‘വിവാഹം എല്ലാവർക്കും മാന്യ​മാ​യി​രി​ക്കട്ടെ’

“വിവാഹം എല്ലാവർക്കും മാന്യ​വും കിടക്ക നിർമ്മ​ല​വും ആയിരി​ക്കട്ടെ.”—എബ്രായർ 13:4.

1. വിജയ​ക​ര​മായ വിവാ​ഹ​ത്തെ​ക്കു​റിച്ച്‌ അനേകം ആളുകൾ എന്താണു മനസ്സി​ലാ​ക്കി​യി​രി​ക്കു​ന്നത്‌?

ലക്ഷക്കണ​ക്കി​നാ​ളു​കൾ, വിവാ​ഹ​മോ​ചനം എളുപ്പ​മാ​യി​രി​ക്കുന്ന ഈ കാലത്തു​പോ​ലും, നിലനി​ല്‌ക്കുന്ന വിവാഹം ആസ്വദി​ക്കു​ന്നുണ്ട്‌. വ്യക്തി​ത്വ​ത്തി​ലും പശ്ചാത്ത​ല​ത്തി​ലും വ്യത്യാ​സങ്ങൾ ഉണ്ടായി​രു​ന്നി​ട്ടും വിജയി​ക്കു​ന്ന​തിന്‌ അവർ ഒരു വഴി കണ്ടെത്തി​രി​ക്കു​ന്നു. ഇത്തരം വിവാ​ഹങ്ങൾ യഹോ​വ​യു​ടെ സാക്ഷി​ക​ളു​ടെ ഇടയിൽ കാണ​പ്പെ​ടു​ന്നു. മിക്കവ​രു​ടെ​യും കാര്യ​ത്തിൽ, തങ്ങളുടെ ജീവി​ത​ത്തിൽ ഉയർച്ച​യും താഴ്‌ച​യും പരസ്‌പരം പരാതി​പ്പെ​ടു​ന്ന​തി​നുള്ള കാരണങ്ങൾ പോലും, ഉണ്ടായി​രു​ന്നി​ട്ടു​ണ്ടെന്ന്‌ ഈ ദമ്പതികൾ സമ്മതി​ക്കും. എങ്കിലും ചെറിയ കൊടു​ങ്കാ​റ​റു​കളെ തരണം​ചെ​യ്യു​ന്ന​തി​നും തങ്ങളുടെ വിവാ​ഹ​ക്കപ്പൽ ശരിയായ ചാലിൽ ഓടി​ച്ചു​കൊ​ണ്ടേ​യി​രി​ക്കു​ന്ന​തി​നും അവർ പഠിച്ചി​രി​ക്കു​ന്നു. അവരെ അതിൽ നിലനിർത്തി​യി​രി​ക്കുന്ന ഘടകങ്ങ​ളിൽ ചിലത്‌ ഏവയാണ്‌?—കൊ​ലൊ​സ്സ്യർ 3:13.

2. (എ) വിവാ​ഹത്തെ നിലനിർത്തുന്ന ചില ക്രിയാ​ത്മ​ക​മായ ഘടകങ്ങൾ ഏന്തൊ​ക്കെ​യാണ്‌? (ബി) വിവാ​ഹത്തെ അട്ടിമ​റി​ക്കാൻ കഴിയുന്ന ചില ഘടകങ്ങൾ ഏവ? (14-ാം പേജിലെ ചതുരം കാണുക.)

² ക്രിസ്‌തീയ വിവാഹം സന്തുഷ്ട​വും നിലനി​ല്‌ക്കു​ന്ന​തു​മാ​യി​രു​ന്നി​ട്ടുള്ള ചിലരു​ടെ അഭി​പ്രാ​യങ്ങൾ തികച്ചും ഉൾക്കാഴ്‌ച നൽകു​ന്ന​വ​യാണ്‌. പതിനാ​റു വർഷമാ​യി വിവാ​ഹി​ത​നായ ഒരു ഭർത്താവ്‌ ഇങ്ങനെ പറഞ്ഞു: “ഒരു പ്രശ്‌നം ഉണ്ടായി​ട്ടുള്ള ഏതു സമയത്തും ഇരുവ​രു​ടെ​യും വീക്ഷണം ശ്രദ്ധി​ക്കാൻ ഞങ്ങൾ യഥാർത്ഥ​മാ​യി ഒരു ശ്രമം നടത്തി​യി​രി​ക്കു​ന്നു.” ഇത്‌ അനേകം വിവാ​ഹ​ങ്ങളെ കെട്ടു​റ​പ്പു​ള്ള​താ​ക്കുന്ന ഘടകങ്ങ​ളിൽ ഒന്നിനെ പ്രദീ​പ്‌ത​മാ​ക്കു​ന്നു—ഒന്നും മറയ്‌ക്കാ​തെ​യുള്ള, തുറന്ന ആശയവി​നി​മ​യ​ത്തെ​തന്നെ. മുപ്പ​ത്തൊ​ന്നു വർഷമാ​യി വിവാ​ഹി​ത​യാ​യി​രി​ക്കുന്ന ഒരു ഭാര്യ ഇങ്ങനെ പ്രസ്‌താ​വി​ച്ചു: “ഞങ്ങൾക്കി​ട​യി​ലെ പ്രേമ​ബന്ധം നിലനിർത്തു​ന്ന​തി​നാ​യി കൈ​കോർക്കു​ന്ന​തി​നും വിനോ​ദി​ക്കു​ന്ന​തി​നും ഞങ്ങൾ എല്ലായ്‌പ്പോ​ഴും മുൻഗണന നൽകി​യി​രു​ന്നു.” അത്‌ ആശയവി​നി​മ​യ​ത്തി​ന്റെ കൂടു​ത​ലായ ഒരു വശമാണ്‌. നാല്‌പതു വർഷ​ത്തോ​ള​മാ​യി വിവാ​ഹി​ത​രാ​യി​രി​ക്കുന്ന മറെറാ​രു ദമ്പതികൾ ഫലിത​ബോ​ധം നിലനിർത്തു​ന്ന​തി​ന്റെ​യും തന്നെക്കു​റി​ച്ചു​ത​ന്നെ​യും പരസ്‌പ​ര​വും ചിരി​ക്കാൻ കഴിയു​ന്ന​തി​ന്റെ​യും പ്രാധാ​ന്യം ഊന്നി​പ്പ​റഞ്ഞു. ഇരുവ​രു​ടെ​യും പരമാ​വധി കഴിവും കഴിവു​കേ​ടും മനസ്സി​ലാ​ക്കു​ന്ന​തും അതേസ​മയം വിശ്വ​സ്‌ത​മായ സ്‌നേഹം പ്രകട​മാ​ക്കു​ന്ന​തും സഹായ​ക​മാ​ണെ​ന്നും അവർ പറഞ്ഞു. ഭർത്താവു തെററു​കൾ സമ്മതി​ക്കു​ന്ന​തി​നും അനന്തരം ക്ഷമ ചോദി​ക്കു​ന്ന​തി​നു​മുള്ള സന്നദ്ധത​യെ​ക്കു​റി​ച്ചു പറഞ്ഞു. താഴ്‌ന്നു​കൊ​ടു​ക്കു​ന്ന​തി​നുള്ള ഒരു മനസ്സു​ള്ളി​ടത്ത്‌, വിവാഹം തകരു​ന്ന​തി​നു പകരം വഴക്കമു​ള്ള​താ​യി​രി​ക്കും.—ഫിലി​പ്പി​യർ 2:1-4; 4:5, കിംഗ്‌ഡം ഇൻറർലീ​നി​യർ.

മാറുന്ന ഒരു കാലാവസ്ഥ

3, 4. വൈവാ​ഹിക വിശ്വ​സ്‌തത സംബന്ധിച്ച മനോ​ഭാ​വ​ങ്ങ​ളിൽ എന്തു മാററ​ങ്ങ​ളാ​ണു വന്നിരി​ക്കു​ന്നത്‌? നിങ്ങൾക്ക്‌ ഉദാഹ​ര​ണങ്ങൾ നൽകാൻ കഴിയു​മോ?

³ കഴിഞ്ഞ ഏതാനും പതിറ​റാ​ണ്ടു​ക​ളിൽ, ലോക​ത്തെ​ല്ലാ​ട​വും വൈവാ​ഹിക വിശ്വ​സ്‌തത സംബന്ധിച്ച അവബോ​ധങ്ങൾ മാറി​യി​രി​ക്കു​ന്നു. ഒരു ശൃംഗാര ബന്ധം—വ്യഭി​ചാ​ര​ത്തി​നുള്ള ഒരു ആധുനിക പ്രി​യോ​ക്തി—ഉണ്ടായി​രി​ക്കു​ന്ന​തിൽ ഒരു തെററു​മി​ല്ലെ​ന്നാ​ണു വിവാ​ഹി​ത​രായ ചിലർ വിശ്വ​സി​ക്കു​ന്നത്‌, പ്രത്യേ​കി​ച്ചും മറേറ പങ്കാളി അറിയു​ക​യും സമ്മതി​ക്കു​ക​യും ചെയ്യു​ന്നെ​ങ്കിൽ.

⁴ ഒരു ക്രിസ്‌തീയ മേൽവി​ചാ​രകൻ ഈ സാഹച​ര്യ​ത്തെ​ക്കു​റിച്ച്‌ ഇങ്ങനെ അഭി​പ്രാ​യ​പ്പെട്ടു: “ധാർമ്മിക നിയമ​സം​ഹി​ത​പ്ര​കാ​രം ജീവി​ക്കു​ന്ന​തി​നുള്ള ഏതു ശ്രമവും ലോകം പരമാർത്ഥ​ത്തിൽ ഉപേക്ഷി​ച്ചി​രി​ക്കു​ന്നു. ചാരി​ത്ര്യം പഴഞ്ചനാ​യി വീക്ഷി​ക്ക​പ്പെ​ടാ​നി​ട​യാ​യി​രി​ക്കു​ന്നു.” രാഷ്‌ട്രീ​യ​ത്തി​ലും സ്‌പോർട്‌സി​ലും വിനോ​ദ​ത്തി​ലും ഉള്ള പ്രമുഖ വ്യക്തികൾ ധാർമ്മിക നടത്ത സംബന്ധിച്ച ബൈബിൾ പ്രമാ​ണ​ങ്ങളെ പരസ്യ​മാ​യി ലംഘി​ക്കു​ക​യും അതേസ​മയം അങ്ങനെ​യു​ള്ളവർ തുടർന്നു ബഹുമാ​നി​ക്ക​പ്പെ​ടു​ക​യും ചെയ്യുന്നു. ഏതെങ്കി​ലും തരത്തി​ലുള്ള ധാർമ്മിക ദുഷ്‌പ്ര​വൃ​ത്തിക്ക്‌ അല്ലെങ്കിൽ വഴിപി​ഴച്ച നടത്തക്കു ഫലത്തിൽ യാതൊ​രു ദുഷ്‌കീർത്തി​യും ആരോ​പി​ക്കു​ന്നില്ല. സമുന്നത ധനികർക്കി​ട​യിൽ ചാരി​ത്ര്യ​ത്തി​നും വിശ്വ​സ്‌ത​ത​ക്കും അപൂർവ​മാ​യേ വിലക​ല്‌പി​ക്കു​ന്നു​ള്ളു. ‘ഒരുവനു ബാധക​മാ​കു​ന്നത്‌ അപരനു ബാധക​മാ​കു​ന്നു’ എന്ന പ്രമാ​ണ​പ്ര​കാ​രം ജനസമൂ​ഹങ്ങൾ അവരുടെ ദൃഷ്ടാ​ന്തത്തെ അനുക​രി​ക്കു​ക​യും ദൈവം കുററം​വി​ധി​ക്കു​ന്ന​തി​നെ നിർദ്ദോ​ഷ​മാ​യി കരുതു​ക​യും ചെയ്യുന്നു. അതു പൗലോസ്‌ പറഞ്ഞതു​പോ​ലെ​യാണ്‌: “മനം തഴമ്പി​ച്ചു​പോ​യവർ ആകയാൽ അത്യാ​ഗ്ര​ഹ​ത്തോ​ടെ സകല അശുദ്ധി​യും പ്രവർത്തി​പ്പാൻ ദുഷ്‌കാ​മ​ത്തി​ന്നു തങ്ങളെ​ത്തന്നേ ഏല്‌പി​ച്ചി​രി​ക്കു​ന്നു.”—എഫെസ്യർ 4:19; സദൃശ​വാ​ക്യ​ങ്ങൾ 17:15; റോമർ 1:24-28; 1 കൊരി​ന്ത്യർ 5:11.

5. (എ) വ്യഭി​ചാ​രം സംബന്ധിച്ച ദൈവ​ത്തി​ന്റെ നിലപാട്‌ എന്ത്‌? (ബി) ബൈബി​ളിൽ ഉപയോ​ഗി​ച്ചി​രി​ക്കുന്ന “പരസംഗം” എന്ന പദത്തിൽ എന്തൊ​ക്കെ​യാണ്‌ ഉൾപ്പെ​ട്ടി​രി​ക്കു​ന്നത്‌?

⁵ ദൈവ​ത്തി​ന്റെ പ്രമാ​ണങ്ങൾ മാറി​യി​ട്ടില്ല. വിവാഹം കഴിക്കാ​തെ ഒന്നിച്ചു ജീവി​ക്കു​ന്നതു പരസം​ഗ​മാ​ണെ​ന്നു​ള്ള​താണ്‌ അവിടു​ത്തെ നിലപാട്‌. വൈവാ​ഹിക അവിശ്വ​സ്‌തത ഇപ്പോ​ഴും വ്യഭി​ചാ​രം തന്നെയാണ്‌.a അപ്പോ​സ്‌ത​ല​നായ പൗലോസ്‌ വ്യക്തമാ​യി ഇങ്ങനെ പറഞ്ഞു: “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ? നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ, പുരു​ഷ​കാ​മി​കൾ, . . . എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല. നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു.”—1 കൊരി​ന്ത്യർ 6:9-11.

6. ഒന്നു കൊരി​ന്ത്യർ 6:9-11-ലെ പൗലോ​സി​ന്റെ വാക്കു​ക​ളിൽ നമുക്ക്‌ എന്തു പ്രോ​ത്സാ​ഹ​ന​മാ​ണു കണ്ടെത്താൻ കഴിയു​ന്നത്‌?

⁶ ആ വാക്യ​ത്തി​ലെ പ്രോ​ത്സാ​ഹ​ജ​ന​ക​മായ ഒരു ആശയം “നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ . . . കഴുകി ശുദ്ധീ​ക​രണം . . . പ്രാപി​ച്ചി​രി​ക്കു​ന്നു” എന്ന പൗലോ​സി​ന്റെ പ്രസ്‌താ​വ​ന​യാണ്‌. അതേ, കഴിഞ്ഞ കാലത്തു ലോക​ത്തി​ന്റെ അനിയ​ന്ത്രിത “ദുർന്ന​ട​പ്പി​ന്റെ അധമമായ കുണ്ടിൽ” വിഹരിച്ച അനേകർ സുബോ​ധം പ്രാപി​ക്കു​ക​യും ക്രിസ്‌തു​വി​നെ​യും അവിടു​ത്തെ യാഗ​ത്തെ​യും അംഗീ​ക​രി​ക്കു​ക​യും അങ്ങനെ കഴുകി ശുദ്ധി​വ​രു​ത്തു​ക​യും ചെയ്‌തി​രി​ക്കു​ന്നു. ധാർമ്മി​ക​മായ ജീവിതം നയിച്ചു ദൈവത്തെ പ്രസാ​ദി​പ്പി​ക്കാൻ അവർ തീരു​മാ​നി​ച്ചി​രി​ക്കു​ന്നു, തൽഫല​മാ​യി അവർ ഏറെ സന്തുഷ്ട​രാണ്‌.—1 പത്രൊസ്‌ 4:3, 4, NW.

7. “ദുർമ്മാർഗ്ഗ”ത്തെ സംബന്ധിച്ച ഗ്രാഹ്യ​ത്തിൽ എന്തു വൈരു​ദ്ധ്യ​മാ​ണു​ള്ളത്‌, ബൈബി​ളി​ന്റെ വീക്ഷണ​മെ​ന്താണ്‌?

⁷ നേരേ​മ​റിച്ച്‌, ദുർമ്മാർഗ്ഗ​ത്തിന്‌ ആധുനി​ക​ലോ​കം നൽകുന്ന നിർവ​ചനം ദൈവ​ത്തി​ന്റെ വീക്ഷണ​ത്തോ​ടു യോജി​ക്കാ​ത്ത​വി​ധം ദുർബ​ല​മാ​യി​രി​ക്ക​യാണ്‌. ഒരു നിഘണ്ടു “ദുർമ്മാർഗ്ഗ”ത്തെ നിർവ​ചി​ക്കു​ന്നതു “വ്യവസ്ഥാ​പിത സൻമാർഗ്ഗ​ത്തി​നു വിരു​ദ്ധ​മായ” എന്നാണ്‌. വിവാ​ഹ​ത്തി​നു മുമ്പും വിവാ​ഹ​ത്തി​നു പുറത്തും ഉള്ള ലൈം​ഗി​ക​ത​യെ​യും സ്വവർഗ്ഗ​സം​ഭോ​ഗ​ത്തെ​യും നിർദ്ദോ​ഷ​മാ​യി കരുതുന്ന ഇന്നത്തെ “വ്യവസ്ഥാ​പിത സൻമാർഗ്ഗ”മാണു ബൈബിൾ കുററം​വി​ധി​ക്കുന്ന ദുർമ്മാർഗ്ഗം. അതേ, ബൈബി​ളി​ന്റെ വീക്ഷണ​ത്തിൽ ദൈവ​ത്തി​ന്റെ ധാർമ്മിക നിയമ​ത്തി​ന്റെ കടുത്ത ലംഘന​മാ​ണു ദുർമ്മാർഗ്ഗം.—പുറപ്പാട്‌ 20:14, 17; 1 കൊരി​ന്ത്യർ 6:18.

ക്രിസ്‌തീയ സഭ ബാധി​ക്ക​പ്പെ​ട്ടി​രി​ക്കു​ന്നു

8. ദുർമ്മാർഗ്ഗ​ത്തി​നു ക്രിസ്‌തീയ സഭയി​ലു​ള്ള​വരെ എങ്ങനെ ബാധി​ക്കാൻ കഴിയും?

⁸ ഇന്നു ദുർമ്മാർഗ്ഗം, ക്രിസ്‌തീയ സഭയി​ലു​ള്ള​വ​രു​ടെ​മേൽപോ​ലും സമ്മർദ്ദം ചെലു​ത്താൻത​ക്ക​വണ്ണം അത്ര വ്യാപ​ക​മാണ്‌. അതിനു വിപു​ല​വ്യാ​പ​ക​മായ, അധഃപ​തി​പ്പി​ക്കുന്ന ടിവി പരിപാ​ടി​ക​ളി​ലൂ​ടെ​യും വീഡി​യോ​യി​ലൂ​ടെ​യും അശ്ലീല​സാ​ഹി​ത്യ​ങ്ങ​ളി​ലൂ​ടെ​യും അവരെ സ്വാധീ​നി​ക്കാൻ കഴിയും. ക്രിസ്‌ത്യാ​നി​ക​ളു​ടെ ഒരു ചെറിയ ഭാഗം മാത്രമേ ബാധി​ക്ക​പ്പെ​ടു​ന്നു​ള്ളു​വെ​ങ്കി​ലും ഒരു ക്രിസ്‌ത്യാ​നി​ക്കു ചേരാത്ത, അനുതാ​പ​ര​ഹി​ത​മായ നടത്ത മൂലം യഹോ​വ​യു​ടെ സാക്ഷി​ക​ളു​ടെ അണിക​ളിൽനി​ന്നുള്ള പുറത്താ​ക്ക​ലു​ക​ളിൽ ഭൂരി​ഭാ​ഗ​വും ലൈം​ഗിക ദുർമ്മാർഗ്ഗ​ത്തി​ന്റെ ഏതെങ്കി​ലും രൂപ​ത്തോ​ടു ബന്ധപ്പെ​ട്ടാ​യി​രു​ന്നു എന്നു തിരി​ച്ച​റി​യേ​ണ്ടി​യി​രി​ക്കു​ന്നു. പുറത്താ​ക്ക​പ്പെ​ട്ട​വ​രിൽ ഒരു വലിയ പങ്കു തങ്ങളുടെ തെററു​കൾ തിരി​ച്ച​റി​യു​ക​യും ഒരു ശുദ്ധമായ ജീവി​ത​രീ​തി പുനരാ​രം​ഭി​ക്കു​ക​യും തക്കസമ​യത്തു അവരെ സഭയിൽ പുനഃ​സ്ഥി​തീ​ക​രി​ക്കു​ക​യും ചെയ്യുന്നു എന്നതാണ്‌ ഒരു നല്ല വശം.—ലൂക്കൊസ്‌ 15:11-32 താരത​മ്യം ചെയ്യുക.

9. ജാഗ്രത ഇല്ലാത്ത​വരെ സാത്താൻ എങ്ങനെ​യാ​ണു കൈകാ​ര്യം ചെയ്യു​ന്നത്‌?

⁹ ജാഗ്ര​ത​യി​ല്ലാ​ത്ത​വരെ വിഴു​ങ്ങു​ന്ന​തി​നു തയ്യാറാ​യി സാത്താൻ ഗർജ്ജി​ക്കുന്ന സിംഹ​ത്തെ​പ്പോ​ലെ ചുററി​ത്തി​രി​യു​ക​യാ​ണെ​ന്ന​തിൽ യാതൊ​രു സംശയ​വു​മില്ല. അവന്റെ കുത​ന്ത്രങ്ങൾ അഥവാ “കുടില പ്രവൃ​ത്തി​കൾ” വർഷം​തോ​റും ജാഗ്ര​ത​യി​ല്ലാത്ത ക്രിസ്‌ത്യാ​നി​കളെ കെണി​യി​ല​ക​പ്പെ​ടു​ത്തു​ക​യാണ്‌. അവന്റെ ലോക​ത്തിൽ സദാ ഉള്ള മനോ​ഭാ​വം സ്വാർത്ഥ​പ​ര​വും സുഖ​ഭോ​ഗാ​സ​ക്ത​വും കാമാ​സ​ക്ത​വു​മാണ്‌. അതു ജഡത്തെ തൃപ്‌തി​പ്പെ​ടു​ത്തു​ന്ന​താണ്‌. അത്‌ ആത്മസം​യ​മ​നത്തെ തള്ളിക്ക​ള​യു​ന്നു.—എഫെസ്യർ 2:1, 2; 6:11, 12, NW അടിക്കു​റുപ്പ്‌; 1 പത്രൊസ്‌ 5:8.

10. ആരാണു പ്രലോ​ഭ​ന​ത്തി​നു വിധേ​യ​രാ​കു​ന്നത്‌, എന്തു​കൊണ്ട്‌?

¹⁰ സഭയി​ലുള്ള ആർ ദുർമ്മാർഗ്ഗ​ത്തി​ന്റെ പ്രലോ​ഭ​ന​ങ്ങ​ളാ​കുന്ന അപകട​ത്തി​നു വിധേ​യ​രാ​യേ​ക്കാം? മിക്ക ക്രിസ്‌ത്യാ​നി​ക​ളും, പ്രാ​ദേ​ശിക സഭയിലെ മൂപ്പൻമാ​രാ​യാ​ലും, സഞ്ചാര​മേൽവി​ചാ​ര​കൻമാ​രാ​യാ​ലും, ബെഥേൽ അംഗങ്ങ​ളാ​യാ​ലും, മാസം​തോ​റും അനേകം മണിക്കൂർ പ്രസം​ഗി​ക്കുന്ന പനിയർമാ​രാ​യാ​ലും, ഒരു കുടും​ബത്തെ പോറ​റുന്ന തിരക്കുള്ള മാതാ​പി​താ​ക്ക​ളാ​യാ​ലും തരപ്പടി​ക്കാ​രിൽനി​ന്നു സമ്മർദ്ദ​മുള്ള ചെറു​പ്പ​ക്കാ​രാ​യാ​ലും, ജഡിക പ്രലോ​ഭനം എല്ലാവർക്കും ഉള്ളതാണ്‌. തീരെ പ്രതീ​ക്ഷി​ക്കാ​ത്ത​പ്പോൾ ലൈം​ഗിക ആകർഷണം ഉണ്ടാ​യേ​ക്കാം. അതു​കൊ​ണ്ടു പൗലോ​സിന്‌ ഇങ്ങനെ എഴുതാൻ കഴിഞ്ഞു: “ആകയാൽ താൻ നില്‌ക്കു​ന്നു എന്നു തോന്നു​ന്നവൻ വീഴാ​തി​രി​പ്പാൻ നോക്കി​ക്കൊ​ള്ളട്ടെ. മനുഷ്യർക്കു നടപ്പല്ലാത്ത പരീക്ഷ നിങ്ങൾക്കു നേരി​ട്ടി​ട്ടില്ല.” എന്നാൽ ഉത്തരവാ​ദി​ത്വ​സ്ഥാ​ന​ങ്ങ​ളിൽ ഉള്ള ചില ക്രിസ്‌ത്യാ​നി​കൾ ദുർമ്മാർഗ്ഗ​ത്തി​ന്റെ വശീക​ര​ണ​ത്തി​നു കീഴട​ങ്ങി​യി​ട്ടു​ണ്ടെ​ന്നു​ള്ളതു വ്യസന​ക​രം​തന്നെ.—1 കൊരി​ന്ത്യർ 10:12, 13.

ആകർഷി​ച്ചു വശീക​രി​ക്ക​പ്പെ​ടു​ന്നു

11-13. ദുർമ്മാർഗ്ഗ​ത്തി​ലേക്കു നയിച്ചി​ട്ടുള്ള ചില സാഹച​ര്യ​ങ്ങൾ ഏവ?

¹¹ ചിലരെ വ്യഭി​ചാ​ര​ത്തി​ന്റെ​യും പരസം​ഗ​ത്തി​ന്റെ​യും വിമൂ​ഢ​ഗ​തി​യി​ലേക്കു നയിച്ച പ്രലോ​ഭ​ന​ങ്ങ​ളും സാഹച​ര്യ​ങ്ങ​ളും എന്തൊ​ക്കെ​യാണ്‌? അവ അനേക​മാണ്‌, സങ്കീർണ്ണ​വു​മാണ്‌, ദേശം​തോ​റും സംസ്‌കാ​രം​തോ​റും അവ വ്യത്യ​സ്‌ത​വു​മാ​യി​രു​ന്നേ​ക്കാം. എന്നിരു​ന്നാ​ലും, അനേകം രാജ്യ​ങ്ങ​ളിൽ പൊന്തി​വ​രുന്ന ചില അടിസ്ഥാന സാഹച​ര്യ​ങ്ങ​ളുണ്ട്‌. ഉദാഹ​ര​ണ​ത്തിന്‌, ലഹരി​പാ​നീ​യങ്ങൾ സുലഭ​മാ​യി​രുന്ന പാർട്ടി​കൾ ചിലർ സംഘടി​പ്പി​ച്ചി​ട്ടു​ള്ള​താ​യി റിപ്പോർട്ടു ചെയ്യ​പ്പെ​ട്ടി​ട്ടുണ്ട്‌. മററു ചിലർ ലോക​ത്തി​ലെ ദുഃസൂ​ച​ന​യുള്ള സംഗീ​ത​ത്തി​ലും വികാ​രോ​ദ്ദീ​പ​ക​മായ നൃത്തങ്ങ​ളി​ലും ആകൃഷ്ട​രാ​യി​ട്ടുണ്ട്‌. ആഫ്രി​ക്ക​യി​ലെ ചില ഭാഗങ്ങ​ളിൽ, വെപ്പാ​ട്ടി​ക​ളുള്ള ധനിക​രായ ആളുക​ളുണ്ട്‌—വിശ്വാ​സി​ക​ള​ല്ലാ​ത്തവർ; അധാർമ്മി​കത ഉൾപ്പെ​ട്ടി​ട്ടു​ണ്ടെ​ങ്കി​ലും ഈ അവസ്ഥയിൽ ആയിരി​ക്കു​ന്ന​തി​ലെ സാമ്പത്തിക സുരക്ഷി​ത​ത്വ​ത്താൽ ചിലർ പ്രലോ​ഭി​പ്പി​ക്ക​പ്പെ​ട്ടി​ട്ടുണ്ട്‌. മററു ചില പ്രദേ​ശ​ങ്ങ​ളിൽ ക്രിസ്‌തീയ ഭർത്താ​ക്കൻമാർ തങ്ങളുടെ കുടും​ബത്തെ വിട്ടു ഖനിക​ളി​ലും മററു​ള്ളി​ട​ങ്ങ​ളി​ലും ഉപജീ​വനം തേടി പോയി​ട്ടുണ്ട്‌. അപ്പോൾ അവരുടെ വൈവാ​ഹി​ക​വി​ശ്വ​സ്‌ത​ത​യും സത്യസ​ന്ധ​ത​യും ഒരളവു​വരെ അല്ലെങ്കിൽ വീട്ടിൽ അനുഭ​വ​പ്പെ​ടു​ക​യി​ല്ലാ​യി​രുന്ന വിധങ്ങ​ളിൽ പരി​ശോ​ധി​ക്ക​പ്പെ​ടു​ന്നു.

¹² വികസിത രാജ്യ​ങ്ങ​ളിൽ ഡ്രൈ​വിംഗ്‌ ക്ലാസ്സു​കൾക്കു​വേണ്ടി നിരന്തരം ഒരു കാറിൽ തൊട്ട​ടുത്ത സ്വകാ​ര്യ​ത​യി​ലാ​യി​രി​ക്കു​ന്ന​തു​പോ​ലെ മൂന്നാ​മ​തൊ​രാൾ അടുത്തി​ല്ലാ​തെ മിക്ക​പ്പോ​ഴും എതിർലിം​ഗ​വർഗ്ഗ​ത്തിൽപെട്ട ഒരാ​ളോ​ടു​കൂ​ടെ ആയിരു​ന്ന​തി​നാൽ ചിലർ സാത്താന്റെ കെണി​യിൽ വീണി​ട്ടുണ്ട്‌.b ഇടയസ​ന്ദർശനം നടത്താ​റുള്ള മൂപ്പൻമാ​രും ഒരു സഹോ​ദ​രി​യെ ബുദ്ധ്യു​പ​ദേ​ശി​ക്കു​മ്പോൾ അവളോ​ടൊ​പ്പം ഒററക്കാ​യി​രി​ക്കാ​തി​രി​ക്കാൻ ജാഗ്രത പുലർത്തേ​ണ്ട​യാ​വ​ശ്യ​മുണ്ട്‌. സംഭാ​ഷ​ണ​ങ്ങൾക്കു വികാ​ര​ഭ​രി​ത​മാ​യി​ത്തീ​രാ​നും ഇരുകൂ​ട്ടർക്കും നാണ​ക്കേ​ടു​വ​രു​ത്തുന്ന സാഹച​ര്യ​ത്തിൽ കലാശി​ക്കാ​നും കഴിയും.—മർക്കൊസ്‌ 6:7; പ്രവൃ​ത്തി​കൾ 15:40 താരത​മ്യം ചെയ്യുക.

¹³ മേൽപറഞ്ഞ സാഹച​ര്യ​ങ്ങൾ ചിലരെ ജാഗ്രത വെടി​യു​ന്ന​തി​ലേ​ക്കും ദുർവൃ​ത്തി​യി​ലേർപ്പെ​ടു​ന്ന​തി​ലേ​ക്കും നയിച്ചി​ട്ടുണ്ട്‌. ഒന്നാം നൂററാ​ണ്ടിൽ സംഭവി​ച്ച​തു​പോ​ലെ​തന്നെ അവർ ‘സ്വന്ത ജഡിക​മോ​ഹ​ത്താൽ ആകർഷി​ച്ചു വശീക​രിക്ക’പ്പെടാൻ തങ്ങളേ​ത്തന്നെ അനുവ​ദി​ക്കു​ക​യും അതു പാപത്തി​ലേക്കു നയിക്കു​ക​യും ചെയ്‌തി​ട്ടുണ്ട്‌.—യാക്കോബ്‌ 1:14, 15; 1 കൊരി​ന്ത്യർ 5:1; ഗലാത്യർ 5:19-21.

14. വ്യഭി​ചാ​ര​ത്തി​ന്റെ കേസു​ക​ളിൽ സ്വാർത്ഥത ഒരു അടിസ്ഥാന ഘടകമാ​യി​രി​ക്കു​ന്നത്‌ എന്തു​കൊണ്ട്‌?

¹⁴ പുറത്താ​ക്ക​ലു​ക​ളു​ടെ ഒരു ശ്രദ്ധാ​പൂർവ്വ​മായ പരി​ശോ​ധന കാണി​ക്കു​ന്നത്‌ അധാർമ്മിക പ്രവൃ​ത്തി​കൾക്കു പൊതു​വാ​യി ചില അടിസ്ഥാന ഘടകങ്ങൾ ഉണ്ടെന്നാണ്‌. അത്തരം കേസു​ക​ളിൽ സ്വാർത്ഥ​ത​യു​ടെ ഏതോ രൂപമുണ്ട്‌. നാം എന്തു​കൊ​ണ്ടാണ്‌ അങ്ങനെ പറയു​ന്നത്‌? കാരണം, വ്യഭി​ചാ​ര​ത്തി​ന്റെ കാര്യ​ത്തിൽ ഏതെങ്കി​ലും നിരപ​രാ​ധി അല്ലെങ്കിൽ നിരപ​രാ​ധി​കൾ ദുഃഖി​ക്കേ​ണ്ടി​വ​രു​ന്നു. അതു നിയമാ​നു​സൃത വിവാഹ ഇണയാ​യി​രി​ക്കാം. കുട്ടി​ക​ളു​ണ്ടെ​ങ്കിൽ, തീർച്ച​യാ​യും അവരാ​യി​രി​ക്കും, കാരണം വ്യഭി​ചാ​രം വിവാ​ഹ​മോ​ച​ന​ത്തിൽ കലാശി​ക്കു​ന്നെ​ങ്കിൽ ഒരു ഏകീകൃത കുടും​ബ​ത്തി​ന്റെ സുരക്ഷി​ത​ത്വം ആഗ്രഹി​ക്കുന്ന കുട്ടികൾ അത്യന്തം കഷ്ടപ്പെ​ട്ടേ​ക്കാം. വ്യഭി​ചാ​രം ചെയ്യുന്ന ആൾ തന്റെ മാത്രം സുഖവും പ്രയോ​ജ​ന​വു​മാ​ണു മുഖ്യ​മാ​യി ചിന്തി​ക്കു​ന്നത്‌. അതു സ്വാർത്ഥ​ത​യാണ്‌.—ഫിലി​പ്പി​യർ 2:1-4.

15. വ്യഭി​ചാ​ര​ത്തി​ലേക്കു നയിച്ച ചില കാരണങ്ങൾ എന്തൊക്കെ ആയിരു​ന്നി​രി​ക്കാം?

¹⁵ സാധാ​ര​ണ​മാ​യി, വ്യഭി​ചാ​രം പെട്ടെ​ന്നുള്ള ഒരു ദുർബല പ്രവൃ​ത്തി​യല്ല. വിവാ​ഹ​ബ​ന്ധ​ത്തിൽത്തന്നെ ക്രമേ​ണ​യുള്ള, കാണാൻ കഴിയാ​ത്ത​തു​പോ​ലു​മാ​യി​രുന്ന, വഷളാകൽ ഉണ്ടായി​രു​ന്നി​ട്ടുണ്ട്‌. ഒരുപക്ഷേ, ആശയവി​നി​യമം വെറും ചടങ്ങോ കഴമ്പി​ല്ലാ​ത്ത​തോ ആയിത്തീർന്നി​രി​ക്കാം. പരസ്‌പര പ്രോ​ത്സാ​ഹനം ഇല്ലാതി​രു​ന്നി​രി​ക്കാം. ഇരുവ​രും പരസ്‌പരം വിലമി​തി​പ്പു പ്രകട​മാ​ക്കു​ന്ന​തിൽ പരാജ​യ​പ്പെ​ട്ടി​രി​ക്കാം. കുറച്ചു കാല​ത്തേക്ക്‌ ഇണകൾ ലൈം​ഗി​ക​മാ​യി പരസ്‌പരം തൃപ്‌തി​പ്പെ​ടു​ത്തു​ന്നി​ല്ലാ​യി​രു​ന്നി​രി​ക്കാം. വ്യഭി​ചാ​രം സംഭവി​ക്കു​മ്പോൾ തീർച്ച​യാ​യും ദൈവ​വു​മാ​യുള്ള ബന്ധവും ക്ഷയിച്ചി​ട്ടുണ്ട്‌. ദൈവത്തെ മേലാൽ നമ്മുടെ എല്ലാ ചിന്തക​ളും പ്രവൃ​ത്തി​ക​ളും അറിയുന്ന ഒരു ദൈവ​മാ​യി വ്യക്തമാ​യി മനസ്സി​ലാ​ക്കു​ന്നില്ല. വ്യഭി​ചാ​രം ചെയ്യുന്ന വ്യക്തി​യു​ടെ മനസ്സിൽ “ദൈവം” ദൈനം​ദിന ജീവി​ത​ത്തി​ന്റെ ഭാഗമ​ല്ലാത്ത ഒരു കേവല സത്ത, ഒരു വെറും വാക്കു മാത്ര​മാ​യി​ത്തീർന്നേ​ക്കാം. പിന്നെ ദൈവ​ത്തി​നെ​തി​രെ പാപം ചെയ്യുക എളുപ്പ​മാ​യി​ത്തീ​രു​ന്നു.—സങ്കീർത്തനം 51:3, 4; 1 കൊരി​ന്ത്യർ 7:3-5; എബ്രായർ 4:13; 11:27.

ചെറു​ത്തു​നി​ല്‌പി​ന്റെ താക്കോൽ

16. അവിശ്വ​സ്‌ത​നാ​യി​രി​ക്കാ​നുള്ള പ്രലോ​ഭ​നത്തെ ഒരു ക്രിസ്‌ത്യാ​നിക്ക്‌ എങ്ങനെ ചെറു​ത്തു​നിൽക്കാൻ കഴിയും?

¹⁶ ഏതെങ്കി​ലും ക്രിസ്‌ത്യാ​നി അവിശ്വ​സ്‌ത​ത​യു​ടെ മാർഗ്ഗ​ത്തി​ലേക്കു പ്രലോ​ഭി​പ്പി​ക്ക​പ്പെ​ടു​ന്ന​താ​യി സ്വയം കണ്ടെത്തു​ന്നെ​ങ്കിൽ, ഏതു സംഗതി​കൾ കണക്കി​ലെ​ടു​ക്കേ​ണ്ട​തുണ്ട്‌? ഒന്നാമ​താ​യി, ബൈബിൾ തത്ത്വങ്ങ​ളിൽ രൂഢമാ​യി അധിഷ്‌ഠി​ത​മാ​യി​രി​ക്കുന്ന ക്രിസ്‌തീയ സ്‌നേ​ഹ​ത്തി​ന്റെ അർത്ഥം ചിന്തി​ക്കണം. ശാരീ​രി​ക​മോ കാമാ​സ​ക്ത​മോ ആയ സ്‌നേഹം വികാ​ര​ങ്ങളെ നിയ​ന്ത്രി​ക്കാ​നും മററു​ള്ള​വർക്കു കഷ്ടതകൾ വരുത്തി​ക്കൂ​ട്ടുന്ന സ്വാർത്ഥ​ത​യി​ലേക്കു നിപതി​ക്കാ​നും അനുവ​ദി​ക്ക​രുത്‌. മറിച്ച്‌, ആ സാഹച​ര്യ​ത്തെ യഹോ​വ​യു​ടെ വീക്ഷണ​ത്തിൽ പരിഗ​ണി​ക്കണം. ദുഷിച്ച നടത്ത സഭയു​ടെ​യും സഭയു​ടെ​മേ​ലും യഹോ​വ​യു​ടെ നാമത്തിൻമേ​ലും അതു വരുത്തുന്ന അപമാ​ന​ത്തി​ന്റെ​യും വിശാ​ല​മായ പശ്ചാത്ത​ല​ത്തിൽ വേണം സാഹച​ര്യ​ത്തെ വീക്ഷി​ക്കാൻ. (സങ്കീർത്തനം 101:3) അക്കാര്യ​ത്തിൽ ക്രിസ്‌തു​വി​ന്റെ മനസ്സു നേടു​ന്ന​തി​നാ​ലും അതനു​സ​രി​ച്ചു പ്രവർത്തി​ക്കു​ന്ന​തി​നാ​ലും അനർത്ഥം ഒഴിവാ​ക്കാൻ കഴിയും. ഓർക്കുക, നിസ്വാർത്ഥ ക്രിസ്‌തീയ സ്‌നേഹം ഒരിക്ക​ലും നിലയ്‌ക്കു​ന്നില്ല.—സദൃശ​വാ​ക്യ​ങ്ങൾ 6:32, 33; മത്തായി 22:37-40; 1 കൊരി​ന്ത്യർ 13:5, 8.

17. കെട്ടു​പണി ചെയ്യുന്ന വിശ്വ​സ്‌ത​ത​യു​ടെ ഏതു ദൃഷ്ടാ​ന്തങ്ങൾ നമുക്കുണ്ട്‌?

¹⁷ ചെറു​ത്തു​നി​ല്‌പി​നുള്ള ഒരു താക്കോൽ ഭാവി​പ്ര​ത്യാ​ശ സംബന്ധിച്ച ഒരുവന്റെ വിശ്വാ​സ​വും വീക്ഷണ​വും ശക്തി​പ്പെ​ടു​ത്തുക എന്നതാണ്‌. ഇതിന്റെ അർത്ഥം മുൻകാല വിശ്വസ്‌ത പുരു​ഷൻമാ​രും സ്‌ത്രീ​ക​ളും യേശു​ത​ന്നെ​യും വെച്ച നിർമ്മ​ല​ത​യു​ടെ മുന്തിയ ദൃഷ്ടാ​ന്തങ്ങൾ ഹൃദയ​ത്തിൽ പ്രമു​ഖ​മാ​ക്കി നിർത്തുക എന്നാണ്‌. പൗലോസ്‌ എഴുതി: “ആകയാൽ നാമും സാക്ഷി​ക​ളു​ടെ ഇത്ര വലി​യോ​രു സമൂഹം നമുക്കു ചുററും നില്‌ക്കു​ന്ന​തു​കൊ​ണ്ടു സകല ഭാരവും മുറുകെ പററുന്ന പാപവും വിട്ടു നമുക്കു മുമ്പിൽ വെച്ചി​രി​ക്കുന്ന ഓട്ടം സ്ഥിരത​യോ​ടെ ഓടുക. വിശ്വാ​സ​ത്തി​ന്റെ നായക​നും പൂർത്തി വരുത്തു​ന്ന​വ​നു​മായ യേശു​വി​നെ നോക്കുക; തന്റെ മുമ്പിൽ വെച്ചി​രുന്ന സന്തോഷം ഓർത്തു അവൻ അപമാനം അലക്ഷ്യ​മാ​ക്കി ക്രൂശി​നെ സഹിക്ക​യും ദൈവ​സിം​ഹാ​സ​ന​ത്തി​ന്റെ വലത്തു​ഭാ​ഗത്തു ഇരിക്ക​യും ചെയ്‌തു. നിങ്ങളു​ടെ ഉള്ളിൽ ക്ഷീണിച്ചു മടുക്കാ​തി​രി​പ്പാൻ പാപി​ക​ളാൽ തനിക്കു നേരിട്ട ഇങ്ങനെ​യുള്ള വിരോ​ധം സഹിച്ച​വനെ ധ്യാനി​ച്ചു​കൊൾവിൻ.” (എബ്രായർ 12:1-3) വിവാ​ഹ​ക്ക​പ്പ​ലി​നെ തകർക്കാ​തെ ജ്ഞാനമുള്ള ആൾ അതിനെ വീണ്ടെ​ടു​ക്കേ​ണ്ട​തിന്‌ ഏതു കേടും പോക്കാ​നുള്ള വഴിക​ളെ​ക്കു​റി​ച്ചു ചിന്തി​ക്കും, അങ്ങനെ വഞ്ചനയു​ടെ​യും കാപട്യ​ത്തി​ന്റെ​യും പടുകു​ഴി ഒഴിവാ​ക്കും.—ഇയ്യോബ്‌ 24:15.

18. (എ) വിശ്വാ​സ​പാ​തകം വ്യഭി​ചാ​രത്തെ വർണ്ണി​ക്കു​ന്ന​തി​നുള്ള വളരെ കട്ടികൂ​ടിയ ഒരു പദമല്ലാ​ത്തത്‌ എന്തു​കൊണ്ട്‌? (ബി) നേർച്ചകൾ കഴിക്കു​ന്ന​തി​നെ യഹോവ എങ്ങനെ വീക്ഷി​ക്കു​ന്നു?

¹⁸ വിശ്വാ​സ​പാ​ത​ക​മായ വഞ്ചന ദുർമ്മാർഗ്ഗം സംബന്ധി​ച്ചു കട്ടി കൂടിയ ഒരു വാക്കാ​ണോ? വിശ്വാ​സ​പാ​തകം, ഉത്തരവാ​ദി​ത്വ​ത്തി​ലെ അല്ലെങ്കിൽ ഉററവി​ശ്വാ​സ​ത്തി​ലെ വഞ്ചനയാണ്‌. തീർച്ച​യാ​യും വിവാ​ഹ​പ്ര​തി​ജ്ഞ​യിൽ ഉത്തരവാ​ദി​ത്വ​വും സകല പ്രാതി​കൂ​ല്യ​ങ്ങ​ളി​ലും സ്‌നേ​ഹി​ക്കു​മെ​ന്നും പരിപാ​ലി​ക്കു​മെ​ന്നു​മുള്ള വാഗ്‌ദാ​ന​വും ഉൾപ്പെ​ട്ടി​രി​ക്കു​ന്നു. അതിൽ നാം ജീവി​ക്കുന്ന കാലത്തി​നു ചേരാ​ത്ത​തെന്നു അനേകർ കരുതുന്ന ഒന്ന്‌—വിവാ​ഹ​പ്ര​തി​ജ്ഞ​യിൽ ഒരുവൻ തന്റെ സ്വന്തം മാന്യ​ത​യു​ടെ പേരിൽ നൽകുന്ന ഉറപ്പ്‌—ഉൾപ്പെ​ട്ടി​രി​ക്കു​ന്നു. ആ വിശ്വാ​സത്തെ തള്ളിപ്പ​റ​യു​ന്നത്‌ ഒരുവന്റെ ഇണക്കെ​തി​രെ പ്രയോ​ഗി​ക്കുന്ന ഒരു രൂപത്തി​ലുള്ള വഞ്ചനയാണ്‌. പ്രതി​ജ്ഞകൾ സംബന്ധിച്ച ദൈവ​ത്തി​ന്റെ വീക്ഷണം ബൈബി​ളിൽ വ്യക്തമാ​യി പ്രസ്‌താ​വി​ച്ചി​രി​ക്കു​ന്നു: “ദൈവ​ത്തി​ന്നു നേർച്ച നേർന്നാൽ കഴിപ്പാൻ താമസി​ക്ക​രു​തു; മൂഢൻമാ​രിൻ അവന്നു പ്രസാ​ദ​മില്ല; നീ നേർന്നതു കഴിക്ക.”—സഭാ​പ്ര​സം​ഗി 5:4.

19. ഒരു സാക്ഷി പരാജ​യ​പ്പെ​ടു​മ്പോൾ എന്തിനു വിപരീ​ത​മാ​യി​ട്ടാ​ണു സാത്താൻ സന്തോ​ഷി​ക്കു​ന്നത്‌?

¹⁹ ഇതി​നെ​ക്കു​റി​ച്ചു യാതൊ​രു സംശയ​വു​മി​ല്ലാ​തി​രി​ക്കട്ടെ. ഒരു പാപി​യു​ടെ രക്ഷയെ​പ്രതി സ്വർഗ്ഗ​ത്തിൽ ആഹ്ലാദ​മു​ള്ള​തു​പോ​ലെ, യഹോ​വ​യു​ടെ സാക്ഷി​ക​ളിൽപെട്ട ഒരാൾ തന്റെ നിർമ്മലത പാലി​ക്കു​ന്ന​തിൽ പരാജ​യ​പ്പെ​ടു​മ്പോൾ ഭൂമി​യിൽ ദൃശ്യ​വും അദൃശ്യ​വു​മായ സാത്താന്റെ കൂട്ടങ്ങ​ളിൽ വമ്പിച്ച ആഹ്ലാദ​മുണ്ട്‌.—ലൂക്കൊസ്‌ 15:7; വെളി​പ്പാ​ടു 12:12.

എല്ലാവർക്കും പൊതു​വാ​യുള്ള പ്രലോ​ഭ​ന​ങ്ങൾ

20. പ്രലോ​ഭ​നത്തെ നമുക്ക്‌ എങ്ങനെ ചെറു​ത്തു​നിൽക്കാൻ കഴിയും? (2 പത്രൊസ്‌ 2:9, 10)

²⁰ ചില കേസു​ക​ളിൽ ഒഴിവാ​ക്കാൻ പററാ​ത്ത​താ​ണോ ദുർമ്മാർഗ്ഗം? ചെറുത്തു നിൽക്കാ​നും തങ്ങളുടെ നിർമ്മലത കാക്കാ​നും ക്രിസ്‌ത്യാ​നി​കൾക്കു കഴിയാ​ത​വണ്ണം ജഡവും സാത്താ​നും അത്ര ശക്തമാ​ണോ? പൗലോസ്‌ പിൻവ​രുന്ന വാക്കു​ക​ളിൽ പ്രോ​ത്സാ​ഹനം നൽകുന്നു: “ദൈവം വിശ്വ​സ്‌തൻ; നിങ്ങൾക്കു കഴിയു​ന്ന​തി​ന്നു മീതെ പരീക്ഷ നേരി​ടു​വാൻ സമ്മതി​ക്കാ​തെ നിങ്ങൾക്കു സഹിപ്പാൻ കഴി​യേ​ണ്ട​തി​ന്നു പരീക്ഷ​യോ​ടു​കൂ​ടെ അവൻ പോക്കു​വ​ഴി​യും ഉണ്ടാക്കും.” ഇന്നത്തെ ലോകത്തു നാം പ്രലോ​ഭ​ന​ങ്ങളെ മുഴു​വ​നാ​യി ഒഴിവാ​ക്കു​ക​യി​ല്ലാ​യി​രി​ക്കാം, എന്നാൽ ദൈവ​ത്തി​ലേക്കു പ്രാർത്ഥ​ന​യിൽ തിരി​യു​ന്ന​തി​നാൽ തീർച്ച​യാ​യും നമുക്ക്‌ ഏതു പ്രലോ​ഭ​ന​ത്തെ​യും സഹിച്ചു​നിൽക്കു​ന്ന​തി​നും തരണം ചെയ്യു​ന്ന​തി​നും കഴിയും.—1 കൊരി​ന്ത്യർ 10:13.

21. നമ്മുടെ അടുത്ത അദ്ധ്യയ​ന​ത്തിൽ ഏതു ചോദ്യ​ങ്ങൾക്ക്‌ ഉത്തരം നൽക​പ്പെ​ടും?

²¹ പ്രലോ​ഭ​നങ്ങൾ സഹിച്ചു​നിൽക്കു​ന്ന​തി​നും വിജയ​ശ്രീ​ലാ​ളി​ത​രാ​യി​ത്തീ​രു​ന്ന​തി​നും നമ്മെ സഹായി​ക്കാൻ ദൈവം എന്താണു നമുക്കു പ്രദാനം ചെയ്യു​ന്നത്‌? നമ്മുടെ വിവാ​ഹ​ബ​ന്ധ​ങ്ങ​ളെ​യും കുടും​ബ​ങ്ങ​ളെ​യും അതു​പോ​ലെ​തന്നെ യഹോ​വ​യു​ടെ നാമത്തി​ന്റെ​യും സഭയു​ടെ​യും സൽക്കീർത്തി സംരക്ഷി​ക്കു​ന്ന​തി​നു നമുക്കു എന്താണു വ്യക്തി​പ​ര​മാ​യി ആവശ്യ​മാ​യി​രി​ക്കു​ന്നത്‌? നമ്മുടെ അടുത്ത ലേഖനം ഈ ചോദ്യ​ങ്ങൾ കൈകാ​ര്യം ചെയ്യും.

[അടിക്കു​റി​പ്പു​കൾ]

നിങ്ങൾ ഓർമ്മി​ക്കു​ന്നു​ണ്ടോ?

◻ ഒരു വിവാ​ഹ​ബ​ന്ധത്തെ ശക്തമാ​ക്കാൻ സഹായി​ക്കുന്ന ചില ഘടകങ്ങൾ ഏവ?

◻ ദുർമ്മാർഗ്ഗത്തെ സംബന്ധിച്ച ലോക​ത്തി​ന്റെ വീക്ഷണം നാം വെറു​ക്കേ​ണ്ടത്‌ എന്തു​കൊണ്ട്‌?

◻ ദുർമ്മാർഗ്ഗ​ത്തി​ലേക്കു നയിക്കാൻ കഴിയുന്ന ചില പ്രലോ​ഭ​ന​ങ്ങ​ളും സാഹച​ര്യ​ങ്ങ​ളും ഏവ?

◻ പാപത്തെ ചെറു​ക്കു​ന്ന​തി​നുള്ള മുഖ്യ താക്കോൽ എന്ത്‌?

◻ പ്രലോ​ഭ​ന​ത്തി​ന്റെ സമയങ്ങ​ളിൽ ദൈവം നമ്മെ സഹായി​ക്കു​ന്ന​തെ​ങ്ങനെ?

[14-ാം പേജിലെ ചതുരം]

നിലനില്‌ക്കുന്ന വിവാ​ഹ​ബ​ന്ധ​ങ്ങ​ളി​ലെ പൊതു​വായ ഘടകങ്ങൾ

◻ ബൈബിൾ തത്വങ്ങ​ളോ​ടുള്ള ദൃഢമായ പററി​നിൽപ്പ്‌

◻ ഇണകൾ ഇരുവർക്കും യഹോ​വ​യു​മാ​യി ശക്തമായ ബന്ധമുണ്ട്‌

◻ ഭർത്താവു തന്റെ ഭാര്യ​യെ​യും അവളുടെ വികാ​ര​ങ്ങ​ളെ​യും അവളുടെ അഭി​പ്രാ​യ​ങ്ങ​ളെ​യും ആദരി​ക്കു​ന്നു

◻ അനുദി​ന​മുള്ള നല്ല ആശയവി​നി​മ​യം

◻ പരസ്‌പരം സന്തോ​ഷി​പ്പി​ക്കാൻ നോക്കു​ന്നു

◻ ഒരു നർമ്മ​ബോ​ധം; തന്നെക്കു​റി​ച്ചു​തന്നെ ചിരി​ക്കാ​നുള്ള കഴിവ്‌

◻ തെററു​കൾ തുറന്നു സമ്മതി​ക്കു​ന്നു; ഔദാ​ര്യ​മാ​യി ക്ഷമിക്കു​ന്നു

◻ പ്രേമ​ബ​ന്ധത്തെ ജീവനു​ള്ള​താ​യി നിലനിർത്തു​ന്നു

◻ കുട്ടി​കളെ വളർത്തു​ക​യും അവർക്കു ശിക്ഷണം കൊടു​ക്കു​ക​യും ചെയ്യു​ന്ന​തിൽ ഐക്യ​മുണ്ട്‌

◻ യഹോ​വ​യോ​ടുള്ള പ്രാർത്ഥ​ന​യിൽ ക്രമമാ​യുള്ള ഒത്തു​ചേ​രൽ

വിവാഹബന്ധത്തിനു തുരങ്കം​വെ​ക്കുന്ന നിഷേ​ധാ​ത്മ​ക​മായ ഘടകങ്ങൾ

◻ സ്വാർത്ഥ​ത​യും പിടി​വാ​ശി​യും

◻ കാര്യങ്ങൾ ഒന്നിച്ചു ചെയ്യു​ന്ന​തിൽ പരാജ​യ​പ്പെ​ടു​ന്നു

◻ വിരള​മായ ആശയവി​നി​മ​യം

◻ ഇണകൾക്കി​ട​യിൽ വേണ്ടത്ര ആലോചന ചോദി​ക്ക​ലി​ന്റെ കുറവ്‌

◻ പണം മോശ​മാ​യി കൈകാ​ര്യം ചെയ്യൽ

◻ സ്വന്തം മക്കളോ​ടും സ്വന്തമ​ല്ലാത്ത മക്കളോ​ടും ഇടപെ​ടു​ന്ന​തി​ന്റെ മാനദ​ണ്ഡ​ങ്ങ​ളി​ലെ വ്യത്യാ​സ​ങ്ങൾ

◻ ഭർത്താവു വൈകു​ന്ന​തു​വരെ ജോലി ചെയ്യു​ക​യോ മററു കടമകൾനി​മി​ത്തം കുടും​ബത്തെ അവഗണി​ക്കു​ക​യോ ചെയ്യൽ

◻ കുടും​ബ​ത്തി​ന്റെ ആത്മീയ ആവശ്യ​ങ്ങൾക്കു കരുതു​ന്ന​തി​ലെ പരാജയം

[15-ാം പേജിലെ ചിത്രം]

വിവാഹത്തെ മാന്യ​മാ​യി നിലനിർത്തു​ന്നതു നിലനി​ല്‌ക്കുന്ന സന്തോഷം കൈവ​രു​ത്തു​ന്നു