നിങ്ങൾക്ക്‌ സാത്താനെ ചെറുത്ത്‌ തോൽപ്പി​ക്കാ​നാ​കും

 1. (എ) സാത്താ​നോ​ടുള്ള നമ്മുടെ പോരാ​ട്ടം ഇക്കാലത്ത്‌ ഏറെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ബി) സാത്താ​നോട്‌ പോരാ​ടി വിജയി​ക്കാ​നാ​കു​മെന്ന്‌ നമുക്ക്‌ എങ്ങനെ അറിയാം?

ഭൂമി​യി​ലുള്ള അഭിഷി​ക്ത​രോ​ടും ‘വേറെ ആടുക​ളോ​ടും’ സാത്താൻ പോരാ​ടി​ക്കൊ​ണ്ടി​രി​ക്കു​ക​യാണ്‌. (യോഹ. 10:16) തനിക്ക്‌ ഇനി അൽപ്പകാ​ലമേ ശേഷി​ക്കു​ന്നു​ള്ളൂ എന്ന്‌ അവന്‌ അറിയാം. അതു​കൊണ്ട്‌, യഹോ​വ​യു​ടെ ദാസരിൽ തന്നെ​ക്കൊണ്ട്‌ ആകുന്നി​ട​ത്തോ​ളം പേരുടെ വിശ്വാ​സം തകർക്കുക എന്നതാണ്‌ സാത്താന്റെ ലക്ഷ്യം. (വെളി​പാട്‌ 12:9, 12 വായി​ക്കുക.) എന്നാൽ നമുക്ക്‌ സാത്താ​നോട്‌ പോരാ​ടി വിജയി​ക്കാ​നാ​കും. ബൈബിൾ ഇങ്ങനെ പറയുന്നു: “പിശാ​ചി​നോട്‌ എതിർത്തു​നിൽക്കു​വിൻ; എന്നാൽ അവൻ നിങ്ങളെ വിട്ട്‌ ഓടി​പ്പോ​കും.”—യാക്കോ. 4:7.

2, 3. (എ) താൻ അസ്‌തി​ത്വ​ത്തി​ലി​ല്ലെന്ന്‌ ആളുകൾ വിശ്വ​സി​ക്കാൻ സാത്താൻ ആഗ്രഹി​ക്കു​ന്നത്‌ എന്തു​കൊണ്ട്‌? (ബി) സാത്താൻ ഒരു യഥാർഥ​വ്യ​ക്തി​യാ​ണെന്ന്‌ നിങ്ങൾക്ക്‌ എങ്ങനെ അറിയാം?

² സാത്താൻ സ്ഥിതി ചെയ്യു​ന്നു​ണ്ടെന്ന ആശയം​പോ​ലും പലരും പുച്ഛി​ച്ചു​ത​ള്ളു​ന്നു. അവർക്ക്‌ സാത്താ​നും ഭൂതങ്ങ​ളും എന്നത്‌, പുസ്‌ത​ക​ങ്ങ​ളി​ലും സിനി​മ​ക​ളി​ലും വീഡി​യോ ഗെയി​മു​ക​ളി​ലും ഒക്കെ പ്രത്യ​ക്ഷ​പ്പെ​ടുന്ന വെറും കഥാപാ​ത്രങ്ങൾ മാത്ര​മാണ്‌. ‘നിങ്ങൾക്കു ബുദ്ധി​യു​ണ്ടെ​ങ്കിൽ ദുഷ്ടാ​ത്മാ​ക്ക​ളു​ണ്ടെ​ന്നൊ​ന്നും വിശ്വ​സി​ക്കില്ല,’ എന്നാണ്‌ അവരുടെ വാദം. താനും ഭൂതങ്ങ​ളും അസ്‌തി​ത്വ​ത്തി​ലി​ല്ലെന്ന്‌ ആളുകൾ വിശ്വ​സി​ക്കു​ന്ന​തിൽ സാത്താനു വിഷമ​മു​ണ്ടോ? ഇല്ല. തന്റെ അസ്‌തി​ത്വ​ത്തെ സംശയി​ക്കു​ന്ന​വരെ കബളി​പ്പി​ക്കാ​നാണ്‌ സാത്താന്‌ ഏറെ എളുപ്പം. (2 കൊരി. 4:4) ആളുകളെ വഴി​തെ​റ്റി​ക്കാ​നാണ്‌ സാത്താൻ യഥാർഥ​ത്തിൽ ഇത്തരം ആശയങ്ങൾ ഉന്നമി​പ്പി​ക്കു​ന്നത്‌.

³ യഹോ​വ​യു​ടെ ദാസരാ​യ​തു​കൊണ്ട്‌ സാത്താന്‌ നമ്മളെ എളുപ്പ​ത്തിൽ കബളി​പ്പി​ക്കാ​നാ​വില്ല. അവൻ ഒരു യഥാർഥ​വ്യ​ക്തി​യാ​ണെന്ന്‌ നമുക്ക്‌ അറിയാം. എങ്ങനെ? സാത്താൻ ഒരു സർപ്പത്തെ ഉപയോ​ഗി​ച്ചു​കൊണ്ട്‌ ഹവ്വാ​യോട്‌ സംസാ​രി​ച്ച​താ​യി ബൈബിൾ പറയുന്നു. (ഉല്‌പ. 3:1-5) ഇയ്യോ​ബി​ന്റെ ആന്തരത്തെ ചോദ്യം​ചെ​യ്‌തു​കൊണ്ട്‌ അവൻ യഹോ​വ​യോട്‌ സംസാ​രി​ച്ചു. (ഇയ്യോ. 1:9-12) സാത്താൻ യേശു​വി​നെ പ്രലോ​ഭി​പ്പി​ക്കാൻ ശ്രമിച്ചു. (മത്താ. 4:1-10) 1914-ൽ യേശു രാജാ​വാ​യ​തോ​ടെ, ഭൂമി​യിൽ ശേഷി​ച്ചി​രുന്ന അഭിഷി​ക്ത​രോട്‌ സാത്താൻ ‘യുദ്ധം ചെയ്‌തു’തുടങ്ങി. (വെളി. 12:17) അഭിഷി​ക്ത​രു​ടെ​യും വേറെ ആടുക​ളു​ടെ​യും വിശ്വാ​സം തകർക്കുക എന്ന ലക്ഷ്യത്തിൽ സാത്താൻ ഇപ്പോ​ഴും ആ യുദ്ധത്തിൽ തുടരു​ക​യാണ്‌. ഈ യുദ്ധത്തിൽ വിജയി​ക്കാൻ നമ്മൾ സാത്താ​നെ​തി​രെ പോരാ​ടു​ക​യും നമ്മുടെ വിശ്വാ​സം ശക്തമാ​ക്കു​ക​യും വേണം. ഇതു ചെയ്യാ​നുള്ള മൂന്നു വിധങ്ങൾ നമുക്ക്‌ ഇപ്പോൾ നോക്കാം.

 4. അഹങ്കാ​ര​ത്തി​ന്റെ ഏറ്റവും ‘മികച്ച’ ഉദാഹ​ര​ണ​മാണ്‌ സാത്താ​നെന്ന്‌ പറയാ​നാ​കു​ന്നത്‌ എന്തു​കൊണ്ട്‌?

⁴ സാത്താൻ അഹങ്കാ​ര​ത്തി​ന്റെ ‘ആൾരൂ​പ​മാണ്‌.’ ഭരിക്കാ​നുള്ള യഹോ​വ​യു​ടെ അവകാ​ശത്തെ ഈ ദുഷ്ടദൂ​തൻ ചോദ്യം ചെയ്‌തു. മാത്രമല്ല, യഹോ​വ​യ്‌ക്കു പകരം തന്നെ ആരാധി​ക്കാ​നും അവൻ ആളുകളെ പ്രേരി​പ്പി​ച്ചു. അതു​കൊ​ണ്ടു​തന്നെ അഹങ്കാ​ര​ത്തി​ന്റെ​യും ധിക്കാ​ര​ത്തി​ന്റെ​യും ഇതിലും നല്ലൊരു ഉദാഹ​രണം വേറെ​യില്ല! സാത്താ​നോട്‌ നമുക്ക്‌ എതിർത്തു​നിൽക്കാ​നാ​കുന്ന ഒരു വിധം, അഹങ്കാരം ഒഴിവാ​ക്കി താഴ്‌മ​യു​ള്ള​വ​രാ​യി​രി​ക്കുക എന്നതാണ്‌. (1 പത്രോസ്‌ 5:5 വായി​ക്കുക.) എന്നാൽ എന്താണ്‌ അഹങ്കാരം? അഭിമാ​നം തോന്നു​ന്നത്‌ അഹങ്കാ​ര​മാ​ണോ?

5, 6. (എ) അഭിമാ​നം എല്ലായ്‌പോ​ഴും മോശ​മാ​ണോ? വിശദീ​ക​രി​ക്കുക. (ബി) എന്താണ്‌ അഹങ്കാരം, ബൈബി​ളിൽനിന്ന്‌ ചില ഉദാഹ​ര​ണങ്ങൾ നൽകുക.

⁵ നിങ്ങളോ നിങ്ങളു​ടെ പ്രിയ​പ്പെട്ട ആരെങ്കി​ലു​മോ ഏതെങ്കി​ലും നല്ല കാര്യം ചെയ്‌ത​തി​ന്റെ പേരിൽ നിങ്ങൾക്ക്‌ സംതൃ​പ്‌തി തോന്നി​യേ​ക്കാം. നിങ്ങൾക്കോ അവർക്കോ കൈമു​ത​ലാ​യുള്ള എന്തി​ന്റെ​യെ​ങ്കി​ലും​പേ​രിൽ നിങ്ങൾക്ക്‌ സന്തോഷം തോന്നി​യേ​ക്കാം. അഭിമാ​നം തോന്നുക എന്നു പറയു​മ്പോൾ ഇതൊ​ക്കെ​യാണ്‌ നമ്മുടെ മനസ്സി​ലേക്കു വരിക. ഈ രീതി​യിൽ അഭിമാ​നം തോന്നു​ന്ന​തിൽ തെറ്റൊ​ന്നു​മില്ല. തെസ്സ​ലോ​നി​ക്യ​യി​ലുള്ള സഹോ​ദ​ര​ങ്ങ​ളോട്‌ പൗലോസ്‌ അപ്പൊ​സ്‌തലൻ ഇങ്ങനെ പറഞ്ഞു: “സകല പീഡന​ങ്ങ​ളി​ലും കഷ്ടങ്ങളി​ലും നിങ്ങൾ കാണി​ക്കുന്ന സഹിഷ്‌ണു​ത​യും വിശ്വാ​സ​വും നിമിത്തം ദൈവ​സ​ഭ​ക​ളിൽ ഞങ്ങൾ നിങ്ങ​ളെ​പ്രതി അഭിമാ​നി​ക്കു​ന്നു.” (2 തെസ്സ. 1:4) മറ്റുള്ളവർ ചെയ്‌ത കാര്യങ്ങൾ നല്ലതാ​ണെന്ന്‌ തോന്നു​ന്ന​തും നമ്മളെ​ക്കു​റിച്ച്‌ ഒരു പരിധി​വരെ അഭിമാ​നം തോന്നു​ന്ന​തും പ്രയോ​ജ​ന​ക​ര​മാണ്‌. കുടും​ബം, സംസ്‌കാ​രം, ജനിച്ച്‌ വളർന്ന സ്ഥലം എന്നിവ​യെ​ക്കു​റി​ച്ചൊ​ന്നും നമുക്ക്‌ ലജ്ജ തോന്നേണ്ട ആവശ്യ​മില്ല.—പ്രവൃ. 21:39.

⁶ എന്നാൽ എന്താണ്‌ അഹങ്കാരം? നമ്മളെ​ക്കു​റി​ച്ചു​തന്നെ അമിത​മാ​യി ചിന്തി​ക്കു​ന്ന​തോ മറ്റുള്ള​വ​രെ​ക്കാൾ മികച്ചത്‌ തങ്ങളാ​ണെന്ന്‌ ഒരു കാരണ​വു​മി​ല്ലാ​തെ വിശ്വ​സി​ക്കു​ന്ന​തോ ആണ്‌ അഹങ്കാരം. (യെഹെ. 33:28; ആമോ. 6:8) സൂക്ഷി​ച്ചി​ല്ലെ​ങ്കിൽ അതു ബന്ധങ്ങളെ തകർക്കും. യഹോ​വ​യു​മാ​യുള്ള നമ്മുടെ ബന്ധത്തെ​പ്പോ​ലും അതു തകർത്തേ​ക്കാം. അഹങ്കാ​ര​മു​ണ്ടെ​ങ്കിൽ ബുദ്ധി​യു​പ​ദേശം ലഭിക്കു​മ്പോൾ നമ്മൾ അസ്വസ്ഥ​രാ​കും. താഴ്‌മ​യോ​ടെ ബുദ്ധി​യു​പ​ദേശം സ്വീക​രി​ക്കു​ന്ന​തി​നു പകരം അത്‌ തള്ളിക്ക​ള​യാൻ അഹങ്കാരം ഇടയാ​ക്കും. (സങ്കീ. 141:5) തങ്ങളെ​ക്കു​റി​ച്ചു​തന്നെ പുകഴ്‌ത്തി​പ്പ​റ​ഞ്ഞു​കൊണ്ട്‌ ആളുകൾ തന്റെ ധിക്കാരം അനുക​രി​ക്കു​ന്നത്‌ സാത്താനു വളരെ ഇഷ്ടമാണ്‌. നി​മ്രോദ്‌, ഫറവോൻ, അബ്‌ശാ​ലോം എന്നിവർ ആത്മപ്ര​ശംസ നടത്തി​ക്കൊണ്ട്‌ തങ്ങളുടെ ആത്മാഭി​മാ​ന​ത്തെ​യും ആത്മവി​ശ്വാ​സ​ത്തെ​യും അനുചി​ത​മായ വിധത്തിൽ പ്രദർശി​പ്പി​ച്ചു. അവർ ഇത്തരത്തിൽ അഹങ്കരി​ച്ചത്‌ സാത്താനെ എത്ര സന്തോ​ഷി​പ്പി​ച്ചു​കാ​ണു​മെന്ന്‌ ഒന്നു ചിന്തി​ച്ചു​നോ​ക്കൂ! (ഉല്‌പ. 10:8, 9; പുറ. 5:1, 2; 2 ശമൂ. 15:4-6) കയീനു യഹോ​വ​യു​മാ​യുള്ള ബന്ധം നഷ്ടപ്പെ​ടാൻ ഇടയാ​ക്കി​യ​തും അഹങ്കാ​ര​മാ​യി​രു​ന്നു. യഹോവ കയീനെ ഉപദേ​ശി​ച്ചെ​ങ്കി​ലും അത്‌ കേൾക്കാൻ അവൻ കൂട്ടാ​ക്കി​യില്ല. അത്രയ്‌ക്ക്‌ അഹങ്കാ​ര​മാ​യി​രു​ന്നു അവന്‌. ദൈവ​ത്തി​ന്റെ മുന്നറി​യിപ്പ്‌ വകവെ​ക്കാ​തെ ഒടുവിൽ അവൻ യഹോ​വ​യോട്‌ പാപം ചെയ്‌തു.—ഉല്‌പ. 4:6-8.

7, 8. (എ) എന്താണ്‌ വംശീയത, അഹങ്കാ​ര​വു​മാ​യി അത്‌ എങ്ങനെ ബന്ധപ്പെ​ട്ടി​രി​ക്കു​ന്നു? (ബി) അഹങ്കാ​ര​ത്തിന്‌ ഒരു സഭയുടെ സമാധാ​നം തകർക്കാ​നാ​കു​ന്നത്‌ എങ്ങനെ​യെന്ന്‌ വിശദീ​ക​രി​ക്കുക.

⁷ ഇന്ന്‌ ആളുകൾ പല വിധങ്ങ​ളിൽ അഹങ്കാരം കാണി​ക്കു​ന്നു. അഹങ്കാ​ര​ത്തിന്‌ വംശീ​യ​ത​യു​മാ​യി ബന്ധമുണ്ട്‌. ഒരു നിഘണ്ടു പറയു​ന്ന​ത​നു​സ​രിച്ച്‌, മറ്റ്‌ വംശത്തി​ലു​ള്ള​വരെ മുൻവി​ധി​യോ​ടെ കാണു​ന്ന​താണ്‌ വംശീയത. “വ്യത്യസ്‌ത വംശത്തിൽപ്പെ​ട്ട​വ​രു​ടെ ഗുണങ്ങ​ളും പ്രാപ്‌തി​ക​ളും വ്യത്യ​സ്‌ത​മാ​ണെ​ന്നും ചില വംശങ്ങൾ പരമ്പരാ​ഗ​ത​മാ​യി ഉയർന്ന​തോ താഴ്‌ന്ന​തോ ആണെന്നും ഉള്ള വിശ്വാ​സ​വും” ഇതിൽ ഉൾപ്പെ​ടു​ന്നു. പോരാ​ട്ട​ങ്ങൾക്കും യുദ്ധങ്ങൾക്കും എന്തിന്‌, വലിയ കൂട്ട​ക്കൊ​ല​കൾക്കു​പോ​ലും വംശീയത വഴി​വെ​ച്ചി​രി​ക്കു​ന്നു.

⁸ ക്രിസ്‌തീ​യ​സ​ഭ​യിൽ ഇവയ്‌ക്കൊ​ന്നും ഒരു സ്ഥാനവു​മില്ല. സഹോ​ദ​ര​ങ്ങൾക്കി​ട​യി​ലെ അഭി​പ്രാ​യ​ഭി​ന്ന​തകൾ അഹങ്കാ​രം​കൊ​ണ്ടാ​യി​രി​ക്കാം തുടങ്ങു​ന്നത്‌. പിന്നെ അത്‌ അനിയ​ന്ത്രി​ത​മാ​കും. അതായി​രു​ന്നു ആദിമ​ക്രി​സ്‌ത്യാ​നി​ക​ളിൽ ചിലർക്ക്‌ സംഭവി​ച്ചത്‌. അതു​കൊ​ണ്ടാണ്‌ യാക്കോബ്‌ ശക്തമായ ഈ ചോദ്യം ഉന്നയി​ച്ചത്‌: “നിങ്ങളു​ടെ ഇടയിലെ യുദ്ധങ്ങൾക്കും ഏറ്റുമു​ട്ട​ലു​കൾക്കും കാരണം എന്ത്‌?” (യാക്കോ. 4:1) സഹോ​ദ​ര​ങ്ങ​ളോട്‌ വെറുപ്പ്‌ തോന്നു​ക​യോ നമ്മൾ അവരെ​ക്കാൾ ശ്രേഷ്‌ഠ​രാ​ണെന്ന്‌ ചിന്തി​ക്കു​ക​യോ ചെയ്‌താൽ, നമ്മൾ അവരെ ആഴത്തിൽ മുറി​വേൽപ്പി​ക്കുന്ന വിധത്തിൽ സംസാ​രി​ക്കു​ക​യോ പ്രവർത്തി​ക്കു​ക​യോ ചെയ്‌തേ​ക്കാം. (സദൃ. 12:18) അഹങ്കാ​ര​ത്തിന്‌ ഒരു സഭയുടെ സമാധാ​നം തകർക്കാ​നാ​കും എന്നത്‌ തർക്കമറ്റ വസ്‌തു​ത​യാണ്‌.

 9. വംശീ​യ​ത​യ്‌ക്കും അഹങ്കാ​ര​ത്തി​നും എതിരെ പോരാ​ടാൻ ബൈബിൾ നമ്മളെ സഹായി​ക്കു​ന്നത്‌ എങ്ങനെ? (ലേഖനാ​രം​ഭ​ത്തി​ലെ ചിത്രം കാണുക.)

⁹ മറ്റുള്ള​വ​രെ​ക്കാൾ ശ്രേഷ്‌ഠ​രാ​ണെന്ന്‌ ചിന്തി​ക്കാ​നുള്ള ചായ്‌വ്‌ നമുക്കു​ണ്ടെ​ങ്കിൽ ഒരു കാര്യം മനസ്സിൽപ്പി​ടി​ക്കുക, “ഗർവ്വമുള്ള ഏവനും യഹോ​വെക്കു വെറുപ്പ്‌.” (സദൃ. 16:5) നമ്മൾ ഹൃദയത്തെ പരി​ശോ​ധി​ക്കു​ക​യും നമ്മോ​ടു​തന്നെ ഇങ്ങനെ ചോദി​ക്കു​ക​യും വേണം: ‘മറ്റൊരു വംശത്തി​ലെ​യോ സംസ്‌കാ​ര​ത്തി​ലെ​യോ ദേശത്തി​ലെ​യോ ആളുക​ളെ​ക്കാൾ ശ്രേഷ്‌ഠ​നാണ്‌ ഞാനെന്ന്‌ എനിക്ക്‌ തോന്നാ​റു​ണ്ടോ?’ അങ്ങനെ​യെ​ങ്കിൽ, ദൈവം “ഒരു മനുഷ്യ​നിൽനി​ന്നു മനുഷ്യ​ജാ​തി​യെ ഒക്കെയും ഉളവാക്കി” എന്ന കാര്യം മറക്കു​ക​യാ​യി​രി​ക്കും നമ്മൾ. (പ്രവൃ. 17:26) ഒരു വിധത്തിൽ പറഞ്ഞാൽ, നമ്മളെ​ല്ലാ​വ​രും ഒരേ വംശത്തിൽപ്പെ​ട്ട​വ​രാണ്‌—ആദാമിൽനി​ന്നു​ള്ളവർ. ചില വംശങ്ങളെ മറ്റുള്ള​വ​യെ​ക്കാൾ ശ്രേഷ്‌ഠ​മാ​യാണ്‌ ദൈവം സൃഷ്ടി​ച്ച​തെന്ന്‌ വിശ്വ​സി​ക്കു​ന്നത്‌ ഭോഷ​ത്ത​മാണ്‌. ഇങ്ങനെ​യാണ്‌ ചിന്തി​ക്കു​ന്ന​തെ​ങ്കിൽ നമ്മുടെ ക്രിസ്‌തീയ സ്‌നേ​ഹ​വും ഐക്യ​വും തകർക്കാൻ സാത്താനെ അനുവ​ദി​ക്കു​ക​യാ​യി​രി​ക്കും നമ്മൾ. (യോഹ. 13:35) സാത്താ​നോട്‌ പോരാ​ടി വിജയി​ക്കാൻ ആഗ്രഹി​ക്കു​ന്നെ​ങ്കിൽ അഹങ്കാരം ഒഴിവാ​ക്കി​യേ തീരൂ.—സദൃ. 16:18.

10, 11. (എ) ലോകത്തെ സ്‌നേ​ഹി​ക്കു​ന്നത്‌ എളുപ്പ​മാ​യി​രു​ന്നേ​ക്കാ​വു​ന്നത്‌ എന്തു​കൊണ്ട്‌? (ബി) ദേമാസ്‌ ലോകത്തെ സ്‌നേ​ഹി​ച്ച​തി​ന്റെ ഫലം എന്തായി​രു​ന്നു?

¹⁰ “ഈ ലോക​ത്തി​ന്റെ അധിപതി” സാത്താ​നാണ്‌. അതിനെ നിയ​ന്ത്രി​ക്കു​ന്നത്‌ അവനാണ്‌. (യോഹ. 12:31; 1 യോഹ. 5:19) ഈ ലോകം വെച്ചു​നീ​ട്ടുന്ന മിക്കതും ബൈബിൾ വെക്കുന്ന നിലവാ​ര​ങ്ങൾക്ക്‌ എതിരാണ്‌. എന്നാൽ ലോക​ത്തി​ലു​ള്ള​തെ​ല്ലാം ദുഷി​ച്ച​താ​ണെന്ന്‌ പറയാ​നു​മാ​കില്ല. എങ്കിലും, നമ്മുടെ ആഗ്രഹ​ങ്ങളെ മുത​ലെ​ടു​ത്തു​കൊണ്ട്‌ നമ്മളെ പാപത്തിൽ വീഴ്‌ത്താൻ സാത്താൻ അതിനെ ഉപയോ​ഗി​ക്കു​ന്നു​ണ്ടെന്ന കാര്യം ഉറപ്പാണ്‌. അതു​പോ​ലെ, ഈ ലോകത്തെ സ്‌നേ​ഹി​ച്ചു​കൊണ്ട്‌ യഹോ​വയെ ആരാധി​ക്കു​ന്നത്‌ നിറു​ത്തി​ക്ക​ള​യാൻ അവൻ നമ്മെ പ്രേരി​പ്പി​ക്കു​ക​യും ചെയ്‌തേ​ക്കാം.—1 യോഹ​ന്നാൻ 2:15, 16 വായി​ക്കുക.

¹¹ ആദിമ​ക്രി​സ്‌ത്യാ​നി​ക​ളിൽ ചിലർ ലോകത്തെ സ്‌നേ​ഹി​ച്ചു. ഉദാഹ​ര​ണ​ത്തിന്‌, പൗലോസ്‌ ഇങ്ങനെ എഴുതി: “ദേമാസ്‌ ഈ ലോകത്തെ സ്‌നേ​ഹി​ച്ചിട്ട്‌ എന്നെ ഉപേക്ഷിച്ച്‌ . . . പോയി.” (2 തിമൊ. 4:10) പൗലോ​സി​നെ ഉപേക്ഷിച്ച്‌ പോകാൻ മാത്രം ഈ ലോക​ത്തി​ലെ എന്തി​നെ​യാണ്‌ ദേമാസ്‌ സ്‌നേ​ഹി​ച്ച​തെന്ന്‌ ബൈബിൾ കൃത്യ​മാ​യി പറയു​ന്നില്ല. ചില​പ്പോൾ, ദൈവ​സേ​വ​ന​ത്തെ​ക്കാൾ ഉപരി​യാ​യി ദേമാസ്‌ ഭൗതി​ക​കാ​ര്യ​ങ്ങളെ സ്‌നേ​ഹി​ച്ചു​തു​ട​ങ്ങി​യി​രി​ക്കാം. സാഹച​ര്യം അതായി​രു​ന്നെ​ങ്കിൽ, ദേമാ​സിന്‌ ദൈവ​സേ​വ​ന​ത്തി​ലെ മഹത്തായ പല പദവി​ക​ളും നഷ്ടപ്പെ​ട്ടി​ട്ടു​ണ്ടാ​കാം. എന്നാൽ അവൻ അതിൽനിന്ന്‌ എന്തെങ്കി​ലും നേടി​യോ? ഇല്ല. ലോക​ത്തി​ന്റെ പിന്നാലെ പോയി​ല്ലാ​യി​രു​ന്നെ​ങ്കിൽ ദേമാ​സിന്‌ പൗലോ​സി​ന്റെ സഹായി എന്നനി​ല​യിൽ തുടരാ​മാ​യി​രു​ന്നു. യഹോവ അവന്‌ നൽകു​മാ​യി​രു​ന്ന​തി​നെ​ക്കാൾ നല്ലതൊ​ന്നും നൽകാൻ ഈ ലോക​ത്തിന്‌ ഒരിക്ക​ലും കഴിയു​മാ​യി​രു​ന്നില്ല.—സദൃ. 10:22.

12. “ധനത്തിന്റെ വഞ്ചകശക്തി” ഉപയോ​ഗിച്ച്‌ സാത്താൻ നമ്മുടെ ആഗ്രഹ​ങ്ങളെ എങ്ങനെ മുത​ലെ​ടു​ക്കു​ന്നു?

¹² ഇക്കാലത്തു ജീവി​ക്കുന്ന നമുക്കും ഇതു​പോ​ലെ സംഭവി​ച്ചേ​ക്കാം. ക്രിസ്‌ത്യാ​നി​കൾ എന്നനി​ല​യിൽ നമുക്കു​വേ​ണ്ടി​യും കുടും​ബ​ത്തി​നു​വേ​ണ്ടി​യും കരു​തേ​ണ്ടത്‌ ന്യായ​മായ ഒരു ആവശ്യ​മാണ്‌. (1 തിമൊ. 5:8) നമ്മൾ ജീവിതം ആസ്വദി​ക്കാ​നാണ്‌ യഹോവ ആഗ്രഹി​ക്കു​ന്ന​തെന്ന്‌ നമുക്ക്‌ അറിയാം. കാരണം ആദാമി​നും ഹവ്വായ്‌ക്കും ജീവി​ക്കാൻ മനോ​ഹ​ര​മായ ഒരു പറുദീ​സ​യാ​യി​രു​ന്നു യഹോവ നൽകി​യത്‌. (ഉല്‌പ. 2:9) എന്നാൽ, നമ്മുടെ ആഗ്രഹ​ങ്ങളെ മുത​ലെ​ടു​ക്കാൻ സാത്താന്‌ “ധനത്തിന്റെ വഞ്ചകശക്തി” ഉപയോ​ഗി​ക്കാൻ കഴിയും. (മത്താ. 13:22) പണത്തി​നും ഭൗതി​ക​വ​സ്‌തു​ക്കൾക്കും ജീവി​ത​വി​ജ​യ​വും സന്തുഷ്ടി​യും നേടി​ത്ത​രാ​നാ​കു​മെ​ന്നാണ്‌ ഇന്ന്‌ അനേക​രും വിശ്വ​സി​ക്കു​ന്നത്‌. നമ്മളും ഈ വിധത്തി​ലാണ്‌ ചിന്തി​ക്കു​ന്ന​തെ​ങ്കിൽ, നമുക്കുള്ള ഏറ്റവും മൂല്യ​വ​ത്തായ ഒന്ന്‌ നഷ്ടമാ​യേ​ക്കാം—യഹോ​വ​യു​മാ​യുള്ള നമ്മുടെ സൗഹൃദം. യേശു ഇങ്ങനെ മുന്നറി​യിപ്പ്‌ നൽകി: “രണ്ടുയ​ജ​മാ​ന​ന്മാ​രെ സേവി​ക്കാൻ ആർക്കും കഴിയു​ക​യില്ല. ഒന്നുകിൽ അവൻ ഒന്നാമനെ ദ്വേഷിച്ച്‌ മറ്റവനെ സ്‌നേ​ഹി​ക്കും; അല്ലെങ്കിൽ ഒന്നാമ​നോ​ടു പറ്റി​ച്ചേർന്ന്‌ മറ്റവനെ നിന്ദി​ക്കും. നിങ്ങൾക്ക്‌ ഒരേസ​മയം ദൈവ​ത്തെ​യും ധനത്തെ​യും സേവി​ക്കുക സാധ്യമല്ല.” (മത്താ. 6:24) ഭൗതി​ക​വ​സ്‌തു​ക്കൾക്കു മാത്ര​മാണ്‌ നമ്മൾ ജീവിതം ഉഴിഞ്ഞു​വെ​ച്ചി​രി​ക്കു​ന്ന​തെ​ങ്കിൽ നമ്മൾ യഹോ​വയെ സേവി​ക്കു​ന്നത്‌ നിറു​ത്തി​ക്ക​ള​ഞ്ഞി​ട്ടു​ണ്ടാ​കും. അതുത​ന്നെ​യാണ്‌ സാത്താൻ ആഗ്രഹി​ക്കു​ന്ന​തും. അതു​കൊണ്ട്‌, യഹോ​വ​യു​മാ​യുള്ള നമ്മുടെ സൗഹൃ​ദത്തെ മൂടി​ക്ക​ള​യാൻ പണത്തെ​യോ അത്‌ ഉപയോ​ഗിച്ച്‌ വാങ്ങാ​നാ​കുന്ന ഒന്നി​നെ​യു​മോ നമ്മൾ അനുവ​ദി​ക്ക​രുത്‌. സാത്താ​നു​മാ​യി പോരാ​ടി വിജയി​ക്ക​ണ​മെ​ങ്കിൽ ഭൗതി​ക​വ​സ്‌തു​ക്ക​ളെ​ക്കു​റിച്ച്‌ നമുക്ക്‌ ശരിയായ മനോ​ഭാ​വം ഉണ്ടായേ തീരൂ.—1 തിമൊ​ഥെ​യൊസ്‌ 6:6-10 വായി​ക്കുക.

13. വിവാ​ഹ​വും ലൈം​ഗി​ക​ത​യും സംബന്ധിച്ച്‌ ഇന്നത്തെ ലോകം തെറ്റായ വീക്ഷണം ഉന്നമി​പ്പി​ച്ചി​രി​ക്കു​ന്നത്‌ എങ്ങനെ?

¹³ സാത്താൻ ഉപയോ​ഗി​ക്കുന്ന കെണി​ക​ളിൽ മറ്റൊ​ന്നാണ്‌ ലൈം​ഗി​കാ​ധാർമി​കത. വിവാ​ഹി​ത​യി​ണ​യോ​ടുള്ള വിശ്വ​സ്‌തത സാധ്യ​മ​ല്ലെ​ന്നോ വിവാഹം എന്ന ക്രമീ​ക​ര​ണം​തന്നെ പഴഞ്ചനും ഒരുവന്റെ സ്വാത​ന്ത്ര്യം കെടു​ത്തി​ക്ക​ള​യു​ന്ന​തും ആണെന്നോ അനേകർ വിചാ​രി​ക്കു​ന്നു. ഉദാഹ​ര​ണ​ത്തിന്‌, ഒരു നടി പറഞ്ഞത്‌ ഇങ്ങനെ​യാണ്‌: “ഒരാളു​ടെ കൂടെ മാത്രം ജീവി​ക്കുക എന്നത്‌ നടക്കുന്ന കാര്യ​മൊ​ന്നു​മല്ല. അങ്ങനെ വിശ്വ​സ്‌തത കാണി​ക്കുന്ന ആരെയും എനിക്ക്‌ അറിയില്ല. ആരെങ്കി​ലും അത്‌ ആഗ്രഹി​ക്കു​മെ​ന്നും എനിക്കു തോന്നു​ന്നില്ല.” ഒരു നടൻ പറഞ്ഞത്‌ ഇപ്രകാ​ര​മാണ്‌: “നമ്മുടെ പ്രകൃ​തം​വെച്ചു നോക്കി​യാൽ വിശ്വ​സ്‌ത​മാ​യി ഒരാ​ളോ​ടു​കൂ​ടെ മാത്രം ജീവി​ക്കാ​നാ​കു​മോ എന്ന കാര്യ​ത്തിൽ എനിക്കു സംശയ​മുണ്ട്‌.” പേരും പ്രശസ്‌തി​യും ഉള്ള ഇത്തരം ആളുകൾ ദൈവ​ത്തി​ന്റെ ദാനമായ വിവാ​ഹത്തെ ഇങ്ങനെ വിമർശി​ക്കു​മ്പോൾ സാത്താന്‌ വളരെ സന്തോഷം തോന്നും എന്ന കാര്യ​ത്തിൽ സംശയ​മില്ല. വിവാ​ഹ​ക്ര​മീ​ക​ര​ണ​ത്തോട്‌ പിശാ​ചിന്‌ യോജി​പ്പി​ല്ലെന്നു മാത്രമല്ല, ഒരു വിവാ​ഹ​വും വിജയി​ച്ചു​കാ​ണാ​നും അവൻ ആഗ്രഹി​ക്കു​ന്നില്ല. അതു​കൊണ്ട്‌, സാത്താ​നോട്‌ പോരാ​ടി വിജയി​ക്ക​ണ​മെ​ങ്കിൽ നമുക്ക്‌ വിവാ​ഹ​ത്തെ​ക്കു​റിച്ച്‌ ദൈവ​ത്തി​ന്റെ അതേ വീക്ഷണ​മു​ണ്ടാ​യി​രി​ക്കണം.

14, 15. ലൈം​ഗി​കാ​ധാർമി​ക​ത​യിൽ ഏർപ്പെ​ടാ​നുള്ള പ്രലോ​ഭനം ഉണ്ടാകു​ന്നെ​ങ്കിൽ നിങ്ങൾക്ക്‌ എന്തു ചെയ്യാ​നാ​കും?

¹⁴ വിവാ​ഹി​തർ ആണെങ്കി​ലും അല്ലെങ്കി​ലും എല്ലാത്ത​ര​ത്തി​ലു​മുള്ള ലൈം​ഗി​കാ​ധാർമി​ക​ത​യിൽനിന്ന്‌ ഒഴിഞ്ഞു​നിൽക്കാൻ നമ്മൾ പ്രത്യേ​ക​ശ്രമം ചെയ്യണം. അത്‌ എളുപ്പ​മാ​ണോ? ഒട്ടുമല്ല! ഉദാഹ​ര​ണ​ത്തിന്‌, നിങ്ങൾ യുവ​പ്രാ​യ​ത്തി​ലുള്ള ഒരാളാ​ണെ​ങ്കിൽ, സഹപാ​ഠി​കൾ തങ്ങൾക്ക്‌ ഇഷ്ടപ്പെട്ട ആരോ​ടെ​ങ്കി​ലു​മൊ​പ്പം ലൈം​ഗി​ക​ത​യിൽ ഏർപ്പെ​ട്ട​താ​യി പൊങ്ങച്ചം പറയു​ന്നത്‌ നിങ്ങൾ കേട്ടേ​ക്കാം. അശ്ലീല സന്ദേശ​ങ്ങ​ളും ചിത്ര​ങ്ങ​ളും ഫോണി​ലൂ​ടെ അയയ്‌ക്കു​ന്ന​തി​നെ​ക്കു​റി​ച്ചും അവർ വീമ്പി​ള​ക്കി​യേ​ക്കാം. വാസ്‌ത​വ​ത്തിൽ, ചില രാജ്യങ്ങൾ ഇതിനെ ബാല ലൈം​ഗി​ക​ചി​ത്രീ​ക​ര​ണം​പോ​ലെ നിയമ​വി​രു​ദ്ധ​മായ ഒന്നായി​ട്ടാണ്‌ കാണു​ന്നത്‌. ബൈബിൾ പറയുന്നു: “പരസം​ഗം​ചെ​യ്യു​ന്നവൻ സ്വന്തശ​രീ​ര​ത്തി​നു വിരോ​ധ​മാ​യി പാപം ചെയ്യുന്നു.” (1 കൊരി. 6:18) ലൈം​ഗി​ക​ബ​ന്ധ​ങ്ങ​ളി​ലൂ​ടെ പകരുന്ന രോഗങ്ങൾ വലിയ ദുരി​ത​ങ്ങ​ളി​ലും വേദനാ​ക​ര​മായ മരണത്തി​ലും ആണ്‌ കൊ​ണ്ടെ​ത്തി​ച്ചി​രി​ക്കു​ന്നത്‌. വിവാ​ഹ​ത്തി​നു മുമ്പ്‌ ലൈം​ഗി​ക​ത​യിൽ ഏർപ്പെട്ട അനേകം യുവജ​നങ്ങൾ തങ്ങൾ അങ്ങനെ ചെയ്‌ത​തി​നെ​പ്രതി പരിത​പി​ക്കു​ന്നു. ദൈവി​ക​നി​യ​മങ്ങൾ കാറ്റിൽ പറത്തു​ന്ന​തിൽ ഒരു തെറ്റു​മി​ല്ലെന്ന്‌ വിശ്വ​സി​പ്പി​ക്കാ​നാണ്‌ ഇന്നത്തെ വിനോ​ദ​ലോ​കം ശ്രമി​ക്കു​ന്നത്‌. അത്തരം നുണകൾ വിശ്വ​സി​ക്കു​ക​യാ​ണെ​ങ്കിൽ “പാപത്തി​ന്റെ വഞ്ചകശക്തി”ക്ക്‌ നമ്മളെ​യും വഴി​തെ​റ്റി​ക്കാ​നാ​കും.—എബ്രാ. 3:13.

¹⁵ ലൈം​ഗി​കാ​ധാർമി​ക​ത​യിൽ ഏർപ്പെ​ടാൻ പ്രലോ​ഭനം ഉണ്ടാകു​ന്നെ​ങ്കിൽ നിങ്ങൾക്ക്‌ എന്തു ചെയ്യാ​നാ​കും? നിങ്ങളു​ടെ ബലഹീനത തിരി​ച്ച​റി​യുക. (റോമ. 7:22, 23) ചെറു​ത്തു​നിൽക്കാ​നുള്ള ശക്തിക്കാ​യി യഹോ​വ​യോട്‌ പ്രാർഥി​ക്കുക. (ഫിലി. 4:6, 7, 13) അധാർമി​ക​ത​യി​ലേക്കു നയി​ച്ചേ​ക്കാ​വുന്ന സാഹച​ര്യ​ങ്ങൾ ഒഴിവാ​ക്കുക. (സദൃ. 22:3) ഇനി പ്രലോ​ഭ​ന​മു​ണ്ടാ​യാൽ, അതിനെ ഉടൻതന്നെ തള്ളിക്ക​ള​യുക.—ഉല്‌പ. 39:12.

16. സാത്താൻ പ്രലോ​ഭി​പ്പി​ക്കാൻ ശ്രമി​ച്ച​പ്പോൾ യേശു എന്താണ്‌ പറഞ്ഞത്‌, അതിൽനിന്ന്‌ നമുക്ക്‌ എന്തു പഠിക്കാം?

¹⁶ യേശു നമുക്കാ​യി ശക്തമായ ഒരു മാതൃക വെച്ചി​രി​ക്കു​ന്നു. സാത്താന്റെ മോഹ​ന​വാ​ഗ്‌ദാ​ന​ങ്ങ​ളിൽ യേശു മയങ്ങി​യില്ല; അതെക്കു​റി​ച്ചു ചിന്തി​ച്ചു​പോ​ലു​മില്ല. മാത്രമല്ല, “എന്ന്‌ എഴുതി​യി​രി​ക്കു​ന്നു​വ​ല്ലോ” എന്നു പറഞ്ഞു​കൊണ്ട്‌ സാത്താനെ ശക്തമായി എതിർക്കു​ക​യും ചെയ്‌തു. (മത്തായി 4:4-10 വായി​ക്കുക.) യേശു​വിന്‌ ദൈവ​വ​ചനം നന്നായി അറിയാ​മാ​യി​രു​ന്നു. അതു​കൊ​ണ്ടാണ്‌ സാത്താൻ പ്രലോ​ഭി​പ്പി​ക്കാൻ ശ്രമി​ച്ച​പ്പോൾ ഉടൻതന്നെ തിരു​വെ​ഴു​ത്തു​കൾ ഉപയോ​ഗിച്ച്‌ മറുപടി നൽകാൻ യേശു​വി​നാ​യത്‌. സാത്താ​നോട്‌ പോരാ​ടി വിജയി​ക്ക​ണ​മെ​ങ്കിൽ ലൈം​ഗി​കാ​ധാർമി​ക​ത​യിൽ ഏർപ്പെ​ടാ​നുള്ള പ്രലോ​ഭ​ന​ത്തിൽ അകപ്പെ​ടാ​തി​രി​ക്കാൻ നമ്മൾ എല്ലായ്‌പോ​ഴും ജാഗ്ര​ത​യു​ള്ള​വ​രാ​യി​രി​ക്കണം.—1 കൊരി. 6:9, 10.

17, 18. (എ) സാത്താൻ ഉപയോ​ഗി​ക്കുന്ന മറ്റു ചില കെണികൾ ഏതൊ​ക്കെ​യാണ്‌, നമ്മൾ അത്‌ പ്രതീ​ക്ഷി​ക്കു​ന്നത്‌ എന്തു​കൊണ്ട്‌? (ബി) സാത്താന്‌ എന്തു സംഭവി​ക്കും, സഹിച്ചു​നിൽക്കാൻ അതു നിങ്ങളെ പ്രോ​ത്സാ​ഹി​പ്പി​ക്കു​ന്നത്‌ എങ്ങനെ?

¹⁷ അഹങ്കാരം, ഭൗതി​ക​ത്വം, ലൈം​ഗി​കാ​ധാർമി​കത എന്നിവ സാത്താന്റെ കെണി​ക​ളിൽ മൂന്നെണ്ണം മാത്ര​മാണ്‌. ഇനിയും അനേകം കെണി​ക​ളുണ്ട്‌. ഉദാഹ​ര​ണ​ത്തിന്‌, ചില ക്രിസ്‌ത്യാ​നി​കൾക്ക്‌ കുടും​ബ​ത്തിൽനി​ന്നുള്ള എതിർപ്പു​കൾ നേരി​ടേ​ണ്ടി​വ​രു​ന്നുണ്ട്‌. മറ്റു ചിലരെ അവരുടെ സഹപാ​ഠി​കൾ കളിയാ​ക്കു​ന്നു. ഇനിയും ചിലരാ​കട്ടെ, പ്രസം​ഗ​വേ​ല​യ്‌ക്കു ഗവണ്മെന്റ്‌ അധികാ​രി​കൾ നിരോ​ധ​നങ്ങൾ ഏർപ്പെ​ടു​ത്തി​യി​രി​ക്കുന്ന സ്ഥലങ്ങളി​ലാണ്‌ താമസി​ക്കു​ന്നത്‌. അത്തരം പ്രശ്‌നങ്ങൾ നമുക്കും നേരി​ടേ​ണ്ടി​വ​രു​മെന്ന്‌ നമ്മൾ പ്രതീ​ക്ഷി​ക്കു​ന്നു. യേശു നമുക്ക്‌ ഈ മുന്നറി​യിപ്പ്‌ നൽകി: “എന്റെ നാമം​നി​മി​ത്തം സകലരും നിങ്ങളെ ദ്വേഷി​ക്കും. എന്നാൽ അന്ത്യ​ത്തോ​ളം സഹിച്ചു​നിൽക്കു​ന്നവൻ രക്ഷിക്ക​പ്പെ​ടും.”—മത്താ. 10:22.

¹⁸ നമുക്ക്‌ എങ്ങനെ സാത്താ​നോട്‌ പോരാ​ടി വിജയി​ക്കാം? യേശു പറഞ്ഞു: “സഹിഷ്‌ണു​ത​യാൽ നിങ്ങൾ നിങ്ങളു​ടെ ജീവൻ നേടും.” (ലൂക്കോ. 21:19) നമ്മളെ ദ്രോ​ഹി​ക്കാ​നാ​യി മനുഷ്യർ ചെയ്യു​ന്ന​തൊ​ന്നും ശാശ്വ​ത​മാ​യി​രി​ക്കില്ല. നമ്മൾ അനുവ​ദി​ക്കാ​ത്തി​ട​ത്തോ​ളം​കാ​ലം ദൈവ​വു​മാ​യുള്ള നമ്മുടെ ബന്ധത്തിനു മങ്ങലേൽപ്പി​ക്കാൻ ആർക്കു​മാ​വില്ല. (റോമ. 8:38, 39) ദൈവ​ത്തി​ന്റെ വിശ്വ​സ്‌ത​രായ ദാസരിൽ ചിലർ മരിക്കു​ന്നു​ണ്ടെ​ങ്കി​ലും അതിന്റെ അർഥം സാത്താൻ വിജയി​ച്ചു എന്നല്ല. യഹോവ അവരെ ഉയിർപ്പി​ക്കും. (യോഹ. 5:28, 29) പക്ഷേ സാത്താന്റെ ഭാവി ഇരുള​ട​ഞ്ഞ​താണ്‌. ഈ ദുഷ്ട​ലോ​ക​ത്തി​ന്റെ സമ്പൂർണ​നാ​ശ​ത്തി​നു ശേഷം സാത്താനെ 1,000 വർഷ​ത്തേക്ക്‌ അഗാധ​ത്തിൽ അടച്ചു​പൂ​ട്ടും. (വെളി. 20:1-3) 1,000 വർഷത്തെ യേശു​വി​ന്റെ ഭരണത്തി​നൊ​ടു​വിൽ “സാത്താനെ തടവിൽനിന്ന്‌ അഴിച്ചു​വി​ടും.” അപ്പോൾ പൂർണ​രായ മനുഷ്യ​രെ തെറ്റി​ക്കാൻ അവൻ അവസാ​ന​മാ​യി ഒരു ശ്രമം​കൂ​ടി നടത്തും. അതിനു ശേഷം അവനെ എന്നെ​ന്നേ​ക്കു​മാ​യി നശിപ്പി​ക്കും. (വെളി. 20:7-10) സാത്താന്‌ ഇനി​യൊ​രു ഭാവി​യില്ല. പക്ഷേ നിങ്ങൾക്കുണ്ട്‌! അതു​കൊണ്ട്‌ സാത്താ​നു​മാ​യുള്ള പോരാ​ട്ട​ത്തിൽ തുടരുക. വിശ്വാ​സം ശക്തമാ​ക്കുക. നിങ്ങൾ വിജയി​ക്കും. നിശ്ചയം!