നമുക്കു പരസ്‌പ​ര​മുള്ള സ്‌നേഹം എങ്ങനെ ശക്തമാക്കി നിറു​ത്താം?

1-2. (എ) സ്‌നേ​ഹ​മാണ്‌ ‘ഏറ്റവും ശ്രേഷ്‌ഠ​മായ’ ഗുണ​മെന്നു പൗലോസ്‌ അപ്പോ​സ്‌തലൻ പറഞ്ഞത്‌ എന്തു​കൊണ്ട്‌? (ബി) ഈ ലേഖന​ത്തിൽ ഏതു ചോദ്യ​ങ്ങ​ളു​ടെ ഉത്തരം നമ്മൾ കാണും?

അപ്പോ​സ്‌ത​ല​നായ പൗലോസ്‌ വിശ്വാ​സം, പ്രത്യാശ, സ്‌നേഹം എന്നീ ഗുണങ്ങ​ളെ​ക്കു​റിച്ച്‌ ചർച്ച ചെയ്‌ത​പ്പോൾ അദ്ദേഹം പറഞ്ഞു: “ഇവയിൽ ഏറ്റവും ശ്രേഷ്‌ഠ​മാ​യതു സ്‌നേ​ഹ​മാണ്‌.” (1 കൊരി. 13:13) എന്തു​കൊ​ണ്ടാ​ണു പൗലോസ്‌ അങ്ങനെ പറഞ്ഞത്‌? പുതിയ ലോക​ത്തെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​നങ്ങൾ ഭാവി​യിൽ നിറ​വേ​റി​ക്ക​ഴി​യു​മ്പോൾ നമ്മൾ ആ വാഗ്‌ദാ​ന​ങ്ങ​ളിൽ വിശ്വാ​സം അർപ്പി​ക്കു​ക​യോ അതു നിറ​വേ​റു​ന്ന​തി​നാ​യി പ്രത്യാ​ശ​യോ​ടെ കാത്തി​രി​ക്കു​ക​യോ ചെയ്യേ​ണ്ട​തില്ല. എന്നാൽ നമുക്ക്‌ അപ്പോ​ഴും യഹോ​വ​യോ​ടും ആളുക​ളോ​ടും സ്‌നേഹം ഉണ്ടായി​രി​ക്കേ​ണ്ട​തുണ്ട്‌. ആ സ്‌നേഹം എന്നെന്നും വളർന്നു​കൊ​ണ്ടി​രി​ക്കു​ക​യും ചെയ്യും.

² അതു​കൊണ്ട്‌ നമുക്ക്‌ ഇപ്പോൾ മൂന്നു ചോദ്യ​ങ്ങ​ളു​ടെ ഉത്തരം നോക്കാം. ഒന്ന്‌, നമ്മൾ പരസ്‌പരം സ്‌നേ​ഹി​ക്കേ​ണ്ടത്‌ എന്തു​കൊണ്ട്‌? രണ്ട്‌, മറ്റുള്ള​വരെ സ്‌നേ​ഹി​ക്കു​ന്നു​ണ്ടെന്നു നമുക്ക്‌ എങ്ങനെ തെളി​യി​ക്കാം? മൂന്ന്‌, നമുക്കു പരസ്‌പ​ര​മുള്ള സ്‌നേഹം എങ്ങനെ ശക്തമാ​ക്കി​നി​റു​ത്താം?

 3. നമ്മൾ പരസ്‌പരം സ്‌നേ​ഹി​ക്കേ​ണ്ട​തി​ന്റെ കാരണങ്ങൾ എന്തൊ​ക്കെ​യാണ്‌?

³ നമ്മൾ പരസ്‌പരം സ്‌നേ​ഹി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? പരസ്‌പരം സ്‌നേ​ഹി​ക്കു​ന്ന​തി​ലൂ​ടെ നമ്മൾ യഥാർഥ​ക്രി​സ്‌ത്യാ​നി​ക​ളാ​ണെന്നു തെളി​യി​ക്കു​ന്നു. യേശു തന്റെ അപ്പോ​സ്‌ത​ല​ന്മാ​രോ​ടു പറഞ്ഞു: “നിങ്ങളു​ടെ ഇടയിൽ സ്‌നേ​ഹ​മു​ണ്ടെ​ങ്കിൽ, നിങ്ങൾ എന്റെ ശിഷ്യ​ന്മാ​രാ​ണെന്ന്‌ എല്ലാവ​രും അറിയും.” (യോഹ. 13:35) കൂടാതെ, നമുക്കു തമ്മിൽത്ത​മ്മിൽ സ്‌നേ​ഹ​മു​ണ്ടെ​ങ്കിൽ നമ്മുടെ ഇടയിൽ ഐക്യ​മു​ണ്ടാ​യി​രി​ക്കും. കാരണം, പൗലോസ്‌ സ്‌നേ​ഹ​ത്തെ​ക്കു​റിച്ച്‌ പറഞ്ഞത്‌ “ആളുകളെ ഒറ്റക്കെ​ട്ടാ​യി നിറു​ത്താൻ കഴിവുള്ള” ഗുണം എന്നാണ്‌. (കൊലോ. 3:14) എന്നാൽ നമ്മൾ അന്യോ​ന്യം സ്‌നേ​ഹി​ക്കു​ന്ന​തിന്‌ അതി​നെ​ക്കാ​ളെ​ല്ലാം പ്രധാ​ന​പ്പെട്ട മറ്റൊരു കാരണ​മുണ്ട്‌. അതെക്കു​റിച്ച്‌ അപ്പോ​സ്‌ത​ല​നായ യോഹ​ന്നാൻ തന്റെ സഹവി​ശ്വാ​സി​കൾക്ക്‌ ഇങ്ങനെ എഴുതി: “ദൈവത്തെ സ്‌നേ​ഹി​ക്കു​ന്ന​യാൾ സഹോ​ദ​ര​നെ​യും സ്‌നേ​ഹി​ക്കണം.” (1 യോഹ. 4:21) പരസ്‌പരം സ്‌നേ​ഹി​ക്കു​ന്ന​തി​ലൂ​ടെ നമ്മൾ ദൈവത്തെ സ്‌നേ​ഹി​ക്കു​ന്നു​ണ്ടെന്നു തെളി​യി​ക്കു​ക​യാണ്‌.

4-5. ദൈവ​ത്തോ​ടുള്ള സ്‌നേ​ഹ​വും സഹോ​ദ​ര​ങ്ങ​ളോ​ടുള്ള സ്‌നേ​ഹ​വും എങ്ങനെ​യാ​ണു പരസ്‌പരം ബന്ധപ്പെ​ട്ടി​രി​ക്കു​ന്ന​തെന്ന്‌ ഒരു ഉദാഹ​ര​ണ​ത്തി​ലൂ​ടെ വിശദീ​ക​രി​ക്കുക.

⁴ ദൈവ​ത്തോ​ടുള്ള സ്‌നേ​ഹ​വും സഹോ​ദ​ര​ങ്ങ​ളോ​ടുള്ള സ്‌നേ​ഹ​വും എങ്ങനെ​യാ​ണു പരസ്‌പരം ബന്ധപ്പെ​ട്ടി​രി​ക്കു​ന്നത്‌? അതു മനസ്സി​ലാ​ക്കാൻ ഡോക്ടർമാർ പൊതു​വേ ചെയ്യുന്ന ഒരു കാര്യ​ത്തെ​ക്കു​റിച്ച്‌ ചിന്തി​ക്കുക. നമ്മുടെ ഹൃദയ​ത്തി​നും ശരീര​ത്തി​ന്റെ മറ്റു ഭാഗങ്ങൾക്കും തമ്മിൽ ഒരു ബന്ധമുണ്ട്‌. അതു​കൊ​ണ്ടാ​ണ​ല്ലോ ഒരാളു​ടെ കൈയി​ലെ നാഡി​മി​ടിപ്പ്‌ നോക്കി​യിട്ട്‌ അയാളു​ടെ ഹൃദയ​ത്തി​ന്റെ അവസ്ഥ ഡോക്ടർമാർക്കു കണ്ടുപി​ടി​ക്കാ​നാ​കു​ന്നത്‌. ഇതു​പോ​ലെ ദൈവ​ത്തോ​ടുള്ള നമ്മുടെ സ്‌നേ​ഹ​വും സഹോ​ദ​ര​ങ്ങ​ളോ​ടുള്ള നമ്മുടെ സ്‌നേ​ഹ​വും തമ്മിൽ ഒരു ബന്ധമുണ്ട്‌.

⁵ നാഡി​മി​ടിപ്പ്‌ നോക്കി ഹൃദയ​ത്തി​ന്റെ അവസ്ഥ എങ്ങനെ​യാ​ണെന്നു ഡോക്ടർമാർ കണ്ടുപി​ടി​ക്കു​ന്ന​തു​പോ​ലെ സഹോ​ദ​ര​ങ്ങ​ളോ​ടുള്ള നമ്മുടെ സ്‌നേഹം എങ്ങനെ​യു​ള്ള​താ​ണെന്നു നോക്കി ദൈവ​ത്തോ​ടുള്ള സ്‌നേഹം എത്ര ശക്തമാ​ണെന്നു കണ്ടുപി​ടി​ക്കാ​നാ​കും. സഹോ​ദ​ര​ങ്ങ​ളോ​ടു നമ്മൾ മുമ്പത്തെ അത്ര സ്‌നേഹം കാണി​ക്കു​ന്നി​ല്ലെ​ങ്കിൽ അതിന്റെ അർഥം ദൈവ​ത്തോ​ടുള്ള നമ്മുടെ സ്‌നേ​ഹ​ത്തി​നും കുറവ്‌ വന്നിട്ടു​ണ്ടെ​ന്നാണ്‌. എന്നാൽ സഹോ​ദ​ര​ങ്ങളെ നന്നായി സ്‌നേ​ഹി​ക്കു​ന്നു​ണ്ടെ​ങ്കിൽ ദൈവ​ത്തോ​ടുള്ള നമ്മുടെ സ്‌നേ​ഹ​വും ശക്തമാ​ണെന്നു മനസ്സി​ലാ​ക്കാം.

 6. സഹോ​ദ​ര​ങ്ങ​ളോ​ടുള്ള നമ്മുടെ സ്‌നേഹം കുറയു​ന്നു​ണ്ടെ​ങ്കിൽ നമ്മൾ അതിനെ ഗൗരവ​മാ​യി കാണേ​ണ്ടത്‌ എന്തു​കൊണ്ട്‌? (1 യോഹ​ന്നാൻ 4:7-9, 11)

⁶ സഹോ​ദ​ര​ങ്ങ​ളോ​ടുള്ള നമ്മുടെ സ്‌നേ​ഹ​ത്തിൽ കുറവ്‌ വരുന്നു​ണ്ടെ​ങ്കിൽ അതു ഗൗരവ​മാ​യി കാണേണ്ട ഒന്നാണ്‌. കാരണം യഹോ​വ​യു​മാ​യുള്ള നമ്മുടെ സ്‌നേ​ഹ​ബ​ന്ധ​ത്തിന്‌ കുറവ്‌ വന്നിട്ടു​ണ്ടെ​ന്നാണ്‌ അതു കാണി​ക്കു​ന്നത്‌. അത്‌ എത്ര ശരിയാ​ണെന്ന്‌ അപ്പോ​സ്‌ത​ല​നായ യോഹ​ന്നാ​ന്റെ വാക്കുകൾ നമ്മളെ ഓർമി​പ്പി​ക്കു​ന്നു. അദ്ദേഹം എഴുതി: “കാണുന്ന സഹോ​ദ​രനെ സ്‌നേ​ഹി​ക്കാ​ത്ത​യാൾ കാണാത്ത ദൈവത്തെ എങ്ങനെ സ്‌നേ​ഹി​ക്കും?” (1 യോഹ. 4:20) എന്താണു നമുക്കുള്ള പാഠം? നമ്മൾ പരസ്‌പരം സ്‌നേ​ഹി​ച്ചാ​ലേ നമുക്ക്‌ യഹോ​വ​യു​ടെ അംഗീ​കാ​രം ഉണ്ടായി​രി​ക്കു​ക​യു​ള്ളൂ.—1 യോഹ​ന്നാൻ 4:7-9, 11 വായി​ക്കുക.

7-8. പരസ്‌പരം സ്‌നേ​ഹി​ക്കു​ന്നു​ണ്ടെന്നു തെളി​യി​ക്കാ​നുള്ള ചില വിധങ്ങൾ ഏതൊ​ക്കെ​യാണ്‌?

⁷ ‘തമ്മിൽത്ത​മ്മിൽ സ്‌നേ​ഹി​ക്കാ​നുള്ള’ കല്പന ബൈബി​ളിൽ പലയി​ട​ങ്ങ​ളി​ലും ആവർത്തി​ച്ചി​ട്ടുണ്ട്‌. (യോഹ. 15:12, 17; റോമ. 13:8; 1 തെസ്സ. 4:9; 1 പത്രോ. 1:22; 1 യോഹ. 4:11) എന്നാൽ സ്‌നേഹം ഹൃദയ​ത്തി​ലെ അല്ലെങ്കിൽ ഉള്ളിന്റെ ഉള്ളിലെ ഒരു ഗുണമാണ്‌. ഹൃദയ​ത്തിൽ എന്താ​ണെന്നു മറ്റുള്ള​വർക്കു കാണാ​നാ​കി​ല്ല​ല്ലോ. അതു​കൊണ്ട്‌ സഹോ​ദ​ര​ങ്ങളെ സ്‌നേ​ഹി​ക്കു​ന്നു​ണ്ടെന്നു നമുക്ക്‌ എങ്ങനെ തെളി​യി​ക്കാം? നമ്മുടെ വാക്കു​ക​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും.

⁸ സഹോ​ദ​ര​ങ്ങളെ സ്‌നേ​ഹി​ക്കു​ന്നു​ണ്ടെന്നു പല രീതി​യിൽ നമുക്കു തെളി​യി​ക്കാം. അതിനുള്ള ചില വിധങ്ങൾ ഇവയാണ്‌: “പരസ്‌പരം സത്യം പറയുക.” (സെഖ. 8:16) ‘പരസ്‌പരം സമാധാ​ന​ത്തിൽ കഴിയു​ന്നവർ ആയിരി​ക്കുക.’ (മർക്കോ. 9:50) “പരസ്‌പരം ബഹുമാ​നം കാണി​ക്കു​ന്ന​തിൽ മുൻ​കൈ​യെ​ടു​ക്കുക.” (റോമ. 12:10) “അന്യോ​ന്യം സ്വീക​രി​ക്കുക.” (റോമ. 15:7) “അന്യോ​ന്യം . . . ക്ഷമിക്കുക.” (കൊലോ. 3:13) “തമ്മിൽത്ത​മ്മിൽ ഭാരങ്ങൾ ചുമക്കുക.” (ഗലാ. 6:2) “പരസ്‌പരം ആശ്വസി​പ്പി​ച്ചു​കൊ​ണ്ടി​രി​ക്കുക.” (1 തെസ്സ. 4:18) “പരസ്‌പരം . . . ബലപ്പെ​ടു​ത്തുക.” (1 തെസ്സ. 5:11) “ഒരാൾക്കു​വേണ്ടി മറ്റൊ​രാൾ പ്രാർഥി​ക്കുക.”—യാക്കോ. 5:16.

 9. മറ്റുള്ള​വരെ ആശ്വസി​പ്പി​ക്കു​ന്നത്‌ അവരോ​ടുള്ള സ്‌നേഹം തെളി​യി​ക്കാ​നുള്ള ഒരു പ്രധാ​ന​വി​ധ​മാ​യി​രി​ക്കു​ന്നത്‌ എന്തു​കൊണ്ട്‌? (ചിത്ര​വും കാണുക.)

⁹ മറ്റുള്ള​വരെ സ്‌നേ​ഹി​ക്കു​ന്നു​ണ്ടെന്നു തെളി​യി​ക്കാൻ നമുക്കു ചെയ്യാ​നാ​കുന്ന ഒരു കാര്യ​ത്തെ​ക്കു​റിച്ച്‌ ഇപ്പോൾ നോക്കാം. പൗലോസ്‌ അപ്പോ​സ്‌തലൻ പറഞ്ഞു: “പരസ്‌പരം ആശ്വസി​പ്പി​ച്ചു​കൊ​ണ്ടി​രി​ക്കുക.” മറ്റുള്ള​വരെ ആശ്വസി​പ്പി​ക്കു​ന്നത്‌ അവരോ​ടുള്ള സ്‌നേഹം തെളി​യി​ക്കാ​നുള്ള ഒരു പ്രധാ​ന​വി​ധ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ബൈബിൾവാ​ക്യ​ങ്ങ​ളെ​ക്കു​റിച്ച്‌ വിശദീ​ക​രി​ക്കുന്ന ഒരു പുസ്‌തകം പറയു​ന്ന​ത​നു​സ​രിച്ച്‌ ‘ആശ്വസി​പ്പി​ക്കുക’ എന്നതിനു പൗലോസ്‌ ഉപയോ​ഗി​ച്ചി​രി​ക്കുന്ന വാക്കിന്റെ അർഥം “പ്രശ്‌ന​ങ്ങ​ളി​ലൂ​ടെ കടന്നു​പോ​കുന്ന ഒരാളെ പ്രോ​ത്സാ​ഹി​പ്പി​ക്കാൻവേണ്ടി അയാളു​ടെ അടുത്ത്‌ നിൽക്കുക” എന്നാണ്‌. അതു​കൊണ്ട്‌ കഷ്ടതയി​ലാ​യി​രി​ക്കുന്ന ഒരു സഹോ​ദ​രനെ നമ്മൾ ആശ്വസി​പ്പി​ക്കു​ന്ന​തി​ലൂ​ടെ തളർന്നു​പോ​കാ​തെ ജീവന്റെ പാതയിൽ തുടർന്നും നടക്കാൻ നമ്മൾ ആ വ്യക്തിയെ സഹായി​ക്കു​ക​യാ​യി​രി​ക്കും. അങ്ങനെ ഓരോ തവണ സഹോ​ദ​ര​ങ്ങളെ ആശ്വസി​പ്പി​ക്കു​മ്പോ​ഴും അവരെ സ്‌നേ​ഹി​ക്കു​ന്നു​ണ്ടെന്നു നമ്മൾ തെളി​യി​ക്കു​ക​യാണ്‌.—2 കൊരി. 7:6, 7, 13.

10. അനുക​മ്പ​യും ആശ്വാ​സ​വും തമ്മിലുള്ള ബന്ധം എന്താണ്‌?

¹⁰ അനുകമ്പ തോന്നു​ന്ന​തും ആശ്വാസം നൽകു​ന്ന​തും തമ്മിൽ അടുത്ത ബന്ധമുണ്ട്‌. കാരണം, കഷ്ടതയി​ലാ​യി​രി​ക്കുന്ന ആരോ​ടെ​ങ്കി​ലും അനുകമ്പ തോന്നു​ന്ന​യാൾ ആ വ്യക്തിയെ ആശ്വസി​പ്പി​ക്കാ​നും എങ്ങനെ​യും അദ്ദേഹത്തെ സഹായി​ക്കാ​നും ആഗ്രഹി​ക്കും. അതു​കൊണ്ട്‌ മറ്റുള്ള​വ​രോട്‌ അനുകമ്പ തോന്നു​മ്പോ​ഴാണ്‌ അവരെ ആശ്വസി​പ്പി​ക്കാൻ നമ്മൾ തയ്യാറാ​കു​ന്നത്‌. യഹോ​വ​യു​ടെ അനുകമ്പ ദൈവം നൽകുന്ന ആശ്വാ​സ​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നെന്നു പൗലോസ്‌ വ്യക്തമാ​ക്കി. യഹോ​വ​യെ​ക്കു​റിച്ച്‌ അദ്ദേഹം പറഞ്ഞു: “ദൈവം മനസ്സലി​വുള്ള പിതാ​വും ഏതു സാഹച​ര്യ​ത്തി​ലും ആശ്വാസം തരുന്ന ദൈവ​വും ആണല്ലോ.” (2 കൊരി. 1:3) ഇവിടെ പൗലോസ്‌, മറ്റുള്ള​വ​രോട്‌ അനുകമ്പ തോന്നു​ന്ന​തി​നെ കുറി​ക്കാൻ “മനസ്സലിവ്‌” എന്ന പദമാണ്‌ ഉപയോ​ഗി​ച്ചി​രി​ക്കു​ന്നത്‌. പൗലോസ്‌ യഹോ​വയെ വിളി​ച്ചത്‌ ‘മനസ്സലി​വുള്ള പിതാവ്‌’ എന്നാണ്‌. കാരണം യഹോ​വ​യ്‌ക്ക്‌ ആളുക​ളോ​ടു വലിയ അനുക​മ്പ​യുണ്ട്‌. ‘കഷ്ടതക​ളി​ലെ​ല്ലാം നമ്മളെ ആശ്വസി​പ്പി​ക്കാൻ’ ആ അനുകമ്പ യഹോ​വയെ പ്രേരി​പ്പി​ക്കു​ന്നു. (2 കൊരി. 1:4) ഒരു നീരു​റ​വ​യിൽനിന്ന്‌ ഒഴുകി​വ​രുന്ന ശുദ്ധജലം ദാഹി​ച്ചി​രി​ക്കുന്ന ഒരാൾക്ക്‌ ഉന്മേഷം പകരു​ന്ന​തു​പോ​ലെ കഷ്ടതയി​ലാ​യി​രി​ക്കുന്ന ഒരാൾക്ക്‌ യഹോവ ഉന്മേഷ​വും ആശ്വാ​സ​വും പകരുന്നു. മറ്റുള്ള​വ​രോട്‌ അനുകമ്പ തോന്നു​ക​യും അവരെ ആശ്വസി​പ്പി​ക്കു​ക​യും ചെയ്യുന്ന കാര്യ​ത്തിൽ നമുക്ക്‌ എങ്ങനെ യഹോ​വയെ അനുക​രി​ക്കാം? ആളുക​ളോട്‌ അനുകമ്പ തോന്നാ​നും അവരെ ആശ്വസി​പ്പി​ക്കാ​നും നമ്മളെ സഹായി​ക്കുന്ന ഗുണങ്ങൾ വളർത്തി​യെ​ടു​ക്കു​ന്ന​താണ്‌ അതിനുള്ള ഒരു മാർഗം. അത്തരം ചില ഗുണങ്ങൾ ഏതൊ​ക്കെ​യാണ്‌?

11. കൊ​ലോ​സ്യർ 3:12-ഉം 1 പത്രോസ്‌ 3:8-ഉം പറയു​ന്ന​ത​നു​സ​രിച്ച്‌ മറ്റുള്ള​വരെ സ്‌നേ​ഹി​ക്കാ​നും അവരെ ആശ്വസി​പ്പി​ക്കാ​നും വേറെ ഏതു ഗുണങ്ങൾ നമ്മൾ വളർത്തി​യെ​ടു​ക്കണം?

¹¹ എപ്പോ​ഴും മറ്റുള്ള​വരെ സ്‌നേ​ഹി​ക്കാ​നും ‘പരസ്‌പരം ആശ്വസി​പ്പി​ച്ചു​കൊ​ണ്ടി​രി​ക്കാ​നും’ നമ്മളെ എന്തു സഹായി​ക്കും? അതിനു​വേണ്ടി സഹാനു​ഭൂ​തി, സഹോ​ദ​ര​പ്രി​യം, ദയ എന്നിവ​പോ​ലുള്ള ഗുണങ്ങൾ നമ്മൾ വളർത്തി​യെ​ടു​ക്കേ​ണ്ട​തുണ്ട്‌. (കൊ​ലോ​സ്യർ 3:12; 1 പത്രോസ്‌ 3:8 വായി​ക്കുക.) ഈ ഗുണങ്ങൾ നമ്മളെ എങ്ങനെ​യാ​ണു സഹായി​ക്കു​ന്നത്‌? അനുക​മ്പ​യും അതുമാ​യി ബന്ധപ്പെട്ട മറ്റു ഗുണങ്ങ​ളും നമ്മുടെ വ്യക്തി​ത്വ​ത്തി​ന്റെ ഭാഗമാ​കു​മ്പോൾ കഷ്ടതയി​ലാ​യി​രി​ക്കു​ന്ന​വരെ ആശ്വസി​പ്പി​ക്കാ​നുള്ള ശക്തമായ ആഗ്രഹം നമുക്കു​ണ്ടാ​കും. യേശു പറഞ്ഞതു​പോ​ലെ “ഹൃദയം നിറഞ്ഞു​ക​വി​യു​ന്ന​താ​ണു വായ്‌ സംസാ​രി​ക്കു​ന്നത്‌! നല്ല മനുഷ്യൻ തന്റെ നല്ല നിക്ഷേ​പ​ത്തിൽനിന്ന്‌ നല്ല കാര്യങ്ങൾ പുറ​ത്തെ​ടു​ക്കു​ന്നു.” (മത്താ. 12:34, 35) കഷ്ടതയി​ലാ​യി​രി​ക്കുന്ന സഹോ​ദ​ര​ങ്ങളെ ആശ്വസി​പ്പി​ക്കു​ന്നതു ശരിക്കും അവരോ​ടുള്ള സ്‌നേഹം തെളി​യി​ക്കാ​നുള്ള ഒരു പ്രധാന വഴിയാണ്‌.

12. (എ) യേശു​വി​ന്റെ മുന്നറി​യി​പ്പു ശ്രദ്ധി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ബി) നമ്മൾ ഏതു ചോദ്യ​ത്തി​നുള്ള ഉത്തരം കണ്ടുപി​ടി​ക്കും?

¹² എപ്പോ​ഴും ‘പരസ്‌പരം സ്‌നേ​ഹി​ക്കാൻ’ നമ്മളെ​ല്ലാം ആഗ്രഹി​ക്കു​ന്നുണ്ട്‌. (1 യോഹ. 4:7) എന്നാൽ യേശു തന്ന ഒരു മുന്നറി​യി​പ്പു മനസ്സിൽപ്പി​ടി​ക്കു​ന്നതു പ്രധാ​ന​മാണ്‌. യേശു പറഞ്ഞു: “മിക്കവ​രു​ടെ​യും സ്‌നേഹം തണുത്തു​പോ​കും.” (മത്താ. 24:12) തന്റെ ശിഷ്യ​ന്മാ​രിൽ മിക്കവ​രു​ടെ​യും സ്‌നേഹം തണുത്തു​പോ​കു​മെന്നല്ല യേശു പറഞ്ഞത്‌ എന്നതു ശരിയാണ്‌. എങ്കിലും ചുറ്റു​മുള്ള ആളുക​ളു​ടെ സ്‌നേഹം തണുത്തു​പോ​കു​ന്ന​തു​കൊണ്ട്‌ ആ മനോ​ഭാ​വം നമ്മളി​ലേ​ക്കും കടന്നു​വ​രാ​തി​രി​ക്കാൻ പ്രത്യേ​കം ശ്രദ്ധി​ക്കണം. അതു​കൊണ്ട്‌ സഹോ​ദ​ര​ങ്ങ​ളോ​ടുള്ള നമ്മുടെ സ്‌നേഹം ശക്തമാ​ണോ എന്ന്‌ എങ്ങനെ കണ്ടുപി​ടി​ക്കാ​മെന്നു നോക്കാം.

13. സഹോ​ദ​ര​ങ്ങ​ളോ​ടുള്ള നമ്മുടെ സ്‌നേഹം ശക്തമാ​ണോ എന്ന്‌ എങ്ങനെ കണ്ടുപി​ടി​ക്കാം?

¹³ നമ്മുടെ സ്‌നേഹം എത്ര ശക്തമാ​ണെന്നു കണ്ടുപി​ടി​ക്കാ​നുള്ള ഒരു വഴി ചില പ്രത്യേക സാഹച​ര്യ​ങ്ങ​ളിൽ നമ്മൾ എന്തു ചെയ്യുന്നു എന്നു നോക്കു​ന്ന​താണ്‌. (2 കൊരി. 8:8) അത്തര​മൊ​രു സാഹച​ര്യ​ത്തെ​ക്കു​റിച്ച്‌ അപ്പോ​സ്‌ത​ല​നായ പത്രോസ്‌ പറഞ്ഞു: “ഏറ്റവും പ്രധാ​ന​മാ​യി, നിങ്ങൾ പരസ്‌പരം അഗാധ​മാ​യി സ്‌നേ​ഹി​ക്കണം; കാരണം പാപങ്ങൾ എത്രയു​ണ്ടെ​ങ്കി​ലും സ്‌നേഹം അതെല്ലാം മറയ്‌ക്കു​ന്നു.” (1 പത്രോ. 4:8) അതു​കൊണ്ട്‌ നമ്മുടെ സഹോ​ദ​രങ്ങൾ എന്തെങ്കി​ലും തെറ്റു ചെയ്യു​ക​യോ നമ്മളെ വിഷമി​പ്പി​ക്കുന്ന രീതി​യിൽ പ്രവർത്തി​ക്കു​ക​യോ ചെയ്യു​മ്പോൾ എങ്ങനെ പ്രതി​ക​രി​ക്കു​ന്നു എന്നതിൽനിന്ന്‌ അവരോ​ടുള്ള നമ്മുടെ സ്‌നേഹം ശക്തമാ​ണോ എന്നു കണ്ടുപി​ടി​ക്കാ​നാ​കും.

14. 1 പത്രോസ്‌ 4:8 പറയു​ന്ന​തു​പോ​ലെ ഏതു തരത്തി​ലുള്ള സ്‌നേ​ഹ​മാ​ണു നമുക്കു വേണ്ടത്‌? ഒരു ഉദാഹ​ര​ണ​ത്തി​ലൂ​ടെ അതു വിശദീ​ക​രി​ക്കുക.

¹⁴ പത്രോസ്‌ പറഞ്ഞ ചില കാര്യങ്ങൾ നമുക്ക്‌ ഒന്നുകൂ​ടി നോക്കാം. 8-ാം വാക്യ​ത്തി​ന്റെ ആദ്യഭാ​ഗത്ത്‌ ഏതു തരത്തി​ലുള്ള സ്‌നേ​ഹ​മാ​ണു നമുക്കു​ണ്ടാ​യി​രി​ക്കേ​ണ്ട​തെന്ന്‌ അദ്ദേഹം വിശദീ​ക​രി​ച്ചു: ‘അഗാധ​മായ സ്‌നേഹം.’ “അഗാധം” എന്ന്‌ ഇവിടെ പരിഭാഷ ചെയ്‌തി​രി​ക്കുന്ന വാക്കിന്റെ അക്ഷരാർഥം “വലിച്ചു നീട്ടി​യത്‌” എന്നാണ്‌. ഇനി, ആ വാക്യ​ത്തി​ന്റെ രണ്ടാം ഭാഗത്ത്‌, സഹോ​ദ​ര​ങ്ങ​ളോട്‌ അഗാധ​മായ സ്‌നേ​ഹ​മു​ണ്ടെ​ങ്കിൽ നമ്മൾ എന്തു ചെയ്യു​മെ​ന്നും പറഞ്ഞി​രി​ക്കു​ന്നു. ആ സ്‌നേഹം സഹോ​ദ​ര​ങ്ങ​ളു​ടെ പാപങ്ങൾ മറയ്‌ക്കും. അതു മനസ്സി​ലാ​ക്കാൻ നമുക്കു സ്‌നേ​ഹത്തെ വലിച്ചു​നീ​ട്ടാ​വുന്ന ഒരു തുണി​യോട്‌ ഉപമി​ക്കാം. എന്തെങ്കി​ലും മൂടാൻവേണ്ടി അത്തര​മൊ​രു തുണി വലിച്ചു​നീ​ട്ടു​ന്ന​തു​പോ​ലെ സ്‌നേ​ഹത്തെ രണ്ടു കൈ​കൊ​ണ്ടും വലിച്ചു​നീ​ട്ടി​യാൽ അത്‌ ഒന്നോ രണ്ടോ പാപ​ത്തെയല്ല വാക്യം പറയു​ന്ന​തു​പോ​ലെ “പാപങ്ങൾ എത്രയു​ണ്ടെ​ങ്കി​ലും” അതെല്ലാം മറയ്‌ക്കും. ഇവിടെ മറയ്‌ക്കുക എന്നു പറഞ്ഞി​രി​ക്കു​ന്ന​തി​ന്റെ അർഥം ക്ഷമിക്കുക എന്നാണ്‌. ഒരു തുണി​കൊണ്ട്‌ കറയോ പാടോ ഒക്കെ മറയ്‌ക്കാ​നാ​കു​ന്ന​തു​പോ​ലെ സ്‌നേ​ഹം​കൊണ്ട്‌ മറ്റുള്ള​വ​രു​ടെ കുറവു​ക​ളും ബലഹീ​ന​ത​ക​ളും നമുക്കു മറയ്‌ക്കാ​നാ​കും.

15. സഹോ​ദ​ര​ങ്ങ​ളോ​ടുള്ള സ്‌നേഹം ശക്തമാ​ണെ​ങ്കിൽ അതു നമ്മളെ എങ്ങനെ സഹായി​ക്കും? (കൊ​ലോ​സ്യർ 3:13)

¹⁵ സഹോ​ദ​ര​ങ്ങ​ളു​ടെ കുറവു​കൾ ക്ഷമിക്കാൻ കഴിയുന്ന അളവോ​ളം ശക്തമാ​യി​രി​ക്കണം അവരോ​ടുള്ള നമ്മുടെ സ്‌നേഹം. അത്‌ എപ്പോ​ഴും അത്ര എളുപ്പ​മാ​യി​രി​ക്ക​ണ​മെ​ന്നില്ല. (കൊ​ലോ​സ്യർ 3:13 വായി​ക്കുക.) എന്നാൽ നല്ല ശ്രമം ചെയ്‌തി​ട്ടാ​ണെ​ങ്കി​ലും അങ്ങനെ ക്ഷമിക്കു​ന്നെ​ങ്കിൽ അവരോ​ടു ശക്തമായ സ്‌നേ​ഹ​മു​ണ്ടെ​ന്നും യഹോ​വയെ സന്തോ​ഷി​പ്പി​ക്കാൻ നമ്മൾ ആഗ്രഹി​ക്കു​ന്നെ​ന്നും തെളി​യി​ക്കു​ക​യാ​യി​രി​ക്കും. മറ്റുള്ള​വ​രു​ടെ തെറ്റു​ക​ളും നമുക്ക്‌ അസ്വസ്ഥ​ത​യു​ണ്ടാ​ക്കുന്ന തരത്തി​ലുള്ള ചില സ്വഭാ​വ​ങ്ങ​ളും കണ്ടി​ല്ലെന്നു വെക്കാൻ വേറെ എന്തു നമ്മളെ സഹായി​ക്കും?

16-17. മറ്റുള്ള​വ​രു​ടെ ചെറി​യ​ചെ​റിയ തെറ്റുകൾ കണ്ടി​ല്ലെ​ന്നു​വെ​ക്കാൻ വേറെ എന്തും നമ്മളെ സഹായി​ക്കും? ഒരു ഉദാഹ​ര​ണ​ത്തി​ലൂ​ടെ വിശദീ​ക​രി​ക്കുക. (ചിത്ര​വും കാണുക.)

¹⁶ സഹോ​ദ​ര​ങ്ങ​ളു​ടെ മോശം ഗുണങ്ങ​ളി​ലല്ല നല്ല ഗുണങ്ങ​ളിൽ ശ്രദ്ധി​ക്കുക. ഇങ്ങനെ​യൊ​ന്നു ചിന്തി​ക്കുക: സഹോ​ദ​ര​ങ്ങ​ളോ​ടൊ​പ്പം നിങ്ങൾ ഒരു കൂടി​വ​ര​വി​നു വന്നിരി​ക്കു​ക​യാണ്‌. സന്തോ​ഷ​ക​ര​മായ ആ കൂടി​വ​ര​വി​നു ശേഷം എല്ലാവ​രും​കൂ​ടെ നിന്ന്‌ ഒരു ഫോട്ടോ എടുക്കാൻ തീരു​മാ​നി​ക്കു​ന്നു. ആദ്യം എടുക്കുന്ന ഫോട്ടോ ശരിയാ​യി​ല്ലെ​ങ്കി​ലോ എന്ന്‌ ഓർത്ത്‌ നിങ്ങൾ രണ്ടെണ്ണം​കൂ​ടെ എടുക്കു​ന്നു. അങ്ങനെ നിങ്ങളു​ടെ കൈയിൽ ഇപ്പോൾ മൂന്നു ഫോ​ട്ടോ​യുണ്ട്‌. എന്നാൽ ഒരു ഫോ​ട്ടോ​യിൽ ഒരാളു​ടെ മുഖത്ത്‌ ഒട്ടും ചിരി​യില്ല. ആ ഫോട്ടോ നിങ്ങൾ ഫോണിൽനിന്ന്‌ കളയും, ശരിയല്ലേ? കാരണം ആ സഹോ​ദരൻ ഉൾപ്പെടെ എല്ലാവ​രും നന്നായി ചിരി​ക്കുന്ന വേറെ രണ്ടു ഫോട്ടോ കൈയി​ലുണ്ട്‌.

¹⁷ നമ്മൾ സൂക്ഷി​ച്ചു​വെ​ക്കുന്ന ആ ഫോ​ട്ടോ​കളെ നമ്മൾ ഓർമ​യിൽ സൂക്ഷി​ക്കുന്ന കാര്യ​ങ്ങ​ളോ​ടു താരത​മ്യം ചെയ്യാം. സഹോ​ദ​ര​ങ്ങ​ളു​ടെ​കൂ​ടെ ആയിരു​ന്ന​പ്പോ​ഴത്തെ നല്ല ഓർമ​ക​ളാ​യി​രി​ക്കും പൊതു​വേ നമ്മൾ മനസ്സിൽ സൂക്ഷി​ക്കു​ന്നത്‌. എന്നാൽ ഏതെങ്കി​ലും ഒരു സമയത്ത്‌ ഒരു സഹോ​ദ​ര​നോ സഹോ​ദ​രി​യോ നമ്മളെ വിഷമി​പ്പി​ക്കുന്ന രീതി​യിൽ എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്‌തെ​ന്നി​രി​ക്കട്ടെ. നമുക്ക്‌ അപ്പോൾ എന്തു ചെയ്യാ​നാ​കും? നമ്മൾ എടുത്ത ഫോ​ട്ടോ​ക​ളിൽ ഒന്ന്‌ ഫോണിൽനിന്ന്‌ കളഞ്ഞതു​പോ​ലെ അതും മനസ്സിൽനിന്ന്‌ മായ്‌ച്ചു​ക​ള​യുക. (സുഭാ. 19:11; എഫെ. 4:32) ആ സഹോ​ദ​രന്റെ അല്ലെങ്കിൽ സഹോ​ദ​രി​യു​ടെ കൂടെ ആയിരു​ന്ന​പ്പോ​ഴത്തെ ഒരുപാ​ടു നല്ല ഓർമ​ക​ളു​ള്ള​തു​കൊണ്ട്‌ ആ ഒരു ചെറിയ തെറ്റു നമുക്കു മറന്നു​ക​ള​യാ​നാ​കും. കാരണം, നല്ല ഓർമകൾ മനസ്സിൽ സൂക്ഷി​ക്കാ​നാ​ണ​ല്ലോ നമ്മളെ​ല്ലാം ആഗ്രഹി​ക്കു​ന്നത്‌.

18. സ്‌നേ​ഹ​ത്തെ​ക്കു​റി​ച്ചുള്ള പ്രധാ​ന​പ്പെട്ട എന്തൊക്കെ കാര്യ​ങ്ങ​ളാ​ണു നമ്മൾ ഈ ലേഖന​ത്തിൽ പഠിച്ചത്‌?

¹⁸ തമ്മിൽത്ത​മ്മി​ലുള്ള സ്‌നേഹം നമ്മൾ ശക്തമാ​ക്കി​നി​റു​ത്തേ​ണ്ടത്‌ എന്തു​കൊ​ണ്ടാണ്‌? ഈ ലേഖന​ത്തിൽ കണ്ടതു​പോ​ലെ, സഹോ​ദ​ര​ങ്ങളെ സ്‌നേ​ഹി​ക്കു​ന്ന​തി​ലൂ​ടെ നമ്മൾ യഹോ​വയെ സ്‌നേ​ഹി​ക്കു​ന്നെന്നു തെളി​യി​ക്കു​ക​യാണ്‌. സഹോ​ദ​ര​ങ്ങളെ എങ്ങനെ​യെ​ല്ലാം സ്‌നേ​ഹി​ക്കാ​നാ​കും? ഒരു വിധം അവരെ ആശ്വസി​പ്പി​ക്കുക എന്നതാണ്‌. അനുക​മ്പ​യു​ണ്ടെ​ങ്കിൽ നമുക്കു ‘പരസ്‌പരം ആശ്വസി​പ്പി​ച്ചു​കൊ​ണ്ടി​രി​ക്കാ​നാ​കും.’ നമുക്ക്‌ എങ്ങനെ പരസ്‌പ​ര​മുള്ള സ്‌നേഹം ശക്തമാ​ക്കി​നി​റു​ത്താം? സഹോ​ദ​ര​ങ്ങ​ളു​ടെ തെറ്റുകൾ ക്ഷമിക്കാൻ ബുദ്ധി​മു​ട്ടാ​ണെന്നു തോന്നു​മ്പോൾപ്പോ​ലും അങ്ങനെ ചെയ്‌തു​കൊണ്ട്‌.

19. പരസ്‌പരം സ്‌നേ​ഹി​ക്കു​ന്നത്‌ ഇന്നു കൂടുതൽ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁹ നമ്മൾ പരസ്‌പരം സ്‌നേ​ഹി​ക്കു​ന്നത്‌ ഇന്നു കൂടുതൽ പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? അതിന്റെ കാരണ​ത്തെ​ക്കു​റിച്ച്‌ പത്രോസ്‌ അപ്പോ​സ്‌തലൻ പറയുന്നു: “എല്ലാത്തി​ന്റെ​യും അവസാനം അടുത്തി​രി​ക്കു​ന്നു. അതു​കൊണ്ട്‌ . . . പരസ്‌പരം അഗാധ​മാ​യി സ്‌നേ​ഹി​ക്കണം.” (1 പത്രോ. 4:7, 8) ഈ ദുഷ്ട​ലോ​കം അതിന്റെ അവസാ​ന​ത്തോ​ടു കൂടു​തൽക്കൂ​ടു​തൽ അടുക്കു​മ്പോൾ നമുക്ക്‌ എന്തു പ്രതീ​ക്ഷി​ക്കാം? തന്റെ അനുഗാ​മി​ക​ളെ​ക്കു​റിച്ച്‌ യേശു ഇങ്ങനെ​യൊ​രു കാര്യം മുൻകൂ​ട്ടി​പ്പ​റഞ്ഞു: “എന്റെ പേര്‌ നിമിത്തം എല്ലാ ജനതക​ളും നിങ്ങളെ വെറു​ക്കും.” (മത്താ. 24:9) അത്തരം പ്രശ്‌ന​ങ്ങ​ളൊ​ക്കെ ഉണ്ടാകു​മ്പോൾ യഹോ​വ​യോ​ടു വിശ്വ​സ്‌ത​രാ​യി തുടരാൻ കഴിയ​ണ​മെ​ങ്കിൽ നമ്മളെ​ല്ലാം ഐക്യ​ത്തി​ലാ​യി​രി​ക്കേ​ണ്ട​തുണ്ട്‌. നമ്മുടെ ഇടയിൽ ഐക്യ​മു​ണ്ടെ​ങ്കിൽ സാത്താനു നമ്മളെ ഭിന്നി​പ്പി​ക്കാ​നാ​കില്ല. കാരണം നമ്മളെ ചേർത്ത്‌ നിറു​ത്തു​ന്നത്‌ ആളുകളെ ‘ഒറ്റക്കെ​ട്ടാ​യി നിറു​ത്താൻ കഴിവുള്ള സ്‌നേ​ഹ​മാണ്‌.’—കൊലോ. 3:14; ഫിലി. 2:1, 2.