ശബ്ബത്ത്‌

ക്രിസ്‌ത്യാ​നി​കൾ വാരം​തോ​റും ഒരു ശബ്ബത്ത്‌ അനുഷ്‌ഠി​ക്കാ​നു​ളള കടപ്പാ​ടിൻ കീഴി​ലാ​ണോ?

പുറ. 31:16, 17: “ആകയാൽ ഇസ്രാ​യേൽ പുത്രൻമാർ തലമു​റ​ത​ല​മു​റ​യാ​യി ശബ്ബത്താ​ച​രി​ക്കേ​ണ്ട​തിന്‌ ശബ്ബത്ത്‌ അനുഷ്‌ഠി​ക്കേണം. അത്‌ അനിശ്ചി​ത​കാ​ല​ത്തോ​ള​മു​ളള ഒരു ഉടമ്പടി​യാണ്‌ [“ഒരു സ്ഥിര ഉടമ്പടി,” RS]. എനിക്കും ഇസ്രാ​യേൽ പുത്രൻമാർക്കും മദ്ധ്യേ അത്‌ അനിശ്ചി​ത​കാ​ല​ത്തോ​ള​മു​ളള ഒരു അടയാ​ള​മാണ്‌.” (ശബ്ബത്താ​ച​രണം യഹോ​വ​ക്കും ഇസ്രാ​യേ​ലി​നും മദ്ധ്യേ​യു​ളള ഒരു അടയാ​ള​മാണ്‌ എന്നത്‌ കുറി​ക്കൊ​ള​ളുക; മറെറ​ല്ലാ​വ​രും ശബ്ബത്തനു​ഷ്‌ഠി​ക്കാ​നു​ളള കടപ്പാ​ടിൻ കീഴി​ലാ​യി​രു​ന്നെ​ങ്കിൽ അത്‌ വാസ്‌ത​വ​മാ​യി​രി​ക്കു​മാ​യി​രു​ന്നില്ല. “സ്ഥിരം” എന്ന്‌ RS-ൽ തർജ്ജമ ചെയ്‌തി​രി​ക്കുന്ന എബ്രായ പദം ‘ഒഹ്‌ലാം’ ആണ്‌, അടിസ്ഥാ​ന​പ​ര​മാ​യി അതിന്റെ അർത്ഥം ഇപ്പോ​ഴത്തെ വീക്ഷണ​ത്തിൽ അനിശ്ചി​തം അല്ലെങ്കിൽ കാഴ്‌ച​യിൽ നിന്ന്‌ മറക്ക​പ്പെ​ട്ടത്‌, എന്നാൽ ദീർഘ​മായ ഒരു കാലഘട്ടം എന്നാണ്‌. അതിന്‌ എന്നേക്കു​മെന്ന്‌ അർത്ഥം വരാം, എന്നാൽ അവശ്യം അങ്ങനെ ആയിരി​ക്ക​ണ​മെ​ന്നില്ല. സംഖ്യാ​പു​സ്‌തകം 25:13-ൽ അതേ എബ്രായ വാക്കാണ്‌ പൗരോ​ഹി​ത്യ​ത്തിന്‌ ഉപയോ​ഗി​ച്ചി​രി​ക്കു​ന്നത്‌, അത്‌ എബ്രായർ 7:12 അനുസ​രിച്ച്‌ പിൽക്കാ​ലത്ത്‌ നിന്നു​പോ​യി.)

റോമ. 10:4: “വിശ്വാ​സം പ്രകട​മാ​ക്കുന്ന എല്ലാവർക്കും നീതി ലഭി​ക്കേ​ണ്ട​തിന്‌ ക്രിസ്‌തു ന്യായ​പ്ര​മാ​ണ​ത്തി​ന്റെ അവസാ​ന​മാ​കു​ന്നു.” (ശബ്ബത്തനു​ഷ്‌ഠാ​നം ആ ന്യായ​പ്ര​മാ​ണ​ത്തി​ന്റെ ഭാഗമാ​യി​രു​ന്നു. ന്യായ​പ്ര​മാ​ണം അവസാ​നി​പ്പി​ക്കു​ന്ന​തിന്‌ ദൈവം ക്രിസ്‌തു​വി​നെ ഉപയോ​ഗി​ച്ചു. നമുക്ക്‌ ദൈവ​മു​മ്പാ​കെ നീതി​യു​ളള ഒരു നിലപാട്‌ ഉണ്ടായി​രി​ക്കു​ന്നത്‌ വാരം തോറു​മു​ളള ശബ്ബത്ത്‌ ആചരി​ക്കു​ന്ന​തി​നെയല്ല ക്രിസ്‌തു​വി​ലു​ളള വിശ്വാ​സ​ത്തെ​യാണ്‌ ആശ്രയി​ച്ചി​രി​ക്കു​ന്നത്‌.) (ഗലാത്യർ 4:9-11; എഫേസ്യർ 2:13-16 എന്നിവ​യും.)

കൊലൊ. 2:13-16: “[ദൈവം] ദയാപൂർവ്വം നമ്മുടെ ലംഘന​ങ്ങ​ളെ​ല്ലാം നമ്മോട്‌ ക്ഷമിക്കു​ക​യും ചട്ടങ്ങളാൽ നമുക്കു വിരോ​ധ​മാ​യി​രുന്ന കൈ​യ്യെ​ഴു​ത്തു പ്രമാണം . . . മായിച്ചു കളയു​ക​യും ചെയ്‌തു. അതു​കൊണ്ട്‌ ഭക്ഷണം, പാനീയം എന്നിവ സംബന്ധി​ച്ചോ പെരു​ന്നാൾ, മാസപ്പി​റവി, ശബ്ബത്ത്‌ എന്നിവ​യു​ടെ ആചരണം സംബന്ധി​ച്ചോ ആരും നിങ്ങളെ വിധി​ക്കാ​തി​രി​ക്കട്ടെ.” (ഒരു വ്യക്തി മോ​ശൈ​ക​ന്യാ​യ​പ്ര​മാ​ണ​ത്തിൻ കീഴി​ലാ​യി​രി​ക്കു​ക​യും ശബ്ബത്ത്‌ ലംഘി​ച്ച​താ​യി കുററം വിധി​ക്ക​പ്പെ​ടു​ക​യും ചെയ്‌താൽ പുറപ്പാട്‌ 31:14; സംഖ്യാ​പു​സ്‌തകം 15:32-35 എന്നിവ അനുസ​രിച്ച്‌ മുഴു​സ​ഭ​യും ചേർന്ന്‌ അയാളെ കല്ലെറിഞ്ഞ്‌ കൊല്ല​ണ​മാ​യി​രു​ന്നു. ശബ്ബത്തനു​ഷ്‌ഠാ​ന​ത്തി​നു വേണ്ടി വാദി​ക്കുന്ന പലർക്കും നാം ആ നായ​പ്ര​മാ​ണ​ത്തിൻകീ​ഴിൽ അല്ലാത്ത​തിൽ സന്തോ​ഷി​ക്കാൻ കാരണ​മുണ്ട്‌. ഇവിടെ ഉദ്ധരി​ക്ക​പ്പെ​ട്ടി​രി​ക്കുന്ന തിരു​വെ​ഴു​ത്തു​കൾ കാണി​ക്കു​ന്ന​തു​പോ​ലെ ദൈവ​വു​മാ​യി ഒരു അംഗീ​കൃത നിലപാ​ടു​ണ്ടാ​യി​രി​ക്കു​ന്ന​തിന്‌ ഇസ്രാ​യേ​ലിന്‌ നൽകപ്പെട്ട ശബ്ബത്ത്‌ നിബന്ധന പാലി​ക്കു​ന്നത്‌ മേലാൽ ആവശ്യ​മാ​യി​രി​ക്കു​ന്നില്ല.)

ക്രൈസ്‌തവലോകത്തിൽ ഏറിയ പങ്കിനും ഞായറാഴ്‌ച മുഖ്യ ആരാധനാ ദിനമാ​യി​ത്തീർന്നത്‌ എങ്ങനെ​യാണ്‌?

ക്രിസ്‌തു ആഴ്‌ച​വ​ട്ട​ത്തി​ന്റെ ഒന്നാം ദിവസം (ഇപ്പോ​ഴത്തെ ഞായർ) ആണ്‌ ഉയർപ്പി​ക്ക​പ്പെ​ട്ട​തെ​ങ്കി​ലും ആഴ്‌ച​വ​ട്ട​ത്തി​ലെ ആ ദിവസം വിശു​ദ്ധ​മാ​യി നീക്കി​വ​യ്‌ക്കാ​നു​ളള യാതൊ​രു നിർദ്ദേ​ശ​വും ബൈബി​ളിൽ ഇല്ല.

“വാരം​തോ​റു​മു​ളള ക്രിസ്‌തീയ ആഘോ​ഷ​ത്തിന്‌ ‘സൂര്യ​ദി​നം’ അല്ലെങ്കിൽ ‘ഞായറാഴ്‌ച’ എന്ന പേര്‌ നിലനിർത്തി​യി​രി​ക്കു​ന്നത്‌ വലിയ ഒരളവു​വരെ പുറജാ​തീ​യ​വും ക്രിസ്‌തീ​യ​വും [എന്നു വിളി​ക്ക​പ്പെ​ടു​ന്നതു]മായ വികാ​ര​ങ്ങ​ളു​ടെ സംയോ​ജനം നിമി​ത്ത​മാണ്‌. അത്തര​മൊ​രു വികാ​ര​ത്തോ​ടെ പുറജാ​തി​യ​രും ക്രിസ്‌ത്യാ​നി​ക​ളു​മായ തന്റെ പ്രജകൾ ഒരു​പോ​ലെ ‘സൂര്യന്റെ ആദരണീ​യ​മായ ദിനമാ​യി’ വാരത്തി​ന്റെ ആദ്യ ദിവസം ആചരി​ക്കാൻ കോൺസ്‌റ​റൻന്റൈൻ [പൊ. യു. 321-ലെ ഒരു കൽപന​യിൽ] ശുപാർശ ചെയ്‌തു. . . . തന്റെ സാമ്രാ​ജ്യ​ത്തിൽ അന്യോ​ന്യം ഭിന്നിച്ചു നിന്ന മതങ്ങളെ ഒരു പൊതു വ്യവസ്ഥ​യിൻകീ​ഴിൽ പൊരു​ത്ത​പ്പെ​ടു​ത്താ​നു​ളള അദ്ദേഹ​ത്തി​ന്റെ മാർഗ്ഗം അതായി​രു​ന്നു.” ലെക്‌ചേർസ്‌ ഓൺ ദി ഹിസ്‌റ​ററി ഓഫ്‌ ഈസ്‌റേറൺ ചർച്ച്‌ (ന്യൂ​യോർക്ക്‌, 1871), ഏ. പി. സ്‌ററാൻലി, പേ. 291.

ശബ്ബത്തനുഷ്‌ഠാനത്തിന്റെ നിബന്ധന ആദാമിന്‌ നൽക​പ്പെ​ട്ട​തും അതുവഴി അവന്റെ സന്തതി​കൾക്കെ​ല്ലാം ബാധക​മാ​ക്ക​പ്പെ​ട്ട​തു​മാ​യി​രു​ന്നോ?

ഭൂമിയെ മനുഷ്യ​വാ​സ​ത്തിന്‌ സജ്ജമാ​ക്കിയ ശേഷം യഹോ​വ​യാം ദൈവം ഭൂമി​യി​ലെ ഭൗതിക സൃഷ്ടി​പ്പിൻ പ്രവർത്ത​ന​ങ്ങ​ളിൽ നിന്ന്‌ വിശ്ര​മി​ക്കാൻ ആരംഭി​ച്ചു. ഇത്‌ ഉൽപത്തി 2:1-3-ൽ പ്രസ്‌താ​വി​ക്ക​പ്പെ​ട്ടി​രി​ക്കു​ന്നു. എന്നാൽ ഓരോ വാരത്തി​ലെ​യും ഏഴാം ദിവസം ശബ്ബത്തായി ആചരി​ക്കാൻ ദൈവം ആദാമി​നോട്‌ നിർദ്ദേ​ശി​ച്ച​താ​യി ബൈബിൾരേ​ഖ​യിൽ ഒരിട​ത്തും പറയു​ന്നില്ല.

ആവ. 5:15: “നീ [ഇസ്രാ​യേൽ] ഈജി​പ്‌ററ്‌ ദേശത്ത്‌ അടിമ​യാ​യി​ത്തീർന്നു​വെ​ന്നും അവിടെ നിന്ന്‌ നിന്റെ ദൈവ​മായ യഹോവ ബലമുളള കൈ​കൊ​ണ്ടും നീട്ടിയ ഭുജം​കൊ​ണ്ടും പുറത്തു​കൊ​ണ്ടു​വ​രാൻ പുറ​പ്പെട്ടു എന്നും ഓർമ്മി​ക്കുക. അതു​കൊ​ണ്ടാണ്‌ ശബ്ബത്തു​നാൾ ആചരി​ക്കാൻ നിന്റെ ദൈവ​മായ യഹോവ നിന്നോട്‌ കൽപി​ച്ചത്‌.” (ഇവിടെ യഹോവ താൻ ശബ്ബത്ത്‌ നിയമം നൽകി​യ​തി​നെ ഏദനിലെ സംഭവ​ങ്ങ​ളോ​ടല്ല, ഈജി​പ്‌റ​റി​ന്റെ അടിമ​ത്ത​ത്തിൽ നിന്നുളള ഇസ്രാ​യേ​ലി​ന്റെ വിടു​ത​ലി​നോ​ടാണ്‌ ബന്ധപ്പെ​ടു​ത്തു​ന്നത്‌.)

പുറ. 16:1, 23-29: “ഈജി​പ്‌റ​റിൽ നിന്ന്‌ പുറ​പ്പെ​ട്ട​ശേഷം രണ്ടാം മാസം പതിന​ഞ്ചാം തീയതി . . . ഇസ്രാ​യേൽ പുത്രൻമാ​രു​ടെ മുഴു​സം​ഘ​വും അവസാനം സീൻ മരുഭൂ​മി​യിൽ എത്തി​ച്ചേർന്നു. . . . [മോശ] അവരോട്‌ പറഞ്ഞു: ‘യഹോവ പറഞ്ഞി​രി​ക്കു​ന്നത്‌ ഇതാണ്‌. നാളെ യഹോ​വ​ക്കു​ളള വിശുദ്ധ ശബ്ബത്തിന്റെ ശബ്ബത്ത്‌ അനുഷ്‌ഠാ​ന​മു​ണ്ടാ​യി​രി​ക്കും. . . . ആറുദി​വസം നിങ്ങൾക്ക്‌ [മന്ന] പെറു​ക്കാം. എന്നാൽ ഏഴാം ദിവസം ശബ്ബത്താണ്‌. അന്ന്‌ അത്‌ ഉണ്ടാവു​ക​യില്ല.’ . . . യഹോവ മോശ​യോട്‌ പറഞ്ഞു: . . . ‘യഹോവ നിങ്ങൾക്ക്‌ ശബ്ബത്ത്‌ തന്നിരി​ക്കു​ന്നു എന്നത്‌ കുറി​ക്കൊ​ള​ളുക.’” (ഇതിന്‌ മുമ്പും ഏഴു ദിവസങ്ങൾ വീതമു​ളള വാരങ്ങൾ എണ്ണുന്ന രീതി​യു​ണ്ടാ​യി​രു​ന്നു, എന്നാൽ ശബ്ബത്താ​ച​രണം സംബന്ധി​ച്ചു​ളള ആദ്യ പരാമർശനം ഇവി​ടെ​യാണ്‌ കാണു​ന്നത്‌.)

മോശൈക ന്യായ​പ്ര​മാ​ണം “ആചാരപര”മെന്നും “ധാർമ്മിക”മെന്നും തരംതി​രി​ക്ക​പ്പെ​ട്ടി​ട്ടു​ണ്ടോ, “ധാർമ്മിക ന്യായ​പ്ര​മാ​ണം” (പത്തു കൽപനകൾ) ക്രിസ്‌ത്യാ​നി​കൾക്ക്‌ ബാധക​മാ​ണോ?

രണ്ടുഭാഗങ്ങളായി തിരി​ച്ചി​രി​ക്കു​ന്നു എന്നു സൂചി​പ്പി​ക്കത്തക്ക വിധത്തിൽ യേശു ന്യായ​പ്ര​മാ​ണത്തെ പരാമർശി​ച്ചോ?

മത്താ. 5:17, 21, 23, 27, 31, 38: “ഞാൻ ന്യായ​പ്ര​മാ​ണ​ത്തെ​യോ പ്രവാ​ച​കൻമാ​രെ​യോ നീക്കം ചെയ്യേ​ണ്ട​തിന്‌ വന്നു എന്ന്‌ വിചാ​രി​ക്ക​രുത്‌. നീക്കം ചെയ്യാനല്ല നിവർത്തി​ക്കാ​ന​ത്രേ ഞാൻ വന്നത്‌.” തുടർന്നു​ളള തന്റെ അഭി​പ്രായ പ്രകട​ന​ത്തിൽ യേശു എന്താണ്‌ ഉൾപ്പെ​ടു​ത്തി​യത്‌ എന്ന്‌ നോക്കുക. “‘നിങ്ങൾ കൊല ചെയ്യരുത്‌ [പുറ. 20:13; ആറാം കൽപന]’ എന്ന്‌ പൂർവ്വ​കാ​ല​ങ്ങ​ളി​ലു​ള​ള​വ​രോട്‌ അരുളി​ച്ചെ​യ്‌തി​ട്ടുണ്ട്‌ എന്ന്‌ നിങ്ങൾ കേട്ടി​ട്ടു​ണ്ട​ല്ലോ . . . “നിങ്ങൾ നിങ്ങളു​ടെ വഴിപാട്‌ യാഗപീ​ഠ​ത്തി​ലേക്ക്‌ കൊണ്ടു വരിക​യാ​ണെ​ങ്കിൽ [ആവ. 16:16, 17; പത്തു കൽപന​ക​ളു​ടെ ഭാഗമല്ല] . . . ‘നിങ്ങൾ വ്യഭി​ചാ​രം ചെയ്യരുത്‌ [പുറ. 20:14; ഏഴാമത്തെ കൽപന]’ എന്ന്‌ അരുളി​ച്ചെ​യ്‌തത്‌ നിങ്ങൾ കേട്ടി​ട്ടു​ണ്ട​ല്ലോ. കൂടാതെ, ‘ആരെങ്കി​ലും ഭാര്യയെ ഉപേക്ഷി​ച്ചാൽ അയാൾ അവൾക്ക്‌ ഉപേക്ഷ​ണ​പ​ത്രം കൊടു​ക്കട്ടെ. [ആവ. 24:1; പത്തു കൽപന​ക​ളു​ടെ ഭാഗമല്ല]’ എന്ന്‌ അരുളി​ച്ചെ​യ്‌തി​രി​ക്കു​ന്നു​വ​ല്ലോ. ‘കണ്ണിന്‌ കണ്ണ്‌, പല്ലിന്‌ പല്ല്‌ [പുറ. 21:23-25; പത്തു കൽപന​ക​ളു​ടെ ഭാഗമല്ല]’ എന്ന്‌ അരുളി​ച്ചെ​യ്‌തത്‌ നിങ്ങൾ കേട്ടി​ട്ടു​ണ്ട​ല്ലോ.” (അതു​കൊണ്ട്‌ തമ്മിൽ യാതൊ​രു വ്യത്യാ​സ​വും കൽപി​ക്കാ​തെ യേശു പത്തു കൽപന​ക​ളെ​യും ന്യായ​പ്ര​മാ​ണ​ത്തി​ന്റെ ഇതരഭാ​ഗ​ങ്ങ​ളെ​യും ഇടകലർത്തി​ത്തന്നെ പരാമർശി​ച്ചു. നാം അവയെ വ്യത്യ​സ്‌ത​മാ​യി കണക്കാ​ക്ക​ണ​മോ?)

“ഗുരോ, ന്യായ​പ്ര​മാ​ണ​ത്തി​ലെ ഏററം വലിയ കൽപന ഏതാണ്‌?” എന്ന്‌ യേശു​വി​നോട്‌ ചോദി​ച്ച​പ്പോൾ അവൻ പത്തു കൽപനകൾ വേർതി​രി​ച്ചു കാണി​ച്ചോ? മറിച്ച്‌, അവൻ ഇപ്രകാ​രം മറുപടി പറഞ്ഞു: “‘നീ നിന്റെ ദൈവ​മായ യഹോ​വയെ നിന്റെ മുഴു​ഹൃ​ദ​യ​ത്തോ​ടും നിന്റെ മുഴു ദേഹി​യോ​ടും നിന്റെ മുഴു​മ​ന​സ്സോ​ടും കൂടെ സ്‌നേ​ഹി​ക്കേണം.’ ഇതാണ്‌ ഏററം വലുതും ഒന്നാമ​ത്തേ​തു​മായ കൽപന. രണ്ടാമ​ത്തേത്‌ അതു​പോ​ലെ, ഇതാണ്‌, ‘നീ നിന്റെ അയൽക്കാ​രനെ നിന്നെ​പ്പോ​ലെ തന്നെ സ്‌നേ​ഹി​ക്കണം.’ ഈ രണ്ടു കൽപന​ക​ളിൽ സകല ന്യായ​പ്ര​മാ​ണ​വും പ്രവാ​ച​കൻമാ​രും അടങ്ങി​യി​രി​ക്കു​ന്നു.” (മത്താ. 22:35-40) പത്തു കൽപനകൾ (ആവ. 5:6-21) ക്രിസ്‌ത്യാ​നി​കൾക്ക്‌ ബാധക​മാണ്‌ ബാക്കി​യു​ളളവ അങ്ങനെയല്ല എന്നു പറഞ്ഞു​കൊണ്ട്‌ ആരെങ്കി​ലും അവ മുറുകെ പിടി​ക്കു​ക​യാ​ണെ​ങ്കിൽ അവർ വാസ്‌ത​വ​ത്തിൽ (ആവ. 6:5; ലേവ്യ. 19:18 എന്നിവ ഉദ്ധരി​ച്ചു​കൊണ്ട്‌) ഏതാണ്‌ ഏററം വലിയ കൽപന എന്ന്‌ യേശു പറഞ്ഞതി​നെ തളളി​ക്ക​ള​യു​ക​യല്ലേ?

മോശൈക ന്യായ​പ്ര​മാ​ണം നീങ്ങി​പ്പോ​കു​ന്ന​തി​നെ പരാമർശി​ച്ച​പ്പോൾ നീക്കം വന്നതിൽ പത്തു കൽപന​ക​ളും ഉൾപ്പെ​ടു​ന്നു എന്ന്‌ ബൈബിൾ നേരിട്ട്‌ പറയു​ന്നു​ണ്ടോ?

റോമ. 7:6, 7: “ഇപ്പോ​ഴോ നമ്മെ പിടിച്ചു വച്ചിരുന്ന ന്യായ​പ്ര​മാ​ണം സംബന്ധിച്ച്‌ നാം മരിച്ചി​രി​ക്ക​കൊണ്ട്‌ . . . നാം ന്യായ​പ്ര​മാ​ണ​ത്തിൽ നിന്ന്‌ ഒഴിവു​ള​ള​വ​രാ​യി​രി​ക്കു​ന്നു. അപ്പോൾ നാം എന്തു പറയണം? ന്യായ​പ്ര​മാ​ണം പാപ​മെ​ന്നോ? ഒരിക്ക​ലും അങ്ങനെ​യാ​കാ​തി​രി​ക്കട്ടെ! ന്യായ​പ്ര​മാ​ണ​ത്താ​ല​ല്ലാ​യി​രു​ന്നെ​ങ്കിൽ ഞാൻ ഒരിക്ക​ലും പാപത്തെ അറിയു​മാ​യി​രു​ന്നില്ല; ഉദാഹ​ര​ണ​മാ​യി ‘നീ മോഹി​ക്ക​രുത്‌’ എന്ന്‌ ന്യായ​പ്ര​മാ​ണം പറഞ്ഞി​ല്ലാ​യി​രു​ന്നെ​ങ്കിൽ മോഹ​മെ​ന്താ​ണെന്ന്‌ ഞാൻ അറിയു​മാ​യി​രു​ന്നില്ല.” (ഇവിടെ യഹൂദ​ക്രി​സ്‌ത്യാ​നി​കൾ “ന്യായ​പ്ര​മാ​ണ​ത്തിൽ നിന്ന്‌ ഒഴിവു​ള​ള​വ​രാണ്‌” എന്ന്‌ എഴുതിയ ശേഷം ഉടനെ ന്യായ​പ്ര​മാ​ണ​ത്തിൽ നിന്നുളള എന്തു ദൃഷ്ടാ​ന്ത​മാണ്‌ പൗലോസ്‌ എടുത്തു കാണി​ക്കു​ന്നത്‌? പത്താമത്തെ കൽപന, അതുവഴി അവർ എന്തിൽ നിന്ന്‌ ഒഴിവു​ള​ള​വ​രാ​യി​രി​ക്കു​ന്നു​വോ ആ നിയമ​ത്തിൽ പത്തു കൽപന​ക​ളും ഉൾപ്പെ​ടും എന്ന്‌ കാണി​ക്കു​ന്നു.)

2 കൊരി. 3:7-11: “കല്ലിൽ അക്ഷരമാ​യി കൊത്തി​യി​രു​ന്ന​തും മരണം കൈവ​രു​ത്തു​ന്ന​തു​മായ നിയമം നൽകൽ, മോശ​യു​ടെ മുഖത്തെ തേജസ്സ്‌, നീങ്ങി​പ്പോ​കാ​നു​ള​ള​തായ ഒരു തേജസ്സ്‌ നിമിത്തം ഇസ്രാ​യേൽ മക്കൾക്ക്‌ അവന്റെ മുഖത്ത്‌ ഏകാ​ഗ്ര​മാ​യി നോക്കി​ക്കൂ​ടാ​ത്ത​വണ്ണം തേജസ്സു​ള​ള​താ​യി​രു​ന്നെ​ങ്കിൽ ആത്മാവി​ന്റെ നൽകൽ അതില​ധി​കം തേജ​സ്സോ​ടെ​യാ​യി​രി​ക്ക​രു​താ​ഞ്ഞത്‌ എന്തു​കൊണ്ട്‌? . . . നീക്കം​വ​രാ​നു​ള​ളത്‌ തേജ​സ്സോ​ടു​കൂ​ടെ​യാണ്‌ വരുത്ത​പ്പെ​ട്ട​തെ​ങ്കിൽ നിലനിൽക്കു​ന്നത്‌ എത്ര അധികം തേജസ്സു​ള​ള​താ​യി​രി​ക്കണം! (“കല്ലിൽ അക്ഷരമാ​യി കൊത്തിയ” നിയമ​ത്തെ​പ്പ​ററി ഇവിടെ പറയ​പ്പെ​ട്ടി​രി​ക്കു​ന്നു, അത്‌ അവർക്ക്‌ നൽക​പ്പെ​ട്ട​പ്പോൾ “ഇസ്രാ​യേൽ പുത്രൻമാർക്കു മോശ​യു​ടെ മുഖത്ത്‌ ഏകാ​ഗ്ര​മാ​യി നോക്കാൻ” കഴിയു​മാ​യി​രു​ന്നില്ല എന്നും ഇവിടെ പറയ​പ്പെ​ട്ടി​രി​ക്കു​ന്നു. ഇവിടെ എന്താണ്‌ വർണ്ണി​ക്ക​പ്പെ​ട്ടി​രി​ക്കു​ന്നത്‌? അത്‌ പത്തു കൽപന​ക​ളു​ടെ നൽകലാണ്‌ എന്ന്‌ പുറപ്പാട്‌ 34:1, 28-30 കാണിച്ചു തരുന്നു; അവയാ​യി​രു​ന്നു കല്ലിൽ കൊത്ത​പ്പെട്ട കൽപനകൾ, പ്രകട​മാ​യും “നീങ്ങി​പ്പോ​കേണ്ട”താണ്‌ എന്ന്‌ തിരു​വെ​ഴു​ത്തു​കൾ ഇവിടെ പറയു​ന്ന​വ​യിൽ അവയും ഉൾപ്പെ​ടു​ന്നു.)

പത്തുകൽപനകൾ ഉൾപ്പെ​ടെ​യു​ളള മോ​ശൈക ന്യായ​പ്ര​മാ​ണ​ത്തി​ന്റെ നീക്കം എല്ലാ ധാർമ്മിക നിയ​ന്ത്ര​ണ​ങ്ങ​ളും നീക്കം​ചെ​യ്യ​പ്പെട്ടു എന്ന്‌ അർത്ഥമാ​ക്കു​ന്നു​ണ്ടോ?

ഒരിക്ക​ലു​മില്ല; പത്തു കൽപന​ക​ളിൽ വിവരി​ച്ചി​രി​ക്കുന്ന ധാർമ്മിക നിലവാ​രങ്ങൾ എല്ലാം തന്നെ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളു​ടെ നിശ്വസ്‌ത പുസ്‌ത​ക​ങ്ങ​ളിൽ വീണ്ടും എടുത്തു പറഞ്ഞി​ട്ടുണ്ട്‌. (എന്നാൽ ശബ്ബത്ത്‌ സംബന്ധി​ച്ചു​ളള നിയമം ആവർത്തി​ക്ക​പ്പെ​ട്ടി​ട്ടില്ല.) എന്നാൽ ഒരു നിയമം എത്രതന്നെ നല്ലതാ​യി​രു​ന്നാ​ലും പാപത്തി​ലേ​ക്കു​ളള ചായ്‌വ്‌ ഒരുവന്റെ മോഹ​ങ്ങളെ ഭരിക്കു​മ്പോൾ നിയമ​രാ​ഹി​ത്യം ഉണ്ടായി​രി​ക്കും. എന്നിരു​ന്നാ​ലും ന്യായ​പ്ര​മാണ ഉടമ്പടി​യു​ടെ സ്ഥാനം ഏറെറ​ടുത്ത പുതിയ ഉടമ്പടി​യെ സംബന്ധിച്ച്‌ എബ്രായർ 8:10 ഇപ്രകാ​രം പറയുന്നു: “‘ആ നാളുകൾ കഴിഞ്ഞ ശേഷം ഞാൻ ഇസ്രാ​യേൽ ഗൃഹ​ത്തോട്‌ ചെയ്യാ​നി​രി​ക്കുന്ന ഉടമ്പടി ഇതാകു​ന്നു,’ എന്ന്‌ യഹോവ അരുളി​ച്ചെ​യ്യു​ന്നു. ‘എന്റെ നിയമങ്ങൾ ഞാൻ അവരുടെ മനസ്സിൽ നിക്ഷേ​പി​ക്കും, ഞാൻ അവയെ അവരുടെ ഹൃദയ​ങ്ങ​ളിൽ എഴുതും. ഞാൻ അവരുടെ ദൈവ​മാ​യി​ത്തീ​രും, അവർതന്നെ എന്റെ ജനവു​മാ​യി​ത്തീ​രും.’” അത്തരം നിയമങ്ങൾ കൽപല​ക​ക​ളിൽ എഴുത​പ്പെ​ട്ട​വ​യേ​ക്കാൾ എത്രയോ ഫലപ്ര​ദ​മാണ്‌!

റോമ. 6:15-17: “നാം ന്യായ​പ്ര​മാ​ണ​ത്തിന്‌ കീഴ്‌പ്പെ​ട്ടി​രി​ക്കാ​തെ അനർഹ​ദ​യക്കു കീഴ്‌പ്പെ​ട്ടി​രി​ക്കു​ന്ന​തി​നാൽ പാപം ചെയ്‌ക എന്നോ? അതൊ​രി​ക്ക​ലും സംഭവി​ക്കാ​തി​രി​ക്കട്ടെ! ആരെ​യെ​ങ്കി​ലും അനുസ​രി​ക്കാൻ നിങ്ങൾ അവന്‌ അടിമ​ക​ളാ​യി നിങ്ങ​ളെ​ത്തന്നെ സമർപ്പി​ക്കു​ന്നു​വെ​ങ്കിൽ നിങ്ങൾ അവനെ അനുസ​രി​ക്കു​ന്ന​തി​നാൽ അവന്‌ അടിമ​ക​ളാ​കു​ന്നു​വെന്ന്‌ അറിയു​ന്നി​ല്ല​യോ, ഒന്നുകിൽ മരണത്തി​നാ​യി പാപത്തി​ന്റെ അടിമകൾ? അല്ലെങ്കിൽ നീതി​ക്കാ​യി അനുസ​ര​ണ​ത്തി​ന്റെ അടിമകൾ. എന്നാൽ നിങ്ങൾ പാപത്തി​ന്റെ അടിമ​ക​ളാ​യി​രു​ന്നു​വെ​ങ്കി​ലും നിങ്ങളെ ഏതുപ​ദേ​ശ​രൂ​പ​ത്തിന്‌ ഏൽപി​ച്ചു​വോ ആ ഉപദേ​ശത്തെ ഹൃദയ​പൂർവ്വം അനുസ​രി​ച്ച​തി​നാൽ ദൈവ​ത്തിന്‌ നന്ദി.” (ഗലാത്യർ 5:18-24 കൂടെ കാണുക.)

ക്രിസ്‌ത്യാനികൾക്ക്‌ വാരം​തോ​റു​മു​ളള ശബ്ബത്ത്‌ എത്ര​ത്തോ​ളം പ്രധാ​ന​മാണ്‌?

ക്രിസ്‌ത്യാനികൾ എന്നും പങ്കുപ​റ​റുന്ന ഒരു “ശബ്ബത്ത്‌ അനുഷ്‌ഠാന”മുണ്ട്‌

എബ്രായർ 4:4-11 പറയുന്നു: “‘ഏഴാം നാളിൽ ദൈവം തന്റെ സകല​പ്ര​വർത്ത​ന​ങ്ങ​ളിൽ നിന്നും വിശ്ര​മി​ച്ചു’ എന്ന്‌ ഏഴാം​നാ​ളി​നെ​ക്കു​റിച്ച്‌ അവൻ [ദൈവം] ഒരിടത്ത്‌ [ഉൽപത്തി 2:2] പറഞ്ഞി​രി​ക്കു​ന്നു. വീണ്ടും ഇവിടെ [സങ്കീർത്തനം 95:11]: ‘അവർ എന്റെ സ്വസ്ഥത​യിൽ പ്രവേ​ശി​ക്ക​യില്ല എന്നും’. അതു​കൊണ്ട്‌ ചിലർ അതിൽ പ്രവേ​ശി​ക്കാൻ ഇനിയും ശേഷി​ച്ചി​രി​ക്ക​യാ​ലും, മുമ്പേ ആരോടു സുവാർത്ത പ്രഖ്യാ​പി​ക്ക​പ്പെ​ട്ടോ അവർ അനുസ​ര​ണ​ക്കേടു നിമിത്തം അവിടെ പ്രവേ​ശി​ക്കാ​യ്‌ക​യാ​ലും, കാലങ്ങൾ കടന്നു​പോ​യ​ശേഷം ദാവീ​ദി​ന്റെ സങ്കീർത്ത​ന​ത്തിൽ [സങ്കീർത്തനം 95:7, 8] ‘ഇന്ന്‌ അവന്റെ സ്വന്തം ശബ്ദം കേൾക്കു​ന്നു​വെ​ങ്കിൽ നിങ്ങളു​ടെ ഹൃദയം കഠിന​മാ​ക്ക​രുത്‌’ എന്ന്‌ മുമ്പേ പറഞ്ഞതു​പോ​ലെ ‘ഇന്ന്‌’ എന്നൊരു ദിവസം പിന്നെ​യും നിശ്ചയി​ക്കു​ന്നു. എന്തു​കൊ​ണ്ടെ​ന്നാൽ യോശുവ അവരെ സ്വസ്ഥത​യു​ടെ ഒരു സ്ഥലത്തേക്കു വരുത്തി​യെ​ങ്കിൽ മറെറാ​രു ദിവസ​ത്തേ​ക്കു​റിച്ച്‌ ദൈവം പിന്നീട്‌ പറയു​ക​യി​ല്ലാ​യി​രു​ന്നു. അതു​കൊണ്ട്‌ ദൈവ​ജ​ന​ത്തിന്‌ ഒരു ശബ്ബത്ത്‌ വിശ്രമം അവശേ​ഷി​ച്ചി​രി​ക്കു​ന്നു. ദൈവം തന്റെ സ്വന്തം പ്രവൃ​ത്തി​ക​ളിൽ നിന്നെ​ന്ന​പോ​ലെ ദൈവ​ത്തി​ന്റെ സ്വസ്ഥത​യിൽ പ്രവേ​ശി​ച്ച​വ​നും തന്റെ സ്വന്തം പ്രവൃ​ത്തി​ക​ളിൽ നിന്ന്‌ വിശ്ര​മി​ച്ചി​രി​ക്കു​ന്നു. അനുസ​ര​ണ​ക്കേ​ടി​ന്റെ അതേ മാതൃ​ക​യിൽ ആരെങ്കി​ലും വീണു​പോ​കു​മെ​ന്നു​ളള ഭയം നിമിത്തം ആ സ്വസ്ഥത​യിൽ പ്രവേ​ശി​ക്കാൻ നമുക്ക്‌ നമ്മുടെ പരമാ​വധി പ്രവർത്തി​ക്കാം.”

എന്തിൽ നിന്ന്‌ വിശ്ര​മി​ക്കാ​നാണ്‌ ക്രിസ്‌ത്യാ​നി​കൾ ഇവിടെ പ്രോൽസാ​ഹി​പ്പി​ക്ക​പ്പെ​ട്ടി​രി​ക്കു​ന്നത്‌? അവരുടെ “സ്വന്തം പ്രവൃ​ത്തി​ക​ളിൽ” നിന്ന്‌. എന്തു പ്രവൃ​ത്തി​കൾ? തങ്ങളെ​ത്തന്നെ നീതി​മാൻമാ​രെന്ന്‌ തെളി​യി​ക്കാൻ അവർ മുൻപേ ചെയ്‌ത​പ്ര​വൃ​ത്തി​കൾ. ചില നിയമ​ങ്ങ​ളും അനുഷ്‌ഠാ​ന​ങ്ങ​ളും പാലി​ക്കു​ന്ന​തി​നാൽ ദൈവ​ത്തി​ന്റെ അംഗീ​കാ​ര​വും നിത്യ​ജീ​വ​നും നേടാൻ കഴിയു​മെന്ന്‌ അവർ മേലാൽ വിശ്വ​സി​ക്കു​ന്നില്ല. ‘ദൈവ​ത്തി​ന്റെ നീതിക്ക്‌ തങ്ങളെ​ത്തന്നെ കീഴ്‌പ്പെ​ടു​ത്താ​തെ സ്വന്തം നീതി​സ്ഥാ​പി​ക്കാൻ ശ്രമിച്ച’ വിശ്വാ​സ​മി​ല്ലാഞ്ഞ യഹൂദൻമാർക്ക്‌ പററിയ തെററ്‌ അതായി​രു​ന്നു. (റോമ. 10:3) നാമെ​ല്ലാം പാപി​ക​ളാ​യി ജനിച്ച​വ​രാ​ണെ​ന്നും ക്രിസ്‌തു​വി​ന്റെ ബലിയി​ലു​ളള വിശ്വാ​സ​ത്താൽ മാത്ര​മാണ്‌ ആർക്കെ​ങ്കി​ലും ദൈവ​മു​മ്പാ​കെ നീതീ​ക​രണം പ്രാപി​ക്കാൻ കഴിയു​ന്ന​തെ​ന്നും സത്യ​ക്രി​സ്‌ത്യാ​നി​കൾ തിരി​ച്ച​റി​യു​ന്നു. ദൈവ​പു​ത്രന്റെ പ്രബോ​ധ​ന​ങ്ങ​ളെ​ല്ലാം കാര്യ​മാ​യെ​ടു​ക്കാ​നും ബാധക​മാ​ക്കാ​നും അവർ ശ്രമി​ക്കു​ന്നു. അവർ ദൈവ​വ​ച​ന​ത്തിൽ നിന്നുളള ബുദ്ധി​യു​പ​ദേ​ശ​വും ശാസന​യും താഴ്‌മ​യോ​ടെ സ്വീക​രി​ക്കു​ന്നു. ഈ വിധത്തിൽ തങ്ങൾക്ക്‌ ദൈവ​ത്തി​ന്റെ അംഗീ​കാ​രം നേടി​യെ​ടു​ക്കാ​മെന്ന്‌ അവർ വിശ്വ​സി​ക്കു​ന്നു എന്ന്‌ ഇതിനർത്ഥ​മില്ല; മറിച്ച്‌ അവർ ചെയ്യു​ന്നത്‌ അവരുടെ സ്‌നേ​ഹ​ത്തി​ന്റെ​യും വിശ്വാ​സ​ത്തി​ന്റെ​യും ഒരു പ്രത്യ​ക്ഷ​പ്ര​ക​ട​ന​മാണ്‌. അത്തര​മൊ​രു ജീവി​ത​ഗ​തി​യാൽ യഹൂദ​ജ​ന​ത​യു​ടെ “അനുസ​ര​ണ​ക്കേ​ടി​ന്റെ മാതൃക” അവർ ഒഴിവാ​ക്കു​ന്നു.

ഉൽപത്തി 2:2-ൽ പറഞ്ഞി​രി​ക്കുന്ന “ഏഴാം ദിവസം” വെറും 24 മണിക്കൂർ ദൈർഘ്യ​മു​ളള ഒരു ദിവസ​മാ​യി​രു​ന്നില്ല. (“സൃഷ്ടിപ്പ്‌” എന്ന ശീർഷ​ക​ത്തിൻകീ​ഴിൽ പേജ്‌ 88 കാണുക.) അതു​പോ​ലെ സത്യ​ക്രി​സ്‌ത്യാ​നി​കൾക്ക്‌ പങ്കുളള “ശബ്ബത്ത്‌ വിശ്രമ”വും 24 മണിക്കൂ​റു​ളള ദിവസ​മാ​യി പരിമി​ത​പ്പെ​ടു​ത്തി​യി​ട്ടില്ല. വിശ്വാ​സം പ്രകട​മാ​ക്കു​ന്ന​തി​നാ​ലും ബൈബി​ളി​ന്റെ ബുദ്ധി​യു​പ​ദേശം അനുസ​രി​ക്കു​ന്ന​തി​നാ​ലും അവർക്ക്‌ അത്‌ എന്നും ആസ്വദി​ക്കാൻ കഴിയും, പ്രത്യേ​കി​ച്ചും ദൈവ​ത്തി​ന്റെ പുതിയ വ്യവസ്ഥി​തി​യിൽ അവർ അങ്ങനെ ചെയ്യും.

മനുഷ്യവർഗ്ഗത്തിന്‌ ഭാവി​യിൽ ഒരു ആയിര​വർഷ“ശബ്ബത്ത്‌” വിശ്ര​മ​മുണ്ട്‌

മർക്കോ. 2:27, 28: “[യേശു] തുടർന്ന്‌ അവരോട്‌ ഇങ്ങനെ പറഞ്ഞു: ‘മനുഷ്യൻ ശബ്ബത്തിനു വേണ്ടിയല്ല, ശബ്ബത്ത്‌ മനുഷ്യ​നു​വേ​ണ്ടി​യ​ത്രേ ഉണ്ടായത്‌; അതു​കൊണ്ട്‌ മനുഷ്യ​പു​ത്രൻ ശബ്ബത്തി​നു​പോ​ലും കർത്താ​വാ​കു​ന്നു.’”

ദൈവ​ത്തി​നും ഇസ്രാ​യേ​ലി​നു​മി​ടക്ക്‌ ഒരടയാ​ള​മാ​യി​ട്ടാണ്‌ യഹോവ ശബ്ബത്ത്‌ ഏർപ്പെ​ടു​ത്തി​യ​തെ​ന്നും അത്‌ അവർക്ക്‌ അവരുടെ കഠിന​വേ​ല​യിൽ നിന്ന്‌ ആശ്വാസം കിട്ടേ​ണ്ട​തി​നാ​യി​രു​ന്നെ​ന്നും യേശു​വിന്‌ അറിയാ​മാ​യി​രു​ന്നു. മോ​ശൈ​ക​ന്യാ​യ​പ്ര​മാ​ണ​ത്തിന്‌ തന്നിൽ നിവൃത്തി ഉണ്ടായ​തി​നാൽ തന്റെ സ്വന്തം മരണം ന്യായ​പ്ര​മാ​ണത്തെ നീക്കി​ക്ക​ള​യു​ന്ന​തി​നു​ളള അടിസ്ഥാ​നം നൽകു​മെ​ന്നും അവൻ തിരി​ച്ച​റി​ഞ്ഞി​രു​ന്നു. ശബ്ബത്ത്‌ നിബന്ധ​ന​യോ​ടു​കൂ​ടിയ ന്യായ​പ്ര​മാ​ണം “വരാനി​രി​ക്കുന്ന നൻമക​ളു​ടെ ഒരു നിഴൽ” പ്രദാനം ചെയ്‌തു എന്നതും അവൻ വിലമ​തി​ച്ചു. (എബ്രാ. 10:1; കൊലൊ. 2:16, 17) ആ “നൻമക​ളോ​ടു​ളള” ബന്ധത്തിൽ അവൻ കർത്താ​വാ​യി​രി​ക്കേണ്ട ഒരു “ശബ്ബത്ത്‌” ഉണ്ട്‌.

കർത്താ​ധി​കർത്താവ്‌ എന്ന നിലയിൽ ഒരു ആയിരം​വർഷ​ത്തേക്ക്‌ ക്രിസ്‌തു മുഴു​ഭൂ​മി​യെ​യും ഭരിക്കും. (വെളി. 19:16; 20:6; സങ്കീ. 2:6-8) തന്റെ ആയിര​വർഷ ഭരണകാ​ലത്ത്‌ എല്ലാ ജനതയി​ലും​പെട്ട ആളുകൾക്ക്‌ താൻ ഏതുവി​ധ​ത്തി​ലു​ളള ആശ്വാസം കൈവ​രു​ത്തും എന്ന്‌ പ്രകട​മാ​ക്കി​ക്കൊണ്ട്‌ ഭൂമി​യി​ലാ​യി​രു​ന്ന​പ്പോൾ യേശു ശബ്ബത്ത്‌ ദിവസ​ത്തിൽ കരുണാ​പൂർവ്വം അവന്റെ ഏററം അത്ഭുത​ക​ര​മായ ചില സൗഖ്യ​മാ​ക്ക​ലു​കൾ നടത്തി. (ലൂക്കോ. 13:10-13; യോഹ. 5:5-9; 9:1-14) ശബ്ബത്തിന്റെ യഥാർത്ഥ അർത്ഥം വിലമ​തി​ക്കു​ന്ന​വർക്ക്‌ “ശബ്ബത്ത്‌” വിശ്ര​മ​ത്തിൽ നിന്നുളള പ്രയോ​ജ​ന​മ​നു​ഭ​വി​ക്കു​ന്ന​തി​നും അവസര​മു​ണ്ടാ​യി​രി​ക്കും.

‘ക്രിസ്‌ത്യാ​നി​കൾ ശബ്ബത്ത്‌ ആചരി​ക്കണം’

നിങ്ങൾക്ക്‌ ഇങ്ങനെ മറുപടി പറയാം: ‘നിങ്ങൾ അങ്ങനെ വിചാ​രി​ക്കു​ന്നത്‌ എന്തു​കൊ​ണ്ടാണ്‌ എന്ന്‌ ഞാനൊ​ന്നു ചോദി​ച്ചോ​ട്ടെ?’ പിന്നെ ഒരുപക്ഷേ ഇങ്ങനെ കൂട്ടി​ച്ചേർക്കുക: ‘അതു സംബന്ധിച്ച്‌ ബൈബിൾ പറയു​ന്നത്‌ തീർച്ച​യാ​യും നമ്മുടെ ചിന്തയെ ഭരിക്കണം, അല്ലേ? . . . ഈ വിഷയം സംബന്ധിച്ച്‌ സഹായ​ക​മെന്ന്‌ ഞാൻ കണ്ടിരി​ക്കുന്ന ചില വാക്യ​ങ്ങ​ളുണ്ട്‌. ഞാൻ അത്‌ നിങ്ങൾക്ക്‌ കാട്ടി​ത്ത​രാം. (പിന്നീട്‌ കഴിഞ്ഞ ഏതാനും പേജു​ക​ളിൽ നിന്നുളള ഉചിത​മായ വിവരങ്ങൾ ഉപയോ​ഗി​ക്കുക.)’

‘നിങ്ങൾ എന്തു​കൊ​ണ്ടാണ്‌ ശബ്ബത്ത്‌ ആചരി​ക്കാ​ത്തത്‌?’

നിങ്ങൾക്ക്‌ ഇങ്ങനെ മറുപടി പറയാം: ‘നിങ്ങളു​ടെ മനസ്സി​ലു​ള​ളത്‌ ഏതു ശബ്ബത്താണ്‌ എന്നതിനെ ആശ്രയി​ച്ചി​രി​ക്കും എന്റെ മറുപടി. ഒന്നില​ധി​കം ശബ്ബത്തു​ക​ളെ​ക്കു​റിച്ച്‌ ബൈബിൾ പറയു​ന്നു​ണ്ടെന്ന്‌ നിങ്ങൾ അറിഞ്ഞി​രു​ന്നോ? . . . ശബ്ബത്തു സംബന്ധി​ച്ചു​ളള നിയമങ്ങൾ ദൈവം യഹൂദൻമാർക്കാണ്‌ നൽകി​യത്‌. എന്നാൽ ക്രിസ്‌ത്യാ​നി​കൾ ആചരി​ക്കേണ്ട ഒരു വ്യത്യ​സ്‌ത​തരം ശബ്ബത്തി​നെ​പ്പ​ററി ബൈബിൾ പറയുന്നു എന്ന്‌ നിങ്ങൾ അറിഞ്ഞി​രു​ന്നോ?’ പിന്നെ ഒരുപക്ഷേ ഇങ്ങനെ കൂട്ടി​ച്ചേർക്കുക: (1) ‘ഞങ്ങൾ ആഴ്‌ച​യിൽ ഒരു ദിവസം ശബ്ബത്തായി ആചരി​ക്കു​ന്നില്ല, എന്തു​കൊ​ണ്ടെ​ന്നാൽ ആ നിബന്ധന “നീങ്ങി​പ്പോ​കാ​നു​ള​ള​താ​യി​രു​ന്നു​വെന്ന്‌” ബൈബിൾ പറയുന്നു. (2 കൊരി. 3:7-11, ഇത്‌ സംബന്ധി​ച്ചു​ളള വിവരങ്ങൾ 348, 349 പേജു​ക​ളിൽ കാണുക.)’ (2) ‘എന്നാൽ ഞങ്ങൾ ക്രമമാ​യി ആചരി​ക്കുന്ന ഒരു ശബ്ബത്തുണ്ട്‌. (എബ്രാ. 4:4-11; 349, 350 പേജുകൾ കാണുക.)’