യുവജ​ന​ങ്ങളേ, “സ്വന്തം രക്ഷയ്‌ക്കു​വേണ്ടി പരി​ശ്ര​മി​ച്ചു​കൊ​ണ്ടി​രി​ക്കുക”

 1. സ്‌നാനം ഒരു സുപ്ര​ധാ​ന​പ​ടി​യാ​യി​രി​ക്കു​ന്നത്‌ എന്തു​കൊണ്ട്‌? (ലേഖനാ​രം​ഭ​ത്തി​ലെ ചിത്രം കാണുക.)

ഓരോ വർഷവും ആയിര​ക്ക​ണ​ക്കി​നു ബൈബിൾവി​ദ്യാർഥി​ക​ളാ​ണു സ്‌നാ​ന​പ്പെ​ടു​ന്നത്‌. അതിൽ കൗമാ​ര​ക്കാ​രും കുട്ടി​ക​ളും ഉൾപ്പെടെ ധാരാളം ചെറു​പ്പ​ക്കാ​രുണ്ട്‌. സത്യത്തി​ലുള്ള മാതാ​പി​താ​ക്കൾ വളർത്തി​ക്കൊ​ണ്ടു​വ​ന്ന​താ​യി​രി​ക്കാം അവരിൽ പലരെ​യും. നിങ്ങൾ അവരിൽ ഒരാളാ​ണോ? എങ്കിൽ നിങ്ങ​ളെ​ടുത്ത തീരു​മാ​നം അഭിന​ന്ദനം അർഹി​ക്കു​ന്നു. സ്‌നാനം ക്രിസ്‌ത്യാ​നി​കൾക്കുള്ള ഒരു നിബന്ധ​ന​യാണ്‌. രക്ഷ നേടു​ന്ന​തിന്‌ അതി​പ്ര​ധാ​ന​മായ ഒരു പടിയാണ്‌ അത്‌.​—മത്താ. 28:19, 20; 1 പത്രോ. 3:21.

 2. ദൈവ​ത്തി​നു സമർപ്പി​ക്കുന്ന കാര്യ​ത്തിൽ പേടിച്ച്‌ പിന്മാ​റി​നിൽക്ക​രു​താ​ത്തത്‌ എന്തു​കൊണ്ട്‌?

² സ്‌നാനം അനേകം അനു​ഗ്ര​ഹ​ങ്ങ​ളി​ലേ​ക്കുള്ള ഒരു വാതി​ലാണ്‌. എന്നാൽ അതോ​ടൊ​പ്പം പല ഉത്തരവാ​ദി​ത്വ​ങ്ങ​ളും വന്നു​ചേ​രു​ന്നു. എങ്ങനെ? സ്‌നാ​ന​പ്പെട്ട ദിവസം നിങ്ങ​ളോട്‌ ഈ ചോദ്യം ചോദി​ച്ചു: “യേശു​ക്രി​സ്‌തു​വി​ന്റെ ബലിമ​ര​ണ​ത്തി​ന്റെ അടിസ്ഥാ​ന​ത്തിൽ നിങ്ങൾ സ്വന്തപാ​പ​ങ്ങ​ളെ​ക്കു​റിച്ച്‌ പശ്ചാത്ത​പി​ക്കു​ക​യും യഹോ​വ​യു​ടെ ഇഷ്ടം ചെയ്യാൻ നിങ്ങ​ളെ​ത്തന്നെ യഹോ​വ​യ്‌ക്കു സമർപ്പി​ക്കു​ക​യും ചെയ്‌തി​ട്ടു​ണ്ടോ?” ഇതിനു നിങ്ങൾ ‘ഉവ്വ്‌’ എന്ന്‌ ഉത്തരം പറഞ്ഞു. നിങ്ങൾ യഹോ​വ​യ്‌ക്കു സമർപ്പി​ച്ചെ​ന്ന​തി​ന്റെ തെളി​വാ​യി​രു​ന്നു സ്‌നാനം. സമർപ്പി​ച്ച​പ്പോൾ, നിങ്ങൾ യഹോ​വയെ സ്‌നേ​ഹി​ച്ചു​കൊ​ള്ളാ​മെ​ന്നും എല്ലാറ്റി​നും ഉപരി​യാ​യി യഹോ​വ​യു​ടെ ഇഷ്ടം ചെയ്‌തു​കൊ​ള്ളാ​മെ​ന്നും യഹോ​വ​യ്‌ക്കു വാക്കു കൊടു​ത്തു. ഇതു ഗൗരവ​മേ​റിയ ഒരു പ്രതി​ജ്ഞ​യാണ്‌. ആ പ്രതി​ജ്ഞ​യെ​ടു​ത്ത​തിൽ നിങ്ങൾക്കു ഖേദം തോ​ന്നേ​ണ്ട​തു​ണ്ടോ? ഒരിക്ക​ലു​മില്ല. യഹോ​വ​യു​ടെ കൈക​ളി​ലേക്കു നിങ്ങളെ വിട്ടു​കൊ​ടു​ക്കു​ന്നത്‌ ഒരിക്ക​ലും തെറ്റായ ഒരു തീരു​മാ​നമല്ല. അങ്ങനെ ചെയ്‌തി​ല്ലാ​യി​രു​ന്നെ​ങ്കിൽ നിങ്ങളു​ടെ അവസ്ഥ എന്തായി​രു​ന്നേനേ എന്ന്‌ ഒരു നിമിഷം ചിന്തി​ക്കുക. യഹോ​വ​യു​മാ​യി ബന്ധമി​ല്ലെ​ങ്കിൽ നിങ്ങൾ സാത്താന്റെ ഭരണത്തിൻകീ​ഴി​ലാ​യി​രി​ക്കും. നിങ്ങൾ രക്ഷപ്പെ​ട​ണ​മെന്ന്‌ അവനു യാതൊ​രു താത്‌പ​ര്യ​വു​മില്ല. യഹോ​വ​യു​ടെ പരമാ​ധി​കാ​രത്തെ തള്ളിക്ക​ളഞ്ഞ്‌ നിങ്ങൾ അവന്റെ പക്ഷം ചേരാ​നാ​ണു സാത്താൻ ആഗ്രഹി​ക്കു​ന്നത്‌. അങ്ങനെ ചെയ്‌ത്‌ നിങ്ങളു​ടെ നിത്യ​ജീ​വൻ നഷ്ടമാ​കു​ന്നതു കാണാൻ അവനു സന്തോ​ഷമേ ഉള്ളൂ.

 3. യഹോവയ്‌ക്കു നിങ്ങളെ സമർപ്പിച്ചതുകൊണ്ട്‌ നിങ്ങൾക്ക്‌ എന്തൊക്കെ അനു​ഗ്ര​ഹങ്ങൾ ലഭിച്ചു?

³ സാത്താനെ പിന്തു​ണ​യ്‌ക്കു​ന്ന​തി​നു പകരം, യഹോ​വ​യ്‌ക്കു നിങ്ങളു​ടെ ജീവിതം സമർപ്പി​ക്കു​ക​യും സ്‌നാ​ന​മേൽക്കു​ക​യും ചെയ്‌ത​തു​കൊണ്ട്‌ ലഭിച്ച അനു​ഗ്ര​ഹ​ങ്ങ​ളെ​ക്കു​റിച്ച്‌ ചിന്തി​ക്കുക. യഹോ​വ​യ്‌ക്കു ജീവിതം വിട്ടു​കൊ​ടു​ത്തി​രി​ക്കു​ന്ന​തു​കൊണ്ട്‌ നിങ്ങൾക്കു തികഞ്ഞ ആത്മവി​ശ്വാ​സ​ത്തോ​ടെ ഇങ്ങനെ പറയാ​നാ​കും: “യഹോവ എന്റെ പക്ഷത്തുണ്ട്‌; ഞാൻ പേടി​ക്കില്ല. മനുഷ്യന്‌ എന്നോട്‌ എന്തു ചെയ്യാ​നാ​കും?” (സങ്കീ. 118:6) ദൈവ​ത്തി​ന്റെ പക്ഷത്താ​യി​രി​ക്കാ​നും ദൈവ​ത്തി​ന്റെ അംഗീ​കാ​രം നേടാ​നും ഉള്ള പദവി​യാ​ണു നിങ്ങൾക്കു കിട്ടി​യി​രി​ക്കു​ന്നത്‌. അതിലും മഹത്തായ മറ്റ്‌ എന്താണു​ള്ളത്‌!

4, 5. (എ) സമർപ്പണം വ്യക്തി​പ​ര​മായ ഉത്തരവാ​ദി​ത്വ​മാ​ണെന്നു പറയു​ന്നത്‌ എന്തു​കൊണ്ട്‌? (ബി) യുവാക്കൾ ഉൾപ്പെടെ എല്ലാവ​രും നേരി​ടേ​ണ്ടി​വ​രുന്ന പരി​ശോ​ധ​നകൾ ഏതൊക്കെ?

⁴ സ്‌നാ​ന​മേൽക്കു​ന്ന​തോ​ടെ നിങ്ങൾ യഹോ​വ​യു​മാ​യി ഒരു ബന്ധത്തി​ലേക്കു വരുന്നു. അവകാ​ശ​മാ​യി കിട്ടുന്ന കുടും​ബ​സ്വ​ത്തു​പോ​ലെയല്ല ഇത്‌. നിങ്ങൾ മാതാ​പി​താ​ക്ക​ളു​ടെ കൂടെ​യാ​ണു താമസി​ക്കു​ന്ന​തെ​ങ്കിൽപ്പോ​ലും സ്വന്തം രക്ഷയ്‌ക്കാ​യി നിങ്ങൾതന്നെ പ്രവർത്തി​ക്കണം. ഇക്കാര്യം ഒരിക്ക​ലും മറന്നു​പോ​ക​രുത്‌. കാരണം ഭാവി​യിൽ നിങ്ങൾക്ക്‌ എന്തൊക്കെ പരി​ശോ​ധ​ന​ക​ളു​ണ്ടാ​കു​മെന്നു മുൻകൂ​ട്ടി​പ്പ​റ​യാ​നാ​കില്ല. ഉദാഹ​ര​ണ​ത്തിന്‌, ചെറു​പ്രാ​യ​ത്തി​ലേ സ്‌നാ​ന​മേറ്റ ഒരു കുട്ടിക്കു കൗമാ​ര​ത്തി​ലെ​ത്തു​മ്പോൾ അതുവരെ നേരി​ട്ടി​ട്ടി​ല്ലാത്ത സമ്മർദ​ങ്ങളെ നേരി​ടേ​ണ്ടി​വ​ന്നേ​ക്കാം. കൗമാ​ര​പ്രാ​യ​ത്തി​ലുള്ള ഒരു പെൺകു​ട്ടി അതെക്കു​റിച്ച്‌ ഇങ്ങനെ പറഞ്ഞു: “സ്‌കൂ​ളിൽവെച്ച്‌ ഒരു കഷണം ബർത്ത്‌ഡേ കേക്ക്‌ കഴിക്കാൻ പറ്റിയി​ല്ലെന്നു വിചാ​രിച്ച്‌ യഹോ​വ​യു​ടെ സാക്ഷി​യാ​യി​രി​ക്കു​ന്ന​തിൽ ഒരു കുട്ടി​ക്കും വിഷമം തോന്ന​ണ​മെ​ന്നില്ല. പക്ഷേ, ഏതാനും വർഷങ്ങൾ കഴിയു​മ്പോൾ ലൈം​ഗി​ക​ത​യിൽ ഏർപ്പെ​ടാ​നുള്ള ആഗ്രഹം ശക്തമാ​കും. യഹോ​വ​യു​ടെ നിയമങ്ങൾ അനുസ​രി​ക്കു​ന്ന​താണ്‌ ഏറ്റവും നല്ലതെന്ന്‌ ആ പ്രായ​ത്തി​ലുള്ള കുട്ടി​കൾക്കു പൂർണ​ബോ​ധ്യ​മു​ണ്ടാ​യി​രി​ക്കണം.”

⁵ യുവജ​ന​ങ്ങ​ളായ നിങ്ങൾക്കു മാത്രമല്ല പരി​ശോ​ധ​ന​ക​ളു​ണ്ടാ​കു​ന്നത്‌. സ്‌നാ​ന​മേറ്റ മുതിർന്ന​വർക്കും വിശ്വാ​സ​ത്തി​ന്റെ അപ്രതീ​ക്ഷി​ത​മായ പരി​ശോ​ധ​ന​ക​ളു​ണ്ടാ​കും. രോഗ​ങ്ങ​ളും കുടും​ബ​ജീ​വി​ത​ത്തി​ലെ പ്രശ്‌ന​ങ്ങ​ളും തൊഴി​ലി​ല്ലാ​യ്‌മ​യും ഒക്കെ അതിൽ ഉൾപ്പെ​ട്ടേ​ക്കാം. അതു​കൊണ്ട്‌ ഏതു പ്രായ​ക്കാ​രാ​യാ​ലും നമ്മൾ ഓരോ​രു​ത്ത​രും പരി​ശോ​ധ​ന​ക​ളു​ണ്ടാ​കു​മ്പോൾ യഹോ​വ​യോ​ടു വിശ്വ​സ്‌ത​രാ​യി​രി​ക്കണം.​—യാക്കോ. 1:12-14.

 6. (എ) ഏത്‌ അർഥത്തി​ലാണ്‌ യഹോ​വ​യ്‌ക്കു നിങ്ങൾ നടത്തിയ സമർപ്പണം നിരു​പാ​ധി​ക​മാ​യി​രി​ക്കു​ന്നത്‌? (ബി) ഫിലി​പ്പി​യർ 4:11-13-ൽനിന്ന്‌ നിങ്ങൾക്ക്‌ എന്തു പഠിക്കാം?

⁶ യഹോ​വ​യ്‌ക്കു നിങ്ങൾ സ്വയം സമർപ്പി​ച്ചതു നിരു​പാ​ധി​ക​മാ​യി​ട്ടാണ്‌. അതായത്‌, എന്തൊക്കെ പരി​ശോ​ധ​ന​ക​ളു​ണ്ടാ​യാ​ലും യഹോ​വയെ സേവി​ക്കു​ന്ന​തിൽ തുടരു​മെന്നു പ്രപഞ്ച​ത്തി​ന്റെ പരമാ​ധി​കാ​രി​ക്കു നിങ്ങൾ വാക്കു കൊടു​ത്തു. കൂട്ടു​കാ​രോ മാതാ​പി​താ​ക്ക​ളോ യഹോ​വയെ സേവി​ക്കു​ന്നതു നിറു​ത്തി​യാൽപ്പോ​ലും നിങ്ങൾ യഹോ​വയെ സേവി​ക്കു​ന്നതു നിറു​ത്തില്ല എന്നാണു പറഞ്ഞത്‌. ഇക്കാര്യം ഓർക്കു​ന്നതു പരി​ശോ​ധ​ന​ക​ളു​ണ്ടാ​കു​മ്പോൾ വിശ്വ​സ്‌ത​രാ​യി നിൽക്കാൻ സഹായി​ക്കും. (സങ്കീ. 27:10) ഏതു സാഹച​ര്യ​ത്തി​ലും, സമർപ്പ​ണ​ത്തി​നു ചേർച്ച​യിൽ ജീവി​ക്കാ​നുള്ള കരുത്ത്‌ യഹോ​വ​യു​ടെ സഹായ​ത്താൽ നിങ്ങൾക്കു ലഭിക്കും.​—ഫിലി​പ്പി​യർ 4:11-13 വായി​ക്കുക.

 7. “ഭയത്തോ​ടും വിറയ​ലോ​ടും കൂടെ” സ്വന്തം രക്ഷയ്‌ക്കു​വേണ്ടി പരി​ശ്ര​മി​ച്ചു​കൊ​ണ്ടി​രി​ക്കുക എന്നു പറയു​ന്ന​തി​ന്റെ അർഥം എന്താണ്‌?

⁷ നിങ്ങൾ യഹോ​വ​യു​ടെ ഒരു സുഹൃ​ത്താ​യി​രി​ക്കാൻ യഹോവ ആഗ്രഹി​ക്കു​ന്നു. പക്ഷേ, ആ സൗഹൃദം നിലനി​റു​ത്തു​ന്ന​തി​നും രക്ഷ ഉറപ്പാ​ക്കു​ന്ന​തി​നും പ്രവർത്തി​ക്കു​ന്ന​തി​നും നിങ്ങൾ കഠിന​ശ്രമം ചെയ്യണം. ഫിലി​പ്പി​യർ 2:12 ഇങ്ങനെ പറയുന്നു: “ഭയത്തോ​ടും വിറയ​ലോ​ടും കൂടെ സ്വന്തം രക്ഷയ്‌ക്കു​വേണ്ടി പരി​ശ്ര​മി​ച്ചു​കൊ​ണ്ടി​രി​ക്കുക.” യഹോ​വ​യു​മാ​യുള്ള സൗഹൃദം നിലനി​റു​ത്തു​ന്ന​തി​നും പരി​ശോ​ധ​ന​ക​ളു​ണ്ടാ​യാ​ലും യഹോ​വ​യോ​ടു വിശ്വ​സ്‌ത​രാ​യി തുടരു​ന്ന​തി​നും നല്ല ശ്രമം നടത്തണ​മെ​ന്നാണ്‌ ആ വാക്കുകൾ സൂചി​പ്പി​ക്കു​ന്നത്‌. നമ്മുടെ വിശ്വ​സ്‌ത​ത​യ്‌ക്ക്‌ ഒരിക്ക​ലും ഒരു കോട്ട​വും തട്ടി​ല്ലെന്നു വിചാ​രി​ക്ക​രുത്‌. യഹോ​വയെ ദീർഘ​കാ​ലം സേവി​ച്ച​വർപോ​ലും പിന്നീട്‌ അവിശ്വ​സ്‌ത​രാ​യി​ത്തീർന്നി​ട്ടുണ്ട്‌. അങ്ങനെ​യെ​ങ്കിൽ നിങ്ങളു​ടെ രക്ഷയ്‌ക്കു​വേണ്ടി നിങ്ങൾക്ക്‌ എങ്ങനെ പരി​ശ്ര​മി​ക്കാൻ കഴിയും?

 8. വ്യക്തി​പ​ര​മായ പഠനത്തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌, അതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁸ യഹോ​വ​യു​ടെ സുഹൃ​ത്താ​കു​ന്ന​തിന്‌ ആശയവി​നി​മയം കൂടിയേ തീരൂ. നമ്മൾ യഹോവ പറയു​ന്നതു ശ്രദ്ധി​ക്കണം, യഹോ​വ​യോ​ടു സംസാ​രി​ക്കു​ക​യും വേണം. യഹോവ പറയു​ന്നതു ശ്രദ്ധി​ക്കാ​നുള്ള പ്രമു​ഖ​വി​ധം വ്യക്തി​പ​ര​മായ ബൈബിൾപ​ഠ​ന​മാണ്‌. അതിൽ ദൈവ​വ​ച​ന​വും ബൈബി​ള​ധി​ഷ്‌ഠി​ത​പ്ര​സി​ദ്ധീ​ക​ര​ണ​ങ്ങ​ളും വായി​ക്കു​ന്ന​തും ധ്യാനി​ക്കു​ന്ന​തും ഉൾപ്പെ​ടു​ന്നു. ബൈബിൾ പഠിക്കു​ന്നതു വെറുതേ കുറെ അറിവ്‌ നേടാൻവേണ്ടി മാത്ര​മാ​യി​രി​ക്ക​രുത്‌. പരീക്ഷ​യിൽ ജയിക്കാൻവേണ്ടി കുറെ കാര്യങ്ങൾ കാണാതെ പഠിക്കു​ന്ന​തു​പോ​ലെയല്ല ബൈബിൾ പഠി​ക്കേ​ണ്ടത്‌. പകരം അത്‌ ഒരു യാത്ര പോ​ലെ​യാണ്‌. യഹോ​വ​യു​ടെ വ്യക്തി​ത്വ​ത്തി​ന്റെ പുതിയ വശങ്ങൾ കണ്ടെത്താൻ ദൈവ​വ​ച​ന​ത്തി​ലൂ​ടെ യാത്ര ചെയ്യണം. അപ്പോൾ ദൈവ​ത്തോ​ടു കൂടുതൽ അടുക്കാൻ നിങ്ങൾക്കു കഴിയും. ദൈവം നിങ്ങ​ളോ​ടും കൂടുതൽ അടുക്കും.​—യാക്കോ. 4:8.

 9. വ്യക്തി​പ​ര​മാ​യി പഠിക്കാൻ നിങ്ങളെ സഹായി​ച്ചി​രി​ക്കുന്ന ഉപകര​ണങ്ങൾ ഏതൊ​ക്കെ​യാണ്‌?

⁹ നല്ലൊരു പഠനപ​രി​പാ​ടി​ക്കു​വേണ്ട ധാരാളം സഹായങ്ങൾ യഹോ​വ​യു​ടെ സംഘടന തന്നിട്ടുണ്ട്‌. അതി​ലൊ​ന്നാണ്‌ jw.org-ൽ “കൗമാ​ര​ക്കാർ” എന്നതിനു കീഴിൽ “ബൈബിൾപ​ഠനം രസകര​മാ​ക്കാം” എന്ന ഭാഗം. ബൈബിൾസം​ഭ​വ​ങ്ങ​ളിൽനി​ന്നുള്ള പാഠങ്ങൾ പഠിക്കാൻ അതു നിങ്ങളെ സഹായി​ക്കും. അതു​പോ​ലെ, നമ്മുടെ വെബ്‌​സൈ​റ്റി​ലെ “ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു?” പഠനസ​ഹാ​യി​കൾ ഉപയോ​ഗി​ക്കു​ന്നെ​ങ്കിൽ നിങ്ങൾ വിശ്വ​സി​ക്കുന്ന കാര്യ​ങ്ങ​ളി​ലുള്ള ബോധ്യം വർധി​ക്കും. ബൈബിൾപ​ഠനം രസകര​മാ​ക്കാ​നുള്ള മറ്റ്‌ ആശയങ്ങൾ 2009 ജൂലൈ ലക്കം ഉണരുക!-യിലെ “യുവജ​നങ്ങൾ ചോദി​ക്കു​ന്നു—ബൈബിൾവാ​യന രസകര​മാ​ക്കാൻ എങ്ങനെ കഴിയും?” എന്ന ലേഖന​ത്തിൽ കാണാം. സ്വന്തര​ക്ഷ​യ്‌ക്കു​വേണ്ടി പ്രവർത്തി​ക്കു​ന്ന​തിൽ പഠനത്തി​നും ധ്യാന​ത്തി​നും ഒരു സുപ്ര​ധാ​ന​പ​ങ്കുണ്ട്‌.​—സങ്കീർത്തനം 119:105 വായി​ക്കുക.

10. സ്‌നാ​ന​മേറ്റ ഒരു ക്രിസ്‌ത്യാ​നി പ്രാർഥി​ക്കേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁰ യഹോവ പറയുന്ന കാര്യങ്ങൾ കേൾക്കാ​വുന്ന ഒരു വിധം വ്യക്തി​പ​ര​മാ​യി പഠിക്കു​ന്ന​താ​ണെന്നു നമ്മൾ കണ്ടു. യഹോ​വ​യോ​ടു നമ്മൾ സംസാ​രി​ക്കു​ന്നതു പ്രാർഥ​ന​യി​ലൂ​ടെ​യാണ്‌. പ്രാർഥ​നയെ നിരർഥ​ക​മായ ഒരു ചടങ്ങാ​യി​ട്ടല്ല ക്രിസ്‌ത്യാ​നി​കൾ കാണേ​ണ്ടത്‌, അതു കാര്യ​സാ​ധ്യ​ത്തി​നു​വേണ്ടി നടത്തുന്ന ക്രിയ​ക​ളു​മല്ല. അതു നമ്മുടെ സ്രഷ്ടാ​വു​മാ​യുള്ള സംഭാ​ഷ​ണ​മാണ്‌. നിങ്ങൾ പറയു​ന്നതു കേൾക്കാൻ യഹോവ ആഗ്രഹി​ക്കു​ന്നു. (ഫിലി​പ്പി​യർ 4:6 വായി​ക്കുക.) എന്തെങ്കി​ലും ഉത്‌ക​ണ്‌ഠ​യു​ള്ള​പ്പോൾ “നിന്റെ ഭാരം യഹോ​വ​യു​ടെ മേൽ ഇടുക” എന്നാണു ബൈബിൾ പറഞ്ഞി​രി​ക്കു​ന്നത്‌. (സങ്കീ. 55:22) ലക്ഷക്കണ​ക്കി​നു സഹോ​ദ​രീ​സ​ഹോ​ദ​ര​ന്മാർ ആ വാക്കു​ക​ളു​ടെ സത്യത തിരി​ച്ച​റി​ഞ്ഞി​രി​ക്കു​ന്നു. ഉത്‌ക​ണ്‌ഠ​ക​ളു​ണ്ടാ​കു​മ്പോൾ പ്രാർഥി​ക്കു​ന്നതു നിങ്ങ​ളെ​യും സഹായി​ക്കും.

11. നിങ്ങൾ യഹോ​വ​യ്‌ക്ക്‌ എപ്പോ​ഴും നന്ദി പറയേ​ണ്ടത്‌ എന്തു​കൊണ്ട്‌?

¹¹ സഹായ​ത്തി​നു​വേ​ണ്ടി​യുള്ള അപേക്ഷകൾ മാത്ര​മാ​യി​രി​ക്ക​രുത്‌ പ്രാർഥന. ബൈബിൾ പറയുന്നു: “നിങ്ങൾ നന്ദിയു​ള്ള​വ​രാ​ണെന്നു കാണി​ക്കു​ക​യും വേണം.” (കൊലോ. 3:15) ചില​പ്പോൾ, നമ്മുടെ പ്രശ്‌ന​ങ്ങ​ളിൽ മാത്രം ശ്രദ്ധി​ച്ചിട്ട്‌, നമുക്കു ലഭിക്കുന്ന അനു​ഗ്ര​ഹങ്ങൾ കാണാ​തെ​പോ​യേ​ക്കാം. ദിവസ​വും യഹോ​വ​യോ​ടു നന്ദി പറയാ​നുള്ള മൂന്നു കാര്യ​ങ്ങ​ളെ​ക്കു​റി​ച്ചെ​ങ്കി​ലും ചിന്തി​ക്കാൻ നിങ്ങൾക്കു കഴിയു​മോ? പ്രാർഥി​ക്കു​മ്പോൾ ആ അനു​ഗ്ര​ഹ​ങ്ങൾക്ക്‌ യഹോ​വ​യോ​ടു നന്ദി പറയുക. 12 വയസ്സു​ള്ള​പ്പോൾ സ്‌നാ​ന​മേറ്റ അബീഗ​യിൽ എന്ന കൗമാ​ര​ക്കാ​രി പറയുന്നു: “ഈ പ്രപഞ്ച​ത്തിൽ മറ്റാ​രെ​ക്കാ​ളും നന്ദി അർഹി​ക്കു​ന്നത്‌ യഹോ​വ​യാണ്‌. യഹോവ തന്ന ദാനങ്ങൾക്ക്‌ എല്ലായ്‌പോ​ഴും നമ്മൾ നന്ദി നൽകേ​ണ്ട​തുണ്ട്‌. ഒരിക്കൽ ഞാൻ ഇങ്ങനെ​യൊ​രു രസകര​മായ കാര്യം കേട്ടു: ‘ഇന്ന്‌ യഹോ​വ​യ്‌ക്കു നന്ദി പറഞ്ഞ കാര്യങ്ങൾ മാത്ര​മാ​ണു നാളെ ഉണരു​മ്പോൾ നമുക്കു​ള്ള​തെ​ങ്കിൽ, നാളെ നമുക്ക്‌ എന്തൊക്കെ കാണും?’”a

12, 13. നിങ്ങൾ യഹോ​വ​യു​ടെ നന്മ രുചി​ച്ച​റിഞ്ഞ വിധങ്ങ​ളെ​ക്കു​റിച്ച്‌ ചിന്തി​ക്കേ​ണ്ടത്‌ എന്തു​കൊണ്ട്‌?

¹² തീവ്ര​മായ പരി​ശോ​ധ​ന​ക​ളി​ലൂ​ടെ കടന്നു​പോ​യ​പ്പോ​ഴെ​ല്ലാം സഹിച്ചു​നിൽക്കാൻ യഹോവ ദാവീദ്‌ രാജാ​വി​നെ സഹായി​ച്ചു. സ്വന്തം അനുഭ​വ​ത്തിൽനിന്ന്‌ ദാവീ​ദിന്‌ ഇങ്ങനെ പാടാൻ കഴിഞ്ഞു: “യഹോവ നല്ലവ​നെന്നു രുചി​ച്ച​റി​യൂ! ദൈവ​ത്തിൽ അഭയം തേടുന്ന മനുഷ്യൻ സന്തുഷ്ടൻ.” (സങ്കീ. 34:8) ഈ വാക്യം യഹോ​വ​യു​ടെ സഹായം സ്വയം അനുഭ​വി​ച്ച​റി​യു​ന്ന​തി​ന്റെ മൂല്യം വ്യക്തമാ​ക്കു​ന്നു. വിശ്വ​സ്‌ത​രാ​യി നിൽക്കാൻ ദൈവം മറ്റുള്ള​വരെ സഹായി​ച്ച​തി​ന്റെ പ്രോ​ത്സാ​ഹനം പകരുന്ന അനുഭ​വങ്ങൾ ബൈബി​ളി​ലൂ​ടെ​യും പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും മീറ്റി​ങ്ങു​ക​ളി​ലൂ​ടെ​യും നമ്മൾ കേൾക്കാ​റുണ്ട്‌. പക്ഷേ, യഹോ​വ​യു​മാ​യുള്ള ബന്ധം ശക്തമാ​കു​ന്ന​തിന്‌ അതു മാത്രം മതിയോ? പോരാ. യഹോ​വ​യു​ടെ കൈ നിങ്ങളു​ടെ സ്വന്തം ജീവി​ത​ത്തിൽ പ്രവർത്തി​ക്കു​ന്നതു നിങ്ങൾ അനുഭ​വി​ച്ച​റി​യണം. നിങ്ങൾ എങ്ങനെ​യാണ്‌ യഹോ​വ​യു​ടെ നന്മ വ്യക്തി​പ​ര​മാ​യി രുചി​ച്ച​റി​ഞ്ഞി​രി​ക്കു​ന്നത്‌?

¹³ ഓരോ ക്രിസ്‌ത്യാ​നി​യും യഹോ​വ​യു​ടെ നന്മ രുചി​ച്ച​റി​ഞ്ഞി​രി​ക്കുന്ന ഒരു പ്രത്യേ​ക​വി​ധ​മുണ്ട്‌. ദൈവ​ത്തോ​ടും പുത്ര​നോ​ടും അടുക്കാ​നുള്ള ക്ഷണം ലഭിച്ച​താണ്‌ അത്‌. യേശു പറഞ്ഞു: “എന്നെ അയച്ച പിതാവ്‌ ആകർഷി​ക്കാ​തെ ഒരു മനുഷ്യ​നും എന്റെ അടുത്ത്‌ വരാൻ കഴിയില്ല.” (യോഹ. 6:44) നിങ്ങളെ യഹോവ ആകർഷി​ച്ചി​രി​ക്കു​ന്ന​താ​യി നിങ്ങൾക്കു തോന്നു​ന്നു​ണ്ടോ? ഒരു യുവവ്യ​ക്തി ഇങ്ങനെ ചിന്തി​ച്ചേ​ക്കാം: ‘യഹോവ എന്റെ മാതാ​പി​താ​ക്കളെ ആകർഷി​ച്ചു. അവർ പോയ വഴിയേ ഞാനും പോ​യെന്നേ ഉള്ളൂ.’ പക്ഷേ, യഹോ​വ​യ്‌ക്കു സമർപ്പി​ക്കു​ക​യും സ്‌നാ​ന​പ്പെ​ടു​ക​യും ചെയ്‌ത​തി​ലൂ​ടെ നിങ്ങൾ യഹോ​വ​യു​മാ​യി ഒരു വ്യക്തി​പ​ര​മായ ബന്ധത്തി​ലേക്കു വന്നതാ​ണെന്ന കാര്യം മറക്കരുത്‌. അതോടെ നിങ്ങൾ ‘ദൈവം അറിയുന്ന’ ഒരാളാ​യി​ത്തീർന്നു. ബൈബിൾ ഈ ഉറപ്പു തരുന്നു: “ഒരാൾ ദൈവത്തെ സ്‌നേ​ഹി​ക്കു​ന്നെ​ങ്കിൽ ദൈവം അയാളെ അറിയു​ന്നു.” (1 കൊരി. 8:3) അതു​കൊണ്ട്‌ യഹോ​വ​യു​ടെ സംഘട​ന​യിൽ നിങ്ങൾക്കുള്ള സ്ഥാനം എല്ലായ്‌പോ​ഴും നിധി​പോ​ലെ കാത്തു​സൂ​ക്ഷി​ക്കുക.

14, 15. വിശ്വാ​സം ശക്തമാ​ക്കാൻ ശുശ്രൂഷ നിങ്ങളെ എങ്ങനെ സഹായി​ക്കും?

¹⁴ നിങ്ങളു​ടെ വിശ്വാ​സ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു പറയു​മ്പോൾ നിങ്ങൾക്ക്‌ യഹോ​വ​യു​ടെ പിന്തുണ അനുഭ​വി​ച്ച​റി​യാ​നാ​കും. യഹോവയെ രുചി​ച്ച​റി​യാ​നുള്ള മറ്റൊരു വിധമാണ്‌ അത്‌. അതിനുള്ള നല്ല അവസരങ്ങൾ ശുശ്രൂ​ഷ​യി​ലും സ്‌കൂ​ളി​ലും ലഭിക്കും. സ്‌കൂ​ളിൽ കൂട്ടു​കാ​രോ​ടു സത്യ​ത്തെ​ക്കു​റിച്ച്‌ സംസാ​രി​ക്കാൻ നിങ്ങളിൽ പലർക്കും അല്‌പം ബുദ്ധി​മു​ട്ടാ​യി​രി​ക്കും, ഒരു കൂട്ട​ത്തോ​ടാ​ണെ​ങ്കിൽ പ്രത്യേ​കി​ച്ചും. കൂട്ടു​കാർ എങ്ങനെ പ്രതി​ക​രി​ക്കു​മെ​ന്ന​താ​യി​രി​ക്കാം നിങ്ങളു​ടെ ഉത്‌കണ്‌ഠ. നിങ്ങളെ എന്തു സഹായി​ക്കും?

¹⁵ ആദ്യം​തന്നെ നിങ്ങളു​ടെ വിശ്വാ​സങ്ങൾ ശരിയാ​ണെന്നു നിങ്ങൾക്ക്‌ ഉറപ്പു​ള്ളത്‌ എന്തു​കൊ​ണ്ടെന്നു ചിന്തി​ക്കുക. jw.org-ലുള്ള പഠനസ​ഹാ​യി​കൾ നിങ്ങളു​ടെ ഭാഷയിൽ ലഭ്യമാ​ണോ? എങ്കിൽ അതു നന്നായി ഉപയോ​ഗി​ക്കുക. നിങ്ങൾ എന്താണു വിശ്വ​സി​ക്കു​ന്ന​തെ​ന്നും എന്തു​കൊ​ണ്ടാണ്‌ അതു വിശ്വ​സി​ക്കു​ന്ന​തെ​ന്നും നിങ്ങളു​ടെ വിശ്വാ​സങ്ങൾ എങ്ങനെ മറ്റുള്ള​വർക്കു വിശദീ​ക​രി​ച്ചു​കൊ​ടു​ക്കാ​മെ​ന്നും ചിന്തി​ക്കാൻ സഹായി​ക്കുന്ന രീതി​യി​ലാണ്‌ അവ തയ്യാറാ​ക്കി​യി​രി​ക്കു​ന്നത്‌. വിശ്വാ​സ​ങ്ങ​ളെ​ക്കു​റിച്ച്‌ നിങ്ങൾക്കു ശക്തമായ ബോധ്യ​മു​ണ്ടാ​യി​രി​ക്കു​ക​യും നന്നായി തയ്യാറാ​കു​ക​യും ചെയ്യു​ന്നെ​ങ്കിൽ യഹോ​വ​യു​ടെ നാമത്തിന്‌ സാക്ഷ്യം കൊടു​ക്കാൻ നിങ്ങൾക്കു സ്വാഭാ​വി​ക​മാ​യും തോന്നും.—യിരെ. 20:8, 9.

16. നിങ്ങളു​ടെ വിശ്വാ​സ​ങ്ങ​ളെ​ക്കു​റിച്ച്‌ സംസാ​രി​ക്കാ​നുള്ള മടി എങ്ങനെ മറിക​ട​ക്കാം?

¹⁶ എന്നാൽ നന്നായി തയ്യാറാ​യി​ട്ടു​ണ്ടെ​ങ്കി​ലും ചില​പ്പോൾ സംസാ​രി​ക്കാൻ മടി തോന്നി​യേ​ക്കാം. 13 വയസ്സു​ള്ള​പ്പോൾ സ്‌നാ​ന​മേറ്റ 18-കാരി​യായ ഒരു സഹോ​ദരി ഇങ്ങനെ പറയുന്നു: “എന്റെ വിശ്വാ​സ​ങ്ങ​ളെ​ക്കു​റിച്ച്‌ എനിക്കു നന്നായി അറിയാം. പക്ഷേ അതു പറഞ്ഞ്‌ ഫലിപ്പി​ക്കാ​നാ​ണു ബുദ്ധി​മുട്ട്‌.” ഈ പ്രശ്‌നത്തെ സഹോ​ദരി എങ്ങനെ​യാ​ണു മറിക​ട​ന്നത്‌? അവൾ പറയുന്നു: “എന്റെ കൂട്ടു​കാർ അവർ ചെയ്യുന്ന കാര്യ​ങ്ങ​ളെ​ക്കു​റിച്ച്‌ ഒരു മടിയും കൂടാതെ എല്ലാം തുറന്നു​പ​റ​യാ​റുണ്ട്‌. ഞാനും അതു​പോ​ലെ ചെയ്‌താൽ മതിയ​ല്ലോ. എന്റെ വിശേ​ഷ​ങ്ങ​ളൊ​ക്കെ പറയു​ന്ന​തി​ന്റെ കൂട്ടത്തിൽ സാധാ​ര​ണ​പോ​ലെ ഇങ്ങനെ എന്തെങ്കി​ലും പറയും, ‘കഴിഞ്ഞ ദിവസം ഞാൻ ബൈബിൾ പഠിപ്പിച്ചുകൊണ്ടിരുന്നപ്പോൾ . . . ’ ആ സമയത്ത്‌ നേരിട്ട്‌ ബൈബിൾവി​ഷ​യ​ങ്ങളല്ല പറയു​ന്ന​തെ​ങ്കി​ലും ഞാൻ ബൈബി​ളിൽനിന്ന്‌ എന്താണു പഠിപ്പി​ക്കു​ന്ന​തെന്ന്‌ അറിയാൻ കൂട്ടു​കാർക്ക്‌ ആകാംക്ഷ തോന്നും. ചില​പ്പോൾ അവർ എന്നോടു ചോദ്യ​ങ്ങൾ ചോദി​ക്കും. പല പ്രാവ​ശ്യം ഉപയോ​ഗിച്ച്‌ ഈ രീതി എനിക്ക്‌ ഇപ്പോൾ നല്ല വശമായി. കൂട്ടു​കാ​രോ​ടു സംസാ​രി​ച്ചു​ക​ഴി​യു​മ്പോൾ എനിക്കു ഒരുപാട്‌ സന്തോഷം തോന്നും.”

17. നിങ്ങളു​ടെ വിശ്വാ​സ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു സംസാ​രി​ക്കാൻ സഹായി​ക്കുന്ന മറ്റൊരു കാര്യം എന്താണ്‌?

¹⁷ മറ്റുള്ള​വരെ മാനി​ക്കു​ക​യും അവരോട്‌ ആത്മാർഥ​മായ താത്‌പ​ര്യം കാണി​ക്കു​ക​യും ചെയ്യു​ന്നെ​ങ്കിൽ അവർ തിരി​ച്ചും അങ്ങനെ​തന്നെ ചെയ്‌തേ​ക്കാം. കുട്ടി​യാ​യി​രു​ന്ന​പ്പോൾ സ്‌നാ​ന​മേറ്റ 17-കാരി​യായ ഒലീവിയ ഇങ്ങനെ പറഞ്ഞു: “സംസാ​രി​ക്കു​ന്ന​തി​നി​ടെ ബൈബി​ളി​നെ​ക്കു​റിച്ച്‌ ഞാൻ എന്തെങ്കി​ലും പറഞ്ഞാൽ ആളുകൾ എന്നെ ഒരു മതഭ്രാ​ന്തി​യാ​യി കാണു​മോ എന്ന്‌ എനിക്കു പേടി​യു​ണ്ടാ​യി​രു​ന്നു.” ഉത്‌ക​ണ്‌ഠ​പ്പെ​ടു​ത്തുന്ന ഇത്തരം കാര്യ​ങ്ങ​ളെ​ക്കു​റി​ച്ചാ​യി​രു​ന്നു ഒലീവിയ എപ്പോ​ഴും ചിന്തി​ച്ചു​കൊ​ണ്ടി​രു​ന്നത്‌. പക്ഷേ, പിന്നീട്‌ ഒലീവിയ മാറി​ചി​ന്തി​ക്കാൻ തുടങ്ങി. അവൾ പറയുന്നു: “മിക്ക കുട്ടി​കൾക്കും യഹോ​വ​യു​ടെ സാക്ഷി​ക​ളെ​ക്കു​റിച്ച്‌ ഒന്നും​തന്നെ അറിയില്ല. സാക്ഷി​ക​ളാ​യി നമ്മളെ മാത്രമേ അവർക്കു പരിചയം കാണൂ. നമ്മൾ ഇടപെ​ടുന്ന വിധമ​നു​സ​രി​ച്ചാ​യി​രി​ക്കും അവർ പ്രതി​ക​രി​ക്കു​ന്നത്‌. നമ്മുടെ വിശ്വാ​സ​ങ്ങ​ളെ​ക്കു​റിച്ച്‌ സംസാ​രി​ക്കാൻ നമുക്കു നാണ​ക്കേ​ടോ മടിയോ, ഇനി സംസാ​രി​ച്ചു​തു​ട​ങ്ങു​മ്പോൾ പരുങ്ങ​ലോ ഉണ്ടെന്ന്‌ അവർക്കു തോന്നി​യാൽ എന്തു സംഭവി​ക്കും? യഹോ​വ​യു​ടെ സാക്ഷി​യാ​യി​രി​ക്കു​ന്ന​തിൽ നമുക്കു കുറച്ചിൽ തോന്നു​ന്നു​ണ്ടെന്ന്‌ അവർ കരുതി​യേ​ക്കാം. ആത്മവി​ശ്വാ​സ​മി​ല്ലാ​തെ ഇടപെ​ടു​ന്ന​തു​കൊണ്ട്‌ അവർ മര്യാ​ദ​യി​ല്ലാ​തെ നമ്മളോട്‌ പ്രതി​ക​രി​ക്കാ​നും സാധ്യ​ത​യുണ്ട്‌. എന്നാൽ സാധാ​ര​ണ​കാ​ര്യ​ങ്ങൾ എങ്ങനെ സംസാ​രി​ക്കു​മോ അതു​പോ​ലെ നമ്മുടെ വിശ്വാ​സ​ങ്ങ​ളെ​ക്കു​റിച്ച്‌ സംസാ​രി​ക്കുക. ബോധ്യ​ത്തോ​ടെ, പിരി​മു​റു​ക്ക​മി​ല്ലാ​തെ സംസാ​രി​ക്കു​മ്പോൾ അവർ നമ്മളെ ബഹുമാ​നി​ക്കാ​നുള്ള സാധ്യത കൂടു​ത​ലാണ്‌.”

18. സ്വന്തം രക്ഷയ്‌ക്കു​വേണ്ടി പരി​ശ്ര​മി​ക്കു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

¹⁸ സ്വന്തം രക്ഷയ്‌ക്കു​വേണ്ടി പരി​ശ്ര​മി​ച്ചു​കൊ​ണ്ടി​രി​ക്കു​ന്നത്‌ ഗൗരവ​മുള്ള ഒരു ഉത്തരവാ​ദി​ത്വ​മാ​ണെന്നു നമ്മൾ കണ്ടു. ദൈവ​വ​ചനം വായി​ക്കു​ക​യും ധ്യാനി​ക്കു​ക​യും ചെയ്യു​ന്ന​തും യഹോ​വ​യോ​ടു പ്രാർഥി​ക്കു​ന്ന​തും യഹോവ നിങ്ങളെ വ്യക്തി​പ​ര​മാ​യി സഹായി​ച്ച​തി​നെ​ക്കു​റിച്ച്‌ ചിന്തി​ക്കു​ന്ന​തും ‘പരി​ശ്ര​മി​ക്കു​ന്ന​തിൽ’ ഉൾപ്പെ​ടു​ന്നു. ഇക്കാര്യ​ങ്ങ​ളെ​ല്ലാം ചെയ്യാൻ നിങ്ങൾ ആത്മാർഥ​മാ​യി ശ്രമി​ക്കു​മ്പോൾ യഹോവ നിങ്ങളു​ടെ സുഹൃ​ത്താ​ണെന്ന കാര്യം നിങ്ങൾക്കു കൂടുതൽ വ്യക്തമാ​കും. അപ്പോൾ നിങ്ങളു​ടെ വിശ്വാ​സ​ങ്ങ​ളെ​ക്കു​റിച്ച്‌ സംസാ​രി​ക്കാൻ നിങ്ങൾ പ്രചോ​ദി​ത​രാ​കും.​—സങ്കീർത്തനം 73:28 വായി​ക്കുക.

19. സ്വന്തം രക്ഷയ്‌ക്കു​വേണ്ടി പരി​ശ്ര​മി​ക്കു​ന്നത്‌ മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹⁹ യേശു പറഞ്ഞു: “എന്റെ അനുഗാ​മി​യാ​കാൻ ആഗ്രഹി​ക്കു​ന്നവൻ സ്വയം ത്യജിച്ച്‌ തന്റെ ദണ്ഡനസ്‌തം​ഭം എടുത്ത്‌ എന്നെ അനുഗ​മി​ക്കട്ടെ.” (മത്താ. 16:24) യേശു​വി​നെ അനുഗ​മി​ക്ക​ണ​മെ​ങ്കിൽ ഓരോ ക്രിസ്‌ത്യാ​നി​യും യഹോ​വ​യ്‌ക്കു സമർപ്പി​ക്കു​ക​യും സ്‌നാ​ന​പ്പെ​ടു​ക​യും വേണം. പക്ഷേ, അത്‌ ശ്രേഷ്‌ഠ​മായ ഒരു ജീവി​ത​ത്തി​ന്റെ തുടക്കം മാത്ര​മാണ്‌. അത്‌ ഇപ്പോൾത്തന്നെ എണ്ണമറ്റ അനു​ഗ്ര​ഹ​ങ്ങ​ളി​ലേക്കു നയിക്കും. ഭാവി​യിൽ ദൈവ​ത്തി​ന്റെ പുതിയ ലോക​ത്തിൽ നിത്യ​ജീ​വ​നും നേടി​ത്ത​രും. അതു​കൊണ്ട്‌ നമുക്കു സ്വന്തം രക്ഷയ്‌ക്കു​വേണ്ടി പരി​ശ്ര​മി​ക്കു​ന്ന​തിൽ തുടരാം!