യൂനീ​ക്ക​യും ലോവീ​സും—മാതൃ​കാ​യോ​ഗ്യ​രായ അധ്യാ​പി​ക​മാർ

കുട്ടികൾക്കു ഫലപ്ര​ദ​മായ മതവി​ദ്യാ​ഭ്യാ​സം നൽകു​ന്നതു ഗൗരവ​മുള്ള ഒരു ഉത്തരവാ​ദി​ത്വ​മാ​ണെന്നു യഹോ​വ​യു​ടെ ദാസന്മാ​രായ നമുക്ക​റി​യാം. ഏറ്റവും അനുകൂ​ല​മായ സാഹച​ര്യ​ത്തിൽപ്പോ​ലും ഈ കൃത്യം സകലതരം വൈത​ര​ണി​ക​ളും ബുദ്ധി​മു​ട്ടു​ക​ളും നിറഞ്ഞ​താ​കാം. ഒരു ക്രിസ്‌ത്യാ​നി ആ വെല്ലു​വി​ളി അഭിമു​ഖീ​ക​രി​ക്കു​ന്നത്‌ മതപര​മാ​യി വിഭജി​ത​മായ ഒരു കുടും​ബ​ത്തിൽ ആയിരി​ക്കു​മ്പോൾ അതു വിശേ​ഷാൽ അങ്ങനെ​യാ​യി​രി​ക്കും. അത്തരം സാഹച​ര്യം ഒരു പുതിയ കാര്യമല്ല. പൊ.യു. ഒന്നാം നൂറ്റാ​ണ്ടിൽ, സമാന​മായ സാഹച​ര്യ​ത്തി​ലാ​യി​രുന്ന ഒരു മാതാ​വി​നെ​ക്കു​റിച്ച്‌ തിരു​വെ​ഴു​ത്തു​കൾ നമ്മോടു പറയുന്നു.

ഏഷ്യാ​മൈ​ന​റി​ന്റെ ദക്ഷിണ​മധ്യ ഭാഗത്തുള്ള ലുക്ക​വോ​ന്യ പ്രദേ​ശത്തെ ഒരു നഗരമായ ലുസ്‌ത്ര​യിൽ യൂനീക്ക എന്നു​പേ​രുള്ള ഒരു സ്‌ത്രീ​യു​ടെ കുടും​ബം ജീവി​ച്ചി​രു​ന്നു. കാര്യ​മായ പ്രാധാ​ന്യ​മൊ​ന്നും ഇല്ലാഞ്ഞ ഒരു ചെറിയ പ്രവി​ശ്യാ നഗരമാ​യി​രു​ന്നു ലുസ്‌ത്ര. ചുറ്റു​മുള്ള പ്രദേ​ശ​ങ്ങ​ളി​ലെ കൊള്ള​ക്കാ​രു​ടെ പ്രവർത്ത​ന​ങ്ങളെ എതിരി​ടാൻ അഗസ്റ്റസ്‌ സീസർ സ്ഥാപിച്ച, യൂലിയാ ഫെലി​ക്‌സ്‌ ജെമിനാ ലുസ്‌ത്ര എന്നു വിളി​ക്ക​പ്പെട്ട ഒരു റോമൻ കോള​നി​യാ​യി​രു​ന്നു അത്‌. ഗ്രീക്കു​കാ​ര​നായ ഭർത്താ​വും പുത്രൻ തിമൊ​ഥെ​യൊ​സും തന്റെ അമ്മ ലോവീ​സും ഉൾപ്പെട്ട മതപര​മാ​യി വിഭജി​ത​മായ ഒരു കുടും​ബ​ത്തിൽ ജീവി​ച്ചി​രുന്ന ഒരു യഹൂദ ക്രിസ്‌ത്യാ​നി​യാ​യി​രു​ന്നു യൂനീക്ക.—പ്രവൃ​ത്തി​കൾ 16:1-3.

ലുസ്‌ത്ര​യിൽനിന്ന്‌ ഏകദേശം 30 കിലോ​മീ​റ്റർ അകലെ​യുള്ള ഇക്കോ​ന്യ​യിൽ യഹൂദ​ന്മാർ ഉണ്ടായി​രു​ന്നെ​ങ്കി​ലും ലുസ്‌ത്ര​യിൽ യഹൂദ​ന്മാർ അധിക​മൊ​ന്നും ഉണ്ടായി​രു​ന്നി​രി​ക്കാൻ ഇടയില്ല. കാരണം അവിടെ ഒരു സിന​ഗോഗ്‌ ഉണ്ടായി​രു​ന്ന​താ​യി ബൈബി​ളിൽ യാതൊ​രു പരാമർശ​വു​മില്ല. (പ്രവൃ​ത്തി​കൾ 14:19) അതു​കൊണ്ട്‌ തന്റെ വിശ്വാ​സ​പ്ര​കാ​രം ജീവി​ക്കു​ന്നത്‌ യൂനീ​ക്ക​യ്‌ക്ക്‌ എളുപ്പ​മാ​യി​രു​ന്നി​രി​ക്കില്ല. തിമൊ​ഥെ​യൊ​സി​നെ ജനന​ശേഷം പരി​ച്ഛേ​ദ​ന​യ്‌ക്കു വിധേ​യ​നാ​ക്കി​യില്ല എന്നുള്ള വസ്‌തുത, യൂനീ​ക്ക​യു​ടെ ഭർത്താവ്‌ ആ ആശയത്തെ എതിർത്തി​രു​ന്നു​വെന്നു നിഗമനം ചെയ്യു​ന്ന​തി​ലേക്കു ചില പണ്ഡിത​ന്മാ​രെ നയിച്ചി​രി​ക്കു​ന്നു.

എന്നാൽ തന്റെ വിശ്വാ​സ​ത്തിൽ യൂനീക്ക ഒറ്റയ്‌ക്കാ​യി​രു​ന്നില്ല. തിമൊ​ഥെ​യൊ​സിന്‌ അമ്മയിൽനി​ന്നും അമ്മയുടെ അമ്മയായ ലോവീ​സിൽനി​ന്നും “തിരു​വെ​ഴു​ത്തു” പ്രബോ​ധനം ലഭിച്ച​താ​യി തോന്നു​ന്നു.a പൗലൊസ്‌ അപ്പോ​സ്‌തലൻ തിമൊ​ഥെ​യൊ​സി​നെ ഇങ്ങനെ ഉദ്‌ബോ​ധി​പ്പി​ച്ചു: “നീയോ ഇന്നവ​രോ​ടു പഠിച്ചു എന്നു ഓർക്കു​ക​യും ക്രിസ്‌തു​യേ​ശു​വി​ങ്ക​ലുള്ള വിശ്വാ​സ​ത്താൽ നിന്നെ രക്ഷെക്കു ജ്ഞാനി​യാ​ക്കു​വാൻ മതിയായ തിരു​വെ​ഴു​ത്തു​കളെ ബാല്യം​മു​തൽ അറിക​യും ചെയ്യു​ന്നതു കൊണ്ടു നീ പഠിച്ചും നിശ്ചയം പ്രാപി​ച്ചും ഇരിക്കു​ന്ന​തിൽ നിലനില്‌ക്ക.”—2 തിമൊ​ഥെ​യൊസ്‌ 3:14, 15.

“ബാല്യം​മു​തൽ” വിദ്യാ​ഭ്യാ​സം

തിമൊ​ഥെ​യൊ​സിന്‌ “തിരു​വെ​ഴു​ത്തു”കളിലുള്ള വിദ്യാ​ഭ്യാ​സം “ബാല്യം​മു​തൽ” ലഭിച്ചി​രു​ന്നെന്നു പൗലൊസ്‌ പറഞ്ഞ​പ്പോൾ, അതു തെളി​വ​നു​സ​രി​ച്ചു ശൈശ​വ​കാ​ലത്തെ അർഥമാ​ക്കി. സാധാ​ര​ണ​ഗ​തി​യിൽ നവജാ​ത​ശി​ശു​വി​നെ പരാമർശി​ക്കുന്ന ഒരു ഗ്രീക്കു​പദം (ബ്രി​ഫോസ്‌) അവൻ ഉപയോ​ഗി​ച്ചത്‌ അതുമാ​യി യോജി​ക്കു​ന്നു. (ലൂക്കൊസ്‌ 2:12, 16 താരത​മ്യം ചെയ്യുക.) ദൈവ​ത്തി​ന്റെ അർപ്പിത ദാസനാ​യി​ത്തീ​രാൻ തിമൊ​ഥെ​യൊ​സി​നെ സഹായി​ക്കു​മാ​യി​രുന്ന പരിശീ​ലനം ഒട്ടും സമയം പാഴാ​ക്കാ​തെ തുടങ്ങി​ക്കൊണ്ട്‌ യൂനീക്ക തന്റെ ദൈവദത്ത കർത്തവ്യം ഗൗരവ​മാ​യെ​ടു​ത്തു.—ആവർത്ത​ന​പു​സ്‌തകം 6:6-9; സദൃശ​വാ​ക്യ​ങ്ങൾ 1:8.

തിമൊ​ഥെ​യൊസ്‌ തിരു​വെ​ഴു​ത്തു സത്യങ്ങ​ളിൽ “നിശ്ചയം പ്രാപി”ച്ചിരുന്നു. ഒരു ഗ്രീക്ക്‌ നിഘണ്ടു പറയു​ന്ന​ത​നു​സ​രിച്ച്‌, പൗലൊസ്‌ ഇവിടെ ഉപയോ​ഗി​ച്ചി​രി​ക്കുന്ന പദം ഒരു സംഗതി​യെ​ക്കു​റിച്ച്‌ “ദൃഢമാ​യി ബോധ്യ​പ്പെ​ടു​ത്ത​പ്പെ​ട്ടി​രി​ക്കു​ന്ന​തി​നെ; ഉറപ്പു​വ​രു​ത്ത​പ്പെ​ട്ടി​രി​ക്കു​ന്ന​തി​നെ” അർഥമാ​ക്കു​ന്നു. ദൈവ​വ​ച​ന​ത്തെ​ക്കു​റിച്ച്‌ ന്യായ​വാ​ദം ചെയ്യാ​നും അതിൽ വിശ്വാ​സം കെട്ടു​പ​ണി​ചെ​യ്യാ​നും തിമൊ​ഥെ​യൊ​സി​നെ സഹായി​ച്ചു​കൊണ്ട്‌ അവന്റെ ഹൃദയ​ത്തിൽ അത്തരം ശക്തമായ ബോധ്യം ഉൾനടാൻ ഗണ്യമായ സമയവും ശ്രമവും ആവശ്യ​മാ​യി​രു​ന്നു എന്നതിൽ തെല്ലും സംശയ​മില്ല. അതു​കൊണ്ട്‌, തിമൊ​ഥെ​യൊ​സി​നെ തിരു​വെ​ഴു​ത്തു പഠിപ്പി​ക്കാൻ യൂനീ​ക്ക​യും ലോവീ​സും കഠിനാ​ധ്വാ​നം ചെയ്‌തെന്നു വ്യക്തമാണ്‌. ദൈവ​ഭ​ക്തി​യുള്ള ആ സ്‌ത്രീ​കൾ എന്തൊരു പ്രതി​ഫ​ല​മാണ്‌ കൊയ്‌തത്‌! പൗലൊ​സിന്‌ തിമൊ​ഥെ​യൊ​സി​നെ​ക്കു​റിച്ച്‌ പിൻവ​രുന്ന പ്രകാരം എഴുതാൻ കഴിഞ്ഞു: “ആ [നിർവ്യാ​ജ] വിശ്വാ​സം ആദ്യം നിന്റെ വലിയമ്മ ലോവീ​സി​ലും അമ്മ യൂനീ​ക്ക​യി​ലും ഉണ്ടായി​രു​ന്നു; നിന്നി​ലും ഉണ്ടെന്നു ഞാൻ ഉറെച്ചി​രി​ക്കു​ന്നു.”—2 തിമൊ​ഥെ​യൊസ്‌ 1:5.

തിമൊ​ഥെ​യൊ​സി​ന്റെ ജീവി​ത​ത്തിൽ യൂനീ​ക്ക​യും ലോവീ​സും എന്തൊരു സുപ്ര​ധാന പങ്കാണു വഹിച്ചത്‌! അതി​നോ​ടുള്ള ബന്ധത്തിൽ എഴുത്തു​കാ​ര​നായ ഡേവിഡ്‌ റീഡ്‌ പ്രസ്‌താ​വി​ക്കു​ന്നു: “മതപരി​വർത്തനം സംബന്ധിച്ച തിമൊ​ഥെ​യൊ​സി​ന്റെ വ്യക്തി​പ​ര​മായ അനുഭവം മാത്ര​മാണ്‌ പ്രധാ​ന​മെന്ന്‌ അപ്പോ​സ്‌തലൻ കരുതി​യി​രു​ന്നെ​ങ്കിൽ അവൻ അത്‌ നേരിട്ട്‌ [തിമൊ​ഥെ​യൊ​സി​നെ] ഓർമി​പ്പി​ക്കു​മാ​യി​രു​ന്നു. എന്നാൽ തിമൊ​ഥെ​യൊ​സി​ന്റെ വിശ്വാ​സ​ത്തെ​ക്കു​റിച്ച്‌ അവനു പറയാ​നു​ണ്ടാ​യി​രുന്ന ആദ്യ സംഗതി, അത്‌ ‘ലോവീ​സി​ലും . . . യൂനീ​ക്ക​യി​ലും ഉണ്ടായി​രു​ന്നു’ എന്നതാണ്‌.” മാതാ​പി​താ​ക്ക​ളും വല്യമ്മ​വ​ല്യ​പ്പ​ന്മാർപോ​ലും വീട്ടിൽവെച്ചു നൽകുന്ന ഇളം​പ്രാ​യ​ത്തി​ലുള്ള തിരു​വെ​ഴു​ത്തു വിദ്യാ​ഭ്യാ​സ​മാണ്‌ ഒരു കുട്ടി​യു​ടെ ആത്മീയ ഭാവി​പ്ര​തീ​ക്ഷകൾ നിർണ​യി​ക്കു​ന്ന​തി​ലെ അടിസ്ഥാ​ന​മെന്ന്‌ ലോവീ​സി​ന്റെ​യും യൂനീ​ക്ക​യു​ടെ​യും തിമൊ​ഥെ​യൊ​സി​ന്റെ​യും വിശ്വാ​സ​ത്തെ​ക്കു​റി​ച്ചുള്ള പൗലൊ​സി​ന്റെ പ്രസ്‌താ​വ​നകൾ പ്രകട​മാ​ക്കു​ന്നു. ദൈവ​ത്തോ​ടും കുട്ടി​ക​ളോ​ടു​മുള്ള ഈ ഉത്തരവാ​ദി​ത്വം നിർവ​ഹി​ക്കാൻ തങ്ങൾ എന്തു​ചെ​യ്യു​ന്നു​വെന്നു ഗൗരവ​മാ​യി ചിന്തി​ക്കാൻ അതു കുടും​ബാം​ഗ​ങ്ങളെ പ്രേരി​പ്പി​ക്കേ​ണ്ട​തല്ലേ?

ലോവീ​സും യൂനീ​ക്ക​യും ഉളവാ​ക്കി​യ​തരം കുടും​ബാ​ന്ത​രീ​ക്ഷ​ത്തെ​ക്കു​റി​ച്ചും പൗലൊസ്‌ ചിന്തി​ക്കു​ക​യാ​യി​രു​ന്നി​രി​ക്കാം. അപ്പോ​സ്‌തലൻ ആദ്യം ലുസ്‌ത്ര​യിൽ താമസി​ച്ച​പ്പോൾ അവരുടെ ഭവനം സന്ദർശി​ച്ചി​രു​ന്നി​രി​ക്കാം. അതു പൊ.യു. ഏകദേശം 47/48 കാലഘ​ട്ട​ത്തി​ലാ​യി​രു​ന്നു. ആ സമയത്താ​യി​രി​ക്കാം അവരി​രു​വ​രും ക്രിസ്‌ത്യാ​നി​ത്വ​ത്തി​ലേക്കു പരിവർത്തനം ചെയ്‌തത്‌. (പ്രവൃ​ത്തി​കൾ 14:8-20) ലോവീ​സി​നെ തിമൊ​ഥെ​യൊ​സി​ന്റെ “വലിയമ്മ” എന്നു പരാമർശി​ച്ച​പ്പോൾ പൗലൊസ്‌ തിര​ഞ്ഞെ​ടുത്ത വാക്കുകൾ ആ കുടും​ബം ആസ്വദി​ച്ചി​രുന്ന ഊഷ്‌മ​ള​വും സന്തുഷ്ട​വു​മായ ബന്ധങ്ങളാൽ സ്വാധീ​നി​ക്ക​പ്പെ​ട്ടി​രി​ക്കണം. പണ്ഡിത​നായ സിസ്‌ല സ്‌പിക്‌ പറയു​ന്ന​ത​നു​സ​രിച്ച്‌, അവൻ ഉപയോ​ഗിച്ച ഗ്രീക്കു പദപ്ര​യോ​ഗം (അംഗീ​കൃ​ത​വും ആദരണീ​യ​വു​മാ​യി​രുന്ന തീത്തെ​യ്‌കു പകരം മാമെ എന്നത്‌) “ഒരു കുട്ടി” തന്റെ വല്യമ്മയെ വിളി​ക്കാ​നു​പ​യോ​ഗി​ക്കുന്ന “ഓമനത്തം കലർന്ന പദമാ”ണ്‌. ഈ സന്ദർഭ​ത്തിൽ അത്‌ “പരിച​യ​ത്തെ​യും പ്രിയ​ത്തെ​യും ധ്വനി​പ്പി​ക്കു​ന്നു.”

തിമൊ​ഥെ​യൊ​സി​ന്റെ യാത്ര​പോ​കൽ

പൗലൊസ്‌ രണ്ടാം പ്രാവ​ശ്യം ലുസ്‌ത്ര സന്ദർശി​ച്ച​പ്പോൾ (പൊ.യു. ഏകദേശം 50) യൂനീ​ക്ക​യു​ടെ വൈവാ​ഹിക അവസ്ഥ എന്തായി​രു​ന്നെന്നു വ്യക്തമല്ല. അവൾ ഒരു വിധവ​യാ​യി​രു​ന്നെന്ന്‌ അനേകം പണ്ഡിത​ന്മാർ നിഗമനം ചെയ്യുന്നു. അതെന്താ​യി​രു​ന്നാ​ലും, അമ്മയു​ടെ​യും വല്യമ്മ​യു​ടെ​യും മാർഗ​നിർദ്ദേ​ശ​ത്തിൻ കീഴിൽ തിമൊ​ഥെ​യൊസ്‌ ഒരു നല്ല ചെറു​പ്പ​ക്കാ​ര​നാ​യി വളർന്നി​രു​ന്നു. അവന്‌ അപ്പോൾ ഏകദേശം 20 വയസ്സു​ണ്ടാ​യി​രു​ന്നി​രി​ക്കാം. അവൻ “ലുസ്‌ത്ര​യി​ലും ഇക്കോ​ന്യ​യി​ലു​മുള്ള സഹോ​ദ​ര​ന്മാ​രാൽ നല്ല സാക്ഷ്യം​കൊ​ണ്ടവൻ ആയിരു​ന്നു.” (പ്രവൃ​ത്തി​കൾ 16:2) വ്യക്തമാ​യും, രാജ്യ​ത്തി​ന്റെ സുവാർത്ത പ്രചരി​പ്പി​ക്കാ​നുള്ള ആഗ്രഹം തിമൊ​ഥെ​യൊ​സി​ന്റെ ഹൃദയ​ത്തിൽ ഉൾനട​പ്പെ​ട്ടി​രു​ന്നു. കാരണം, മിഷനറി യാത്ര​യിൽ തന്നോ​ടും ശീലാ​സി​നോ​ടു​മൊ​പ്പം സഞ്ചരി​ക്കാ​നുള്ള പൗലൊ​സി​ന്റെ ക്ഷണം അവൻ സ്വീക​രി​ച്ചു.

തിമൊ​ഥെ​യൊസ്‌ യാത്ര പോകാ​റാ​യ​പ്പോൾ യൂനീ​ക്ക​യ്‌ക്കും ലോവീ​സി​നു​മു​ണ്ടായ വികാ​ര​മൊ​ന്നു സങ്കൽപ്പി​ച്ചു​നോ​ക്കൂ! പൗലൊസ്‌ തങ്ങളുടെ നഗരം ആദ്യം സന്ദർശി​ച്ച​പ്പോൾ ആളുകൾ അപ്പോ​സ്‌ത​ലനെ കല്ലെറി​ഞ്ഞിട്ട്‌ മരി​ച്ചെന്നു കരുതി ഇട്ടേച്ചു​പോ​യത്‌ അവർക്ക​റി​യാ​മാ​യി​രു​ന്നു. (പ്രവൃ​ത്തി​കൾ 14:19) അതു​കൊണ്ട്‌, പോകാൻ തിമൊ​ഥെ​യൊ​സി​നെ അനുവ​ദി​ക്കു​ന്നത്‌ അവരെ സംബന്ധി​ച്ചി​ട​ത്തോ​ളം എളുപ്പ​മാ​യി​രു​ന്നി​രി​ക്കില്ല. അവൻ എത്രകാ​ലം വീടു​വി​ട്ടു​നിൽക്കും. സുരക്ഷി​ത​നാ​യി മടങ്ങി​വ​രു​മോ എന്നൊക്കെ അവർ ചിന്തി​ച്ചി​രി​ക്കാ​നി​ട​യുണ്ട്‌. സാധ്യ​മായ അത്തരം ആകുല​തകൾ ഉണ്ടായി​രു​ന്നെ​ങ്കി​ലും, യഹോ​വയെ കൂടുതൽ തിക​വോ​ടെ സേവി​ക്കാൻ അവനെ പ്രാപ്‌ത​നാ​ക്കു​മാ​യി​രുന്ന ആ പ്രത്യേക പദവി സ്വീക​രി​ക്കാൻ അമ്മയും വല്യമ്മ​യും അവനെ നിസ്സം​ശ​യ​മാ​യും പ്രോ​ത്സാ​ഹി​പ്പി​ച്ചു.

മൂല്യ​വ​ത്തായ പാഠങ്ങൾ

യൂനീ​ക്ക​യെ​യും ലോവീ​സി​നെ​യും കുറി​ച്ചുള്ള സൂക്ഷ്‌മ പരി​ശോ​ധ​ന​യിൽനിന്ന്‌ വളരെ​യേറെ കാര്യങ്ങൾ പഠിക്കാൻ കഴിയും. തിമൊ​ഥെ​യൊ​സി​നെ ആത്മീയ​മാ​യി നല്ലവണ്ണം വളർത്തി​ക്കൊ​ണ്ടു​വ​രാൻ വിശ്വാ​സം അവർക്കു പ്രചോ​ദ​ന​മേകി. തങ്ങളുടെ കൊച്ചു​മ​ക്കൾക്കും മറ്റുമാ​യി വല്യമ്മ​വ​ല്യ​പ്പ​ന്മാർ വെക്കുന്ന ദൈവ​ഭ​ക്തി​യു​ടെ പക്വത​യുള്ള, ഉറച്ച ദൃഷ്ടാന്തം തീർച്ച​യാ​യും മുഴു​ക്രി​സ്‌തീയ സഭയ്‌ക്കും പ്രയോ​ജ​ന​പ്രദം ആയിരി​ക്കാ​വു​ന്ന​താണ്‌. (തീത്തൊസ്‌ 2:3-5) സമാന​മാ​യി, യൂനീ​ക്ക​യു​ടെ ദൃഷ്ടാന്തം, കുട്ടി​കൾക്ക്‌ ആത്മീയ പ്രബോ​ധനം നൽകാ​നുള്ള തങ്ങളുടെ ഉത്തരവാ​ദി​ത്വ​വും അതിന്റെ പ്രതി​ഫ​ല​ങ്ങ​ളും അവിശ്വാ​സി​ക​ളായ ഭർത്താ​ക്ക​ന്മാ​രുള്ള അമ്മമാരെ ഓർമി​പ്പി​ക്കു​ന്നു. ചിലയ​വ​സ​ര​ങ്ങ​ളിൽ അപ്രകാ​രം ചെയ്യു​ന്ന​തിന്‌ വലിയ ധൈര്യം ആവശ്യ​മാണ്‌, വിശേ​ഷിച്ച്‌ പിതാ​വിന്‌ തന്റെ ഇണയുടെ മതവി​ശ്വാ​സ​ങ്ങ​ളോട്‌ അനുകൂല മനോ​ഭാ​വം ഇല്ലെങ്കിൽ. ക്രിസ്‌തീയ ഭാര്യ ഭർത്താ​വി​ന്റെ ശിരഃ​സ്ഥാ​നത്തെ ആദരി​ക്കേ​ണ്ട​തു​ള്ള​തി​നാൽ അതു ചെയ്യാൻ നയവും ആവശ്യ​മാണ്‌.

ഒരു പ്രഗൽഭ​നായ മിഷന​റി​യും മേൽവി​ചാ​ര​ക​നും ആയിത്തീ​രുന്ന ഘട്ടത്തോ​ളം തിമൊ​ഥെ​യൊസ്‌ ആത്മീയ പുരോ​ഗതി കൈവ​രി​ക്കു​ന്നതു കണ്ടപ്പോൾ ലോവീ​സി​നും യൂനീ​ക്ക​യ്‌ക്കും തങ്ങളുടെ വിശ്വാ​സ​ത്തി​നും ശ്രമത്തി​നും ആത്മപരി​ത്യാ​ഗ​ത്തി​നും പ്രതി​ഫലം ലഭിച്ചു. (ഫിലി​പ്പി​യർ 2:19-22) സമാന​മാ​യി ഇന്ന്‌, നമ്മുടെ കുട്ടി​കളെ തിരു​വെ​ഴു​ത്തു സത്യങ്ങൾ പഠിപ്പി​ക്കു​ന്ന​തി​നു സമയവും ക്ഷമയും നിശ്ചയ​ദാർഢ്യ​വും ആവശ്യ​മാണ്‌. എന്നാൽ ഉത്തമമായ അനന്തര​ഫലം ആ ശ്രമങ്ങ​ളെ​യെ​ല്ലാം ശരിക്കും മൂല്യ​വ​ത്താ​ക്കു​ന്നു. മതപര​മാ​യി വിഭജി​ത​മായ കുടും​ബ​ത്തിൽ ‘തിരു​വെ​ഴു​ത്തു​കൾ ബാല്യം​മു​തൽ’ പഠിപ്പി​ക്ക​പ്പെട്ട അനേകം മാതൃ​കാ​യോ​ഗ്യ​രായ ചെറു​പ്പ​ക്കാർ തങ്ങളുടെ ദൈവ​ഭ​ക്തി​യുള്ള മാതാ​വിന്‌ അല്ലെങ്കിൽ പിതാ​വിന്‌ അത്യന്തം സന്തോഷം കൈവ​രു​ത്തു​ന്നു. ‘ജ്ഞാനിയെ പ്രസവി​ച്ചവൾ ആനന്ദി​ക്കും’ എന്ന പഴമൊ​ഴി എത്രയോ സത്യം!—സദൃശ​വാ​ക്യ​ങ്ങൾ 23:23-25.

യോഹ​ന്നാൻ അപ്പോ​സ്‌തലൻ തന്റെ ആത്മീയ മക്കളെ​ക്കു​റി​ച്ചു പറഞ്ഞു: “എന്റെ മക്കൾ സത്യത്തിൽ നടക്കുന്നു എന്നു കേൾക്കു​ന്ന​തി​നെ​ക്കാൾ വലിയ സന്തോഷം എനിക്കില്ല.” (3 യോഹ​ന്നാൻ 4) തീർച്ച​യാ​യും, മാതൃ​കാ​യോ​ഗ്യ​രായ രണ്ട്‌ അധ്യാ​പി​ക​മാ​രാ​യി​രുന്ന യൂനീ​ക്ക​യെ​യും ലോവീ​സി​നെ​യും പോ​ലെ​യാ​ണെന്നു തെളി​ഞ്ഞി​ട്ടുള്ള അനേകർ മേൽപ്പറഞ്ഞ വാക്കു​ക​ളിൽ പ്രകട​മാ​യി​രി​ക്കുന്ന വികാരം പങ്കു​വെ​ക്കു​ന്നു.

[അടിക്കു​റിപ്പ്‌]