നിങ്ങളു​ടെ കുടും​ബ​ത്തി​ന്റെ രക്ഷയ്‌ക്കു​വേണ്ടി കഠിനാ​ധ്വാ​നം ചെയ്യുക

“യഹോ​വ​യു​ടെ ശിക്ഷണ​ത്തി​ലും മാനസിക ക്രമവൽക്ക​ര​ണ​ത്തി​ലും അവരെ വളർത്തി​ക്കൊ​ണ്ടു​വ​രിക.”—എഫേസ്യർ 6:4, NW.

1, 2. ഇന്ന്‌ മാതാ​പി​താ​ക്കൾ നേരി​ടുന്ന വെല്ലു​വി​ളി​കൾ ഏവ?

അതിനെ വിപ്ലവം എന്ന്‌ ജനപ്രീ​തി​യാർജിച്ച ഒരു മാഗസിൻ പേർവി​ളി​ച്ചു. കഴിഞ്ഞ ഏതാനും വർഷങ്ങ​ളിൽ കുടും​ബ​ത്തി​നു​ള്ളിൽ നടന്ന ഞെട്ടി​ക്കുന്ന വ്യതി​യാ​ന​ങ്ങ​ളെ​ക്കു​റി​ച്ചെ​ഴു​തിയ ഒരു ലേഖന​ത്തി​ലാ​യി​രു​ന്നു ഇങ്ങനെ പരാമർശി​ച്ചത്‌. ഈ വ്യതി​യാ​നങ്ങൾ “വിവാ​ഹ​മോ​ചനം, പുനർവി​വാ​ഹം, പുനർവി​വാ​ഹ​മോ​ചനം, ജാരസ​ന്താ​നോ​ത്‌പാ​ദനം, സുഭ​ദ്ര​മെന്നു കരുതി​പ്പോന്ന കുടും​ബ​ങ്ങൾക്കു​ള്ളി​ലെ പുതി​യ​തരം പിരി​മു​റു​ക്കങ്ങൾ എന്നിവ അടങ്ങുന്ന ഒരു ബാധയു​ടെ ഫലമാണ്‌” എന്നു പറയ​പ്പെട്ടു. അത്തരം പിരി​മു​റു​ക്ക​ങ്ങ​ളും സമ്മർദ​ങ്ങ​ളും ആശ്ചര്യ​ജ​ന​കമല്ല. കാരണം, “അന്ത്യകാ​ലത്തു” ആളുകൾ “ദുർഘ​ട​സ​മയങ്ങ”ളെ അഭിമു​ഖീ​ക​രി​ക്കു​മെന്നു ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌.—2 തിമൊ​ഥെ​യൊസ്‌ 3:1-5.

² തൻമൂലം, മുൻത​ല​മു​റ​കൾക്കു പരിചി​ത​മ​ല്ലാത്ത വെല്ലു​വി​ളി​കൾ ഇന്നു മാതാ​പി​താ​ക്കൾ നേരി​ടു​ന്നു. നമ്മു​ടെ​യി​ട​യി​ലെ ചില മാതാ​പി​താ​ക്കൾ കുട്ടി​കളെ “ബാല്യം​മുത”ലേ ദൈവി​ക​വ​ഴി​ക​ളിൽ വളർത്തി​ക്കൊ​ണ്ടു​വ​ന്നി​ട്ടുണ്ട്‌. എന്നുവ​രി​കി​ലും അനേകം കുടും​ബ​ങ്ങ​ളും “സത്യത്തിൽന​ടക്കു”വാൻ തുടങ്ങി​യിട്ട്‌ അധിക​നാ​ളാ​യി​ട്ടില്ല. (2 തിമൊ​ഥെ​യൊസ്‌ 3:15; 3 യോഹ​ന്നാൻ 4) ഒരുപക്ഷേ കുട്ടികൾ വളർന്ന​ശേ​ഷ​മാ​കാം മാതാ​പി​താ​ക്കൾ അവരെ യഹോ​വ​യു​ടെ വഴിക​ളെ​പ്പ​ററി പഠിപ്പി​ക്കു​ന്ന​തി​നു തുടക്ക​മി​ട്ടത്‌. അതിനു​പു​റമേ, മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളു​ടെ​യും ദത്തുകു​ടും​ബ​ങ്ങ​ളു​ടെ​യും എണ്ണം നമ്മുടെ മധ്യേ കൂടി​വ​രു​ന്നതു കാണാ​വു​ന്ന​താണ്‌. നിങ്ങളു​ടെ സാഹച​ര്യ​ങ്ങൾ എന്തുത​ന്നെ​യാ​യി​രു​ന്നാ​ലും ശരി, അപ്പോ​സ്‌ത​ല​നായ പൗലോ​സി​ന്റെ പിൻവ​രുന്ന അനുശാ​സനം നിങ്ങൾക്കും ബാധക​മാണ്‌: “യഹോ​വ​യു​ടെ ശിക്ഷണ​ത്തി​ലും മാനസിക ക്രമവൽക്ക​ര​ണ​ത്തി​ലും അവരെ വളർത്തി​ക്കൊ​ണ്ടു​വ​രിക.”—എഫേസ്യർ 6:4, NW.

ക്രിസ്‌തീയ മാതാ​പി​താ​ക്ക​ളും അവരുടെ റോളു​ക​ളും

3, 4. (എ) പിതാ​ക്കൻമാ​രു​ടെ റോളു​കൾക്കു മങ്ങലേൽക്കാൻ ഇടയാ​ക്കിയ വസ്‌തു​തകൾ ഏവ? (ബി) ക്രിസ്‌തീയ പിതാ​ക്കൻമാർ വെറും ആഹാര​സ​മ്പാ​ദകർ മാത്ര​മാ​യി​രി​ക്ക​രു​താ​ത്തത്‌ എന്തു​കൊണ്ട്‌?

³ എഫെസ്യർ 6:4-ലെ പൗലോ​സി​ന്റെ വാക്കുകൾ പ്രമു​ഖ​മാ​യും ‘പിതാ​ക്കൻമാ​രെ’ അഭിസം​ബോ​ധന ചെയ്‌തു​കൊ​ണ്ടു​ള്ള​താ​യി​രു​ന്നു എന്നതു ശ്രദ്ധി​ക്കുക. മുൻത​ല​മു​റ​ക​ളിൽ “കുട്ടി​ക​ളു​ടെ ധാർമി​ക​വും ആത്മീയ​വു​മായ വളർച്ച​ക്കുള്ള ഉത്തരവാ​ദി​കൾ പിതാ​ക്കൻമാ​രാ​യി​രു​ന്നു. തങ്ങളുടെ കുട്ടി​ക​ളു​ടെ വിദ്യാ​ഭ്യാ​സ​ത്തി​ന്റെ കാര്യ​ത്തി​ലും പിതാ​ക്കൻമാർ ഉത്തരവാ​ദി​ത്വം വഹി​ക്കേ​ണ്ട​തു​ണ്ടാ​യി​രു​ന്നു. . . . എന്നാൽ വ്യവസായ വിപ്ലവം ഈ ആത്മബന്ധത്തെ കവർന്നു​ക​ളഞ്ഞു. പിതാ​ക്കൻമാർ തങ്ങളുടെ കൃഷി​യി​ട​ങ്ങ​ളും കടകളും ഉപേക്ഷിച്ച്‌ ആദ്യം ഫാക്ടറി​ക​ളി​ലും പിന്നെ​പ്പി​ന്നെ ഓഫീ​സു​ക​ളി​ലും വേല​ചെ​യ്യു​ന്ന​തി​നാ​യി വീടു​വി​ട്ടു​പോ​കേ​ണ്ടി​വന്നു. ഒരിക്കൽ പിതാ​ക്കൻമാർ ഉത്തരവാ​ദി​ത്വം വഹിച്ചി​രുന്ന അനേകം കർത്തവ്യ​ങ്ങ​ളു​ടെ​യും നിർവ​ഹണം അമ്മമാർ ഏറെറ​ടു​ത്തു. പിതൃ​ത്വം എന്നത്‌ ഏറെക്കു​റെ ഭാവന മാത്ര​മാ​യി​ത്തീർന്നു” എന്ന്‌ ഒരു എഴുത്തു​കാ​രൻ വിശദീ​ക​രി​ക്കു​ന്നു.

⁴ ക്രിസ്‌തീയ പുരു​ഷൻമാ​രേ: കുട്ടി​കളെ അഭ്യസി​പ്പി​ക്കു​ന്ന​തി​നും പോറ​റി​പ്പു​ലർത്തു​ന്ന​തി​നു​മുള്ള ചുമതല ഭാര്യ​മാ​രു​ടെ​മേൽ ഇട്ടിട്ട്‌ ആഹാര​സ​മ്പാ​ദകർ മാത്ര​മാ​യി​രി​ക്കു​ന്ന​തിൽ തൃപ്‌തി​യ​ട​യ​രുത്‌. പുരാതന നാളു​ക​ളി​ലെ പിതാ​ക്കൻമാർക്കു സദൃശ​വാ​ക്യ​ങ്ങൾ 24:27 ഇപ്രകാ​രം ഉത്തേജനം നൽകി: “വെളി​യിൽ നിന്റെ വേല ചെയ്‌ക; വയലിൽ എല്ലാം തീർക്കുക; പിന്നെ​ത്തേ​തിൽ നിന്റെ വീടു പണിയുക.” അതേ​പോ​ലെ ഇന്ന്‌, ജോലി​ക്കാ​രൻ എന്ന നിലയിൽ ജീവി​ത​സ​ന്ധാ​ര​ണ​ത്തി​നു​വേണ്ടി കൂടുതൽ നേരം കഠിനാ​ധ്വാ​നം ചെയ്യേ​ണ്ട​താ​യി വന്നേക്കാം. (1 തിമൊ​ഥെ​യൊസ്‌ 5:8) തദനന്തരം വൈകാ​രി​ക​വും ആത്മീയ​വു​മാ​യി ‘വീടു പണിയു​ന്ന​തിന്‌’ സമയം കണ്ടെത്തുക.

5. ക്രിസ്‌തീയ ഭാര്യ​മാർക്കു തങ്ങളുടെ കുടും​ബ​ങ്ങ​ളു​ടെ രക്ഷയ്‌ക്കു​വേണ്ടി എങ്ങനെ പ്രവർത്തി​ക്കാൻ കഴിയും?

⁵ ക്രിസ്‌തീയ ഭാര്യ​മാ​രേ: നിങ്ങളു​ടെ കുടും​ബാം​ഗ​ങ്ങ​ളു​ടെ രക്ഷയ്‌ക്കാ​യി നിങ്ങളും കഠിനാ​ധ്വാ​നം ചെയ്യണം. സദൃശ​വാ​ക്യ​ങ്ങൾ 14:1 പറയുന്നു: “സ്‌ത്രീ​ക​ളിൽ ജ്ഞാനമു​ള്ളവൾ തന്റെ വീടു പണിയു​ന്നു.” വിവാ​ഹ​പ​ങ്കാ​ളി​കൾ എന്ന നിലക്കു നിങ്ങളു​ടെ മക്കളെ വളർത്തുന്നതിനുള്ള ഉത്തരവാ​ദി​ത്വം നിങ്ങളി​രു​വർക്കു​മുണ്ട്‌. (സദൃശ​വാ​ക്യ​ങ്ങൾ 22:6; മലാഖി 2:14) ഇതിൽ കുട്ടി​കൾക്കു ശിക്ഷണം നൽകുക, ക്രിസ്‌തീയ യോഗ​ങ്ങൾക്കും വയൽശു​ശ്രൂ​ഷ​ക്കും​വേണ്ടി അവരെ തയ്യാറാ​ക്കുക എന്നീ സംഗതി​കൾ ഉൾപ്പെ​ട്ടേ​ക്കാം. തന്നെയു​മല്ല, ഭർത്താ​വി​നു കഴിയാ​തെ വരു​മ്പോൾ കുടുംബ അധ്യയനം എടു​ക്കേ​ണ്ട​താ​യും വന്നേക്കാം. നിങ്ങളു​ടെ കുട്ടി​കളെ കുടും​ബ​വേല, നല്ല ശീലങ്ങൾ, ശാരീ​രിക ശുചി​ത്വം എന്നിങ്ങ​നെ​യുള്ള പ്രയോ​ജ​ന​ക​ര​മായ മററ​നേകം കാര്യ​ങ്ങ​ളും പഠിപ്പി​ക്കാൻ കഴിയും. (തീത്തൊസ്‌ 2:5) ഭാര്യാ​ഭർത്താ​ക്കൻമാർ ഇവ്വണ്ണം ഒത്തൊ​രു​മി​ച്ചു പ്രവർത്തി​ക്കു​മ്പോൾ തങ്ങളുടെ കുട്ടി​ക​ളു​ടെ ആവശ്യ​ങ്ങളെ ശരിയായ വിധത്തിൽ നിറ​വേ​റ​റു​ന്ന​തിന്‌ അവർക്കു കഴിയും. എന്നാൽ അത്തരം ആവശ്യ​ങ്ങ​ളിൽ ചിലത്‌ ഏതെല്ലാ​മാണ്‌?

അവരുടെ വൈകാ​രിക ആവശ്യ​ങ്ങൾക്കു​വേണ്ടി കരുതൽ

6. തങ്ങളുടെ കുട്ടി​ക​ളു​ടെ വൈകാ​രിക വളർച്ച​യിൽ മാതാ​ക്ക​ളും പിതാ​ക്കൻമാ​രും വഹിക്കുന്ന പങ്കെന്ത്‌?

⁶ “അമ്മ തന്റെ കുഞ്ഞു​ങ്ങളെ പോററു”മ്പോൾ അവർക്കു സുരക്ഷി​ത​ത്വ​വും ഭദ്രത​യും സ്‌നേ​ഹ​വും അനുഭ​വ​പ്പെ​ടു​ന്നു. (1 തെസ്സ​ലൊ​നീ​ക്യർ 2:7; സങ്കീർത്തനം 22:9) കുഞ്ഞു​ങ്ങ​ളു​ടെ​മേൽ അതീവ ശ്രദ്ധ ചെലു​ത്തു​ന്ന​തി​നുള്ള പ്രചോ​ദ​നത്തെ ചെറു​ക്കാൻ ഏതെങ്കി​ലും അമ്മമാർക്കു കഴി​ഞ്ഞെ​ങ്കി​ലാ​യി. “ഒരു സ്‌ത്രീ തന്റെ കുഞ്ഞിനെ മറക്കു​മോ? താൻ പ്രസവിച്ച മകനോ​ടു കരുണ, തോന്നാ​തി​രി​ക്കു​മോ?” എന്നു പ്രവാ​ച​ക​നായ യെശയ്യാ​വു ചോദി​ച്ചു. (യെശയ്യാ​വു 49:15) അതു​കൊണ്ട്‌, കുട്ടി​ക​ളു​ടെ വൈകാ​രിക വളർച്ച​യിൽ അമ്മമാർ അതി​പ്ര​ധാ​ന​മായ ഒരു പങ്കുവ​ഹി​ക്കു​ന്നു. എന്നുവ​രി​കി​ലും, ഇക്കാര്യ​ത്തിൽ പിതാ​ക്കൻമാർക്കും സുപ്ര​ധാന പങ്കുണ്ട്‌. “ഡാഡി​യു​മാ​യി നല്ല ബന്ധം ആസ്വദി​ക്കു​ന്നു​വെന്നു നിയമ​ലം​ഘി​ക​ളായ ഏതെങ്കി​ലും മക്കൾ എന്നെങ്കി​ലും പറഞ്ഞതാ​യി റിപ്പോർട്ടു ചെയ്‌തി​ട്ടുള്ള ഒരൊററ സാമൂ​ഹ്യ​സേ​വ​ക​നെ​പ്പോ​ലും ഞാൻ കണ്ടിട്ടില്ല. നൂറു കണക്കിനു കുട്ടി​ക​ളിൽ ഒന്നു​പോ​ലും ഇല്ല” എന്നു കുടുംബ ഉപദേ​ശ​ക​നായ പോൾ ലൂയിസ്‌ പറയു​ക​യു​ണ്ടാ​യി.

7, 8. (എ) യഹോ​വ​യാം ദൈവ​വും അവന്റെ പുത്ര​നായ യേശു​ക്രി​സ്‌തു​വും തമ്മിൽ ഉറച്ച സ്‌നേ​ഹ​ബ​ന്ധ​മുണ്ട്‌ എന്നതിന്‌ എന്തെല്ലാം തെളി​വു​കൾ ഉണ്ട്‌? (ബി) പിതാ​ക്കൻമാർക്കു തങ്ങളുടെ കുട്ടി​ക​ളു​മാ​യി ശക്തമായ ബന്ധം വളർത്തി​യെ​ടു​ക്കാ​വു​ന്നത്‌ എങ്ങനെ?

⁷ അതു​കൊണ്ട്‌, ക്രിസ്‌തീയ പിതാ​ക്കൻമാർ ശ്രദ്ധാ​പൂർവം കുട്ടി​ക​ളോ​ടൊ​പ്പം ഉറച്ച സ്‌നേ​ഹ​ബന്ധം നട്ടുവ​ളർത്തു​ക​യെ​ന്നത്‌ അത്യന്താ​പേ​ക്ഷി​ത​മാണ്‌. ദൃഷ്ടാ​ന്ത​ത്തിന്‌, യഹോ​വ​യാം ദൈവ​ത്തി​ന്റെ​യും യേശു​ക്രി​സ്‌തു​വി​ന്റെ​യും കാര്യം​തന്നെ പരിചി​ന്തി​ക്കുക. യേശു​വി​ന്റെ സ്‌നാ​പ​ന​ത്തി​ങ്കൽ യഹോവ പ്രഖ്യാ​പി​ച്ചു: “നീ എന്റെ പ്രിയ പുത്രൻ; നിന്നിൽ ഞാൻ പ്രസാ​ദി​ച്ചി​രി​ക്കു​ന്നു.” (ലൂക്കൊസ്‌ 3:22) ആ ചുരുക്കം വാക്കു​ക​ളിൽ എത്രയ​ധി​കം കാര്യ​ങ്ങ​ളാണ്‌ അടങ്ങി​യി​രി​ക്കു​ന്നത്‌! യഹോവ (1) തന്റെ പുത്രനെ അംഗീ​ക​രി​ച്ചു, (2) യേശു​വി​നോ​ടുള്ള തന്റെ സ്‌നേഹം പരസ്യ​മാ​യി പ്രകടി​പ്പി​ച്ചു, (3) യേശു​വിൻമേ​ലുള്ള അംഗീ​കാ​രം വെളി​പ്പെ​ടു​ത്തി. എന്നുവ​രി​കി​ലും, യഹോവ തന്റെ പുത്ര​നായ യേശു​വി​നോ​ടുള്ള സ്‌നേഹം പ്രകടി​പ്പിച്ച ഏക അവസര​മാ​യി​രു​ന്നില്ല അത്‌. പിന്നീ​ടൊ​ര​വ​സ​ര​ത്തിൽ യേശു തന്റെ പിതാ​വി​നോ​ടു പറഞ്ഞു: “നീ ലോക​സ്ഥാ​പ​ന​ത്തി​ന്നു മുമ്പെ എന്നെ സ്‌നേ​ഹി​ച്ചി​രി”ക്കുന്നു. (യോഹ​ന്നാൻ 17:24) എങ്കിൽപ്പി​ന്നെ അനുസ​ര​ണ​മുള്ള എല്ലാ പുത്രൻമാർക്കും പുത്രി​മാർക്കും തങ്ങളുടെ പിതാ​ക്കൻമാ​രു​ടെ അംഗീ​കാ​ര​വും സ്‌നേ​ഹ​വും പ്രശം​സ​യും ആവശ്യ​മല്ലേ?

⁸ നിങ്ങ​ളൊ​രു പിതാ​വാ​ണെ​ങ്കിൽ നിങ്ങളു​ടെ കുട്ടി​ക​ളു​മാ​യി സ്‌നേ​ഹ​ബന്ധം വളർത്തി​യെ​ടു​ക്കു​ന്ന​തി​നു പലതും ചെയ്യാൻ കഴിയും. ഉചിത​മായ പ്രവർത്തി​യാ​ലും വാക്കാ​ലും നിരന്ത​ര​മായ സ്‌നേ​ഹ​പ്ര​ക​ടനം നടത്തി​ക്കൊണ്ട്‌ ഇതു ചെയ്യാ​വു​ന്ന​താണ്‌. ചില പുരു​ഷൻമാ​രെ സംബന്ധി​ച്ചി​ട​ത്തോ​ളം വാത്സല്യം പ്രകടി​പ്പി​ക്കുക ബുദ്ധി​മു​ട്ടുള്ള കാര്യ​മാ​ണെ​ന്നതു ശരിതന്നെ, വിശേ​ഷി​ച്ചും അവർക്ക്‌ അവരുടെ പിതാ​ക്കൻമാ​രിൽനി​ന്നു കലവറ​യി​ല്ലാത്ത വാത്സല്യം ലഭിച്ചി​ട്ടി​ല്ലെ​ങ്കിൽ. എന്നാൽ സങ്കോ​ച​ത്തോ​ടു​കൂ​ടി​യുള്ള സ്‌നേ​ഹ​പ്ര​ക​ട​ന​ത്തി​നു​പോ​ലും കുട്ടി​ക​ളു​ടെ​മേൽ ശക്തമായ സ്വാധീ​നം ചെലു​ത്താൻ കഴിയും. എന്തൊ​ക്കെ​യാ​യാ​ലും ‘സ്‌നേഹം ആത്മിക വർദ്ധന വരുത്തുന്ന’താണ്‌. (1 കൊരി​ന്ത്യർ 8:1) കുട്ടി​കൾക്കു പിതൃ​സ്‌നേ​ഹ​ത്താൽ സുരക്ഷി​ത​ത്വം തോന്നു​ന്നു​വെ​ങ്കിൽ അവർ ‘യഥാർഥ മകനും മകളും’ ആയിരി​ക്കു​ന്ന​തി​നു ചായ്‌വു കാണി​ക്കു​ക​യും നിങ്ങളിൽ വിശ്വാ​സം വയ്‌ക്കു​ന്ന​തിൽ ഉറപ്പു​ള്ള​വ​രാ​യി​രി​ക്കു​ക​യും ചെയ്യും.—സദൃശ​വാ​ക്യ​ങ്ങൾ 4:3, NW.

അവരുടെ ആത്മീയ ആവശ്യ​ങ്ങൾക്കു​വേണ്ടി കരുതൽ

9. (എ) ദൈവ​ഭ​യ​മുള്ള ഇസ്രാ​യേല്യ പിതാ​ക്കൻമാർ തങ്ങളുടെ കുടും​ബ​ത്തി​ന്റെ ആത്മീയ ആവശ്യ​ങ്ങൾക്കു​വേണ്ടി എപ്രകാ​ര​മാ​ണു കരുതി​യത്‌? (ബി) തങ്ങളുടെ കുട്ടി​കളെ അനൗപ​ചാ​രി​ക​മാ​യി പഠിപ്പി​ക്കു​ന്ന​തി​നു ക്രിസ്‌ത്യാ​നി​കൾക്ക്‌ എന്തെല്ലാം സന്ദർഭങ്ങൾ ഉണ്ട്‌?

⁹ കുട്ടി​കൾക്ക്‌ ആത്മീയ ആവശ്യ​ങ്ങ​ളു​മുണ്ട്‌. (മത്തായി 5:3) ഇസ്രാ​യേല്യ പിതാ​ക്കൻമാ​രെ മോശ ഇപ്രകാ​രം പ്രബോ​ധി​പ്പി​ച്ചു: “ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം. നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.” (ആവർത്ത​ന​പു​സ്‌തകം 6:6, 7) നിങ്ങൾ ഒരു ക്രിസ്‌തീയ പിതാ​വാ​ണെ​ങ്കിൽ പ്രബോ​ധ​ന​ത്തി​ല​ധി​ക​വും നിങ്ങൾക്ക്‌ അനൗപ​ചാ​രി​ക​മാ​യി ചെയ്യാൻ കഴിയും, “വഴി നടക്കു”ന്ന സന്ദർഭ​ത്തി​ലെ​ന്ന​പോ​ലെ തങ്ങളുടെ കുട്ടികളോ​ടൊ​പ്പം യാത്ര​ചെ​യ്യു​മ്പോ​ഴും സാധനങ്ങൾ വാങ്ങാൻപോ​കു​മ്പോ​ഴും വീടു​തോ​റു​മുള്ള ക്രിസ്‌തീയ ശുശ്രൂ​ഷ​യിൽ പങ്കെടു​ക്കു​മ്പോ​ഴും ചെലവ​ഴി​ക്കുന്ന സമയം ആയാസ​ര​ഹി​ത​മായ ചുററു​പാ​ടിൽ പ്രബോ​ധനം പകരു​ന്ന​തി​നുള്ള ആരോ​ഗ്യാ​വ​ഹ​മായ സന്ദർഭങ്ങൾ പ്രദാനം ചെയ്യുന്നു. കുടും​ബാം​ഗ​ങ്ങൾക്കു സംഭാ​ഷ​ണ​ത്തി​ലേർപ്പെ​ടു​ന്ന​തിന്‌ ഏററവും പററിയ സമയമാണ്‌ ഭക്ഷണ​വേ​ളകൾ. “അതതു ദിവസം സംഭവിച്ച കാര്യ​ങ്ങ​ളെ​ക്കു​റി​ച്ചു സംസാ​രി​ക്കാൻ ഭക്ഷണവേള ഞങ്ങൾ വിനി​യോ​ഗി​ക്കു​ന്നു” എന്ന്‌ ഒരു മാതാവ്‌ പറഞ്ഞു.

10. കുടും​ബാ​ധ്യ​യനം ചില​പ്പോ​ഴെ​ല്ലാം ഒരു വെല്ലു​വി​ളി​യാ​യി​രി​ക്കു​ന്നത്‌ എന്തു​കൊണ്ട്‌, മാതാ​പി​താ​ക്കൾക്ക്‌ ഉറച്ച എന്തു തീരു​മാ​ന​മു​ണ്ടാ​യി​രി​ക്കണം?

¹⁰ നിങ്ങളു​ടെ കുട്ടി​ക​ളു​മൊ​ത്തുള്ള ക്രമമായ ബൈബി​ള​ധ്യ​യനം മുഖേന ഔപചാ​രി​ക​മാ​യി പഠിപ്പി​ക്കു​ന്ന​തും ജീവത്‌പ്ര​ധാ​ന​മാണ്‌. “ബാലന്റെ ഹൃദയ​ത്തോ​ടു ഭോഷ​ത്വം പററി​യി​രി​ക്കു​ന്നു” എന്നതു സമ്മതി​ക്കു​ന്നു. (സദൃശ​വാ​ക്യ​ങ്ങൾ 22:15) തങ്ങളുടെ കുട്ടികൾ കുടും​ബാ​ധ്യ​യ​നത്തെ മനഃപൂർവം തടസ്സ​പ്പെ​ടു​ത്തു​ന്നു​വെന്നു ചില മാതാ​പി​താ​ക്കൾ പറയുന്നു. എങ്ങനെ? അസ്വസ്ഥ​ത​യും മുഷി​പ്പും തോന്നു​ന്ന​താ​യി അഭിന​യി​ച്ചു​കൊ​ണ്ടും ദേഷ്യം പിടി​പ്പി​ക്കുന്ന വിധത്തിൽ (സഹോ​ദ​ര​ങ്ങൾത​മ്മിൽ ശണ്‌ഠ​യി​ട്ടോ മറേറാ) ശ്രദ്ധ പതറി​പ്പി​ച്ചു​കൊ​ണ്ടും അടിസ്ഥാന ബൈബിൾ തത്ത്വങ്ങൾ അറിഞ്ഞു​കൂ​ടെന്നു നടിച്ചു​കൊ​ണ്ടു​മെ​ല്ലാം​തന്നെ. ഇങ്ങനെ കുട്ടികൾ മാതാ​പി​താ​ക്ക​ളോ​ടു മറുത​ലി​ക്കു​ന്നു​വെ​ങ്കിൽ മാതാ​പി​താ​ക്കൾ അവരെ നിയ​ന്ത്രി​ക്കു​ക​തന്നെ വേണം. ക്രിസ്‌തീയ മാതാ​പി​താ​ക്കൾ ആശ കൈ​വെ​ടി​യു​ക​യും കുട്ടികൾ കുടും​ബത്തെ ഭരിക്കാൻ അനുവ​ദി​ക്കു​ക​യും ചെയ്യരുത്‌.—താരത​മ്യം ചെയ്യുക: ഗലാത്യർ 6:9.

11. കുടും​ബാ​ധ്യ​യനം എങ്ങനെ ആസ്വാ​ദ്യ​മാ​ക്കാം?

¹¹ നിങ്ങളു​ടെ കുട്ടികൾ കുടുംബ അധ്യയനം ആസ്വദി​ക്കു​ന്നി​ല്ലെ​ങ്കിൽ ഒരുപക്ഷേ ചില മാററങ്ങൾ വരുത്താ​വു​ന്ന​താണ്‌. ഉദാഹ​ര​ണ​ത്തിന്‌, അധ്യയ​ന​ത്തി​ന്റെ ഉദ്ദേശ്യം അടുത്ത​കാ​ല​ത്താ​യി കുട്ടി​യിൽ ഉണ്ടായ പോരായ്‌മ കണ്ടെത്തുക എന്നതാ​ണോ? അത്തരം പ്രശ്‌നങ്ങൾ സ്വകാ​ര്യ​മാ​യി ചർച്ച​ചെ​യ്യു​ന്ന​താ​യി​രി​ക്കും ഉത്തമം. നിങ്ങളു​ടെ അധ്യയനം ക്രമമാ​യി നടത്താ​റു​ണ്ടോ? ഇഷ്ടപ്പെട്ട ഒരു ടെലി​വി​ഷൻ പരിപാ​ടി​ക്കോ സ്‌പോർട്‌സി​നോ വേണ്ടി നിങ്ങൾ കുടും​ബാ​ധ്യ​യനം റദ്ദാക്കി​യാൽ നിങ്ങളു​ടെ കുട്ടികൾ അധ്യയനം കാര്യ​ഗൗ​ര​വ​മുള്ള സംഗതി​യാ​യി കണക്കാ​ക്കു​ക​യി​ല്ലെ​ന്നു​വ​ന്നേ​ക്കാം. ആത്മാർഥ​ത​യോ​ടും ഉത്സാഹ​ത്തോ​ടും​കൂ​ടെ​യാ​ണോ അധ്യയ​ന​മെ​ടു​ക്കാ​റു പതിവ്‌? (റോമർ 12:8) അതേ, അധ്യയനം ആസ്വാ​ദ്യ​മായ ഒന്നായി​രി​ക്കണം. മക്കളെ​യെ​ല്ലാ​വ​രെ​യും ഉൾപ്പെ​ടു​ത്താൻ ശ്രമി​ക്കുക. ക്രിയാ​ത്മ​ക​വും കെട്ടു​പ​ണി​ചെ​യ്യു​ന്ന​തു​മായ മനോ​ഭാ​വ​മു​ണ്ടാ​യി​രി​ക്കുക. പങ്കുപ​റ​റ​ലിൽ കുട്ടി​കളെ ഊഷ്‌മ​ള​മാ​യി അഭിന​ന്ദി​ക്കുക. വെറുതെ വിഷയം തീർക്കുക മാത്രം ചെയ്യാതെ ഹൃദയ​സ്‌പർശി​യായ വിധത്തിൽ അവതരി​പ്പി​ക്കാൻ ശ്രമി​ക്കുക.—സദൃശ​വാ​ക്യ​ങ്ങൾ 23:15.

നീതി​യിൽ ശിക്ഷണം നൽകൽ

12. ശിക്ഷണ​ത്തിൽ എല്ലായ്‌പോ​ഴും ശാരീ​രി​ക​മായ ശിക്ഷ ഉൾപ്പെ​ടു​ന്നി​ല്ലാ​ത്തത്‌ എന്തു​കൊണ്ട്‌?

¹² കുട്ടി​കൾക്കു ശിക്ഷണം നൽകേ​ണ്ട​തി​ന്റെ​യും ശക്തമായ ആവശ്യ​മുണ്ട്‌. മാതാ​പി​താ​ക്ക​ളിൽ ഒരാളെന്ന നിലയിൽ അവരു​ടെ​മേൽ നിയ​ന്ത്ര​ണങ്ങൾ വയ്‌ക്കേ​ണ്ട​തുണ്ട്‌. “വടി ഉപയോ​ഗി​ക്കാ​ത്തവൻ തന്റെ മകനെ പകെക്കു​ന്നു; അവനെ സ്‌നേ​ഹി​ക്കു​ന്ന​വ​നോ ചെറു​പ്പ​ത്തി​ലേ അവനെ ശിക്ഷി​ക്കു​ന്നു” എന്നു സദൃശ​വാ​ക്യ​ങ്ങൾ 13:24 പറയുന്നു. ശിക്ഷണം എല്ലായ്‌പോ​ഴും ശരീര​ദ​ണ്ഡ​ന​ത്തിൽ കലാശി​ക്ക​ണ​മെന്നു ബൈബിൾ അർഥമാ​ക്കു​ന്നില്ല. “ശിക്ഷണ​ത്തി​നു ചെവി​കൊ​ടു​ക്കു​വിൻ” എന്നു സദൃശ​വാ​ക്യ​ങ്ങൾ 8:33 [NW] പ്രസ്‌താ​വി​ക്കു​ന്നു. കൂടാതെ, “ഭോഷനെ നൂറു അടിക്കു​ന്ന​തി​നെ​ക്കാൾ ബുദ്ധി​മാ​നെ ഒന്നു ശാസി​ക്കു​ന്നതു അധികം ഫലിക്കും” എന്നു നമ്മോടു പറഞ്ഞി​രി​ക്കു​ന്നു.—സദൃശ​വാ​ക്യ​ങ്ങൾ 17:10.

13. ബാലശിക്ഷ നിർവ​ഹി​ക്കേ​ണ്ട​തെ​ങ്ങനെ?

¹³ ചില​വേ​ള​യിൽ ശാരീ​രിക ശിക്ഷയും ഉചിത​മാ​യി​രു​ന്നേ​ക്കാം. എന്നാൽ കോപ​ത്തോ​ടെ നിർവ​ഹി​ക്കു​ന്ന​പക്ഷം അതു കടന്ന​കൈ​യാ​യി​പ്പോ​കു​ന്ന​തി​നും ഫലപ്രാ​പ്‌തി നഷ്ടപ്പെ​ടു​ന്ന​തി​നും സാധ്യ​ത​യുണ്ട്‌. “പിതാ​ക്കൻമാ​രേ, നിങ്ങളു​ടെ മക്കൾ അധൈ​ര്യ​പ്പെ​ടാ​തി​രി​ക്കേ​ണ്ട​തി​ന്നു അവരെ കോപി​പ്പി​ക്ക​രു​തു” എന്നു ബൈബിൾ മുന്നറി​യി​പ്പു നൽകുന്നു. (കൊ​ലൊ​സ്സ്യർ 3:21) “മർദ്ദനം തീർച്ച​യാ​യും വിജ്ഞാ​നി​യെ ഭോഷ​നാ​ക്കു​ന്നു” എന്നതു വാസ്‌ത​വം​തന്നെ. (സഭാ​പ്ര​ഭാ​ഷകൻ 7:7, ഓശാന ബൈബിൾ) മുഷി​പ്പി​ക്ക​പ്പെട്ട ഒരു യുവാവ്‌ നീതി​യുള്ള പ്രമാ​ണ​ങ്ങൾക്കെ​തി​രെ​പോ​ലും മത്സരി​ച്ചെ​ന്നു​വ​രാം. അതു​കൊണ്ട്‌ മാതാ​പി​താ​ക്കൾ തിരു​വെ​ഴു​ത്തു​കൾ ഉപയോ​ഗി​ച്ചു കുട്ടി​കൾക്കു ശിക്ഷണം നൽകു​ന്ന​തിൽ ദൃഢത​യു​ള്ള​വ​രെ​ങ്കി​ലും സമനി​ല​യു​ള്ള​വ​രു​മാ​യി​രി​ക്കണം. (2 തിമൊ​ഥെ​യൊസ്‌ 3:16) ദൈവ​ഭ​യ​ത്തോ​ടെ​യുള്ള ശിക്ഷണം സ്‌നേ​ഹ​ത്തി​ലും സൗമത്യ​യി​ലു​മാ​ണു നൽകു​ന്നത്‌.—താരത​മ്യം ചെയ്യുക: 2 തിമൊ​ഥെ​യൊസ്‌ 2:24, 25.a

14. കോപ​ത്തിന്‌ ഇടം​കൊ​ടു​ക്കാൻ പ്രേരി​ത​രാ​കു​ന്നു​വെ​ങ്കിൽ മാതാ​പി​താ​ക്കൾ എന്തു ചെയ്യേ​ണ്ട​തുണ്ട്‌?

¹⁴ “നാം എല്ലാവ​രും പലതി​ലും തെററി​പ്പോ​കു​ന്നു” എന്നതു വാസ്‌ത​വ​മാണ്‌. (യാക്കോബ്‌ 3:2) സാധാ​ര​ണ​ഗ​തി​യിൽ സ്‌നേ​ഹ​മുള്ള മാതാ​പി​താ​ക്കൾപോ​ലും തൽസമയ സമ്മർദം​മൂ​ലം ദയാര​ഹി​ത​മായ എന്തെങ്കി​ലും സംസാ​രി​ക്കു​ക​യോ കോപം പ്രകടി​പ്പി​ക്കു​ക​യോ ചെയ്‌തേ​ക്കാം. (കൊ​ലൊ​സ്സ്യർ 3:8) അങ്ങനെ സംഭവി​ച്ചാൽത്തന്നെ നിങ്ങളു​ടെ കുട്ടി ദുഃഖി​ത​നും നിങ്ങൾ കോപാ​കു​ല​രു​മാ​യി​രി​ക്കുന്ന ഒരവസ്ഥ​യിൽ സൂര്യൻ അസ്‌ത​മി​ക്കാൻ ഇടനൽക​രുത്‌. (എഫെസ്യർ 4:26, 27) വേണ്ടി​വ​ന്നാൽ ഒരു ക്ഷമാപണം നടത്തി​ക്കൊ​ണ്ടു നിങ്ങളു​ടെ കുട്ടി​യു​മാ​യി കാര്യങ്ങൾ ചർച്ച​ചെ​യ്‌തു പരിഹാ​രം കാണുക. (താരത​മ്യം ചെയ്യുക: മത്തായി 5:23, 24.) അത്തരം താഴ്‌മ പ്രകടി​പ്പി​ക്കു​ന്നത്‌ നിങ്ങ​ളെ​യും കുട്ടി​യെ​യും തമ്മിൽ കൂടുതൽ അടുപ്പി​ക്കും. നിങ്ങളു​ടെ വികാ​രങ്ങൾ നിങ്ങൾക്കു നിയ​ന്ത്രി​ക്കാ​നാ​വാ​തെ കോപ​ത്തിന്‌ ഇടം​കൊ​ടു​ക്കു​ന്നു​വെന്നു തോന്നു​ന്നു​വെ​ങ്കിൽ സഭയിലെ നിയമിത മൂപ്പൻമാ​രു​ടെ സഹായം തേടുക.

മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളും ദത്തുകു​ടും​ബ​ങ്ങ​ളും

15. മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ത്തി​ലെ കുട്ടി​കളെ എങ്ങനെ സഹായി​ക്കാ​വു​ന്ന​താണ്‌?

¹⁵ എല്ലാ കുട്ടി​കൾക്കും മാതാ​പി​താ​ക്ക​ളിൽ രണ്ടു​പേ​രു​ടെ​യും പിന്തുണ ലഭിക്കു​ന്നില്ല. ഐക്യ​നാ​ടു​ക​ളി​ലെ കുട്ടി​ക​ളിൽ നാലി​ലൊ​രാ​ളെ വളർത്തി​ക്കൊ​ണ്ടു​വ​രു​ന്നതു മാതാ​പി​താ​ക്ക​ളിൽ ഒരാൾ മാത്ര​മാണ്‌. ബൈബിൾ കാലങ്ങ​ളിൽ ‘അനാഥർ’ വളരെ​യു​ണ്ടാ​യി​രു​ന്നു. അവർക്കു പരിഗണന നൽകി​ക്കൊ​ണ്ടുള്ള പരാമർശങ്ങൾ തിരു​വെ​ഴു​ത്തു​ക​ളിൽ ആവർത്തി​ച്ചാ​വർത്തി​ച്ചു കാണാം. (പുറപ്പാ​ടു 22:22) ഇന്ന്‌ മാതാ​പി​താ​ക്ക​ളി​ലൊ​രാ​ളുള്ള ക്രിസ്‌തീയ കുടും​ബങ്ങൾ അത്തരം സമ്മർദ​ങ്ങ​ളും പ്രശ്‌ന​ങ്ങ​ളും അഭിമു​ഖീ​ക​രി​ക്കു​ന്നു. എങ്കിലും യഹോവ “അനാഥൻമാർക്കു പിതാ​വും വിധവ​മാർക്കു ന്യായ​പാ​ലക”നുമാണ്‌ എന്ന അറിവിൽ അവർ സാന്ത്വ​ന​മ​ട​യു​ന്നു. (സങ്കീർത്തനം 68:5) “അനാഥ​രെ​യും വിധവ​മാ​രെ​യും അവരുടെ സങ്കടത്തിൽ ചെന്നു കാണുന്ന”തിനു ബൈബിൾ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നു. (യാക്കോബ്‌ 1:27) മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങളെ സഹായി​ക്കു​ന്ന​തി​നു സഹവി​ശ്വാ​സി​കൾക്കു പലതും ചെയ്യാ​വു​ന്ന​താണ്‌.b

16. (എ) തങ്ങളുടെ കുടും​ബ​ത്തി​നു​വേണ്ടി ഒററയ്‌ക്കുള്ള മാതാ​വോ പിതാ​വോ എന്തു ചെയ്യേ​ണ്ട​തുണ്ട്‌? (ബി) ശിക്ഷണം പ്രയാ​സ​ക​ര​മാ​യി​രി​ക്കാ​വു​ന്നത്‌ എന്തു​കൊണ്ട്‌, എന്നാൽ അതു നടപ്പി​ലാ​ക്കേ​ണ്ട​തി​ന്റെ കാരണ​മെന്ത്‌?

¹⁶ നിങ്ങൾ ഒററയ്‌ക്കുള്ള മാതാ​വോ പിതാ​വോ ആണെങ്കിൽ നിങ്ങളു​ടെ കുടും​ബ​ത്തി​നു പ്രയോ​ജനം ചെയ്യു​ന്ന​തി​നു നിങ്ങൾക്ക്‌ എന്തു ചെയ്യാ​നാ​കും? കുടും​ബാ​ധ്യ​യനം, യോഗ​ത്തി​നു ഹാജരാ​കൽ, വയൽശു​ശ്രൂഷ എന്നീ കാര്യ​ങ്ങ​ളിൽ നിങ്ങൾക്കു ശുഷ്‌കാ​ന്തി​യു​ണ്ടാ​യി​രി​ക്കേ​ണ്ടത്‌ ആവശ്യ​മാണ്‌. ശിക്ഷണം നൽകുക എന്നത്‌ ഒരുപക്ഷേ വിഷമ​ക​ര​മായ ഉദ്യമ​മാ​യി​രു​ന്നേ​ക്കാം. സ്‌നേ​ഹ​ഭാ​ജ​ന​മായ ഇണയുടെ വേർപാ​ടിൽ നിങ്ങൾ ഇപ്പോ​ഴും ദുഃഖ​മ​നു​ഭ​വി​ക്കു​ന്നു​ണ്ടാ​വാം. അല്ലെങ്കിൽ വിവാ​ഹ​ത്ത​കർച്ച​യു​ടെ കുററ​ബോ​ധ​വും ദേഷ്യ​വു​മാ​യി ഒരുപക്ഷേ നിങ്ങൾ ഇപ്പോ​ഴും മല്ലടി​ക്കു​ക​യാ​കാം. നിയമ​പ​ര​മാ​യി കുട്ടി​യു​ടെ പരിപാ​ലനം ഇപ്പോ​ഴും നിങ്ങൾ രണ്ടു​പേ​രു​ടെ​യും ഉത്തരവാ​ദി​ത്വ​മാ​ണെ​ങ്കിൽ, വിവാ​ഹ​മോ​ചനം നേടി​യോ വേർപെ​ട്ടോ ജീവി​ക്കുന്ന ഇണയോ​ടൊ​പ്പ​മാ​യി​രി​ക്കു​ന്ന​തി​നു കുട്ടി കൂടുതൽ ഇഷ്ടപ്പെ​ടു​മോ എന്ന ഭയവും നിങ്ങളെ ഗ്രസി​ക്കു​ന്നു​ണ്ടാ​വാം. അത്തരം സാഹച​ര്യ​ങ്ങ​ളിൽ സമനി​ല​യുള്ള ശിക്ഷണം നൽകുക വൈകാ​രി​ക​മാ​യി ബുദ്ധി​മു​ട്ടു​ള്ള​താ​യി​ത്തീ​രു​ന്നു. എന്നിരു​ന്നാ​ലും “തന്നിഷ്ട​ത്തി​ന്നു വിട്ടി​രുന്ന ബാലനോ അമ്മെക്കു ലജ്ജ വരുത്തു​ന്നു” എന്നു ബൈബിൾ നമ്മോടു പറയുന്നു. (സദൃശ​വാ​ക്യ​ങ്ങൾ 29:15) അതു​കൊണ്ട്‌, കുററ​ബോ​ധ​ത്തി​നോ, ആത്മനി​ന്ദ​യ്‌ക്കോ, ഒരു മുൻ വിവാഹ ഇണയാ​ലു​ണ്ടാ​യേ​ക്കാ​വുന്ന വൈകാ​രിക സമ്മർദ​ത്തി​നോ വശംവ​ദ​രാ​ക​രുത്‌. ന്യായ​യു​ക്ത​മായ, സ്ഥിരമായ മാനദ​ണ്ഡങ്ങൾ വയ്‌ക്കുക. ബൈബിൾ തത്ത്വങ്ങ​ളു​ടെ കാര്യ​ത്തിൽ വിട്ടു​വീഴ്‌ച ചെയ്യരുത്‌.—സദൃശ​വാ​ക്യ​ങ്ങൾ 13:24.

17. മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ത്തിൽ കുടും​ബാം​ഗ​ങ്ങ​ളു​ടെ റോളു​കൾ അസ്‌പ​ഷ്ട​മാ​യി​ത്തീർന്നേ​ക്കാ​വു​ന്നത്‌ എങ്ങനെ? അതു തടയു​ന്ന​തിന്‌ എന്തു ചെയ്യാൻ കഴിയും?

¹⁷ ഒററയ്‌ക്കുള്ള മാതാവ്‌ മകനോ​ടു വാടക​ഭർത്താവ്‌—വീട്ടിലെ കാരണവർ—എന്ന പോലെ പെരു​മാ​റു​ക​യോ മകളോട്‌ വിശ്വസ്‌ത സഖിക​ളോട്‌ എന്ന പോലെ പെരു​മാ​റി വ്യക്തി​പ​ര​മായ പ്രശ്‌ന​ങ്ങൾകൊണ്ട്‌ അവളെ മൂടു​ക​യോ ചെയ്യു​ന്ന​പക്ഷം പ്രശ്‌നങ്ങൾ പൊന്തി​വ​ന്നേ​ക്കാം. അങ്ങനെ ചെയ്യു​ന്നത്‌ അനുചി​ത​മാ​യി​രി​ക്കും. തന്നെയു​മല്ല, ഒരു കുട്ടിയെ സംബന്ധി​ച്ചി​ട​ത്തോ​ളം അത്‌ അന്ധാളി​പ്പിന്‌ ഇടവരു​ത്തു​ക​യും ചെയ്യും. മാതാ​വി​ന്റെ അല്ലെങ്കിൽ പിതാ​വി​ന്റെ റോളു​ക​ളും കുട്ടി​യു​ടെ റോളു​ക​ളും എന്താ​ണെന്ന്‌ അസ്‌പ​ഷ്ട​മാ​കു​മ്പോൾ ശിക്ഷണം തകരു​ന്ന​തി​നി​ട​യാ​യേ​ക്കാം. നിങ്ങൾ മാതാവ്‌ അല്ലെങ്കിൽ പിതാവ്‌ ആണെന്ന കാര്യം വ്യക്തമാ​യി​രി​ക്കട്ടെ. ബൈബി​ള​ധി​ഷ്‌ഠിത ഉപദേശം സംബന്ധിച്ച്‌ അറിവ്‌ ആവശ്യ​മുള്ള ഒരമ്മയാ​ണു നിങ്ങ​ളെ​ങ്കിൽ മൂപ്പൻമാ​രിൽനി​ന്നോ പക്വത​പ്രാ​പിച്ച പ്രായം​ചെന്ന ഒരു സഹോ​ദ​രി​യിൽനി​ന്നോ സഹായം തേടുക.—താരത​മ്യം ചെയ്യുക: തീത്തൊസ്‌ 2:3-5.

18, 19. (എ) ദത്തുകു​ടും​ബങ്ങൾ നേരി​ടേ​ണ്ടി​വ​രുന്ന വെല്ലു​വി​ളി​ക​ളിൽ ചിലത്‌ ഏവ? (ബി ദത്തുകു​ടും​ബ​ങ്ങ​ളി​ലെ മാതാ​പി​താ​ക്കൾക്കും കുട്ടി​കൾക്കും ജ്ഞാനവും വിവേ​ക​വും എങ്ങനെ പ്രകട​മാ​ക്കാ​നാ​വും?

¹⁸ ദത്തുകു​ടും​ബ​ങ്ങ​ളും അതേ​പോ​ലെ​തന്നെ വെല്ലു​വി​ളി​കളെ നേരി​ടു​ന്നു. “തത്‌ക്ഷണ സ്‌നേഹ”ത്തിന്റെ ദൗർല​ഭ്യം ദത്തുമാ​താ​പി​താ​ക്കൾ കണ്ടറി​യു​ന്നു. ദൃഷ്ടാ​ന്ത​ത്തിന്‌, പെററു​വ​ളർത്തിയ മക്കളോട്‌ എന്തെങ്കി​ലും പക്ഷപാതം കാണി​ക്കു​ന്ന​തു​പോ​ലെ തോന്നി​യാൽ ദത്തുമക്കൾ വികാ​ര​വി​വ​ശ​രാ​കും. (താരത​മ്യം ചെയ്യുക: ഉല്‌പത്തി 37:3, 4.) മാതാവ്‌ അല്ലെങ്കിൽ പിതാവ്‌ വിട്ടു​പി​രിഞ്ഞ ദുഃഖ​ത്തിൽ ആണ്ടിരി​ക്കു​ക​യാ​കും ദത്തുമക്കൾ. തന്നെയു​മല്ല, ദത്തുമാ​താ​വി​നെ​യോ ദത്തുപി​താ​വി​നെ​യോ സ്‌നേ​ഹി​ക്കുക എന്നത്‌ പെററു​വ​ളർത്തിയ മാതാ​വി​നോ​ടോ പിതാ​വി​നോ​ടോ വല്ലവി​ധ​ത്തി​ലു​മുള്ള അവിശ്വസ്‌തതകാട്ടലായി​രി​ക്കു​മോ എന്ന്‌ അവർ ഭയപ്പെ​ടു​ന്നു. ആവശ്യ​മായ ശിക്ഷണം നൽകു​മ്പോൾ ‘നിങ്ങൾ എന്റെ സ്വന്തം മാതാ​വോ പിതാ​വോ അല്ലല്ലോ!’ എന്നിങ്ങ​നെ​യുള്ള പരുക്കൻ പ്രതി​ക​ര​ണ​മാ​വും ലഭിക്കുക.

¹⁹ “ജ്ഞാനം​കൊ​ണ്ടു ഭവനം പണിയു​ന്നു; വിവേ​കം​കൊ​ണ്ടു അതു സ്ഥിരമാ​യി​വ​രു​ന്നു” എന്നു സദൃശ​വാ​ക്യ​ങ്ങൾ 24:3 പറയുന്നു. ദത്തുകു​ടും​ബങ്ങൾ വിജയം​പ്രാ​പി​ക്കു​ന്ന​തിന്‌ എല്ലാ അംഗങ്ങ​ളും ജ്ഞാനവും വിവേ​ക​വും പ്രയോ​ഗി​ക്കേ​ണ്ടി​വ​രു​ന്നു. കാര്യാ​ദി​കൾക്കു മാററം വന്നിരി​ക്കു​ന്നു എന്ന വേദനാ​ജ​ന​ക​മായ വസ്‌തുത കുട്ടികൾ അംഗീ​ക​രി​ച്ചേ മതിയാ​വൂ. ദത്തുമാ​താ​പി​താ​ക്കൾ ക്ഷമയും അനുക​മ്പ​യും ഉള്ളവരാ​യി​രി​ക്കാ​നും പ്രത്യ​ക്ഷ​ത്തിൽ നിരസ്സ​ന​മെന്നു തോന്നുന്ന കാര്യങ്ങൾ കാണു​മ്പോൾ പെട്ടെന്നു കോപാ​കു​ല​രാ​കാ​തി​രി​ക്കാ​നും ശ്രദ്ധി​ക്കേ​ണ്ട​തുണ്ട്‌. (സദൃശ​വാ​ക്യ​ങ്ങൾ 19:11; സഭാ​പ്ര​സം​ഗി 7:9) ശിക്ഷകന്റെ റോൾ ഏറെറ​ടു​ക്കു​ന്ന​തി​നു​മു​മ്പു ദത്തുകു​ട്ടി​യു​മാ​യി സൗഹാർദ​ബന്ധം വളർത്തി​യെ​ടു​ക്കു​ന്ന​തി​നു ശ്രമി​ക്കുക. അത്തരം സ്‌നേ​ഹ​ബന്ധം സ്ഥാപി​ക്കു​ന്ന​തു​വരെ ശിക്ഷണം നൽകു​ന്ന​തിന്‌ ജൻമം​നൽകിയ മാതാ​പി​താ​ക്കളെ അനുവ​ദി​ക്കു​ക​യാ​കും നല്ലത്‌ എന്ന്‌ ചിലർ കരുതി​യേ​ക്കാം. പിരി​മു​റു​ക്കങ്ങൾ ഉയർന്നു​വ​രു​മ്പോൾ ആശയവി​നി​യമം നടത്തു​ന്ന​തി​നുള്ള ശ്രമങ്ങൾ നടത്തണം. “ആലോചന കേൾക്കു​ന്ന​വ​രു​ടെ പക്കലോ ജ്ഞാനം ഉണ്ടു” എന്നു സദൃശ​വാ​ക്യം 13:10 പറയുന്നു.c

നിങ്ങളു​ടെ കുടും​ബ​ത്തി​ന്റെ രക്ഷയ്‌ക്കാ​യി പ്രവർത്തി​ച്ചു​കൊ​ണ്ടേ​യി​രി​ക്കു​വിൻ

20. ക്രിസ്‌തീയ കുടും​ബ​നാ​ഥൻമാർ തുടർന്ന്‌ എന്തു ചെയ്യേ​ണ്ട​തുണ്ട്‌?

²⁰ ബലിഷ്‌ഠ​മായ ക്രിസ്‌തീയ കുടും​ബങ്ങൾ ആകസ്‌മി​ക​മാ​യി ഉണ്ടാകു​ന്ന​വയല്ല. കുടും​ബ​നാ​ഥൻമാ​രായ നിങ്ങൾ നിങ്ങളു​ടെ കുടും​ബ​ങ്ങ​ളു​ടെ രക്ഷയ്‌ക്കു​വേണ്ടി കഠിനാ​ധ്വാ​നം ചെയ്യു​ന്ന​തിൽ തുടരണം. അനാ​രോ​ഗ്യ​ക​ര​മായ സ്വഭാ​വ​വി​ശേ​ഷ​ങ്ങൾക്കും ലൗകിക പ്രവണ​ത​കൾക്കു​മെ​തി​രെ ജാഗ്ര​ത​യു​ള്ള​വ​രാ​യി​രി​ക്കുക. സംസാരം, നടത്ത, സ്‌നേഹം, വിശ്വാ​സം ചാരി​ത്ര​ശു​ദ്ധി എന്നിവ​യിൽ നല്ല മാതൃക വയ്‌ക്കുക. (1 തിമൊ​ഥെ​യൊസ്‌ 4:12) ദൈവാ​ത്മാ​വി​ന്റെ ഫലങ്ങൾ പ്രകട​മാ​ക്കുക. (ഗലാത്യർ 5:22, 23) സഹനശക്തി, പരിഗണന, ക്ഷമ, വാത്സല്യം എന്നിവ കുട്ടി​കളെ ദൈവ​ത്തി​ന്റെ വഴികൾ പഠിപ്പി​ക്കു​ന്ന​തി​നുള്ള നിങ്ങളു​ടെ ശ്രമത്തെ ബലിഷ്‌ഠ​മാ​ക്കും.—കൊ​ലൊ​സ്സ്യർ 3:12-14.

21. ഒരുവന്റെ കുടും​ബ​ത്തിൽ ഊഷ്‌മ​ള​വും സന്തോ​ഷ​ക​ര​വു​മായ അന്തരീക്ഷം എങ്ങനെ നിലനിർത്താ​വു​ന്ന​താണ്‌?

²¹ ദൈവ​സ​ഹാ​യ​ത്തോ​ടെ കുടും​ബ​ത്തി​നു​ള്ളിൽ സന്തോ​ഷ​ക​ര​വും ഊഷ്‌മ​ള​വു​മായ ഒരു ആത്മാവ്‌ നിലനിർത്താൻ ശ്രമി​ക്കുക. ഒരു കുടും​ബ​മെ​ന്ന​നി​ല​യിൽ ഒരുമി​ച്ചു സമയം ചെലവ​ഴി​ക്കുക. ദിവസ​ത്തിൽ ഒരു പ്രാവ​ശ്യ​മെ​ങ്കി​ലും ഒരുമി​ച്ചു ഭക്ഷണം കഴിക്കാ​നുള്ള ക്രമീ​ക​രണം ചെയ്യുക. ക്രിസ്‌തീയ യോഗ​ങ്ങ​ളും വയൽശു​ശ്രൂ​ഷ​യും കുടുംബ അധ്യയ​ന​വു​മെ​ല്ലാം ഒഴിച്ചു​കൂ​ടാ​നാ​വാത്ത കാര്യ​ങ്ങ​ളാണ്‌. എങ്കിലും ‘ചിരി​പ്പാ​നും നൃത്തം ചെയ്‌വാ​നും ഒരു കാലം’ ഉണ്ട്‌. (സഭാ​പ്ര​സം​ഗി 3:1, 4) പരിപു​ഷ്ടി​പ​ക​രുന്ന വിനോ​ദ​വേ​ള​കൾക്കാ​യി സമയം ക്രമീ​ക​രി​ക്കുക. കാഴ്‌ച​ബം​ഗ്ലാവ്‌, മൃഗശാല, അതു​പോ​ലുള്ള മററു സ്ഥലങ്ങ​ളെ​ല്ലാം മുഴു കുടും​ബ​ത്തി​ന്റെ​യും ആസ്വാ​ദ​ന​ത്തി​നു​വേ​ണ്ടി​യു​ള്ള​താണ്‌. ടിവി ഓഫ്‌ ചെയ്‌ത​ശേഷം ആ സമയം പാടു​ന്ന​തി​നോ പാട്ടു കേൾക്കു​ന്ന​തി​നോ കളിക്കു​ന്ന​തി​നോ സംസാ​രി​ക്കു​ന്ന​തി​നോ വേണ്ടി മാററി വയ്‌ക്കുക. ഇത്‌ കുടും​ബാം​ഗ​ങ്ങളെ അന്യോ​ന്യം കൂടുതൽ അടുപ്പി​ച്ചേ​ക്കാം.

22. നിങ്ങളു​ടെ കുടും​ബ​ത്തി​ന്റെ രക്ഷയ്‌ക്കു​വേണ്ടി കഠിന​മാ​യി അധ്വാ​നി​ക്കേ​ണ്ട​തി​ന്റെ കാരണ​മെന്ത്‌?

²² “സകല സൽപ്ര​വൃ​ത്തി​യി​ലും ഫലം കായിച്ചു ദൈവ​ത്തെ​ക്കു​റി​ച്ചുള്ള പരിജ്ഞാ​ന​ത്തിൽ വളരേ”ണ്ടതിനു ക്രിസ്‌തീയ മാതാ​പി​താ​ക്ക​ളായ നിങ്ങ​ളോ​രോ​രു​ത്ത​രും യഹോ​വയെ പൂർണ​മാ​യി സന്തോ​ഷി​പ്പി​ക്കു​ന്ന​തിൽ തുടർന്നു ശ്രമി​ക്കു​ന്ന​വ​രാ​യി​രി​ക്കട്ടെ. (കൊ​ലൊ​സ്സ്യർ 1:10) ദൈവ​വ​ച​ന​ത്തി​ലുള്ള അനുസ​ര​ണ​മെന്ന ബലിഷ്‌ഠ​മായ അടിസ്ഥാ​ന​ത്തിൻമേൽ നിങ്ങളു​ടെ കുടും​ബത്തെ പണിതു​യർത്തുക. (മത്തായി 7:24-27) “യഹോ​വ​യു​ടെ ശിക്ഷണ​ത്തി​ലും മാനസിക ക്രമവൽക്ക​ര​ണ​ത്തി​ലും” കുട്ടി​കളെ വളർത്തി​ക്കൊ​ണ്ടു​വ​രു​ന്ന​തി​നുള്ള നിങ്ങളു​ടെ ശ്രമത്തിൻമേൽ തീർച്ച​യാ​യും ദൈവാ​നു​ഗ്ര​ഹ​മു​ണ്ടാ​യി​രി​ക്കും.—എഫെസ്യർ 6:4.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ ഭാര്യ​ക്കും ഭർത്താ​വി​നും തങ്ങളുടെ കുടും​ബം പണിതു​യർത്തു​ന്ന​തിന്‌ എങ്ങനെ സഹകരി​ക്കാൻ കഴിയും?

◻ കുട്ടി​ക​ളു​ടെ ചില വൈകാ​രിക ആവശ്യങ്ങൾ ഏവ, അവ എങ്ങനെ നിറ​വേ​റ​റാം?

◻ കുടും​ബ​നാ​ഥൻമാർക്കു കുട്ടി​കളെ ഔപചാ​രി​ക​വും അനൗപ​ചാ​രി​ക​വു​മായ വിധത്തിൽ എങ്ങനെ പഠിപ്പി​ക്കാം?

◻ മാതാ​പി​താ​ക്കൾ എങ്ങനെ​യാ​ണു നീതി​യിൽ ശിക്ഷണം കൊടു​ക്കു​ന്നത്‌?

◻ മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളു​ടെ​യും ദത്തുകു​ടും​ബ​ങ്ങ​ളു​ടെ​യും പ്രയോ​ജ​ന​ത്തി​നാ​യി എന്തു ചെയ്യാൻ കഴിയും?

[16-ാം പേജിലെ ചിത്രം]

ഒരു കുട്ടി​യു​ടെ വൈകാ​രിക വളർച്ചക്കു പിതാ​വി​ന്റെ സ്‌നേ​ഹ​വും അംഗീ​കാ​ര​വും പ്രധാ​ന​മാണ്‌