അന്ത്യം അടുത്തു​വ​രു​മ്പോൾ യഹോ​വയെ ശ്രദ്ധിക്കൽ

“എന്നെ ശ്രദ്ധി​ക്കുന്ന മനുഷ്യൻ സന്തുഷ്ട​നാ​കു​ന്നു . . . എന്തെന്നാൽ എന്നെ കണ്ടെത്തു​ന്നവൻ തീർച്ച​യാ​യും ജീവൻ കണ്ടെത്തും.”—സദൃശ​വാ​ക്യ​ങ്ങൾ 8:34, 35.

1, 2. (എ) മനുഷ്യ​ച​രി​ത്ര​ത്തി​ലു​ട​നീ​ളം സമാധാ​ന​രാ​ഹി​ത്യ​മു​ണ്ടാ​യി​രുന്നി​ട്ടും, ചിലർ ഇപ്പോൾ എന്തു പറയുന്നു? (ബി) മനുഷ്യ​ശ്ര​മ​ങ്ങ​ളാൽ യഥാർത്ഥ​സ​മാ​ധാ​നം വരുക അസാദ്ധ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

ചരി​ത്ര​ത്തി​ലു​ട​നീ​ള​മുള്ള സമാധാ​ന​മി​ല്ലായ്‌മ ഗണ്യമാ​ക്കാ​തെ, വിശേ​ഷിച്ച്‌ ഈ 20-ാം നൂററാ​ണ്ടിൽ, തങ്ങളുടെ പ്രശ്‌ന​ങ്ങൾക്കു പരിഹാ​ര​മു​ണ്ടാ​ക്കാൻ ജനതകൾ നടപടി​കൾ സ്വീക​രി​ക്കു​ക​യാ​ണെന്ന്‌ ചിലർ പറയുന്നു. സമാധാ​ന​ത്തെ​ക്കു​റി​ച്ചു സംസാ​രി​ക്കാൻ ലോക​നേ​താ​ക്കൻമാർ ഉച്ചകോ​ടി സമ്മേള​നങ്ങൾ നടത്തു​ക​യും വിവിധ ഉടമ്പടി​കൾ ഒപ്പു​വെ​ക്കു​ക​യും ചെയ്യു​ന്നു​വെന്ന വസ്‌തു​ത​യി​ലേക്ക്‌ അവർ വിരൽചൂ​ണ്ടു​ന്നു. എന്തിന​ധി​കം, ഐക്യ​രാ​ഷ്‌ട്രങ്ങൾ കഴിഞ്ഞ​വർഷത്തെ “അന്താരാ​ഷ്‌ട്ര സമാധാ​ന​വർഷ”മായി പ്രഖ്യാ​പി​ക്കു​ക​പോ​ലും ചെയ്‌തു!, സമീപ​ഭാ​വി​യിൽ വിജയ​സാ​ദ്ധ്യ​ത​യോ​ടെ സമാധാ​നത്തെ പ്രോ​ത്സാ​ഹി​പ്പി​ക്കു​ന്ന​തിന്‌ രാഷ്‌ട്ര​ങ്ങ​ളു​ടെ ഒരു കൂടു​ത​ലായ ശ്രമത്തി​ന്റെ തുടക്ക​മാ​യി​രി​ക്കും ഇതെന്ന്‌ ആശിച്ചി​രു​ന്നു.

² ഏതായാ​ലും, ചരി​ത്ര​ത്തി​ലെ​ല്ലാം സമാന​മായ ശ്രമങ്ങൾ എന്നെങ്കി​ലും ശാശ്വ​ത​സ​മാ​ധാ​നം കൈവ​രു​ത്തി​യി​ട്ടു​ണ്ടോ? അത്‌ മാനു​ഷി​ക​മാ​യി സാദ്ധ്യ​മാ​യി​രു​ന്നെ​ങ്കിൽ, പണ്ടേതന്നെ, 160-ൽ പരം രാഷ്‌ട്ര​ങ്ങ​ളാ​യി പിരി​ഞ്ഞി​രി​ക്കു​ന്ന​തും രാഷ്‌ട്രീ​യ​വും സാമ്പത്തി​ക​വും സാമൂ​ഹി​ക​വും മതപര​വു​മായ എണ്ണമററ തത്വശാ​സ്‌ത്ര​ങ്ങ​ളോ​ടു കൂടി​യ​തു​മായ അഞ്ഞൂറു​കോ​ടി ആളുകൾ ഭൂമി​യിൽ ഉണ്ടാകു​ന്ന​തി​നു​മുൻപ്‌, സമാധാ​നം നിലവിൽ വരുമാ​യി​രു​ന്നു. എന്നാൽ ഒരിക്ക​ലും സമാധാ​നം ഉണ്ടായി​ട്ടില്ല; ഈ ലോക​നേ​താ​ക്കൻമാ​രു​ടെ ശ്രമങ്ങ​ളാൽ ഒരിക്ക​ലും സമാധാ​നം സംജാ​ത​മാ​കു​ക​യു​മില്ല. എന്തു​കൊ​ണ്ടില്ല? മനുഷ്യ​ശ്ര​മ​ങ്ങ​ളാൽ മാത്രം പരിഹ​രി​ക്ക​പ്പെ​ടാൻ കഴിയാ​ത്ത​വി​ധം മനുഷ്യ​വർഗ്ഗ​ത്തി​ന്റെ പ്രശ്‌നങ്ങൾ ഇപ്പോൾ വളരെ ഗുരു​ത​ര​മാ​ണെ​ന്നു​ള്ള​താണ്‌ ഒരു കാരണം. യിരെ​മ്യാവ്‌ 10:23 വളരെ ശരിയാ​യി പറയു​ന്ന​തു​പോ​ലെ: “തന്റെ ചുവടി​നെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള്ളതല്ല.”

മനുഷ്യ ശ്രമങ്ങൾക്ക്‌ വിജയി​ക്കാൻ കഴിയാ​ത്ത​തി​ന്റെ കാരണം

3. വേറെ ഏതു കാരണ​ത്താൽ മനുഷ്യ​രും രാഷ്‌ട്ര​ങ്ങ​ളും ഒരിക്ക​ലും യഥാർത്ഥ​സ​മാ​ധാ​നം കൈവ​രു​ത്തു​ക​യില്ല?

³ മനുഷ്യ​രു​ടെ​യും രാഷ്‌ട്ര​ങ്ങ​ളു​ടെ​യും ശ്രമങ്ങൾക്ക്‌ ഒരിക്ക​ലും യഥാർത്ഥ​സ​മാ​ധാ​നം കൈവ​രു​ത്താൻ കഴിയാ​ത്ത​തിന്‌ മറെറാ​രു കാരണ​മുണ്ട്‌. “മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൻ കീഴിൽ കിടക്കു​ന്നു”വെന്ന്‌ പറഞ്ഞു​കൊണ്ട്‌ ബൈബിൾ 1 യോഹ​ന്നാൻ 5:19-ൽ അതിനെ പരാമർശി​ക്കു​ന്നു. ദുഷ്ടനാ​യവൻ “മുഴു​നി​വ​സിത ഭൂമി​യെ​യും വഴി​തെ​റ​റി​ക്കുന്ന പിശാ​ചും സാത്താ​നു​മെന്നു വിളി​ക്ക​പ്പെ​ടു​ന്നവൻ” ആണെന്ന്‌ വെളി​പ്പാട്‌ 12:9 സൂചി​പ്പി​ക്കു​ന്നു. രണ്ടു കൊരി​ന്ത്യർ 4:4 അവനെ “ഈ വ്യവസ്ഥി​തി​യു​ടെ ദൈവം” എന്നു വിളി​ക്കു​ന്നു. അങ്ങനെ, ഇത്രയ​ധി​കം അക്രമം ഉളവാ​ക്കി​യി​ട്ടുള്ള രാഷ്‌ട്രീ​യ​വും സാമ്പത്തി​ക​വും മതപര​വു​മായ ഭരണത്തി​ന്റെ ഇപ്പോ​ഴത്തെ മുഴു വ്യവസ്ഥി​തി​യും സാത്താന്റെ ഭരണത്തി​ന്റെ ഉല്‌പ​ന്ന​മാണ്‌, ദൈവ​ത്തി​ന്റെ ഭരണത്തി​ന്റേതല്ല. അതു​കൊ​ണ്ടാണ്‌ ദൈവ​ത്തിൽനിന്ന്‌ വരുന്ന ജ്ഞാന​ത്തെ​ക്കു​റി​ച്ചു സംസാ​രി​ക്കു​മ്പോൾ “ഈ ജ്ഞാനം ഈ വ്യവസ്ഥി​തി​യി​ലെ ഭരണാ​ധി​കാ​രി​ക​ളിൽ ഒരുവൻപോ​ലും അറിയാ​നി​ട​യാ​യില്ല” എന്ന്‌ 1 കൊരി​ന്ത്യർ 2:8 പറയു​ന്നത്‌.—ലൂക്കോസ്‌ 4:5, 6.

4. നമ്മുടെ ആദ്യമാ​താ​പി​താ​ക്കൾ യഹോ​വയെ ശ്രദ്ധി​ക്കു​ന്നതു നിർത്തി​യ​ശേഷം എന്തുണ്ടാ​യി?

⁴ സാത്താൻ ദൈവ​ത്തി​നെ​തി​രാ​യി മത്സരി​ച്ച​പ്പോൾ നമ്മുടെ ആദ്യമാ​താ​പി​താ​ക്കൾ ദൈവത്തെ ശ്രദ്ധി​ക്കു​ന്ന​തി​നു പകരം അവനെ ശ്രദ്ധി​ക്കാൻ അവൻ പ്രേരി​പ്പി​ച്ചു. തൽഫല​മാ​യി, അവർ ദൈവ​ത്തോ​ടുള്ള അനുസ​ര​ണ​ത്തിൽനിന്ന്‌ വ്യതി​ച​ലി​ക്കു​ക​യും മനുഷ്യ​കു​ടും​ബ​ത്തിൻമേൽ ഏതാണ്ട്‌ 6000 വർഷത്തെ കഠിന​വേദന വരുത്തി​ക്കൂ​ട്ടു​ക​യും ചെയ്‌തു. തങ്ങളുടെ സ്രഷ്ടാ​വി​നെ ശ്രദ്ധി​ക്കാ​തി​രി​ക്കു​ന്നത്‌ തങ്ങൾക്ക്‌ മെച്ചമാ​യി​രി​ക്കു​മെന്നു വിശ്വ​സി​ക്കാൻ സാത്താൻ മനുഷ്യ​രെ പ്രേരി​പ്പി​ച്ചു​വെന്ന്‌ ബൈബിൾ വ്യക്തമാ​യി നമ്മോടു പറയുന്നു. (ഉല്‌പത്തി 3:1-5) ഈ കാലം​വ​രെ​യും തന്റെ മാർഗ്ഗ​നിർദ്ദേശം കൂടാതെ സ്വന്തനി​ല​യിൽ മുന്നോ​ട്ടു പോകാൻ യഹോവ തന്റെ ജ്ഞാനത്തിൽ പൊതു മനുഷ്യ​വർഗ്ഗ​ലോ​കത്തെ അനുവ​ദി​ച്ചു. തീർച്ച​യാ​യും, മാനുഷ ഭരണം ഒരു പരാജ​യ​മാ​ണെന്ന്‌ ഈ നൂററാ​ണ്ടു​ക​ളി​ലെ​ല്ലാം മതിയാ​യി പ്രകട​മാ​ക്ക​പ്പെ​ട്ടി​രി​ക്കു​ന്നു.—ആവർത്തനം 32:5; സഭാ​പ്ര​സം​ഗി 8:9.

5. മനുഷ്യ​ശ്ര​മ​ങ്ങ​ളാൽ സമാധാ​നം കൈവ​രു​ത്താൻ കഴിഞ്ഞാൽപോ​ലും, പിന്നെ​യും നമ്മോ​ടു​കൂ​ടെ എന്തുണ്ടാ​യി​രി​ക്കും?

⁵ മാത്ര​വു​മല്ല, ആദാമും ഹവ്വായും അവരുടെ പൂർണ്ണ​ത​യുള്ള ജീവന്റെ ഉറവായ യഹോ​വയെ ശ്രദ്ധി​ക്കു​ന്നതു നിർത്തി​യ​പ്പോൾ അവർ അപൂർണ്ണ​രാ​യി​ത്തീ​രു​ക​യും ഒടുവിൽ മരിക്കു​ക​യും ചെയ്‌തു. അങ്ങനെ അവരുടെ സന്തതി​ക​ളെ​ല്ലാം അപൂർണ്ണ​രാ​യി ജനിച്ചു. രോഗ​വും വാർദ്ധ​ക്യ​വും മരണവും മനുഷ്യ​വർഗ്ഗ​ത്തി​ന്റെ ഭാഗ​ധേ​യ​മാ​യി​ത്തീർന്നു. (റോമർ 5:12) അതു​കൊണ്ട്‌, സമാധാ​നം കൈവ​രു​ത്തു​ന്ന​തിൽ മനുഷ്യർക്കു വിജയി​ക്കാൻ കഴിഞ്ഞാൽപോ​ലും, അവർക്ക്‌ അവകാ​ശ​പ്പെ​ടു​ത്തിയ അപൂർണ്ണത പരിഹ​രി​ക്കാൻ കഴിക​യില്ല. നാം പിന്നെ​യും രോഗ​ബാ​ധി​ത​രാ​യി​ത്തീ​രു​ക​യും വാർദ്ധ​ക്യം പ്രാപി​ക്കു​ക​യും മരിക്കു​ക​യും ചെയ്യും. സാത്താൻ ഇതിന്‌ ഉത്തരവാ​ദി​യാ​യി​രു​ന്ന​തു​കൊണ്ട്‌ യേശു അവനെ​ക്കു​റിച്ച്‌, “അവൻ തുടങ്ങി​യ​പ്പോൾത്തന്നെ, അവൻ ഒരു ഘാതകൻ [അതെ, ഒരു കൊല​പാ​തകി] ആയിരു​ന്നു. അവൻ സത്യത്തിൽ ഉറച്ചു നിന്നില്ല” എന്ന്‌ യോഹ​ന്നാൻ 8:44-ൽ പറയു​ക​യു​ണ്ടാ​യി. യഥാർത്ഥ​ത്തിൽ, കഴിഞ്ഞ കാലത്തു ജീവി​ക്കു​ക​യും മരിക്കു​ക​യും ചെയ്‌ത ശതകോ​ടി​ക​ളെ​ക്കു​റി​ച്ചു ചിന്തി​ക്കു​മ്പോൾ സാത്താൻ അവരെ​യെ​ല്ലാം കൊല​ചെ​യ്‌ത​തു​പോ​ലെ​യാണ്‌.

6. സമാധാ​നം തകർക്കു​ന്നവർ ആരാണ്‌, അവർക്ക്‌ എന്തു ഭവിക്കും?

⁶ സാത്താൻ മത്സരത്തിൽ തന്നോടു ചേരാൻ മററ്‌ ആത്മജീ​വി​ക​ളെ​യും പ്രേരി​പ്പി​ച്ചു. ഈ ദുഷ്ട​രെ​ല്ലാം യഹോവ സംസാ​രി​ച്ച​പ്പോൾ ശ്രദ്ധി​ക്കാൻ വിസമ്മ​തി​ച്ചു. അങ്ങനെ, സാത്താ​നും അവന്റെ ഭൂതങ്ങ​ളും മത്സരി​ക​ളായ മനുഷ്യ​രു​മാണ്‌ ഈ ലോകത്തെ അതിന്റെ ഇപ്പോ​ഴത്തെ അവസ്ഥയി​ലാ​ക്കി​യി​രി​ക്കു​ന്നത്‌. അവരെ​യെ​ല്ലാം വഴിയിൽനിന്ന്‌ നീക്കം ചെയ്യു​ക​യും ദൈവത്തെ വിട്ടുള്ള സ്വാത​ന്ത്ര്യ​ത്തി​ന്റെ 6000 വർഷത്തെ ഈ അപകട​ക​ര​മായ പരീക്ഷ​ണത്തെ അവസാ​നി​പ്പി​ക്കു​ക​യും ചെയ്യേ​ണ്ട​താണ്‌. “സമാധാ​നം നൽകുന്ന ദൈവം താമസി​യാ​തെ സാത്താനെ”യും അവന്റെ ഭൂതങ്ങ​ളെ​യും, ദൈവം സംസാ​രി​ക്കു​മ്പോൾ ശ്രദ്ധി​ക്കാൻ വിസമ്മ​തി​ക്കുന്ന സകല മനുഷ്യ​രെ​യും “തകർത്തു​ക​ള​യും” എന്ന്‌ റോമർ 16:20 നമുക്ക്‌ ഉറപ്പു​നൽകു​ന്നു.—മത്തായി 25:41.

ഇപ്പോൾ ശ്രദ്ധി​ക്കേ​ണ്ട​തി​ന്റെ വർദ്ധിച്ച ആവശ്യം

7. നാം ഇപ്പോൾ യഹോ​വയെ സേവി​ക്കു​ന്ന​തി​നുള്ള നമ്മുടെ ശ്രമങ്ങളെ ശക്തീക​രി​ക്കേ​ണ്ട​തെ​ന്തു​കൊണ്ട്‌?

⁷ നാം ഇപ്പോൾ ഈ “അന്ത്യനാ​ളു​ക​ളു​ടെ” അന്തിമ​ഭാ​ഗത്ത്‌ വളരെ ആഴത്തിൽ വന്നെത്തി​യി​രി​ക്കു​ക​യാണ്‌. (2 തിമൊ​ഥെ​യോസ്‌ 3:1-5) തൽഫല​മാ​യി, യഹോവ നമ്മോടു പറയു​ന്നതു ശ്രദ്ധി​ക്കേ​ണ്ട​തി​ന്റെ ആവശ്യം എന്നെ​ത്തേ​തി​ലും വലുതാണ്‌. അവനെ സേവി​ക്കു​ന്ന​തിന്‌ ത്യാഗങ്ങൾ സഹിക്കു​ന്ന​തി​നുള്ള നമ്മുടെ സന്നദ്ധതയെ ശക്തമാ​ക്കേ​ണ്ട​തി​ന്റെ ആവശ്യ​വും തൽസമാ​ന​മാ​യി ഉണ്ട്‌. നമ്മുടെ ശ്രമങ്ങളെ ശക്തമാ​ക്കു​ന്നത്‌ എന്തിന്‌? എന്തു​കൊ​ണ്ടെ​ന്നാൽ തനിക്ക്‌ “അല്‌പ​കാ​ല​ഘട്ടം” മാത്രമേ ഉള്ളു​വെന്ന്‌ സാത്താന്‌ അറിയാം. (വെളി​പ്പാട്‌ 12:12) അതു​കൊണ്ട്‌ ദുഷി​പ്പി​ക്കാ​നും നശിപ്പി​ക്കാ​നു​മുള്ള അവന്റെ ശ്രമങ്ങളെ അവൻ തീർച്ച​യാ​യും ശക്തമാ​ക്കും.

8. (എ) പ്രസം​ഗ​വേ​ലയെ അതിന്റെ ശത്രു​ക്കൾക്ക്‌ നിർത്താൻ കഴിയാ​ത്ത​തെ​ന്തു​കൊണ്ട്‌? (ബി) ദിവ്യ​പി​ന്തുണ നിലനിർത്താൻ നാം എന്തു ചെയ്യേ​ണ്ട​താണ്‌?

⁸ രാജ്യ​സു​വാർത്ത പ്രസം​ഗി​ക്കു​ന്ന​തിൽനിന്ന്‌ യഹോ​വ​യു​ടെ സാക്ഷി​കളെ തടയാൻ സാത്താൻ വിശേ​ഷാൽ ആഗ്രഹി​ക്കും. എന്നാൽ അവന്‌ സാദ്ധ്യ​മാ​കു​ക​യില്ല, എന്തു​കൊ​ണ്ടെ​ന്നാൽ “നിന​ക്കെ​തി​രെ രൂപ​പ്പെ​ടു​ത്തുന്ന ഏതൊരു ആയുധ​വും വിജയി​ക്കു​ക​യില്ല” എന്ന്‌ യഹോവ അവരോ​ടു വാഗ്‌ദത്തം ചെയ്‌തി​ട്ടുണ്ട്‌. (യെശയ്യാവ്‌ 54:17) തന്റെ ദാസൻമാ​രെ എതിർക്കു​ന്നവർ “യഥാർത്ഥ​ത്തിൽ ദൈവ​ത്തി​നെ​തി​രെ പോരാ​ടു​ന്നവർ എന്നും കണ്ടെത്ത​പ്പെ​ടും.” (പ്രവൃ​ത്തി​കൾ 5:38, 39) അതു​കൊണ്ട്‌, യഹോ​വ​യു​ടെ ആത്മാവി​ന്റെ​യും, ക്രിസ്‌തു​യേ​ശു​വി​ന്റെ​യും, ദൂത​സൈ​ന്യ​സ​മൂ​ഹ​ങ്ങ​ളു​ടെ​യും ശക്തമായ പിന്തു​ണ​യാൽ രാജ്യ​പ്ര​ഘോ​ഷ​ണ​വേല ഓരോ വർഷവും ശക്തി​പ്രാ​പി​ച്ചു​വ​രു​ക​യാണ്‌. ആ ദിവ്യ​പി​ന്തുണ നിലനിർത്തു​ന്ന​തിന്‌, യഹോ​വ​യു​ടെ ദാസൻമാർ യാക്കോബ്‌ 4:7, 8-ലെ ബുദ്ധി​യു​പ​ദേശം അനുസ​രി​ക്കാൻ ശ്രദ്ധാ​ലു​ക്ക​ളാണ്‌: “അതു​കൊണ്ട്‌, ദൈവ​ത്തിന്‌ കീഴ്‌പ്പെ​ടുക; എന്നാൽ പിശാ​ചി​നെ എതിർക്കുക, അപ്പോൾ അവൻ നിങ്ങളെ വിട്ട്‌ ഓടി​പ്പോ​കും. ദൈവ​ത്തോട്‌ അടുത്തു ചെല്ലുക, അവൻ നിങ്ങ​ളോട്‌ അടുത്തു​വ​രും.”

9. നാം സാത്താനെ താഴ്‌ത്തി​മ​തി​ക്ക​രു​താ​ത്ത​തെ​ന്തു​കൊണ്ട്‌?

⁹ വഞ്ചനക്കും ഉപദ്ര​വ​ത്തി​നു​മുള്ള സാത്താന്റെ പ്രാപ്‌തി​യെ താഴ്‌ത്തി മതിക്ക​രുത്‌. ദൈവ​വ​ചനം ഇങ്ങനെ മുന്നറി​യി​പ്പു നൽകുന്നു: “ജാഗ്രത പാലി​ക്കുക, ഉണർന്നി​രി​ക്കുക. നിങ്ങളു​ടെ എതിരാ​ളി​യായ പിശാച്‌ ആരെ​യെ​ങ്കി​ലും വിഴു​ങ്ങാൻ ശ്രമി​ച്ചു​കൊണ്ട്‌ അലറുന്ന സിംഹ​ത്തെ​പ്പോ​ലെ, അങ്ങുമി​ങ്ങും നടക്കു​ക​യാണ്‌. എന്നാൽ വിശ്വാ​സ​ത്തിൽ ഉറച്ചവ​രാ​യി അവനെ​തി​രെ നില​കൊ​ള്ളുക.” (1 പത്രോസ്‌ 5:8, 9) ഒരു ഭ്രാന്തൻ സിംഹം പരിസ​രത്തു വിഹരി​ക്കു​ന്നു​ണ്ടെന്ന്‌ നിങ്ങൾ അറിയു​ന്നു​വെ​ങ്കിൽ നിങ്ങ​ളേ​ത്ത​ന്നെ​യും നിങ്ങളു​ടെ കുടും​ബ​ത്തെ​യും സംരക്ഷി​ക്കു​ന്ന​തിന്‌ നിങ്ങൾ കരുതൽ നടപടി​കൾ സ്വീക​രി​ക്കും. സാത്താന്റെ കാര്യ​ത്തിൽ നാം അതിലു​മ​ധി​കം ജാഗ്രത പുലർത്തേ​ണ്ട​താണ്‌, എന്തു​കൊ​ണ്ടെ​ന്നാൽ അവന്‌ നമുക്ക്‌ നിത്യ​ദ്രോ​ഹം ചെയ്യാൻ കഴിയും. സങ്കടക​ര​മെന്നു പറയട്ടെ, മിക്ക ആളുക​ളും സംരക്ഷ​ണ​മി​ല്ലാ​ത്ത​വ​രാണ്‌, കാരണം സാത്താൻ സ്ഥിതി​ചെ​യ്യു​ന്നു​വെ​ന്നു​പോ​ലും അവർക്ക​റി​യാൻ പാടില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ അവർ യഹോ​വ​യു​ടെ വചനം ശ്രദ്ധി​ക്കാൻ ഇഷ്ടപ്പെ​ടു​ന്നില്ല. ആ ചീത്ത തെര​ഞ്ഞെ​ടു​പ്പി​ന്റെ ഫലമെ​ന്താ​യി​രി​ക്കും? “ഒരു മനുഷ്യൻ വിതയ്‌ക്കു​ന്നത്‌ എന്തുത​ന്നെ​യാ​യാ​ലും, അത്‌ അയാൾ കൊയ്യു​ക​യും ചെയ്യും.”—ഗലാത്യർ 6:7.

അവർ “സമാധാ​ന​വും സുരക്ഷി​ത​ത്വ​വും!” എന്ന്‌ ഉദ്‌ഘോ​ഷി​ക്കു​മ്പോൾ

10, 11. (എ) സമാധാ​നം കൈവ​രു​ത്തു​ന്ന​തിൽ രാഷ്‌ട്ര​ങ്ങൾക്കു ലഭി​ച്ചേ​ക്കാ​വുന്ന ഏതു വിജയം സംബന്ധി​ച്ചും നാം എന്തു മനസ്സിൽ പിടി​ക്കണം? (ബി) നമ്മുടെ കാലത്തെ രാഷ്‌ട്ര​ങ്ങ​ളു​ടെ സമാധാ​നാ​ന്വേ​ഷ​ണ​ത്തോട്‌ ഏതു ബൈബിൾ പ്രവച​ന​ത്തി​നു ബന്ധമുണ്ട്‌? (സി) അങ്ങനെ​യുള്ള ഏതു സമാധാ​ന​വും എത്ര ശാശ്വ​ത​മാ​യി​രി​ക്കും?

¹⁰ സമാധാ​നം കൈവ​രു​ത്തു​ന്ന​തിൽ രാഷ്‌ട്ര​ങ്ങൾക്ക്‌ ലഭി​ച്ചേ​ക്കാ​വുന്ന ഏതു വിജയ​ത്താ​ലും ജാഗ്രത വെടി​യ​രുത്‌. ആ ലക്ഷ്യത്തിൽ ഈ ലോക​ത്തി​ലെ ഏജൻസി​ക​ളെ​യൊ​ന്നി​നെ​യും യഹോവ ഉപയോ​ഗി​ക്കു​ന്നി​ല്ലെന്ന്‌ എല്ലായ്‌പ്പോ​ഴും ഓർത്തി​രി​ക്കുക. യഥാർത്ഥ​സ​മാ​ധാ​നം കൈവ​രു​ത്തു​ന്ന​തിന്‌ യഹോ​വ​യ്‌ക്ക്‌ സ്വന്തം മാർഗ്ഗ​മുണ്ട്‌. അത്‌ ക്രിസ്‌തു​വിൻ കീഴിലെ അവന്റെ രാജ്യം മുഖാ​ന്തരം മാത്ര​മാണ്‌. തന്നിമി​ത്തം സമാധാ​നം സ്ഥാപി​ക്കു​ന്ന​തിൽ രാഷ്‌ട്ര​ങ്ങൾക്ക്‌ ലഭി​ച്ചേ​ക്കാ​വുന്ന ഏതു വിജയ​വും ഹ്രസ്വ​വും ഒരു പുറം​പൂ​ച്ചു​മാ​യി​രി​ക്കും. യാതൊ​ന്നി​നും യഥാർത്ഥ​മാ​ററം വന്നിട്ടു​ണ്ടാ​യി​രി​ക്ക​യില്ല. കുററ​കൃ​ത്യ​വും അക്രമ​വും യുദ്ധവും വിശപ്പും ദാരി​ദ്ര്യ​വും കുടും​ബ​ശൈ​ഥി​ല്യ​വും ദുർമ്മാർഗ്ഗ​വും രോഗ​വും മരണവും സാത്താ​നും അവന്റെ ഭൂതങ്ങ​ളു​മെ​ല്ലാം യഹോവ അവയെ നീക്കു​ന്ന​തു​വരെ നമ്മോ​ടു​കൂ​ടെ ഉണ്ടായി​രി​ക്കും. “യഹോ​വ​തന്നെ വീടു പണിയാ​ത്ത​പക്ഷം, അതിന്റെ പണിക്കാർ അതിന്‌ കഠിന​വേല ചെയ്‌തി​രി​ക്കു​ന്നത്‌ വ്യർത്ഥ​മാ​യി​ട്ടാണ്‌.”—സങ്കീർത്തനം 127:1.

¹¹ രാഷ്‌ട്രങ്ങൾ നമ്മുടെ കാലത്ത്‌ സമാധാ​ന​ത്തി​നാ​യി ഒരു തീവ്ര​യ​ത്‌നം നടത്തു​മെന്ന്‌ ബൈബിൾ പ്രവചനം പ്രകട​മാ​ക്കു​ക​തന്നെ ചെയ്യുന്നു. അത്‌ ഇങ്ങനെ പറയുന്നു: “യഹോ​വ​യു​ടെ ദിവസം രാത്രി​യി​ലെ ഒരു കള്ളനെ​പ്പോ​ലെ വരുന്നു​വെന്ന്‌ നിങ്ങൾക്കു​തന്നെ നന്നായി അറിയാം. അവർ ‘സമാധാ​ന​വും സുരക്ഷി​ത​ത്വ​വും!’ എന്നു പറയു​ന്നത്‌ എപ്പോ​ഴാ​യാ​ലും അപ്പോൾ ഗർഭി​ണിക്ക്‌ പ്രസവ​വേ​ദ​ന​യെ​ന്ന​പോ​ലെ പെട്ടെ​ന്നുള്ള നാശം അവരു​ടെ​മേൽ ക്ഷണത്തിൽ വരേണ്ട​താണ്‌; അവർ യാതൊ​രു പ്രകാ​ര​ത്തി​ലും രക്ഷപ്പെ​ടു​ക​യില്ല.” (1 തെസ്സ​ലോ​നീ​ക്യർ 5:2, 3) “സമാധാ​ന​വും സുരക്ഷി​ത​ത്വ​വും!” എന്ന ആ ഉദ്‌ഘോ​ഷം ഈ ലോക​ത്തി​ന്റെ അധഃപ​തനം മാറി​യെന്ന്‌ അർത്ഥമാ​ക്കു​ക​യില്ല. “ദുഷ്ടമ​നു​ഷ്യ​രും വഞ്ചകരും ചീത്തത്വ​ത്തിൽ അധിക​മ​ധി​കം മുന്നേറു”മെന്ന്‌ 2 തിമൊ​ഥെ​യോസ്‌ 3:13 പറയുന്നു. യാഥാർത്ഥ്യം പിന്നെ​യും ഒരു പാരി​സ്ഥി​തിക സ്ഥാപന​ത്തി​ന്റെ തലവൻ പറഞ്ഞതു​പോ​ലെ​യാ​യി​രി​ക്കും: “സമുദാ​യത്തെ അഭിമു​ഖീ​ക​രി​ക്കുന്ന മുഖ്യ പ്രശ്‌നം അത്‌ ഭരിക്കാൻ കഴിയാ​ത്ത​താ​യി​രി​ക്കു​ന്നു​വെ​ന്ന​താണ്‌.”

12. യഹോ​വ​യു​ടെ ദാസൻമാർക്ക്‌ ആസന്നമാ​യി​രി​ക്കുന്ന ‘സമാധാ​ന​വും സുരക്ഷി​ത​ത്വ​വും’ എന്ന ഉദ്‌ഘോ​ഷ​ത്തി​ന്റെ യഥാർത്ഥ പ്രാധാ​ന്യ​ത്തെ​ക്കു​റിച്ച്‌ എന്തറി​യാം?

¹² ലോക​ത്തി​ലെ അനേകർ ആസന്നമാ​യി​രി​ക്കുന്ന “സമാധാ​ന​വും സുരക്ഷി​ത​ത്വ​വും!” എന്ന ഉദ്‌ഘോഷ കാലത്ത്‌ വ്യാജ പ്രത്യാ​ശ​ക​ളാൽ വഞ്ചിക്ക​പ്പെ​ടും. എന്നാൽ യഹോ​വ​യു​ടെ ദാസൻമാർ കബളി​പ്പി​ക്ക​പ്പെ​ടു​ക​യില്ല, എന്തു​കൊ​ണ്ടെ​ന്നാൽ ദൈവം സംസാ​രി​ക്കു​മ്പോൾ അവർ ശ്രദ്ധി​ക്കു​ന്നു. അങ്ങനെ അത്തര​മൊ​രു പ്രഖ്യാ​പനം യഥാർത്ഥ സമാധാ​ന​വും സുരക്ഷി​ത​ത്വ​വും കൈവ​രു​ത്തു​ക​യി​ല്ലെന്ന്‌ അവന്റെ വചനത്തിൽനിന്ന്‌ അവർക്ക​റി​യാം. പകരം, യഥാർത്ഥ​ത്തിൽ അത്‌ “പെട്ടെ​ന്നുള്ള നാശം അവരു​ടെ​മേൽ ക്ഷണത്തിൽ വരാ”നിരി​ക്കു​ന്നു​വെ​ന്ന​തി​ന്റെ അന്തിമ സിഗ്നൽ ആയിരി​ക്കും. അത്‌ നമ്മുടെ കാല​ത്തേക്ക്‌ യേശു മുൻകൂ​ട്ടി പറഞ്ഞ “മഹോ​പ​ദ്രവ”ത്തിന്റെ ആസന്നമായ തുടക്കത്തെ വിളി​ച്ച​റി​യി​ക്കും. അവൻ ഇങ്ങനെ പറഞ്ഞു: “എന്തെന്നാൽ ലോകാ​രം​ഭം മുതൽ ഇപ്പോൾ വരെ സംഭവി​ച്ചി​ട്ടി​ല്ലാ​ത്ത​തും വീണ്ടും സംഭവി​ക്കു​ക​യി​ല്ലാ​ത്ത​തു​മായ മഹോ​പ​ദ്രവം അന്നുണ്ടാ​യി​രി​ക്കും.”—മത്തായി 24:21.

13. ബൈബിൾ മനുഷ്യ​ഭ​ര​ണാ​ധി​പ​ത്യ​ങ്ങ​ളു​ടെ അവസാ​നത്തെ വർണ്ണി​ക്കു​ന്ന​തെ​ങ്ങനെ?

¹³ “മഹോ​പ​ദ്രവ” കാലത്ത്‌ മനുഷ്യ​ഭ​ര​ണ​ത്തിന്‌ അറുതി​വ​രു​ത്ത​പ്പെ​ടും. സങ്കീർത്തനം 2:2-6 ഇങ്ങനെ പറയുന്നു: “ഭൂമി​യി​ലെ രാജാ​ക്കൻമാർ തങ്ങളുടെ നില സ്വീക​രി​ക്കു​ന്നു, ഉയർന്ന ഉദ്യോ​ഗ​സ്ഥൻമാർ തന്നെ ‘നമുക്ക്‌ അവരുടെ കെട്ടു​കളെ പൊട്ടിച്ച്‌ അവരുടെ കയറു​കളെ നമ്മിൽനിന്ന്‌ എറിഞ്ഞു​ക​ള​യാം’ എന്നു പറഞ്ഞു​കൊണ്ട്‌ യഹോ​വ​ക്കെ​തി​രാ​യും അവന്റെ അഭിഷി​ക്ത​നെ​തി​രാ​യും ഒന്നിച്ചു കൂടി​യി​രി​ക്കു​ന്നു. സ്വർഗ്ഗ​ത്തി​ലി​രി​ക്കു​ന്ന​വൻതന്നെ ചിരി​ക്കും; യഹോ​വ​തന്നെ അവരെ പരിഹ​സി​ക്കും. ആ സമയത്ത്‌ അവൻ അവരോട്‌ തന്റെ ക്രോ​ധ​ത്തിൽ സംസാ​രി​ക്കു​ക​യും ‘ഞാൻ, ഞാൻതന്നെ, എന്റെ രാജാ​വി​നെ എന്റെ വിശുദ്ധ പർവ്വത​മായ [സ്വർഗ്ഗീയ] സീയോ​നിൽ വാഴി​ച്ചി​രി​ക്കു​ന്നു’ എന്നു പറഞ്ഞു​കൊണ്ട്‌ തന്റെ ഉഗ്രമായ അപ്രീ​തി​യിൽ അവരെ കുഴപ്പ​ത്തി​ലാ​ക്കു​ക​യും ചെയ്യും.” സങ്കീർത്തനം 110:5, 6 ഇങ്ങനെ കൂട്ടി​ച്ചേർക്കു​ന്നു: “യഹോ​വ​തന്നെ തന്റെ ക്രോ​ധ​ദി​വ​സ​ത്തിൽ തീർച്ച​യാ​യും രാജാ​ക്കൻമാ​രെ തകർത്തു​ക​ള​യും. അവൻ ജനതക​ളു​ടെ ഇടയിൽ ന്യായ​വി​ധി നടത്തും. “സകല രാഷ്‌ട്രീയ പദ്ധതി​ക​ളും അവസാ​നി​ക്കും, എന്തു​കൊ​ണ്ടെ​ന്നാൽ യെശയ്യാവ്‌ 8:9, 10 ഇങ്ങനെ പ്രഖ്യാ​പി​ക്കു​ന്നു: “അരകെ​ട്ടി​ക്കൊൾവിൻ, തകർന്നു​പോ​കു​വിൻ! അരകെ​ട്ടി​ക്കൊൾവിൻ, തകർന്നു​പോ​കു​വിൻ! ഒരു പദ്ധതി ആസൂ​ത്രണം ചെയ്‌തു​കൊ​ള്ളുക, അതു തകർക്ക​പ്പെ​ടും! ഏതു വാക്കും പറഞ്ഞു​കൊ​ള്ളുക, അതു നിലനിൽക്കു​ക​യില്ല, എന്തെന്നാൽ ദൈവം ഞങ്ങളോ​ടു കൂടെ​യുണ്ട്‌!”

അതിജീ​വ​ന​ത്തി​ന്റെ ഉറപ്പു​ള്ള​വർ

14. ഈ ലോക​ത്തി​ന്റെ അവസാ​നത്തെ അതിജീ​വി​ക്കു​ന്നവർ ഉണ്ടായി​രി​ക്കു​മെന്ന്‌ നമുക്ക്‌ ഉറപ്പു​ള്ള​തെ​ന്തു​കൊണ്ട്‌?

¹⁴ തന്റെ ജനത്തിന്‌ ആസന്നമാ​യി​രി​ക്കുന്ന “മഹോ​പ​ദ്രവ”ത്തെ അതിജീ​വി​ക്കാൻ ഉചിത​മായ നടപടി​കൾ സ്വീക​രി​ക്കാൻ കഴിയ​ത്ത​ക്ക​വണ്ണം യഹോവ അവർക്കു നല്ല അറിവു കൊടു​ക്കു​മെന്ന്‌ നമുക്ക്‌ ഉറപ്പുണ്ട്‌. നമുക്ക്‌ വളരെ ഉറപ്പു​ള്ള​വ​രാ​യി​രി​ക്കാൻ എങ്ങനെ കഴിയും? എന്തു​കൊ​ണ്ടെ​ന്നാൽ ഒരു “മഹാപു​രു​ഷാ​രം” തീർച്ച​യാ​യും അതിജീ​വി​ക്കു​ന്നു​വെന്ന്‌ വെളി​പ്പാട്‌ 7:9, 14-ലെ പ്രവചനം പ്രകട​മാ​ക്കു​ന്നു. എന്തു​കൊണ്ട്‌? യഹോവ സംസാ​രി​ക്കു​മ്പോൾ ശ്രദ്ധി​ക്കു​ന്ന​തി​നാ​ലും ഉചിത​മാ​യി ഉപദേ​ശി​ക്ക​പ്പെ​ടു​ന്ന​തി​നാ​ലും​തന്നെ. ഈ വിധത്തിൽ “മഹാപു​രു​ഷാര”ത്തിൽപെ​ട്ട​വർക്ക്‌ വെളി​പ്പാട്‌ 7:15 പറയു​ന്നത്‌ ചെയ്യാൻ സാധി​ക്കു​ന്നു: “അവർ പകലും രാവും അവന്‌ വിശു​ദ്ധ​സേ​വനം അർപ്പി​ക്കു​ന്നു.” അങ്ങനെ അവർ ദൈവ​ത്തി​ന്റെ ഇഷ്ടം ചെയ്യു​ക​യും അവന്റെ അംഗീ​കാ​രം നേടു​ക​യും ഈ ലോക​ത്തി​ന്റെ അവസാ​നത്തെ അതിജീ​വി​ക്കാൻ സംരക്ഷി​ക്ക​പ്പെ​ടു​ക​യും ചെയ്യുന്നു.—1 യോഹ​ന്നാൻ 2:15-17.

15. യോവേൽ ഈ വ്യവസ്ഥി​തി​യു​ടെ ഞെരി​ക്ക​ലി​നെ വർണ്ണി​ക്കു​ന്ന​തെ​ങ്ങനെ, ദൈവ​ദാ​സൻമാർക്ക്‌ എന്തു ഫലമാ​ണു​ണ്ടാ​വുക?

¹⁵ യോവേൽ 3:13-16-ഉം ഈ വ്യവസ്ഥി​തി ഒരു മുന്തി​രി​ച്ച​ക്കിൽ മുന്തി​രി​പ്പ​ഴം​പോ​ലെ ഞെരി​ക്ക​പ്പെ​ടു​മ്പോൾ ദൈവ​ദാ​സൻമാർ അതിജീ​വി​ക്കു​ന്ന​തി​നെ പരാമർശി​ക്കു​ന്നു. അതിങ്ങനെ പ്രസ്‌താ​വി​ക്കു​ന്നു: “ഒരു അരിവാൾ ഇടുക, എന്തു​കൊ​ണ്ടെ​ന്നാൽ വിളവു മൂത്തി​രി​ക്കു​ന്നു . . . തൊട്ടി​കൾ യഥാർത്ഥ​മാ​യി കവി​ഞ്ഞൊ​ഴു​കു​ന്നു; എന്തെന്നാൽ അവരുടെ വഷളത്തം പെരു​കി​യി​രി​ക്കു​ന്നു. വിധി​യു​ടെ താഴ്‌വ​ര​യിൽ സമൂഹങ്ങൾ, സമൂഹങ്ങൾ, എന്തെന്നാൽ വിധി​യു​ടെ താഴ്‌വ​ര​യിൽ യഹോ​വ​യു​ടെ ദിവസം അടുത്തി​രി​ക്കു​ന്നു. സൂര്യ​നും ചന്ദ്രനും തന്നെ തീർച്ച​യാ​യും ഇരുണ്ടു​പോ​കും, നക്ഷത്ര​ങ്ങൾതന്നെ യഥാർത്ഥ​മാ​യി അവയുടെ ശോഭ പിൻവ​ലി​ക്കും. യഹോ​വ​തന്നെ [സ്വർഗ്ഗീയ] സീയോ​നിൽനിന്ന്‌ ഗർജ്ജി​ക്കും . . . ആകാശ​വും ഭൂമി​യും തീർച്ച​യാ​യും കുലു​ങ്ങും; എന്നാൽ യഹോവ തന്റെ ജനത്തിന്‌ ഒരു അഭയമാ​യി​രി​ക്കും.”

16. യഹോവ ലോക​നാ​ശ​ത്തിൽ തന്റെ ജനത്തെ കാത്തു​സൂ​ക്ഷി​ക്കു​മെന്ന്‌ വേറെ ഏതു പ്രവച​നങ്ങൾ തെളി​യി​ക്കു​ന്നു?

¹⁶ അതു​പോ​ലെ​തന്നെ, യെശയ്യാവ്‌ 26:20, 21-ൽ യഹോവ ആ വരും​കാ​ല​ത്തെ​ക്കു​റിച്ച്‌ പറയുന്നു: “എന്റെ ജനമേ, പോയി നിങ്ങളു​ടെ ഉൾമു​റി​ക​ളിൽ പ്രവേ​ശി​ക്കു​ക​യും നിങ്ങളു​ടെ വാതി​ലു​കൾ അടയ്‌ക്കു​ക​യും ചെയ്യുക. ഭീഷണി നീങ്ങി​പ്പോ​കു​ന്ന​തു​വരെ ക്ഷണനേ​ര​ത്തേക്ക്‌ ഒളിച്ചി​രി​ക്കുക. എന്തെന്നാൽ, നോക്കൂ! യഹോവ തനി​ക്കെ​തി​രായ ദേശനി​വാ​സി​യു​ടെ അകൃത്യ​ത്തിന്‌ കണക്കു ചോദി​ക്കാൻ തന്റെ സ്ഥലത്ത്‌ നിന്ന്‌ പുറ​പ്പെ​ട്ടു​വ​രു​ന്നു.” തന്നിമി​ത്തം, സെഫന്യാവ്‌ 2:2, 3 ഇങ്ങനെ പ്രോ​ത്സാ​ഹി​പ്പി​ക്കു​ന്നു: “യഹോ​വ​യു​ടെ സ്വന്തം ന്യായ​ത്തീർപ്പ്‌ ആചരി​ച്ചി​രി​ക്കുന്ന, ഭൂമി​യി​ലെ സകല സൗമ്യ​രു​മേ, യഹോ​വ​യു​ടെ കോപ​ദി​വസം നിങ്ങളു​ടെ​മേൽ വരുന്ന​തി​നു മുൻപേ, അവനെ അന്വേ​ഷി​പ്പിൻ. നീതി അന്വേ​ഷി​പ്പിൻ, സൗമ്യത അന്വേ​ഷി​പ്പിൻ. പക്ഷേ, നിങ്ങൾ യഹോ​വ​യു​ടെ കോപ​ദി​വ​സ​ത്തിൽ മറയ്‌ക്ക​പ്പെ​ട്ടേ​ക്കാം.”

യഹോ​വ​യി​ങ്ക​ലേക്ക്‌ ‘ഓടുക’

17. (എ) യഹോ​വ​യു​ടെ സംരക്ഷണം ലഭിക്കാൻ എന്തു ചെയ്യണം? (ബി) പ്രളയ​ത്തി​നു മുമ്പത്തെ ലോക​ത്തി​ലെ ജനങ്ങൾ എന്തു തെററാണ്‌ ചെയ്‌തത്‌?

¹⁷ സദൃശ​വാ​ക്യ​ങ്ങൾ 18:10 ഇങ്ങനെ പ്രസ്‌താ​വി​ക്കു​ന്നു: “യഹോ​വ​യു​ടെ നാമം ബലമുള്ള ഒരു ഗോപു​ര​മാ​കു​ന്നു. നീതി​മാൻ അതി​ലേക്ക്‌ ഓടു​ക​യും സംരക്ഷണം കൊടു​ക്ക​പ്പെ​ടു​ക​യും ചെയ്യുന്നു.” നിങ്ങൾ യഹോ​വ​യി​ങ്ക​ലേക്ക്‌ ‘ഓടു​ന്നു​ണ്ടോ?’ നോഹ​യു​ടെ നാളിലെ ജനങ്ങ​ളെ​ക്കു​റിച്ച്‌ യേശു പറഞ്ഞത്‌ ഓർക്കുക: അവർ “നോഹ പെട്ടക​ത്തിൽ കയറിയ നാൾവരെ തിന്നു​ക​യും കുടി​ക്കു​ക​യും, പുരു​ഷൻമാർ വിവാഹം ചെയ്യു​ക​യും സ്‌ത്രീ​കൾ വിവാ​ഹ​ത്തി​നു കൊടു​ക്ക​പ്പെ​ടു​ക​യു​മാ​യി​രു​ന്നു; പ്രളയം വന്ന്‌ അവരെ​യെ​ല്ലാം ഒഴുക്കി​ക്കൊ​ണ്ടു പോകു​ന്ന​തു​വരെ അവർ ശ്രദ്ധി​ച്ചില്ല.” (മത്തായി 24:38, 39) ദൈവം “ഒരു നീതി​പ്ര​സം​ഗി​യായ” തന്റെ ദാസൻ നോഹ മുഖാ​ന്തരം സംസാ​രി​ച്ച​പ്പോൾ അവനെ ശ്രദ്ധി​ക്കാ​തെ മറെറ​ല്ലാ​റ​റി​ലും വ്യാപൃ​ത​രാ​യി​രു​ന്നു​വെ​ന്ന​താ​യി​രു​ന്നു അവരുടെ തെററ്‌. (2 പത്രോസ്‌ 2:5) അവർ ശ്രദ്ധി​ക്കാ​ഞ്ഞ​തു​കൊണ്ട്‌, പ്രളയം വന്നപ്പോൾ അത്‌ “അവരെ​യെ​ല്ലാം” നാശത്തി​ലേക്ക്‌ “ഒഴുക്കി​ക്കൊ​ണ്ടു​പോ​യി.”

18. പ്രളയ​ത്തിൽ നശിപ്പി​ക്ക​പ്പെ​ട്ടവർ “നല്ലവർ” ആയിരു​ന്ന​തു​കൊ​ണ്ടു​മാ​ത്രം സംരക്ഷി​ക്ക​പ്പെ​ടാ​ഞ്ഞ​തെ​ന്തു​കൊണ്ട്‌?

¹⁸ പ്രളയ​ത്തിൽ മരിച്ച അനേകർ, ആ നാളു​ക​ളി​ലെ സമുദാ​യത്തെ നിറച്ചി​രുന്ന അക്രമ​ത്തിൽ ഉൾപ്പെ​ടാ​തെ തങ്ങളേ​ത്തന്നെ “നല്ലവർ” എന്നു പരിഗ​ണി​ച്ചി​രി​ക്കു​മെ​ന്നു​ള്ള​തി​നു സംശയ​മില്ല. എന്നാൽ വെറുതെ “നല്ലവർ” ആയിരു​ന്ന​തു​കൊ​ണ്ടു​മാ​ത്രം അവർക്കു രക്ഷ കിട്ടി​യില്ല. അവർ തങ്ങളുടെ വിരക്തി​യാൽ അവരുടെ നാളിലെ തിൻമ സംബന്ധിച്ച്‌ കണ്ണടച്ചു. നിർണ്ണാ​യക സംഗതി അവർ യഹോ​വ​യി​ങ്ക​ലേക്ക്‌ ‘ഓടി’യില്ലെ​ന്നു​ള്ള​താ​യി​രു​ന്നു; ദൈവ​ദാ​സൻ സംസാ​രി​ച്ച​പ്പോൾ അവർ ശ്രദ്ധി​ച്ചില്ല. തന്നിമി​ത്തം അവർ അതിജീ​വ​ന​ത്തി​നുള്ള ഉചിത​മായ നടപടി​കൾ സ്വീക​രി​ച്ചില്ല. മറിച്ച്‌, ശ്രദ്ധി​ച്ചവർ അതിജീ​വി​ച്ചു.

19. യഹോ​വ​യു​ടെ ദാസൻമാർ ഇപ്പോൾപോ​ലും ഏത്‌ അത്ഭുത​ക​ര​മായ പ്രയോ​ജ​നങ്ങൾ കൊയ്‌തെ​ടു​ക്കു​ന്നു, എന്തു​കൊണ്ട്‌?

¹⁹ ഇക്കാലത്ത്‌ ദൈവം തന്നെ ശ്രദ്ധി​ക്കു​ന്ന​വ​രോട്‌ സമാധാ​നം സംസാ​രി​ക്കു​ക​യാണ്‌. അവർക്കെ​ന്താണ്‌ ഫലം? യെശയ്യാവ്‌ 54:13 പ്രസ്‌താ​വി​ക്കു​ന്നു: “നിന്റെ പുത്രൻമാ​രെ​ല്ലാം യഹോ​വ​യാൽ പഠിപ്പി​ക്ക​പ്പെട്ട ആളുക​ളാ​യി​രി​ക്കും, നിന്റെ പുത്രൻമാ​രു​ടെ സമാധാ​നം സമൃദ്ധ​മാ​യി​രി​ക്കും.” അതെ, “യഹോ​വ​തന്നെ തന്റെ ജനത്തെ സമാധാ​നം നൽകി അനു​ഗ്ര​ഹി​ക്കും.” (സങ്കീർത്തനം 29:11) അങ്ങനെ, ഈ അക്രമാ​സക്ത ലോക​ത്തിൻ മദ്ധ്യേ യഹോ​വ​യു​ടെ സാക്ഷി​കൾക്ക്‌ അവരുടെ ഇടയിൽ യഥാർത്ഥ​വും അഭിഞ്‌ജ​വു​മായ സമാധാ​നം ഉണ്ട്‌. ലോക​നേ​താ​ക്കൻമാർക്കും അവരുടെ ജനതകൾക്കും അവരുടെ മതങ്ങൾക്കും പകർത്താൻ കഴിയാത്ത സ്‌നേ​ഹ​നിർഭ​ര​മായ ഒരു സാർവ്വ​ദേ​ശീയ സാഹോ​ദ​ര്യം അവർക്കുണ്ട്‌. എന്തു​കൊണ്ട്‌ അവർക്കു പകർത്താൻ കഴിയു​ന്നില്ല? എന്തു​കൊ​ണ്ടെ​ന്നാൽ അവർ യഥാർത്ഥ​ത്തിൽ ദൈവം സംസാ​രി​ക്കു​മ്പോൾ ശ്രദ്ധി​ക്കു​ന്നില്ല. അതിനാൽ അവർ അവൻ പറയു​ന്ന​ത​നു​സ​രി​ച്ചു പ്രവർത്തി​ക്കു​ന്നില്ല. എന്നാൽ യഹോ​വ​യു​ടെ സാക്ഷികൾ ദൈവത്തെ ശ്രദ്ധി​ക്കു​ക​തന്നെ ചെയ്യുന്നു. അവർ സഭാ​പ്ര​സം​ഗി 12:13-ലെ വാക്കുകൾ ഗൗരവ​മാ​യി എടുക്കു​ന്നു: “സത്യ​ദൈ​വത്തെ ഭയപ്പെ​ടു​ക​യും അവന്റെ കല്‌പ​ന​ക​ള​നു​സ​രി​ക്കു​ക​യും ചെയ്യുക. എന്തെന്നാൽ മമനു​ഷ്യ​ന്റെ മുഴു കടപ്പാ​ടും ഇതാണ്‌.”

20. ദൈവ​ത്തി​ന്റെ പുതി​യ​ലോ​ക​ത്തി​ലേക്ക്‌ അതിജീ​വി​ക്കാൻ ഓരോ വ്യക്തി​യും എന്തു ചെയ്യേ​ണ്ട​താണ്‌?

²⁰ അതാണ്‌ ഓരോ വ്യക്തി​യും—അതെ, ദൈവ​ത്തി​ന്റെ പുതിയ ലോക​ത്തിൽ ജീവി​ക്കാ​നാ​ഗ്ര​ഹി​ക്കുന്ന എല്ലാവ​രും—ചെയ്യേ​ണ്ടത്‌. അവർ താമസം​വി​നാ യഹോ​വ​യി​ങ്ക​ലേക്ക്‌ ‘ഓടണം.’ തീർച്ച​യാ​യും അവർ ദൈവ​ദ​ത്ത​മായ ജ്ഞാനത്താൽ നയിക്ക​പ്പെ​ടണം. അത്‌ ഇങ്ങനെ പറയു​ന്ന​താ​യി പ്രതി​നി​ധാ​നം ചെയ്യ​പ്പെ​ടു​ന്നു: “എന്നെ ശ്രദ്ധി​ക്കുക; അതെ, എന്റെ വഴികൾതന്നെ അനുഷ്‌ഠി​ക്കു​ന്നവർ സന്തുഷ്ട​രാ​കു​ന്നു. ശിക്ഷണം ശ്രദ്ധിച്ച്‌ ജ്ഞാനി​ക​ളാ​യി​ത്തീ​രുക, യാതൊ​രു ഉദാസീ​ന​ത​യും കാണി​ക്ക​രുത്‌. എന്നെ ശ്രദ്ധി​ക്കുന്ന മനുഷ്യൻ സന്തുഷ്ട​നാ​കു​ന്നു . . . എന്തെന്നാൽ എന്നെ കണ്ടെത്തു​ന്നവൻ തീർച്ച​യാ​യും ജീവൻ കണ്ടെത്തും.”—സദൃശ​വാ​ക്യ​ങ്ങൾ 8:32-35. (w87 5/15)

നിങ്ങൾ എങ്ങനെ മറുപടി പറയും?

◻ സമാധാ​നം കൈവ​രു​ത്തു​ന്ന​തിൽ മാനു​ഷ​ശ്ര​മങ്ങൾ ഒരിക്ക​ലും വിജയി​ക്കു​ക​യി​ല്ലാ​ത്ത​തെ​ന്തു​കൊണ്ട്‌?

◻ ഇപ്പോൾ യഹോ​വയെ ശ്രദ്ധി​ക്കേ​ണ്ട​തി​ന്റെ വർദ്ധിച്ച ആവശ്യ​മു​ള്ള​തെ​ന്തു​കൊണ്ട്‌?

◻ “സമാധാ​ന​വും സുരക്ഷി​ത​ത്വ​വും!” എന്ന ആസന്നമായ ഉദ്‌ഘോ​ഷം യഥാർത്ഥ​ത്തിൽ എന്തർത്ഥ​മാ​ക്കും?

◻ നാം ദൈവ​ത്തി​ന്റെ പുതിയ വ്യവസ്ഥി​തി​യി​ലേക്ക്‌ അതിജീ​വി​ക്കാ​നാ​ഗ്ര​ഹി​ക്കു​ന്നു​വെ​ങ്കിൽ നാം എന്തു ചെയ്യണം?

[17-ാം പേജിലെ ചിത്രം]

അലറുന്ന ഒരു സിംഹ​ത്തെ​പ്പോ​ലെ, ദുഷി​പ്പി​ക്കാ​നും നശിപ്പി​ക്കാ​നു​മുള്ള തന്റെ ശ്രമങ്ങളെ സാത്താൻ ശക്തമാ​ക്കു​ക​യാണ്‌

[18-ാം പേജിലെ ചിത്രം]

ഈ വ്യവസ്ഥി​തി മുന്തി​രി​ച്ച​ക്കി​ലെ മുന്തി​രി​പ്പ​ഴ​ങ്ങൾപോ​ലെ ഞെരി​ക്ക​പ്പെ​ടു​മ്പോൾ “യഹോവ തന്റെ ജനത്തിന്‌ ഒരു അഭയമാ​യി​രി​ക്കും”