“ജീവദാ​യ​ക​മായ ആത്മാവിന്‌” കീഴ്‌പ്പെ​ട്ടു​കൊ​ണ്ടി​രി​ക്കുക

“ആത്മാവാണ്‌ ജീവദാ​യ​ക​മാ​യി​രി​ക്കു​ന്നത്‌; ജഡം അശേഷം ഉപയോ​ഗ​പ്ര​ദമല്ല.”—യോഹ​ന്നാൻ 6:63

1. (എ) ഈ ലോക“വായു”വിന്റെ സ്വാധീ​നത്തെ ചെറു​ത്തു​നിൽക്കു​ന്ന​തിന്‌ യഹോവ തന്റെ ജനത്തെ സഹായി​ക്കു​ന്ന​തെ​ങ്ങനെ? (ബി) ദൈവാ​ത്മാ​വി​ന്റെ ഫലം നട്ടുവ​ളർത്തു​ന്നത്‌ ശരിയായ മാനസിക ചായ്‌വ്‌ ഉണ്ടായി​രി​ക്കാൻ നമ്മെ എങ്ങനെ സഹായി​ക്കും?

ഈ ലോക​ത്തി​ന്റെ “വായു”വിന്റെ സ്വാധീ​ന​ത്തെ​യോ അതിന്റെ മനോ​ഭാ​വ​ങ്ങ​ളെ​യോ നാം ചെറു​ത്തു​നിൽക്ക​ണ​മെ​ങ്കിൽ യഹോ​വ​യാം ദൈവ​ത്തി​ന്റെ പരിശു​ദ്ധാ​ത്മാവ്‌ അത്യാ​വ​ശ്യ​മാണ്‌. (എഫേസ്യർ 2:1, 2) നമുക്കു ബൈബി​ളും ആവശ്യ​മാണ്‌, അതിൽ പരിശു​ദ്ധാ​ത്മാ​വി​ന്റെ മാർഗ്ഗ​നിർദ്ദേ​ശ​ത്തിൽ രേഖ​പ്പെ​ടു​ത്ത​പ്പെട്ട ദൈവ​ത്തി​ന്റെ ചിന്തകൾ അടങ്ങി​യി​രി​ക്കു​ന്നു. നമുക്ക്‌ ദൈവാ​ത്മാ​വി​ന്റെ ഫലങ്ങൾ—“സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം എന്നിവ”—ഉളവാ​ക്കുന്ന ഒരു വിനീ​ത​മായ ക്രിസ്‌തീയ മനോ​ഭാ​വ​വും ആവശ്യ​മാണ്‌. അപ്പോ​സ്‌ത​ല​നായ പൗലോസ്‌ ഇങ്ങനെ പ്രോ​ത്സാ​ഹി​പ്പി​ച്ചു: “ആത്മാവിൽ നടക്കു​ന്ന​തിൽ തുടരുക, അപ്പോൾ നിങ്ങൾ അശേഷം ജഡിക​മോ​ഹം നിറ​വേ​റ​റു​ക​യില്ല. എന്തെന്നാൽ ജഡം അതിന്റെ ആഗ്രഹ​ത്തിൽ ആത്മാവി​നെ​തി​രാണ്‌, ആത്മാവു ജഡത്തി​നു​മെ​തി​രാണ്‌; എന്തെന്നാൽ ഇവ അന്യോ​ന്യം എതിർപ്പി​ലാണ്‌, തന്നിമി​ത്തം നിങ്ങൾ ചെയ്യാ​നാ​ഗ്ര​ഹി​ക്കുന്ന കാര്യ​ങ്ങൾതന്നെ നിങ്ങൾ ചെയ്യു​ന്നില്ല.”—ഗലാത്യർ 5:16, 17, 22, 23.

2. ദൈവാ​ത്മാവ്‌ ഉല്‌പാ​ദി​പ്പി​ക്കു​ന്നത്‌ “ലോക​ത്തി​ന്റെ ആത്മാവി”നെ സ്വീക​രി​ക്കു​ന്ന​തി​ന്റെ ഫലങ്ങളിൽനിന്ന്‌ വ്യത്യ​സ്‌ത​മാ​യി​രി​ക്കു​ന്ന​തെ​ങ്ങനെ?

² പൗലോസ്‌ ഇങ്ങനെ​യും എഴുതി: “നമുക്കു ലഭിച്ചത്‌ ലോക​ത്തി​ന്റെ ആത്മാവല്ല;, പിന്നെ​യോ ദൈവ​ത്തിൽനി​ന്നുള്ള ആത്മാവാണ്‌, ദൈവ​ത്താൽ നമുക്കു ദയാപൂർവ്വം നൽക​പ്പെ​ട്ടി​രി​ക്കുന്ന കാര്യങ്ങൾ നാം അറി​യേ​ണ്ട​തി​നു​തന്നെ.” (1 കൊരി​ന്ത്യർ 2:12) ഈ ലോക​ത്തി​ന്റെ “വായു” അഥവാ മാനസി​ക​ഭാ​വം കൊല്ലു​ന്നു, എന്നാൽ ദൈവം പരിശു​ദ്ധാ​ത്മാ​വി​നാൽ നൽകു​ന്നത്‌, അതു സ്വീക​രി​ക്കു​ന്ന​വർക്ക്‌ നിത്യ​ജീ​വൻ കൈവ​രു​ത്തു​ന്നു. യേശു പറഞ്ഞു: “ആത്മാവാണ്‌ ജീവദാ​യ​ക​മാ​യി​രി​ക്കു​ന്നത്‌; ജഡം അശേഷം ഉപയോ​ഗ​പ്ര​ദമല്ല. ഞാൻ നിങ്ങ​ളോ​ടു പ്രസ്‌താ​വി​ച്ചി​ട്ടുള്ള മൊഴി​കൾ ആത്മാവാ​കു​ന്നു, ജീവനു​മാ​കു​ന്നു.” (യോഹ​ന്നാൻ 6:63) “ജഡം അശേഷം ഉപയോ​ഗ​പ്ര​ദ​മ​ല്ലാ​ത്ത​തു​കൊണ്ട്‌” ലോക​ത്തി​ന്റെ ആത്മാവി​നെ ചെറു​ത്തു​നിൽക്കാൻ നമുക്ക്‌ ദിവ്യ​സ​ഹാ​യം ആവശ്യ​മാണ്‌.

3, 4. (എ) അത്യാ​ഗ്രഹം എന്താണ്‌, ‘വായു​വി​ന്റെ ഭരണാ​ധി​പൻ’ ഭൗതി​ക​വ​സ്‌തു​ക്കൾക്കാ​യുള്ള ജഡിക​മോ​ഹത്തെ കൈകാ​ര്യം ചെയ്യു​ന്ന​തെ​ങ്ങനെ? (ബി) ഒരു അത്യാ​ഗ്രഹി ഒരു വിഗ്ര​ഹാ​രാ​ധി ആയിരി​ക്കു​ന്ന​തെ​ങ്ങനെ?

³ മുൻലേ​ഖ​ന​ത്തിൽ ഈ ലോക “വായു”വിന്റെ അപകട​ക​ര​മായ രണ്ടു വശങ്ങൾ ചർച്ച ചെയ്‌തു—അസാൻമാർഗ്ഗിക കാര്യ​ങ്ങ​ളു​ടെ താലോ​ലി​ക്ക​ലും വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും അനുചി​ത​മായ സ്‌​റൈ​റ​ലു​ക​ളും. എന്നാൽ മററ​നേകം വശങ്ങളുണ്ട്‌. ദൃഷ്ടാ​ന്ത​ത്തിന്‌, ഈ ലോക​ത്തി​ലെ അന്തരീക്ഷം ഭൗതി​ക​പ്ര​യോ​ജ​ന​ങ്ങൾക്കോ വസ്‌തു​ക്കൾക്കോ വേണ്ടി​യുള്ള ശക്തമായ സ്വാർത്ഥ​മോ​ഹം നിമി​ത്ത​മുള്ള അത്യാ​ഗ്ര​ഹ​ത്താൽ പൂരി​ത​മാണ്‌. നിങ്ങൾക്ക്‌ സമൃദ്ധ​മാ​യി ഭൗതി​ക​വ​സ്‌തു​ക്ക​ളി​ല്ലെ​ങ്കിൽ നിങ്ങൾക്ക്‌ സംതൃ​പ്‌തി ഇല്ലെന്ന്‌ ഈ ലോക​ത്തി​ലെ പ്രചാ​ര​ണ​വും പരസ്യ​വും നിങ്ങ​ളെ​ക്കൊ​ണ്ടു വിചാ​രി​പ്പി​ക്കു​ന്ന​തിൽ ‘വായു​വി​ന്റെ ഭരണാ​ധി​പൻ’ ശ്രദ്ധി​ച്ചി​രി​ക്കു​ന്നു. ലോക​ത്തി​ന്റെ “വായു”വിന്റെ ഈ വശത്തിന്‌ ജീവി​ത​ത്തി​ലെ വലിയ കാര്യങ്ങൾ ഇവയാ​ണെ​ന്നുള്ള ആശയത്താൽ നിങ്ങളെ മദിപ്പി​ക്കാൻ കഴിയും. ഈ ഭൗതി​കത്വ “വായു”വിനാൽ നിങ്ങൾ ബാധി​ക്ക​പ്പെ​ട്ടി​രി​ക്കു​ന്നു​വോ?

⁴ ബൈബിൾ പറയുന്നു: “യാതൊ​രു ദുർവൃ​ത്ത​നും അല്ലെങ്കിൽ അശുദ്ധ​നും അല്ലെങ്കിൽ അത്യാ​ഗ്ര​ഹി​ക്കും അതായത്‌ വിഗ്ര​ഹാ​രാ​ധി​ക്കും—ക്രിസ്‌തു​വി​ന്റെ​യും ദൈവ​ത്തി​ന്റെ​യും രാജ്യ​ത്തിൽ അവകാ​ശ​മില്ല.” (എഫേസ്യർ 5:5) ഒരു അത്യാ​ഗ്രഹി യഥാർത്ഥ​ത്തിൽ ഒരു വിഗ്ര​ഹാ​രാ​ധി​യാ​ണെന്നു കാണുക. ‘ഞാൻ അത്ര​ത്തോ​ളം പോയി ഒരു വിഗ്ര​ഹാ​രാ​ധി ആകുക​യില്ല’ എന്നു നിങ്ങൾ പറഞ്ഞേ​ക്കാം. എന്നാൽ വിഗ്ര​ഹാ​രാ​ധന എന്താണ്‌? അത്‌ യഹോ​വ​യു​ടെ​യും അവന്റെ ആരാധ​ന​യു​ടെ​യും സ്ഥാനത്ത്‌ മറെറ​ന്തെ​ങ്കി​ലും പ്രതി​ഷ്‌ഠി​ക്കു​ന്ന​തും ദൈവ​ത്തി​ലും അവന്റെ സേവന​ത്തി​ലും ശ്രദ്ധി​ക്കു​ന്ന​തി​നു​പ​കരം അതിനു ശ്രദ്ധ​കൊ​ടു​ക്കു​ന്ന​തു​മ​ല്ല​യോ? അത്യാ​ഗ്ര​ഹ​ത്തിൽ വാസ്‌ത​വ​ത്തിൽ പണത്തെ​യും അതിന്റെ ശക്തി​യെ​യും സ്വാധീ​ന​ത്തെ​യും ആരാധി​ക്കു​ന്നത്‌ ഉൾപ്പെ​ട്ടേ​ക്കാം. ഒരു പുതിയ കാറോ ഒരു വീഡി​യോ കാസററ്‌ റിക്കോർഡ​റോ മറെറ​ന്തെ​ങ്കി​ലും ഭൗതി​ക​വ​സ്‌തു​വോ വാങ്ങു​ന്ന​തിന്‌ യഹോ​വ​യു​ടെ സേവന​ത്തി​ലുള്ള നിങ്ങളു​ടെ അവസര​ങ്ങളെ വർദ്ധി​പ്പി​ക്കു​ന്ന​തി​നെ​ക്കാ​ള​ധി​കം മുൻഗണന കൊടു​ക്കു​ന്നു​വെ​ങ്കിൽ ഈ ലോക​ത്തി​ന്റെ “വായു” നിങ്ങളെ ഹാനി​ക​ര​മാ​യി ബാധി​ക്കു​ന്നു​ണ്ടെ​ന്നു​ള്ള​തി​ന്റെ തെളി​വല്ലേ അത്‌? ഭൗതിക വസ്‌തു​ക്കൾ നിങ്ങൾക്ക്‌ വിഗ്ര​ഹ​ങ്ങൾപോ​ലെ ആകുക​യല്ലേ?

5. ഈ ലോക​ത്തി​ന്റെ “വായു” ഏതുവി​ധ​ങ്ങ​ളിൽ ധനത്തി​നു​വേ​ണ്ടി​യുള്ള സ്വാർത്ഥ​മോ​ഹ​ത്താൽ നിറഞ്ഞി​രി​ക്കു​ന്നു?

⁵ നിങ്ങൾ ഉപരി​വി​ദ്യാ​ഭ്യാ​സ​മോ ലാഭക​ര​മായ ജോലി​യോ തേടു​ക​യാ​ണെ​ങ്കിൽ, ധനവാ​നാ​കാ​നും നിങ്ങൾക്കാ​വ​ശ്യ​മു​ള്ള​തി​ല​ധി​കം ഭൗതിക നേട്ടങ്ങ​ളു​ണ്ടാ​ക്കാ​നു​മാ​ണോ നിങ്ങൾ അങ്ങനെ ചെയ്യു​ന്നത്‌? പെട്ടെന്ന്‌ ധനിക​നാ​കാ​നുള്ള പദ്ധതി​ക​ളിൽ നിങ്ങൾ ആകൃഷ്ട​നാ​കു​ക​യും അവയിൽ ഉൾപ്പെ​ടാ​നാ​ഗ്ര​ഹി​ക്കു​ക​യും ചെയ്യു​ന്നു​ണ്ടോ? ഈ ലോക​ത്തി​ന്റെ “വായു”വിൽ ധനത്തി​നാ​യുള്ള സ്വാർത്ഥ​മോ​ഹ​വും ഗവൺമെൻറു ചുമത്തുന്ന നികുതി കൊടു​ക്കു​ന്ന​തി​ലുള്ള വഞ്ചനയും നിറഞ്ഞി​രി​ക്കു​ന്നു. ഈ അന്തരീ​ക്ഷ​ത്തിൽ ചൂതാ​ട്ട​വും സമാന​മായ പ്രവർത്ത​ന​ങ്ങ​ളും തഴച്ചു​വ​ള​രു​ന്നു. പ്രലോ​ഭി​ത​രാ​ക​രുത്‌. ഈ ലോക​ത്തി​ന്റെ അത്യാ​ഗ്രഹം നിറഞ്ഞ “വായു”വിന്റെ സ്വാധീ​നത്തെ ഒഴിവാ​ക്കു​ന്നവർ യഥാർത്ഥ​സ​മാ​ധാ​നം ലഭിക്കു​ന്നത്‌ അവശ്യ​കാ​ര്യ​ങ്ങ​ളിൽ തൃപ്‌തി​പ്പെ​ടു​ന്ന​തിൽനി​ന്നും രാജ്യ​താ​ത്‌പ​ര്യ​ങ്ങളെ ഒന്നാമതു കരുതു​ന്ന​തിൽ നിന്നു​മാ​ണെന്നു കണ്ടെത്തു​ന്നു.—മത്തായി 6:25-34; 1 യോഹ​ന്നാൻ 2:15-17.

നാവിന്റെ ഉചിത​മായ ഉപയോ​ഗം

6. ഈ ലോക​ത്തി​ന്റെ സംസാ​ര​ശീ​ല​ങ്ങൾക്ക്‌ ക്രിസ്‌ത്യാ​നി​ക​ളെന്ന നിലയിൽ നമ്മു​ടെ​മേൽ എന്തു ഫലമു​ണ്ടാ​യി​രി​ക്കാൻ കഴിയും?

⁶ നമ്മുടെ സംസാ​ര​ശീ​ലങ്ങൾ സംബന്ധി​ച്ചെന്ത്‌? അശ്ലീലം, കോപ​വാ​ക്കു​കൾ, കള്ളംപ​റ​ച്ചിൽ—ഇത്തരം തെററായ സംസാ​ര​ത്താൽ ഈ ലോക “വായു” പൂർണ്ണ​മാ​യും ദൂഷി​ത​മാണ്‌. എന്നിരു​ന്നാ​ലും, ക്രിസ്‌തീ​യ​സ​ഭ​യോ​ടു സഹവസി​ക്കുന്ന ചുരുക്കം ചിലരു​ടെ സംസാരം പോലും ചില​പ്പോൾ പാരു​ഷ്യ​ത്തെ, ആഭാസ​ത്ത​ര​ത്തെ​പ്പോ​ലും, പ്രതി​ഫ​ലി​പ്പി​ക്കു​ന്നു. ശിഷ്യ​നായ യാക്കോബ്‌ ശക്തിമ​ത്താ​യി നമ്മോ​ടി​ങ്ങനെ പറയുന്നു: “ഒരേ വായിൽനിന്ന്‌ അനു​ഗ്ര​ഹ​വും ശാപവും വരുന്നു. എന്റെ സഹോ​ദ​രൻമാ​രേ, ഈ കാര്യങ്ങൾ ഇങ്ങനെ സംഭവി​ച്ചു​കൊ​ണ്ടി​രി​ക്കു​ന്നത്‌ ഉചിതമല്ല. ഒരു ഉറവ ഒരേ ദ്വാര​ത്തി​ലൂ​ടെ മധുര​വും കൈപ്പും പുറ​പ്പെ​ടു​വി​ക്കു​ന്നില്ല, ഉണ്ടോ?” (യാക്കോബ്‌ 3:10, 11) നിങ്ങൾ ഈ ലോക​ത്തി​ലെ സംഭാഷണ ശൈലി​യി​ലോ ഗ്രാമ്യ​ഭാ​ഷ​യി​ലോ കുറേ വശമാ​ക്കി​യി​ട്ടു​ണ്ടോ? നിങ്ങൾക്ക്‌ രണ്ട്‌ പദ സമ്പത്തു​ണ്ടോ, ഒന്ന്‌ ക്രിസ്‌ത്യാ​നി​ക​ളു​ടെ ഇടയിൽ ഉപയോ​ഗി​ക്കു​ന്ന​തി​നും മറേറത്‌ മററു​ള്ള​ട​ങ്ങ​ളിൽ ഉപയോ​ഗി​ക്കു​ന്ന​തി​നും? പൗലോസ്‌ എഴുതി: “യാതൊ​രു ചീത്ത സംസാ​ര​വും നിങ്ങളു​ടെ വായിൽനി​ന്നു പുറ​പ്പെ​ടാ​തി​രി​ക്കട്ടെ, എന്നാൽ കേൾവി​ക്കാർക്ക്‌ ഹിതക​ര​മാ​യത്‌ കൊടു​ക്കേ​ണ്ട​തിന്‌ ആവശ്യാ​നു​സ​രണം കെട്ടു​പണി ചെയ്യു​ന്ന​തിന്‌ നല്ല ഏതു സംസാ​ര​വു​മാ​യി​രി​ക്കട്ടെ.” (എഫേസ്യർ 4:29) എല്ലാസ​മ​യ​ത്തും ഉചിത​മായ, ശുദ്ധമായ സംസാരം ഉപയോ​ഗി​ക്കു​ന്നത്‌ എത്ര പ്രധാ​ന​മാണ്‌!

7. ‘വ്യാജം നീക്കു​ന്ന​തി​ലും സത്യം സംസാ​രി​ക്കു​ന്ന​തി​ലും’ എന്താണ്‌ ഉൾപ്പെ​ട്ടി​രി​ക്കു​ന്നത്‌?

⁷ നാം എല്ലായ്‌പ്പോ​ഴും സത്യം പറയു​ന്ന​തി​ലും ശ്രദ്ധാ​ലു​ക്ക​ളാ​യി​രി​ക്കേ​ണ്ട​തുണ്ട്‌. ഉത്തരവാ​ദി​ത്തം ഒഴിവാ​ക്കാൻ നേർവ​ഴി​വെ​ടി​യു​ന്ന​തോ കരുതി​ക്കൂ​ട്ടി മററു​ള്ള​വരെ വഴി​തെ​റ​റി​ക്കു​ന്ന​തോ യഥാർത്ഥ​ത്തിൽ വ്യാജം പറയലാണ്‌. തന്നിമി​ത്തം പൗലോ​സി​ന്റെ ഈ ബുദ്ധി​യു​പ​ദേശം തീർച്ച​യാ​യും അനുസ​രി​ക്കുക: “നിങ്ങൾ വ്യാജം നീക്കി​ക്ക​ള​ഞ്ഞി​രി​ക്കുന്ന സ്ഥിതിക്ക്‌ നിങ്ങളിൽ ഓരോ​രു​ത്ത​നും തന്റെ അയൽക്കാ​ര​നോ​ടു സത്യം സംസാ​രി​ക്കുക, എന്തു​കൊ​ണ്ടെ​ന്നാൽ നാം അന്യോ​ന്യം അവയവ​ങ്ങ​ളാ​കു​ന്നു.”—എഫേസ്യർ 4:25; സദൃശ​വാ​ക്യ​ങ്ങൾ 3:32.

8. (എ) അനേകം ലോക​ജ​നങ്ങൾ പ്രകോ​പി​ത​രാ​കു​മ്പോൾ എങ്ങനെ​യാണ്‌ പ്രവർത്തി​ക്കു​ന്നത്‌? (ബി) നാം പ്രകോ​പി​ത​രാ​ക്ക​പ്പെ​ടു​ന്നു​വെ​ങ്കിൽ നാം എന്തു​ചെ​യ്യണം?

⁸ അനിയ​ന്ത്രിത കോപ​പ്ര​ക​ടനം ഈ ലോക​ത്തി​ന്റെ ആത്മാവി​ന്റെ മറെറാ​രു സവി​ശേ​ഷ​ത​യാണ്‌. അനേകം ലോകർക്ക്‌ അനായാ​സം ആത്മനി​യ​ന്ത്രണം നഷ്ടപ്പെ​ടു​ന്നു. അവർ കോപാ​ക്രാ​ന്ത​രാ​കു​ക​യും തങ്ങൾ കേവലം വിഷയം തീർക്കു​ക​യാ​യി​രു​ന്നു​വെന്ന്‌ പറഞ്ഞു​കൊണ്ട്‌ ഒഴിക​ഴി​വു കണ്ടെത്തു​ക​യും ചെയ്യുന്നു. എന്നാൽ പൗലോസ്‌ ബുദ്ധി​യു​പ​ദേ​ശി​ച്ചത്‌ അതല്ലാ​യി​രു​ന്നു, എന്തു​കൊ​ണ്ടെ​ന്നാൽ അവൻ ഇങ്ങനെ എഴുതി: “ദ്രോ​ഹ​ക​ര​മായ സകല കൈപ്പും കോപ​വും ക്രോ​ധ​വും അലർച്ച​യും അസഭ്യ​സം​സാ​ര​വും സകല ചീത്തത്വ​ത്തോ​ടും കൂടെ നിങ്ങളിൽ നിന്ന്‌ നീക്ക​പ്പെ​ടട്ടെ.” (എഫേസ്യർ 4:31) എന്നാൽ നാം ആത്മനി​യ​ന്ത്ര​ണ​വും ദൈവാ​ത്മാ​വി​ന്റെ മററു ഫലങ്ങളും വളർത്തി​യെ​ടു​ത്തി​ട്ടും കോപം വർദ്ധി​ക്കു​ക​യാ​ണെ​ങ്കിൽ എന്ത്‌? “കോപി​ക്കുക, എന്നാലും പാപം ചെയ്യരുത്‌” എന്ന്‌ പൗലോസ്‌ എഴുതി. “നിങ്ങളു​ടെ ഒരു പ്രകോ​പി​താ​വ​സ്ഥ​യിൽ സൂര്യൻ അസ്‌ത​മി​ക്കാ​തി​രി​ക്കട്ടെ, പിശാ​ചിന്‌ ഇടം കൊടു​ക്കു​ക​യു​മ​രുത്‌.” (എഫേസ്യർ 4:26, 27) അതു​കൊണ്ട്‌ നാം പ്രകോ​പി​ത​രാ​ക്ക​പ്പെ​ടു​ന്നു​വെ​ങ്കിൽ ദിവസം അവസാ​നി​ക്കു​ന്ന​തി​നു മുമ്പ്‌ നാം പെട്ടെന്ന്‌ കാര്യ​ത്തി​നു തീരു​മാ​ന​മു​ണ്ടാ​ക്കണം. അതല്ലെ​ങ്കിൽ, കൈപ്പും നീരസ​വും ഹൃദയ​ത്തിൽ വേരു​പി​ടി​ക്കു​ന്നു, അവ പിഴു​തു​മാ​റ​റുക പ്രയാ​സ​മാണ്‌.—സങ്കീർത്തനം 37:8.

9. തൊഴി​ലാ​ളി​ക​ളു​ടെ ചില പൊതു മനോ​ഭാ​വങ്ങൾ എന്താണ്‌, നാം നമ്മുടെ ജോലി ശീലങ്ങളെ പരി​ശോ​ധി​ക്കേ​ണ്ട​തെ​ന്തു​കൊണ്ട്‌?

⁹ നിങ്ങളു​ടെ ജോലി ശീലങ്ങൾ സംബന്ധി​ച്ചെന്ത്‌? ജോലി​യിൽ മിന​ക്കെ​ടു​ന്ന​തും മുതലാ​ളി​യു​ടെ വസ്‌തു​ക്കൾ മോഷ്ടി​ക്കു​ന്ന​തും ഇന്നു സാധാ​ര​ണ​മാണ്‌. നിങ്ങൾ ഈ “വായു”വിൽ കുറെ അകത്താ​ക്കി​യി​ട്ടു​ണ്ടോ? ‘എല്ലാവ​രും അതു ചെയ്യുന്നു’ എന്ന മനോ​ഭാ​വം നിങ്ങളിൽ കടന്നു​കൂ​ടി​യി​ട്ടു​ണ്ടോ? ക്രിസ്‌ത്യാ​നി​ക​ളെ​ന്ന​നി​ല​യിൽ നാം ജോലി ചെയ്യു​ന്ന​വി​ധം യഹോ​വ​യെ​യും അവന്റെ സത്യാ​രാ​ധ​ന​യെ​യും പ്രതി​ഫ​ലി​പ്പി​ക്കു​ന്നു​വെന്ന്‌ ഒരിക്ക​ലും മറക്കരുത്‌. നിങ്ങൾ ജോലി സമയത്തു പ്രവർത്തി​ക്കു​ന്ന​വി​ധം ഹേതു​വാ​യി യഹോ​വ​യു​ടെ സാക്ഷി​ക​ളി​ലൊ​രാൾ സംസാ​രി​ക്കുന്ന സത്യത്തെ ആരെങ്കി​ലും ത്യജി​ക്കാൻ നിങ്ങളാ​ഗ്ര​ഹി​ക്കു​മോ? “കള്ളൻ മേലാൽ കക്കാതെ കഠിന​വേല ചെയ്യട്ടെ . . . ഞെരു​ക്ക​മുള്ള ആർക്കെ​ങ്കി​ലും വിതരണം ചെയ്യാൻ അയാൾക്ക്‌ എന്തെങ്കി​ലും ഉണ്ടായി​രി​ക്കേ​ണ്ട​തി​നു​തന്നെ.”—എഫേസ്യർ 4:28.

10. ലൗകിക ജോലി ചെയ്യു​ന്ന​തിൽ, ഈ ലോക​ത്തി​ന്റെ സ്വാർത്ഥ “വായു”വിനാൽ നാം ബാധി​ക്ക​പ്പെ​ട്ടി​ട്ടി​ല്ലെന്ന്‌ നമുക്ക്‌ എങ്ങനെ പ്രകട​മാ​ക്കാൻ കഴിയും?

¹⁰ ഒന്നാം നൂററാ​ണ്ടിൽ സ്ഥിതി​ചെ​യ്‌തി​രുന്ന ഉടമ—അടിമ​ബന്ധം ഇന്ന്‌ അപൂർവ്വ​മാ​ണെ​ങ്കി​ലും എഫേസ്യർ 6:5-8-ൽ പൗലോസ്‌ ക്രിസ്‌തീയ അടിമ​കൾക്ക്‌ എഴുതി​യ​തിൽനിന്ന്‌ ക്രിസ്‌തീയ തൊഴി​ലാ​ളി​കൾക്ക്‌ പാഠം പഠിക്കാൻ കഴിയും. ‘കേവലം മനുഷ്യ​രെ പ്രസാ​ദി​പ്പി​ക്കു​ന്ന​വ​രാ​യി​ട്ടല്ല, പിന്നെ​യോ ക്രിസ്‌തു​വി​ന്റെ അടിമ​ക​ളാ​യി, തങ്ങൾ ആർക്കു​വേണ്ടി ജോലി ചെയ്യു​ന്നു​വോ അവരെ അനുസ​രി​ക്കാൻ’ വേലക്കാ​രോട്‌ അവിടെ പറയ​പ്പെട്ടു. തന്നിമി​ത്തം ഒരു ക്രിസ്‌ത്യാ​നി ഒരു പൂർണ്ണ​ദി​വ​സത്തെ വേല ചെയ്യു​ന്ന​തോ വാഗ്‌ദത്തം ചെയ്‌ത വസ്‌തു​ക്ക​ളോ സേവന​മോ പ്രദാനം ചെയ്യു​ന്ന​തോ ഒഴിവാ​ക്കാൻ ഒരിക്ക​ലും കാര്യങ്ങൾ തിരി​ച്ചു​വി​ടാൻ പാടില്ല. നാം “യഹോ​വ​ക്കെ​ന്ന​പോ​ലെ” കാര്യങ്ങൾ ചെയ്യു​ന്നു​വെ​ങ്കിൽ നമുക്ക്‌ ശരിയായ മനോ​ഭാ​വം ഉണ്ടായി​രി​ക്കും, നാം ഈ ലോക​ത്തി​ലെ സ്വാർത്ഥ​പ​ര​വും അലസവു​മായ “വായു”വിനാൽ ബാധി​ക്ക​പ്പെ​ടു​ക​യില്ല.

ഭക്തണം, പാനീയം, വിനോ​ദം

11. ഭക്ഷണ പാനീ​യങ്ങൾ സംബന്ധിച്ച ഒരു ലൗകിക മനോ​ഭാ​വം ബൈബിൾ കാലങ്ങ​ളി​ലെ യഹോ​വ​യു​ടെ ജനത്തിൽ ചിലരെ ബാധി​ച്ച​തെ​ങ്ങനെ?

¹¹ ലോക​ത്തി​ലെ ഭക്ഷണപാ​നീ​യ​ങ്ങ​ളു​ടെ അമി​തോ​പ​യോ​ഗം നിങ്ങളെ ബാധി​ച്ചി​ട്ടു​ണ്ടോ? ‘തിന്നുക, കുടി​ക്കുക, ആനന്ദി​ക്കുക, എന്തെന്നാൽ നാളെ നാം മരി​ച്ചേ​ക്കാം’ എന്നതാണ്‌ ലോക​ത്തി​ന്റെ മനോ​ഭാ​വം. (1 കൊരി​ന്ത്യർ 15:32) പുരാ​ത​ന​കാ​ലങ്ങൾ മുതൽ പോലും ദൈവ​ദാ​സൻമാ​രിൽ ചിലരെ ഈ ആത്മാവു ബാധി​ച്ചി​ട്ടുണ്ട്‌. യിസ്രാ​യേ​ല്യർ മരുഭൂ​മി​യിൽ “തിന്നാ​നും കുടി​ക്കാ​നും ഇരുന്ന” അവസരം ഓർക്കുക. “പിന്നീട്‌ അവർ നേര​മ്പോ​ക്കി​നാ​യി എഴു​ന്നേ​ററു.” (പുറപ്പാട്‌ 32:6) ആ നേര​മ്പോക്ക്‌ അനിയ​ന്ത്രി​ത​മായ ദുർന്ന​ട​ത്ത​യി​ലേ​ക്കും വിഗ്ര​ഹാ​രാ​ധ​ന​യി​ലേ​ക്കും നയിച്ചു, തന്നിമി​ത്തം അവർക്കെ​തി​രെ ദൈവ​കോ​പം ജ്വലിച്ചു. നമുക്ക്‌ ഒരിക്ക​ലും ആ ഗതി പിന്തു​ട​രാ​തി​രി​ക്കാം.—1 പത്രോസ്‌ 4:3-6.

12. നമ്മുടെ ഭക്ഷണപാ​നീ​യ​ശീ​ല​ങ്ങൾക്ക്‌ കുറെ ശ്രദ്ധ ആവശ്യ​മാ​ണെ​ങ്കിൽ, നാം എന്തു​ചെ​യ്യണം?

¹² യഹോവ നമുക്ക്‌ നിറവും രുചി​യും പോഷ​ണ​വു​മുള്ള വൈവി​ധ്യ​മാർന്ന ധാരാളം ഭക്ഷ്യപാ​നീ​യങ്ങൾ നൽകി​യി​ട്ടുണ്ട്‌, എന്നാൽ നാം ഇവ മിതമാ​യി ഉപയോ​ഗി​ക്കാ​നാണ്‌ അവൻ ആഗ്രഹി​ക്കു​ന്നത്‌. അതിഭ​ക്ഷ​ണ​വും മദ്യാ​സ​ക്തി​യും ബൈബി​ളിൽ കുററം​വി​ധി​ക്ക​പ്പെ​ട്ടി​രി​ക്കു​ന്നു. (സദൃശ​വാ​ക്യ​ങ്ങൾ 23:20, 21) അതു​കൊണ്ട്‌ സത്യസ​ന്ധ​രാ​യി നിങ്ങ​ളോ​ടു​തന്നെ ചോദി​ക്കുക: “എന്റെ ഭക്ഷണപാ​നീ​യ​ശീ​ല​ങ്ങ​ളിൽ മെച്ച​പ്പെ​ടു​ന്ന​തിന്‌ ഇടമു​ണ്ടോ? നിങ്ങൾ കൂടുതൽ ആത്മനി​യ​ന്ത്രണം പാലി​ക്കേ​ണ്ട​തു​ണ്ടെ​ങ്കിൽ അതു തിരി​ച്ച​റി​യു​ക​യും ഈ പ്രശ്‌നത്തെ തരണം ചെയ്യു​ന്ന​തി​നുള്ള സഹായ​ത്തി​നാ​യി ദൈവാ​ത്മാ​വി​നു​വേ​ണ്ടി​യുള്ള നിങ്ങളു​ടെ പ്രാർത്ഥ​ന​ക്ക​നു​യോ​ജ്യ​മാ​യി പ്രവർത്തി​ക്കു​ക​യും ചെയ്യുക. “വീഞ്ഞു​കു​ടി​ച്ചു മത്തരാ​ക​രുത്‌, അതിൽ സാൻമാർഗ്ഗി​കാ​ധഃ​പ​ത​ന​മുണ്ട്‌, എന്നാൽ ആത്മാവു​കൊ​ണ്ടു നിറഞ്ഞു​കൊ​ണ്ടേ​യി​രി​ക്കുക” എന്ന്‌ പൗലോസ്‌ പറഞ്ഞു. (എഫേസ്യർ 5:18) അതെ, ദൈവാ​ത്മാ​വി​നാൽ നിറയുക, ഈ ലോക​ത്തി​ന്റെ അനിയ​ന്ത്രി​ത​മായ ആത്മാവിന്‌ കീഴ്‌പ്പെ​ട​രുത്‌! “നിങ്ങൾ തിന്നാ​ലും കുടി​ച്ചാ​ലും മററ്‌ എന്തു ചെയ്‌താ​ലും സകലവും ദൈവ​മ​ഹ​ത്വ​ത്തി​നാ​യി ചെയ്യുക.” (1 കൊരി​ന്ത്യർ 10:31) ഈ ദിശയിൽ നിങ്ങൾക്ക്‌ സ്ഥായി​യായ പ്രശ്‌ന​ങ്ങ​ളു​ണ്ടെ​ങ്കിൽ, ഏതായാ​ലും, സഭയിലെ ആത്മീയ പക്വത​യുള്ള പുരു​ഷൻമാ​രു​ടെ സഹായം തേടുക.—ഗലാത്യർ 6:1; യാക്കോബ്‌ 5:14, 15.

13. (എ) ഇന്ന്‌ ലഭ്യമാ​യി​രി​ക്കുന്ന വിനോ​ദ​ത്തി​ല​ധി​ക​ത്തെ​യും പിശാച്‌ ദുഷി​പ്പി​ച്ചി​രി​ക്കു​ന്നു​വെന്ന്‌ തെളി​ഞ്ഞി​രി​ക്കു​ന്ന​തെ​ങ്ങനെ? (ബി) വിനോ​ദ​ത്തോ​ടുള്ള ഈ ലോക​ത്തി​ന്റെ മനോ​ഭാ​വത്തെ നമുക്ക്‌ എങ്ങനെ ഒഴിവാ​ക്കാൻ കഴിയും?

¹³ ഈ ലോകം സ്‌പോർട്ട്‌സ്‌, സംഗീതം, വിവിധ വിനോ​ദ​രൂ​പങ്ങൾ എന്നിവ​യിൽ ശക്തമായി ആസക്തമാണ്‌. അവ തിരു​വെ​ഴു​ത്തു​ത​ത്വ​ങ്ങളെ ലംഘി​ക്കാ​ത്ത​പക്ഷം അവ ആസ്വദി​ക്കു​ന്നത്‌ അവശ്യം തെററാ​യി​രി​ക്കു​ന്നില്ല. എന്നാൽ “വായു​വി​നെ ഭരിക്കുന്ന ഭരണാ​ധി​പ​നായ” സാത്താൻ ഇന്നു ലഭ്യമായ വിനോ​ദ​ത്തി​ല​ധി​ക​ത്തെ​യും ദുഷി​പ്പി​ച്ചി​രി​ക്കു​ന്നു​വെ​ന്ന​താണ്‌ പ്രശ്‌നം. (എഫേസ്യർ 2:2, യെരൂ​ശ​ലേം ബൈബിൾ) മിക്ക​പ്പോ​ഴും അധാർമ്മി​കത പ്രോ​ത്സാ​ഹി​പ്പി​ക്ക​പ്പെ​ടു​ന്നു, അക്രമം അനുവ​ദി​ക്ക​പ്പെ​ടു​ന്നു, ചതിയി​ലൂ​ടെ​യും വഞ്ചനയി​ലൂ​ടെ​യു​മുള്ള വിജയ​വും കൊല​പാ​ത​ക​വും പോലും ചിത്രീ​ക​രി​ക്ക​പ്പെ​ടു​ന്നു. നാം അത്തരം വിനോ​ദം വീക്ഷി​ക്കു​മ്പോൾ നാം നമ്മുടെ ശരീര​ത്തി​ലേക്ക്‌ ഈ മനോ​ഭാ​വങ്ങൾ ആഴമായി ശ്വസി​ക്കു​ക​യാണ്‌, അവയുടെ വിഷഫ​ലങ്ങൾ നമുക്ക്‌ ദ്രോഹം ചെയ്യു​ക​തന്നെ ചെയ്യും. തന്നെയു​മല്ല, ചില രൂപങ്ങ​ളി​ലുള്ള വിനോ​ദം തിരു​വെ​ഴു​ത്തു​പ​ര​മാ​യി പ്രതി​ഷേ​ധാർഹ​മ​ല്ലാ​ത്ത​പ്പോൾപോ​ലും അവയിൽ ആസക്തരാ​കു​ന്ന​തി​ന്റെ അപകട​മുണ്ട്‌, തന്നിമി​ത്തം ആത്മീയ​കാ​ര്യ​ങ്ങൾക്ക്‌ സമയം ശേഷി​ക്കു​ന്നില്ല. അതിനാൽ വിനോ​ദ​ത്തി​ന്റെ കാര്യ​ത്തിൽ തെര​ഞ്ഞെ​ടുപ്പ്‌ ആവശ്യ​മാണ്‌. ആരോ​ഗ്യ​പ്ര​ദ​വും പ്രയോ​ജ​ന​ക​ര​വു​മായ അല്‌പം വിനോ​ദം ആസ്വദി​ക്കു​ന്ന​തിന്‌ സമയ​മെ​ടു​ക്കുക. എന്നാൽ ലോക​ത്തി​ന്റെ അമിത​ത്വ​ങ്ങൾ അനുക​രി​ക്കു​ന്നത്‌ ഒഴിവാ​ക്കുക. ഈ ലോക​ത്തി​ന്റെ “വായു”വിന്‌ നല്ല ഗന്ധമാ​യാ​ലും രൂക്ഷഗ​ന്ധ​മാ​യാ​ലും അത്‌ ദൂഷി​ത​വും മാരക​വു​മാണ്‌!—സദൃശ​വാ​ക്യ​ങ്ങൾ 11:19.

വർഗ്ഗാ​ഭി​മാ​നം—ഒരു ദുഷ്ടമായ കാററ

14. സാമൂഹ്യ പ്രശ്‌നങ്ങൾ സംബന്ധിച്ച്‌, ഈ ലോക​ത്തി​ന്റെ “വായു”വിനാൽ നാം എങ്ങനെ ബാധി​ക്ക​പ്പെ​ടാൻ കഴിയും?

¹⁴ ഈ ലോക “വായു”വിന്റെ കുടി​ല​മായ ഒരു വശം വർഗ്ഗത്തി​ന്റെ​യും ദേശീ​യ​ത​യു​ടെ​യും അഭിമാ​ന​മാണ്‌. ചില വർഗ്ഗങ്ങൾ ശ്രേഷ്‌ഠ​വും മററു ചിലത്‌ അപകൃ​ഷ്ട​വു​മാ​ണെ​ന്നുള്ള തെററായ ആശയത്തെ ചിലർ പ്രോ​ത്സാ​ഹി​പ്പി​ക്കു​ന്നുണ്ട്‌. തങ്ങളുടെ സ്വദേശം മറെറ​ല്ലാ​റ​റി​നെ​ക്കാ​ളും ശ്രേഷ്‌ഠ​മാ​ണെന്നു വീക്ഷി​ക്കാൻ ദേശീ​യ​ത്വം ആളുകളെ പ്രോ​ത്സാ​ഹി​പ്പി​ക്കു​ന്നു. യഥാർത്ഥ​ത്തിൽ മററു​ള്ള​വ​രു​ടെ സ്വാർത്ഥ​ത​യും മുൻവി​ധി​ക​ളും നിമിത്തം അനേകർ അനാവ​ശ്യ​മാ​യി കഷ്ടപ്പെ​ടു​ക​യും അടിസ്ഥാ​ന​പ​ര​മായ മനുഷ്യാ​വ​കാ​ശ​ങ്ങ​ളും ആവശ്യ​ങ്ങ​ളും നിരസി​ക്ക​പ്പെ​ടു​ക​യും ചെയ്യുന്നു. നീരസ​വും അക്രമ​വും​പോ​ലും ഉളവാ​കു​ന്നു. അനേകർ സ്വന്തമാർഗ്ഗ​ത്തിൽ സാമൂ​ഹ്യ​പ്ര​ശ്‌നങ്ങൾ പരിഹ​രി​ക്കാ​മെ​ന്നുള്ള ഉറപ്പോ​ടെ വിപ്ലവം നടത്തു​ക​യും നിയമം കൈയി​ലെ​ടു​ക്കു​ക​യും ചെയ്യുന്നു. നാമും ഈ ആശയങ്ങ​ളിൽ കുടു​ങ്ങി​പ്പോ​യേ​ക്കാം. നാം അനീതി​കൾ കാണു​ക​യോ അനുഭ​വി​ക്കു​ക​യോ ചെയ്യു​മ്പോ​ഴും അനന്തരം സാമൂഹ്യ പരിവർത്ത​ന​ത്തിന്‌ സമ്മർദ്ദം ചെലു​ത്തു​ന്ന​വരെ കേൾക്കു​മ്പോ​ഴും നാം ശ്രദ്ധാ​ലു​ക്ക​ള​ല്ലെ​ങ്കിൽ നാം സ്വാധീ​നി​ക്ക​പ്പെ​ട്ടേ​ക്കാം. നാം നമ്മുടെ നിഷ്‌പ​ക്ഷ​നില ഉപേക്ഷിച്ച്‌ പക്ഷം പിടി​ച്ചു​തു​ട​ങ്ങി​യേ​ക്കാം. (യോഹ​ന്നാൻ 15:19) അതിലും ഗുരു​ത​ര​മാ​യി, മാററ​ത്തിന്‌ നിർബ്ബ​ന്ധി​ക്കാൻ പിക്കറ​റിം​ഗി​ലോ സമരത്തി​ലോ ചേരാ​നോ ആക്രമത്തെ ആശ്രയി​ക്കാൻ പോലു​മോ പ്രലോ​ഭി​പ്പി​ക്ക​പ്പെ​ട്ടേ​ക്കാം.

15. ‘നാംതന്നെ പ്രതി​കാ​രം ചെയ്യാൻ’ ചായ്‌വു​ണ്ടാ​കു​മ്പോൾ ഏതു ഗതി സ്വീക​രി​ക്കാൻ ബൈബിൾ ശുപാർശ ചെയ്യുന്നു?

¹⁵ വർഗ്ഗീ​യ​മോ ദേശീ​യ​മോ ആയ വികാ​ര​ങ്ങ​ളാൽ ഒരു സഭയുടെ ആത്മാവ്‌ ഹാനി​ക​ര​മാ​യി ബാധി​ക്ക​പ്പെ​ടാ​വു​ന്ന​താണ്‌. (പ്രവൃ​ത്തി​കൾ 6:1-7 താരത​മ്യ​പ്പെ​ടു​ത്തുക.) എന്നാൽ നാം ഈ ബുദ്ധി​യു​പ​ദേശം അനുസ​രി​ക്കു​ക​യാ​ണെ​ങ്കിൽ നമുക്ക്‌ ശരിയായ ആത്മാവ്‌ ഉണ്ടായി​രി​ക്കും. “സാദ്ധ്യ​മെ​ങ്കിൽ, നിങ്ങളെ ആശ്രയി​ച്ചി​രി​ക്കു​ന്ന​ട​ത്തോ​ളം, സകല മനുഷ്യ​രോ​ടും സമാധാ​ന​ത്തി​ലി​രി​ക്കുക. പ്രിയരേ, നിങ്ങൾതന്നെ പ്രതി​കാ​രം ചെയ്യരുത്‌, എന്നാൽ ക്രോ​ധ​ത്തിന്‌ ഇടം കൊടു​ക്കുക; എന്തു​കൊ​ണ്ടെ​ന്നാൽ ‘പ്രതി​കാ​രം എന്റേതാ​കു​ന്നു; ഞാൻ പ്രതി​കാ​രം ചെയ്യും’ എന്ന്‌ യഹോവ പറയുന്നു.” (റോമർ 12:18, 19) സകല വർഗ്ഗങ്ങ​ളും ആദ്യ മനുഷ്യ​ജോ​ടി​യിൽനിന്ന്‌ വന്നതി​നാ​ലും ദൈവ​ത്തിന്‌ പക്ഷപാ​തി​ത്വ​മി​ല്ലാ​ത്ത​തി​നാ​ലും ക്രിസ്‌തീ​യ​സ​ഭ​യിൽ വർഗ്ഗത്തി​ന്റെ​യോ ദേശീ​യ​ത​യു​ടെ​യോ ഗർവ്വിന്‌ സ്ഥാനമില്ല.—പ്രവൃ​ത്തി​കൾ 10:34, 35; 17:26; റോമർ 10:12; എഫേസ്യർ 4:1-3.

ജീവദാ​യ​ക​മായ “വായു” ശ്വസി​ച്ചു​കൊ​ണ്ടി​രി​ക്കുക

16. ഈ ലോക​ത്തി​ന്റെ ആത്മാവി​നാൽ നാം ബാധി​ക്ക​പ്പെ​ടു​ന്ന​തി​നെ തടയാൻ എന്തു സഹായി​ക്കും?

¹⁶ ഈ ലോക“വായു”വിന്റെ അഥവാ ആത്മാവി​ന്റെ മാരക​മായ മുഖ്യ സവി​ശേ​ഷ​തകൾ നമ്മൾ ചർച്ച ചെയ്‌തി​രി​ക്കു​ന്നു. അതു നമുക്കു ചുററു​മുണ്ട്‌. നമ്മുടെ ആത്മീയ​ത​യിൽ ഒരു ശൂന്യത വളരാൻ നാം അനുവ​ദി​ക്കു​ന്നു​വെ​ങ്കിൽ ഈ ചീത്ത “വായു” അവിടെ നിറയു​ന്ന​തിന്‌ ഇരച്ചു​ചെ​ല്ലും. അതിനെ ചെറു​ത്തു​നിൽക്കു​ന്ന​തി​ലുള്ള വിജയം നാം ശുദ്ധവും നിർമ്മ​ല​വും നീതി​നി​ഷ്‌ഠ​വു​മാ​യ​തി​നെ എത്രയ​ധി​കം സ്‌നേ​ഹി​ക്കു​ന്നു​വെ​ന്ന​തി​നെ​യും അശുദ്ധ​വും മലിന​വും ദുഷ്ടവു​മാ​യ​തി​നെ എത്രയ​ധി​കം വെറു​ക്കു​ന്നു​വെ​ന്ന​തി​നെ​യു​മാണ്‌ ഏറെയും ആശ്രയി​ച്ചി​രി​ക്കു​ന്നത്‌. യഹോ​വ​യു​ടെ പരിശു​ദ്ധാ​ത്മാ​വി​ന്റെ നടത്തി​പ്പി​നോട്‌ പ്രതി​ക​രിച്ച്‌ നാം ശരിയായ മാനസി​ക​ഭാ​വം നട്ടുവ​ളർത്തി​ക്കൊ​ണ്ടി​രി​ക്കു​ന്നു​വെ​ങ്കിൽ നാം ശരിയായ “വായു” ശ്വസി​ച്ചു​കൊ​ണ്ടേ​യി​രി​ക്കും.—റോമർ 12:9; 2 തിമൊ​ഥെ​യോസ്‌ 1:7; ഗലാത്യർ 6:7, 8.

17. ഈ ലോക “വായു”വിൽ കുറെ നമ്മുടെ നേരെ അടിക്കു​ന്ന​താ​യി നമ്മൾ കണ്ടുപി​ടി​ക്കു​ന്നു​വെ​ങ്കിൽ പെട്ടെ​ന്നു​തന്നെ എന്തു​ചെ​യ്യണം?

¹⁷ തീർച്ച​യാ​യും, ഈ ലോക​ത്തി​ന്റെ ഏതെങ്കി​ലും ചീത്ത “വായു” നിങ്ങൾക്ക്‌ സുഗന്ധ​മാ​യി​ത്തീ​രാൻ തുടങ്ങു​ന്ന​തിന്‌ അനുവ​ദി​ക്ക​രുത്‌. ഇന്ദ്രി​യ​ങ്ങൾക്ക്‌ ആകർഷ​ക​മാ​യി​രി​ക്കു​ന്ന​തി​നും മിക്ക​പ്പോ​ഴും പാപത്തി​ലേക്കു നയിക്കുന്ന ഒരു വാഞ്‌ഛ ഉളവാ​ക്കു​ന്ന​തി​നും ആവശ്യ​മാ​യി​രി​ക്കു​ന്ന​തെ​ന്തെന്ന്‌ ഈ “വായു”വിന്റെ ഭരണാ​ധി​പന്‌ അറിയാം. (യാക്കോബ്‌ 1:14, 15) “പുകവ​ലി​പാ​ടി​ല്ലാത്ത” സ്ഥലത്ത്‌, യഹോ​വ​യു​ടെ ആത്മീയ പരദീ​സ​യിൽ ആയിരി​ക്കുക. ഈ ലോക​ത്തി​ന്റെ ഒരു “വായു” പടലം നിങ്ങളു​ടെ നേരേ വരുന്ന​താ​യി നിങ്ങൾ കണ്ടുപി​ടി​ക്കു​മ്പോൾ അതിനെ വർജ്ജി​ക്കുക. നിങ്ങൾ മാരക​മായ വിഷത്തെ വർജ്ജി​ക്കു​ന്ന​തു​പോ​ലെ, അതിൽനിന്ന്‌ മാറി​പ്പോ​കുക. “നാളുകൾ ദുഷ്ടമാ​യ​തു​കൊണ്ട്‌, നിങ്ങൾക്കു​വേണ്ടി അവസ​രോ​ചി​ത​മായ സമയം വിലയ്‌ക്കു വാങ്ങി​ക്കൊണ്ട്‌, നിങ്ങളു​ടെ നടപ്പ്‌ അജ്ഞാനി​ക​ളാ​യി​ട്ടല്ല, ജ്ഞാനി​ക​ളാ​യി​ട്ടാ​യി​രി​ക്കാൻ കർശന​മാ​യി സൂക്ഷി​ക്കുക. ഈ കാരണ​ത്താൽ യുക്തി​ഹീ​ന​രാ​കു​ന്നതു നിർത്തി യഹോ​വ​യു​ടെ ഇഷ്ടം എന്തെന്ന്‌ ഗ്രഹി​ച്ചു​കൊ​ണ്ടി​രി​ക്കുക.”—എഫേസ്യർ 5:15-17.

18. ശുദ്ധീ​ക​രി​ക്ക​പ്പെട്ട ഭൂമി​യിൽ ജീവി​ക്കാൻ പദവി ലഭിക്കു​ന്ന​വ​രു​ടെ ആത്മാവ്‌ എന്തായി​രി​ക്കും?

¹⁸ നാം നിർമ്മ​ല​താ​പാ​ല​ക​രാ​യി ദൈവത്തെ സേവി​ക്കു​ക​യെ​ന്നത്‌ ദൈ​വേ​ഷ്ട​മാണ്‌. അങ്ങനെ ചെയ്യു​ന്നത്‌ ഇപ്പോൾ വളരെ അടുത്തി​രി​ക്കുന്ന അവന്റെ പുതിയ വ്യവസ്ഥി​തി​യി​ലെ ജീവൻ കൈവ​രു​ത്തും. അന്നു നാം വായു ശ്വസി​ക്കു​മ്പോൾ അത്‌ എത്ര ആശ്വാ​സ​ദാ​യ​ക​മാ​യി​രി​ക്കും! മാരക​മായ പ്രദൂ​ഷ​ക​ങ്ങ​ളു​ണ്ടാ​യി​രി​ക്ക​യില്ല, ജീവദാ​യ​ക​മായ ശുദ്ധവാ​യു മാത്രം. ഭൗതിക വായു​വി​നെ സംബന്ധിച്ച്‌ അതു സത്യമാ​യി​രി​ക്കും. ഏറെ പ്രധാ​ന​മാ​യി, ശുദ്ധീ​ക​രി​ക്ക​പ്പെട്ട ഭൂമി​യിൽ ജീവി​ക്കാൻ പദവി​യു​ള്ള​വ​രു​ടെ ആത്മാവി​നെ സംബന്ധി​ച്ചും അതു സത്യമാ​യി​രി​ക്കും. അവർക്ക്‌ അനുസ​ര​ണ​മുള്ള, വിനീ​ത​മായ, പ്രതി​ബ​ദ്ധ​ത​യുള്ള, ഒരു മനോ​ഭാ​വ​മു​ണ്ടാ​യി​രി​ക്കും. മത്സരാ​ത്മ​ക​വും ദുഷി​ച്ച​തും ഭക്തി​കെ​ട്ട​തു​മായ സ്വാധീ​നങ്ങൾ നിറഞ്ഞ ഈ പഴയ​ലോ​ക​ത്തി​ന്റെ “വായു” പൊയ്‌പ്പോ​യി​രി​ക്കും.—വെളി​പ്പാട്‌ 21:5-8.

19. യഹോ​വ​യു​ടെ പുതിയ വ്യവസ്ഥി​തി​യി​ലേക്ക്‌ ആർ അതിജീ​വി​ക്കും?

¹⁹ തീർച്ച​യാ​യും, യഹോവ പ്രദൂ​ഷ​ണ​ത്തെ​യും പ്രദൂ​ഷ​ക​രെ​യും അർമ്മ​ഗെ​ദ്ദോ​നിൽ നീക്കം ചെയ്യു​മ്പോൾ ഈ വ്യവസ്ഥി​തി​യു​ടെ “വായു” ശ്വസി​ക്കു​ന്ന​വ​രിൽ ഉൾപ്പെ​ടാൻ നാം ആഗ്രഹി​ക്കു​ന്നില്ല. പഴയ​ലോ​കം പൊയ്‌പ്പോ​യി​രി​ക്കു​ക​യും ‘വായു​വി​ന്റെ ഭരണാ​ധി​പൻ’ അഗാധ​ത്തി​ലാ​ക്ക​പ്പെ​ട്ടി​രി​ക്ക​യും ചെയ്യു​മ്പോൾ എന്തോ​രാ​ശ്വാ​സം ഉണ്ടായി​രി​ക്കും! യഹോ​വയെ സ്‌നേ​ഹി​ക്കു​ക​യും ശുദ്ധവും യോഗ്യ​വും നീതി​നി​ഷ്‌ഠ​വു​മാ​യ​തി​നെ സ്‌നേ​ഹി​ച്ചു​കൊ​ണ്ടി​രി​ക്കു​ക​യും ചെയ്യുന്ന ഏവനും അവിടെ ഉണ്ടായി​രി​ക്കും. അവർ അവിടെ ഉണ്ടായി​രി​ക്കാൻ യഹോവ ആഗ്രഹി​ക്കു​ന്നു. തന്റെ ആത്മാവി​നാൽ അവൻ അവരെ സഹായി​ക്കും. ഒരു ശുദ്ധവും ആരോ​ഗ്യ​പ്ര​ദ​വു​മായ പുതിയ വ്യവസ്ഥി​തി​യിൽ അവൻ അവർക്കു നിത്യ​ജീ​വൻ കൊടു​ക്കും. ഈ പഴയ വ്യവസ്ഥി​തി​യു​ടെ മാരക​മായ “വായു” ശ്വസി​ക്കുക നിമിത്തം നമുക്ക്‌ ആ പദവി നഷ്ടപ്പെ​ടു​ത്താ​തി​രി​ക്കാം! (w87 9/15)

നിങ്ങൾ എങ്ങനെ ഉത്തരം കൊടു​ക്കും?

◻ ഒരു അത്യാ​ഗ്രഹി ഏതു വിധത്തിൽ ഒരു വിഗ്ര​ഹാ​രാ​ധി ആയിത്തീ​രു​ന്നു?

◻ ഈ ലോക​ത്തി​ന്റെ “വായു” നിങ്ങളു​ടെ സംസാ​ര​ശീ​ല​ങ്ങളെ എങ്ങനെ ബാധി​ച്ചേ​ക്കാം?

◻ ലൗകിക ജോലി ചെയ്യു​മ്പോൾ ക്രിസ്‌തീയ ജോലി​ക്കാർ ഏതാത്മാവ്‌ പ്രതി​ഫ​ലി​പ്പി​ക്കണം?

◻ ഭക്ഷണപാ​നീ​യ​ങ്ങ​ളോ​ടും വിനോ​ദ​ത്തോ​ടു​മുള്ള ഈ ലോക​ത്തി​ന്റെ മനോ​ഭാ​വ​ത്താൽ ബാധി​ക്ക​പ്പെ​ടു​ന്ന​തി​നെ എങ്ങനെ ഒഴിവാ​ക്കാൻ കഴിയും?

◻ വർഗ്ഗവും ദേശീ​യ​ത​യും സംബന്ധിച്ച ഏത്‌ ആത്മാവ്‌ ക്രിസ്‌തീയ സഭയി​ലേക്ക്‌ വരരുത്‌?

[18-ാം പേജിലെ ചിത്രം]

നിങ്ങളുടെ കുടും​ബം ഈ ലോക​ത്തി​ന്റെ “വായു”വിനെ ചെറു​ത്തു​നിൽക്കാൻ തക്കവിധം ശക്തമാ​ണോ?

[19-ാം പേജിലെ ചിത്രം]

“യഹോ​വ​യ്‌ക്കെ​ന്ന​പോ​ലെ” നാം കാര്യങ്ങൾ ചെയ്യു​ന്നു​വെ​ങ്കിൽ നാം ഈ ലോക​ത്തി​ന്റെ​സ്വാർത്ഥ​വും അലസവു​മായ “വായു”വിനാൽ ബാധി​ക്ക​പ്പെ​ടു​ക​യില്ല