യഥാർത്ഥ​സൗ​ന്ദ​ര്യം നിങ്ങൾക്ക്‌ അത്‌ വളർത്തി​യെ​ടു​ക്കാൻ കഴിയും

ബൈബി​ളിന്‌ സൗന്ദര്യ​ത്തി​ന്റെ സംഗതി​യിൽ പുരു​ഷൻമാർക്കും സ്‌ത്രീ​കൾക്കും വളരെ​യ​ധി​കം ബുദ്ധി​യു​പ​ദേ​ശ​മുണ്ട്‌. പുരു​ഷൻമാ​രെ സംബന്ധിച്ച്‌ അത്‌ ഇങ്ങനെ പ്രസ്‌താ​വി​ക്കു​ന്നു: “യുവാ​ക്ക​ളു​ടെ സൗന്ദര്യം അവരുടെ ബലമാ​കു​ന്നു.” (സദൃശ​വാ​ക്യ​ങ്ങൾ 20:29) അതെ, യുവാ​ക്ക​ളു​ടെ ഊർജ്ജി​ത​വും പ്രസരി​പ്പും വളരെ ആകർഷ​ക​മാ​യി​രി​ക്കാൻ കഴിയും. എന്നാൽ ആ യുവസ​ഹ​ജ​മായ ഊർജ്ജി​തം കുറയു​മ്പോൾ എന്തു സംഭവി​ക്കു​ന്നു? ബൈബിൾസ​ദൃ​ശ​വാ​ക്യം ഇങ്ങനെ പറയുന്നു: “നരച്ച തല നീതി​മാർഗ്ഗ​ത്തിൽ കാണ​പ്പെ​ടു​മ്പോൾ സൗന്ദര്യ​ത്തി​ന്റെ ഒരു കിരീ​ട​മാ​കു​ന്നു.” (സദൃശ​വാ​ക്യ​ങ്ങൾ 16:31) നീതി ആന്തരി​ക​സൗ​ന്ദ​ര്യ​ത്തി​ന്റെ ഒരു വശമാണ്‌. ഒരു ചെറു​പ്പ​ക്കാ​രൻ അതു നട്ടുവ​ളർത്തു​ന്നു​വെ​ങ്കിൽ, അവന്‌ ആ ആകർഷ​ക​മായ യുവസഹജ ഊർജ്ജി​തം നഷ്ടപ്പെ​ടു​മ്പോൾ അതു പിന്നെ​യും ഉണ്ടായി​രി​ക്കും.

സ്‌ത്രീ​ക​ളെ സംബന്ധിച്ച്‌ ബൈബിൾ പറയുന്നു: “സൗന്ദര്യം വ്യാജ​വും അഴക്‌ വ്യർത്ഥ​വു​മാ​യി​രി​ക്കാം; എന്നാൽ യഹോ​വയെ ഭയപ്പെ​ടുന്ന സ്‌ത്രീ​യാണ്‌ തനിക്കാ​യി പ്രശംസ സമ്പാദി​ക്കു​ന്നവൾ.” (സദൃശ​വാ​ക്യ​ങ്ങൾ 31:30) അഴകും സൗന്ദര്യ​വു​മുള്ള ഒരു സ്‌ത്രീ ഒരു ഉല്ലാസ​പ്ര​ദ​യായ സഖിയാണ്‌. എന്നാൽ ശാരീ​രി​ക​സൗ​ന്ദ​ര്യ​ത്തി​നു പിമ്പിൽ കപടഭാ​വ​വും സ്വാർത്ഥ​പൊ​ങ്ങ​ച്ച​വും ഒളിഞ്ഞി​രി​ക്കു​ന്നു​ണ്ടെ​ങ്കി​ലോ? അപ്പോൾ സൗന്ദര്യം തൊലി​പ്പു​റ​മേ​യാണ്‌, അത്‌ ഒരു ആന്തരി​ക​വൈ​രൂ​പ്യ​ത്തെ മറച്ചു​പി​ടി​ക്കു​ന്നു. അഴക്‌ മങ്ങി​പ്പോ​കു​മ്പോൾ പിന്നെ ശേഷി​ക്കു​ന്ന​തെ​ന്താണ്‌? സൗന്ദര്യ​ത്തോ​ടൊ​പ്പം ‘യഹോ​വാ​ഭ​യ​ത്തിൽ വേരൂ​ന്നിയ’ മങ്ങി​പ്പോ​കാത്ത ആന്തരി​ക​സൗ​ന്ദ​ര്യ​വു​മു​ണ്ടെ​ങ്കിൽ എത്രയ​ധി​കം മെച്ചമാ​യി​രി​ക്കും!

ഒരു വ്യക്തി​ത്വ​മാ​റ​റം

ഈ ആന്തരി​ക​സൗ​ന്ദ​ര്യം വളർത്തി​യെ​ടു​ക്കുക സാദ്ധ്യ​മാ​ണോ? ഉവ്വ്‌, യഥാർത്ഥ​ത്തിൽ ക്രിസ്‌ത്യാ​നി​കൾക്ക്‌ അത്‌ അത്യാ​വ​ശ്യ​മാണ്‌. ദൈവം യഥാർത്ഥ​സൗ​ന്ദ​ര്യ​ത്തെ വിലമ​തി​ക്കു​ന്നു. “അവൻ സകലവും അതിന്റെ സമയത്ത്‌ മനോ​ഹ​ര​മാ​യി നിർമ്മി​ച്ചി​രി​ക്കു​ന്നു.” (സഭാ​പ്ര​സം​ഗി 3:11, റി​വൈ​സഡ സററാൻഡേർഡ വേർഷൻ) അവൻ സ്‌നേ​ഹ​ര​ഹി​ത​മാ​യി ആന്തരി​ക​ഗു​ണ​ങ്ങളെ തള്ളിക്ക​ള​യുന്ന നടത്തയു​ള്ള​വ​രു​ടെ ആരാധന സ്വീക​രി​ക്കു​ക​യില്ല.

കൊ​ലോ​സ്യർക്കുള്ള അപ്പോ​സ്‌ത​ല​നായ പൗലോ​സി​ന്റെ വാക്കുകൾ ഒരു ആന്തരി​ക​സൗ​ന്ദ​ര്യം വളർത്തി​യെ​ടു​ക്കേ​ണ്ട​തി​ന്റെ ആവശ്യം സൂചി​പ്പി​ക്കു​ന്നു. ഒന്നാമ​താ​യി അവൻ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “അവയെ​ല്ലാം നിങ്ങളിൽനി​ന്നു നീക്കി​ക്ക​ള​യുക, ക്രോധം, കോപം, വഷളത്വം, അസഭ്യ​സം​സാ​രം, നിങ്ങളു​ടെ വായിൽനി​ന്നുള്ള അശ്ലീല​ഭാ​ഷണം എന്നിവ​തന്നെ. അന്യോ​ന്യം വ്യാജം പറയരുത്‌. പഴയ വ്യക്തി​ത്വ​ത്തെ അതിന്റെ നടപടി​ക​ളോ​ടെ ഉരിഞ്ഞു​ക​ള​യുക.” അതെ, അത്തരം വൃത്തി​കെട്ട കാര്യങ്ങൾ ചെയ്യുന്ന ഏതൊ​രു​വ​നും യഹോ​വക്ക്‌ വെറു​പ്പാണ്‌—ശരിയായ ചിന്തയുള്ള മനുഷ്യർക്കും. അനന്തരം പൗലോസ്‌ തുടരു​ന്നു: “പുതിയ വ്യക്തി​ത്വം ധരിക്കുക, അത്‌ അതിനെ സൃഷ്ടി​ച്ച​വന്റെ പ്രതി​ച്ഛാ​യ​പ്ര​കാ​രം സൂക്ഷ്‌മ​പ​രി​ജ്ഞാ​ന​ത്താൽ പുതു​ക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌.” (കൊ​ലോ​സ്യർ 3:8-10) നാം ദൈ​വേ​ഷ്ട​ത്തോ​ട​നു​രൂ​പ​പ്പെ​ടുന്ന ഒരു ചിന്താ​രീ​തി​യും വിചാ​ര​വും ‘ധരിക്കണം.’ ഈ “പുതിയ വ്യക്തിത്വ”ത്തിന്റെ സ്വഭാ​വ​മെ​ന്താണ്‌?

ക്രിസ്‌തീ​യ​ഗു​ണങ്ങൾ

ബൈബിൾ ക്രിസ്‌തീ​യ​വ്യ​ക്തി​ത്വം ഉളവാ​ക്കുന്ന അനേകം മനോ​ഹ​ര​ങ്ങ​ളായ ഗുണങ്ങളെ പട്ടിക​പ്പെ​ടു​ത്തു​ന്നു. എന്നാൽ ഈ ആന്തരി​ക​സൗ​ന്ദ​ര്യ​ത്തി​ന്റെ അടിസ്ഥാ​നം യേശു​വി​ന്റെ വാക്കു​ക​ളിൽ വർണ്ണി​ക്ക​പ്പെ​ട്ടി​രി​ക്കു​ന്നു: “‘നീ നിന്റെ ദൈവ​മായ യഹോ​വയെ നിന്റെ മുഴു ഹൃദയ​ത്തോ​ടും നിന്റെ മുഴു ദേഹി​യോ​ടും നിന്റെ മുഴു മനസ്സോ​ടും കൂടെ സ്‌നേ​ഹി​ക്കണം.’ ഇതാണ്‌ ഏററവും വലിയ​തും ഒന്നാമ​ത്തേ​തു​മായ കല്‌പന. അതു​പോ​ലെ, രണ്ടാമ​ത്തേത്‌, ഇതാണ്‌, ‘നീ നിന്റെ അയൽക്കാ​രനെ നിന്നെ​പ്പോ​ലെ​തന്നെ സ്‌നേ​ഹി​ക്കണം.’” (മത്തായി 22:37-39) ദൈവ​സ്‌നേഹം ദൈവത്തെ പ്രസാ​ദി​പ്പി​ക്കുന്ന തരം ആളായി​രി​ക്കാൻ ആഗ്രഹി​ക്കു​ന്ന​തി​ലേക്കു നമ്മെ നയിക്കു​ന്നു. അങ്ങനെ​യുള്ള സ്‌നേഹം അവനെ​ക്കു​റി​ച്ചു മററു​ള്ള​വ​രോ​ടു സംസാ​രി​ക്കാ​നും, ക്രമത്തിൽ, തങ്ങളുടെ സ്രഷ്ടാ​വി​നെ അറിയാൻ അവരെ സഹായി​ക്കു​ന്ന​തി​നും നമ്മെ പ്രേരി​പ്പി​ക്കു​ന്നു.—യെശയ്യാവ്‌ 52:7.

പുതിയ വ്യക്തി​ത്വം ഉളവാ​ക്കാൻ ഉതകുന്ന മററു ചില ഗുണങ്ങൾ അപ്പോ​സ്‌ത​ല​നായ പൗലോ​സി​നാൽ വർണ്ണി​ക്ക​പ്പെ​ട്ടി​രി​ക്കു​ന്നു: “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം. അങ്ങനെ​യുള്ള കാര്യ​ങ്ങൾക്കെ​തി​രെ നിയമ​മില്ല.”—ഗലാത്യർ 5:22, 23.

കൂടാതെ, ബൈബിൾ കൃത്യ​മാ​യി ഭർത്താ​ക്കൻമാ​രോട്‌ ഇങ്ങനെ പറയുന്നു: “ഒരു ഭർത്താവ്‌ തന്റെ ഭാര്യ​യു​ടെ തലയാ​കു​ന്നു, ക്രിസ്‌തു​വും സഭയുടെ തലയാ​യി​രി​ക്കു​ന്ന​തു​പോ​ലെ​തന്നെ . . . ഭർത്താ​ക്കൻമാ​രെ, ക്രിസ്‌തു​വും സഭയെ സ്‌നേ​ഹി​ക്കു​ക​യും അതിനു​വേണ്ടി തന്നേത്തന്നെ ഏല്‌പി​ച്ചു​കൊ​ടു​ക്കു​ക​യും ചെയ്‌ത​തു​പോ​ലെ നിങ്ങളു​ടെ ഭാര്യ​മാ​രെ തുടർന്നു സ്‌നേ​ഹി​ക്കുക.” (എഫേസ്യർ 5:23, 25) ഭാര്യ​മാ​രോ​ടു ബൈബിൾ പറയുന്നു: “ഭാര്യ​മാർ കർത്താ​വി​നെ​ന്ന​പോ​ലെ, തങ്ങളുടെ ഭർത്താ​ക്കൻമാർക്ക്‌ കീഴ്‌പ്പെ​ട്ടി​രി​ക്കട്ടെ . . . ഭാര്യക്ക്‌ തന്റെ ഭർത്താ​വി​നോട്‌ ആഴമായ ബഹുമാ​ന​മു​ണ്ടാ​യി​രി​ക്കണം.” (എഫേസ്യർ 5:22, 33) ഭർത്താവ്‌ സ്‌നേ​ഹ​പൂർവ​ക​വും നിസ്വാർത്ഥ​വും ക്ഷമാപൂർവ​ക​വു​മായ ഒരു വിധത്തിൽ തന്റെ ഉത്തരവാ​ദി​ത്വ​ങ്ങൾ നിർവ​ഹി​ക്കു​മ്പോൾ കുടും​ബ​ജീ​വി​തം എത്ര ആകർഷ​ക​മാണ്‌! ഭാര്യ സ്‌നേ​ഹ​പൂർവം ഭർത്താ​വി​നു പിന്തുണ കൊടു​ക്കു​ക​യും മത്സരി​ക്കു​ക​യോ അമിത​മാ​യി വിമർശി​ക്കു​ക​യോ ചെയ്യാ​തി​രി​ക്കു​ക​യും ചെയ്‌തു​കൊണ്ട്‌ തന്റെ ആന്തരി​ക​സൗ​ന്ദ​ര്യം പ്രകട​മാ​ക്കു​മ്പോൾ ഭർത്താ​വിന്‌ തന്റെ ഉചിത​മായ പങ്കു വഹിക്കു​ന്നത്‌ എത്രയോ എളുപ്പ​മാണ്‌. അങ്ങനെ​യുള്ള അവസ്ഥക​ളി​ലെ കുടും​ബ​ജീ​വി​തം യഥാർത്ഥ​ത്തിൽ ഉല്ലാസ​പ്ര​ദ​മാ​യി​രി​ക്കാൻ കഴിയും.

മുൻ ലേഖന​ത്തിൽ ഉദ്ധരിച്ച ദൃഷ്ടാ​ന്തങ്ങൾ പ്രവർത്ത​ന​ത്തി​ലി​രി​ക്കുന്ന ഈ ഗുണങ്ങ​ളിൽ ചിലത്‌ കാണി​ച്ചു​തന്നു. ശൂലേമ്യ പെൺകു​ട്ടി ശലോ​മോ​ന്റെ കൊട്ടാ​ര​ത്തി​ലെ പകിട്ടി​നു​വേണ്ടി ഇടയബാ​ലനെ ഉപേക്ഷി​ക്കാൻ വിസമ്മ​തി​ച്ച​പ്പോൾ അവനോ​ടുള്ള സ്ഥിരത​യും അഗാധ​മായ സ്‌നേ​ഹ​വു​മാണ്‌ പ്രകട​മാ​ക്കി​യത്‌. യോ​സേഫ്‌ തന്റെ യജമാ​ന​നാ​യി​രുന്ന പോത്തീ​ഫ​റി​നെ​തി​രെ പാപം​ചെ​യ്യാൻ വിസമ്മ​തി​ച്ച​പ്പോൾ ഒരു ആന്തരി​ക​നൻമ പ്രകട​മാ​ക്കി. പോത്തീ​ഫ​റി​ന്റെ ഭാര്യ​യാൽ വശീക​രി​ക്ക​പ്പെ​ടാ​തെ ഓടി​മാ​റി​യ​പ്പോൾ അവൻ ആത്മനി​യ​ന്ത്ര​ണ​വും പ്രകട​മാ​ക്കി. അവൻ തന്റെ ജീവി​ത​ത്തി​ലെ അനേകം പ്രതി​കൂ​ല​സം​ഭ​വങ്ങൾ തന്നെ കഠിന​നാ​ക്കാൻ വിസമ്മ​തി​ച്ച​പ്പോൾ അവൻ സൗമ്യ​ത​യു​ടെ​യും സമാധാ​ന​ത്തി​ന്റെ​യും ദീർഘ​ക്ഷ​മ​യു​ടെ​യും ദൃഷ്ടാ​ന്തം​വെച്ചു.

ഒരു വൃത്തി​കെട്ട ലോക​ത്തി​ലെ സൗന്ദര്യം

അങ്ങനെ​യുള്ള മനോ​ഹ​ര​ങ്ങ​ളായ ഗുണങ്ങൾ ഇന്നു പ്രാ​യോ​ഗി​ക​മാ​ണോ? അല്ലെന്ന്‌ അനേകർ വിചാ​രി​ക്കു​ന്നു. പകരം, ഒരു കഠിന​സ്വ​ഭാ​വം വികസി​പ്പി​ച്ചെ​ടു​ത്തു​കൊണ്ട്‌ അവർ തങ്ങൾ ജീവി​ക്കുന്ന സ്വാർത്ഥ​പ്ര​കൃ​തി​യുള്ള, അത്യാ​ഗ്ര​ഹ​മുള്ള, ലോക​ത്തോ​ടു പ്രതി​ക​രി​ക്കു​ന്നു. അതിജീ​വി​ക്കു​ന്ന​തിന്‌ അവർ നിർദ്ദ​യ​രും അതി​മോ​ഹി​ക​ളു​മാ​യി തൻകാ​ര്യം ഒന്നാമതു കരുത​ണ​മെ​ന്നും തങ്ങൾക്കു ലഭിക്കാ​വു​ന്ന​തെ​ല്ലാം പിടി​ച്ചു​പ​റ​റ​ണ​മെ​ന്നും അവർ വിചാ​രി​ക്കു​ന്നു.

ഇതിൽനി​ന്നു വ്യത്യ​സ്‌ത​മാ​യി, ബൈബിൾ ഇങ്ങനെ പ്രോൽസാ​ഹി​പ്പി​ക്കു​ന്നു: ‘മത്സരത്തിൽനി​ന്നോ അഹന്തയിൽനി​ന്നോ യാതൊ​ന്നും ചെയ്യരുത്‌, എന്നാൽ മനസ്സിന്റെ എളിമ​യോ​ടെ മററു​ള്ളവർ നിങ്ങ​ളെ​ക്കാൾ ശ്രേഷ്‌ഠ​രാ​ണെന്ന്‌ പരിഗ​ണി​ക്കു​ക​യും നിങ്ങളു​ടെ സ്വന്തം കാര്യ​ങ്ങ​ളിൽമാ​ത്രം വ്യക്തി​പ​ര​മായ താത്‌പ​ര്യ​ത്തോ​ടെയല്ല, പിന്നെ​യോ മററു​ള്ള​വ​രു​ടേ​തി​ലും വ്യക്തി​പ​ര​മായ താത്‌പ​ര്യ​ത്തോ​ടെ ദൃഷ്ടി​വെ​ക്കു​ക​യും​ചെ​യ്യുക.’ (ഫിലി​പ്യർ 2:3, 4) പൊതു​മ​നു​ഷ്യ​വർഗ്ഗം ഈ നല്ല ബുദ്ധി​യു​പ​ദേശം അനുസ​രി​ക്കാ​ത്ത​തു​കൊ​ണ്ടാണ്‌ മനുഷ്യ​വർഗ്ഗം ഇത്ര മോശ​മാ​യി അധഃപ​തി​ക്കു​ന്നത്‌.

കൂടാതെ, ഇപ്പോ​ഴത്തെ ലോക​ത്തിൽ ഒരു വ്യക്തി​യു​ടെ വിജയം പണത്താ​ലോ സ്ഥാനത്താ​ലോ ആണ്‌ അളക്ക​പ്പെ​ടു​ന്നത്‌. ഒരു ധനിക​നായ മനുഷ്യൻ വിജയ​ശാ​ലി​യാ​യി പരിഗ​ണി​ക്ക​പ്പെ​ടു​ന്നു. എന്നിരു​ന്നാ​ലും, യഥാർത്ഥ മൂല്യ​ങ്ങളെ സംബന്ധി​ച്ചി​ട​ത്തോ​ളം ഒരുവൻ ധനിക​നാ​ണോ ദരി​ദ്ര​നാ​ണോ​യെ​ന്നത്‌ തികച്ചും അപ്രധാ​ന​മാണ്‌. തീർച്ച​യാ​യും, ധനത്തിന്‌ അതിന്റെ അപകട​ങ്ങ​ളുണ്ട്‌. ബൈബിൾ ഇങ്ങനെ മുന്നറി​യിപ്പ്‌ നൽകുന്നു: “ധനിക​രാ​കാൻ ഉറച്ചി​രി​ക്കു​ന്നവർ പ്രലോ​ഭ​ന​ത്തി​ലും ഒരു കെണി​യി​ലും നിരർത്ഥ​ക​വും ഹാനി​ക​ര​വു​മായ അനേകം ആഗ്രഹ​ങ്ങ​ളി​ലും നിപതി​ക്കു​ന്നു.” അതിങ്ങനെ കൂട്ടി​ച്ചേർക്കു​ന്നു: “പണസ്‌നേഹം സകലതരം ദോഷ​ങ്ങൾക്കും മൂലകാ​ര​ണ​മാ​കു​ന്നു.”—1 തിമൊ​ഥെ​യോസ്‌ 6:9, 10.

തീർച്ച​യാ​യും, സ്വാർത്ഥ​രും അത്യാ​ഗ്ര​ഹി​ക​ളും ധനാസ​ക്ത​രും നിർദ്ദ​യ​രു​മായ ആളുകൾ മിക്ക​പ്പോ​ഴും ഇന്ന്‌ താൽക്കാ​ലി​ക​മായ “വിജയം” ആസ്വദി​ക്കു​ന്നു. എന്നാൽ അത്‌ യഥാർത്ഥ വിജയമല്ല, എന്തു​കൊ​ണ്ടെ​ന്നാൽ അങ്ങനെ​യുള്ള വൃത്തി​കെട്ട ജീവി​ത​രീ​തി​യു​ടെ വില—വ്യക്തി​പ​ര​മായ അപകീർത്തി, വിവാ​ഹ​ത്ത​കർച്ചകൾ, അനാ​രോ​ഗ്യം, പൊതു നിരാശ—വളരെ ഉയർന്ന​താണ്‌. മനുഷ്യൻ ദൈവ​ത്തി​ന്റെ സാദൃ​ശ്യ​ത്തി​ലാണ്‌ സൃഷ്ടി​ക്ക​പ്പെ​ട്ടത്‌, എന്നാൽ അവൻ ദൈവം ആദ്യം അവനിൽ നട്ട ഗുണങ്ങ​ളോട്‌ ഇത്ര ഉഗ്രമാ​യി മത്സരി​ക്കു​മ്പോൾ അവന്‌ ഒരിക്ക​ലും വ്യക്തി​പ​ര​മായ സന്തുഷ്ടി നേടാൻക​ഴി​യു​ക​യില്ല.—ഉല്‌പത്തി 1:27.

ആന്തരി​ക​സൗ​ന്ദ​ര്യം വളർത്തി​യെ​ടു​ക്കൽ

ആ സ്ഥിതിക്ക്‌ നമുക്ക്‌ ഈ ലോക​ത്തി​ലെ വഷളായ സ്വാധീ​നത്തെ ചെറു​ത്തു​നിൽക്കാ​നും ശ്രേഷ്‌ഠ​വും ദൈവി​ക​വു​മായ ഗുണങ്ങൾ വളർത്തി​യെ​ടു​ക്കാ​നും എങ്ങനെ കഴിയും? പൗലോസ്‌ ‘സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം’ എന്നീ ഗുണങ്ങളെ പട്ടിക​പ്പെ​ടു​ത്തി​യ​പ്പോൾ അവൻ അവയെ “ആത്മാവി​ന്റെ ഫലങ്ങൾ” എന്നു വിളിച്ചു. (ഗലാത്യർ 5:22, 23) അതു​കൊണ്ട്‌ നമുക്ക്‌ മനോ​ഹ​ര​ങ്ങ​ളായ ആന്തരി​ക​ഗു​ണങ്ങൾ വികസി​പ്പി​ച്ചെ​ടു​ക്കാൻ ദൈവാ​ത്മാവ്‌ ആവശ്യ​മാണ്‌.

എങ്ങനെ? ശരി, ദൈവാ​ത്മാ​വി​നാൽ നിശ്വ​സ്‌ത​മായ ബൈബി​ളി​ന്റെ പഠനം ഈ ഗുണങ്ങളെ തിരി​ച്ച​റി​യു​ന്ന​തി​നും അവ നട്ടുവ​ളർത്താ​നുള്ള നമ്മുടെ ആഗ്രഹത്തെ ബലിഷ്‌ഠ​മാ​ക്കു​ന്ന​തി​നും നമ്മെ സഹായി​ക്കും. (2 തിമൊ​ഥെ​യോസ്‌ 3:16) യഹോ​വ​യു​ടെ സാക്ഷികൾ അങ്ങനെ​യുള്ള ഒരു പദ്ധതി​യിൽ നിങ്ങളെ സഹായി​ക്കാൻ എപ്പോ​ഴും സന്തോ​ഷ​മു​ള്ള​വ​രാണ്‌, കാരണം ബൈബിൾ പഠിക്കാൻ ആളുകളെ സഹായി​ക്കു​ന്നത്‌ തങ്ങളുടെ ശുശ്രൂ​ഷ​യു​ടെ ഭാഗമാ​ണെന്ന്‌ അവർ വീക്ഷി​ക്കു​ന്നു. സത്യസ​ന്ധ​മായ ആത്മപരി​ശോ​ധന നമുക്ക്‌ കുറവു​ള്ള​തെ​വി​ടെ​യെന്നു കാണാൻ നമ്മെ പ്രാപ്‌ത​രാ​ക്കും, ഈ മണ്ഡലങ്ങ​ളിൽ ദൈവാ​ത്മാ​വി​ന്റെ സഹായ​ത്തി​നാ​യി നമുക്കു പ്രാർത്ഥി​ക്കാൻ കഴിയും. ദൈവ​ത്തി​ന്റെ സഹാരാ​ധ​ക​രു​മാ​യുള്ള സഹവാസം നമുക്കാ​വ​ശ്യ​മുള്ള സമപ്രാ​യ​ക്കാ​രു​ടെ പിന്തുണ നേടി​ത്ത​രും, ഇവി​ടെ​യും ദൈവാ​ത്മാ​വു സഹായി​ക്കും, എന്തു​കൊ​ണ്ടെ​ന്നാൽ യേശു പറഞ്ഞതു​പോ​ലെ, “എന്റെ നാമത്തിൽ രണ്ടോ മൂന്നോ പേർ കൂടി​വ​രു​ന്നി​ടത്ത്‌ അവരുടെ മദ്ധ്യേ ഞാൻ ഉണ്ട്‌.—മത്തായി 18:20.

ഒരു മനോ​ഹ​ര​മായ ലോകം മുമ്പിൽ

സ്വാഭാ​വി​ക​മാ​യി, നമ്മിലാ​രും നമ്മുടെ അപൂർണ്ണ​ത​കളെ പൂർണ്ണ​മാ​യി തരണം​ചെ​യ്യു​ക​യില്ല. എന്നാൽ ഈ ആന്തരിക സൗന്ദര്യം വളർത്തി​യെ​ടു​ക്കാൻ നാം കഠിന​ശ്ര​മം​ചെ​യ്യു​ന്നു​വെ​ങ്കിൽ ദൈവം നമ്മുടെ ശ്രമങ്ങളെ അനു​ഗ്ര​ഹി​ക്കും. അവൻ നമുക്ക്‌ ഒരു അതിശ​യ​ക​ര​മായ വിധത്തിൽ പ്രതി​ഫലം നൽകും. ഇപ്പോ​ഴ​ത്തേ​തിൽനിന്ന്‌ തികച്ചും വ്യത്യ​സ്‌ത​മായ ഒരു പുതിയ വ്യവസ്ഥി​തി ആനയി​ക്കാ​നുള്ള ദൈവ​ത്തി​ന്റെ ഉദ്ദേശ്യം ബൈബിൾ നമുക്കു​വേണ്ടി രേഖ​പ്പെ​ടു​ത്തു​ന്നു. അതിൽ “നീതി​മാൻമാർതന്നെ ഭൂമിയെ കൈവ​ശ​മാ​ക്കും, അവർ അതിൽ എന്നേക്കും വസിക്കും.” (സങ്കീർത്തനം 37:29) “സൗമ്യ​ത​യു​ള്ളവർ സന്തുഷ്ട​രാ​കു​ന്നു, എന്തു​കൊ​ണ്ടെ​ന്നാൽ അവർ ഭൂമിയെ അവകാ​ശ​മാ​ക്കും” എന്ന്‌ യേശു​തന്നെ പറഞ്ഞു.—മത്തായി 5:5.

ആ കാലത്ത്‌, ഈ വ്യവസ്ഥി​തി​യി​ലെ വൃത്തി​കെട്ട മത്സരവും സ്വാർത്ഥ​ത​യും മാറി തൽസ്ഥാ​നത്ത്‌ മനോ​ഹ​ര​മായ സമാധാ​ന​വും ശാന്തി​യും കൈവ​രും. “അവ എന്റെ പർവത​ത്തി​ലെ​ങ്ങും യാതൊ​രു ഉപദ്ര​വ​വും ചെയ്യു​ക​യില്ല, അല്ലെങ്കിൽ യാതൊ​രു നാശവും വരുത്തു​ക​യില്ല; എന്തു​കൊ​ണ്ടെ​ന്നാൽ വെള്ളങ്ങൾ സമു​ദ്ര​ത്തെ​ത്തന്നെ മൂടു​ന്ന​തു​പോ​ലെ, ഭൂമി യഹോ​വ​യെ​ക്കു​റി​ച്ചുള്ള പരിജ്ഞാ​നം​കൊ​ണ്ടു തീർച്ച​യാ​യും നിറയും.” (യെശയ്യാവ്‌ 11:9) തീർച്ച​യാ​യും, ദൈവം “അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മരണം മേലാൽ ഉണ്ടായി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല. മുൻകാ​ര്യ​ങ്ങൾ നീങ്ങി​പ്പോ​യി​രി​ക്കു​ന്നു.”—വെളി​പ്പാട്‌ 21:4.

അങ്ങനെ​യു​ള്ള അവസ്ഥകൾ ആകർഷ​ക​മാ​യി തോന്നു​ന്നു​ണ്ടോ? അന്നത്തെ ഭൂവാ​സി​കൾക്ക്‌ ദൈവ​സ്‌നേ​ഹ​ത്തി​ലും അയൽസ്‌നേ​ഹ​ത്തി​ലും അധിഷ്‌ഠി​ത​മായ ഒരു ആന്തരി​ക​സൗ​ന്ദ​ര്യം ഉണ്ടായി​രി​ക്കു​ന്ന​തു​കൊ​ണ്ടു​മാ​ത്ര​മാണ്‌ അത്‌ സാദ്ധ്യ​മാ​കു​ന്നത്‌. “പുതിയ വ്യക്തി​ത്വം” നട്ടുവ​ളർത്തി​ക്കൊ​ണ്ടും ദൈവ​ത്തി​ന്റെ പ്രമാ​ണങ്ങൾ അനുസ​രി​ക്കാൻ കഠിന​ശ്രമം ചെയ്‌തു​കൊ​ണ്ടും തന്നെ ഇപ്പോൾ സേവി​ക്കു​ന്നവർ ആ വാഗ്‌ദ​ത്ത​ത്തി​ന്റെ സാക്ഷാ​ത്‌ക്കാ​രം കാണു​മെന്ന്‌ ദൈവം വാഗ്‌ദാ​നം​ചെ​യ്‌തി​ട്ടുണ്ട്‌. സൗകു​മാ​ര്യ​ത്തിന്‌, ശാരീ​രി​ക​സൗ​ന്ദ​ര്യ​ത്തിന്‌, ഒരിക്ക​ലും അങ്ങനെ​യുള്ള അനു​ഗ്ര​ഹങ്ങൾ കൈവ​രു​ത്താൻ കഴിക​യില്ല. അപ്പോൾ, ആ ഏറെ സമ്പന്നമായ, ഏറെ നിലനിൽക്കുന്ന, ആന്തരി​ക​സൗ​ന്ദ​ര്യം വളർത്തി​യെ​ടു​ക്കു​ന്ന​തിന്‌ എന്തു നല്ല കാരണ​മുണ്ട്‌, അതാണ്‌ ശരിയായ ചിന്തയുള്ള മനുഷ്യർക്കും ദൈവ​ത്തി​നു​ത​ന്നെ​യും വളരെ പ്രസാ​ദ​ക​ര​മാ​യി​രി​ക്കു​ന്നത്‌! (w89 2⁄1)

[6-ാം പേജിലെ ചിത്രം]

ശാരീരികമായി ആകർഷ​ക​ത്വ​മുള്ള ആളുകൾ സ്വാർത്ഥ​രും തന്ത്രപൂർവം കാര്യം സാധി​ക്കു​ന്ന​വ​രും ആയിരി​ക്കു​ന്നത്‌ ഒഴിവാ​ക്കണം. പകരം, അവർ ദൈവ​ത്തി​നു പ്രസാ​ദ​മായ ആന്തരി​ക​സൗ​ന്ദ​ര്യം വളർത്തി​യെ​ടു​ക്കണം