‌ യേശു​വി​ന്റെ ശിഷ്യ​ന്മാർ. ഉദാഹ​ര​ണ​ത്തിന്‌, യെരൂ​ശ​ലേ​മിൽവെച്ച്‌ വിശ്വാ​സി​കൾ ആയിത്തീർന്നവർ “ജന്മഭൂ​മി​ക​ളും വസ്‌തു​ക്ക​ളും വിററു അവനവന്നു ആവശ്യം ഉള്ളതു​പോ​ലെ എല്ലാവർക്കും പങ്കി”ട്ടതായി ബൈബിൾ റിപ്പോർട്ടു ചെയ്യുന്നു.—പ്രവൃ​ത്തി​കൾ 2:44, 45.

എന്നാൽ ഉദാര​മ​തി​ക​ളായ ആ യഹൂദ്യ നിവാ​സി​കൾ പിന്നീട്‌ ദരി​ദ്ര​രാ​യി. ആ അവസ്ഥ ഉണ്ടാകാൻ കാരണം എന്തെന്നു ബൈബിൾ കൃത്യ​മാ​യി പറയു​ന്നില്ല. പ്രവൃ​ത്തി​കൾ 11:28, 29-ൽ പരാമർശി​ച്ചി​രി​ക്കുന്ന ക്ഷാമം ആയിരി​ക്കാം അതിനു കാരണ​മെന്നു ചില പണ്ഡിത​ന്മാർ പറയുന്നു. ഏതായാ​ലും, യഹൂദ്യ​യി​ലെ ആ ക്രിസ്‌ത്യാ​നി​കൾ വളരെ ദാരു​ണ​മായ അവസ്ഥയിൽ ആയിരു​ന്നു. അവരുടെ അവശ്യ സംഗതി​കൾ നടക്കു​ന്നു​വെന്ന്‌ ഉറപ്പു വരുത്താൻ പൗലൊസ്‌ ആഗ്രഹി​ച്ചു. അവൻ അത്‌ എങ്ങനെ ചെയ്യു​മാ​യി​രു​ന്നു?

ദരി​ദ്രർക്കുള്ള സംഭാവന

അകലെ കിടക്കുന്ന മക്കെ​ദോ​ന്യ സഭയുടെ പോലും സഹായം പൗലൊസ്‌ പട്ടിക​പ്പെ​ടു​ത്തി. എന്നിട്ട്‌, യഹൂദ്യ​യി​ലെ ദരിദ്ര ക്രിസ്‌ത്യാ​നി​കൾക്കു വേണ്ടി സംഭാവന പിരി​ക്കാ​നുള്ള ക്രമീ​ക​രണം ചെയ്‌തു. കൊരി​ന്ത്യർക്ക്‌ പൗലൊസ്‌ എഴുതി: “ധർമ്മ​ശേ​ഖ​ര​ത്തി​ന്റെ കാര്യ​ത്തി​ലോ ഞാൻ ഗലാത്യ​സ​ഭ​ക​ളോ​ടു ആജ്ഞാപി​ച്ച​തു​പോ​ലെ നിങ്ങളും ചെയ്‌വിൻ. . . . ആഴ്‌ച​വ​ട്ട​ത്തിൽ ഒന്നാം നാൾതോ​റും നിങ്ങളിൽ ഓരോ​രു​ത്തൻ തനിക്കു കഴിവു​ള്ളതു ചരതിച്ചു തന്റെ പക്കൽ വെച്ചു​കൊ​ള്ളേണം.”a—1 കൊരി​ന്ത്യർ 16:1, 2.

യെരൂ​ശ​ലേ​മി​ലെ സഹോ​ദ​ര​ങ്ങൾക്ക്‌ ആ ഫണ്ട്‌ പെട്ടെ​ന്നു​തന്നെ അയച്ചു​കൊ​ടു​ക്കാൻ പൗലൊസ്‌ ഉദ്ദേശി​ച്ചി​രു​ന്നു. എന്നാൽ കൊരി​ന്ത്യർ പൗലൊ​സി​ന്റെ നിർദേ​ശ​ങ്ങ​ളോ​ടു പെട്ടെന്നു പ്രതി​ക​രി​ച്ചില്ല. എന്തു​കൊണ്ട്‌? യഹൂദ്യ​യി​ലെ സഹോ​ദ​ര​ങ്ങ​ളു​ടെ ദാരു​ണ​മായ അവസ്ഥയിൽ അവർക്ക്‌ താത്‌പ​ര്യം ഇല്ലായി​രു​ന്നു എന്നാണോ? അല്ല, കാരണം “വിശ്വാ​സം, വചനം, പരിജ്ഞാ​നം, പൂർണ്ണ​ജാ​ഗ്രത . . . ഇങ്ങനെ എല്ലാറ്റി​ലും” കൊരി​ന്ത്യർ മുന്തി​നിൽക്കു​ന്ന​താ​യി പൗലൊ​സിന്‌ അറിയാ​മാ​യി​രു​ന്നു. (2 കൊരി​ന്ത്യർ 8:7) അവർക്കുള്ള തന്റെ ആദ്യ ലേഖന​ത്തിൽ പൗലൊസ്‌ സൂചി​പ്പി​ച്ചി​രുന്ന നിർണാ​യക കാര്യങ്ങൾ ചെയ്യു​ന്ന​തി​ന്റെ തിരക്കിൽ ആയിരു​ന്നി​രി​ക്കാം അവർ. എന്നാൽ യെരൂ​ശ​ലേ​മി​ലെ അവസ്ഥ ഇപ്പോൾ അടിയ​ന്തി​ര​മാ​യി​രു​ന്നു. അതു​കൊണ്ട്‌ അക്കാര്യ​ത്തെ​ക്കു​റിച്ച്‌ തന്റെ രണ്ടാമത്തെ ലേഖന​ത്തിൽ പൗലൊസ്‌ പരാമർശി​ച്ചു.

ഔദാ​ര്യ​ത്തി​നുള്ള ആഹ്വാ​ന​ങ്ങൾ

ആദ്യം, ദുരി​താ​ശ്വാ​സ പ്രവർത്ത​ന​ത്തോ​ടു മാതൃ​കാ​പ​ര​മാ​യി പ്രതി​ക​രിച്ച മക്കെ​ദോ​ന്യ​രെ​ക്കു​റി​ച്ചു പൗലൊസ്‌ കൊരി​ന്ത്യ​രോ​ടു സംസാ​രി​ച്ചു. “കഷ്ടത എന്ന കഠിന ശോധ​ന​യിൽ ആയിരു​ന്നി​ട്ടും അവരുടെ സന്തോ​ഷ​സ​മൃ​ദ്ധി​യും മഹാദാ​രി​ദ്ര്യ​വും ധാരാളം ഔദാ​ര്യം കാണി​പ്പാൻ കാരണ​മാ​യി​ത്തീർന്നു” എന്ന്‌ അവൻ എഴുതി. മക്കെ​ദോ​ന്യ​രോട്‌ ആരും പറയേണ്ട ആവശ്യം ഇല്ലായി​രു​ന്നു. നേരേ​മ​റിച്ച്‌, “അവർ വളരെ താല്‌പ​ര്യ​ത്തോ​ടെ ഞങ്ങളോ​ടു അപേക്ഷി​ച്ചു പ്രാപ്‌തി​പോ​ലെ​യും പ്രാപ്‌തി​ക്കു മീതെ​യും സ്വമേ​ധ​യാ​യി കൊടു​ത്തു” എന്ന്‌ പൗലൊസ്‌ പറഞ്ഞു. “മഹാദാ​രി​ദ്ര്യ”ത്തിൽ ആയിരു​ന്നി​ട്ടും മക്കെ​ദോ​ന്യർ കാട്ടിയ സന്തോ​ഷ​ക​ര​മായ ഔദാ​ര്യം ശ്രദ്ധേ​യ​മാണ്‌.—2 കൊരി​ന്ത്യർ 8:2-4.

മക്കെ​ദോ​ന്യ​രെ പ്രകീർത്തി​ച്ചു​കൊണ്ട്‌ കൊരി​ന്ത്യ​രു​ടെ ഇടയിൽ ഒരു മത്സര മനോ​ഭാ​വം ഇളക്കി​വി​ടാൻ പൗലൊസ്‌ ശ്രമി​ക്കു​ക​യാ​യി​രു​ന്നോ? തീർച്ച​യാ​യും അല്ല. കാരണം, അങ്ങനെ പ്രചോ​ദി​പ്പി​ക്കു​ന്നത്‌ ഉചിത​മ​ല്ലെന്ന്‌ അവന്‌ അറിയാ​മാ​യി​രു​ന്നു. (ഗലാത്യർ 6:4, NW) മാത്രമല്ല, ലജ്ജ തോന്നി ശരിയാ​യതു ചെയ്യേണ്ട ആവശ്യ​വും കൊരി​ന്ത്യർക്കി​ല്ലെന്ന്‌ അവന്‌ അറിയാ​മാ​യി​രു​ന്നു. യഹൂദ്യ​യി​ലെ തങ്ങളുടെ സഹോ​ദ​ര​ന്മാ​രെ കൊരി​ന്ത്യർ വാസ്‌ത​വ​ത്തിൽ സ്‌നേ​ഹി​ക്കു​ന്നുണ്ട്‌ എന്നും ദുരി​താ​ശ്വാ​സ​ത്തി​നു വേണ്ടി സംഭാവന ചെയ്യാൻ ആഗ്രഹി​ക്കു​ന്നു എന്നും അവന്‌ ഉറപ്പു​ണ്ടാ​യി​രു​ന്നു. ‘ചെയ്‌വാൻ മാത്രമല്ല, താല്‌പ​ര്യ​പ്പെ​ടു​വാ​നും​കൂ​ടെ ഒരു ആണ്ടു മുമ്പെ [നിങ്ങൾ] ആദ്യമാ​യി ആരംഭി​ച്ചു’ എന്ന്‌ അവൻ അവരോ​ടു പറഞ്ഞു. (2 കൊരി​ന്ത്യർ 8:10) വാസ്‌ത​വ​ത്തിൽ, ദുരി​താ​ശ്വാ​സ പ്രവർത്ത​ന​ത്തി​ന്റെ ചില വശങ്ങളിൽ കൊരി​ന്ത്യർതന്നെ മാതൃക ഉള്ളവർ ആയിരു​ന്നു. “ഞാൻ നിങ്ങ​ളെ​ക്കു​റി​ച്ചു മക്കെ​ദോ​ന്യ​രോ​ടു പ്രശം​സി​ച്ചു​വ​രുന്ന നിങ്ങളു​ടെ മനസ്സൊ​രു​ക്കം ഞാൻ അറിയു​ന്നു; നിങ്ങളു​ടെ എരിവു [“ഉത്സാഹം,” NW] [അവരിൽ] മിക്ക​പേർക്കും ഉത്സാഹ​കാ​ര​ണ​മാ​യി​ത്തീർന്നി​രി​ക്കു​ന്നു” എന്ന്‌ പൗലൊസ്‌ അവരോ​ടു പറഞ്ഞു. (ചെരി​ച്ചെ​ഴു​ത്തു ഞങ്ങളു​ടേത്‌.) (2 കൊരി​ന്ത്യർ 9:2) എന്നാൽ, ഇപ്പോൾ കൊരി​ന്ത്യർ തങ്ങളുടെ ഉത്സാഹ​വും മനസ്സൊ​രു​ക്ക​വും പ്രവൃ​ത്തി​പ​ഥ​ത്തിൽ കൊണ്ടു​വ​രേ​ണ്ടി​യി​രു​ന്നു.

അതു​കൊണ്ട്‌ പൗലൊസ്‌ അവരോ​ടു പറഞ്ഞു: “അവനവൻ ഹൃദയ​ത്തിൽ നിശ്ചയി​ച്ച​തു​പോ​ലെ കൊടു​ക്കട്ടെ. സങ്കട​ത്തോ​ടെ അരുതു; നിർബ്ബ​ന്ധ​ത്താ​ലു​മ​രു​തു; സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു.” (2 കൊരി​ന്ത്യർ 9:7) കൊരി​ന്ത്യ​രു​ടെ മേൽ സമ്മർദം ചെലു​ത്തുക എന്നതാ​യി​രു​ന്നില്ല പൗലൊ​സി​ന്റെ ഉദ്ദേശ്യം. കാരണം, നിർബ​ന്ധി​ക്ക​പ്പെ​ടുന്ന ഒരു വ്യക്തിക്ക്‌ സന്തുഷ്ട ദാതാ​വാ​യി​രി​ക്കാൻ കഴിയി​ല്ല​ല്ലോ. ശരിയായ ആന്തരം അവർക്ക്‌ അപ്പോൾത്തന്നെ ഉണ്ടെന്ന്‌ പൗലൊസ്‌ നിഗമനം ചെയ്‌തി​രു​ന്നു. അതായത്‌, കൊടു​ക്കാൻ ഓരോ​രു​ത്ത​നും നിശ്ചയി​ച്ചി​രു​ന്നു. മാത്രമല്ല, പൗലൊസ്‌ ഇങ്ങനെ​യും അവരോ​ടു പറഞ്ഞു: “ഒരുത്തന്നു മനസ്സൊ​രു​ക്കം ഉണ്ടെങ്കിൽ പ്രാപ്‌തി​യി​ല്ലാ​ത്ത​തു​പോ​ലെയല്ല പ്രാപ്‌തി​യു​ള്ള​തു​പോ​ലെ കൊടു​ത്താൽ അവന്നു ദൈവ​പ്ര​സാ​ദം ലഭിക്കും.” (2 കൊരി​ന്ത്യർ 8:12) അതേ, മനസ്സൊ​രു​ക്കം ഉണ്ടെങ്കിൽ—ഒരുവൻ സ്‌നേ​ഹ​ത്താൽ പ്രചോ​ദി​ത​നാ​കു​മ്പോൾ—അവൻ കൊടു​ക്കു​ന്നത്‌ എത്ര ചെറിയ തുക ആയിരു​ന്നാ​ലും അതു ദൈവ​ത്തി​നു സ്വീകാ​ര്യ​മാ​യി​രി​ക്കും.—ലൂക്കൊസ്‌ 21:1-4 താരത​മ്യം ചെയ്യുക.

ഇന്നത്തെ സന്തുഷ്ട ദാതാക്കൾ

യഹൂദ്യ​യി​ലെ ക്രിസ്‌ത്യാ​നി​കൾക്കു വേണ്ടി​യുള്ള ദുരി​താ​ശ്വാ​സ പ്രവർത്തനം ഇന്നു നമുക്ക്‌ ഒരു വിശിഷ്ട മാതൃ​ക​യാണ്‌. ആത്മീയ ദാരി​ദ്ര്യം അനുഭ​വി​ക്കുന്ന ദശലക്ഷ​ക്ക​ണ​ക്കിന്‌ ആളുകൾക്ക്‌ ആഹാരം എത്തിച്ചു​കൊണ്ട്‌ യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ഒരു പ്രസംഗ പരിപാ​ടി ഏറ്റെടു​ത്തി​രി​ക്കു​ന്നു. (യെശയ്യാ​വു 65:13, 14) “ആകയാൽ നിങ്ങൾ പുറ​പ്പെട്ടു, . . . ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന യേശു​വി​ന്റെ കൽപ്പന അനുസ​രി​ച്ചു​കൊ​ണ്ടാണ്‌ അവർ അതു ചെയ്യു​ന്നത്‌.—മത്തായി 28:19, 20.

ആ നിയോ​ഗം നിവർത്തി​ക്കുക എളുപ്പ​മുള്ള സംഗതി​യല്ല. ലോക​മെ​മ്പാ​ടു​മുള്ള മിഷനറി ഭവനങ്ങ​ളു​ടെ​യും നൂറി​ല​ധി​കം ബ്രാഞ്ചു​ക​ളു​ടെ​യും നടത്തിപ്പ്‌ അതിൽ ഉൾപ്പെ​ടു​ന്നു. അത്‌ രാജ്യ​ഹാ​ളു​ക​ളും സമ്മേളന ഹാളു​ക​ളും നിർമി​ക്കു​ന്ന​തും ആവശ്യ​മാ​ക്കി​ത്തീർക്കു​ന്നു. തന്മൂലം യഹോ​വ​യു​ടെ ആരാധ​കർക്ക്‌ ഉചിത​മായ സ്ഥലങ്ങളിൽ കൂടി​വ​രാ​നും പരസ്‌പരം പ്രോ​ത്സാ​ഹി​പ്പി​ക്കാ​നും സാധി​ക്കു​ന്നു. (എബ്രായർ 10:24, 25) ചില​പ്പോൾ, പ്രകൃതി വിപത്ത്‌ ഉണ്ടായ പ്രദേ​ശ​ങ്ങ​ളി​ലും യഹോ​വ​യു​ടെ സാക്ഷികൾ ദുരി​താ​ശ്വാ​സ പ്രവർത്തനം നടത്താ​റുണ്ട്‌.

അച്ചടിക്കു വേണ്ടി​വ​രുന്ന ഭാരിച്ച ചെലവി​നെ​ക്കു​റി​ച്ചും ചിന്തി​ക്കുക. ഓരോ വാരത്തി​ലും വീക്ഷാ​ഗോ​പു​ര​ത്തി​ന്റെ ശരാശരി 2,20,00,000 കോപ്പി​കൾ അല്ലെങ്കിൽ ഉണരുക!യുടെ ശരാശരി 2,00,00,000 കോപ്പി​കൾ അച്ചടി​ക്ക​പ്പെ​ടു​ന്നു. നിരന്ത​ര​മായ ഈ ആത്മീയ ഭക്ഷണത്തി​നു പുറമേ, ദശലക്ഷ​ക്ക​ണ​ക്കി​നു പുസ്‌ത​ക​ങ്ങ​ളും ലഘുപ​ത്രി​ക​ക​ളും ഓഡി​യോ കാസെ​റ്റു​ക​ളും വീഡി​യോ കാസെ​റ്റു​ക​ളും ഓരോ വർഷവും ഉത്‌പാ​ദി​പ്പി​ക്ക​പ്പെ​ടു​ന്നു.

എങ്ങനെ​യാണ്‌ ഈ വേലയു​ടെ സാമ്പത്തിക ചെല​വെ​ല്ലാം നടക്കു​ന്നത്‌? സ്വമേ​ധയാ സംഭാ​വ​ന​ക​ളാൽ. ഈ സംഭാ​വ​ന​ക​ളെ​ല്ലാം നടത്തു​ന്നത്‌ പേരു​ണ്ടാ​ക്കാ​നല്ല, സ്വാർഥ​പ​ര​മായ ഉദ്ദേശ്യ​ങ്ങൾ നിമി​ത്ത​വു​മല്ല. പിന്നെ​യോ, സത്യാ​രാ​ധന ഉന്നമി​പ്പി​ക്കാ​നാണ്‌. അതിനാൽ, അത്തരത്തി​ലുള്ള കൊടു​ക്കൽ ദാതാ​വിന്‌ സന്തുഷ്ടി കൈവ​രു​ത്തു​ന്നു, ഒപ്പം ദൈവ​ത്തി​ന്റെ അനു​ഗ്ര​ഹ​വും. (മലാഖി 3:10; മത്തായി 6:1-4) തങ്ങൾ ഔദാ​ര്യ​മുള്ള, സന്തുഷ്ട​രായ ദാതാ​ക്ക​ളാ​ണെന്ന്‌ യഹോ​വ​യു​ടെ സാക്ഷി​ക​ളു​ടെ ഇടയി​ലുള്ള കുട്ടികൾ പോലും പ്രകട​മാ​ക്കു​ന്നു. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ ഒരിടത്ത്‌ ഉണ്ടായ ചുഴലി​ക്കാറ്റ്‌ വിതച്ച നാശ​ത്തെ​ക്കു​റിച്ച്‌ കേട്ട​പ്പോൾ നാലു വയസ്സു​കാ​രി​യായ അലിസൺ 2 ഡോളർ സംഭാവന നൽകി. “അത്രയും പണമേ എന്റെ കുടു​ക്ക​യിൽ ഉണ്ടായി​രു​ന്നു​ള്ളൂ,” അവൾ എഴുതി. “കുട്ടി​കൾക്ക്‌ കളിപ്പാ​ട്ട​ങ്ങ​ളും പാവക​ളും പുസ്‌ത​ക​ങ്ങ​ളു​മെ​ല്ലാം നഷ്ടമാ​യെന്ന്‌ എനിക്ക്‌ അറിയാം. ഒരുപക്ഷേ എന്റെ പ്രായ​ത്തി​ലുള്ള ഏതെങ്കി​ലും കുട്ടിക്ക്‌ ഒരു പുസ്‌തകം വാങ്ങാൻ നിങ്ങൾക്ക്‌ ഇത്‌ ഉപയോ​ഗി​ക്കാൻ കഴി​ഞ്ഞേ​ക്കും.” കൊടു​ങ്കാ​റ്റിൽ സഹോ​ദ​ര​ങ്ങ​ളിൽ ആരും മരിച്ചില്ല എന്നു കേട്ട​പ്പോൾ സന്തോഷം തോന്നി​യെന്ന്‌ എട്ടു വയസ്സു​കാ​ര​നായ മക്ലെയ്‌ൻ എഴുതി. അവൻ ഇങ്ങനെ കൂട്ടി​ച്ചേർത്തു: “ഡാഡി​യോ​ടൊ​പ്പം [വണ്ടിയു​ടെ] ഹബ്‌ക്യാ​പ്പു​കൾ വിറ്റ്‌ ഞാൻ 17 ഡോളർ ഉണ്ടാക്കി. അതു​കൊണ്ട്‌ എന്തെങ്കി​ലും വാങ്ങാൻ എനിക്ക്‌ ഉദ്ദേശ്യ​മു​ണ്ടാ​യി​രു​ന്നു. എന്നാൽ ഞാൻ സഹോ​ദ​ര​ങ്ങ​ളെ​ക്കു​റിച്ച്‌ ഓർത്തു.”—മുകളി​ലെ ചതുരം കാണുക.

‘യഹോ​വയെ ധനം​കൊണ്ട്‌ ബഹുമാ​നി​ക്കുക’വഴി ചെറു​പ്പ​ക്കാ​രും പ്രായ​മു​ള്ള​വ​രും രാജ്യ​താ​ത്‌പ​ര്യ​ങ്ങൾ ഒന്നാമത്‌ വെക്കു​ന്നതു കാണു​മ്പോൾ വാസ്‌ത​വ​മാ​യും യഹോ​വ​യു​ടെ ഹൃദയം സന്തോ​ഷി​ക്കു​ന്നു. (സദൃശ​വാ​ക്യ​ങ്ങൾ 3:9, 10) തീർച്ച​യാ​യും, ആർക്കും യഹോ​വയെ ധനിക​നാ​ക്കാൻ കഴിയില്ല. കാരണം, സകലവും അവന്റേ​താണ്‌. (1 ദിനവൃ​ത്താ​ന്തം 29:14-17) എന്നാൽ യഹോ​വ​യു​ടെ വേലയെ പിന്താ​ങ്ങു​ന്നത്‌ അവനോ​ടുള്ള സ്‌നേഹം പ്രകട​മാ​ക്കാൻ അവന്റെ ആരാധ​കർക്ക്‌ അവസരം നൽകുന്ന ഒരു പദവി​യാണ്‌. ആ വിധത്തിൽ ഹൃദയ​പ്ര​ചോ​ദനം തോന്നി​യി​ട്ടുള്ള ഏതൊ​രു​വ​നോ​ടും ഞങ്ങൾ നന്ദിയു​ള്ള​വ​രാണ്‌.

[അടിക്കു​റി​പ്പു​കൾ]

[26, 27 പേജു​ക​ളി​ലെ ചതുരം]

ചിലർ കൊടു​ക്കാൻ തിര​ഞ്ഞെ​ടു​ക്കുന്ന വിധങ്ങൾ

ലോക​വ്യാ​പക വേലയ്‌ക്കുള്ള സംഭാ​വ​ന​കൾ

“സൊ​സൈ​റ്റി​യു​ടെ ലോക​വ്യാ​പക വേലയ്‌ക്കുള്ള സംഭാ​വ​നകൾ—മത്തായി 24:14” എന്ന ലേബലുള്ള സംഭാ​വ​ന​പ്പെ​ട്ടി​ക​ളിൽ ഇടുന്ന​തിന്‌ അനേകർ ഒരു തുക നീക്കി​വെ​ക്കു​ക​യോ ബജറ്റിൽ ഉൾപ്പെ​ടു​ത്തു​ക​യോ ചെയ്യുന്നു. ഓരോ മാസവും സഭകൾ ഈ തുക പ്രാ​ദേ​ശിക ബ്രാഞ്ച്‌ ഓഫീ​സി​ലേക്ക്‌ അയയ്‌ക്കു​ന്നു.

സ്വമേ​ധയാ സംഭാ​വ​നകൾ Praharidurg Prakashan Society, Plot A/35, Near Industrial Estate, Nangargaon, Lonavla, 410 401 എന്ന വിലാ​സ​ത്തിൽ ഖജാൻജി​യു​ടെ ഓഫീ​സി​ലേക്ക്‌ നേരി​ട്ടും അയയ്‌ക്കാ​വു​ന്ന​താണ്‌. കൂടാതെ ആഭരണ​ങ്ങ​ളും വില​യേ​റിയ മറ്റു വസ്‌തു​ക്ക​ളും സംഭാവന ചെയ്യാ​വു​ന്ന​താണ്‌. ഈ സംഭാ​വ​ന​ക​ളോ​ടൊ​പ്പം അവ ഒരു നിരു​പാ​ധിക ദാനമാ​ണെന്നു വ്യക്തമാ​യി പ്രസ്‌താ​വി​ക്കുന്ന ഹ്രസ്വ​മായ ഒരു കത്തും ഉണ്ടായി​രി​ക്കണം.

ആസൂത്രിത കൊടു​ക്കൽ

നിരു​പാ​ധിക ദാനമാ​യും സോപാ​ധിക സംഭാ​വ​ന​യാ​യും പണം നൽകു​ന്ന​തി​നു പുറമേ, ലോക​വ്യാ​പക രാജ്യ​സേ​വ​ന​ത്തി​ന്റെ പ്രയോ​ജ​ന​ത്തി​നാ​യി വേറെ​യും കൊടു​ക്കൽ രീതികൾ ഉണ്ട്‌. പിൻവ​രു​ന്നവ അതിൽ പെടുന്നു:

ഇൻഷ്വ​റൻസ്‌: ഇൻഷ്വ​റൻസ്‌ പോളി​സി​യു​ടെ​യോ റിട്ടയർമെൻറ്‌⁄പെൻഷൻ പദ്ധതി​യു​ടെ​യോ ഗുണ​ഭോ​ക്താ​വാ​യി പ്രഹരി​ദുർഗ്‌ പ്രകാശൻ സൊ​സൈ​റ്റി​യു​ടെ പേര്‌ വയ്‌ക്കാ​വു​ന്ന​താണ്‌.

ബാങ്ക്‌ അക്കൗണ്ടു​കൾ: പ്രാ​ദേ​ശിക ബാങ്ക്‌ നിയമ​ങ്ങൾക്കു ചേർച്ച​യിൽ, ബാങ്ക്‌ അക്കൗണ്ടു​കൾ, നിക്ഷേപ സർട്ടി​ഫി​ക്ക​റ്റു​കൾ, അല്ലെങ്കിൽ വ്യക്തി​പ​ര​മായ പെൻഷൻ അക്കൗണ്ടു​കൾ എന്നിവ പ്രഹരി​ദുർഗ്‌ പ്രകാശൻ സൊ​സൈ​റ്റി​യിൽ ട്രസ്റ്റ്‌ ആയി അല്ലെങ്കിൽ മരണത്തി​ങ്കൽ സൊ​സൈ​റ്റി​ക്കു ലഭിക്കാ​വു​ന്നത്‌ ആയി ഏൽപ്പി​ക്കാ​വു​ന്ന​താണ്‌.

സ്‌റ്റോ​ക്കു​ക​ളും ബോണ്ടു​ക​ളും: ഒരു നിരു​പാ​ധിക ദാനമാ​യി​ട്ടോ വരുമാ​നം തുടർന്നും ദാതാ​വി​നു ലഭിക്കുന്ന ക്രമീ​ക​ര​ണ​ത്തിൻ കീഴി​ലോ സ്‌റ്റോ​ക്കു​ക​ളും ബോണ്ടു​ക​ളും പ്രഹരി​ദുർഗ്‌ പ്രകാശൻ സൊ​സൈ​റ്റി​ക്കു ദാനമാ​യി നൽകാ​വു​ന്ന​താണ്‌.

സ്ഥാവര വസ്‌തു​ക്കൾ: വിൽക്കാ​വുന്ന സ്ഥാവര വസ്‌തു​ക്കൾ ഒരു നിരു​പാ​ധിക ദാനമാ​യി​ട്ടോ ദാതാ​വിന്‌ ആയുഷ്‌കാല അവകാശം നിലനിർത്തി​ക്കൊ​ണ്ടോ പ്രഹരി​ദുർഗ്‌ പ്രകാശൻ സൊ​സൈ​റ്റി​ക്കു ദാനം ചെയ്യാ​വു​ന്ന​താണ്‌. ദാതാ​വി​ന്റെ ആയുഷ്‌പ​ര്യ​ന്തം അയാൾക്ക്‌ അവിടെ താമസി​ക്കു​ക​യും ചെയ്യാം. ഏതെങ്കി​ലും സ്ഥാവര വസ്‌തു​ക്കൾ സൊ​സൈ​റ്റിക്ക്‌ ആധാരം ചെയ്യു​ന്ന​തി​നു മുമ്പ്‌ സൊ​സൈ​റ്റി​യു​മാ​യി സമ്പർക്കം പുലർത്തണം.

വിൽപ്പ​ത്ര​ങ്ങ​ളും ട്രസ്റ്റു​ക​ളും: നിയമ​പ​ര​മാ​യി തയ്യാറാ​ക്കിയ വിൽപ്പ​ത്രം മുഖാ​ന്തരം വസ്‌തു​വ​ക​ക​ളോ പണമോ പ്രഹരി​ദുർഗ്‌ പ്രകാശൻ സൊ​സൈ​റ്റിക്ക്‌ അവകാ​ശ​മാ​യി നൽകാ​വു​ന്ന​താണ്‌. അല്ലെങ്കിൽ, ഒരു ട്രസ്റ്റ്‌ ക്രമീ​ക​ര​ണ​ത്തി​ന്റെ ഗുണ​ഭോ​ക്താ​വാ​യി സൊ​സൈ​റ്റി​യു​ടെ പേര്‌ വെക്കാ​വു​ന്ന​താണ്‌.

“ആസൂ​ത്രിത കൊടു​ക്കൽ” എന്ന പേര്‌ സൂചി​പ്പി​ക്കു​ന്ന​തു​പോ​ലെ, സാധാരണ ഗതിയിൽ ഇത്തരം സംഭാ​വ​ന​കൾക്കു ദാതാ​വി​ന്റെ ഭാഗത്ത്‌ കുറ​ച്ചൊ​ക്കെ ആസൂ​ത്രണം ആവശ്യ​മാണ്‌.

[28-ാം പേജിലെ ചതുരം]

കുട്ടികളും സന്തുഷ്ട ദാതാ​ക്ക​ളാണ്‌!

ഞങ്ങൾക്കാ​യി കൂടുതൽ പുസ്‌ത​കങ്ങൾ ഉണ്ടാക്കാൻ ഇതു നിങ്ങൾക്കു നൽകു​ന്ന​തിന്‌ ഞാൻ ആഗ്രഹി​ക്കു​ന്നു. എന്റെ ഡാഡിയെ സഹായി​ച്ചാണ്‌ ഞാൻ ഈ പണം സമ്പാദി​ച്ചത്‌. നിങ്ങൾ ചെയ്യുന്ന എല്ലാ കഠിന വേലയ്‌ക്കും നന്ദി.—പാമില, ഏഴു വയസ്സു​കാ​രി.

കൂടുതൽ രാജ്യ​ഹാ​ളു​കൾ പണിയാൻ നിങ്ങളെ സഹായി​ക്കു​ന്ന​തിന്‌ ഞാൻ 6.85 ഡോളർ അയച്ചു​ത​രി​ക​യാണ്‌. ഈ വേനൽക്കാ​ലത്ത്‌ നാരങ്ങാ​വെള്ളം വിറ്റാണു ഞാൻ അത്‌ ഉണ്ടാക്കി​യത്‌.—സെലേന, ആറ്‌ വയസ്സു​കാ​രി.

ഞാൻ ഒരു പിട​ക്കോ​ഴി​യെ വളർത്തി​യി​രു​ന്നു. അതിൽനിന്ന്‌ എനി​ക്കൊ​രു പൂവൻ കോഴി​യെ​യും മറ്റൊരു പിട​ക്കോ​ഴി​യെ​യും കിട്ടി. അതിൽ പിട​ക്കോ​ഴി​യെ ഞാൻ യഹോ​വ​യ്‌ക്കു സമർപ്പി​ച്ചു. ഒടുവിൽ അതിൽനിന്ന്‌ മൂന്നു പിട​ക്കോ​ഴി​കൾ ഉണ്ടായ​പ്പോൾ അവയെ ഞാൻ വിറ്റു. ആ പൈസ യഹോ​വ​യു​ടെ വേലയ്‌ക്കാ​യി ഞാൻ അയച്ചു​ത​രു​ക​യാണ്‌.—റ്റൈറി, എട്ട്‌ വയസ്സു​കാ​രൻ.

എന്റെ കയ്യിൽ ഇത്രയും പണമേ ഉള്ളൂ! ഇത്‌ ജ്ഞാനപൂർവം ഉപയോ​ഗി​ക്കുക. വളരെ പാടു​പെ​ട്ടാണ്‌ ഞാനിത്‌ ഉണ്ടാക്കി​യത്‌. 21 ഡോളർ ഉണ്ട്‌.—സേറ, പത്ത്‌ വയസ്സു​കാ​രി.

സ്‌കൂ​ളിൽ നടത്തിയ ഒരു മത്സരത്തിൽ ഞാൻ ഒന്നാം സ്ഥാനത്ത്‌ എത്തി. അപ്പോൾ ഞാൻ മേഖലാ മത്സരത്തിൽ പങ്കെടു​ത്തു. അതിലും ഒന്നാം സ്ഥാനത്ത്‌ എത്തിയ​പ്പോൾ ജില്ലാതല ഫൈനൽ മത്സരത്തിൽ പങ്കെടു​ത്തു. അതിൽ രണ്ടാം സ്ഥാനത്ത്‌ എത്തി. അതി​നെ​ല്ലാം എനിക്കു പണം ലഭിച്ചു. അതിൽ കുറെ സൊ​സൈ​റ്റി​ക്കു നൽകാൻ ഞാൻ ആഗ്രഹി​ക്കു​ന്നു. ആ സമ്മാനങ്ങൾ നേടാൻ എന്നെ സഹായി​ച്ചത്‌ ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ എനിക്കു കിട്ടിയ പരിശീ​ലനം ആണെന്ന്‌ ഞാൻ വിചാ​രി​ക്കു​ന്നു. വിധി​കർത്താ​ക്ക​ളു​ടെ മുന്നിൽ എന്റെ റിപ്പോർട്ട്‌ അവതരി​പ്പി​ക്കാൻ എനിക്ക്‌ ആത്മവി​ശ്വാ​സം തോന്നി​യി​രു​ന്നു.—ആമ്പെർ, ആറാം ക്ലാസ്സ്‌ വിദ്യാർഥി​നി.

യഹോ​വ​യ്‌ക്കാ​യി ഇതു നിങ്ങൾക്കു നൽകാൻ ഞാൻ ആഗ്രഹി​ക്കു​ന്നു. അതു​കൊണ്ട്‌ എന്തു ചെയ്യണ​മെന്ന്‌ അവനോ​ടു ചോദി​ക്കുക. അവന്‌ എല്ലാം അറിയാ​മ​ല്ലോ.—കാരെൻ, ആറ്‌ വയസ്സു​കാ​രി.

[25-ാം പേജിലെ ചിത്രങ്ങൾ]

യഹോവയുടെ സാക്ഷി​ക​ളു​ടെ പ്രവർത്ത​നങ്ങൾ പിന്താ​ങ്ങ​പ്പെ​ടു​ന്നത്‌ സ്വമേ​ധയാ സംഭാ​വ​ന​ക​ളാൽ ആണ്‌