ക്രിസ്‌തീയ സ്‌ത്രീ​കൾ—ജോലി​സ്ഥ​ല​ങ്ങ​ളിൽ നിർമ്മലത കാക്കൽ

“ചില​പ്പോൾ [തൊഴിൽ സ്ഥലത്തെ] സംഘർഷം ഒരു കത്തി​കൊണ്ട്‌ വെട്ടി​മു​റി​ക്കാൻ പാകത്തിന്‌ കട്ടിയാ​യി​ത്തോ​ന്നാ​റുണ്ട്‌,” എന്ന്‌ ഒരു ഉദ്യോ​ഗസ്ഥ പറയു​ക​യു​ണ്ടാ​യി.a ഉത്‌പാ​ദി​പ്പി​ച്ചു​കൂ​ട്ടാ​നുള്ള സമ്മർദ്ദം, പിമ്പിൽനിന്ന്‌ കുത്തുന്ന മത്സരം, കവിഞ്ഞാ​വ​ശ്യ​പ്പെ​ടുന്ന മേലു​ദ്യോ​ഗ​സ്ഥൻമാർ, വിരസത—ഇവയെ​ല്ലാ​മാണ്‌ പല തൊഴി​ലു​ക​ളെ​യും മടുപ്പി​ക്കുന്ന അടിമ​വേ​ല​യാ​ക്കി മാററുന്ന ചില കാര്യങ്ങൾ. പത്രങ്ങൾ പരസ്യ​പ്പെ​ടു​ത്തുന്ന തരം പകിട്ടും ഉത്തേജ​ന​വും പ്രദാനം ചെയ്യുന്ന ജോലി​കൾ തന്നെ വിരള​മാണ്‌. എന്നാൽ നിങ്ങൾ ഉദ്യോ​ഗ​സ്ഥ​യായ ഒരു സ്‌ത്രീ ആണെങ്കിൽ നിങ്ങളു​ടെ തൊഴി​ലി​നെ ഒരു വിജയ​മാ​ക്കി​ത്തീർക്കാൻ നിങ്ങൾ തന്നെ ഉദ്യമി​ക്കണം.

ഇതു​കൊണ്ട്‌ നാം പക്ഷേ, സാമ്പത്തിക നേട്ടത്തെ അല്ല പരാമർശി​ക്കു​ന്നത്‌. നിങ്ങളു​ടെ ക്രിസ്‌തീയ നിർമ്മലത പരി​ശോ​ധനാ വിധേ​യ​മാ​കുന്ന ഒരു സമരാ​ങ്കണം ആണ്‌ നിങ്ങളു​ടെ ജോലി​സ്ഥലം! നിങ്ങൾ നിങ്ങളു​ടെ ജോലി നിർവ്വ​ഹി​ക്കു​ക​യും കഴുത്ത​റപ്പൻ മത്‌സ​ര​ത്തി​ന്റെ ആത്‌മാ​വി​നെ അകററി നിർത്തു​ക​യും അസാൻമാർഗ്ഗിക കടന്നു കയററ​ങ്ങളെ ചെറു​ക്കു​ക​യും ചെയ്യു​ന്ന​വി​ധം, ദിവ്യ​ത​ത്വ​ങ്ങ​ളോട്‌ നിങ്ങൾ എത്ര​ത്തോ​ളം അർപ്പണ ബോധ​മു​ള്ള​വ​ളാ​ണെന്ന്‌ തെളി​യി​ക്കു​ന്നു. യഹോ​വ​യാം ദൈവ​ത്തി​ന്റെ അംഗീ​കാ​രം നേടു​ന്ന​തിന്‌ ഉദ്യോ​ഗ​സ്ഥ​ക​ളായ സ്‌ത്രീ​കൾ സങ്കീർത്ത​ന​ക്കാ​ര​നെ​പ്പോ​ലെ പിൻവ​രുന്ന പ്രകാരം പറയാൻ പ്രാപ്‌ത​യാ​യി​രി​ക്കണം: “ഞാൻ എന്റെ നിർമ്മ​ല​ത​യിൽ നടന്നി​രി​ക്കു​ന്നു.”—സങ്കീർത്തനം 26:1.

അതുതന്നെ ചെയ്യാ​നാണ്‌ ബൈബിൾ നിങ്ങളെ സഹായി​ക്കു​ന്നത്‌. പരസ്‌പരം കാർന്നു തിന്നുന്ന തന്ത്രങ്ങ​ളോ​ളം തരം താഴു​ന്ന​തി​നുള്ള പ്രേരണ ഉണ്ടാകു​മ്പോ​ഴോ കുടും​ബ​ഉ​ത്ത​ര​വാ​ദി​ത്ത​ങ്ങ​ളെ​യും ബൈബിൾ പഠന​ത്തെ​യും ക്രിസ്‌തീയ മീററിം​ഗു​ക​ളെ​യും ശുശ്രൂ​ഷ​യെ​യും ഒരു ഉദ്യോ​ഗം ഗ്രസി​ച്ചു​ക​ള​യാൻ അനുവ​ദി​ക്കു​ന്ന​തി​നുള്ള പ്രലോ​ഭ​ന​മു​ണ്ടാ​കു​മ്പോ​ഴോ ശലോ​മോൻ രാജാ​വി​ന്റെ ഈ വാക്കുകൾ ഓർമ്മി​ക്കു​ന്നത്‌ നന്നായി​രി​ക്കും: “ഞാൻ സകല കഠിനാ​ദ്ധ്വാ​ന​ത്തെ​യും സകല അദ്ധ്വാ​ന​വൈ​ഭ​വ​ത്തെ​യും അതു മനുഷ്യൻ തമ്മിലുള്ള കിടമ​ത്സരം എന്ന്‌ കണ്ടിരി​ക്കു​ന്നു; ഇതും മായയും കാററി​നു പിന്നാ​ലെ​യുള്ള പ്രയത്‌ന​വും അത്രെ.” (സഭാ​പ്ര​സം​ഗി 4:4) ലൗകിക ജോലി​യെ ഈ വിധത്തിൽ വീക്ഷി​ക്കു​ന്നത്‌ കത്തിയാ​ളുന്ന ഉന്നമ​നേ​ച്ഛയെ തടയു​ക​യോ തണുപ്പി​ക്കു​ക​യോ ചെയ്യും. അത്‌ ഒരു തൊഴി​ലി​നെ ആത്മീയ കാര്യ​ങ്ങളെ അപേക്ഷിച്ച്‌ രണ്ടാം സ്ഥാനത്ത്‌ കണ്ടു​കൊണ്ട്‌ ഉചിത​മായ ഒരു കാഴ്‌ച​പ്പാട്‌ വച്ചുപു​ലർത്താൻ നിങ്ങളെ സഹായി​ക്കും.—മത്തായി 6:33.

എന്നാൽ ഇതിന്റെ അർത്ഥം ലൗകിക ജോലി​യു​ടെ കാര്യ​ത്തിൽ അലക്ഷ്യ​ഭാ​വം സ്വീക​രി​ക്കാ​നാ​കും എന്നാണോ? അശേഷമല്ല, കാരണം ബൈബിൾ ഉദാസീ​ന​തയെ കുററം​വി​ധി​ക്കു​ന്നു. (സദൃശ​വാ​ക്യ​ങ്ങൾ 19:15) ‘നിങ്ങളു​ടെ കഠിന​വേല നിമി​ത്ത​മുള്ള നൻമ കണ്ടനു​ഭ​വി​ക്കു’ന്നതി​നെ​ക്കു​റിച്ച്‌ അത്‌ പറയുന്നു. (സഭാ​പ്ര​സം​ഗി 2:24) കൂടാതെ, സ്വന്ത കുടും​ബ​ത്തി​നു​വേണ്ടി കരുതുക എന്നത്‌ ഒരുവന്റെ ദൈവ​ദ​ത്ത​മായ കർത്തവ്യ​മാണ്‌. (1 തിമൊ​ഥെ​യോസ്‌ 5:8) ആ കടപ്പാട്‌ നിറ​വേ​റ​റാൻ അസന്തു​ഷ്ട​മായ ഒരു ലൗകിക ജോലി ചെയ്യേ​ണ്ട​തു​ണ്ടെ​ങ്കിൽ കൊ​ലോ​സ്യർ 3:23-ലെ പിൻവ​രുന്ന ബൈബിൾ വചനങ്ങൾ പരിചി​ന്തി​ക്കുക: “നിങ്ങൾ ചെയ്യു​ന്നത്‌ എന്തായി​രു​ന്നാ​ലും, മനുഷ്യർക്ക്‌ എന്നല്ല യഹോ​വ​യ്‌ക്കെ​ന്ന​പോ​ലെ പൂർണ്ണ​ദേ​ഹി​യോ​ടെ ചെയ്യുക.” ഒരുവൻ താൻ “യഹോ​വ​ക്കെ​ന്ന​പോ​ലെ” ജോലി ചെയ്യുന്നു എന്നു സ്വയം വീക്ഷി​ക്കു​ന്നത്‌ ഒരു ശബള വർദ്ധന​വി​നെ​ക്കാ​ളും ഒരു ഉദ്യോ​ഗ​ക്ക​യ​റ​റ​ത്തി​ന്റെ വശ്യത​യെ​ക്കാ​ളും ശക്തമായ ഒരു പ്രചോ​ദ​ന​മാണ്‌.

“പ്രസാ​ദി​പ്പി​ക്കാൻ വിഷമ​മുള്ള” തൊഴി​ലു​ട​മ​കൾ

സാലി എന്ന ഒരു വനിത ഇങ്ങനെ പറയുന്നു: “[എന്റെ സൂപ്പർ​വൈസർ] സദാസ​മ​യ​വും എന്നെ വീക്ഷി​ച്ചു​കൊ​ണ്ടി​രി​ക്കും. അയാൾക്ക്‌ ആരോ​ടും ഒരു നല്ലവാക്ക്‌ പറയാ​നില്ല.” “പ്രസാ​ദി​പ്പി​ക്കാൻ വിഷമ​മുള്ള” അല്ലെങ്കിൽ മുൻകോ​പി​യായ ഒരു യജമാ​നന്റെ കീഴിൽ വേല ചെയ്യുക അതു​പോ​ലെ​തന്നെ ക്ലേശക​ര​മാണ്‌. പുതു​താ​യി ജോലിക്ക്‌ വരുന്ന​യാൾക്ക്‌ ഇത്‌ വിശേ​ഷാൽ അങ്ങനെ​യാണ്‌.—1 പത്രോസ്‌ 2:18.

സാമ്പത്തിക ഭാരം നിമിത്തം തൊഴിൽ ഉപേക്ഷി​ച്ചു​പോ​കുന്ന കാര്യം ചിന്തനീ​യമെ അല്ലായി​രി​ക്കാം. ആ നിലയ്‌ക്ക്‌ ജോലി​ക്കാർ—സ്‌ത്രീ​ക​ളും പുരു​ഷൻമാ​രും—“കീഴട​ങ്ങി​യി​രി​ക്കേണം” എന്ന ബൈബിൾ ബുദ്ധി​യു​പ​ദേശം പിന്തു​ട​രു​ന്നത്‌ ഉത്തമം ആയിരി​ക്കും. (1 പത്രോസ്‌ 2:18) പരിഹാ​സ​മോ അനാദ​ര​വോ കൊണ്ട്‌ ഭിന്നത വർദ്ധി​പ്പി​ക്കു​ന്ന​തിന്‌ പകരം “എതിർ പറയാതെ [തൊഴി​ലു​ട​മ​കളെ] നന്നായി പ്രസാ​ദി​പ്പി​ക്കുക” (തീത്തോസ്‌ 2:9) അത്തരം ആത്മനി​യ​ന്ത്രണം നിങ്ങളു​ടെ ഉദ്യോ​ഗം നഷ്ടപ്പെ​ടു​ന്ന​തിൽ നിന്ന്‌ നിങ്ങളെ തടയും. ശലോ​മോൻ ഇങ്ങനെ പറഞ്ഞു: “ഭരണാ​ധി​പന്റെ [ആധിപ​ത്യം വഹിക്കുന്ന ഒരുവൻ] കോപം നിന​ക്കെ​തി​രെ ഉയരു​ന്നു​വെ​ങ്കിൽ നിന്റെ സ്വന്ത സ്ഥാനം വിട്ടു​മാ​റ​രുത്‌, എന്തെന്നാൽ ശാന്തത മഹാപാ​പ​ങ്ങളെ അടക്കുന്നു.”—സഭാ​പ്ര​സം​ഗി 10:4.

ഒരു കഠിന​ഹൃ​ദ​യ​നായ തൊഴി​ല​ധി​കാ​രി​യു​ടെ അക്ഷമതയെ സൗമ്യ​ത​കൊ​ണ്ടും അയാളു​ടെ അന്യാ​യ​മായ ആവശ്യ​ങ്ങളെ കൃപാ​വാ​യ്‌പ്പു​കൊ​ണ്ടും നേരി​ട്ടാൽ അയാൾ ലജ്ജിത​നാ​യി​ത്തീ​രാൻ പോലും ഇടയാ​യേ​ക്കാം. (സദൃശ​വാ​ക്യ​ങ്ങൾ 15:1; കൊ​ലോ​സ്യർ 4:6) തുടർന്ന്‌ നിങ്ങൾ നിങ്ങളു​ടെ പ്രാപ്‌തി​യും ആശ്രയ​യോ​ഗ്യ​ത​യും തെളി​യി​ക്കു​ന്ന​തോ​ടെ നിങ്ങ​ളോ​ടുള്ള അയാളു​ടെ മനോ​ഭാ​വം ക്രമേണ ഭേദ​പ്പെട്ടു വരിക​യും ചെയ്യും. അങ്ങനെ സംഭവി​ച്ചി​ല്ലെ​ങ്കിൽതന്നെ നിങ്ങളു​ടെ ക്രിസ്‌തീയ നടത്തയിൽ ദൈവം പ്രസാ​ദി​ക്കു​ന്നു​വെ​ന്ന​റിഞ്ഞ്‌ “ക്ഷമ പ്രകടി​പ്പി​ക്കുക” മാത്രമേ ചെയ്യാ​നു​ള്ളു.—യാക്കോബ്‌ 5:7, 8.

ധാർമ്മിക ശുദ്ധി​യിൽ നിലനിൽക്കൽ

നിർമ്മ​ല​ത​യിൽ ക്രിസ്‌തീയ ധാർമ്മീക മൂല്യ​ങ്ങ​ളും ഉൾപ്പെ​ടു​ന്നു. ലേഡീസ്‌ ഹോം ജേർണ​ലി​ലെ ഒരു ലേഖനം ഇങ്ങനെ മുന്നറി​യിപ്പ്‌ നൽകി: “ഓഫീ​സ്സിൽ—ഓരോ​രു​ത്ത​രും നന്നായി വസ്‌ത്ര​ധാ​രണം ചെയ്‌തു നന്നായി പെരു​മാ​റു​ന്ന​തി​നും ഒന്നിച്ച്‌ സമയം ചെലവ​ഴിച്ച്‌ പൊതു​വായ ലാക്കുകൾ പിന്തു​ട​രു​ന്ന​തി​നും പ്രതീ​ക്ഷി​ക്ക​പ്പെ​ടു​ന്നി​ടം—ലൈം​ഗി​ക​ത​യു​ടെ പ്രസര​ത്തിന്‌ അനായാ​സം വിധേ​യ​മാ​കാ​വുന്ന ഒരു അന്തരീ​ക്ഷ​മാ​ണു​ള്ളത്‌.” ഓഫീസ്‌ കാര്യാ​ദി​ക​ളെ​ല്ലാം സർവ്വസാ​ധാ​ര​ണ​വി​ധ​ത്തി​ലാണ്‌. അതു​കൊണ്ട്‌ ജാഗരൂ​ക​രാ​യി​രി​ക്കു​ന്നത്‌ ജ്ഞാനമാണ്‌. ജോലി​സ്ഥ​ലത്ത്‌ പുരു​ഷൻമാ​രു​മാ​യുള്ള ഇടപെടൽ ഒരു ഔദ്യോ​ഗിക തലത്തിൽ ആയിരി​ക്കാൻ ശ്രദ്ധി​ക്കുക. കാമവി​കാ​ര​ങ്ങളെ തട്ടിയു​ണർത്തുന്ന സംസാ​രങ്ങൾ ഒഴിവാ​ക്കുക. “എന്തെന്നാൽ ഇതാകു​ന്നു ദൈ​വേ​ഷ്‌ടം, . . . നിങ്ങൾ പരസം​ഗ​ത്തിൽ നിന്ന്‌ ഒഴിഞ്ഞി​രി​ക്കേണം എന്നു തന്നെ.”—1 തെസ്സ​ലോ​നി​ക്യർ 4:3, 4.

എങ്കിലും പലപ്പോ​ഴും സ്‌ത്രീ​കൾ യുഗങ്ങ​ളോ​ളം പഴക്കമുള്ള ഒരു പ്രശ്‌ന​ത്തിന്‌: ലൈം​ഗിക പീഡയ്‌ക്ക്‌ വിധേ​യ​രാ​യേ​ക്കാം. തന്റെ വയലിൽ പണി​യെ​ടുത്ത രൂത്ത്‌ എന്ന സ്‌ത്രീ​യെ “സ്‌പർശി​ക്ക​രു​തെന്ന്‌” ബോവസ്‌ എന്ന്‌ പേരു​ണ്ടാ​യി​രുന്ന ഒരു മനുഷ്യൻ തന്റെ വേലക്കാ​രായ ചെറു​പ്പ​ക്കാ​രോട്‌ ആജ്ഞാപി​ച്ചി​രു​ന്ന​തി​നെ​പ്പ​ററി ബൈബിൾ നമ്മോട്‌ പറയുന്നു. “ആ കർഷക വേലക്കാർ സ്‌ത്രീ​കളെ പരുക്കൻ അവഹേ​ള​ന​ങ്ങൾകോണ്ട്‌ ഉപദ്ര​വി​ക്കുന്ന ശീലമു​ള്ളവർ ആയിരു​ന്നേ​ക്കും” എന്ന്‌ ബൈബിൾ പണ്ഡിത​നായ ജോൺ പി. ലേൻജ്‌ അഭി​പ്രാ​യ​പ്പെ​ടു​ന്നു. (രൂത്ത്‌ 2:9) ആധുനി​ക​നാ​ളി​ലെ തൊഴി​ലു​ട​മ​ക​ളിൽ പലരും അവരുടെ വനിത​ക​ളായ തൊഴി​ലാ​ളി​കളെ സംരക്ഷി​ക്കാൻ ശ്രമി​ക്കു​ന്നു​ണ്ടെ​ങ്കി​ലും (ഐക്യ​നാ​ടു​ക​ളി​ലെ) ജോലി​ചെ​യ്യുന്ന സ്‌ത്രീ​ക​ളിൽ 40 മുതൽ 85 ശതമാനം വരെ ഏതെങ്കി​ലും രൂപത്തി​ലുള്ള ലൈം​ഗിക ദ്രോ​ഹ​ത്തിന്‌ വിധേ​യ​രാ​യി​ത്തീർന്നി​രി​ക്കു​ന്നു.

വലേറിൻ എന്ന ഒരു ചെറു​പ്പ​ക്കാ​രി ഒരു സെക്ര​ട്ടറി ആയി ജോലി ചെയ്യു​ക​യാ​യി​രു​ന്നു. പലപ്പോ​ഴും അവളുടെ യജമാനൻ—അവളുടെ മൂന്നി​രട്ടി പ്രായം ഉള്ള ആൾ—അവളുടെ വസ്‌ത്ര​ത്തെ​ക്കു​റിച്ച്‌ ദുർധ്വ​നി​യുള്ള അഭി​പ്രാ​യങ്ങൾ പറയു​മാ​യി​രു​ന്നു. ഒരിക്കൽ അയാൾ അവളെ സൂത്ര​ത്തിൽ അശ്ലീല​ചി​ത്രങ്ങൾ കാട്ടാൻ ശ്രമി​ച്ചു​നോ​ക്കി. ഒടുവിൽ അയാൾ അവളെ തന്റെ ഓഫീ​സ്സിൽ വിളി​ച്ചു​വ​രു​ത്തി ഇങ്ങനെ പറഞ്ഞു: “നിനക്ക്‌ ഉദ്യോ​ഗം നിലനിർത്ത​ണ​മെ​ങ്കിൽ എന്റെ ലൈം​ഗിക അഭീഷ്ട​ങ്ങൾക്ക്‌ വഴങ്ങേ​ണ്ടി​വ​രും.” തീർച്ച​യാ​യും അവൾ അങ്ങനെ ചെയ്യാൻ വിസമ്മ​തി​ച്ചു.

അത്തരം നിന്ദാ​ക​ര​മായ പെരു​മാ​റ​റങ്ങൾ വിവിധ രൂപങ്ങ​ള​വ​ലം​ബി​ക്കു​ന്നു. ന്യൂ സ്‌റേ​റ​സ്‌മാൻ എന്ന ബ്രിട്ടീഷ്‌ മാസിക ഇങ്ങനെ പറയുന്നു: “അതിൽ കാമാർത്ത​മായ നോട്ടം, നുള്ളൽ, അനാവ​ശ്യ​മായ ശരീര സമ്പർക്കം, അസഭ്യ​ഭാ​ഷണം എന്നിവ ഉൾപ്പെ​ടു​ന്നു.” മിക്ക​പ്പോ​ഴും ലൈം​ഗിക അസൻമാർഗ്ഗ​ത്തി​ലേർപ്പെ​ടാ​നുള്ള സമ്മർദ്ധം ഓമന​പ്പേർവി​ളി​പോ​ലെ (ഓമനേ, കോമളേ) കൗശല​പൂർവ്വ​ക​മോ അല്ലെങ്കിൽ ഒരു പരസ്യ​മായ അഭ്യർത്ഥന പോലെ തുറന്ന​തോ ആയിരി​ക്കാം. ചില സ്‌ത്രീ​കൾ തൊഴിൽ നഷ്‌ട​പ്പെ​ട്ടേ​ക്കു​മെന്ന ഭയം നിമിത്തം ദ്രോഹം സഹിക്കും. സർവ്വേകൾ കാണി​ക്കു​ന്നത്‌ സ്‌ത്രീ​ക​ളിൽ ഒരു ന്യൂന​പക്ഷം അവർക്ക്‌ ലഭിക്കുന്ന ശ്രദ്ധയെ പ്രതി ആനന്ദി​ക്കു​ക​പോ​ലും ചെയ്യു​ന്നു​ണ്ടെ​ന്നാണ്‌!

പക്ഷേ, വിപരീത ലിംഗ​വർഗ്ഗ​ത്തിൽപ്പെ​ട്ട​വ​രിൽ നിന്നുള്ള ശ്രദ്ധ ആനന്ദക​ര​മാ​യി​രു​ന്നേ​ക്കാ​മെ​ങ്കി​ലും പരിധി​വി​ട്ടുള്ള അടുപ്പം പ്രായേണ വശീക​ര​ണ​കേ​ളി​യു​ടെ പ്രാരംഭ നീക്കം ആണ്‌. ഇത്‌ അപ്രകാ​രം നിങ്ങളു​ടെ നിർമ്മ​ല​ത​യിൻമേ​ലും ക്രിസ്‌തീയ അന്തസ്സിൻമേ​ലു​മുള്ള ഒരു കടന്നാ​ക്ര​മ​ണ​മാ​യി​രി​ക്കും.—1 കൊരി​ന്ത്യർ 6:18.

തടയാ​നുള്ള വിധങ്ങൾ

“ജ്ഞാനം നിങ്ങളു​ടെ ഹൃദയ​ത്തിൽ പ്രവേ​ശി​ക്കു​മ്പോൾ  . . . ,ചിന്താ​പ്രാ​പ്‌തി നിങ്ങളു​ടെ​മേൽ സംരക്ഷ​ണ​മാ​യി​രി​ക്കു​ക​യും വിവേചന നിങ്ങളെ കാക്കു​ക​യും ചെയ്യും.” (സദൃശ​വാ​ക്യ​ങ്ങൾ 2:10, 11) അതു​കൊണ്ട്‌, നിങ്ങളെ സ്വയം രക്ഷിക്കു​ന്ന​തിന്‌ പ്രാ​യോ​ഗിക ജ്ഞാനവും വിവേ​ച​ന​യും ഉപയോ​ഗി​ക്കാൻ കഴിയു​ന്ന​തെ​ങ്ങ​നെ​യാണ്‌? ഡയോൻ എന്ന ഒരു ഉദ്യോ​ഗസ്ഥ ഇങ്ങനെ പറയുന്നു: “എന്റെ ജോലി​സ്ഥ​ലത്ത്‌ ഞാൻ ഒരു യഹോ​വ​യു​ടെ സാക്ഷി ആണെന്ന കാര്യം അറിയി​ച്ചി​രി​ക്കും.” (മത്തായി 5:16 താരത​മ്യം ചെയ്യുക) നിങ്ങൾക്ക്‌ ഉയർന്ന ധാർമ്മിക നിലവാ​രങ്ങൾ ഉണ്ടെന്ന്‌ പുരു​ഷൻമാർ അറിയു​മ്പോൾ മിക്ക​പ്പോ​ഴും അവർ അവിഹിത മുന്നേ​റ​റങ്ങൾ നടത്താ​നുള്ള സാദ്ധ്യത കുറയും.

വിവേ​ച​ന​യു​ള്ള ബെററി എന്ന ഒരു വനിത മറെറാ​രു കരുതൽ നടപടി കൂടെ സ്വീക​രി​ക്കു​ന്നു. അവൾ പറയുന്നു: “എന്റെ സഹപ്ര​വർത്ത​ക​രു​ടെ ധാർമ്മിക മൂല്യങ്ങൾ എന്റേതു​പോ​ലെ​യ​ല്ലാ​ത്ത​തി​നാൽ അവരു​മാ​യി സഹവസി​ക്കുന്ന കാര്യ​ത്തിൽ ഞാൻ വളരെ കരുത​ലു​ള്ള​വ​ളാണ്‌.” (1 കൊരി​ന്ത്യർ 15:33) സഹപ്ര​വർത്ത​കരെ വിട്ടകന്ന്‌ അവരോട്‌ വിരോ​ധ​ഭാ​വം വച്ചുപു​ലർത്തണം എന്നതല്ല ഇതി​ന്റെ​യർത്ഥം. എന്നാൽ ഒരു ക്രിസ്‌ത്യാ​നിക്ക്‌ വിരോ​ധ​മായ കാര്യങ്ങൾ ചർച്ച ചെയ്യു​ന്ന​തിൽ അവർ ശാഠ്യം കാണി​ക്കു​ന്നു​വെ​ങ്കിൽ നിങ്ങൾ ഒഴിഞ്ഞു​മാ​റാൻ അമാന്തി​ക്ക​രുത്‌. (എഫേസ്യർ 5:3, 4) നിങ്ങൾ അത്തരം സംഭാ​ഷണം ശ്രദ്ധി​ക്കു​ന്നത്‌, നിങ്ങൾ പുരു​ഷൻമാ​രു​ടെ മുന്നേ​റ​റ​ങ്ങളെ സ്വാഗതം ചെയ്യുന്നു എന്ന ഒരു ധാരണ ജോലി​സ്ഥ​ലത്തെ ആളുകൾക്ക്‌ കൊടു​ക്കാൻ ഇടയുണ്ട്‌.

ഒരു ഔദ്യോ​ഗി​ക​മായ ഭാവം വച്ചുപു​ലർത്തു​ന്ന​തും അനാവ​ശ്യ​മായ ശ്രദ്ധയെ നിരു​ത്‌സാ​ഹ​പ്പെ​ടു​ത്താൻ ഇടയാ​ക്കും. കൂടാതെ “യോഗ്യ​മാ​യി അണിയുന്ന വസ്‌ത്രം, സൗമ്യത, മനസ്സിന്റെ സുബോ​ധം എന്നിവ കൊണ്ട്‌ തങ്ങളെ​ത്തന്നെ അലങ്കരി​ക്കാൻ ബൈബിൾ സ്‌ത്രീ​കളെ ഉത്‌ബോ​ധി​പ്പി​ക്കു​ന്നു. (1 തിമൊ​ഥെ​യോസ്‌ 2:9; സദൃശ​വാ​ക്യ​ങ്ങൾ 7:10 താരത​മ്യ​പ്പെ​ടു​ത്തുക) തൊഴി​ലി​ടത്തെ ലൈം​ഗിക പീഡ എന്ന പുസ്‌തകം ഇങ്ങനെ പറയുന്നു: “പ്രലോ​ഭി​പ്പി​ക്കുന്ന വസ്‌ത്ര​ധാ​രണം—അതായത്‌, ഇറങ്ങിയ കഴുത്ത്‌; വെയി​ലു​കാ​യാ​നി​ടുന്ന തരം വസ്‌ത്രങ്ങൾ; നന്നെ കുറു​കിയ സ്‌കർട്ടു​കൾ; വെട്ടി​ത്തി​ള​ങ്ങുന്ന മേക്കപ്പ്‌—ഇവയൊ​ന്നും ജോലി​സ്ഥ​ല​ത്തിന്‌ ചേരു​ന്നതല്ല . . . നിങ്ങൾ വിശേ​ഷ​ശ്രദ്ധ പിടിച്ചു പററാത്ത രീതി​യിൽ വസ്‌ത്ര​ധാ​രണം ചെയ്യു​ന്നത്‌ തിര​ഞ്ഞെ​ടു​ത്താൽ ഒരു ഔദ്യോ​ഗിക പ്രതി​ച്ഛാ​യക്ക്‌ രൂപം നൽകാ​നുള്ള സാദ്ധ്യ​തകൾ വളരെ വർദ്ധി​ക്കു​ന്നു.”

ഒടുവിൽ വിവേ​ച​ന​യുള്ള ഒരു സ്‌ത്രീ വിട്ട​വീ​ഴ്‌ച​യു​ടെ സാഹച​ര്യ​ങ്ങൾ ഒഴിവാ​ക്കു​ന്നു. വ്യക്തമായ കാരണ​മി​ല്ലാ​തെ ഓഫീസ്‌ സമയം കഴിഞ്ഞ്‌ വൈകിയ വേളക​ളിൽ ജോലി​ചെ​യ്യു​ക​യോ മദ്യപാ​ന​ത്തി​നുള്ള ഒരു ക്ഷണം സ്വീക​രി​ക്കു​ക​യോ ചെയ്യു​ന്നത്‌ ഒരു കെണി ആയിരി​ക്കാം. (2 ശമുവേൽ 13:1-14 താരത​മ്യം ചെയ്യുക.) “അനർത്ഥം കണ്ട്‌ സ്വയം ഒളിക്കാ​നൊ​രു​മ്പെ​ടു​ന്ന​വ​ന​ത്രെ സൂക്ഷ്‌മ​ബു​ദ്ധി” എന്ന്‌ ഒരു ജ്ഞാനവ​ചനം പറയുന്നു.—സദൃശ​വാ​ക്യ​ങ്ങൾ 22:3.

ഉപദ്രവം നിർത്തൽ

കൂടെ ജോലി ചെയ്യുന്ന പുരു​ഷൻമാ​രു​ടെ​യെ​ല്ലാം ചിന്താ​രീ​തി​ക്കോ രൂഢമൂ​ല​മായ പഴകിയ സ്വഭാ​വ​രീ​തി​ക്കോ മാററം വരുത്താൻ നിങ്ങൾക്ക്‌ കഴിയും എന്ന്‌ ചിന്തി​ക്കു​ന്നത്‌ തീർച്ച​യാ​യും യാഥാർത്ഥ്യാ​ധി​ഷ്‌ഠി​തം അല്ല. (യിരെ​മ്യാവ്‌ 13:23 താരത​മ്യം ചെയ്യുക) കൂടാതെ പരിധി​യിൽ കവിഞ്ഞ സൗഹൃദം കാണി​ക്കു​ന്ന​പോ​ലെ തോന്നുന്ന പുരു​ഷൻമാർക്കെ​ല്ലാം “വ്യഭി​ചാ​രം നിറഞ്ഞ കണ്ണുകളാ”ണുള്ളത്‌ എന്ന്‌ നിഗമനം ചെയ്യു​ന്ന​തും നീതിയല്ല. (2 പത്രോസ്‌ 2:14) അതു​കൊണ്ട്‌ ചില​പ്പോ​ഴെ​ല്ലാം സംശയ​ത്തി​ന്റെ ആനുകൂ​ല്യം നൽകു​ന്നത്‌ ഉചിത​മാ​യി​രി​ക്കും.

പക്തെ, അമിത​മായ അടുപ്പം പ്രകട​മാ​യി​രി​ക്കു​മ്പോൾ ഒരു ഉറച്ച നിലപാട്‌ എടുക്കുക. ശലോ​മോൻ ഒരു യുവക​ന്യ​ക​യോട്‌ അനാവ​ശ്യ​മായ മുന്നേ​റ​റങ്ങൾ നടത്തി​യ​പ്പോൾ അവൾ വഴങ്ങി​യില്ല. തന്റെ എളിയ ആട്ടിട​യ​ച്ചെ​റു​ക്ക​നോ​ടുള്ള അചഞ്ചല​മായ സ്‌നേഹ പ്രകട​നങ്ങൾ കൊണ്ടാണ്‌ അവൾ ശലോ​മോ​ന്റെ അഭിനന്ദന വചനങ്ങ​ളോട്‌ പ്രതി​ക​രി​ച്ചത്‌. ശലോ​മോ​ന്റെ മുന്നേ​റ​റ​ങ്ങൾക്ക്‌ വഴങ്ങാൻ താൻ വിസമ്മ​തി​ച്ച​തു​കൊണ്ട്‌ അവൾക്ക്‌ “ഞാനൊ​രു മതിൽ” ആണെന്ന്‌ പറയാൻ കഴിയു​മാ​യി​രു​ന്നു.—ഉത്തമഗീ​തം 8:10.

അതേ നിശ്ചയ​ദാർഢ്യം കാണി​ക്കുക. മിക്ക​പ്പോ​ഴും മുന്നേ​റ​റ​ങ്ങളെ മുളയി​ലെ തന്നെ നുള്ളി​ക്ക​ള​യാൻ ഇങ്ങനെ പറയാ​വു​ന്ന​താണ്‌: “ദയവായി സ്‌പർശനം അരുത്‌,” “എന്നെ എന്റെ പേർ വിളി​ക്കുക;” അല്ലെങ്കിൽ “ഞാൻ അത്തരം ഫലിതങ്ങൾ ഇഷ്‌ട​പ്പെ​ടു​ന്നില്ല.” ഒരു ക്രിസ്‌തീയ സ്‌ത്രീ ഒന്നിൽ കൂടുതൽ പ്രാവ​ശ്യം “നിർത്ത​വി​ടെ!” എന്ന്‌ തന്നെ പറഞ്ഞി​ട്ടുണ്ട്‌. എങ്ങനെ​യാ​യി​രു​ന്നാ​ലും നിങ്ങൾ ഇല്ല എന്നു പറഞ്ഞാൽ ഇല്ല! എന്നു തന്നെ അർത്ഥമാ​ക്കു​ന്നു​വെന്ന്‌ വ്യക്തമാ​ക്കുക. (മത്തായി 5:37 താരത​മ്യം ചെയ്യുക) ദുർബ്ബ​ല​മോ അവ്യക്ത​മോ ആയ പ്രതി​ക​രണം ഒരു ഉപദ്രവി അൽപ്പം​കൂ​ടെ ശക്തമായി ശ്രമി​ച്ചു​നോ​ക്കാൻ പ്രോ​ത്‌സാ​ഹി​പ്പി​ക്കു​കയേ ഉള്ളു.

നിങ്ങൾ വിവാ​ഹി​ത​യാ​ണെ​ങ്കിൽ നിങ്ങളു​ടെ ഭർത്താ​വി​നോട്‌ നിങ്ങളു​ടെ വിഷമ​തകൾ പറഞ്ഞറി​യി​ക്കു​ന്നത്‌ നന്നായി​രി​ക്കും. സാഹച​ര്യം എങ്ങനെ കൈകാ​ര്യം ചെയ്യണ​മെ​ന്നതു സംബന്ധിച്ച്‌ അദ്ദേഹ​ത്തിന്‌ എന്തെങ്കി​ലും പ്രാ​യോ​ഗിക നിർദ്ദേ​ശങ്ങൾ തരാനു​ണ്ടാ​യി​രി​ക്കും. ഉദ്യോ​ഗം മാറു​ന്നത്‌ തന്നെയാണ്‌ ഉത്തമം എന്ന്‌ നിങ്ങൾ കരുതു​ന്നു​വെ​ങ്കിൽ ദൈവ​ത്തി​ന്റെ വാഗ്‌ദത്തം ഓർമ്മി​ക്കുക: “ഞാൻ ഒരു പ്രകാ​ര​ത്തി​ലും നിങ്ങളെ കൈവി​ടു​ക​യോ ഏതെങ്കി​ലും പ്രകാ​ര​ത്തിൽ നിങ്ങളെ ഉപേക്ഷി​ക്കു​ക​യോ ഇല്ല.”—എബ്രായർ 13:5.

നിങ്ങളു​ടെ ജോലി​യും നിങ്ങളു​ടെ നിർമ്മ​ല​ത​യും

അതു​കൊണ്ട്‌ ഒരു ലൗകിക തൊഴിൽ മിക്ക​പ്പോ​ഴും ആവശ്യം ആയിരി​ക്കവെ തന്നെ അതിന്‌ ചില സമയങ്ങ​ളിൽ നിങ്ങളു​ടെ ക്രിസ്‌തീയ നിർമ്മ​ല​തക്ക്‌ ഭീഷണി ഉയർത്താൻ കഴിയും. മത്തായി 10:16-ലെ യേശു​വി​ന്റെ വാക്കുകൾ തികച്ചും അവസ​രോ​ചി​ത​മാണ്‌: “നിങ്ങൾ സ്വയം പാമ്പു​ക​ളെ​പ്പോ​ലെ ജാഗ്ര​ത​യു​ള്ള​വ​രും പ്രാവു​ക​ളെ​പ്പോ​ലെ നിഷ്‌ക്ക​ള​ങ്ക​രും ആയിരി​ക്കുക.”

ജോലി​സ്ഥ​ലത്ത്‌, ക്രിസ്‌തീയ നിർമ്മലത കാക്കുക എളുപ്പമല്ല, പക്ഷേ അതു സാദ്ധ്യ​മാണ്‌. യഹോ​വ​യു​ടെ സാക്ഷി​ക​ളിൽ പെട്ട ആയിര​ക്ക​ണ​ക്കിന്‌ സ്‌ത്രീ​കൾ ബൈബിൾ ബുദ്ധി​യു​പ​ദേശം പിൻതു​ടർന്നു​കൊണ്ട്‌ അങ്ങനെ ചെയ്യുന്നു. ബൈബിൾ അദ്ധ്യയനം, പ്രാർത്ഥന, ക്രിസ്‌തീയ  യോഗങ്ങൾ, രാജ്യ​പ്ര​സം​ഗ​പ്ര​വർത്തനം, മററ്‌ ദൈവിക പ്രവൃ​ത്തി​കൾ എന്നിവ​യി​ലൂ​ടെ അവർ തങ്ങളെ​ത്തന്നെ ആത്‌മീ​യ​മാ​യി ശക്തരായി കാക്കുന്നു. തൽഫല​മാ​യി ശമ്പളച്ചീ​ട്ടിന്‌ നൽകാൻ കഴിയാത്ത ചിലത്‌ അവർ ആസ്വദി​ക്കു​ന്നു. “നിർമ്മ​ല​ത​യിൽ നടക്കു​ന്നവൻ സുരക്ഷി​ത​മാ​യി നടക്കുന്നു” എന്ന്‌ ആരുടെ വചനം വാഗ്‌ദാ​നം ചെയ്യു​ന്നു​വോ ആ ഒരുവ​നായ യഹോ​വ​യു​ടെ പ്രിയം അവർക്കു​ണ്ടെന്ന അറിവ്‌ തന്നെ.—സദൃശ​വാ​ക്യ​ങ്ങൾ 10:9. (w87 3/15)

[അടിക്കു​റി​പ്പു​കൾ]

[7-ാം പേജിലെ ചിത്രം]

ജോലിസ്ഥലത്ത്‌ നിർമ്മലത കാക്കു​ന്ന​തിന്‌:

സഹജോലിക്കാരുമായി സാമൂ​ഹ്യ​സ​ഹ​വാ​സം നടത്തു​ന്നതു സംബന്ധിച്ച്‌ കരുത​ലു​ള്ള​വ​രാ​യി​രി​ക്കുക.

നിങ്ങൾക്ക്‌ ഉന്നത ധാർമ്മിക നിലവാ​ര​ങ്ങ​ളു​ണ്ടെന്ന്‌ അറിയാ​നി​ട​യാ​ക്കുക.

നിങ്ങൾ മാന്യ​മായ വസ്‌ത്രം ധരിക്കുക.