“ഒരു പാവന​ര​ഹ​സ്യ​ത്തി​ലെ ദൈവ​ജ്ഞാ​നം”

1, 2. ഏതു “പാവന​ര​ഹ​സ്യ”ത്തിൽ നമുക്കു താത്‌പ​ര്യം ഉണ്ടായി​രി​ക്ക​ണം, എന്തു​കൊണ്ട്‌?

രഹസ്യങ്ങൾ! അവ നമ്മിൽ കൗതു​ക​മു​ണർത്തു​ക​യും നമ്മെ ആകർഷി​ക്കു​ക​യും അമ്പരപ്പി​ക്കു​ക​യും ചെയ്യുന്നു. അതു​കൊ​ണ്ടു​ത​ന്നെ അവയെ രഹസ്യ​മാ​യി സൂക്ഷി​ക്കു​ക മനുഷ്യർക്കു മിക്ക​പ്പോ​ഴും പ്രയാ​സ​മാണ്‌. എന്നിരു​ന്നാ​ലും, “കാര്യം മറെച്ചു​വെ​ക്കു​ന്ന​തു ദൈവ​ത്തി​ന്റെ മഹത്വം” എന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 25:2) അതേ, പരമാ​ധീ​ശ ഭരണാ​ധി​കാ​രി​യും സ്രഷ്ടാ​വു​മാ​യ യഹോവ ചില കാര്യങ്ങൾ, അവ വെളി​പ്പെ​ടു​ത്താ​നു​ള്ള തക്കസമ​യം​വ​രെ, മനുഷ്യ​വർഗ​ത്തി​നു രഹസ്യ​മാ​ക്കി വെക്കുന്നു. അത്‌ ഉചിത​മാണ്‌.

² എന്നിരു​ന്നാ​ലും, യഹോവ തന്റെ വചനത്തിൽ വെളി​പ്പെ​ടു​ത്തി​യി​രി​ക്കുന്ന, ആകർഷ​ക​വും അമ്പരി​പ്പി​ക്കു​ന്ന​തു​മാ​യ ഒരു രഹസ്യ​മുണ്ട്‌. അത്‌ “[ദൈവ​ത്തി​ന്റെ] ഹിതത്തി​ന്റെ പാവന​ര​ഹ​സ്യം” എന്നു വിളി​ക്ക​പ്പെ​ടു​ന്നു. (എഫെസ്യർ 1:9, NW) അതിനെ കുറി​ച്ചു​ള്ള പഠനം നമ്മുടെ ജിജ്ഞാ​സ​യെ തൃപ്‌തി​പ്പെ​ടു​ത്തു​ക മാത്രമല്ല, നമ്മെ രക്ഷയി​ലേ​ക്കു നയിക്കു​ക​യും ചെയ്യുന്നു. കൂടാതെ, യഹോ​വ​യു​ടെ അളവറ്റ ജ്ഞാനത്തി​ലേക്ക്‌ ഒന്നെത്തി​നോ​ക്കാ​നു​ള്ള അവസര​വും അതു പ്രദാനം ചെയ്യുന്നു.

3, 4. ഉല്‌പത്തി 3:15-ൽ രേഖ​പ്പെ​ടു​ത്തി​യി​രി​ക്കുന്ന പ്രവചനം പ്രത്യാശ നൽകു​ന്നത്‌ എങ്ങനെ, ഏതു മർമം അഥവാ “പാവന​ര​ഹ​സ്യം” അതിൽ ഉൾപ്പെ​ട്ടി​രി​ക്കു​ന്നു?

³ ആദാമും ഹവ്വായും പാപം ചെയ്‌ത​പ്പോൾ, പൂർണ​ത​യു​ള്ള മനുഷ്യർ പാർക്കുന്ന ഒരു ഭൗമിക പറുദീസ സ്ഥാപി​ക്കാ​നു​ള്ള യഹോ​വ​യു​ടെ ഉദ്ദേശ്യം പാളി​പ്പോ​യ​താ​യി കാണ​പ്പെ​ട്ടി​രി​ക്കാം. എന്നാൽ യഹോവ സത്വരം പ്രശ്‌നം കൈകാ​ര്യം ചെയ്‌തു. അവൻ പറഞ്ഞു: “ഞാൻ നിനക്കും [സർപ്പത്തി​നും] സ്‌ത്രീ​ക്കും നിന്റെ സന്തതി​ക്കും അവളുടെ സന്തതി​ക്കും തമ്മിൽ ശത്രു​ത്വം ഉണ്ടാക്കും. അവൻ നിന്റെ തല തകർക്കും; നീ അവന്റെ കുതി​കാൽ തകർക്കും.”—ഉല്‌പത്തി 3:15.

⁴ ഇവ അമ്പരപ്പി​ക്കു​ന്ന, നിഗൂഢ വചനങ്ങ​ളാ​യി​രു​ന്നു. ഈ സ്‌ത്രീ ആരായി​രു​ന്നു? സർപ്പം ആരായി​രു​ന്നു? സർപ്പത്തി​ന്റെ തല ചതയ്‌ക്കു​ന്ന “സന്തതി” ആരായി​രു​ന്നു? ആദാമി​നും ഹവ്വായ്‌ക്കും ഒരു ഊഹം നടത്താനേ കഴിയു​മാ​യി​രു​ന്നു​ള്ളൂ. എന്നിരു​ന്നാ​ലും, ആ അവിശ്വ​സ്‌ത ജോടി​യു​ടെ ഓരോ വിശ്വ​സ്‌ത സന്തതി​ക്കും ദൈവ​ത്തി​ന്റെ ആ വചനങ്ങൾ പ്രത്യാശ നൽകി. നീതി വിജയി​ക്കു​ക​യും യഹോ​വ​യു​ടെ ഉദ്ദേശ്യം സഫലമാ​കു​ക​യും ചെയ്യു​മാ​യി​രു​ന്നു. എന്നാൽ എങ്ങനെ? അത്‌ ഒരു മർമമാ​യി​രു​ന്നു! ബൈബിൾ അതിനെ “ഒരു പാവന​ര​ഹ​സ്യ​ത്തി​ലെ ദൈവ​ജ്ഞാ​നം, മറഞ്ഞി​രി​ക്കു​ന്ന ജ്ഞാനം” എന്നു വിളി​ക്കു​ന്നു.—1 കൊരി​ന്ത്യർ 2:7, NW.

 5. യഹോവ തന്റെ രഹസ്യം പടിപ​ടി​യാ​യി വെളി​പ്പെ​ടു​ത്തി​യ​തി​ന്റെ കാരണം ദൃഷ്ടാന്തം സഹിതം വിശദ​മാ​ക്കു​ക.

⁵ “രഹസ്യ​ങ്ങ​ളെ വെളി​പ്പെ​ടു​ത്തു​ന്ന”വൻ എന്ന നിലയിൽ യഹോവ ഒടുവിൽ ഈ രഹസ്യ​ത്തി​ന്റെ നിവൃത്തി സംബന്ധിച്ച പ്രസക്ത വിശദാം​ശ​ങ്ങൾ വെളി​പ്പെ​ടു​ത്തു​മാ​യി​രു​ന്നു. (ദാനീ​യേൽ 2:28) എന്നാൽ ക്രമേണ, പടിപ​ടി​യാ​യി​ട്ടാ​യി​രി​ക്കും അവൻ അതു ചെയ്യുക. ദൃഷ്ടാ​ന്ത​ത്തിന്‌, ഒരു കൊച്ചു​കു​ട്ടി തന്റെ പിതാ​വി​നോട്‌ “പപ്പാ, ഞാൻ എങ്ങനെ​യാണ്‌ ഉണ്ടായത്‌?” എന്നു ചോദി​ക്കു​ന്നു​വെ​ന്നു കരുതുക. സ്‌നേ​ഹ​മു​ള്ള ഒരു പിതാവ്‌ ഏതു വിധത്തി​ലാ​യി​രി​ക്കും മറുപടി നൽകുക? ആ കുട്ടിക്ക്‌ ഗ്രഹി​ക്കാ​വു​ന്നി​ട​ത്തോ​ളം വിവര​ങ്ങ​ളേ ജ്ഞാനി​യാ​യ ഒരു പിതാവു നൽകു​ക​യു​ള്ളൂ. അവനു പ്രായ​മേ​റി വരു​മ്പോൾ പിതാവ്‌ അവനോ​ടു കൂടുതൽ കാര്യങ്ങൾ പറയും. സമാന​മാ​യ വിധത്തിൽ, തന്റെ ഹിത​ത്തെ​യും ഉദ്ദേശ്യ​ത്തെ​യും സംബന്ധിച്ച വെളി​പ്പെ​ടു​ത്ത​ലു​കൾ സ്വീക​രി​ക്കാൻ തന്റെ ജനം എപ്പോൾ സജ്ജരാ​കും എന്ന്‌ യഹോ​വ​യ്‌ക്ക്‌ അറിയാം.—സദൃശ​വാ​ക്യ​ങ്ങൾ 4:18; ദാനീ​യേൽ 12:4.

 6. (എ) ഒരു ഉടമ്പടി അല്ലെങ്കിൽ കരാർ ഏത്‌ ഉദ്ദേശ്യ​ത്തിന്‌ ഉതകുന്നു? (ബി) യഹോവ മനുഷ്യ​രു​മാ​യി ഉടമ്പടി​ക​ളിൽ ഏർപ്പെ​ടു​ന്ന​തു ശ്രദ്ധേ​യ​മാ​യി​രി​ക്കു​ന്നത്‌ എന്തു​കൊണ്ട്‌?

⁶ യഹോവ അത്തരം വെളി​പ്പെ​ടു​ത്ത​ലു​കൾ നടത്തി​യത്‌ എങ്ങനെ​യാണ്‌? വളരെ​യ​ധി​കം കാര്യങ്ങൾ വെളി​പ്പെ​ടു​ത്തു​ന്ന​തിന്‌ അവൻ ഉടമ്പടി​ക​ളു​ടെ അഥവാ കരാറു​ക​ളു​ടെ ഒരു പരമ്പര​ത​ന്നെ ഉപയോ​ഗി​ച്ചു. നിങ്ങൾ എപ്പോ​ഴെ​ങ്കി​ലും ഒരു കരാറിൽ ഒപ്പിട്ടി​രി​ക്കാൻ സാധ്യ​ത​യുണ്ട്‌—ഒരുപക്ഷേ ഒരു വീടു വാങ്ങു​ന്ന​തി​നോ​ടോ പണം കടം വാങ്ങു​ന്ന​തി​നോ​ടോ കടം കൊടു​ക്കു​ന്ന​തി​നോ​ടോ ഉള്ള ബന്ധത്തിൽ. അത്തര​മൊ​രു കരാർ, സമ്മതിച്ച വ്യവസ്ഥകൾ പാലി​ക്ക​പ്പെ​ടും എന്നതിന്‌ നിയമ​പ​ര​മാ​യ ഒരു ഉറപ്പു നൽകുന്നു. എന്നാൽ യഹോ​വ​യ്‌ക്ക്‌ മനുഷ്യ​രു​മാ​യി ഔപചാ​രി​ക ഉടമ്പടി​കൾ അഥവാ കരാറു​കൾ ചെയ്യേ​ണ്ട​തി​ന്റെ ആവശ്യ​മെന്ത്‌? തീർച്ച​യാ​യും, അവന്റെ വചനം അവന്റെ വാഗ്‌ദാ​ന​ങ്ങ​ളു​ടെ മതിയായ ഉറപ്പാണ്‌. എന്നിരു​ന്നാ​ലും, പല സന്ദർഭ​ങ്ങ​ളി​ലും ദൈവം ദയാപൂർവം നിയമ​പ​ര​മാ​യ കരാറു​കൾകൊണ്ട്‌ തന്റെ വചനത്തി​നു പിൻബലം കൊടു​ത്തി​രി​ക്കു​ന്നു. ഉരുക്കു​പോ​ലെ ഉറപ്പേ​റി​യ ഈ ഉടമ്പടി​കൾ യഹോ​വ​യു​ടെ വാഗ്‌ദാ​ന​ങ്ങ​ളിൽ വിശ്വ​സി​ക്കു​ന്ന​തിന്‌ അപൂർണ മനുഷ്യ​രാ​യ നമുക്കു കുറേ​ക്കൂ​ടെ ഈടുറ്റ അടിസ്ഥാ​നം നൽകുന്നു.—എബ്രായർ 6:16-18.

7, 8. (എ) യഹോവ അബ്രാ​ഹാ​മു​മാ​യി ഏത്‌ ഉടമ്പടി ചെയ്‌തു, അത്‌ പാവന​ര​ഹ​സ്യ​ത്തി​ന്മേൽ എന്തു വെളിച്ചം വീശി? (ബി) വാഗ്‌ദത്ത സന്തതി​യി​ലേ​ക്കു​ള്ള വംശാ​വ​ലി യഹോവ പടിപ​ടി​യാ​യി ഒരുക്കി​യത്‌ എങ്ങനെ?

⁷ പറുദീ​സ​യിൽനിന്ന്‌ മനുഷ്യൻ പുറത്താ​ക്ക​പ്പെട്ട്‌ രണ്ടായി​ര​ത്തിൽപ്പ​രം വർഷത്തി​നു ശേഷം യഹോവ തന്റെ വിശ്വ​സ്‌ത ദാസനായ അബ്രാ​ഹാ​മി​നോട്‌ ഇങ്ങനെ പറഞ്ഞു: ‘ഞാൻ നിന്റെ സന്തതിയെ ആകാശ​ത്തി​ലെ നക്ഷത്ര​ങ്ങൾപോ​ലെ അത്യന്തം വർദ്ധി​പ്പി​ക്കും; നീ എന്റെ വാക്ക്‌ അനുസ​രി​ച്ച​തു​കൊണ്ട്‌ നിന്റെ സന്തതി മുഖാ​ന്ത​രം ഭൂമി​യി​ലു​ള്ള സകലജാ​തി​ക​ളും അനു​ഗ്ര​ഹി​ക്ക​പ്പെ​ടും.’ (ഉല്‌പത്തി 22:17, 18) ഇത്‌ ഒരു വാഗ്‌ദാ​ന​ത്തി​ലും കവിഞ്ഞ​താ​യി​രു​ന്നു; യഹോവ നിയമ​പ​ര​മാ​യ ഒരു ഉടമ്പടി​യെന്ന നിലയിൽ അതിനെ രൂപ​പ്പെ​ടു​ത്തു​ക​യും തന്റെ അലംഘ​നീ​യ​മാ​യ ആണയാൽ അതിനു പിൻബലം കൊടു​ക്കു​ക​യും ചെയ്‌തു. (ഉല്‌പത്തി 17:1, 2; എബ്രായർ 6:13-15) പരമാ​ധി​കാ​രി​യാം കർത്താവ്‌ മനുഷ്യ​വർഗ​ത്തെ അനു​ഗ്ര​ഹി​ക്കാൻ ഒരു കരാർ ചെയ്‌തു എന്നത്‌ എത്ര ശ്രദ്ധേ​യ​മാണ്‌!

⁸ വാഗ്‌ദത്ത സന്തതി ഒരു മനുഷ്യ​നാ​യി വരു​മെന്ന്‌ അബ്രാ​ഹാ​മ്യ ഉടമ്പടി വെളി​പ്പെ​ടു​ത്തി, കാരണം അവൻ അബ്രാ​ഹാ​മി​ന്റെ ഒരു സന്തതി ആയിരി​ക്കു​മാ​യി​രു​ന്നു. എന്നാൽ അവൻ ആരായി​രി​ക്കും? അബ്രാ​ഹാ​മി​ന്റെ പുത്ര​നാ​യ യിസ്‌ഹാക്‌ സന്തതി​യു​ടെ ഒരു പൂർവ​പി​താ​വാ​യി​രി​ക്കു​മെന്നു യഹോവ കാല​ക്ര​മ​ത്തിൽ വെളി​പ്പെ​ടു​ത്തി. യിസ്‌ഹാ​ക്കി​ന്റെ രണ്ടു പുത്ര​ന്മാ​രിൽ യാക്കോബ്‌ തിര​ഞ്ഞെ​ടു​ക്ക​പ്പെ​ട്ടു. (ഉല്‌പത്തി 21:12; 28:13, 14) പിന്നീട്‌, യാക്കോബ്‌ തന്റെ 12 പുത്ര​ന്മാ​രിൽ ഒരുവനെ സംബന്ധിച്ച്‌ ഈ പ്രാവ​ച​നി​ക വാക്കുകൾ ഉച്ചരിച്ചു: “അവകാ​ശ​മു​ള്ള​വൻ വരു​വോ​ളം ചെങ്കോൽ യെഹൂ​ദ​യിൽനി​ന്നും രാജദണ്ഡു അവന്റെ കാലു​ക​ളു​ടെ ഇടയിൽ നിന്നും നീങ്ങി​പ്പോ​ക​യി​ല്ല; ജാതി​ക​ളു​ടെ അനുസ​ര​ണം അവനോ​ടു ആകും.” (ഉല്‌പത്തി 49:10) അങ്ങനെ, സന്തതി യെഹൂ​ദ​യിൽനിന്ന്‌ ഉത്ഭവി​ക്കു​ന്ന ഒരു രാജാവ്‌ ആയിരി​ക്കു​മെന്ന്‌ വെളി​പ്പെ​ടു​ത്ത​പ്പെ​ട്ടു!

9, 10. (എ) യഹോവ ഇസ്രാ​യേൽ ജനതയു​മാ​യി ഏത്‌ ഉടമ്പടി ചെയ്‌തു, ആ ഉടമ്പടി ഏതു സംരക്ഷണം നൽകി? (ബി) മനുഷ്യ​വർഗ​ത്തിന്‌ ഒരു മറുവില ആവശ്യ​മാ​ണെന്ന്‌ ന്യായ​പ്ര​മാ​ണം പ്രകട​മാ​ക്കി​യത്‌ എങ്ങനെ?

⁹ പൊ.യു.മു. 1513-ൽ യഹോവ പാവന​ര​ഹ​സ്യ​ത്തെ സംബന്ധിച്ച കൂടു​ത​ലാ​യ വെളി​പ്പെ​ടു​ത്ത​ലു​കൾക്കു വഴി​യൊ​രു​ക്കി​യ ഒരു ക്രമീ​ക​ര​ണം ചെയ്‌തു. അബ്രാ​ഹാ​മി​ന്റെ സന്തതി​ക​ളാ​യ, ഇസ്രാ​യേൽ ജനതയു​മാ​യി അവൻ ഒരു ഉടമ്പടി ചെയ്‌തു. ഈ മോ​ശൈക ഉടമ്പടി ഇപ്പോൾ പ്രാബ​ല്യ​ത്തി​ലി​ല്ലെ​ങ്കി​ലും അത്‌ വാഗ്‌ദത്ത സന്തതിയെ ഉളവാ​ക്കാ​നു​ള്ള യഹോ​വ​യു​ടെ ഉദ്ദേശ്യ​ത്തി​ന്റെ ഒരു അവിഭാ​ജ്യ ഘടകമാ​യി​രു​ന്നു. എങ്ങനെ? മൂന്നു വിധങ്ങൾ പരിചി​ന്തി​ക്കു​ക. ഒന്നാമ​താ​യി, ന്യായ​പ്ര​മാ​ണം ഒരു സംരക്ഷക ചുവർപോ​ലെ​യാ​യി​രു​ന്നു. (എഫെസ്യർ 2:14) അതിലെ നീതി​നി​ഷ്‌ഠ​മാ​യ നിയമങ്ങൾ യഹൂദ​ന്മാർക്കും വിജാ​തീ​യർക്കും ഇടയ്‌ക്ക്‌ ഒരു മതിൽക്കെ​ട്ടു പോലെ വർത്തിച്ചു. അങ്ങനെ ന്യായ​പ്ര​മാ​ണം വാഗ്‌ദത്ത സന്തതി​യു​ടെ വംശാ​വ​ലി​യെ സംരക്ഷി​ക്കാൻ സഹായ​ക​മാ​യി. ഏറെയും അത്തരം സംരക്ഷ​ണ​ത്തി​ന്റെ ഫലമായി, യഹൂദാ​ഗോ​ത്ര​ത്തിൽ മിശിഹാ ജനിക്കു​ന്ന​തി​നു​ള്ള ദൈവ​ത്തി​ന്റെ തക്കസമയം വന്നെത്തു​ന്ന​തു​വ​രെ ആ ജനത സ്ഥിതി​ചെ​യ്‌തു.

¹⁰ രണ്ടാമ​താ​യി, മനുഷ്യ​വർഗ​ത്തിന്‌ ഒരു മറുവില ആവശ്യ​മാ​ണെ​ന്നു ന്യായ​പ്ര​മാ​ണം വളരെ വ്യക്തമാ​യി പ്രകട​മാ​ക്കി. തികവുറ്റ ആ ന്യായ​പ്ര​മാ​ണം, അതി​നോ​ടു പൂർണ​മാ​യി പറ്റിനിൽക്കാൻ പാപി​ക​ളാ​യ മനുഷ്യ​വർഗം അപ്രാ​പ്‌ത​രാ​ണെ​ന്നു വ്യക്തമാ​ക്കി. അങ്ങനെ അത്‌ “വാഗ്‌ദ​ത്തം ലഭിച്ച സന്തതി വന്നെത്തു​ന്ന​തു​വ​രെ, ലംഘനങ്ങൾ പ്രകട​മാ​കേ​ണ്ട​തി​നു” പ്രയോ​ജ​ന​പ്പെ​ട്ടു. (ഗലാത്യർ 3:19, NW) ന്യായ​പ്ര​മാ​ണം മൃഗബ​ലി​കൾ മുഖേന പാപങ്ങൾക്കു താത്‌കാ​ലി​ക പരിഹാ​രം നൽകി. എന്നാൽ പൗലൊസ്‌ എഴുതി​യ​തു​പോ​ലെ, “കാളക​ളു​ടെ​യും ആട്ടു​കൊ​റ​റ​ന്മാ​രു​ടെ​യും രക്തത്തിന്നു പാപങ്ങളെ നീക്കു​വാൻ കഴിയു​ന്ന​തല്ല” എന്നതി​നാൽ ആ യാഗങ്ങൾ ക്രിസ്‌തു​വി​ന്റെ മറുവി​ല​യാ​ഗ​ത്തെ മുൻനി​ഴ​ലാ​ക്കു​ക മാത്രമേ ചെയ്‌തു​ള്ളൂ. (എബ്രായർ 10:1-4) അങ്ങനെ വിശ്വ​സ്‌ത​രാ​യ യഹൂദ​ന്മാ​രെ സംബന്ധി​ച്ചി​ട​ത്തോ​ളം ആ ഉടമ്പടി ‘ക്രിസ്‌തു​വി​ന്റെ അടുക്ക​ലേ​ക്കു നടത്തുന്ന ശിശു​പാ​ല​കൻ’ ആയിത്തീർന്നു.—ഗലാത്യർ 3:24.

11. ന്യായ​പ്ര​മാ​ണ ഉടമ്പടി ഇസ്രാ​യേ​ലിന്‌ ഏതു മഹത്തായ പ്രത്യാശ നൽകി, എന്നാൽ ഒരു ജനതയെന്ന നിലയിൽ അവർ അതു നഷ്ടമാ​ക്കി​യത്‌ എങ്ങനെ?

¹¹ മൂന്നാ​മ​താ​യി, ആ ഉടമ്പടി ഇസ്രാ​യേൽ ജനതയ്‌ക്ക്‌ മഹത്തായ ഒരു പ്രത്യാശ നൽകി. ഉടമ്പടി​യോ​ടു വിശ്വ​സ്‌ത​രാ​യി​രു​ന്നാൽ അവർ “ഒരു പുരോ​ഹി​ത​രാ​ജ​ത്വ​വും വിശു​ദ്ധ​ജ​ന​വും” ആയിത്തീ​രു​മെ​ന്നു യഹോവ അവരോ​ടു പറഞ്ഞു. (പുറപ്പാ​ടു 19:5, 6) കാലാ​ന്ത​ര​ത്തിൽ ജഡിക ഇസ്രാ​യേ​ല്യ​രിൽനിന്ന്‌ സ്വർഗീയ പുരോ​ഹി​ത രാജത്വ​ത്തി​ലെ ആദ്യ അംഗങ്ങൾ തിര​ഞ്ഞെ​ടു​ക്ക​പ്പെ​ട്ടു. എന്നിരു​ന്നാ​ലും, ഇസ്രാ​യേൽ ഒരു ജനതയെന്ന നിലയിൽ ന്യായ​പ്ര​മാ​ണ ഉടമ്പടി​യോ​ടു മത്സരി​ക്കു​ക​യും മിശി​ഹൈക സന്തതിയെ തള്ളിക്ക​ള​യു​ക​യും ആ പ്രത്യാശ നഷ്ടപ്പെ​ടു​ത്തു​ക​യും ചെയ്‌തു. അപ്പോൾ പുരോ​ഹി​ത രാജത്വ​ത്തി​ലെ അംഗസം​ഖ്യ തികയ്‌ക്കു​ന്നത്‌ ആരായി​രി​ക്കും? ആ അനുഗൃ​ഹീ​ത ജനത വാഗ്‌ദത്ത സന്തതി​യോ​ടു ബന്ധപ്പെ​ട്ടി​രി​ക്കു​ന്നത്‌ എങ്ങനെ? പാവന​ര​ഹ​സ്യ​ത്തി​ന്റെ ആ വശങ്ങൾ ദൈവ​ത്തി​ന്റെ തക്കസമ​യ​ത്തു വെളി​പ്പെ​ടു​മാ​യി​രു​ന്നു.

12. യഹോവ ദാവീ​ദു​മാ​യി എന്ത്‌ ഉടമ്പടി ചെയ്‌തു, അത്‌ ദൈവ​ത്തി​ന്റെ പാവന​ര​ഹ​സ്യ​ത്തി​ലേക്ക്‌ എന്ത്‌ വെളിച്ചം വീശി?

¹² പൊ.യു.മു. 11-ാം നൂറ്റാ​ണ്ടിൽ യഹോവ മറ്റൊരു ഉടമ്പടി ചെയ്‌ത​പ്പോൾ, അവൻ പാവന​ര​ഹ​സ്യ​ത്തി​ന്മേൽ കൂടു​ത​ലാ​യ വെളിച്ചം വീശി. വിശ്വ​സ്‌ത​നാ​യ ദാവീദ്‌ രാജാ​വി​നോട്‌ അവൻ ഇങ്ങനെ വാഗ്‌ദാ​നം ചെയ്‌തു: “നിന്റെ . . . സന്തതിയെ നിന്റെ ആയുഷ്‌കാ​ലം തികഞ്ഞി​ട്ടു . . . നിനക്കു പിന്തു​ടർച്ച​യാ​യി സ്ഥിര​പ്പെ​ടു​ത്തു​ക​യും അവന്റെ രാജത്വം ഉറപ്പാ​ക്കു​ക​യും ചെയ്യും. . . . ഞാൻ അവന്റെ രാജത്വ​ത്തി​ന്റെ സിംഹാ​സ​നം എന്നേക്കും സ്ഥിരമാ​ക്കും.” (2 ശമൂവേൽ 7:12, 13; സങ്കീർത്ത​നം 89:3) അങ്ങനെ, വാഗ്‌ദത്ത സന്തതി​യു​ടെ വംശാ​വ​ലി ദാവീ​ദി​ന്റെ ഗൃഹത്തി​ലാ​യി ഒതുങ്ങി. എന്നാൽ ഒരു സാധാരണ മനുഷ്യന്‌ “എന്നേക്കും” ഭരിക്കാൻ കഴിയു​മോ? (സങ്കീർത്ത​നം 89:20, 29, 34-36) അങ്ങനെ​യു​ള്ള ഒരു മാനുഷ രാജാ​വിന്‌ മനുഷ്യ​വർഗ​ത്തെ പാപത്തിൽനി​ന്നും മരണത്തിൽനി​ന്നും വിടു​വി​ക്കാൻ കഴിയു​മോ?

13, 14. (എ) സങ്കീർത്ത​നം 110 അനുസ​രിച്ച്‌ യഹോവ തന്റെ അഭിഷിക്ത രാജാ​വി​നോട്‌ എന്തു വാഗ്‌ദാ​നം ചെയ്യുന്നു? (ബി) വരാനി​രി​ക്കു​ന്ന സന്തതിയെ കുറിച്ചു കൂടു​ത​ലാ​യ ഏതു വെളി​പ്പെ​ടു​ത്ത​ലു​കൾ യഹോ​വ​യു​ടെ പ്രവാ​ച​ക​ന്മാ​രി​ലൂ​ടെ നൽക​പ്പെ​ട്ടു?

¹³ നിശ്വ​സ്‌ത​ത​യിൽ ദാവീദ്‌ എഴുതി: “യഹോവ എന്റെ കർത്താ​വി​നോ​ടു അരുളി​ച്ചെ​യ്യു​ന്ന​തു: ഞാൻ നിന്റെ ശത്രു​ക്ക​ളെ നിന്റെ പാദപീ​ഠ​മാ​ക്കു​വോ​ളം നീ എന്റെ വലത്തു​ഭാ​ഗ​ത്തി​രി​ക്ക. നീ മല്‌ക്കീ​സേ​ദെ​ക്കി​ന്റെ വിധത്തിൽ എന്നേക്കും ഒരു പുരോ​ഹി​തൻ എന്നു യഹോവ സത്യം ചെയ്‌തു, അനുത​പി​ക്ക​യു​മി​ല്ല.” (സങ്കീർത്ത​നം 110:1, 4) ദാവീ​ദി​ന്റെ വാക്കുകൾ വാഗ്‌ദത്ത സന്തതി​യു​ടെ അഥവാ മിശി​ഹാ​യു​ടെ കാര്യ​ത്തിൽ നിവൃ​ത്തി​യേ​റി. (പ്രവൃ​ത്തി​കൾ 2:34ബി-36) ഈ രാജാവു യെരൂ​ശ​ലേ​മിൽനി​ന്നല്ല, പിന്നെ​യോ സ്വർഗ​ത്തിൽ യഹോ​വ​യു​ടെ “വലത്തു​ഭാ​ഗ​ത്തു” നിന്നു ഭരിക്കും. അത്‌ അവന്‌ ഇസ്രാ​യേൽ ദേശത്തു മാത്രമല്ല, മുഴു​ഭൂ​മി​മേ​ലും അധികാ​രം കൊടു​ക്കും. (സങ്കീർത്ത​നം 2:6-8) ഇവിടെ കൂടു​ത​ലാ​യി ചിലതു വെളി​പ്പെ​ട്ടു. മിശിഹാ “മല്‌ക്കീ​സേ​ദെ​ക്കി​ന്റെ വിധത്തിൽ . . . ഒരു പുരോ​ഹി​തൻ” ആയിരി​ക്കു​മെന്ന്‌ യഹോവ ആണയി​ട്ടി​രി​ക്കു​ന്ന​തു ശ്രദ്ധി​ക്കു​ക. അബ്രാ​ഹാ​മി​ന്റെ നാളിൽ ഒരു രാജ-പുരോ​ഹി​തൻ ആയി സേവിച്ച മല്‌ക്കീ​സേ​ദെ​ക്കി​നെ​പ്പോ​ലെ വരാനി​രി​ക്കു​ന്ന സന്തതിക്ക്‌ രാജാ​വും പുരോ​ഹി​ത​നും ആയിരി​ക്കാ​നു​ള്ള നിയമനം ലഭിക്കു​ന്നത്‌ ദൈവ​ത്തിൽനി​ന്നു നേരി​ട്ടാ​യി​രി​ക്കും!—ഉല്‌പത്തി 14:17-20.

¹⁴ വർഷങ്ങ​ളി​ലു​ട​നീ​ളം തന്റെ പാവന​ര​ഹ​സ്യ​ത്തെ കുറിച്ചു കൂടു​ത​ലാ​യ വെളി​പ്പെ​ടു​ത്ത​ലു​കൾ നടത്താൻ യഹോവ തന്റെ പ്രവാ​ച​ക​ന്മാ​രെ ഉപയോ​ഗി​ച്ചു. ദൃഷ്ടാ​ന്ത​ത്തിന്‌, സന്തതി ബലിമ​ര​ണം വരിക്കു​മെന്ന്‌ യെശയ്യാ​വു വെളി​പ്പെ​ടു​ത്തി. (യെശയ്യാ​വു 53:3-12) മിശി​ഹാ​യു​ടെ ജനനസ്ഥലം മീഖാ മുൻകൂ​ട്ടി പറഞ്ഞു. (മീഖാ 5:2) സന്തതി​യു​ടെ പ്രത്യ​ക്ഷ​ത​യു​ടെ​യും മരണത്തി​ന്റെ​യും കൃത്യ​സ​മ​യം​പോ​ലും ദാനീ​യേൽ പ്രവചി​ച്ചു.—ദാനീ​യേൽ 9:24-27.

15, 16. (എ) യഹോ​വ​യു​ടെ പുത്രൻ ഒരു “സ്‌ത്രീ​യിൽ നിന്നു” ജനിച്ചത്‌ എങ്ങനെ? (ബി) യേശു അവന്റെ മാനുഷ മാതാ​പി​താ​ക്ക​ളിൽനിന്ന്‌ എന്ത്‌ അവകാ​ശ​പ്പെ​ടു​ത്തി, അവൻ വാഗ്‌ദത്ത സന്തതി​യാ​യി വന്നെത്തി​യത്‌ എപ്പോൾ?

¹⁵ സന്തതി യഥാർഥ​ത്തിൽ പ്രത്യ​ക്ഷ​പ്പെ​ടു​ന്ന​തു​വരെ ഈ പ്രവച​ന​ങ്ങൾ എങ്ങനെ നിവൃ​ത്തി​യേ​റും എന്നത്‌ ഒരു മർമമാ​യി തുടർന്നു. ഗലാത്യർ 4:4 പറയുന്നു: “കാലസ​മ്പൂർണ്ണത വന്നപ്പോൾ ദൈവം തന്റെ പുത്രനെ സ്‌ത്രീ​യിൽ നിന്നു ജനിച്ച​വ​നാ​യി” അയച്ചു. പൊ.യു.മു. 2-ാം ആണ്ടിൽ മറിയ എന്നു പേരുള്ള ഒരു യഹൂദ കന്യക​യോട്‌ ഒരു ദൂതൻ പറഞ്ഞു: “നീ ഗർഭം ധരിച്ചു ഒരു മകനെ പ്രസവി​ക്കും; അവന്നു യേശു എന്നു പേർ വിളി​ക്കേ​ണം. അവൻ വലിയവൻ ആകും; അത്യു​ന്ന​ത​ന്റെ പുത്രൻ എന്നു വിളി​ക്ക​പ്പെ​ടും; കർത്താ​വാ​യ ദൈവം അവന്റെ പിതാ​വാ​യ ദാവീ​ദി​ന്റെ സിംഹാ​സ​നം അവന്നു കൊടു​ക്കും. . . . പരിശു​ദ്ധാ​ത്മാ​വു നിന്റെ​മേൽ വരും; അത്യു​ന്ന​ത​ന്റെ ശക്തി നിന്റെ​മേൽ നിഴലി​ടും; ആകയാൽ ഉത്ഭവി​ക്കു​ന്ന വിശു​ദ്ധ​പ്രജ ദൈവ​പു​ത്രൻ എന്നു വിളി​ക്ക​പ്പെ​ടും.”—ലൂക്കൊസ്‌ 1:31, 32, 35.

¹⁶ പിന്നീട്‌, യഹോവ തന്റെ പുത്രന്റെ ജീവനെ സ്വർഗ​ത്തിൽനി​ന്നു മറിയ​യു​ടെ ഗർഭപാ​ത്ര​ത്തി​ലേ​ക്കു മാറ്റി, തന്നിമി​ത്തം അവൻ ഒരു സ്‌ത്രീ​യിൽ നിന്നു ജനിച്ചു. മറിയ ഒരു അപൂർണ സ്‌ത്രീ ആയിരു​ന്നു. എന്നിട്ടും യേശു അവളിൽനിന്ന്‌ അപൂർണത അവകാ​ശ​പ്പെ​ടു​ത്തി​യി​ല്ല, എന്തു​കൊ​ണ്ടെ​ന്നാൽ അവൻ “ദൈവ​പു​ത്രൻ” ആയിരു​ന്നു. എന്നാൽ അതോ​ടൊ​പ്പം, ദാവീ​ദി​ന്റെ പിൻഗാ​മി​കൾ എന്ന നിലയിൽ യേശു​വി​ന്റെ മാനുഷ മാതാ​പി​താ​ക്കൾ ദാവീ​ദി​ന്റെ ഒരു പിന്തു​ടർച്ച​ക്കാ​ര​ന്റെ സ്വാഭാ​വി​ക​വും നിയമ​പ​ര​വു​മാ​യ അവകാ​ശ​ങ്ങൾ അവനു കൈമാ​റി. (പ്രവൃ​ത്തി​കൾ 13:22, 23) പൊ.യു. 29-ൽ യേശു​വി​ന്റെ സ്‌നാപന സമയത്ത്‌ യഹോവ അവനെ പരിശു​ദ്ധാ​ത്മാ​വി​നാൽ അഭി​ഷേ​കം ചെയ്യു​ക​യും “ഇവൻ എന്റെ പ്രിയ​പു​ത്രൻ” എന്നു പറയു​ക​യും ചെയ്‌തു. (മത്തായി 3:16, 17) അങ്ങനെ സന്തതി പ്രത്യ​ക്ഷ​നാ​യി! (ഗലാത്യർ 3:16) പാവന​ര​ഹ​സ്യ​ത്തെ കുറിച്ചു കൂടുതൽ വെളി​പ്പെ​ടു​ത്താ​നു​ള്ള സമയമാ​യി​രു​ന്നു അത്‌.—2 തിമൊ​ഥെ​യൊസ്‌ 1:10.

17. ഉല്‌പത്തി 3:15-ന്റെ അർഥത്തി​ന്മേൽ വെളിച്ചം ചൊരി​യ​പ്പെ​ട്ടത്‌ എങ്ങനെ?

¹⁷ യേശു തന്റെ ശുശ്രൂ​ഷ​ക്കാ​ലത്ത്‌ ഉല്‌പത്തി 3:15-ലെ സർപ്പത്തെ സാത്താ​നാ​യും സർപ്പത്തി​ന്റെ സന്തതിയെ സാത്താന്റെ അനുഗാ​മി​ക​ളാ​യും തിരി​ച്ച​റി​യി​ച്ചു. (മത്തായി 23:33; യോഹ​ന്നാൻ 8:44) പിന്നീട്‌, ഇവരെ​ല്ലാം എന്നേക്കു​മാ​യി എങ്ങനെ തകർക്ക​പ്പെ​ടും എന്നു വെളി​പ്പെ​ടു​ത്ത​പ്പെ​ട്ടു. (വെളി​പ്പാ​ടു 20:1-3, 10, 15) സ്‌ത്രീ യഹോ​വ​യു​ടെ ആത്മസൃ​ഷ്ടി​കൾ അടങ്ങിയ ഭാര്യാ​സ​മാ​ന സ്വർഗീയ സംഘട​ന​യാ​യ “മീതെ​യു​ള്ള യെരൂ​ശ​ലേ”മാണെന്നു തിരി​ച്ച​റി​യി​ക്ക​പ്പെ​ട്ടു.a—ഗലാത്യർ 4:26; വെളി​പ്പാ​ടു 12:1-6.

18. “പുതിയ ഉടമ്പടി”യുടെ ഉദ്ദേശ്യം എന്ത്‌?

¹⁸ ഒരുപക്ഷേ ഏറ്റവും ശ്രദ്ധേ​യ​മാ​യ വെളി​പ്പെ​ടു​ത്തൽ ഉണ്ടായത്‌ യേശു​വി​ന്റെ മരണത്തി​ന്റെ തലേ രാത്രി​യിൽ ആയിരു​ന്നു, തന്റെ വിശ്വ​സ്‌ത ശിഷ്യ​ന്മാ​രോട്‌ “പുതിയ ഉടമ്പടി”യെ കുറിച്ച്‌ അവൻ പറഞ്ഞ സമയത്ത്‌. (ലൂക്കൊസ്‌ 22:20, NW) അതിന്റെ മുൻനി​ഴ​ലാ​യ ന്യായ​പ്ര​മാ​ണ ഉടമ്പടി​യെ​പ്പോ​ലെ ഈ പുതിയ ഉടമ്പടി ‘ഒരു പുരോ​ഹി​ത​രാ​ജ​ത്വം’ ഉളവാ​ക്ക​ണ​മാ​യി​രു​ന്നു. (പുറപ്പാ​ടു 19:6; 1 പത്രൊസ്‌ 2:9) എന്നിരു​ന്നാ​ലും, ഈ ഉടമ്പടി ഒരു ജഡിക ജനതയെ അല്ല, പിന്നെ​യോ ഒരു ആത്മീയ ജനതയെ ‘ദൈവ​ത്തി​ന്റെ ഇസ്രാ​യേ​ലി​നെ’ സ്ഥാപി​ക്കു​മാ​യി​രു​ന്നു. അത്‌ പൂർണ​മാ​യും ക്രിസ്‌തു​വി​ന്റെ വിശ്വ​സ്‌ത അഭിഷിക്ത അനുഗാ​മി​കൾ ചേർന്നു രൂപം​കൊ​ള്ളു​ന്നത്‌ ആയിരി​ക്കു​മാ​യി​രു​ന്നു. (ഗലാത്യർ 6:16) പുതിയ ഉടമ്പടി​യി​ലെ ഈ കക്ഷികൾ മനുഷ്യ​വർഗ​ത്തെ അനു​ഗ്ര​ഹി​ക്കു​ന്ന​തിൽ യേശു​വി​നോ​ടു കൂടെ പ്രവർത്തി​ക്കും!

19. (എ) ‘ഒരു പുരോ​ഹി​ത​രാ​ജ​ത്വം’ ഉളവാ​ക്കു​ന്ന​തിൽ പുതിയ ഉടമ്പടി വിജയി​ക്കു​ന്നത്‌ എന്തു​കൊണ്ട്‌? (ബി) അഭിഷിക്ത ക്രിസ്‌ത്യാ​നി​കൾ ഒരു “പുതിയ സൃഷ്ടി” എന്നു വിളി​ക്ക​പ്പെ​ടു​ന്നത്‌ എന്തു​കൊണ്ട്‌, എത്രപേർ ക്രിസ്‌തു​വി​നോ​ടു​കൂ​ടെ സ്വർഗ​ത്തിൽ സേവി​ക്കും?

¹⁹ എന്നാൽ മനുഷ്യ​വർഗ​ത്തെ അനു​ഗ്ര​ഹി​ക്കാൻ ‘ഒരു പുരോ​ഹി​ത​രാ​ജ​ത്വം’ ഉളവാ​ക്കു​ന്ന​തിൽ പുതിയ ഉടമ്പടി വിജയി​ക്കു​ന്നത്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ ക്രിസ്‌തു​വി​ന്റെ ശിഷ്യരെ പാപി​ക​ളാ​യി കുറ്റം​വി​ധി​ക്കു​ന്ന​തി​നു പകരം അത്‌ അവന്റെ ബലി മുഖാ​ന്ത​രം അവരുടെ പാപങ്ങ​ളു​ടെ മോചനം സാധ്യ​മാ​ക്കു​ന്നു. (യിരെ​മ്യാ​വു 31:31-34) യഹോ​വ​യു​ടെ മുമ്പാകെ അവർക്കു ശുദ്ധമായ ഒരു നില ലഭിക്കു​മ്പോൾ യഹോവ അവരെ തന്റെ സ്വർഗീയ കുടും​ബ​ത്തി​ലേ​ക്കു ദത്തെടു​ക്കു​ക​യും പരിശു​ദ്ധാ​ത്മാ​വു​കൊണ്ട്‌ അഭി​ഷേ​കം ചെയ്യു​ക​യും ചെയ്യുന്നു. (റോമർ 8:15-17; 2 കൊരി​ന്ത്യർ 1:21) അങ്ങനെ അവർ ‘ജീവനുള്ള പ്രത്യാ​ശ​ക്കാ​യി, സ്വർഗ​ത്തിൽ സൂക്ഷി​ച്ചി​രി​ക്കു​ന്ന അവകാ​ശ​ത്തി​നാ​യി വീണ്ടും ജനിപ്പി’ക്കപ്പെടു​ന്നു. (1 പത്രൊസ്‌ 1:3-5) അത്തരം ഒരു ഉയർന്ന പദവി മനുഷ്യ​രെ സംബന്ധി​ച്ചി​ട​ത്തോ​ളം തികച്ചും പുതി​യ​താ​ക​യാൽ ആത്മജനനം പ്രാപിച്ച അഭിഷിക്ത ക്രിസ്‌ത്യാ​നി​കൾ ഒരു “പുതിയ സൃഷ്ടി” എന്നു വിളി​ക്ക​പ്പെ​ടു​ന്നു. (2 കൊരി​ന്ത്യർ 5:17) കാലാ​ന്ത​ര​ത്തിൽ, വീണ്ടെ​ടു​ക്ക​പ്പെ​ടു​ന്ന മനുഷ്യ​വർഗ​ത്തെ സ്വർഗ​ത്തിൽനി​ന്നു ഭരിക്കു​ന്ന​തിൽ 1,44,000 പേർ പങ്കുപ​റ്റു​മെ​ന്നു ബൈബിൾ വെളി​പ്പെ​ടു​ത്തു​ന്നു.—വെളി​പ്പാ​ടു 5:9, 10; 14:1-4.

20. (എ) പൊ.യു. 36-ൽ പാവന​ര​ഹ​സ്യം സംബന്ധിച്ച്‌ എന്തു വെളി​പ്പെ​ടു​ത്തൽ ഉണ്ടായി? (ബി) അബ്രാ​ഹാ​മി​നോ​ടു വാഗ്‌ദാ​നം ചെയ്‌ത അനു​ഗ്ര​ഹ​ങ്ങൾ ആർ ആസ്വദി​ക്കും?

²⁰ യേശു​വി​നോ​ടൊ​പ്പം ഈ അഭിഷി​ക്തർ “അബ്രാ​ഹാ​മി​ന്റെ സന്തതി” ആയിത്തീ​രു​ന്നു.b (ഗലാത്യർ 3:29) ആദ്യമാ​യി തിര​ഞ്ഞെ​ടു​ക്ക​പ്പെ​ട്ട​വർ ജഡിക യഹൂദ​ന്മാർ ആയിരു​ന്നു. പൊ.യു. 36-ൽ പാവന​ര​ഹ​സ്യ​ത്തി​ന്റെ മറ്റൊരു വശം വെളി​പ്പെ​ടു​ത്ത​പ്പെ​ട്ടു: വിജാ​തീ​യർ അല്ലെങ്കിൽ യഹൂ​ദേ​ത​രർകൂ​ടെ സ്വർഗീയ പ്രത്യാ​ശ​യിൽ പങ്കുപ​റ്റും. (റോമർ 9:6-8; 11:25, 26; എഫെസ്യർ 3:5, 6) അഭിഷിക്ത ക്രിസ്‌ത്യാ​നി​കൾ മാത്രമേ അബ്രാ​ഹാ​മി​നോ​ടു വാഗ്‌ദാ​നം ചെയ്‌ത അനു​ഗ്ര​ഹ​ങ്ങൾ ആസ്വദി​ക്കു​ക​യു​ള്ളോ? അല്ല, കാരണം യേശു​വി​ന്റെ ബലി മുഴു ലോക​ത്തി​നും പ്രയോ​ജ​നം ചെയ്യുന്നു. (1 യോഹ​ന്നാൻ 2:2) കാല​ക്ര​മ​ത്തിൽ, എണ്ണമി​ല്ലാ​ത്ത ഒരു “മഹാപു​രു​ഷാ​രം” സാത്താന്റെ വ്യവസ്ഥി​തി​യെ അതിജീ​വി​ക്കും എന്നു യഹോവ വെളി​പ്പെ​ടു​ത്തി. (വെളി​പ്പാ​ടു 7:9, 14) പറുദീ​സ​യിൽ എന്നേക്കും ജീവി​ക്കാ​നു​ള്ള പ്രത്യാ​ശ​യോ​ടെ അനേകർ പുനരു​ത്ഥാ​നം പ്രാപി​ക്കും.—ലൂക്കൊസ്‌ 23:43, NW; യോഹ​ന്നാൻ 5:28, 29; വെളി​പ്പാ​ടു 20:11-15; 21:3-5.

21, 22. യഹോ​വ​യു​ടെ പാവന​ര​ഹ​സ്യം അവന്റെ ജ്ഞാനം പ്രകട​മാ​ക്കു​ന്നത്‌ ഏതു വിധങ്ങ​ളിൽ?

²¹ പാവന​ര​ഹ​സ്യം “ദൈവ​ത്തി​ന്റെ ബഹുവി​ധ​മാ​യ ജ്ഞാന”ത്തിന്റെ ഒരു മുന്തിയ പ്രകട​ന​മാണ്‌. (എഫെസ്യർ 3:8-10) ഈ രഹസ്യം രൂപ​പ്പെ​ടു​ത്തു​ന്ന​തി​ലും അതു​പോ​ലെ ക്രമേണ അതു വെളി​പ്പെ​ടു​ത്തു​ന്ന​തി​ലും യഹോവ എത്ര വലിയ ജ്ഞാനമാ​ണു പ്രകട​മാ​ക്കി​യത്‌! ജ്ഞാനപൂർവം അവൻ മനുഷ്യ​രു​ടെ പരിമി​തി​കൾ കണക്കി​ലെ​ടു​ത്തു, തങ്ങളുടെ യഥാർഥ ഹൃദയാ​വസ്ഥ വെളി​പ്പെ​ടു​ത്താൻ അവൻ അവരെ അനുവ​ദി​ച്ചു.—സങ്കീർത്ത​നം 103:14.

²² യേശു​വി​നെ രാജാ​വാ​യി തിര​ഞ്ഞെ​ടു​ത്ത​തി​ലും യഹോവ കിടയറ്റ ജ്ഞാനം പ്രകട​മാ​ക്കി. യഹോ​വ​യു​ടെ പുത്രൻ അഖിലാ​ണ്ഡ​ത്തി​ലെ മറ്റ്‌ ഏതൊരു സൃഷ്ടി​യെ​ക്കാ​ളും വിശ്വാ​സ​യോ​ഗ്യ​നാണ്‌. ജഡരക്ത​ങ്ങ​ളോ​ടു കൂടിയ ഒരു മനുഷ്യ​നാ​യി ജീവി​ച്ച​തി​നാൽ യേശു​വിന്‌ അനേകം യാതനകൾ അനുഭ​വി​ക്കേ​ണ്ടി​വ​ന്നു. മനുഷ്യ​രു​ടെ പ്രശ്‌ന​ങ്ങൾ അവനു പൂർണ​മാ​യി ഗ്രഹി​ക്കാ​നാ​കും. (എബ്രായർ 5:7-9) യേശു​വി​ന്റെ സഹഭര​ണാ​ധി​കാ​രി​കളെ സംബന്ധി​ച്ചെന്ത്‌? നൂറ്റാ​ണ്ടു​ക​ളിൽ ഉടനീളം എല്ലാ വർഗങ്ങ​ളി​ലും ഭാഷക​ളി​ലും പശ്ചാത്ത​ല​ങ്ങ​ളി​ലും നിന്നുള്ള സ്‌ത്രീ​പു​രു​ഷ​ന്മാർ അഭിഷി​ക്ത​രു​ടെ നിരയി​ലേ​ക്കു വന്നിരി​ക്കു​ന്നു. അവർ അനുഭ​വി​ക്കു​ക​യും തരണം ചെയ്യു​ക​യും ചെയ്യാത്ത പ്രശ്‌ന​ങ്ങൾ ഇല്ലെന്നു​ത​ന്നെ പറയാം. (എഫെസ്യർ 4:22-24) കരുണാ​സ​മ്പ​ന്ന​രാ​യ ഈ രാജ-പുരോ​ഹി​ത​ന്മാ​രു​ടെ ഭരണത്തിൻകീ​ഴിൽ ജീവി​ക്കു​ന്നത്‌ എത്ര ഉല്ലാസ​ക​ര​മാ​യി​രി​ക്കും!

23. യഹോ​വ​യു​ടെ പാവന​ര​ഹ​സ്യ​ത്തോ​ടു​ള്ള ബന്ധത്തിൽ ക്രിസ്‌ത്യാ​നി​കൾക്ക്‌ എന്തു പദവി​യുണ്ട്‌?

²³ അപ്പൊ​സ്‌ത​ല​നാ​യ പൗലൊസ്‌ എഴുതി: “പൂർവ്വ​കാ​ല​ങ്ങൾക്കും തലമു​റ​കൾക്കും മറഞ്ഞു​കി​ടന്ന മർമ്മം [“പാവന​ര​ഹ​സ്യം,” NW] എങ്കിലും ഇപ്പോൾ അവന്റെ വിശു​ദ്ധ​ന്മാർക്കു വെളി​പ്പെ​ട്ടി​രി​ക്കു​ന്നു.” (കൊ​ലൊ​സ്സ്യർ 1:26) അതേ, യഹോ​വ​യു​ടെ അഭിഷി​ക്തർ ഈ പാവന​ര​ഹ​സ്യ​ത്തെ കുറിച്ചു വളരെ​യ​ധി​കം മനസ്സി​ലാ​ക്കി​യി​രി​ക്കു​ന്നു, അങ്ങനെ​യു​ള്ള പരിജ്ഞാ​നം അവർ ദശലക്ഷ​ങ്ങ​ളു​മാ​യി പങ്കു​വെ​ക്കു​ക​യും ചെയ്‌തി​രി​ക്കു​ന്നു. നമു​ക്കെ​ല്ലാം എത്ര വലിയ പദവി​യാ​ണു​ള്ളത്‌! യഹോവ “തന്റെ ഹിതത്തി​ന്റെ മർമ്മം [“പാവന​ര​ഹ​സ്യം,” NW] . . . നമ്മോടു അറിയി​ച്ചു.” (എഫെസ്യർ 1:9) മഹത്തായ ഈ രഹസ്യം മറ്റുള്ള​വ​രു​മാ​യി പങ്കു​വെ​ച്ചു​കൊണ്ട്‌ യഹോ​വ​യാം ദൈവ​ത്തി​ന്റെ അളവറ്റ ജ്ഞാനത്തി​ലേക്ക്‌ ഉറ്റു​നോ​ക്കാൻ നമുക്ക്‌ അവരെ സഹായി​ക്കാം!