നമ്മുടെ ദൈവ​മായ “യഹോവ ഏകൻ തന്നേ”

1, 2. (എ) ആവർത്തനം 6:4, 5-ലെ വാക്കുകൾ പരക്കെ അറിയ​പ്പെ​ട്ടി​രു​ന്നത്‌ എന്തു​കൊണ്ട്‌? (ബി) എന്തിനാണ്‌ മോശ അത്‌ പറഞ്ഞത്‌?

നൂറ്റാ​ണ്ടു​ക​ളാ​യി യഹൂദ​ന്മാർ ആവർത്തനം 6:4-ലെ വാക്കുകൾ അവരുടെ പ്രാർഥ​ന​യിൽ ചൊല്ലാ​റുണ്ട്‌. എബ്രാ​യ​ഭാ​ഷ​യി​ലെ ആ വാക്യ​ത്തി​ന്റെ ആദ്യവാ​ക്കായ ശേമ എന്നാണ്‌ ആ പ്രാർഥ​ന​യു​ടെ പേര്‌. തങ്ങൾക്ക്‌ ദൈവ​ത്തോ​ടുള്ള സമ്പൂർണ​ഭക്തി പ്രകടി​പ്പി​ക്കാൻ മിക്ക യഹൂദ​രും എല്ലാ ദിവസ​വും രാവി​ലെ​യും വൈകി​ട്ടും ഈ പ്രാർഥന ചൊല്ലാ​റുണ്ട്‌.

² ഇസ്രാ​യേൽ ജനതയ്‌ക്കു മുന്നിൽ മോശ നടത്തിയ അവസാ​നത്തെ പ്രസം​ഗ​ത്തി​ലെ ചില വാക്കു​ക​ളാണ്‌ ഈ വാക്യ​ത്തിൽ പറഞ്ഞി​രി​ക്കു​ന്നത്‌. ബി.സി. 1473-ൽ യോർദാൻ നദി കടന്ന്‌ വാഗ്‌ദ​ത്ത​ദേശം കീഴട​ക്കാൻ തയ്യാറാ​യി മോവാബ്‌ ദേശത്ത്‌ നിൽക്കു​ക​യാ​യി​രു​ന്നു ഇസ്രാ​യേൽ ജനത. (ആവ. 6:1) മോശ ജനത്തെ നയിക്കാൻ തുടങ്ങി​യിട്ട്‌ 40 വർഷം പിന്നി​ട്ടി​രു​ന്നു. വരാനി​രി​ക്കുന്ന പ്രയാ​സ​സാ​ഹ​ച​ര്യ​ങ്ങളെ അവർ ധൈര്യ​ത്തോ​ടെ നേരി​ട​ണ​മെന്ന്‌ മോശ ആഗ്രഹി​ച്ചു. അവർ യഹോ​വ​യിൽ ആശ്രയി​ക്കു​ക​യും യഹോ​വ​യോട്‌ വിശ്വസ്‌ത​രാ​യി​രി​ക്കു​ക​യും ചെയ്യണ​മാ​യി​രു​ന്നു. അതിനു​വേ​ണ്ടി​യാണ്‌ ഇപ്പോൾ മോശ അവരെ പ്രോ​ത്സാ​ഹി​പ്പി​ക്കു​ന്ന​തും. പത്തു കല്‌പ​ന​ക​ളെ​ക്കു​റി​ച്ചും യഹോ​വ​യു​ടെ മറ്റു നിയമ​ങ്ങ​ളെ​ക്കു​റി​ച്ചും പറഞ്ഞതി​നു ശേഷം ആവർത്തനം 6:4, 5-ൽ (വായി​ക്കുക.) കാണുന്ന ശക്തമായ ഓർമി​പ്പി​ക്കൽ മോശ ജനത്തിനു നൽകി.

 3. ഈ ലേഖന​ത്തിൽ നമ്മൾ ഏത്‌ ചോദ്യ​ങ്ങൾ പരിചി​ന്തി​ക്കും?

³ തങ്ങളുടെ ദൈവ​മായ ‘യഹോവ ഏകനാ​ണെന്ന്‌’ ഇസ്രാ​യേ​ല്യർക്ക്‌ അറിയാ​മാ​യി​രു​ന്നു. പൂർവ​പി​താ​ക്ക​ന്മാർ ആരാധി​ച്ചി​രുന്ന ഏക ദൈവ​ത്തെ​യാണ്‌ വിശ്വസ്‌ത​രായ ഇസ്രാ​യേ​ല്യർ ആരാധി​ച്ചി​രു​ന്നത്‌. എന്നിട്ടും യഹോവ ഏകനാ​ണെന്ന്‌ മോശ ഇസ്രാ​യേ​ല്യ​രെ ഓർമി​പ്പി​ച്ചത്‌ എന്തിനാണ്‌? യഹോവ ഏകനാ​ണെന്ന കാര്യ​വും ദൈവത്തെ മുഴു ഹൃദയ​ത്തോ​ടും മുഴു ദേഹി​യോ​ടും മുഴു ശക്തി​യോ​ടും കൂടെ സ്‌നേ​ഹി​ക്ക​ണ​മെന്ന്‌ പറഞ്ഞി​രി​ക്കു​ന്ന​തും തമ്മിലുള്ള ബന്ധം എന്താണ്‌? ആവർത്തനം 6:4, 5-ലെ വാക്കുകൾ ഇന്ന്‌ നമുക്ക്‌ ബാധക​മാ​കു​ന്നത്‌ എങ്ങനെ?

4, 5. (എ) “യഹോവ ഏകൻ” ആണെന്ന്‌ പറയു​ന്ന​തി​ന്റെ ഒരു അർഥം എന്താണ്‌? (ബി) മറ്റ്‌ ജനതക​ളു​ടെ ദേവന്മാ​രിൽനിന്ന്‌ യഹോവ വ്യത്യസ്‌ത​നാ​യി​രി​ക്കു​ന്നത്‌ എങ്ങനെ?

⁴ അതുല്യൻ. ‘യഹോവ ഏകനാണ്‌’ എന്നതിന്റെ അർഥം യഹോവ അതുല്യ​നാണ്‌ എന്നാണ്‌, അതായത്‌ യഹോ​വയ്‌ക്ക്‌ തുല്യ​നാ​യോ യഹോ​വ​യെ​പ്പോ​ലെ​യോ ആരുമില്ല. മോശ അങ്ങനെ പറഞ്ഞത്‌ എന്തു​കൊ​ണ്ടാണ്‌? ത്രിത്വ​വി​ശ്വാ​സം തെറ്റാ​യി​രു​ന്നെന്ന്‌ തെളി​യി​ക്കാ​നാണ്‌ മോശ ശ്രമി​ച്ച​തെന്ന്‌ തോന്നു​ന്നില്ല. യഹോവ ആകാശ​ത്തി​ന്റെ​യും ഭൂമി​യു​ടെ​യും സ്രഷ്ടാ​വും പ്രപഞ്ച​ത്തി​ന്റെ ഭരണാ​ധി​കാ​രി​യും ആണ്‌. യഹോവ ഏക സത്യ​ദൈ​വ​മാണ്‌, യഹോ​വ​യെ​പ്പോ​ലെ മറ്റൊരു ദൈവ​മില്ല. (2 ശമു. 7:22) അതു​കൊണ്ട്‌ യഹോ​വയെ മാത്രം ആരാധി​ക്കണം എന്ന കാര്യം മോശ​യു​ടെ വാക്കുകൾ ഇസ്രാ​യേ​ല്യ​രെ ഓർമി​പ്പി​ക്കു​മാ​യി​രു​ന്നു. അനേകം വ്യാജ ദേവന്മാ​രെ​യും ദേവത​ക​ളെ​യും ആരാധി​ച്ചി​രുന്ന ചുറ്റു​മുള്ള ആളുകളെ അവർ അനുക​രി​ക്കാൻ പാടി​ല്ലാ​യി​രു​ന്നു. അവർ വിശ്വ​സി​ച്ചി​രു​ന്നത്‌ തങ്ങളുടെ ദേവന്മാർക്ക്‌ പ്രകൃ​തി​ശ​ക്തി​കളെ നിയ​ന്ത്രി​ക്കാൻ കഴിയു​മെ​ന്നാണ്‌.

⁵ ഉദാഹ​ര​ണ​ത്തിന്‌, ഈജിപ്‌തു​കാർ സൂര്യ​ദേ​വ​നായ റായെ​യും ആകാശ​ദേ​വ​ത​യായ നട്ടി​നെ​യും ഭൂമി​ദേ​വ​നായ ഗേബി​നെ​യും നൈൽ ദേവനായ ഹാപി​യെ​യും അതു​പോ​ലെ പല മൃഗങ്ങ​ളെ​യും ആരാധി​ച്ചി​രു​ന്നു. പത്തു ബാധകൾ വരുത്തി​യ​പ്പോൾ ഈ ദേവന്മാ​രെ​ക്കാ​ളെ​ല്ലാം ഉന്നതനായ ദൈവ​മാണ്‌ താനെന്ന്‌ യഹോവ തെളി​യി​ച്ചു. കനാന്യ​രു​ടെ പ്രധാ​ന​ദേ​വ​നാ​യി​രു​ന്നു ബാൽ. ഈ വ്യാജ​ദേ​വ​നാണ്‌ ജീവൻ അസ്‌തി​ത്വ​ത്തിൽ കൊണ്ടു​വ​ന്ന​തെന്ന്‌ അവർ വിചാ​രി​ച്ചി​രു​ന്നു. ആകാശ​ത്തി​ന്റെ​യും കാറ്റി​ന്റെ​യും മഴയു​ടെ​യും ദേവനും ബാൽത​ന്നെ​യാ​ണെന്ന്‌ അവർ വിശ്വ​സി​ച്ചി​രു​ന്നു. (സംഖ്യ 25:3) സത്യ​ദൈ​വ​മായ യഹോവ അനന്യ​നും ‘ഏകനും’ ആണെന്ന്‌ ഇസ്രാ​യേ​ല്യർ ഓർക്ക​ണ​മാ​യി​രു​ന്നു.—ആവ. 4:35, 39.

6, 7. “ഏകൻ” എന്നതിന്റെ മറ്റൊരു അർഥം എന്താണ്‌, താൻ ഏകനാ​ണെന്ന്‌ യഹോവ തെളി​യി​ച്ചി​രി​ക്കു​ന്നത്‌ എങ്ങനെ?

⁶ മാറ്റമി​ല്ലാ​ത്ത​വ​നും വിശ്വസ്‌ത​നും. “യഹോവ ഏകൻ” എന്നതിലെ “ഏകൻ” എന്ന പ്രയോ​ഗ​ത്തിന്‌ മറ്റൊരു അർഥം​കൂ​ടി​യുണ്ട്‌. അതായത്‌, യഹോ​വ​യു​ടെ ഉദ്ദേശ്യ​ങ്ങ​ളും പ്രവൃ​ത്തി​ക​ളും എപ്പോ​ഴും ആശ്രയ​യോ​ഗ്യ​മാണ്‌. യഹോവ ഒരർഥ​ത്തി​ലും അസ്ഥിരനല്ല, പ്രവച​നാ​തീ​ത​നു​മല്ല. യഹോവ എല്ലായ്‌പോ​ഴും വിശ്വസ്‌ത​നും മാറ്റമി​ല്ലാ​ത്ത​വ​നും സത്യസ​ന്ധ​നും നേരു​ള്ള​വ​നും ആണ്‌. ഉദാഹ​ര​ണ​ത്തിന്‌, അബ്രാ​ഹാ​മി​ന്റെ സന്തതികൾ വാഗ്‌ദ​ത്ത​ദേശം അവകാ​ശ​മാ​ക്കും എന്ന്‌ യഹോവ വാഗ്‌ദാ​നം ചെയ്‌തു. ആ വാഗ്‌ദാ​നം പാലി​ക്കാ​നാ​യി യഹോവ പല അത്ഭുത​ങ്ങ​ളും ചെയ്‌തു. 430 വർഷം കഴിഞ്ഞി​ട്ടും ആ ഉദ്ദേശ്യ​ത്തിന്‌ മാറ്റം വന്നില്ല.—ഉൽപ. 12:1, 2, 7; പുറ. 12:40, 41.

⁷ നൂറു​ക​ണ​ക്കിന്‌ വർഷങ്ങൾക്കു ശേഷം, യഹോവ ഇസ്രാ​യേ​ല്യ​രെ തന്റെ സാക്ഷികൾ എന്നു വിളി​ച്ചു​കൊണ്ട്‌ ഇങ്ങനെ പറഞ്ഞു: “എനിക്കു​മു​മ്പെ ഒരു ദൈവ​വും ഉണ്ടായി​ട്ടില്ല, എന്റെ ശേഷം ഉണ്ടാക​യു​മില്ല.” “ഞാൻ അനന്യൻ തന്നേ” എന്ന്‌ പറഞ്ഞ​പ്പോ​ഴും തന്റെ ഉദ്ദേശ്യ​ങ്ങൾക്ക്‌ ഒരിക്ക​ലും മാറ്റം വരില്ല എന്നും യഹോവ വ്യക്തമാ​ക്കി. (യശ. 43:10, 13; 44:6; 48:12) മാറ്റമി​ല്ലാ​ത്ത​വ​നും എപ്പോ​ഴും വിശ്വ​സി​ക്കാ​വു​ന്ന​വ​നും ആയ ഒരു ദൈവത്തെ സേവി​ക്കാ​നാ​യത്‌ ഇസ്രാ​യേ​ല്യർക്ക്‌ എത്ര വലിയ ഒരു പദവി​യാ​യി​രു​ന്നു! നമുക്കും ഇന്ന്‌ അതേ പദവി​യുണ്ട്‌.—മലാ. 3:6; യാക്കോ. 1:17.

8, 9. (എ) യഹോവ തന്റെ ആരാധ​ക​രിൽനിന്ന്‌ പ്രതീ​ക്ഷി​ക്കു​ന്നത്‌ എന്താണ്‌? (ബി) മോശ​യു​ടെ വാക്കു​ക​ളു​ടെ പ്രാധാ​ന്യം യേശു ഊന്നി​പ്പ​റ​ഞ്ഞത്‌ എങ്ങനെ?

⁸ യഹോ​വ​യു​ടെ സ്‌നേ​ഹ​ത്തി​നും കരുത​ലി​നും ഒരു മാറ്റവും ഉണ്ടാകി​ല്ലെന്ന്‌ മോശ ഇസ്രാ​യേ​ല്യ​രെ ഓർമി​പ്പി​ച്ചു. പകരം അവർ മുഴു ഹൃദയ​ത്തോ​ടും ദേഹി​യോ​ടും ശക്തി​യോ​ടും കൂടെ, തന്നെ സ്‌നേ​ഹി​ക്ക​ണ​മെ​ന്നും തനിക്ക്‌ സമ്പൂർണ​ഭക്തി നൽകണ​മെ​ന്നും യഹോവ പ്രതീ​ക്ഷി​ച്ചു. മാതാ​പി​താ​ക്കൾ തങ്ങളുടെ മക്കളെ യഹോ​വ​യെ​ക്കു​റിച്ച്‌ പഠിപ്പി​ക്കാ​നുള്ള ഓരോ അവസര​വും ഉപയോ​ഗി​ക്ക​ണ​മാ​യി​രു​ന്നു, അങ്ങനെ മക്കളും യഹോ​വയെ മാത്രം സേവി​ക്കാൻ ഇടയാ​കു​മാ​യി​രു​ന്നു.—ആവ. 6:6-9.

⁹ യഹോവ തന്റെ ഉദ്ദേശ്യ​ത്തിന്‌ ഒരിക്ക​ലും മാറ്റം വരുത്തില്ല. അതു​കൊണ്ട്‌ തന്റെ ആരാധ​ക​രിൽനി​ന്നും അടിസ്ഥാ​ന​പ​ര​മാ​യി പ്രതീ​ക്ഷി​ക്കുന്ന കാര്യ​ങ്ങൾക്കും യഹോവ മാറ്റം വരുത്തില്ല. നമ്മുടെ ആരാധന യഹോ​വയെ സന്തോ​ഷി​പ്പി​ക്ക​ണ​മെ​ങ്കിൽ നമ്മൾ യഹോ​വയ്‌ക്ക്‌ സമ്പൂർണ​ഭക്തി നൽകു​ക​യും യഹോ​വയെ മുഴു ഹൃദയ​ത്തോ​ടും മുഴു മനസ്സോ​ടും മുഴു ശക്തി​യോ​ടും കൂടെ സ്‌നേ​ഹി​ക്കു​ക​യും വേണം. ഏറ്റവും പ്രധാ​ന​പ്പെട്ട കല്‌പന ഇതാ​ണെ​ന്നാണ്‌ യേശു പറഞ്ഞത്‌. (മർക്കോസ്‌ 12:28-31 വായി​ക്കുക.) ‘യഹോവ ഏകനാ​ണെ​ന്നാണ്‌’ നമ്മൾ വിശ്വ​സി​ക്കു​ന്ന​തെന്ന്‌ പ്രവൃ​ത്തി​ക​ളി​ലൂ​ടെ നമുക്ക്‌ എങ്ങനെ തെളി​യി​ക്കാ​മെന്നു നോക്കാം.

10, 11. (എ) യഹോ​വയ്‌ക്കുള്ള നമ്മുടെ ആരാധന ഏത്‌ അർഥത്തി​ലാണ്‌ സമ്പൂർണ​മാ​യി​രി​ക്കു​ന്നത്‌? (ബി) ബാബി​ലോ​ണി​ലു​ണ്ടാ​യി​രുന്ന എബ്രാ​യ​യു​വാ​ക്കൾ യഹോ​വ​യോ​ടുള്ള സമ്പൂർണ​ഭക്തി കാണി​ച്ചത്‌ എങ്ങനെ?

¹⁰ യഹോവ മാത്ര​മാണ്‌ നമ്മുടെ ദൈവം. യഹോ​വയെ മാത്രം ആരാധി​ക്കു​മ്പോൾ നമ്മൾ യഹോ​വയ്‌ക്ക്‌ സമ്പൂർണ​ഭക്തി നൽകു​ക​യാണ്‌. അതിന്‌ അർഥം മറ്റു ദേവന്മാ​രെ ആരാധി​ക്കാ​നും തെറ്റായ ആശയങ്ങ​ളും ആചാര​ങ്ങ​ളും വെച്ചു​കൊ​ണ്ടി​രി​ക്കാ​നും പാടില്ല എന്നാണ്‌. യഹോവ മറ്റു ദേവന്മാ​രെ​ക്കാൾ കേവലം ഉന്നതനായ ദൈവം മാത്രമല്ല, പകരം അവരെ​ക്കാൾ വളരെ​യേറെ ശക്തനാണ്‌. യഹോ​വ​യാണ്‌ സത്യ​ദൈവം. നമ്മൾ യഹോ​വയെ മാത്രമേ ആരാധി​ക്കാ​വൂ.—വെളി​പാട്‌ 4:11 വായി​ക്കുക.

¹¹ ദാനി​യേൽപ്പുസ്‌ത​ക​ത്തിൽ എബ്രാ​യ​യു​വാ​ക്ക​ളാ​യി​രുന്ന ദാനി​യേൽ, ഹനന്യാവ്‌, മീശാ​യേൽ, അസര്യാവ്‌ എന്നിവ​രെ​ക്കു​റിച്ച്‌ പറയു​ന്നുണ്ട്‌. യഹോ​വ​യു​ടെ ആരാധ​കർക്ക്‌ അശുദ്ധ​മാ​യി​രുന്ന ആഹാരങ്ങൾ കഴിക്കാ​തി​രു​ന്നു​കൊണ്ട്‌ അവർ യഹോ​വ​യോ​ടുള്ള സമ്പൂർണ​ഭക്തി തെളി​യി​ച്ചു. ദാനി​യേ​ലി​ന്റെ മൂന്നു കൂട്ടു​കാർ നെബൂ​ഖദ്‌നേസർ ഉണ്ടാക്കിയ സ്വർണ​ബിം​ബത്തെ വണങ്ങാൻ വിസമ്മ​തി​ച്ചു. അവർ യഹോ​വയ്‌ക്കാണ്‌ ഒന്നാം സ്ഥാനം കൊടു​ത്തത്‌. അവർ യഹോ​വ​യോട്‌ പൂർണ​വി​ശ്വസ്‌ത​രാ​യി​രു​ന്നു.—ദാനി. 2:1–3:30.

12. യഹോ​വയ്‌ക്ക്‌ സമ്പൂർണ​ഭക്തി കൊടു​ക്ക​ണ​മെ​ങ്കിൽ നമ്മൾ ഏത്‌ കാര്യ​ത്തിൽ ജാഗ്രത പാലി​ക്കണം?

¹² നമ്മുടെ ജീവി​ത​ത്തിൽ യഹോ​വയ്‌ക്ക്‌ ആയിരി​ക്കണം ഒന്നാം സ്ഥാനം. യഹോ​വയ്‌ക്ക്‌ നമ്മൾ സമ്പൂർണ​ഭക്തി കൊടു​ക്കാൻ ആഗ്രഹി​ക്കു​ന്നു​ണ്ടെ​ങ്കിൽ മറ്റൊ​ന്നും യഹോ​വ​യു​ടെ സ്ഥാനം കൈയ​ട​ക്കു​ന്നില്ല എന്ന കാര്യ​ത്തിൽ നമ്മൾ ഉറപ്പു​ള്ള​വ​രാ​യി​രി​ക്കണം. എന്താണ്‌ ഈ മറ്റ്‌ കാര്യങ്ങൾ? പത്തു കല്‌പ​ന​യി​ലൂ​ടെ, തന്റെ ആരാധകർ മറ്റു ദൈവ​ങ്ങളെ ആരാധി​ക്ക​രു​തെന്ന്‌ യഹോവ പറഞ്ഞി​രു​ന്നു. അവർ ഒരു തരത്തി​ലു​മുള്ള വിഗ്ര​ഹാ​രാ​ധ​ന​യി​ലും ഏർപ്പെ​ടാൻ പാടി​ല്ലാ​യി​രു​ന്നു. (ആവ. 5:6-10) ഇന്ന്‌ പല തരത്തി​ലുള്ള വിഗ്ര​ഹാ​രാ​ധ​ന​യുണ്ട്‌. എന്നാൽ ചിലത്‌ വിഗ്ര​ഹാ​രാ​ധ​ന​യാ​ണെന്ന്‌ തിരി​ച്ച​റി​യാൻ ബുദ്ധി​മു​ട്ടാ​യി​രി​ക്കും. എങ്കിലും യഹോവ നമ്മളിൽനിന്ന്‌ ആവശ്യ​പ്പെ​ടുന്ന കാര്യ​ങ്ങൾക്ക്‌ ഒരു മാറ്റവും വന്നിട്ടില്ല. യഹോവ ഇപ്പോ​ഴും ‘ഏകനാണ്‌.’ ഇക്കാലത്ത്‌ നമുക്ക്‌ എങ്ങനെ വിഗ്ര​ഹാ​രാ​ധന ഒഴിവാ​ക്കാ​മെന്ന്‌ നോക്കാം.

13. യഹോ​വ​യെ​ക്കാൾ കൂടു​ത​ലാ​യി നമ്മൾ എന്തിനെ സ്‌നേ​ഹി​ച്ചു​തു​ട​ങ്ങി​യേ​ക്കാം?

¹³ കൊ​ലോ​സ്യർ 3:5-ൽ (വായി​ക്കുക.) യഹോ​വ​യോ​ടുള്ള നമ്മുടെ സമ്പൂർണ​ഭക്തി തകർത്തേ​ക്കാ​വുന്ന കാര്യ​ങ്ങ​ളെ​ക്കു​റിച്ച്‌ പറയു​ന്നുണ്ട്‌. അവിടെ, അത്യാ​ഗ്ര​ഹത്തെ വിഗ്ര​ഹാ​രാ​ധ​ന​യോ​ടാണ്‌ ബന്ധപ്പെ​ടു​ത്തി​യി​രി​ക്കു​ന്നത്‌. കാരണം, പണവും വസ്‌തു​വ​ക​ക​ളും പോ​ലെ​യുള്ള എന്തി​നോ​ടെ​ങ്കി​ലും നമുക്ക്‌ ശക്തമായ ആഗ്രഹം തോന്നി​യാൽ അതിന്‌ ശക്തനായ ഒരു ദൈവ​ത്തെ​പ്പോ​ലെ നമ്മുടെ ജീവി​തത്തെ നിയ​ന്ത്രി​ക്കാൻ കഴിയും. കൊ​ലോ​സ്യർ 3:5-ൽ പറഞ്ഞി​രി​ക്കുന്ന എല്ലാ പാപങ്ങ​ളും അത്യാ​ഗ്ര​ഹ​വു​മാ​യി ബന്ധപ്പെ​ട്ട​വ​യാണ്‌, അത്‌ ഒരു തരത്തി​ലുള്ള വിഗ്ര​ഹാ​രാ​ധ​ന​യാണ്‌. അതു​കൊണ്ട്‌ ഇവയോ​ടൊ​ക്കെ നമുക്ക്‌ ശക്തമായ ആഗ്രഹ​മു​ണ്ടെ​ങ്കിൽ നമ്മൾ അവയെ ദൈവ​ത്തെ​ക്കാൾ കൂടു​ത​ലാ​യി സ്‌നേ​ഹി​ച്ചേ​ക്കാം. അപ്പോൾ യഹോവ നമുക്ക്‌ ഏകനാ​യി​രി​ക്കില്ല. അത്‌ നമ്മൾ ഒരിക്ക​ലും ആഗ്രഹി​ക്കു​ന്നില്ല.

14. യഹോ​വയെ സ്‌നേ​ഹി​ക്കു​ന്ന​തി​നോ​ടുള്ള ബന്ധത്തിൽ അപ്പൊസ്‌ത​ല​നായ യോഹ​ന്നാൻ നമുക്ക്‌ എന്ത്‌ മുന്നറി​യി​പ്പു നൽകി?

¹⁴ അപ്പൊസ്‌ത​ല​നായ യോഹ​ന്നാൻ ഇതി​നോ​ടു സമാന​മായ ഒരു കാര്യം പറഞ്ഞു. അദ്ദേഹം ഇങ്ങനെ മുന്നറി​യി​പ്പു നൽകി: ഒരു വ്യക്തി ലോക​ത്തി​ലുള്ള കാര്യ​ങ്ങളെ സ്‌നേ​ഹി​ക്കു​ക​യാ​ണെ​ങ്കിൽ അതായത്‌, ഒരുവന്‌ “ജഡമോ​ഹം, കണ്മോഹം, ജീവി​ത​ത്തി​ന്റെ പ്രതാപം” എന്നിവ ഉണ്ടെങ്കിൽ “പിതാ​വി​നോ​ടുള്ള സ്‌നേഹം അവനിൽ ഇല്ല.” (1 യോഹ. 2:15, 16) അതു​കൊണ്ട്‌ നമ്മുടെ ഉള്ളിൽ ലോക​ത്തോ​ടുള്ള സ്‌നേ​ഹ​മു​ണ്ടോ എന്ന്‌ നമ്മൾ കൂടെ​ക്കൂ​ടെ പരി​ശോ​ധി​ക്കണം. ലോക​ത്തി​ലെ വിനോ​ദ​ങ്ങ​ളോ​ടും ആളുക​ളോ​ടും വസ്‌ത്ര​ധാ​ര​ണ​രീ​തി​ക​ളോ​ടും നമുക്ക്‌ ആകർഷണം തോന്നി​ത്തു​ട​ങ്ങു​ന്ന​താ​യി നമ്മൾ കണ്ടെത്തി​യേ​ക്കാം. അല്ലെങ്കിൽ ഉന്നതവി​ദ്യാ​ഭ്യാ​സ​ത്തി​ലൂ​ടെ ‘വലിയ​കാ​ര്യ​ങ്ങൾ’ നേടാൻ നമ്മൾ ആഗ്രഹി​ച്ചേ​ക്കാം. (യിരെ. 45:4, 5) പുതിയ ലോകം അടു​ത്തെ​ത്തി​യി​രി​ക്കു​ന്ന​തു​കൊണ്ട്‌ മോശ​യു​ടെ ശക്തമായ വാക്കുകൾ നമ്മൾ മനസ്സിൽ അടുപ്പിച്ച്‌ നിറു​ത്തണം. നമ്മുടെ ദൈവ​മായ ‘യഹോവ ഏകൻത​ന്നെ​യാ​ണെന്ന്‌’ നമ്മൾ മനസ്സി​ലാ​ക്കു​ക​യും വിശ്വ​സി​ക്കു​ക​യും ചെയ്യു​ന്നെ​ങ്കിൽ നമ്മൾ യഹോ​വയ്‌ക്ക്‌ സമ്പൂർണ​ഭക്തി നൽകു​ക​യും യഹോവ ആഗ്രഹി​ക്കുന്ന വിധത്തിൽ യഹോ​വയെ സേവി​ക്കു​ക​യും ചെയ്യും.—എബ്രാ. 12:28, 29.

15. യഹോ​വ​യെന്ന ഏക ദൈവമേ ഉള്ളൂ എന്ന്‌ പൗലോസ്‌ ക്രിസ്‌ത്യാ​നി​കളെ ഓർമി​പ്പി​ച്ചത്‌ എന്തു​കൊണ്ട്‌?

¹⁵ ‘യഹോവ ഏകനാണ്‌’ എന്ന പ്രസ്‌താ​വന തന്റെ ദാസർ ഐക്യ​മു​ള്ള​വ​രും ജീവി​ത​ത്തിൽ ഒരേ ഉദ്ദേശ്യ​മു​ള്ള​വ​രും ആയിരി​ക്കാൻ യഹോവ ആഗ്രഹി​ക്കു​ന്നെന്ന്‌ കാണി​ക്കു​ന്നു. ആദ്യകാ​ലത്തെ ക്രിസ്‌തീ​യ​സ​ഭ​യിൽ യഹൂദ​രും ഗ്രീക്കു​കാ​രും റോമാ​ക്കാ​രും മറ്റു ദേശക്കാ​രും ഉണ്ടായി​രു​ന്നു. അവരുടെ പശ്ചാത്ത​ല​വും ആചാര​ങ്ങ​ളും മുൻഗ​ണ​ന​ക​ളും വ്യത്യസ്‌ത​മാ​യി​രു​ന്നു. അതു​കൊണ്ട്‌ അവരിൽ ചിലർക്ക്‌ പുതിയ ഒരു ആരാധ​നാ​രീ​തി സ്വീക​രി​ക്കാ​നോ പഴയ ശീലങ്ങൾ ഉപേക്ഷി​ക്കാ​നോ പ്രയാ​സ​മാ​യി​രു​ന്നു. അതിനാൽ, ക്രിസ്‌ത്യാ​നി​കൾക്ക്‌ യഹോവ എന്ന ഏക ദൈവം മാത്രമേ ഉള്ളൂ എന്ന്‌ പൗലോ​സിന്‌ അവരെ ഓർമി​പ്പി​ക്കേ​ണ്ടി​വന്നു.—1 കൊരി​ന്ത്യർ 8:5, 6 വായി​ക്കുക.

16, 17. (എ) നമ്മുടെ നാളിൽ ഏത്‌ പ്രവച​ന​മാണ്‌ നിവൃ​ത്തി​യേ​റു​ന്നത്‌, അതിന്റെ ഫലം എന്ത്‌? (ബി) ഏത്‌ കാര്യം നമ്മുടെ ഐക്യം തകർത്തേ​ക്കാം?

¹⁶ ഇന്നുള്ള ക്രിസ്‌തീ​യ​സ​ഭ​യെ​ക്കു​റി​ച്ചോ? യശയ്യ പ്രവാ​ചകൻ പറഞ്ഞതു​പോ​ലെ “അന്ത്യകാ​ലത്ത്‌” സകല ജനതക​ളിൽനി​ന്നു​മു​ള്ളവർ യഹോ​വയെ ആരാധി​ക്കാൻ വരും. അവർ ഇങ്ങനെ പറയും: “അവൻ നമുക്കു തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കയും ചെയ്യും.” (യശ. 2:2, 3) ഇന്ന്‌ ഈ പ്രവച​ന​നി​വൃ​ത്തി കാണു​മ്പോൾ നമുക്ക്‌ സന്തോഷം തോന്നു​ന്നു. നമ്മുടെ സഹോ​ദ​രങ്ങൾ വ്യത്യസ്‌ത സ്ഥലങ്ങളിൽനി​ന്നും സംസ്‌കാ​ര​ങ്ങ​ളിൽനി​ന്നും ഭാഷക​ളിൽനി​ന്നും ഉള്ളവരാ​ണെ​ങ്കി​ലും യഹോ​വയെ ആരാധി​ക്കു​ന്ന​തിൽ നമ്മളെ​ല്ലാം ഏകീകൃ​ത​രാണ്‌. എന്നാൽ, നമ്മളെ​ല്ലാ​വ​രും വ്യത്യസ്‌ത​രാ​യ​തു​കൊണ്ട്‌ ചില പ്രശ്‌നങ്ങൾ തലപൊ​ക്കി​യേ​ക്കാം.

¹⁷ ഉദാഹ​ര​ണ​ത്തിന്‌, മറ്റ്‌ സംസ്‌കാ​ര​ങ്ങ​ളിൽനിന്ന്‌ വന്ന സഹോ​ദ​ര​ങ്ങ​ളെ​ക്കു​റി​ച്ചുള്ള നമ്മുടെ വീക്ഷണം എന്താണ്‌? അവരുടെ ഭാഷ, വസ്‌ത്ര​ധാ​രണം, ഇടപെ​ടുന്ന രീതി, ഭക്ഷണം എന്നിവ​യൊ​ക്കെ നിങ്ങളു​ടേ​തിൽനി​ന്നും വളരെ വ്യത്യസ്‌ത​മാ​യി​രി​ക്കാം. നിങ്ങൾ അവരെ ഒഴിവാ​ക്കി​യിട്ട്‌ നിങ്ങളു​ടെ അതേ ഇഷ്ടാനി​ഷ്ടങ്ങൾ ഉള്ളവരു​മാ​യി മാത്ര​മാ​ണോ സമയം ചെലവ​ഴി​ക്കു​ന്നത്‌? നിങ്ങ​ളെ​ക്കാൾ പ്രായം കുറഞ്ഞ, അല്ലെങ്കിൽ, മറ്റൊരു സംസ്‌കാ​ര​ത്തിൽനി​ന്നോ വർഗത്തിൽനി​ന്നോ ഉള്ള, ഒരു മൂപ്പനെ നിങ്ങൾ എങ്ങനെ​യാണ്‌ കാണു​ന്നത്‌? ശ്രദ്ധി​ച്ചി​ല്ലെ​ങ്കിൽ ഇത്തരം കാര്യങ്ങൾ നമ്മളെ ബാധി​ക്കു​ക​യും നമ്മുടെ ഐക്യം തകർക്കു​ക​യും ചെയ്‌തേ​ക്കാം.

18, 19. (എ) എഫെസ്യർ 4:1-3-ൽ നൽകി​യി​രി​ക്കുന്ന ഉപദേശം ഏതാണ്‌? (ബി) സഭയിലെ ഐക്യം നിലനി​റു​ത്താൻ നമുക്ക്‌ എന്ത്‌ ചെയ്യാൻ കഴിയും?

¹⁸ ഇത്തരം പ്രശ്‌നങ്ങൾ നമുക്ക്‌ എങ്ങനെ ഒഴിവാ​ക്കാം? പല പശ്ചാത്ത​ല​ങ്ങ​ളിൽനി​ന്നു​ള്ളവർ ഉണ്ടായി​രുന്ന സമ്പന്നന​ഗ​ര​മായ എഫെ​സൊ​സി​ലുള്ള ക്രിസ്‌ത്യാ​നി​കൾക്ക്‌ പൗലോസ്‌ പ്രാ​യോ​ഗി​ക​മായ ഒരു നിർദേശം നൽകി. (എഫെസ്യർ 4:1-3 വായി​ക്കുക.) പൗലോസ്‌ അവിടെ വിനയം, സൗമ്യത, ദീർഘക്ഷമ, സ്‌നേഹം എന്നീ ഗുണങ്ങ​ളെ​ക്കു​റിച്ച്‌ പറയു​ന്നുണ്ട്‌. ഒരു വീടിനെ താങ്ങി നിറു​ത്തുന്ന ശക്തമായ തൂണു​കൾപോ​ലെ​യാണ്‌ ഈ ഗുണങ്ങൾ. എന്നാൽ ഒരു വീട്‌ നല്ല നിലയിൽ സൂക്ഷി​ക്കാൻ കഠിനാ​ധ്വാ​നം കൂടിയേ തീരൂ. സമാന​മാ​യി, എഫെ​സൊ​സി​ലുള്ള ക്രിസ്‌ത്യാ​നി​കൾ “ആത്മാവി​നാ​ലുള്ള ഐക്യം നിലനി​റു​ത്താൻ” കഠിനാ​ധ്വാ​നം ചെയ്യണ​മെന്ന്‌ പൗലോസ്‌ ആഗ്രഹി​ച്ചു.

¹⁹ സഭയുടെ ഐക്യം നിലനി​റു​ത്താൻ നമ്മൾ ഓരോ​രു​ത്ത​രും നമ്മളാൽ ആകുന്ന​തെ​ല്ലാം ചെയ്യണം. ഇത്‌ എങ്ങനെ ചെയ്യാം? ഒന്നാമ​താ​യി, പൗലോസ്‌ പറഞ്ഞ വിനയം, സൗമ്യത, ദീർഘക്ഷമ, സ്‌നേഹം എന്നീ ഗുണങ്ങൾ വളർത്തു​ക​യും കാണി​ക്കു​ക​യും വേണം. രണ്ടാമ​താ​യി, “സമാധാ​ന​ബന്ധം കാത്തു​കൊണ്ട്‌ ആത്മാവി​നാ​ലുള്ള ഐക്യം നിലനി​റു​ത്താൻ” നമ്മൾ കഠിന​ശ്രമം ചെയ്യണം. നമ്മുടെ ഐക്യ​ത്തിന്‌ തുരങ്കം വെക്കുന്ന കൊച്ചു​കൊ​ച്ചു വിള്ളലു​കൾപോ​ലെ​യാണ്‌ തെറ്റി​ദ്ധാ​ര​ണകൾ. നമ്മുടെ ഐക്യ​വും സമാധാ​ന​വും കാത്തു​സൂ​ക്ഷി​ക്ക​ണ​മെ​ങ്കിൽ ഈ തെറ്റി​ദ്ധാ​ര​ണകൾ തിരു​ത്താൻ നല്ല ശ്രമം ചെയ്യണം.

20. “യഹോവ ഏകൻ തന്നേ” എന്ന ബോധ്യം നമുക്കു​ണ്ടെന്ന്‌ എങ്ങനെ തെളി​യി​ക്കാം?

²⁰ നമ്മുടെ ദൈവ​മായ “യഹോവ ഏകൻ തന്നേ.” എത്ര ശക്തമായ പ്രസ്‌താ​വന! വാഗ്‌ദ​ത്ത​ദേ​ശത്തു പ്രവേ​ശി​ക്കു​ക​യും അതിനെ കീഴട​ക്കു​ക​യും ചെയ്‌ത​പ്പോൾ നേരി​ടേ​ണ്ടി​വന്ന പ്രശ്‌നങ്ങൾ സഹിച്ചു​നിൽക്കാ​നുള്ള ശക്തി ഈ ഓർമി​പ്പി​ക്കൽ ഇസ്രാ​യേ​ല്യർക്ക്‌ നൽകി. മഹാക​ഷ്ടത്തെ അതിജീ​വിച്ച്‌ വരാനി​രി​ക്കുന്ന പറുദീ​സ​യിൽ കടക്കു​ന്ന​തിന്‌ നമ്മളെ ശക്തരാ​ക്കാ​നും ഈ വാക്കു​കൾക്കു കഴിയും. സമ്പൂർണ​ഭക്തി നമുക്ക്‌ തുടർന്നും യഹോ​വയ്‌ക്ക്‌ കൊടു​ക്കാം. പൂർണ ഹൃദയ​ത്തോ​ടെ​യും മനസ്സോ​ടെ​യും ശക്തി​യോ​ടെ​യും നമ്മൾ യഹോ​വയെ സ്‌നേ​ഹി​ക്കു​ക​യും സേവി​ക്കു​ക​യും വേണം. സഹോ​ദ​ര​ങ്ങ​ളു​മാ​യി സമാധാ​ന​വും ഐക്യ​വും കാത്തു​സൂ​ക്ഷി​ക്കാ​നും നമ്മൾ കഠിന​ശ്രമം ചെയ്യണം. നമ്മൾ ഇങ്ങനെ ചെയ്‌തു​കൊ​ണ്ടി​രി​ക്കു​ന്നെ​ങ്കിൽ യേശു നമ്മളെ ചെമ്മരി​യാ​ടു​ക​ളാ​യി ന്യായം വിധി​ക്കും. യേശു​വി​ന്റെ പിൻവ​രുന്ന വാക്കുകൾ സത്യമാ​യി​ത്തീ​രു​ന്നത്‌ നമ്മൾ കാണും: “എന്റെ പിതാ​വി​നാൽ അനു​ഗ്ര​ഹി​ക്ക​പ്പെ​ട്ട​വരേ, വരുവിൻ; ലോക​സ്ഥാ​പ​നം​മു​തൽ നിങ്ങൾക്കാ​യി ഒരുക്കി​യി​രി​ക്കുന്ന രാജ്യം അവകാ​ശ​മാ​ക്കി​ക്കൊ​ള്ളു​വിൻ.”—മത്താ. 25:34.