“ഉപ്പിനാൽ രുചി​വ​രു​ത്തിയ” ബുദ്ധി​യു​പ​ദേ​ശം

“ഓരോ​രു​ത്ത​നും നിങ്ങൾ എങ്ങനെ ഒരു ഉത്തരം കൊടു​ക്കേ​ണ്ട​താ​ണെ​ന്ന​റി​ഞ്ഞി​രി​ക്കേ​ണ്ട​തിന്‌ നിങ്ങളു​ടെ മൊഴി എല്ലായ്‌പ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തു​മാ​യി​രി​ക്കട്ടെ.”—കൊ​ലോ​സ്യർ 4:6.

1, 2. വിശേ​ഷാൽ ക്രിസ്‌തീയ ബുദ്ധി​യു​പ​ദേശം “ഉപ്പിനാൽ രുചി​വ​രു​ത്തി​യത്‌” ആയിരി​ക്കേ​ണ്ടത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

ചരി​ത്ര​ത്തി​ലു​ട​നീ​ളം ഉപ്പ്‌ ഭക്ഷ്യപാ​ച​ക​ത്തിൽ ഒരു വിശിഷ്ട പങ്കുവ​ഹി​ച്ചി​ട്ടുണ്ട്‌. അത്‌ ഒരു സംരക്ഷ​ക​വ​സ്‌തു​വും സ്വാദു വർദ്ധി​പ്പി​ക്കുന്ന ഘടകവു​മാ​കു​ന്നു. തന്നിമി​ത്തം ഉപ്പില്ലാത്ത അനേകം ഭോജ്യ​ങ്ങൾ നിർവീ​ര്യ​വും രുചി​യി​ല്ലാ​ത്ത​തു​മാ​യി വീക്ഷി​ക്ക​പ്പെ​ടു​ന്നു. അതു​കൊണ്ട്‌ ക്രിസ്‌ത്യാ​നി​ക​ളു​ടെ മൊഴി​കൾ “ഉപ്പിനാൽ രുചി വരുത്തിയ”തായി​രി​ക്ക​ണ​മെന്ന്‌ പൗലോസ്‌ എഴുതി​യ​പ്പോൾ നമ്മുടെ സംസാരം പരിപു​ഷ്ടി​പ്പെ​ടു​ത്തു​ന്ന​തും സ്വീകാ​ര്യ​വും ആകർഷ​ണീ​യ​വു​മാ​യി​രി​ക്ക​ണ​മെന്ന്‌ അവൻ പറയു​ക​യാ​യി​രു​ന്നു. (കൊ​ലോ​സ്യർ 4:6) ബുദ്ധി​യു​പ​ദേശം കൊടു​ക്കു​മ്പോൾ ഇതു വിശേ​ഷാൽ സത്യമാണ്‌. എന്തു​കൊണ്ട്‌?

² ബുദ്ധി​യു​പ​ദേ​ശ​ത്തി​ന്റെ ഉദ്ദേശ്യം കേവലം വിവരങ്ങൾ പങ്കു​വെ​ക്കു​കയല്ല. പലപ്പോ​ഴും ബുദ്ധി​യു​പ​ദേ​ശി​ക്ക​പ്പെ​ടു​ന്ന​യാ​ളി​ന്റെ സാഹച​ര്യ​ത്തി​നു ബാധക​മാ​കുന്ന ബൈബിൾ തത്വങ്ങ​ളിൽ ചിലത്‌ അയാൾക്ക്‌ അപ്പോൾത്തന്നെ അറിയാം, എന്നാൽ അവ ബാധക​മാ​ക്കു​ന്ന​തി​ലോ അവയുടെ പ്രാധാ​ന്യം കാണു​ന്ന​തി​ലോ അയാൾക്ക്‌ പ്രയാ​സ​മുണ്ട്‌. തന്നിമി​ത്തം, ക്രിസ്‌തീയ ബുദ്ധി​യു​പ​ദേ​ശി​ക്ക​ലി​ന്റെ യഥാർത്ഥ വെല്ലു​വി​ളി ഒരാളു​ടെ ചിന്തയെ മാററു​ന്ന​തി​ലാണ്‌. (ഗലാത്യർ 6:1; എഫേസ്യർ 4:11, 12) അങ്ങനെ ഉപ്പിന്റെ ആവശ്യം ഉളവാ​കു​ന്നു.

3. യഹോവ ക്രിസ്‌തീയ ഉപദേ​ശ​കർക്ക്‌ എന്തു സഹായം നൽകി​യി​ട്ടുണ്ട്‌?

³ സത്യത്തിൽ ബുദ്ധി​യു​പ​ദേ​ശി​ക്കൽ ഒരു വെല്ലു​വി​ളി​യാണ്‌. അതിനെ നേരി​ടു​ന്ന​തിന്‌ ഉപദേ​ശ​കന്‌ അറിവും വകതി​രി​വും ആവശ്യ​മാണ്‌. (സദൃശ​വാ​ക്യ​ങ്ങൾ 2:1, 2, 9; 2 തിമൊ​ഥെ​യോസ്‌ 4:2) യഹോവ ബൈബിൾ നൽകി​യി​രി​ക്കു​ന്നതു സന്തോ​ഷ​ക​രം​തന്നെ, അതിൽ ആവശ്യ​മായ അറിവു മാത്രമല്ല, വകതി​രി​വു​മു​ണ്ടാ​യി​രുന്ന ദൈവ​പു​രു​ഷൻമാർ കൊടുത്ത ബുദ്ധി​യു​പ​ദേ​ശ​ത്തി​ന്റെ അനേകം ദൃഷ്ടാ​ന്ത​ങ്ങ​ളും അടങ്ങി​യി​രി​ക്കു​ന്നു. ഇവയിൽ ചിലത്‌ പരി​ശോ​ധി​ക്കു​ന്നത്‌ കൂടുതൽ ഫലപ്ര​ദ​രായ ഉപദേ​ശ​ക​രാ​യി​രി​ക്കാൻ നമ്മെ സഹായി​ക്കും.

“വിശിഷ്ട ഉപദേ​ശ​കനെ” പരിഗ​ണി​ക്കു​ക

4. സഭക്ക്‌ ബുദ്ധി​യു​പ​ദേശം കൊടു​ക്കു​ന്ന​തിൽ ഒരു ക്രിസ്‌തീയ മൂപ്പന്‌ യേശു​ക്രി​സ്‌തു​വി​നെ അനുക​രി​ക്കാൻ കഴിയു​ന്ന​തെ​ങ്ങനെ?

⁴ ദൃഷ്ടാ​ന്ത​മാ​യി, “വിശിഷ്ട ഉപദേശക”നായ യേശു​വി​നെ പരിഗ​ണി​ക്കുക. (യെശയ്യാവ്‌ 9:6) ഒന്നാം നൂററാ​ണ്ടി​ന്റെ ഒടുവിൽ യേശു ആസ്യ പ്രവി​ശ്യ​യി​ലെ ഏഴു സഭകൾക്ക്‌ ബുദ്ധി​യു​പ​ദേശ ലേഖനങ്ങൾ അയപ്പിച്ചു. ഈ ലേഖനങ്ങൾ തങ്ങളുടെ സഭകൾക്കു ബുദ്ധി​യു​പ​ദേശം കൊടു​ക്കേണ്ട ആവശ്യ​മു​ണ്ടാ​യി​രി​ക്കാ​വുന്ന മൂപ്പൻമാർക്ക്‌ ഒരു നല്ല മാതൃ​ക​യാണ്‌—വ്യക്തി​കളെ ബുദ്ധി​യു​പ​ദേ​ശി​ക്കു​മ്പോ​ഴും ഈ തത്വങ്ങൾ തുല്യ​മാ​യി ബാധക​മാ​കു​ന്നു. യേശു ചർച്ച ചെയ്‌ത പ്രശ്‌നങ്ങൾ ഗൗരവ​മു​ള്ള​വ​യാ​യി​രു​ന്നു: വിശ്വാ​സ​ത്യാ​ഗം, ഒരു ഈസബേൽ സ്വാധീ​നം, ശീതോ​ഷ്‌ണ​നില, ഭൗതി​ക​ത്വം എന്നിവ​യും മററു​ള്ള​വ​യും. (വെളി​പ്പാട്‌ 2:4, 14, 15, 20-23; 3:1, 14-18) അതു​കൊണ്ട്‌ യേശു ഈ പ്രശ്‌ന​ങ്ങളെ സ്വത​ന്ത്ര​മാ​യി തുറന്നു ചർച്ച ചെയ്‌തു. യഥാ​ക്ര​മ​സ​ഭ​ക​ളോട്‌ അവൻ പറയാ​നാ​ഗ്ര​ഹിച്ച കാര്യങ്ങൾ സംബന്ധിച്ച്‌ സംശയ​മി​ല്ലാ​യി​രു​ന്നു. ഇന്ന്‌, ക്രിസ്‌തീയ മൂപ്പൻമാർ തങ്ങളുടെ ബുദ്ധി​യു​പ​ദേശം കൊടു​ക്കു​മ്പോൾ യേശു​വി​നെ അനുക​രി​ച്ചു​കൊണ്ട്‌ തങ്ങളുടെ ബുദ്ധി​യു​പ​ദേ​ശ​ത്തിന്‌ താഴ്‌മ​യാ​ലും ദയയാ​ലും “ഉപ്പു” ചേർക്കേ​ണ്ട​താണ്‌. (ഫിലി​പ്യർ 2:3-8; മത്തായി 11:29) മറിച്ച്‌, യേശു​വി​നെ അനുക​രി​ച്ചു​കൊ​ണ്ടു​തന്നെ അവർ തുറന്നു സംസാ​രി​ക്കണം. സഭയ്‌ക്കു ആശയം നഷ്ടപ്പെ​ടാ​തി​രി​ക്കേ​ണ്ട​തിന്‌ ബുദ്ധി​യു​പ​ദേശം അവ്യക്ത​വും വളരെ സാമാ​ന്യ​മായ വിവര​ങ്ങ​ളും ആയിരി​ക്ക​രുത്‌.

5, 6. ഏഴു സഭകൾക്കുള്ള യേശു​വി​ന്റെ സന്ദേശ​ങ്ങ​ളിൽ നിന്ന്‌ കൂടു​ത​ലായ എന്തു പാഠങ്ങൾ ഒരു ക്രിസ്‌ത്യാ​നിക്ക്‌ പഠിക്കാൻ കഴിയും?

⁵ സാദ്ധ്യ​മാ​കു​ന്ന​ട​ത്തെ​ല്ലാം യേശു ആരംഭ​ത്തിൽ സഭകളെ ശക്തമായി അനു​മോ​ദി​ക്കു​ക​യും തന്റെ ബുദ്ധി​യു​പ​ദേ​ശത്തെ പരിപു​ഷ്ടി​പ്പെ​ടു​ത്തുന്ന പ്രോ​ത്സാ​ഹ​ന​ത്താൽ ഉപസം​ഹ​രി​ക്കു​ക​യും ചെയ്‌തു​വെ​ന്നും ശ്രദ്ധി​ക്കുക. (വെളി​പ്പാട്‌ 2:2, 3, 7; 3:4, 5) ക്രിസ്‌തീയ ഉപദേ​ശ​ക​രും തങ്ങളുടെ ഉപദേ​ശ​ത്തിന്‌ അനു​മോ​ദ​ന​ത്താ​ലും പ്രോ​ത്സാ​ഹ​ന​ത്താ​ലും രുചി​വ​രു​ത്തണം. അനുഭവ സമ്പന്നനായ ഒരു മൂപ്പൻ പ്രസ്‌താ​വി​ച്ച​തു​പോ​ലെ, “യഥാർത്ഥ​ത്തിൽ, നിങ്ങൾ സഹോ​ദ​രൻമാ​രെ ശാസി​ക്കു​ക​മാ​ത്രം ചെയ്യു​ന്ന​തു​കൊണ്ട്‌ അധിക​മൊ​ന്നും നേടു​ന്നില്ല.” ശക്തമായ ബുദ്ധി​യു​പ​ദേശം കൊടു​ക്കു​മ്പോൾ, മൂപ്പൻമാർ സഹോ​ദ​രൻമാ​രു​ടെ ആത്മവി​ശ്വാ​സം കെടു​ത്താ​തെ ഭാവി​യിൽ മെച്ചമാ​യി പ്രവർത്തി​ക്കാൻ ബലിഷ്‌ഠ​രും തീരു​മാ​ന​മെ​ടു​ത്ത​വ​രു​മാ​യി വിടേ​ണ്ട​താണ്‌.—2 കൊരി​ന്ത്യർ—1:1-4 താരത​മ്യ​പ്പെ​ടു​ത്തുക.

⁶ ഒടുവിൽ, സ്‌മർന്ന​യി​ലെ​യും ഫിലദൽഫി​യാ​യി​ലെ​യും സഭകൾക്കുള്ള യേശു​വി​ന്റെ സന്ദേശ​ങ്ങളെ സംബന്ധി​ച്ചെന്ത്‌? ഈ സഹോ​ദ​ര​ങ്ങളെ അവൻ വിമർശി​ച്ചില്ല. എന്നാൽ അവർ ഗൗരവാ​വ​ഹ​മായ പരി​ശോ​ധ​ന​കൾക്കു വിധേ​യ​രാ​യി​രു​ന്ന​തു​കൊണ്ട്‌, തുടർന്നു സഹിച്ചു നിൽക്കാൻ അവൻ അവരെ പ്രോ​ത്സാ​ഹി​പ്പി​ച്ചു. (വെളി​പ്പാട്‌ 2:8-11; 3:7-13) തിരുത്തൽ ആവശ്യ​മാ​യി​രി​ക്കു​മ്പോൾ ക്രിസ്‌തീയ മേൽവി​ചാ​ര​കൻമാ​രും ബുദ്ധി​യു​പ​ദേശം കൊടു​ക്കുക മാത്രമല്ല, സഹോ​ദ​രൻമാ​രു​ടെ നല്ല പ്രവൃ​ത്തി​കൾക്ക്‌ അനു​മോ​ദി​ക്കാ​നും സഹിച്ചു​നിൽക്കാൻ പ്രോ​ത്സാ​ഹി​പ്പി​ക്കാ​നും എല്ലായ്‌പ്പോ​ഴും ജാഗ്രത പുലർത്തു​ക​യും വേണം.—റോമർ 12:12.

ദൃഷ്ടാ​ന്തങ്ങൾ ഉപയോ​ഗി​ക്കു​ക

7, 8. (എ) തന്റെ അനുഗാ​മി​കൾക്കുള്ള യേശു​വി​ന്റെ ബുദ്ധി​യു​പ​ദേശം “ഉപ്പിനാൽ രുചി​വ​രു​ത്തിയ”തായി​രു​ന്ന​തെ​ങ്ങനെ? (ബി) നാം ബുദ്ധി​യു​പ​ദേശം കൊടു​ക്കു​മ്പോൾ ദൃഷ്ടാ​ന്തങ്ങൾ വില​പ്പെ​ട്ട​താ​യി​രി​ക്കു​ന്ന​തെ​ന്തു​കൊണ്ട്‌?

⁷ സ്വർഗ്ഗ​രാ​ജ്യ​ത്തിൽ ഒന്നാമ​നാ​കാൻ പോകു​ന്ന​താ​രാ​ണെ​ന്നു​ള്ള​തിൽ തന്റെ ശിഷ്യൻമാർ ഉൽക്കണ്‌ഠ​പ്പെ​ട്ട​പ്പോ​ഴാണ്‌ യേശു അവർക്ക്‌ മറെറാ​രു അവസര​ത്തിൽ ബുദ്ധി​യു​പ​ദേശം കൊടു​ത്തത്‌. ഈ ഉൽക്കണ്‌ഠ നിമിത്തം യേശു​വിന്‌ തന്റെ അനുഗാ​മി​കളെ കഠിന​മാ​യി ശാസി​ക്കാൻ കഴിയു​മാ​യി​രു​ന്നു. പകരം അവൻ ‘തന്റെ വാക്കു​കൾക്ക്‌ ഉപ്പിനാൽ രുചി​വ​രു​ത്തി.’ ഒരു കൊച്ചു കുട്ടിയെ വിളി​ച്ചു​വ​രു​ത്തി​യിട്ട്‌ അവൻ പറഞ്ഞു: “ഈ കൊച്ചു​കു​ട്ടി​യെ​പ്പോ​ലെ തന്നെത്താൻ താഴ്‌ത്തു​ന്ന​വ​നാണ്‌ സ്വർഗ്ഗ​രാ​ജ്യ​ത്തിൽ ഏററവും വലിയ​വ​നാ​യി​രി​ക്കു​ന്നത്‌.” (മത്തായി 18:1-4; ലൂക്കോസ്‌ 9:46-48) ബുദ്ധി​യു​പ​ദേശം വ്യക്തമാ​യി​രു​ന്നു, എന്നാൽ ദയാപു​ര​സ്സ​ര​വും പരിപു​ഷ്ടി​പ്പെ​ടു​ത്തുന്ന വിധത്തി​ലു​മാ​യി​രു​ന്നു. സ്വർഗ്ഗ​രാ​ജ്യം ഈ ലോക​ത്തി​ലെ രാജ്യ​ങ്ങ​ളിൽനിന്ന്‌ വളരെ വ്യത്യ​സ്‌ത​മാ​ണെന്ന്‌ പ്രകട​മാ​ക്കി​കൊണ്ട്‌ യേശു താഴ്‌മ​യു​ള്ള​വ​രാ​യി​രി​ക്കാൻ തന്റെ അനുഗാ​മി​കളെ പ്രോ​ത്സാ​ഹി​പ്പി​ച്ചു. തർക്കത്തി​നുള്ള അവരുടെ കാരണത്തെ നീക്കം ചെയ്യാൻ അവൻ ശ്രമിച്ചു.

⁸ ഈ സംഗതി​യിൽ യേശു ഉപയോ​ഗിച്ച ഫലപ്ര​ദ​മായ പഠിപ്പി​ക്കൽ വിദ്യ​യും ശ്രദ്ധി​ക്കുക. ജീവനുള്ള ഒരു ദൃഷ്ടാന്തം—ഒരു കൊച്ചു​കു​ട്ടി! ജ്ഞാനമുള്ള ഉപദേ​ശകർ മിക്ക​പ്പോ​ഴും തങ്ങളുടെ വാക്കു​കൾക്ക്‌ ദൃഷ്ടാ​ന്ത​ങ്ങൾകൊണ്ട്‌ “ഉപ്പു” ചേർക്കു​ന്നു, എന്തു​കൊ​ണ്ടെ​ന്നാൽ അവയ്‌ക്ക്‌ ഒരു സംഗതി​യു​ടെ ഗൗരവ​ത്തിന്‌ ദൃഢത കൊടു​ക്കാൻ കഴിയും, അല്ലെങ്കിൽ ബുദ്ധി​യു​പ​ദേ​ശി​ക്ക​പ്പെ​ടു​ന്ന​യാ​ളി​നെ ന്യായ​വാ​ദം ചെയ്യാ​നും പ്രശ്‌നത്തെ ഒരു പുതിയ വെളി​ച്ച​ത്തിൽ വീക്ഷി​ക്കാ​നും സഹായി​ക്കാൻ കഴിയും. മിക്ക​പ്പോ​ഴും ദൃഷ്ടാ​ന്ത​ങ്ങൾക്ക്‌ പിരി​മു​റു​ക്കം കുറയ്‌ക്കു​ന്ന​തിന്‌ സഹായി​ക്കാൻ കഴിയും.

9. ബുദ്ധി​യു​പ​ദേശം കൊടു​ക്കു​ന്ന​തിൽ ദൃഷ്ടാ​ന്തങ്ങൾ ഉപയോ​ഗി​ക്കു​ന്ന​തി​ന്റെ തിരു​വെ​ഴു​ത്തു​പ​ര​മായ മററു ചില ഉദാഹ​ര​ണ​ങ്ങ​ളേവ?

⁹ കയീൻ ഗുരു​ത​ര​മായ ഒരു പാപം ചെയ്യു​ന്ന​തി​ന്റെ വലിയ അപകട​ത്തി​ലാ​ണെന്ന്‌ മുന്നറി​യിപ്പ്‌ കൊടു​ത്ത​പ്പോൾ യഹോവ പാപത്തെ ഒരു കാട്ടു​മൃ​ഗ​മാ​യി ഭംഗ്യ​ന്ത​രേണ വർണ്ണിച്ചു. അവൻ പറഞ്ഞു: “പാപം വാതിൽക്കൽ പതുങ്ങി​ക്കി​ട​ക്കു​ക​യാണ്‌, അതിന്റെ ആഗ്രഹം നിന്നോ​ടാണ്‌.” (ഉല്‌പത്തി 4:7) യഹോവ അനുതാ​പ​മു​ണ്ടാ​യി​രുന്ന നിന​വേ​ക്കാ​രെ നാശത്തിൽനിന്ന്‌ ഒഴിവാ​ക്കി​യ​തിൽ യോനാ കുപി​ത​നാ​യ​പ്പോൾ, ദൈവം അവന്‌ തണലി​നാ​യി ഒരു ആവണക്കു ചെടി കൊടു​ത്തു. പിന്നീട്‌, ആ ചെടി ഉണങ്ങു​ക​യും യോനാ പരാതി​പ്പെ​ടു​ക​യും ചെയ്‌ത​പ്പോൾ, യഹോവ ഇങ്ങനെ പറഞ്ഞു: “നിനക്ക്‌, നിന്റെ ഭാഗത്ത്‌, ആവണക്കു​ചെ​ടി​യോ​ടു സങ്കടം തോന്നി . . . പന്തീരാ​യി​ര​ത്തിൽപരം മനുഷ്യർ വസിക്കുന്ന മഹാന​ഗ​ര​മായ നിന​വേ​യോട്‌ എനിക്ക്‌ സങ്കടം തോ​ന്നേ​ണ്ട​ത​ല്ല​യോ?” (യോനാ 4:5-11) തീർച്ച​യാ​യും ശക്തമായ ബുദ്ധി​യു​പ​ദേശം!

10. ആധുനി​ക​നാ​ളി​ലെ ഒരു ക്രിസ്‌തീയ ഉപദേ​ശകൻ തന്റെ മാതാ​പി​താ​ക്ക​ളു​ടെ ആന്തരങ്ങൾ മനസ്സി​ലാ​ക്കാൻ ഒരു യുവതി​യെ സഹായി​ക്കു​ന്ന​തിന്‌ ഒരു ദൃഷ്ടാന്തം ഉപയോ​ഗി​ച്ച​തെ​ങ്ങനെ?

¹⁰ സമാന​മാ​യി, ഒരു യുവതി​യു​ടെ സഹവാ​സ​ങ്ങളെ അവളുടെ മാതാ​പി​താ​ക്കൾ പരിമി​ത​പ്പെ​ടു​ത്തി​യ​പ്പോൾ അവൾ അസ്വസ്ഥ​യാ​യ​തി​നെ​തു​ടർന്ന്‌ ഒരു സഞ്ചാര​മേൽവി​ചാ​രകൻ ഈ ദൃഷ്ടാന്തം ഉപയോ​ഗി​ച്ചു​കൊണ്ട്‌ അവളെ സഹായി​ക്കാൻ ശ്രമിച്ചു: “നീ തയ്യൽ ഇഷ്ടപ്പെ​ടു​ന്നു, ഇല്ലേ? ഒരു സുഹൃ​ത്തി​നു​വേണ്ടി ആകർഷ​ക​മായ ഒരു വസ്‌ത്രം ഉണ്ടാക്കു​ന്ന​തിന്‌ നീ വളരെ​യ​ധി​കം സമയം ചെലവ​ഴി​ച്ചു​വെന്നു വിചാ​രി​ക്കുക. എന്നാൽ നീ അത്‌ അവൾക്ക്‌ കൊടു​ത്ത​ശേഷം തറ തുടയ്‌ക്കാൻ അവൾ അതു ഉപയോ​ഗി​ക്കു​ക​യാ​ണെന്ന്‌ നീ കണ്ടെത്തു​ന്നു. നിനക്ക്‌ എന്തു തോന്നും? താൻ അസ്വസ്ഥ​യാ​കു​മെന്ന്‌ പെൺകു​ട്ടി സമ്മതിച്ചു. ശുശ്രൂ​ഷകൻ തുടർന്നു: “നിന്റെ മാതാ​പി​താ​ക്കൾ അതിനെ വീക്ഷി​ക്കു​ന്നത്‌ അങ്ങനെ​യാണ്‌. നിന്നെ വളർത്തു​ന്ന​തിന്‌ അവർ ധാരാളം സമയം ചെലവ​ഴി​ച്ചി​രി​ക്കു​ന്നു, അവർക്ക്‌ നിന്നെ​ക്കു​റിച്ച്‌ അഭിമാ​ന​മുണ്ട്‌. അതു​കൊണ്ട്‌ നിന്നോട്‌ ഉചിത​മാ​യി പെരു​മാ​റുന്ന ആളുക​ളോട്‌ നീ സഹവസി​ക്കാ​നാണ്‌ അവർ ആഗ്രഹി​ക്കു​ന്നത്‌, നിന്നെ ഉപദ്ര​വി​ക്കു​ന്ന​വ​രോ​ടല്ല.” മാതാ​പി​താ​ക്കൻമാർ ചെയ്യാൻ ശ്രമി​ച്ച​തി​നെ വിലമ​തി​ക്കാൻ ദൃഷ്ടാന്തം പെൺകു​ട്ടി​യെ സഹായി​ച്ചു.

ചോദ്യ​ങ്ങൾ ചോദി​ക്കു​ക

11. യോനാ​യെ ബുദ്ധി​യു​പ​ദേ​ശി​ച്ച​പ്പോൾ യഹോവ ചോദ്യ​ങ്ങൾ ഫലകര​മാ​യി ഉപയോ​ഗി​ച്ച​തെ​ങ്ങനെ?

¹¹ യോനാ​യു​ടെ ന്യായ​ര​ഹി​ത​മായ കോപ​ത്തെ​ക്കു​റിച്ച്‌ യഹോവ യോനാ​യോ​ടു സംസാ​രി​ച്ച​പ്പോൾ അവൻ ചോദ്യ​ങ്ങൾ ചോദി​ച്ച​താ​യും നിങ്ങൾ ശ്രദ്ധി​ച്ചി​രി​ക്കാം. നിന​വേയെ നശിപ്പി​ക്കാ​ഞ്ഞ​തിൽ കുപി​ത​നാ​യി യോനാ മരിക്കാൻ അനുവാ​ദം ചോദി​ച്ച​പ്പോൾ “നീ ശരിയാ​യി​ട്ടാ​ണോ കോപ​ത്താൽ ചൂടാ​കു​ന്നത്‌?” എന്ന്‌ യഹോവ ചോദി​ച്ചു. യോനാ ഉത്തരം പറഞ്ഞില്ല. തന്നിമി​ത്തം, ആവണക്ക്‌ വളർന്നു വരാനും അനന്തരം ഉണങ്ങി​പ്പോ​കാ​നും യഹോവ അനുവ​ദി​ച്ചു. അപ്പോൾ യോനാ ഇരട്ടി അസ്വസ്ഥ​നാ​യി. അതു​കൊണ്ട്‌, യഹോവ അവനോട്‌ “നീ ആവണക്കു ചെടിയെ പ്രതി ശരിയാ​യി​ട്ടാ​ണോ കോപ​ത്താൽ ചൂടാ​കു​ന്നത്‌?” എന്നു ചോദി​ച്ചു. ഈ പ്രാവ​ശ്യം യോനാ ഉത്തരം പറയു​ക​തന്നെ ചെയ്‌തു: “ഞാൻ മരണ​ത്തോ​ളം ശരിയാ​യി​ട്ടാണ്‌ കോപ​ത്താൽ ചൂടാ​യി​രി​ക്കു​ന്നത്‌.” പ്രവാ​ചകൻ യഹോ​വ​യോട്‌ ഉത്തരം പറഞ്ഞ സ്ഥിതിക്ക്‌, ഒരു വെറും ചെടി​യോ​ടുള്ള യോനാ​യു​ടെ മനോ​ഭാ​വ​ത്തെ​യും നിന​വേ​യോ​ടുള്ള തന്റെ സ്വന്തം മനോ​ഭാ​വ​ത്തെ​യും തുടർന്നു താരത​മ്യ​പ്പെ​ടു​ത്തി​ക്കൊണ്ട്‌ യഹോവ “എനിക്ക്‌ നിന​വേ​യോ​ടു സങ്കടം തോ​ന്നേ​ണ്ട​ത​ല്ല​യോ?” എന്ന്‌ അവിതർക്കി​ത​മായ ചോദ്യം ചോദി​ച്ചു. (യോനാ 4:4, 9, 11) അങ്ങനെ അനുതാ​പ​മു​ണ്ടാ​യി​രുന്ന നിന​വേ​ക്കാ​രോ​ടുള്ള യഹോ​വ​യു​ടെ മനോ​ഭാ​വത്തെ അനുക​രി​ക്കാൻ യോനാ ഉപദേ​ശി​ക്ക​പ്പെട്ടു.

12. ബുദ്ധി​യു​പ​ദേ​ശ​ത്തിൽ ചോദ്യ​ങ്ങ​ളു​ടെ മൂല്യ​മെന്ത്‌? ഉദാഹ​രി​ക്കുക.

¹² അതെ, ബുദ്ധി​യു​പ​ദേശം ആവശ്യ​മു​ള്ള​യാൾ എന്തു ചിന്തി​ക്കു​ന്നു​വെന്നു കണ്ടുപി​ടി​ക്കാൻ ചോദ്യ​ങ്ങൾ ഉപദേ​ശ​കനെ സഹായി​ക്കു​ന്നു. തന്റെ പ്രശ്‌ന​ങ്ങ​ളെ​യും പ്രേര​ണ​ക​ളെ​യും കൂടുതൽ വ്യക്തമാ​യി തിരി​ച്ച​റി​യാൻ അവ വ്യക്തി​യെ​യും സഹായി​ക്കു​ന്നു. ദൃഷ്ടാ​ന്ത​ത്തിന്‌, വീട്ടി​ലേക്ക്‌ വണ്ടി​യോ​ടി​ച്ചു​പോ​കു​ന്ന​തി​നു മുൻപ്‌ ഒന്നു കുടി​ക്കാൻ തനിക്ക്‌ സകല അവകാ​ശ​വു​മു​ണ്ടെന്ന്‌ ഒരു വ്യക്തി ശഠി​ച്ചേ​ക്കാം. ‘മദ്യത്തിന്‌ എന്റെമേൽ സ്വാധീ​ന​മില്ല’ എന്ന്‌ അയാൾ ആത്മാർത്ഥ​മാ​യി വിചാ​രി​ച്ചേ​ക്കാം. അയാ​ളോട്‌ ഇങ്ങനെ പറഞ്ഞു​കൊണ്ട്‌ ന്യായ​വാ​ദം ചെയ്യാൻ ഒരു സുഹൃത്ത്‌ ആഗ്രഹി​ച്ചേ​ക്കാം: ‘എന്നാൽ നിങ്ങളു​ടേ​ത​ല്ലാത്ത കുററ​ത്താൽ നിങ്ങൾ ഒരു അപകട​ത്തിൽപ്പെ​ട്ടു​വെ​ന്നി​രി​ക്കട്ടെ. നിങ്ങൾ കുടി​ച്ചി​രു​ന്ന​താ​യി പോലീസ്‌ കണ്ടെത്തി​യാൽ അവർ എന്തു വിചാ​രി​ക്കും? മദ്യം അല്‌പ​മെ​ങ്കി​ലും നിങ്ങളു​ടെ പ്രതി​ക​ര​ണ​ങ്ങളെ ബാധി​ക്കു​ക​തന്നെ ചെയ്‌തു​വെ​ന്നി​രി​ക്കട്ടെ. നിങ്ങൾക്ക്‌ 100 ശതമാ​ന​വും ശരിയായ പ്രതി​പ്ര​വർത്ത​ന​മി​ല്ലാ​ത്ത​പ്പോൾ ഒരു കാറോ​ടി​ക്കാൻ നിങ്ങൾ യഥാർത്ഥ​ത്തിൽ ആഗ്രഹി​ക്കു​ന്നു​വോ? ഒരു കുടി​ക്കു​വേണ്ടി ഭാഗ്യ​പ​രീ​ക്ഷണം നടത്തു​ന്നത്‌ മൂല്യ​വ​ത്താ​ണോ?’

13. ഒരു ഉപദേ​ശകൻ ചോദ്യ​ങ്ങൾ സഹിതം ഏതുവി​ധ​ത്തിൽ ബൈബിൾ ഉപയോ​ഗി​ച്ചു​കൊണ്ട്‌ ബുദ്ധി​യു​പ​ദേശം കൊടു​ത്തു? ഇതു ഫലകര​മാ​യി​രു​ന്ന​തെ​ന്തു​കൊണ്ട്‌?

¹³ ക്രിസ്‌തീയ ബുദ്ധി​യു​പ​ദേശം എല്ലായ്‌പ്പോ​ഴും ബൈബി​ള​ധി​ഷ്‌ഠി​ത​മാണ്‌. സാദ്ധ്യ​മാ​കു​ന്ന​ടത്ത്‌ ക്രിസ്‌തീയ ഉപദേ​ശകർ ഉപദേശം കൊടു​ക്കു​മ്പോൾ യഥാർത്ഥ​മാ​യി ബൈബി​ളു​പ​യോ​ഗി​ക്കു​ന്നു. അത്‌ ശക്തമായ ഒരു സഹായ​മാണ്‌. (എബ്രായർ 4:12) ദൃഷ്ടാ​ന്തീ​ക​രി​ക്കു​ന്ന​തിന്‌: പരിചയ സമ്പന്നനായ ഒരു മൂപ്പൻ, പ്രസം​ഗ​വേ​ല​യിൽ മേലാൽ പ്രവർത്ത​ന​നി​ര​ത​ന​ല്ലാഞ്ഞ ഒരാളെ സഹായി​ക്കാൻ ശ്രമി​ക്കു​ക​യാ​യി​രു​ന്നു. തന്റെ രണ്ടു മക്കളോ​ടും പോയി മുന്തി​രി​ത്തോ​ട്ട​ത്തിൽ വേല ചെയ്യാൻ പറഞ്ഞ മനുഷ്യ​നെ​ക്കു​റിച്ച്‌ യേശു പറഞ്ഞ ഉപമയി​ലേക്ക്‌ മൂപ്പൻ ശ്രദ്ധ ക്ഷണിച്ചു. ആദ്യത്തവൻ പോകാ​മെന്നു പറഞ്ഞെ​ങ്കി​ലും പോയില്ല. രണ്ടാമ​ത്തവൻ പോകു​ക​യി​ല്ലെന്നു പറഞ്ഞെ​ങ്കി​ലും പിന്നീട്‌ ഏതായാ​ലും പോകാൻ തീരു​മാ​നി​ച്ചു. (മത്തായി 21:28-31) ഉപദേ​ശകൻ അനന്തരം “ഈ രണ്ടു മക്കളിൽ ആരെ​പ്പോ​ലെ​യാണ്‌ നിങ്ങൾ ഇപ്പോൾ പ്രവർത്തി​ക്കു​ന്നത്‌?” എന്നു ചോദി​ച്ചു. പ്രസാ​ധ​കന്‌ പെട്ടെന്ന്‌ കാര്യം പിടി​കി​ട്ടി, വിശേ​ഷിച്ച്‌ ഉപദേ​ശകൻ ഇങ്ങനെ തുടർന്നു ചോദി​ച്ച​പ്പോൾ: “മുന്തി​രി​ത്തോ​ട്ട​ത്തി​ന്റെ ഉടമയായ യഹോവ നിങ്ങളു​ടെ സാഹച​ര്യ​ത്തെ എങ്ങനെ വീക്ഷി​ക്കു​ന്നു​വെന്ന്‌ നിങ്ങൾ വിചാ​രി​ക്കു​ന്നു?

14. ബുദ്ധി​യു​പ​ദേശം കൊടു​ക്കു​ന്ന​തിൽ ചോദ്യ​ങ്ങ​ളു​ടെ ഉപയോ​ഗം വിലപ്പെട്ട ഒരു ആയുധ​മാ​യി​രി​ക്കാ​വുന്ന മററു ചില സാഹച​ര്യ​ങ്ങ​ളേവ?

¹⁴ സംശയ​ങ്ങ​ളു​ള്ള​വ​രെ​യും ദാമ്പത്യ​പ്ര​ശ്‌ന​ങ്ങ​ളോ മററു കുടും​ബ​പ്ര​ശ്‌ന​ങ്ങ​ളോ ഉള്ളവ​രെ​യും വ്യക്തി​ക​ളു​മാ​യി ഭിന്നത​ക​ളു​ള്ള​വ​രെ​യും മററ്‌ പീഡാ​ക​ര​മായ സാഹച​ര്യ​ങ്ങ​ളി​ലു​ള്ള​വ​രെ​യും സഹായി​ക്കാൻ ശ്രമി​ക്കു​മ്പോൾ അങ്ങനെ​യാണ്‌ വേണ്ടത്‌a വിദഗ്‌ദ്ധ​മായ ചോദ്യ​ങ്ങൾ ന്യായ​വാ​ദം ചെയ്യു​ന്ന​തി​നും തങ്ങളേ​ത്തന്നെ പരി​ശോ​ധി​ക്കു​ന്ന​തി​നും ശരിയായ നിഗമ​ന​ങ്ങ​ളി​ലെ​ത്തു​ന്ന​തി​നും ബുദ്ധി​യു​പ​ദേ​ശി​ക്ക​പ്പെ​ടു​ന്ന​വരെ സഹായി​ക്കു​ന്നു.

ശ്രദ്ധാ​പൂർവ്വം കേൾക്കുക

15. (എ) ഇയ്യോ​ബി​ന്റെ മൂന്ന്‌ “ആശ്വാ​സകർ” എന്തു ചെയ്യു​ന്ന​തിൽ പരാജ​യ​പ്പെട്ടു? (ബി) ഒരു ക്രിസ്‌തീയ ഉപദേ​ശ​കനെ, ശ്രദ്ധിക്കൽ എങ്ങനെ സഹായി​ക്കും?

¹⁵ ചോദ്യ​ങ്ങൾ ചോദി​ക്കു​ന്നത്‌ നിങ്ങൾ ഉത്തരങ്ങൾ കേൾക്കാ​നാ​ഗ്ര​ഹി​ക്കു​ന്നു​വെന്ന്‌ സൂചി​പ്പി​ക്കു​ന്നു. (സദൃശ​വാ​ക്യ​ങ്ങൾ 18:13) ഉപദേ​ശകർ, ഇയ്യോ​ബി​ന്റെ മൂന്നു “ആശ്വാ​സ​കരെ” കുരു​ക്കി​ലാ​ക്കിയ കെണി​യിൽ വീഴരുത്‌. ഇയ്യോബ്‌ അവരോ​ടു സംസാ​രി​ച്ചു, എന്നാൽ അവർ യഥാർത്ഥ​ത്തിൽ ശ്രദ്ധി​ച്ചില്ല. ഇയ്യോ​ബി​ന്റെ സ്വന്തം പാപപൂർണ്ണ​ത​യാണ്‌ അവന്റെ കഷ്ടപ്പാ​ടു​കൾക്കു കാരണ​മെന്ന്‌ അവർ നേരത്തെ തീരു​മാ​നി​ച്ചി​രു​ന്നു. (ഇയ്യോബ്‌ 16:2; 22:4-11) മറിച്ച്‌, ഒരു ക്രിസ്‌തീയ ഉപദേ​ശകൻ ശ്രദ്ധാ​പൂർവ്വം കേൾക്കണം. അങ്ങനെ മുഴു​ക​ഥ​യും പറഞ്ഞി​ട്ടി​ല്ലെന്നു സൂചി​പ്പി​ക്കുന്ന സാർത്ഥ​ക​മായ നിർത്ത​ലു​ക​ളോ സ്വരവ്യ​തി​യാ​ന​ങ്ങ​ളോ അയാൾ ഗൗനി​ച്ചേ​ക്കാം. ഒരുപക്ഷേ ഒരു ഉപചോ​ദ്യം വ്യക്തി​യു​ടെ മനസ്സിന്റെ പിന്നിൽ തങ്ങിനിൽക്കുന്ന ഒരു ചിന്തയെ പുറത്തു​കൊ​ണ്ടു​വ​ന്നേ​ക്കാം.—സദൃശ​വാ​ക്യ​ങ്ങൾ 20:5 താരത​മ്യ​പ്പെ​ടു​ത്തുക.

16. വൈകാ​രി​ക​മാ​യി അസ്വസ്ഥ​നാ​യി​രി​ക്കുന്ന ഒരു സഹ ക്രിസ്‌ത്യാ​നി​യെ ശ്രദ്ധി​ക്കു​ന്നത്‌ പ്രയാ​സ​മാ​യി​രി​ക്കു​മ്പോൾ എന്താണാ​വ​ശ്യ​മാ​യി​രി​ക്കു​ന്നത്‌?

¹⁶ ഇത്‌ എപ്പോ​ഴും എളുപ്പ​മ​ല്ലാ​യി​രി​ക്കാ​മെ​ന്നതു സത്യം​തന്നെ. അസ്വസ്ഥ​നായ ഒരു ആൾ “ഞാൻ എന്റെ മാതാ​പി​താ​ക്കളെ വെറു​ക്കു​ന്നു” എന്നോ “എനിക്ക്‌ ഭർത്താ​വി​ന്റെ കൂടെ മേലാൽ ജീവി​ക്കാൻ പററു​ക​യില്ല” എന്നോ ആക്രോ​ശി​ച്ചേ​ക്കാം. അങ്ങനെ​യുള്ള സംസാരം ശ്രദ്ധി​ക്കു​ന്നത്‌ അസ്വസ്ഥ​താ​ജ​ന​ക​മാണ്‌. എന്നാൽ തന്റെ വിശ്വ​സ്‌തത നിഷ്‌പ്ര​യോ​ജ​ന​ക​ര​മാ​ണെന്ന്‌ തോന്നു​ന്ന​താ​യി ആസാഫ്‌ പരാതി​പ്പെ​ട്ട​പ്പോൾ ശ്രദ്ധി​ക്കു​ന്ന​തിന്‌ യഹോവ സന്നദ്ധനാ​യി​രു​ന്നു​വെ​ന്നോർക്കുക. (സങ്കീർത്തനം 73:13, 14) തന്നെ കബളി​പ്പി​ച്ചെന്ന്‌ യിരെ​മ്യാ​വു പറഞ്ഞ​പ്പോ​ഴും ദൈവം ശ്രദ്ധിച്ചു. (യിരെ​മ്യാവ്‌ 20:7) ദുഷ്ടൻമാർ നീതി​മാൻമാ​രെ പീഡി​പ്പി​ക്കു​ക​യാ​ണെ​ന്നും യഹോവ അതു കാണു​ന്നു​പോ​ലു​മി​ല്ലെ​ന്നും ഹബക്കൂക്ക്‌ പരാതി​പ്പെ​ട്ട​താ​യി തോന്നു​ന്നു. (ഹബക്കൂക്ക്‌ 1:13-17) ക്രിസ്‌തീയ ഉപദേ​ശ​ക​രും തൽസമ​മാ​യി ശ്രദ്ധി​ക്കാൻ ഒരുക്ക​മു​ള്ള​വ​രാ​യി​രി​ക്കണം. ആളുകൾക്ക്‌ യഥാർത്ഥ​ത്തിൽ ഈ വിചാ​ര​ങ്ങ​ളു​ണ്ടെ​ങ്കിൽ, അപ്പോൾ തനിക്ക്‌ സഹായി​ക്കാൻ കഴിയ​ത്ത​ക്ക​വണ്ണം ഉപദേ​ശകൻ അതി​നെ​ക്കു​റിച്ച്‌ അറി​യേ​ണ്ട​തുണ്ട്‌. ഉപദേ​ശി​ക്ക​പ്പെ​ടു​ന്ന​യാൾക്ക്‌ യഥാർത്ഥ​ത്തിൽ ഉള്ളതാ​യി​രി​ക്കാ​തെ, അയാൾക്കു​ണ്ടാ​യി​രി​ക്കേ​ണ്ട​തെന്ന്‌ താൻ വിചാ​രി​ക്കുന്ന അഭി​പ്രാ​യങ്ങൾ പ്രകടി​പ്പി​ക്കാൻ അയാളെ തന്ത്രപൂർവ്വം പ്രോ​ത്സാ​ഹി​പ്പി​ക്കു​ന്നത്‌ ഉപദേ​ശകൻ ഒഴിവാ​ക്കണം. ഒരുപക്ഷേ, തന്റെ ഹൃദയം തുറന്നു സംസാ​രി​ക്കു​ന്ന​തിൽനിന്ന്‌ വ്യക്തിയെ നിരു​ത്സാ​ഹ​പ്പെ​ടു​ത്തി​ക്കൊണ്ട്‌ ശക്തമാ​യോ വിധി​ക്കു​ന്ന​തു​പോ​ലെ​യോ പ്രതി​ക​രി​ക്കു​ന്ന​തും ഉപദേ​ശകൻ ഒഴിവാ​ക്കണം.—സദൃശ​വാ​ക്യ​ങ്ങൾ 14:29; 17:27.

17. ചില​പ്പോൾ നമ്മുടെ സഹോ​ദ​രൻമാ​രെ ശ്രദ്ധി​ക്കു​ന്ന​തു​തന്നെ അവരെ ആശ്വസി​പ്പി​ക്കു​ന്ന​തി​നുള്ള ഒരു മാർഗ്ഗ​മാ​യി​രി​ക്കു​ന്ന​തെ​ങ്ങനെ?

¹⁷ ചില​പ്പോൾ നമ്മുടെ ഉപദേ​ശി​ക്ക​ലി​ന്റെ മുഖ്യ​ഭാ​ഗം തന്റെ വ്രണിത ഹൃദയ​വേ​ദ​ന​യോ വൈകാ​രിക കഷ്ടപ്പാ​ടോ പകരാൻ വ്യക്തിയെ അനുവ​ദി​ച്ചു​കൊണ്ട്‌ ശ്രദ്ധി​ക്കു​ന്ന​താണ്‌. നവോമി മോവാ​ബി​ലെ വയലു​ക​ളിൽനിന്ന്‌ മടങ്ങി​വ​ന്ന​പ്പോൾ യിസ്രാ​യേ​ലി​ലെ സ്‌ത്രീ​കൾ “ഇതു നവോ​മി​യാ​ണോ?” എന്ന വാക്കു​ക​ളോ​ടെ അവളെ സ്വീക​രി​ച്ചു. എന്നാൽ നവോമി സങ്കടപൂർവ്വം മറുപടി പറഞ്ഞു: “എന്നെ നവോമി എന്നു വിളി​ക്ക​രുത്‌. എന്നെ മാറാ എന്നു വിളി​ക്കുക, എന്തു​കൊ​ണ്ടെ​ന്നാൽ സർവ്വശക്തൻ എനിക്കു വളരെ വേദന വരുത്തി​യി​രി​ക്കു​ന്നു. ഞാൻ പോയ​പ്പോൾ നിറഞ്ഞ​വ​ളാ​യി​രു​ന്നു, ഞാൻ വെറു​ങ്കൈ​യോ​ടെ മടങ്ങി​വ​രാ​നാണ്‌ യഹോവ ഇടയാ​ക്കി​യി​രി​ക്കു​ന്നത്‌. എന്നെ താഴ്‌ത്തി​യി​രി​ക്കു​ന്നത്‌ യഹോ​വ​യാ​യി​രി​ക്കു​മ്പോ​ഴും എനിക്ക്‌ അനർത്ഥം വരുത്തി​യി​രി​ക്കു​ന്നതു സർവ്വശ​ക്ത​നാ​യി​രി​ക്കു​മ്പോ​ഴും നിങ്ങൾ എന്നെ നവോമി എന്ന്‌ എന്തിന്‌ വിളി​ക്കണം?” (രൂത്ത്‌ 1:19-21) യിസ്രാ​യേല്യ സ്‌ത്രീ​കൾക്ക്‌ മറുപ​ടി​യാ​യി അധിക​മൊ​ന്നും പറയാൻ കഴിയു​മാ​യി​രു​ന്നില്ല. എന്നാൽ മററു​ള്ളവർ തങ്ങളുടെ വൈകാ​രി​ക​വേദന വെളി​പ്പെ​ടു​ത്തു​മ്പോൾ ശ്രദ്ധി​ക്കു​ന്ന​തിന്‌ തന്നേത്തന്നെ സ്‌നേ​ഹ​പു​ര​സ്സരം ലഭ്യമാ​ക്കു​ന്ന​തു​തന്നെ മിക്ക​പ്പോ​ഴും അവരുടെ സൗഖ്യ​ത്തിന്‌ സഹായ​ക​മാ​യി​രി​ക്കാൻ കഴിയും.b

യാഥാർത്ഥ്യ​ബോ​ധ​മു​ള്ള​വ​രാ​യി​രി​ക്കുക

18. (എ) യഹോ​വ​യിൽനി​ന്നും യേശു​ക്രി​സ്‌തു​വിൽനി​ന്നു​മുള്ള ബുദ്ധി​യു​പ​ദേ​ശ​ത്തോ​ടുള്ള ചില പ്രതി​ക​ര​ണ​ങ്ങ​ളേവ? (ബി) ക്രിസ്‌തീയ ഉപദേ​ശകർ ഏതു ഗുണം നട്ടുവ​ളർത്തണം?

¹⁸ തീർച്ച​യാ​യും, ബുദ്ധി​യു​പ​ദേ​ശ​ത്തോ​ടുള്ള പ്രതി​ക​രണം വ്യത്യ​സ്ഥ​ങ്ങ​ളാണ്‌. തെളി​വ​നു​സ​രിച്ച്‌ യോനാ യഹോ​വ​യു​ടെ ബുദ്ധി​യു​പ​ദേ​ശ​ത്തിന്‌ നന്നായി ചെവി​കൊ​ടു​ത്തു. തന്റെ അനുഭ​വ​ത്തിൽനി​ന്നു മററു​ള്ള​വർക്കു പഠിക്കാൻ കഴിയ​ത്ത​ക്ക​വണ്ണം പ്രവാ​ചകൻ തന്റെ പാരു​ഷ്യ​ത്തിൽനി​ന്നും കോപ​ത്തിൽനി​ന്നും വളരെ നന്നായി മോചി​ത​നാ​യ​തി​നാൽ അവൻ തന്റെ അനുഭ​വങ്ങൾ രേഖ​പ്പെ​ടു​ത്തി. യേശു​വി​ന്റെ അനുഗാ​മി​കൾ താഴ്‌മ​യു​ടെ പാഠം പഠിക്കു​ന്ന​തിന്‌ കുറെ സമയ​മെ​ടു​ത്തു. എന്തിന​ധി​കം, യേശു മരിച്ച​തി​ന്റെ തലേരാ​ത്രി​യിൽതന്നെ അവരുടെ ഇടയിൽ വലിയവൻ ആരായി​രി​ക്കും എന്നതിനെ ചൊല്ലി അവർ മറെറാ​രു തർക്കത്തി​ലേർപ്പെട്ടു. (ലൂക്കോസ്‌ 22:24) തന്നിമി​ത്തം ബുദ്ധി​യു​പ​ദേശം കൊടു​ക്കു​ന്നവർ ക്ഷമയു​ള്ള​വ​രാ​യി​രി​ക്കേ​ണ്ട​തുണ്ട്‌. (സഭാ​പ്ര​സം​ഗി 7:8) ആഴത്തിൽ വേരോ​ടി​യി​ട്ടുള്ള തെററായ മനോ​ഭാ​വ​മുള്ള ഒരാൾ ഒരു മൂപ്പന്റെ ചുരുക്കം ചില വാക്കുകൾ നിമിത്തം സാധാ​ര​ണ​യാ​യി തന്റെ ഗതിക്ക്‌ മാററം വരുത്തു​ക​യില്ല. ഒരു പക്വത​യുള്ള ക്രിസ്‌ത്യാ​നി​യു​മാ​യുള്ള ഒരു കൂടി​കാ​ഴ്‌ച​ക്കു​ശേഷം വിവാ​ഹിത ഇണകൾ തമ്മിൽ സ്ഥായി​യാ​യുള്ള പ്രശ്‌നങ്ങൾ അപ്രത്യ​ക്ഷ​പ്പെ​ടു​ക​യില്ല. ഗുരു​ത​ര​മായ രോഗങ്ങൾ ഭേദമാ​കാൻ മാസങ്ങൾ എടു​ത്തേ​ക്കാം, ഗൗരവ​മായ ആത്മീയ പ്രശ്‌നങ്ങൾ സംബന്ധി​ച്ചും അങ്ങനെ​യാണ്‌. ചിലർ നല്ല ബുദ്ധി​യു​പ​ദേ​ശ​ത്തിന്‌ കേവലം ശ്രദ്ധ കൊടു​ക്കു​ക​യില്ല. യഹോ​വ​യാൽതന്നെ ബുദ്ധി​യു​പ​ദേ​ശി​ക്ക​പ്പെ​ട്ടി​ട്ടും കയീൻ പോയി തന്റെ സഹോ​ദ​രനെ കൊന്നു.—ഉല്‌പത്തി 4:6-8.

19. സഭയ്‌ക്ക്‌ വൈകാ​രിക മുറി​വു​ക​ള​നു​ഭ​വി​ക്കു​ന്ന​വരെ എങ്ങനെ സഹായി​ക്കാൻ കഴിയും?

¹⁹ ഗൗരവ​മുള്ള പ്രശ്‌ന​ങ്ങ​ളു​ള്ളവർ സഭയിൽനി​ന്നു പ്രതീ​ക്ഷി​ക്കാ​വു​ന്നതു സംബന്ധിച്ച്‌ യാഥാർത്ഥ്യ​ബോ​ധ​മു​ള്ള​വ​രാ​യി​രി​ക്കണം. ഒരു അത്യാ​ഹി​ത​ത്താ​ലോ ഒരു ഭയങ്കര അനുഭ​വ​ത്താ​ലോ ഉളവായ വൈകാ​രിക ക്ഷതത്തെ​യോ പഴകിയ മാനസി​ക​രോ​ഗ​ത്തെ​യോ മാററാൻ ഒരു സഹക്രി​സ്‌ത്യാ​നി​ക്കു കഴിക​യില്ല. ഒരു വ്യക്തി ശാരീ​രി​ക​മാ​യി രോഗി​യാ​യി​രി​ക്കു​മ്പോൾ ഒരു ഡോക്ടർ ചെയ്യു​ന്നത്‌ അയാൾക്ക്‌ ആശ്വാ​സ​മേ​കുക മാത്ര​മാണ്‌, അതേസ​മയം കാലം ശരീര​ത്തി​നു രോഗ​ശാ​ന്തി​വ​രു​ത്തു​ന്നു. അതു​പോ​ലെ​തന്നെ, ഒരു ക്രിസ്‌ത്യാ​നി വൈകാ​രി​ക​മാ​യി കഷ്ടപ്പെ​ടു​മ്പോൾ, അയാ​ളോ​ടൊത്ത്‌ അയാൾക്കു​വേണ്ടി പ്രാർത്ഥി​ച്ചു​കൊ​ണ്ടും, സാദ്ധ്യ​മാ​കു​മ്പോ​ഴോ​ക്കെ ഒരു പ്രോ​ത്സാ​ഹ​ന​വാ​ക്കു പറഞ്ഞു​കൊ​ണ്ടും കഴിയുന്ന ഏതു പ്രാ​യോ​ഗിക സഹായ​വും കൊടു​ത്തു​കൊ​ണ്ടും സഭയ്‌ക്കു അയാൾക്ക്‌ “ആശ്വാ​സ​മേ​കാൻ” ശ്രമി​ക്കാൻ കഴിയും. പിന്നീട്‌ സാധാ​ര​ണ​യാ​യി, കാലവും യഹോ​വ​യു​ടെ ആത്മാവു​മാണ്‌ രോഗ​ശാ​ന്തി​വ​രു​ത്തു​ന്നത്‌. (സദൃശ​വാ​ക്യ​ങ്ങൾ 12:25; യാക്കോബ്‌ 5:14, 15) അങ്ങനെ നിഷി​ദ്ധ​ബ​ന്ധ​ത്തി​ന്റെ ഒരു ഇര ഇങ്ങനെ എഴുതി: “നിഷിദ്ധ വേഴ്‌ച ഒരു ഭയങ്കര വൈകാ​രിക പിരി​മു​റു​ക്ക​മാ​യി​രി​ക്കാ​മെന്നി​രി​ക്കെ, നിങ്ങളെ സഹായി​ക്കാൻ യഹോ​വ​യു​ടെ സ്ഥാപനം വളരെ​യ​ധി​കം പ്രവർത്തി​ക്കു​ന്നു, തിരു​വെ​ഴു​ത്തു​ക​ളിൽനി​ന്നുള്ള സഹായ​ത്താ​ലും സഹോ​ദ​രീ​സ​ഹോ​ദ​രൻമാ​രിൽനി​ന്നുള്ള പിന്തു​ണ​യാ​ലും നിങ്ങൾക്ക്‌ തരണം ചെയ്യാൻ കഴിയും.”c

20. നമ്മളെ​ല്ലാം യഹോ​വയെ സേവി​ച്ചു​കൊ​ണ്ടി​രി​ക്കാൻ ശ്രമി​ക്കു​മ്പോൾ ബുദ്ധി​യു​പ​ദേശം എന്തു പങ്കു വഹിക്കു​ന്നു?

²⁰ അതെ, ക്രിസ്‌ത്യാ​നി​കൾക്ക്‌ അന്യോ​ന്യം സഹായി​ക്കാ​നുള്ള ഉത്തരവാ​ദി​ത്ത​മുണ്ട്‌. വിശേ​ഷാൽ മൂപ്പൻമാർ, എന്നാൽ സഭയിലെ എല്ലാവ​രും അന്യോ​ന്യ​മുള്ള ക്ഷേമത്തിൽ തൽപ്പര​രാ​യി​രി​ക്കു​ക​യും ആവശ്യ​മാ​യി​രി​ക്കു​മ്പോൾ ദയാപു​ര​സ്സ​ര​വും തിരു​വെ​ഴു​ത്തു​പ​ര​വു​മായ ബുദ്ധി​യു​പ​ദേശം കൊടു​ക്കു​ക​യും വേണം. (ഫിലി​പ്യർ 2:4) തീർച്ച​യാ​യും, അങ്ങനെ​യുള്ള ബുദ്ധി​യു​പ​ദേശം ഏകാധി​പ​ത്യ​പ​ര​മോ പരുഷ​മോ ആയിരി​ക്ക​രുത്‌. അത്‌ മറെറാ​രാ​ളു​ടെ ജീവി​തത്തെ ഭരിക്കാൻ ശ്രമി​ക്കു​ന്നു​വെന്ന ധാരണ​യും കൊടു​ക്ക​രുത്‌. മറിച്ച്‌, അതു തിരു​വെ​ഴു​ത്തു​ക​ളിൽ അധിഷ്‌ഠി​ത​വും “ഉപ്പിനാൽ രുചി വരുത്തി”യതും” ആയിരി​ക്കണം. (കൊ​ലോ​സ്യർ 4:6) ചില​പ്പോ​ഴൊ​ക്കെ ഓരോ​രു​ത്തർക്കും സഹായം ആവശ്യ​മാണ്‌. ദയയാ​ലും പ്രോ​ത്സാ​ഹ​ന​ത്താ​ലും “ഉപ്പു”ചേർത്ത സമയോ​ചി​ത​മായ ബുദ്ധി​യു​പ​ദേശം നിത്യ​ജീ​വന്റെ പാതയിൽ തുടരു​ന്ന​തിന്‌ നമ്മെ​യെ​ല്ലാം സഹായി​ക്കും. (w86 9/15)

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ ഏഴു സഭകൾക്കുള്ള യേശു​വി​ന്റെ ബുദ്ധി​യു​പ​ദേ​ശ​ത്തി​ന്റെ ഏതു സവി​ശേ​ഷ​ത​കൾക്ക്‌ ഇന്നത്തെ മൂപ്പൻമാ​രെ സഹായി​ക്കാൻ കഴിയും.?

◻ ബുദ്ധി​യു​പ​ദേശം കൊടു​ക്കു​ന്ന​തിൽ ദൃഷ്ടാ​ന്തങ്ങൾ ഉപയോ​ഗി​ക്കു​ന്ന​തി​ന്റെ തിരു​വെ​ഴു​ത്തു​പ​ര​മായ ഏത്‌ ഉദാഹ​ര​ണ​ങ്ങ​ളുണ്ട്‌?

◻ ഒരു ക്രിസ്‌തീയ ഉപദേ​ശ​കന്‌ ചോദ്യ​ങ്ങ​ളു​ടെ യഥാർത്ഥ മൂല്യം എന്താണ്‌?

◻ ഒരു വിദഗ്‌ദ്ധ ഉപദേ​ശ​കന്‌ ബൈബിൾ എങ്ങനെ ഉപയോ​ഗി​ക്കാൻ കഴിയും?

◻ ബുദ്ധി​യു​പ​ദേശം കൊടു​ക്കുന്ന ഒരു വ്യക്തി ഒരു ജാഗ്ര​ത​യുള്ള ശ്രോ​താ​വും കൂടെ ആയിരി​ക്കേ​ണ്ട​തെ​ന്തു​കൊണ്ട്‌?

[13-ാം പേജിലെ ചിത്രം]

തന്റെ ആശയത്തെ വിശദ​മാ​ക്കു​ന്ന​തിന്‌ ഒരു കുട്ടിയെ ഉപയോ​ഗി​ച്ചു​കൊണ്ട്‌ യേശു തന്റെ ശിഷ്യൻമാർക്ക്‌ വ്യക്തവും ദയാപു​ര​സ്സ​ര​വും പരിപു​ഷ്ടി​പ്പെ​ടു​ത്തു​ന്ന​തു​മായ ഉപദേശം കൊടു​ത്തു

[14-ാം പേജിലെ ചിത്രം]

യോനാ പരുഷ​നും കുപി​ത​നു​മാ​യി​രു​ന്നു, എന്നാൽ അവൻ പ്രത്യ​ക്ഷ​ത്തിൽ യഹോ​വ​യു​ടെ ബുദ്ധി​യു​പ​ദേ​ശ​ത്തിന്‌ നന്നായി ചെവി​കൊ​ടു​ത്തു