സുബോ​ധ​മു​ള്ള​വ​രാ​യി​രി​ക്കുക—അന്ത്യം അടുത്തി​രി​ക്കു​ന്നു

“എല്ലാറ​റി​ന്റെ​യും അവസാനം സമീപി​ച്ചി​രി​ക്കു​ന്നു; ആകയാൽ പ്രാർത്ഥ​നെക്കു സുബോ​ധ​മു​ള്ള​വ​രും നിർമ്മ​ദ​രു​മാ​യി​രി​പ്പിൻ.”—1 പത്രൊസ്‌ 4:7.

“ഇന്നു രാത്രി സമാപന പ്രാർഥ​നാ​സ​മ​യത്ത്‌ എനിക്കു ദൈവ​ത്തിൽനിന്ന്‌ ഒരു അരുള​പ്പാ​ടു​ണ്ടാ​യി. ഒരു ലക്ഷത്തി​പ്പ​തി​നാ​റാ​യി​രം പേർ സ്വർഗാ​രോ​ഹണം ചെയ്യു​ക​യും 37 ലക്ഷം മരിച്ച വിശ്വാ​സി​ക​ളു​ടെ കുഴി​മാ​ടങ്ങൾ ആകാശ​ത്തി​ലേക്കു തുറക്കു​ക​യും ചെയ്യും എന്ന്‌ അവിടുന്ന്‌ എന്നോടു പറഞ്ഞു.” വരാനുള്ള ദിവസ​ങ്ങൾക്കു​വേ​ണ്ടി​യുള്ള ഒരു ദൗത്യ​സം​ഘ​ത്തി​ന്റെ നേതാവു തങ്ങളുടെ മുൻകൂ​ട്ടി​പ്പ​റ​യ​പ്പെട്ട ദിവസ​മായ 1992 ഒക്‌ടോ​ബർ 28-ന്റെ തലേദി​വസം ഇങ്ങനെ പറയു​ക​യു​ണ്ടാ​യി. എന്നിരു​ന്നാ​ലും, ഒക്‌ടോ​ബർ 29 വന്നെത്തി​യ​പ്പോൾ ഒരു വ്യക്തി​യും സ്വർഗാ​രോ​ഹണം ചെയ്‌തില്ല, മരിച്ച​വ​രു​ടെ കുഴി​മാ​ടങ്ങൾ ഒന്നും തുറന്നില്ല. ഒരു സ്വർഗീയ ഉത്‌പ്രാ​പ​ണ​ത്തിൽ പെട്ടെന്നു എടുക്ക​പ്പെ​ടു​ന്ന​തി​നു പകരം, കൊറി​യ​യി​ലെ ആ അന്തിമ​വി​ധി​ദി​വസ വിശ്വാ​സി​കൾക്ക്‌ ഒക്‌ടോ​ബർ 29 മറെറാ​രു സാധാരണ ദിവസം മാത്ര​മാ​യി​രു​ന്നു. അന്തിമ​വി​ധി​ദി​വ​സ​ത്തി​ന്റെ നിർണാ​യക തീയതി​കൾ വരുക​യും പോകു​ക​യും ചെയ്‌തി​ട്ടുണ്ട്‌. എന്നാൽ വിനാശം മുൻകൂ​ട്ടി​പ്പ​റ​യു​ന്നവർ നിർഭ​യ​രാ​യി നില​കൊ​ള്ളു​ന്നു. ക്രിസ്‌ത്യാ​നി​കൾ എന്താണു ചെയ്യേ​ണ്ടത്‌? അന്ത്യം സത്വരം അടുത്തു​വ​രി​ക​യാ​ണെന്ന വിശ്വാ​സം അവർ ഉപേക്ഷി​ക്ക​ണ​മോ?

²ഉത്തരത്തി​നാ​യി, യേശു​ക്രി​സ്‌തു തന്റെ ശിഷ്യൻമാ​രു​മൊ​ത്തു സ്വകാര്യ സംഭാ​ഷ​ണ​ത്തി​ലാ​യി​രുന്ന സന്ദർഭം നമുക്കു സ്‌മരി​ക്കാം. അവിടെ ഗലീലി​യാ​ക്ക​ട​ലി​നു വടക്കു കിഴക്കാ​യുള്ള ഫിലി​പ്പി​ന്റെ കൈസ​ര്യ​യു​ടെ പ്രദേ​ശത്ത്‌ ഒരു നാടകീയ പശ്ചാത്തലം ഒരുക്കുന്ന ഹെർമോൻ മലയുടെ പശ്ചാത്ത​ല​ത്തിൽ, താൻ വധിക്ക​പ്പെ​ടു​മെന്ന്‌ യേശു ഒട്ടും കൂസലി​ല്ലാ​തെ പറയു​ന്നത്‌ അവർ കേട്ടു. (മത്തായി 16:21) ഗൗരവാർഹ​മായ വാക്കുകൾ വേറെ​യു​മു​ണ്ടാ​യി​രു​ന്നു. ശിഷ്യ​ത്വം തുടർച്ച​യായ ആത്മത്യാ​ഗ​ത്തി​ന്റേ​തായ ഒരു ജീവിതം നയിക്കു​ന്ന​തി​നെ​യാണ്‌ അർഥമാ​ക്കു​ന്ന​തെന്ന്‌ അവരോട്‌ വിശദീ​ക​രി​ച്ച​തി​നു​ശേഷം, യേശു ഇങ്ങനെ മുന്നറി​യി​പ്പു കൊടു​ത്തു: “മനുഷ്യ​പു​ത്രൻ തന്റെ പിതാ​വി​ന്റെ മഹത്വ​ത്തിൽ തന്റെ ദൂതൻമാ​രു​മാ​യി വരും; അപ്പോൾ അവൻ ഓരോ​രു​ത്ത​ന്നും അവനവന്റെ പ്രവൃ​ത്തി​ക്കു തക്കവണ്ണം പകരം നല്‌കും.” (മത്തായി 16:27) ഒരു ഭാവി വരവി​നെ​ക്കു​റി​ച്ചു യേശു സംസാ​രി​ച്ചു. എന്നിരു​ന്നാ​ലും, ഈ അവസര​ത്തിൽ അവിടുന്ന്‌ ഒരു ന്യായാ​ധി​പ​നാ​യി​രി​ക്കും. ആ സമയത്തു തന്നെ വിശ്വ​സ്‌ത​ത​യോ​ടെ അനുഗ​മി​ക്കുന്ന വ്യക്തി​കളെ അവിടു​ന്നു കണ്ടെത്തു​മോ ഇല്ലയോ എന്നതി​നെ​യാ​ണു സകലതും ആശ്രയി​ച്ചി​രി​ക്കു​ന്നത്‌. ഒരു വ്യക്തിക്കു ലൗകി​ക​മാ​യി എത്രമാ​ത്രം ഉണ്ടായി​രു​ന്നേ​ക്കാം അല്ലെങ്കിൽ ഇല്ലാതി​രു​ന്നേ​ക്കാം എന്നതി​നെയല്ല, പെരു​മാ​റ​റത്തെ അടിസ്ഥാ​ന​പ്പെ​ടു​ത്തി​യാ​യി​രി​ക്കും യേശു​വി​ന്റെ ന്യായ​വി​ധി. ഈ വസ്‌തുത അവിടു​ത്തെ ശിഷ്യൻമാർ ദൃഢമാ​യി മനസ്സിൽ പിടി​ക്ക​ണ​മാ​യി​രു​ന്നു. (മത്തായി 16:25, 26) അതിനാൽ യേശു​ക്രി​സ്‌തു​ത​ന്നെ​യാ​ണു തന്റെ അനുഗാ​മി​ക​ളോ​ടു ന്യായ​വി​ധി​യോ​ടു​കൂ​ടിയ അവിടു​ത്തെ മഹത്വ​ത്തി​ലുള്ള വരവു നോക്കി​പ്പാർത്തി​രി​ക്കാൻ പറയു​ന്നത്‌.

3. യേശു തന്റെ ഭാവി വരവിന്റെ ഉറപ്പിനെ ഉദാഹ​രി​ച്ചത്‌ എങ്ങനെ?

³ അടുത്ത​താ​യി യേശു പറയു​ന്നതു തന്റെ ഭാവി വരവിന്റെ ഉറപ്പിനെ ഉദാഹ​രി​ക്കു​ന്നു. അധികാ​ര​ത്തോ​ടെ അവിടു​ന്നു പ്രസ്‌താ​വി​ക്കു​ന്നു: “മനുഷ്യ​പു​ത്രൻ തന്റെ രാജ്യ​ത്തിൽ വരുന്നതു കാണു​വോ​ളം മരണം ആസ്വദി​ക്കാ​ത്തവർ ചിലർ ഈ നില്‌ക്കു​ന്ന​വ​രിൽ ഉണ്ടു എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.” (മത്തായി 16:28) ആറു ദിവസ​ത്തി​നു​ശേഷം ഈ വാക്കുകൾ നിറ​വേ​റു​ന്നു. യേശു രൂപാ​ന്ത​രീ​ക​രണം പ്രാപി​ക്കു​ന്ന​തി​ന്റെ ഉജ്ജ്വല​മായ ഒരു ദർശനം അവിടു​ത്തെ ഏററവും അടുത്ത ശിഷ്യൻമാ​രെ അത്ഭുത​പ്പെ​ടു​ത്തു​ന്നു. അവർ യേശു​വി​ന്റെ മുഖം സൂര്യ​നെ​പ്പോ​ലെ പ്രകാ​ശി​ക്കു​ന്ന​തും അവിടു​ത്തെ വസ്‌ത്രം വെളുത്തു തിളങ്ങു​ന്ന​തും യഥാർഥ​ത്തിൽ കാണുന്നു. രൂപാ​ന്ത​രീ​ക​രണം ക്രിസ്‌തു​വി​ന്റെ രാജ്യ​മ​ഹ​ത്വ​ത്തി​ന്റെ ഒരു പൂർവ​വീ​ക്ഷ​ണ​മാ​യി​രു​ന്നു. രാജ്യ​പ്ര​വ​ച​ന​ങ്ങ​ളു​ടെ എന്തൊരു ബലദാ​യ​ക​മായ സ്ഥിരീ​ക​രണം! ശിഷ്യൻമാർക്കു സുബോ​ധ​മു​ള്ള​വ​രാ​യി​രി​ക്കാൻ എന്തൊരു ശക്തമായ പ്രചോ​ദനം.—2 പത്രൊസ്‌ 1:16-19.

സുബോ​ധ​മു​ള്ള​വ​രാ​യി​രി​ക്കേ​ണ്ടത്‌ അടിയ​ന്തി​ര​മാ​യി​രി​ക്കു​ന്നത്‌ എന്തു​കൊണ്ട്‌?

4. അവിടു​ത്തെ വരവിനെ സംബന്ധി​ച്ചു ക്രിസ്‌ത്യാ​നി​കൾ ആത്മീയ​മാ​യി ജാഗരൂ​ക​രാ​കേ​ണ്ടത്‌ എന്തു​കൊണ്ട്‌?

⁴ അതു കഴിഞ്ഞ്‌ ഒരു വർഷത്തി​നു​ള്ളിൽ ഒലിവു​മ​ല​യിൽ യേശു തന്റെ ശിഷ്യൻമാ​രു​മാ​യി വീണ്ടും സ്വകാര്യ സംഭാ​ഷ​ണ​ത്തിൽ മുഴു​കി​യി​രി​ക്കു​ന്നതു നാം കാണുന്നു. അവർ യെരൂ​ശ​ലേം നഗരം വീക്ഷി​ച്ചു​കൊ​ണ്ടി​രി​ക്കു​മ്പോൾ തന്റെ ഭാവി സാന്നി​ദ്ധ്യ​ത്തി​ന്റെ അടയാളം എന്തായി​രി​ക്കു​മെന്നു വിശദീ​ക​രി​ച്ചിട്ട്‌ അവിടു​ന്നു മുന്നറി​യി​പ്പു കൊടു​ക്കു​ന്നു: “നിങ്ങളു​ടെ കർത്താവു ഏതു ദിവസ​ത്തിൽ വരുന്നു എന്നു നിങ്ങൾ അറിയാ​യ്‌ക​കൊ​ണ്ടു ഉണർന്നി​രി​പ്പിൻ.” അവിടു​ത്തെ അനുഗാ​മി​കൾ നിതാന്ത ജാഗ്ര​ത​യി​ലാ​യി​രി​ക്കണം, എന്തു​കൊ​ണ്ടെ​ന്നാൽ അവിടു​ത്തെ വരവിന്റെ സമയം അജ്ഞാത​മാണ്‌. അവർ അതിനു​വേണ്ടി എല്ലായ്‌പോ​ഴും തയ്യാറാ​യി​രി​ക്കേണം.—മത്തായി 24:42.

5. ജാഗ്ര​ത​യു​ടെ ആവശ്യ​ക​തയെ എങ്ങനെ ദൃഷ്ടാ​ന്തീ​ക​രി​ക്കാം?

⁵ കർത്താ​വി​ന്റെ വരവിന്റെ വിധം സംബന്ധിച്ച്‌ അവിടുന്ന്‌ ഒരു കള്ളനോ​ടു സദൃശ​നാണ്‌. അവിടു​ന്നു തുടർന്ന്‌ ഇങ്ങനെ പറയുന്നു: “കള്ളൻ വരുന്ന യാമം ഇന്നതെന്നു വീട്ടു​ട​യവൻ അറിഞ്ഞു എങ്കിൽ അവൻ ഉണർന്നി​രി​ക്ക​യും തന്റെ വീടു തുരക്കു​വാൻ സമ്മതി​ക്കാ​തി​രി​ക്ക​യും ചെയ്യും എന്നു അറിയു​ന്നു​വ​ല്ലോ.” (മത്തായി 24:43) ഒരു ഭവന​ഭേ​ദ​ന​ക്കാ​രൻ താൻ വരുന്ന​തെ​പ്പോ​ഴാ​ണെന്നു വീട്ടു​കാ​രെ അറിയി​ക്കുന്ന ഒരു പ്രഖ്യാ​പനം നടത്താ​റില്ല; അപ്രതീ​ക്ഷിത സമയത്തുള്ള വരവാണ്‌ അവന്റെ പ്രധാന ആയുധം. അതു​കൊ​ണ്ടു വീട്ടു​കാ​രൻ നിതാന്ത ജാഗ്ര​ത​യി​ലാ​യി​രി​ക്കണം. എന്നിരു​ന്നാ​ലും വിശ്വസ്‌ത ക്രിസ്‌ത്യാ​നിക്ക്‌ അക്ഷീണ​മായ ജാഗ്ര​ത​യു​ള്ളത്‌ ഏതെങ്കി​ലും ആശങ്കാ​കു​ല​മായ ഭയം മുഖാ​ന്ത​രമല്ല. മറിച്ച്‌ അതു സമാധാ​ന​ത്തി​ന്റെ ഒരു സഹസ്രാ​ബ്ദം ആനയി​ക്കു​ന്ന​തി​നുള്ള ക്രിസ്‌തു​വി​ന്റെ മഹത്വ​ത്തി​ലുള്ള വരവിന്റെ ആകാം​ക്ഷാ​പൂർവ​ക​മായ പ്രതീ​ക്ഷ​യാൽ പ്രചോ​ദി​പ്പി​ക്ക​പ്പെ​ടു​ന്നു.

6. നമ്മൾ സുബോ​ധ​മു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

⁶ സകല ജാഗര​ണ​വു​മു​ണ്ടെ​ങ്കി​ലും ആരും ഒരിക്ക​ലും അവിടു​ന്നു വരുന്ന കൃത്യ ദിവസം മുൻകൂ​ട്ടി അനുമാ​നി​ക്കില്ല. യേശു പറയുന്നു: “അങ്ങനെ നിങ്ങൾ നിനെ​ക്കാത്ത നാഴി​ക​യിൽ മനുഷ്യ​പു​ത്രൻ വരുന്ന​തു​കൊ​ണ്ടു നിങ്ങളും ഒരുങ്ങി​യി​രി​പ്പിൻ”. (മത്തായി 24:44) അതിനാ​ലാ​ണു സുബോ​ധ​മു​ള്ള​വ​രാ​യി​രി​ക്കു​ന്ന​തി​ന്റെ ആവശ്യം ഉള്ളത്‌. ഒരു ക്രിസ്‌ത്യാ​നി ഒരു നിശ്ചിത ദിവസം ക്രിസ്‌തു വരുക​യി​ല്ലെന്നു വിചാ​രി​ക്കു​ക​യാ​ണെ​ങ്കിൽ ഒരുപക്ഷേ അതേ ദിവസ​മാ​യി​രി​ക്കാം യേശു വരുന്നത്‌. തീർച്ച​യാ​യും പോയ​കാ​ല​ങ്ങ​ളിൽ ഉദ്ദേശ്യ​ശു​ദ്ധി​യുള്ള വിശ്വ​സ്‌ത​രായ ക്രിസ്‌ത്യാ​നി​കൾ അന്ത്യം എപ്പോൾ സംഭവി​ക്കും എന്നതി​നെ​പ്പ​ററി മുൻകൂ​ട്ടി​പ്പ​റ​യാൻ ആത്മാർഥ​മാ​യി ശ്രമി​ച്ചി​ട്ടുണ്ട്‌. എന്നിട്ടും യേശു​വി​ന്റെ ഈ മുന്നറി​യി​പ്പു സത്യ​മെന്നു ആവർത്തി​ച്ചു തെളി​ഞ്ഞി​രി​ക്കു​ന്നു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതൻമാ​രും പുത്ര​നും കൂടെ അറിയു​ന്നില്ല.”—മത്തായി 24:36.

7. ക്രിസ്‌തു​വി​ന്റെ അനുഗാ​മി​ക​ളാ​യി​രി​ക്കു​വാൻ നമ്മുടെ ജീവിതം നാം നയി​ക്കേ​ണ്ടത്‌ എങ്ങനെ?

⁷ അതു​കൊ​ണ്ടു നമ്മൾ എന്താണു നിഗമനം ചെയ്യേ​ണ്ടത്‌? ക്രിസ്‌തു​വി​ന്റെ അനുഗാ​മി​ക​ളാ​യി​രി​ക്കു​വാൻ, ഈ ദുഷ്ട വ്യവസ്ഥി​തി​യു​ടെ അന്ത്യം ആസന്നമാ​യി​രി​ക്കു​ന്നെന്ന്‌ എല്ലായ്‌പോ​ഴും വിശ്വ​സി​ച്ചു​കൊ​ണ്ടു നമ്മൾ ജീവി​ക്കേ​ണ്ട​തുണ്ട്‌.

8. ക്രിസ്‌ത്യാ​നി​ത്വ​ത്തി​ന്റെ ആദിമ നാളുകൾ മുതൽ ക്രിസ്‌ത്യാ​നി​ക​ളു​ടെ മുഖമു​ദ്ര എന്തായി​രു​ന്നി​ട്ടുണ്ട്‌?

⁸ മതേതര ചരി​ത്ര​കാ​രൻമാ​രും ബൈബിൾ പണ്ഡിതൻമാ​രും അംഗീ​ക​രി​ക്കു​ന്ന​തു​പോ​ലെ അത്തര​മൊ​രു മനോ​ഭാ​വം എല്ലാക്കാ​ല​ത്തും ക്രിസ്‌ത്യാ​നി​ക​ളു​ടെ ഒരു മുഖമു​ദ്ര​യാ​യി​രു​ന്നി​ട്ടുണ്ട്‌. ഉദാഹ​ര​ണ​ത്തിന്‌, പരിഭാ​ഷ​ക​രു​ടെ പുതിയ നിയമം (The Translator’s New Testament) എന്ന പുസ്‌ത​ക​ത്തി​ന്റെ എഡിറ​റർമാർ അവരുടെ ശബ്ദാവ​ലി​യിൽ “ദിവസം” എന്ന വാക്കിനു കീഴെ ഇങ്ങനെ പ്രസ്‌താ​വി​ക്കു​ന്നു: “പുതിയ നിയമ കാലഘ​ട്ട​ത്തി​ലെ ക്രിസ്‌ത്യാ​നി​കൾ ഇപ്പോ​ഴത്തെ ലോകം അതിന്റെ എല്ലാ തിൻമ​യും ദുഷ്ടത​യും സഹിതം അവസാ​നി​പ്പി​ക്ക​പ്പെ​ടു​ക​യും യേശു ഭൂമി​യി​ലേക്കു സകല മനുഷ്യ​വർഗ​ത്തെ​യും ന്യായം വിധി​ക്കാൻ തിരി​ച്ചു​വന്ന്‌ ഒരു നൂതന സമാധാന യുഗത്തി​നു തുടക്കം കുറി​ക്കു​ക​യും മുഴു​ലോ​ക​ത്തിൻമേ​ലു​മുള്ള അവിടു​ത്തെ ആധിപ​ത്യം തുടങ്ങു​ക​യും ചെയ്യുന്ന ദിവസ​ത്തി​ന്റെ (സമയത്തി​ന്റെ) പ്രതീ​ക്ഷ​യിൽ ജീവിച്ചു.” എൻ​സൈ​ക്ലോ​പീ​ഡിയ ബ്രിട്ടാ​ണിക്ക ഇപ്രകാ​രം പ്രസ്‌താ​വി​ക്കു​ന്നു: “ക്രിസ്‌തു​വി​ന്റെ തിരി​ച്ചു​വ​ര​വി​ന്റെ ഒരു ആസന്നമായ പ്രതീ​ക്ഷ​യു​ടെ രൂപത്തിൽ, അന്ത്യകാ​ല​ത്തെ​ക്കു​റി​ച്ചുള്ള ക്രിസ്‌തീയ പ്രതീ​ക്ഷ​യോ​ടു ക്രിസ്‌ത്യാ​നി​ത്വ​ത്തി​ന്റെ അനിത​ര​സാ​ധാ​ര​ണ​മായ ആഗോ​ള​വ്യാ​പനം നേരിട്ടു ബന്ധപ്പെ​ട്ടി​രി​ക്കു​ന്നു.”

സുബോ​ധ​മു​ള്ള​വ​രാ​യി​രി​ക്കുക എന്നതിന്റെ അർഥം

9. മിശി​ഹാ​യെ​ക്കു​റി​ച്ചുള്ള പത്രോ​സി​ന്റെ ചില പ്രതീ​ക്ഷകൾ തെററാ​യി​രു​ന്നി​ട്ടു പോലും, അദ്ദേഹ​ത്തിന്‌ ആത്മവി​ശ്വാ​സ​മു​ള്ള​വ​നാ​യി നില​കൊ​ള്ളാൻ കഴിഞ്ഞത്‌ എന്തു​കൊണ്ട്‌?

⁹ യേശു തന്റെ ഏററവും അടുത്ത ശിഷ്യൻമാ​രു​മൊ​ത്തു നടത്തിയ ആ അടുത്ത സുഹൃദ്‌ സംഭാ​ഷ​ണ​ങ്ങൾക്ക്‌ ഏതാണ്ടു 30 വർഷത്തി​നു​ശേഷം അപ്പോ​സ്‌ത​ല​നായ പത്രോസ്‌ അന്ത്യം വന്നെത്തു​ന്ന​തി​നു​വേ​ണ്ടി​യുള്ള കാത്തി​രി​പ്പിൽ മടുത്തു പോയില്ല. അദ്ദേഹ​ത്തി​ന്റെ​യും സഹശി​ഷ്യൻമാ​രു​ടെ​യും മിശി​ഹാ​യെ​ക്കു​റി​ച്ചുള്ള പ്രാരംഭ പ്രതീ​ക്ഷകൾ തെററി​പ്പോ​യെ​ങ്കി​ലും, യഹോ​വ​യു​ടെ സ്‌നേ​ഹ​വും ശക്തിയും അവരുടെ പ്രത്യാ​ശ​യു​ടെ സാക്ഷാ​ത്‌ക​ര​ണ​ത്തിന്‌ ഉറപ്പേകി എന്ന ആത്മവി​ശ്വാ​സ​മു​ള്ള​വ​നാ​യി അദ്ദേഹം നില​കൊ​ണ്ടു. (ലൂക്കൊസ്‌ 19:11; 24:21; പ്രവൃ​ത്തി​കൾ 1:6; 2 പത്രൊസ്‌ 3:9, 10) “എന്നാൽ എല്ലാറ​റി​ന്റെ​യും അവസാനം സമീപി​ച്ചി​രി​ക്കു​ന്നു” എന്ന്‌ അദ്ദേഹം പറഞ്ഞ​പ്പോൾ ഗ്രീക്കു തിരു​വെ​ഴു​ത്തു​ക​ളി​ലു​ട​നീ​ളം അവിരു​ദ്ധ​മാ​യി കേൾക്കുന്ന ഒരാശയം പ്രകാ​ശി​പ്പി​ക്കു​ക​യാ​ണു ചെയ്യു​ന്നത്‌. എന്നിട്ട്‌ അദ്ദേഹം സഹക്രി​സ്‌ത്യാ​നി​കളെ ഇപ്രകാ​രം പ്രോ​ത്സാ​ഹി​പ്പി​ക്കു​ന്നു: “ആകയാൽ പ്രാർത്ഥ​നെക്കു സുബോ​ധ​മു​ള്ള​വ​രും നിർമ്മ​ദ​രു​മാ​യി​രി​പ്പിൻ.”—1 പത്രൊസ്‌ 4:7.

10. (എ) സുബോ​ധ​മു​ള്ള​വ​രാ​യി​രി​ക്കുക എന്നാൽ അർത്ഥം എന്ത്‌? (ബി) സംഗതി​കളെ ദൈവ​ത്തി​ന്റെ ഇഷ്ടത്തോ​ടുള്ള അവയുടെ ഉചിത​മായ ബന്ധത്തിൽ കാണു​ന്ന​തിൽ ഉൾപ്പെ​ട്ടി​രി​ക്കു​ന്നത്‌ എന്ത്‌?

¹⁰ “സുബോ​ധ​മു​ള്ള​വ​രാ​യി​രി​ക്കുക” എന്നതിന്‌ ഒരു ലൗകിക നിലപാ​ടിൽ മിടുക്കൻ ആയിരി​ക്കുക എന്നർഥ​മില്ല. “ജ്ഞാനി​ക​ളു​ടെ ജ്ഞാനം ഞാൻ നശിപ്പി​ക്ക​യും ബുദ്ധി​മാൻമാ​രു​ടെ ബുദ്ധി ദുർബ്ബ​ല​മാ​ക്കു​ക​യും ചെയ്യും” എന്നു യഹോവ പറയുന്നു. (1 കൊരി​ന്ത്യർ 1:19) പത്രോസ്‌ ഉപയോ​ഗി​ക്കുന്ന വാക്കിനു “സമചി​ത്ത​നാ​യി​രി​ക്കുക” എന്ന്‌ അർഥമാ​ക്കാൻ കഴിയും. ഈ ആത്മീയ സമചിത്തത നമ്മുടെ ആരാധ​ന​യു​മാ​യി ബന്ധപ്പെ​ട്ടി​രി​ക്കു​ന്നു. അതു​കൊ​ണ്ടു സ്ഥിരമാ​ന​സ​രാ​യി​രി​ക്കു​ന്ന​തി​നാൽ നാം സംഗതി​കളെ യഹോ​വ​യു​ടെ ഇഷ്ടത്തോ​ടുള്ള അവയുടെ ഉചിത​മായ ബന്ധത്തിൽ കാണുന്നു; ഏതെല്ലാം കാര്യങ്ങൾ പ്രധാ​ന​മെ​ന്നും ഏതെല്ലാം അപ്രധാ​ന​മെ​ന്നും നമ്മൾ മനസ്സി​ലാ​ക്കു​ന്നു. (മത്തായി 6:33, 34) അന്ത്യം ആസന്നമാ​ണെ​ങ്കിൽപ്പോ​ലും നമ്മൾ ഒരു ഉൻമാ​ദ​പൂർണ​മായ ജീവിത രീതി​യിൽ ഒഴുകി​ന​ട​ക്കു​ന്നില്ല; നമ്മൾ ജീവി​ക്കുന്ന കാലഘ​ട്ട​ത്തോ​ടു വിപ്ര​തി​പ​ത്തി​യും പ്രകടി​പ്പി​ക്കു​ന്നില്ല. (മത്തായി 24:37-39 താരത​മ്യ​പ്പെ​ടു​ത്തുക.) പ്രത്യുത, ചിന്തയി​ലും മനോ​ഭാ​വ​ത്തി​ലും പ്രവർത്ത​ന​ത്തി​ലു​മുള്ള മിതത്വ​വും സമനി​ല​യു​മാ​ണു നമ്മളെ നയിക്കു​ന്നത്‌. ഇത്‌ ആദ്യമേ ദൈവ​ത്തോ​ടും (“പ്രാർത്ഥ​നെക്കു നിർമ്മദർ”) പിന്നീട്‌ നമ്മുടെ അയൽക്കാ​ര​നോ​ടും (“പരസ്‌പരം ഉററസ്‌നേഹം ഉള്ളവർ”) പ്രകട​മാ​ക്ക​പ്പെ​ടു​ന്നു.—1 പത്രൊസ്‌ 4:7, 8.

11. (എ) [നമ്മുടെ] “ഉള്ളിലെ ആത്മാവു സംബന്ധ​മാ​യി പുതുക്കം പ്രാപി​ക്കു”ന്നതിന്റെ അർത്ഥം എന്ത്‌? (ബി) ഒരു പുതിയ മാനസിക ശക്തി നമുക്ക്‌ ഉചിത​മായ തീരു​മാ​നങ്ങൾ എടുക്കാൻ സഹായി​ക്കു​ന്നത്‌ എങ്ങനെ?

¹¹ സുബോ​ധ​മു​ള്ള​വ​രാ​യി​രി​ക്കു​ന്ന​തിൽ [നമ്മുടെ] “ഉള്ളിലെ ആത്മാവു സംബന്ധ​മാ​യി പുതുക്കം പ്രാപി​ക്കു​ന്ന​തും” ഉൾക്കൊ​ള്ളു​ന്നുണ്ട്‌. (എഫെസ്യർ 4:23) എന്തു​കൊ​ണ്ടു പുതുക്കം പ്രാപി​ക്കണം? നമ്മൾ അപൂർണത അവകാ​ശ​പ്പെ​ടു​ത്തി​യി​രി​ക്കു​ന്ന​തു​കൊ​ണ്ടും പാപപൂ​രി​ത​മായ ഒരു ചുററു​പാ​ടിൽ ജീവി​ക്കു​ന്ന​തു​കൊ​ണ്ടും നമ്മുടെ മനസ്സ്‌ ആത്മീയ​തക്കു വിപരീ​ത​മായ ഒരു പ്രവണ​ത​യാൽ ഭരിക്ക​പ്പെ​ടു​ന്നു. ആ ശക്തി ചിന്തക​ളെ​യും അഭിലാ​ഷ​ങ്ങ​ളെ​യും ഭൗതി​ക​വും സ്വാർഥ​പ​ര​വു​മായ ഒരു ദിശയിൽ നിരന്തരം തള്ളിവി​ടു​ന്നു. അതു​കൊണ്ട്‌ ഒരാൾ ഒരു ക്രിസ്‌ത്യാ​നി​യാ​യി​ത്തീ​രു​മ്പോൾ അയാൾക്ക്‌ അയാളു​ടെ ചിന്തകളെ ശരിയായ ദിശയിൽ, ആത്മീയ ദിശയിൽ, ആത്മത്യാ​ഗ​ത്തി​നുള്ള ഒരു സന്നദ്ധത​യി​ലേക്കു തള്ളിവി​ടുന്ന ഒരു പുതിയ ശക്തി അല്ലെങ്കിൽ ഒരു പ്രബല മാനസി​ക​ഭാ​വം ആവശ്യ​മാണ്‌. അങ്ങനെ ഒരു തിര​ഞ്ഞെ​ടു​പ്പി​നെ അഭിമു​ഖീ​ക​രി​ക്കു​മ്പോൾ, ഉദാഹ​ര​ണ​ത്തിന്‌, വിദ്യാ​ഭ്യാ​സ​ത്തി​ലോ ജീവി​ത​വൃ​ത്തി​യി​ലോ തൊഴി​ലി​ലോ വിനോ​ദ​ത്തി​ലോ കളിക​ളി​ലോ വസ്‌ത്ര​ധാ​ര​ണ​രീ​തി​യി​ലോ വേറെ എന്തിലു​മാ​യി​ക്കൊ​ള്ളട്ടെ, അയാളു​ടെ ആദ്യ ചായ്‌വു ജഡത്തി​ന്റേ​തായ, സ്വാർഥ​പ​ര​മായ ഒരു കാഴ്‌ച​പ്പാ​ടി​ലല്ല, ഒരു ആത്മീയ കാഴ്‌ച​പ്പാ​ടിൽ സംഗതി പരിചി​ന്തി​ക്കു​വാ​നാ​യി​രി​ക്കും. ഈ പുതിയ മാനസിക ഭാവം സുബോ​ധ​ത്തോ​ടെ​യും അന്ത്യം അടുത്തി​രി​ക്കു​ന്നു എന്ന ബോധ​ത്തോ​ടെ​യും കാര്യങ്ങൾ തീരു​മാ​നി​ക്കുക എളുപ്പ​മാ​ക്കു​ന്നു.

12. നമുക്കു “വിശ്വാ​സ​ത്തിൽ ആരോ​ഗ്യ​മു​ള്ള​വ​രാ​യി” നില​കൊ​ള്ളാൻ കഴിയു​ന്നത്‌ എങ്ങനെ?

¹² സുബോ​ധ​മു​ണ്ടാ​യി​രി​ക്കു​ന്നതു നമുക്കു നല്ല ആത്മീയ ആരോ​ഗ്യ​മു​ണ്ടെന്ന്‌ അർഥമാ​ക്കു​ന്നു. നമുക്ക്‌ എങ്ങനെ​യാ​ണു “വിശ്വാ​സ​ത്തിൽ . . . ആരോ​ഗ്യ​മു​ള്ള​വ​രാ​യി” നില​കൊ​ള്ളാൻ കഴിയു​ന്നത്‌? (തീത്തൊസ്‌ 2:2) നാം നമ്മുടെ മനസ്സിനെ ഉചിത​മായ ആഹാരം​കൊ​ണ്ടു പോഷി​പ്പി​ക്കണം. (യിരെ​മ്യാ​വു 3:15) അവിടു​ത്തെ പരിശു​ദ്ധാ​ത്മാ​വി​ന്റെ പ്രവർത്ത​ന​ത്താൽ പിന്താ​ങ്ങ​പ്പെ​ടുന്ന ദൈവ​ത്തി​ന്റെ സത്യവ​ചനം സ്ഥിരമാ​യി ഭക്ഷിക്കു​ന്നതു നമ്മുടെ ആത്മീയ സന്തുലി​താ​വസ്ഥ നിലനിർത്താൻ നമ്മളെ സഹായി​ക്കും. അതു​കൊ​ണ്ടു വയൽസേ​വ​ന​ത്തി​ലും പ്രാർഥ​ന​യി​ലും ക്രിസ്‌തീയ സഹവാ​സ​ത്തി​ലും മാത്രമല്ല വ്യക്തി​പ​ര​മായ പഠനത്തി​ലും ക്രമമു​ണ്ടാ​യി​രി​ക്കു​ന്നതു മർമ​പ്ര​ധാ​ന​മാണ്‌.

സുബോ​ധം നമ്മെ സംരക്ഷി​ക്കുന്ന വിധം

13. സുബോ​ധം അപഹാ​സ്യ​മായ തെററു​കൾ ചെയ്യു​ന്ന​തിൽനി​ന്നു നമ്മെ പരിര​ക്ഷി​ക്കു​ന്നത്‌ എങ്ങനെ?

¹³ സുബോ​ധ​ത്തി​നു നമ്മുടെ നിത്യ​ജീ​വനെ നഷ്ടപ്പെ​ടു​ത്താ​വുന്ന മൂഢമായ ഒരു തെററു ചെയ്യു​ന്ന​തിൽനി​ന്നു നമ്മെ പരിര​ക്ഷി​ക്കാൻ കഴിയും. ഇത്‌ എങ്ങനെ​യാ​ണു സാധ്യ​മാ​വുക? അപ്പോ​സ്‌ത​ല​നായ പൗലോസ്‌ “ബുദ്ധി​യു​ടെ പ്രമാണ”ത്തെപ്പററി പറയുന്നു. വിശ്വാ​സ​ത്തിൽ ആരോ​ഗ്യ​വാ​നായ ഒരു വ്യക്തി​യു​ടെ കാര്യ​ത്തിൽ ബുദ്ധി​യു​ടെ പ്രമാ​ണത്തെ ഭരിക്കു​ന്നത്‌ അയാൾ ഇഷ്ടപ്പെ​ടുന്ന എന്തെങ്കി​ലും, അതായതു “ദൈവ​ത്തി​ന്റെ പ്രമാണം” ആണ്‌. “പാപത്തി​ന്റെ പ്രമാണം” ബുദ്ധി​യു​ടെ പ്രമാ​ണ​ത്തോ​ടു പോരാ​ടു​ന്നു എന്നതു ശരിതന്നെ. എന്നിരു​ന്നാ​ലും യഹോ​വ​യു​ടെ സഹായ​ത്താൽ ക്രിസ്‌ത്യാ​നി​ക്കു വിജയം വരിക്കാ​നാ​വും.—റോമർ 7:21-25.

14, 15. (എ) ഏതു രണ്ടു സ്വാധീ​നങ്ങൾ മനസ്സിനെ നിയ​ന്ത്രി​ക്കു​വാൻ പോരാ​ട്ടം നടത്തുന്നു? (ബി) നമുക്ക്‌ എങ്ങനെ മനസ്സിന്റെ പോരാ​ട്ട​ത്തിൽ വിജയി​ക്കാൻ കഴിയും?

¹⁴ ആത്മസു​ഖാ​സക്ത ജീവി​ത​ത്തിൽ കേന്ദ്രീ​ക​രി​ച്ചി​രി​ക്കുന്ന പാപപൂർണ​മായ ജഡത്താൽ നിയ​ന്ത്രി​ക്ക​പ്പെ​ടുന്ന മനസ്സും യഹോ​വ​യു​ടെ സേവന​ത്തിൽ ആത്മത്യാ​ഗ​ത്തി​ന്റേ​തായ ഒരു ജീവി​ത​ത്തിൽ കേന്ദ്രീ​ക​രി​ച്ചി​രി​ക്കുന്ന, ദൈവാ​ത്മാ​വി​നാൽ നയിക്ക​പ്പെ​ടുന്ന മനസ്സും തമ്മിൽ ഒരു നിശി​ത​മായ വ്യത്യാ​സം വരച്ചു​കാ​ണി​ച്ചു​കൊ​ണ്ടു റോമർ 8:5-7-ൽ പൗലോസ്‌ എഴുതു​ന്നു: “ജഡസ്വ​ഭാ​വ​മു​ള്ളവർ ജഡത്തി​ന്നു​ള്ള​തും ആത്മസ്വ​ഭാ​വ​മു​ള്ളവർ ആത്മാവി​ന്നു​ള്ള​തും ചിന്തി​ക്കു​ന്നു. ജഡത്തിന്റെ ചിന്ത മരണം; ആത്മാവി​ന്റെ ചിന്തയോ ജീവനും സമാധാ​ന​വും തന്നേ. ജഡത്തിന്റെ ചിന്ത ദൈവ​ത്തോ​ടു ശത്രു​ത്വം ആകുന്നു; അതു ദൈവ​ത്തി​ന്റെ ന്യായ​പ്ര​മാ​ണ​ത്തി​ന്നു കീഴ്‌പെ​ടു​ന്നില്ല, കീഴ്‌പെ​ടു​വാൻ കഴിയു​ന്ന​തു​മല്ല”.

¹⁵ പിന്നീടു 11-ാം വാക്യ​ത്തിൽ പൗലോസ്‌ പരിശു​ദ്ധാ​ത്മാ​വി​നോ​ടു സഹകരി​ക്കുന്ന മനസ്സ്‌ പോരാ​ട്ട​ത്തിൽ എപ്രകാ​രം വിജയി​ക്കു​ന്നു​വെന്നു വിശദീ​ക​രി​ക്കു​ന്നു: “യേശു​വി​നെ മരിച്ച​വ​രിൽനി​ന്നു ഉയർപ്പി​ച്ച​വന്റെ ആത്മാവു നിങ്ങളിൽ വസിക്കു​ന്നു എങ്കിൽ ക്രിസ്‌തു​യേ​ശു​വി​നെ മരണത്തിൽനി​ന്നു ഉയിർപ്പി​ച്ചവൻ നിങ്ങളിൽ വസിക്കുന്ന തന്റെ ആത്മാവി​നെ​ക്കൊ​ണ്ടു നിങ്ങളു​ടെ മർത്യ​ശ​രീ​ര​ങ്ങ​ളെ​യും ജീവി​പ്പി​ക്കും.”

16. സുബോ​ധം ഏത്‌ പ്രലോ​ഭ​ന​ങ്ങ​ളിൽനി​ന്നു നമ്മെ സംരക്ഷി​ക്കു​ന്നു?

¹⁶ അതിനാൽ സുബോ​ധ​മു​ള്ള​വ​രാ​യി​രി​ക്കു​ന്ന​തി​നാൽ സകലതരം ഉല്ലാസ​ങ്ങ​ളി​ലും, ഭൗതി​ക​വ​സ്‌തു​ക്ക​ളി​ലും, ലൈം​ഗിക ദുർന​ട​ത്ത​യി​ലു​മുള്ള അളവററ ആസക്തി സ്വഭാ​വ​മാ​യുള്ള ഈ ലോക​ത്തിൽ സർവവ്യാ​പ​ക​മാ​യി കാണ​പ്പെ​ടുന്ന വിനോ​ദ​ങ്ങ​ളാൽ നമ്മൾ വശീക​രി​ക്ക​പ്പെ​ടു​ക​യില്ല. നമ്മുടെ സുബോ​ധ​മുള്ള മനസ്സു “ദുർന്ന​ടപ്പു വിട്ടു ഓടു​വാ​നും” അതിന്റെ വിപല്‌ക്ക​ര​മായ അനന്തര​ഫ​ല​ങ്ങ​ളിൽനി​ന്നു രക്ഷപ്പെ​ടാ​നും നമ്മളോ​ടു പറയും. (1 കൊരി​ന്ത്യർ 6:18) നമ്മുടെ സുബോ​ധ​മുള്ള മാനസി​ക​ഭാ​വം രാജ്യ​താ​ത്‌പ​ര്യ​ങ്ങൾക്കു പ്രഥമ സ്ഥാനം കൊടു​ക്കാൻ നമ്മെ പ്രേരി​പ്പി​ക്കു​ക​യും യഹോ​വ​യു​മാ​യുള്ള നമ്മുടെ ബന്ധത്തെ ദുർബ​ല​മാ​ക്കി​യേ​ക്കാ​വുന്ന ഒരു ഭൗതിക ജീവി​ത​വൃ​ത്തി​യു​ടെ വാഗ്‌ദാ​ന​ത്താൽ നാം പ്രലോ​ഭി​പ്പി​ക്ക​പ്പെ​ടു​മ്പോൾ നമ്മുടെ ചിന്തയെ പരിര​ക്ഷി​ക്കു​ക​യും ചെയ്യാം.

17. സാമ്പത്തിക ബാധ്യ​ത​കളെ അഭിമു​ഖീ​ക​രി​ച്ച​പ്പോൾ ഒരു പയനിയർ സഹോ​ദരി സുബോ​ധം പ്രകട​മാ​ക്കി​യത്‌ എങ്ങനെ?

¹⁷ ഉദാഹ​ര​ണ​ത്തിന്‌, തെക്കു​കി​ഴക്കെ ഏഷ്യയി​ലെ ഒരു ഉഷ്‌ണ​മേ​ഖ​ലാ​രാ​ജ്യ​ത്തു മനസ്സിൽ രാജ്യ​താ​ത്‌പ​ര്യ​ങ്ങൾക്ക്‌ ഒന്നാം സ്ഥാനം കൊടുത്ത ഒരു യുവസ​ഹോ​ദ​രി​യുണ്ട്‌. അവൾ മുഴു​സ​മ​യ​സേ​വ​ന​ത്തോട്‌ അതിയായ താത്‌പ​ര്യം നട്ടുവ​ളർത്തി​യി​രു​ന്നു. ആ രാജ്യത്തു മിക്ക ഉദ്യോ​ഗ​ങ്ങൾക്കും ആറോ ഏഴോ ദിവസത്തെ മുഴു​സമയ ജോലി ആവശ്യ​മാ​യി​രു​ന്നു. അവൾ യൂണി​വേ​ഴ്‌സി​റ​റി​യിൽനി​ന്നു ബിരു​ദ​മെ​ടു​ത്ത​ശേഷം, കുടും​ബ​ത്തി​നു​വേണ്ടി ധാരാളം പണം സമ്പാദി​ക്കു​മെ​ന്നാ​യി​രു​ന്നു യഹോ​വ​യു​ടെ സാക്ഷി​ക​ളിൽ ഒരുവ​ന​ല്ലാത്ത അവളുടെ പിതാ​വി​ന്റെ പ്രതീക്ഷ. എന്നാൽ അവൾക്കു ശക്തമായ ആഗ്രഹം ഉണ്ടായി​രു​ന്നതു പയനി​യ​റിംഗ്‌ ചെയ്യാ​നാ​യി​രു​ന്നു. തന്നിമി​ത്തം അവൾ ഒരു അംശകാല ജോലി കണ്ടെത്തു​ക​യും പയനി​യർസേ​വനം ആരംഭി​ക്കു​ക​യും ചെയ്‌തു. ഇത്‌ അവളുടെ പിതാ​വി​നെ പ്രകോ​പി​പ്പി​ച്ചു. അയാൾ അവളുടെ സാധന​സാ​മ​ഗ്രി​കൾ തെരു​വി​ലേക്ക്‌ എറിഞ്ഞു​ക​ള​യു​മെന്നു ഭീഷണി​പ്പെ​ടു​ത്തി. ചൂതു​ക​ളിച്ച്‌ അയാൾ ഭാരിച്ച കടത്തി​ലാ​യി​രു​ന്നു. തന്റെ കടമെ​ല്ലാം മകൾ വീട്ടു​മെന്ന്‌ അയാൾ പ്രതീ​ക്ഷി​ച്ചു. അവളുടെ ഇളയസ​ഹോ​ദരൻ ഒരു യൂണി​വേ​ഴ്‌സി​റ​റി​യിൽ പഠിക്കു​ക​യാ​യി​രു​ന്നു. കടമു​ണ്ടാ​യി​രു​ന്ന​തി​നാൽ അവന്റെ ററ്യൂഷൻ ഫീസ്‌ കൊടു​ക്കു​വാ​നുള്ള പണവും ഉണ്ടായി​രു​ന്നില്ല. സഹോ​ദരി തന്നെ ഇപ്പോൾ സഹായി​ച്ചാൽ ഒരു ജോലി കിട്ടു​മ്പോൾ താൻ കുടും​ബത്തെ സംരക്ഷി​ച്ചു​കൊ​ള്ളാ​മെന്ന്‌ അവൻ വാഗ്‌ദാ​നം ചെയ്‌തു. സഹോ​ദ​ര​നോ​ടുള്ള സ്‌നേ​ഹ​വും പയനി​യ​റിം​ഗി​നോ​ടുള്ള സ്‌നേ​ഹ​വും അവളുടെ ഹൃദയത്തെ ഉലച്ചു. ശ്രദ്ധാ​പൂർവം സംഗതി പരിചി​ന്തി​ച്ച​ശേഷം, പയനി​യ​റിംഗ്‌ തുടരു​വാ​നും മറെറാ​രു ജോലി അന്വേ​ഷി​ക്കു​വാ​നും അവൾ ഉറപ്പായി തീരു​മാ​നി​ച്ചു. അവളുടെ പ്രാർഥ​നക്ക്‌ ഉത്തര​മെ​ന്നോ​ണം, കുടും​ബ​ത്തെ​യും സഹോ​ദ​ര​നെ​യും സാമ്പത്തി​ക​മാ​യി സഹായി​ക്കാൻ മാത്രമല്ല അവളുടെ പ്രഥമ താത്‌പ​ര്യ​മായ പയനി​യ​റിംഗ്‌ തുടരു​വാ​നും സാധ്യ​മാ​ക്കിയ ഒരു നല്ല ജോലി അവൾ കണ്ടെത്തി.

സുബോ​ധം നിലനിർത്തു​ന്ന​തിൽ യഹോ​വ​യു​ടെ സഹായം തേടുക

18. (എ) ചിലയാ​ളു​കൾക്കു ഹൃദയ​ത്തിൽ മുഷിവു തോന്നി​യേ​ക്കാ​വു​ന്നത്‌ എന്തു​കൊണ്ട്‌? (ബി) ഹൃദയ​ത്തിൽ മുഷി​വു​തോ​ന്നു​ന്ന​വരെ ഏതു തിരു​വെ​ഴുത്ത്‌ ആശ്വസി​പ്പി​ച്ചേ​ക്കാം?

¹⁸ ക്രിസ്‌തു​വി​ന്റെ ചില അനുഗാ​മി​കൾ സുബോ​ധം നിലനിർത്തു​ന്നതു ദുഷ്‌ക്ക​ര​മെന്നു കണ്ടെത്തി​യേ​ക്കാം. അവർ പ്രതീ​ക്ഷി​ച്ച​തി​നെ​ക്കാൾ ദീർഘ​മാ​യി ഈ ദുഷ്ട വ്യവസ്ഥി​തി നിലനി​ന്നു​പോ​കു​ന്ന​തു​കൊണ്ട്‌ അവരുടെ ക്ഷമ കുറയു​ക​യാ​യി​രി​ക്കാം. അതിനെ സംബന്ധി​ച്ചു ഹൃദയ​ത്തിൽ അവർക്കു മുഷിവു തോന്നി​യേ​ക്കാം. എന്നിരു​ന്നാ​ലും അന്ത്യം വരും. യഹോവ അതു വാഗ്‌ദാ​നം ചെയ്യുന്നു. (തീത്തൊസ്‌ 1:2) അതു​പോ​ലെ വാഗ്‌ദത്തം ചെയ്യപ്പെട്ട അവിടു​ത്തെ ഭൗമിക പറുദീ​സ​യും വരും. യഹോവ അതിന്‌ ഉറപ്പു നൽകുന്നു. (വെളി​പ്പാ​ടു 21:1-5) തീർച്ച​യാ​യും പുതിയ ലോകം വരു​മ്പോൾ സുബോ​ധം നിലനിർത്തിയ എല്ലാവർക്കും​വേണ്ടി ഒരു “ജീവവൃ​ക്ഷം” ഉണ്ടായി​രി​ക്കും.—സദൃശ​വാ​ക്യ​ങ്ങൾ 13:12.

19. സുബോ​ധത്തെ നിലനിർത്താൻ കഴിയു​ന്നത്‌ എങ്ങനെ?

¹⁹ നമുക്കു സുബോ​ധം നിലനിർത്താൻ എങ്ങനെ കഴിയും? യഹോ​വ​യു​ടെ സഹായം തേടുക. (സങ്കീർത്തനം 54:4) അവിടു​ത്തോ​ടു ചേർന്നു നില്‌ക്കുക. നമ്മുടെ ഗാഢസൗ​ഹൃ​ദം യഹോവ ആഗ്രഹി​ക്കു​ന്നു എന്നതിൽ നാം എത്ര സന്തോ​ഷി​ക്കു​ന്നു! “ദൈവ​ത്തോ​ടു അടുത്തു ചെല്ലു​വിൻ; എന്നാൽ അവൻ നിങ്ങ​ളോ​ടു അടുത്തു​വരു”മെന്നു ശിഷ്യ​നായ യാക്കോബ്‌ എഴുതി. (യാക്കോബ്‌ 4:8) പൗലോസ്‌ ഇപ്രകാ​രം പറയുന്നു: “കർത്താ​വിൽ എപ്പോ​ഴും സന്തോ​ഷി​പ്പിൻ; സന്തോ​ഷി​പ്പിൻ എന്നു ഞാൻ പിന്നെ​യും പറയുന്നു. നിങ്ങളു​ടെ സൌമ്യത സകല മനുഷ്യ​രും അറിയട്ടെ; കർത്താവു വരുവാൻ അടുത്തി​രി​ക്കു​ന്നു. ഒന്നി​നെ​ക്കു​റി​ച്ചും വിചാ​ര​പ്പെ​ട​രു​തു; എല്ലാറ​റി​ലും പ്രാർത്ഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്ക​യ​ത്രേ വേണ്ടതു. എന്നാൽ സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ പുലർത്തും.” (ഫിലി​പ്പ്യർ 4:4-7) നശിച്ചു​കൊ​ണ്ടി​രി​ക്കുന്ന ഈ വ്യവസ്ഥി​തി​യു​ടെ ഭാരങ്ങൾ ഇനി വഹിക്കാ​വു​ന്ന​തി​ലും വലുതാ​ണെന്നു തോന്നു​മ്പോൾ അവയെ യഹോ​വ​യു​ടെ മേൽ വെച്ചു​കൊൾക, അവിടു​ന്നു നിങ്ങളെ താങ്ങും.—സങ്കീർത്തനം 55:22.

20. ഒന്നു തിമൊ​ഥെ​യൊസ്‌ 4:10 അനുസ​രി​ച്ചു നമ്മൾ ഏതു ഗതിയിൽ തുടരണം?

²⁰ അതെ, അന്ത്യം അടുത്ത്‌ എത്തിയി​രി​ക്കു​ന്നു, അതിനാൽ സുബോ​ധ​മു​ള്ള​വ​രാ​യി​രി​പ്പിൻ! ആയിര​ത്തി​ത്തൊ​ള്ളാ​യി​രം വർഷം മുമ്പ്‌ അതു നല്ലോരു ഉപദേ​ശ​മാ​യി​രു​ന്നു. ഇന്ന്‌ അതു മർമ​പ്ര​ധാ​ന​മായ ഉപദേ​ശ​മാണ്‌. യഹോവ തന്റെ പുതിയ ലോക​ത്തി​ലേക്കു നമ്മെ സുരക്ഷി​ത​മാ​യി നയിക്കു​ന്ന​തിൽ തുടരു​മ്പോൾ അവിക​ല​മായ നമ്മുടെ മാനസിക പ്രാപ്‌തി​കൾ നമുക്കു യഹോ​വയെ സ്‌തു​തി​ക്കു​വാൻ ഉപയോ​ഗി​ക്കു​ന്ന​തിൽ തുടരാം.—1 തിമൊ​ഥെ​യോസ്‌ 4:10.

നിങ്ങൾ എങ്ങനെ ഉത്തരം പറയും?

▫ സുബോ​ധം എന്നാൽ എന്ത്‌?

▫ സുബോ​ധ​മു​ള്ള​വ​രാ​യി​രി​ക്കേ​ണ്ടതു വളരെ അടിയ​ന്തി​ര​മാ​യി​രി​ക്കു​ന്നത്‌ എന്തു​കൊണ്ട്‌?

▫ നമ്മുടെ മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തിയിൽ നമുക്കു പുതുക്കം പ്രാപി​ക്കാൻ കഴിയു​ന്നത്‌ എങ്ങനെ?

▫ നാം നമ്മുടെ മനസ്സിൽ ഏതു നിരന്ത​ര​മായ പോരാ​ട്ടം നടത്തണം?

▫ നമ്മൾ സുബോ​ധം നിലനിർത്തു​ന്നത്‌ എങ്ങനെ?

1. (എ) എന്ത്‌ ആശാഭം​ഗ​മാണ്‌ ഒരു മതനേ​താ​വും അദ്ദേഹ​ത്തി​ന്റെ അനുഗാ​മി​ക​ളും അനുഭ​വി​ച്ചത്‌? (ബി) ചില പ്രതീ​ക്ഷകൾ നിറ​വേ​റി​യി​ല്ലെ​ങ്കിൽ ഏതു ചോദ്യ​ങ്ങൾ ചോദി​ക്ക​പ്പെ​ട്ടേ​ക്കാം?

2. ഒരു ഭാവി ന്യായ​വി​ധി ദിവസ​ത്തി​ന്റെ ആശയം അപ്പോ​സ്‌ത​ലൻമാ​രോ​ടു പറഞ്ഞത്‌ ആർ, അവർ ഇതി​നെ​ക്കു​റി​ച്ചു മനസ്സി​ലാ​ക്കി​യത്‌ ഏതു സാഹച​ര്യ​ങ്ങ​ളിൽ ആയിരു​ന്നു?

[15-ാം പേജിലെ ചിത്രം]

പ്രാർഥനയിൽ ദൈവ​ത്തോട്‌ അടുത്തു ചെല്ലു​ന്നതു സുബോ​ധം നിലനിർത്താൻ നമ്മെ സഹായി​ക്കു​ന്നു

[17-ാം പേജിലെ ചിത്രം]

സുബോധമുള്ളവരായിരിക്കുന്നതിനാൽ നാം ഈ ലോക​ത്തി​ന്റെ പ്രലോ​ഭ​ന​ങ്ങ​ളാൽ വശീക​രി​ക്ക​പ്പെ​ടില്ല