വായന​ക്കാ​രിൽനി​ന്നുള്ള ചോദ്യ​ങ്ങൾ

◼യേശു സ്‌തം​ഭ​ത്തിൽ മരിച്ച​പ്പോൾ ന്യായ​പ്ര​മാണ ഉടമ്പടി അവസാ​നി​ച്ചോ, പുതിയ ഉടമ്പടി അതിന്റെ സ്ഥാനത്ത സ്ഥാപി​ക്ക​പ്പെ​ട്ട​തെ​പ്പോൾ?

ക്രി.വ. 33 നീസാൻ 14ന്‌ ഉച്ചതി​രിഞ്ഞ്‌ യേശു ദണ്ഡനസ്‌തം​ഭ​ത്തിൽ മരിക്കു​ന്നു, അവൻ സ്വർഗ്ഗ​ത്തിൽ തന്റെ ജീവര​ക്ത​ത്തി​ന്റെ മൂല്യം സമർപ്പി​ക്കു​ന്നു, ക്രി.വ. 33-ലെ പെന്തെ​ക്കോ​സ്‌തു​ദി​വസം അവൻ പരിശു​ദ്ധാ​ത്‌മാ​വി​നെ പകരുന്നു: ഈ മൂന്ന്‌ സംഭവങ്ങൾ മനസ്സിൽപി​ടി​ച്ചു​കൊണ്ട്‌ അനേകർ ഈ ചോദ്യ​ങ്ങൾ ചോദി​ച്ചി​ട്ടുണ്ട്‌. തിരു​വെ​ഴു​ത്തു​പ​ര​മാ​യി പെന്തെ​ക്കോ​സ്‌തു​ദി​വസം ന്യായ​പ്ര​മാണ ഉടമ്പടി അവസാ​നി​ക്കു​ക​യും പകരം പുതിയ ഉടമ്പടി സ്ഥാപി​ക്ക​പ്പെ​ടു​ക​യും​ചെ​യ്‌തു. ഇതിങ്ങ​നെ​യാ​യി​രി​ക്കു​ന്ന​തെ​ന്തു​കൊ​ണ്ടെന്ന്‌ നമുക്കു കാണാം.

കാല​ക്ര​മ​ത്തിൽ, ന്യായ​പ്ര​മാണ ഉടമ്പടി മാററി പൂർണ്ണ​മാ​യി പാപം ക്ഷമിക്കാൻ അനുവ​ദി​ക്കുന്ന “ഒരു പുതിയ ഉടമ്പടി” താൻ സ്ഥാപി​ക്കു​മെന്ന്‌ യഹോവ മുൻകൂ​ട്ടി​പ്പ​റഞ്ഞു, പൂർണ്ണ​മായ പാപ​മോ​ചനം ന്യായ​പ്ര​മാ​ണ​ത്തിൻകീ​ഴിൽ സാദ്ധ്യ​മ​ല്ലാ​യി​രു​ന്നു. (യിരെ​മ്യാവ്‌ 31:31-34) ആ പ്രതി​സ്ഥാ​പനം എപ്പോൾ നടക്കു​മാ​യി​രു​ന്നു?

പഴക്ക​മേ​റി​യ ഉടമ്പടി​യായ ന്യായ​പ്ര​മാണ ഉടമ്പടി അതിന്റെ ഉദ്ദേശ്യം നിവർത്തിച്ച സ്ഥിതിക്ക്‌ ആദ്യം വഴിയിൽനിന്ന്‌ നീക്കം​ചെ​യ്യ​പ്പെ​ട​ണ​മാ​യി​രു​ന്നു. (ഗലാത്യർ 3:19, 24, 25) അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “[ദൈവം] നമ്മുടെ സകല ലംഘന​ങ്ങ​ളും നമ്മോടു ക്ഷമിക്കു​ക​യും കല്‌പ​ന​ക​ള​ട​ങ്ങി​യ​തും നമു​ക്കെ​തി​രാ​യി​രു​ന്ന​തു​മായ കൈ​യെ​ഴു​ത്തു​പ്ര​മാ​ണം മായി​ച്ചു​ക​ള​യു​ക​യും​ചെ​യ്‌തു; അതിനെ ദണ്ഡനസ്‌തം​ഭ​ത്തിൽ തറച്ച്‌ അവൻ അതിനെ വഴിയിൽനിന്ന്‌ എടുത്തു​മാ​റ​റു​ക​യും​ചെ​യ്‌തി​രി​ക്കു​ന്നു.” (കൊ​ലോ​സ്യർ 2:13, 14) യേശു മരിച്ച നിമി​ഷ​ത്തിൽ പുതിയ ഉടമ്പടി ന്യായ​പ്ര​മാ​ണ​ഉ​ട​മ്പ​ടി​യു​ടെ സ്ഥാനത്തു വന്നു​വെന്ന്‌ അതിന്‌ അർത്ഥമു​ണ്ടോ?

ഇല്ല, എന്തു​കൊ​ണ്ടെ​ന്നാൽ പുതിയ ഉടമ്പടി ഒരു പുതിയ ജനതയായ ആത്മീയ ഇസ്രാ​യേ​ലു​മാ​യി ഉചിത​മായ യാഗരക്തം സഹിതം ഉത്‌ഘാ​ട​നം​ചെ​യ്യ​പ്പെ​ടേ​ണ്ട​താ​യി​രു​ന്നു. (എബ്രായർ 8:5, 6; 9:15-22) യേശു നീസാൻ 16ന്‌ ഉയർപ്പി​ക്ക​പ്പെട്ടു, 40 ദിവസം കഴിഞ്ഞ്‌ അവൻ സ്വർഗ്ഗാ​രോ​ഹ​ണം​ചെ​യ്‌തു. (പ്രവൃ​ത്തി​കൾ 1:3-9) തന്റെ സ്വർഗ്ഗാ​രോ​ഹ​ണ​ശേഷം പത്തു ദിവസം കഴിഞ്ഞ്‌ അല്ലെങ്കിൽ പെന്തെ​ക്കോ​സ്‌തു​ദി​വസം, യേശു പിതാ​വിൽനിന്ന്‌ തനിക്കു ലഭിച്ച “വാഗ്‌ദ​ത്തം​ചെ​യ്യ​പ്പെട്ട പരിശു​ദ്ധാ​ത്‌മാ​വി​നെ” തന്റെ ശിഷ്യൻമാ​രു​ടെ​മേൽ പകർന്നു, അങ്ങനെ ആത്‌മീയ ഇസ്രയേൽ അസ്‌തി​ത്വ​ത്തിൽവന്നു. (പ്രവൃ​ത്തി​കൾ 2:33) മദ്ധ്യസ്ഥ​നായ യേശു​ക്രി​സ്‌തു​മു​ഖേന ദൈവം ആത്‌മീയ ഇസ്ര​യേ​ലു​മാ​യി പുതിയ ഉടമ്പടി​ചെ​യ്യു​ന്നു.

പരസ്‌പ​ര​ബ​ന്ധ​മു​ള്ള ഈ കാര്യ​ങ്ങ​ളു​ടെ ബന്ധത്തിൽ, ഏതു സമയത്താണ്‌ ന്യായ​പ്ര​മാണ ഉടമ്പടി പുതിയ ഉടമ്പടി​യാൽ മാററി​സ്ഥാ​പി​ക്ക​പ്പെ​ട്ടത്‌?

യേശു​വി​ന്റെ മരണ​ത്തോ​ടെ ന്യായ​പ്ര​മാ​ണം അവസാ​നി​ച്ചു​വെന്ന്‌ ഒരുവന്‌ പറയാൻക​ഴി​യു​മാ​യി​രു​ന്നില്ല. യേശു ആത്‌മീ​യ​ജീ​വ​നി​ലേക്ക്‌ പുനരു​ത്ഥാ​നം​പ്രാ​പി​ച്ച​ശേഷം ഭൂമി​യിൽ കഴിഞ്ഞ 40 ദിവസ​ക്കാ​ലത്ത്‌ അവന്റെ ശിഷ്യൻമാർ പിന്നെ​യും ന്യായ​പ്ര​മാ​ണം അനുസ​രി​ച്ചു​കൊ​ണ്ടാ​ണി​രു​ന്നത്‌. കൂടാതെ, ന്യായ​പ്ര​മാ​ണ​ത്തി​ന്റെ ഒരു പ്രധാന സവി​ശേഷത മഹാപു​രോ​ഹി​തൻ ഓരോ വർഷവും ഒരിക്കൽ അതിവി​ശു​ദ്ധ​ത്തി​ലേക്കു പോകു​ന്ന​താ​യി​രു​ന്നു. അത്‌ സ്വർഗ്ഗ​ത്തി​ലേ​ക്കുള്ള യേശു​വി​ന്റെ പുനരു​ത്ഥാ​നത്തെ ചിത്രീ​ക​രി​ച്ചു. അവിടെ, അവന്‌ പുതിയ ഉടമ്പടി​യു​ടെ മദ്ധ്യസ്ഥ​നെന്ന നിലയിൽ തന്റെ മറുവി​ല​യാ​ഗ​ത്തി​ന്റെ മൂല്യം ദൈവ​മു​മ്പാ​കെ സമർപ്പി​ക്കാൻ കഴിയു​മാ​യി​രു​ന്നു. (എബ്രായർ 9:23, 24) ഇത്‌ യിരെ​മ്യാവ്‌ 31:31-34-ന്റെ നിവൃ​ത്തി​യാ​യി ഒരു പുതിയ ഉടമ്പടി ഉത്‌ഘാ​ട​നം​ചെ​യ്യ​പ്പെ​ടാ​നുള്ള വഴിതു​റന്നു.

യഹോവ മറുവി​ല​യാ​ഗ​ത്തി​ന്റെ അംഗീ​ക​ര​ണ​മ​നു​സ​രിച്ച്‌ പ്രവർത്തി​ച്ച​പ്പോൾ പുതിയ ഉടമ്പടി പ്രബല്യ​ത്തി​ലാ​യി. ഒരു പുതിയ ജനതയായ ആത്‌മീയ ഇസ്രാ​യേ​ലി​നെ അസ്‌തി​ത്വ​ത്തിൽവ​രു​ത്താൻ അവൻ യേശു​വി​ന്റെ വിശ്വ​സ്‌ത​ശി​ഷ്യൻമാ​രു​ടെ​മേൽ തന്റെ പരിശു​ദ്ധാ​ത്‌മാ​വി​നെ പകർന്നു, രാജ്യ​ത്തി​നു​വേ​ണ്ടി​യുള്ള ഉടമ്പടി​യിൽ ഉള്ളവരാ​യി​രു​ന്നു അതിൽ ഉൾപ്പെ​ട്ടി​രു​ന്നത്‌. (ലൂക്കോസ്‌ 22:29; പ്രവൃ​ത്തി​കൾ 2:1-4) ഇത്‌ യേശു മരിച്ചി​രുന്ന ദണ്ഡനസ്‌തം​ഭ​ത്തിൽ ആലങ്കാ​രി​ക​മാ​യി തറച്ചു​കൊണ്ട്‌ ന്യായ​പ്ര​മാ​ണ​ഉ​ട​മ്പ​ടി​യെ ദൈവം റദ്ദു​ചെ​യ്‌തി​രു​ന്നു​വെന്ന്‌ പ്രകട​മാ​ക്കി. അതു​കൊണ്ട്‌ ന്യായ​പ്ര​മാണ ഉടമ്പടി അവസാ​നി​ച്ചത്‌ ക്രി.വ. 33ലെ പെന്തെ​ക്കോ​സ്‌തിൽ ആത്‌മീയ ഇസ്രാ​യേ​ലാ​കുന്ന പുതിയ ജനതയു​ടെ ജനനത്തി​ങ്കൽ പുതിയ ഉടമ്പടി​യു​ടെ പ്രവർത്തനം അഥവാ ഉത്‌ഘാ​ടനം നടന്ന​പ്പോൾ ആയിരു​ന്നു.—എബ്രായർ 7:12; 8:1, 2.

ചോദ്യ​ത്തി​നു​ള്ള ആ പ്രഥമ ഉത്തരത്തി​ന​തീ​ത​മാ​യി, ന്യായ​പ്ര​മാ​ണ​ഉ​ട​മ്പ​ടി​യു​ടെ അവസാ​ന​ത്തി​ങ്ക​ലും ക്രി.വ. 33ലെ പെന്തെ​ക്കോ​സ്‌തി​ലെ പുതിയ ഉടമ്പടി​യു​ടെ പ്രകട​മായ ആരംഭ​ത്തി​ങ്ക​ലും ദൈവം സ്വാഭാ​വിക ഇസ്രാ​യേ​ലിന്‌ പൂർണ്ണ​മാ​യും പുറം​തി​രി​ഞ്ഞു​ക​ള​ഞ്ഞി​ല്ലെന്ന്‌ നമുക്ക്‌ കാണാൻ കഴിയും. ഉദാഹ​ര​ണ​ത്തിന്‌, അബ്രഹാ​മ്യ ഉടമ്പടി​ക്കു ചേർച്ച​യാ​യി യഹോവ ക്രി.വ. 36-ൽ അവസാ​നിച്ച 70-ാം ആഴ്‌ച​യിൽ യഹൂദൻമാ​രോ​ടും യഹൂദ മതാനു​സാ​രി​ക​ളോ​ടും ശമര്യ​ക്കാ​രോ​ടും പ്രത്യേക പ്രീതി​കാ​ട്ടി. (ഉല്‌പത്തി 12:1-3; 15:18; 22:18; ദാനി​യേൽ 9:27; പ്രവൃ​ത്തി​കൾ 10:9-28, 44-48) പൊ.യു. 33നു ശേഷം ന്യായ​പ്ര​മാ​ണം അനുസ​രി​ക്കേ​ണ്ട​തി​ല്ലെ​ന്നുള്ള വസ്‌തു​ത​യോട്‌ പൊരു​ത്ത​പ്പെ​ടാൻ ചില അഭിഷിക്ത യഹൂദ​ക്രി​സ്‌ത്യാ​നി​കൾക്കു​പോ​ലും സമയം വേണ്ടി​വന്നു. ക്രി.വ. 49-ൽ ഭരണസം​ഘ​ത്തി​ന്റെ മുമ്പാകെ കൊണ്ടു​വ​ര​പ്പെട്ട ചോദ്യ​ത്തിൽനിന്ന്‌ നമുക്ക്‌ ഇതു കാണാൻ കഴിയും. (പ്രവൃ​ത്തി​കൾ 15:1, 2) ന്യായ​പ്ര​മാ​ണ​ത്തി​ന്റെ സമ്പൂർണ്ണ​മായ ഉപേക്ഷി​ക്കൽ ക്രി.വ. 70-ൽ അനി​ഷേ​ധ്യ​മാ​യി തെളി​യി​ക്ക​പ്പെട്ടു. അന്നായി​രു​ന്നു ആലയവും ന്യായ​പ്ര​മാ​ണ​ത്തോ​ടു ബന്ധപ്പെട്ട വംശാ​വ​ലി​രേ​ഖ​ക​ളും റോമാ​ക്കാ​രാൽ നശിപ്പി​ക്ക​പ്പെ​ട്ട​തി​നാൽ അപ്രത്യ​ക്ഷ​പ്പെ​ട്ടത്‌.—മത്തായി 23:38 (w89 2/1)

[32-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.