ക്രിസ്‌തീ​യ​കു​ടും​ബം കാര്യങ്ങൾ ഒത്തൊ​രു​മി​ച്ചു ചെയ്യുന്നു

“സഹോ​ദ​രൻമാ​രേ, നിങ്ങൾ എല്ലാവ​രും ഒന്നു തന്നേ സംസാ​രി​ക്ക​യും . . . ഏകമന​സ്സി​ലും ഏകാഭി​പ്രാ​യ​ത്തി​ലും യോജി​ച്ചി​രി​ക്ക​യും വേണം എന്നു ഞാൻ നിങ്ങളെ . . . പ്രബോ​ധി​പ്പി​ക്കു​ന്നു.”—1 കൊരി​ന്ത്യർ 1:10.

1. അനേകം കുടും​ബ​ങ്ങ​ളിൽ ഐക്യം സംബന്ധി​ച്ചുള്ള സ്ഥിതി​വി​ശേഷം എന്താണ്‌?

നിങ്ങളു​ടേത്‌ ഒരു ഏകീകൃത കുടും​ബ​മാ​ണോ? അതോ ഓരോ​രു​ത്ത​രും തന്റെ സ്വന്തം വഴിയിൽ പോകു​ന്ന​താ​യി തോന്നു​ന്നു​വോ? നിങ്ങൾ ഒത്തൊ​രു​മി​ച്ചു കാര്യങ്ങൾ ചെയ്യു​ന്നു​വോ? അതോ നിങ്ങൾ എല്ലാവ​രും ഒരേസ​മയം ഒരു സ്ഥലത്താ​യി​രി​ക്കു​ന്നത്‌ അപൂർവ​മാ​യാ​ണോ? “കുടും​ബം” എന്ന വാക്കു​തന്നെ അർഥമാ​ക്കു​ന്നത്‌ ഒരു ഏകീകൃത ഗൃഹജനം എന്നാണ്‌.a എന്നിരു​ന്നാ​ലും എല്ലാ കുടും​ബ​ങ്ങ​ളും ഏകീകൃ​തമല്ല. “ഉത്തമമായ സമൂഹ​ത്തി​ന്റെ അടിത്ത​റ​യാ​യി​രി​ക്കു​ന്ന​തി​നു പകരം കുടും​ബം . . . നമ്മുടെ എല്ലാ അതൃപ്‌തി​ക​ളു​ടെ​യും ഉറവാ​യി​രി​ക്കു​ന്നു” എന്നു​പോ​ലും ഒരു ബ്രിട്ടീഷ്‌ ലക്‌ചറർ പറഞ്ഞു​പോ​യി. അതു നിങ്ങളു​ടെ കുടും​ബത്തെ സംബന്ധി​ച്ചു വാസ്‌ത​വ​മാ​ണോ? അങ്ങനെ​യെ​ങ്കിൽ, അത്‌ അപ്രകാ​രം​തന്നെ ആയിരി​ക്ക​ണ​മോ?

2. ഏതു ബൈബിൾ കഥാപാ​ത്രങ്ങൾ ഒരു ഉത്തമ കുടും​ബ​ത്തിൽനി​ന്നു വന്നതിന്റെ തെളിവു നൽകുന്നു?

² ഒരു കുടും​ബ​ത്തി​ലെ ഐക്യ​മോ അനൈ​ക്യ​മോ ആശ്രയി​ച്ചി​രി​ക്കു​ന്നതു മാതാ​പി​താ​ക്കൾ ഇരുവ​രിൽ നിന്നോ അവരിൽ ഒരാളിൽ നിന്നോ ഉള്ള നേതൃ​ത്വ​ത്തിൻമേ​ലാണ്‌. ബൈബിൾ കാലങ്ങ​ളിൽ ഒത്തൊ​രു​മിച്ച്‌ ആരാധന നടത്തി​യി​രുന്ന ഏകീകൃത കുടും​ബങ്ങൾ യഹോ​വ​യു​ടെ അനു​ഗ്രഹം ആസ്വദി​ച്ചു. പുരാതന ഇസ്ര​യേ​ലി​ലും ഇതു സത്യമാ​യി​രു​ന്നു, അവിടെ യിഫ്‌താ​ഹി​ന്റെ മകളും ശിം​ശോ​നും ശമൂ​വേ​ലും, ഓരോ​രു​ത്ത​രും അവരവ​രു​ടേ​തായ വിധത്തിൽ, ദൈവി​ക​ഭ​ക്തി​യുള്ള കുടും​ബ​ത്തിൽനി​ന്നു വന്നതിന്റെ തെളിവു നൽകി. (ന്യായാ​ധി​പൻമാർ 11:30-40; 13:2-25; 1 ശമൂവേൽ 1:21-23; 2:18-21) ആദിമ ക്രിസ്‌തീയ നാളു​ക​ളിൽ പൗലോ​സി​ന്റെ ചില മിഷനറി യാത്ര​ക​ളിൽ അദ്ദേഹ​ത്തി​ന്റെ വിശ്വസ്‌ത സഹകാ​രി​യാ​യി​രുന്ന തിമൊ​ഥെ​യൊ​സി​നെ അദ്ദേഹ​ത്തി​ന്റെ വലിയ​മ്മ​യായ ലോവീ​സും അമ്മയായ യൂനീ​ക്ക​യും എബ്രായ തിരു​വെ​ഴു​ത്തു​ക​ളു​ടെ പരിജ്ഞാ​ന​ത്തിൽ വളർത്തി​ക്കൊ​ണ്ടു​വന്നു. അദ്ദേഹം എത്ര മികച്ച ഒരു ശിഷ്യ​നും മിഷന​റി​യും ആയിത്തീർന്നു!—പ്രവൃ​ത്തി​കൾ 16:1, 2; 2 തിമൊ​ഥെ​യൊസ്‌ 1:5; 3:14, 15; പ്രവൃ​ത്തി​കൾ 21:8, 9 കൂടി കാണുക.

കാര്യങ്ങൾ ഒത്തൊ​രു​മി​ച്ചു ചെയ്യേ​ണ്ട​തെ​ന്തു​കൊണ്ട്‌?

3, 4. (എ) ഒരു ഏകീകൃത കുടും​ബ​ത്തിൽ ഏതെല്ലാം ഗുണങ്ങ​ളാ​ണു പ്രകട​മാ​യി​രി​ക്കേ​ണ്ടത്‌? (ബി) ഒരു ഭവനത്തി​നു കേവല​മൊ​രു വീടി​നെ​ക്കാൾ കവിഞ്ഞ​താ​യി​രി​ക്കാൻ കഴിയു​ന്ന​തെ​ങ്ങനെ?

³ കാര്യങ്ങൾ ഒത്തൊ​രു​മി​ച്ചു ചെയ്യു​ന്നതു കുടും​ബ​ങ്ങൾക്കു പ്രയോ​ജ​ന​പ്ര​ദ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ അതു പരസ്‌പ​ര​ധാ​ര​ണ​യും ആദരവും കെട്ടു​പ​ണി​ചെ​യ്യു​ന്നു. ഓരോ​രു​ത്ത​രിൽനി​ന്നും നമ്മെത്തന്നെ അകററു​ന്ന​തി​നു പകരം നാം അടുത്തു നില​കൊ​ള്ളു​ക​യും പിന്തുണ കൊടു​ക്കു​ക​യും ചെയ്യുന്നു. കുടും​ബ​ബ​ന്ധങ്ങൾ (Family Relations) എന്ന ഒരു വാർത്താ​പ​ത്രി​ക​യിൽ ഈയിടെ വന്ന ഒരു ലേഖനം ഇപ്രകാ​രം പ്രസ്‌താ​വി​ച്ചു: “‘ബലിഷ്‌ഠ​മായ കുടും​ബങ്ങ’ളുടെ സവിശേഷ ഗുണഗ​ണ​ങ്ങളെ വർണി​ച്ചു​കൊ​ണ്ടു താരത​മ്യേന വ്യക്തമായ ഒരു ചിത്രം പൊന്തി​വ​ന്നി​രി​ക്കു​ന്നു. പരസ്‌പ​ര​മുള്ള പ്രതി​ബ​ദ്ധ​ത​യും വിലമ​തി​പ്പും ഒത്തൊ​രു​മ​യും നല്ല ആശയവി​നി​മ​യ​വും പ്രശ്‌നം പരിഹ​രി​ക്കാ​നുള്ള പ്രാപ്‌തി​യും ഒരു ബലിഷ്‌ഠ​മായ ആത്മീയ​ത​യും അത്തരം ഗുണങ്ങ​ളിൽ ഉൾപ്പെ​ടു​ന്നു.”

⁴ ഈ ഗുണങ്ങൾ കുടും​ബ​ത്തിൽ നിലനിൽക്കു​ന്നെ​ങ്കിൽ ഭവനം മേലാൽ, ഇന്ധനത്തി​നു​വേണ്ടി നിർത്തുന്ന ഒരു സ്ഥലമായ, ഒരു പെ​ട്രോൾ പമ്പ്‌ പോലെ ആയിരി​ക്കില്ല. അതു കേവലം ഒരു വീടി​നെ​ക്കാൾ കവിഞ്ഞ​താണ്‌. അതു കുടും​ബാം​ഗ​ങ്ങളെ ആകർഷി​ച്ചു കൂട്ടി​വ​രു​ത്തുന്ന ഒരു സ്ഥലമാണ്‌. ഊഷ്‌മ​ള​ത​യു​ടെ​യും വാത്സല്യ​ത്തി​ന്റെ​യും അനുക​മ്പ​യു​ടെ​യും സഹാനു​ഭൂ​തി​യു​ടെ​യും ഒരു താവള​മാ​ണത്‌. (സദൃശ​വാ​ക്യ​ങ്ങൾ 4:3, 4) അത്‌ കുടുംബ ഐക്യം കാണ​പ്പെ​ടുന്ന ഒരു കൂടാണ്‌, ഉരസലും ഭിന്നത​യും ഉള്ള തേളിന്റെ ഒരു മാളമല്ല. പക്ഷേ ഇതെങ്ങനെ കൈവ​രി​ക്കും?

കുടും​ബാ​ധ്യ​യ​ന​ത്തി​ലെ ഒത്തൊ​രു​മ

5. സത്യാ​രാ​ധന പഠിക്കാൻ നാം എന്താണ്‌ ഉപയോ​ഗി​ക്കു​ന്നത്‌?

⁵ ന്യായ​വാ​ദം ചെയ്യാ​നുള്ള നമ്മുടെ കഴിവി​ന്റെ, അഥവാ “ചിന്താ​ശക്തി”യുടെ ഉപയോ​ഗ​ത്തി​ലൂ​ടെ​യാണ്‌ യഹോ​വ​യു​ടെ സത്യാ​രാ​ധന പഠിക്കു​ന്നത്‌. (റോമർ 12:1, NW) വാക്‌ചാ​തു​ര്യ​ത്തോ​ടെ​യുള്ള മതപ്ര​സം​ഗ​ങ്ങ​ളാ​ലും തന്ത്രപ​ര​മായ ടിവി ശുശ്രൂ​ഷ​ക​ളാ​ലും ഉണർത്ത​പ്പെ​ടു​ന്നതു പോലുള്ള നൈമി​ഷിക വികാ​രങ്ങൾ നമ്മുടെ പെരു​മാ​റ​റത്തെ നിയ​ന്ത്രി​ക്ക​രുത്‌. പ്രത്യുത, ബൈബി​ളും “വിശ്വ​സ്‌ത​നും ബുദ്ധി​മാ​നും ആയ ദാസൻ” തയ്യാറാ​ക്കുന്ന ബൈബിൾ-പഠന-സാഹി​ത്യ​ങ്ങ​ളും നിരന്ത​ര​മാ​യി പഠിക്കു​ന്ന​തി​നാ​ലും ധ്യാനി​ക്കു​ന്ന​തി​നാ​ലും നാം പ്രചോ​ദി​പ്പി​ക്ക​പ്പെ​ടു​ന്നു. (മത്തായി 24:45) ഉയർന്നു​വ​ന്നേ​ക്കാ​വുന്ന ഏതൊരു സാഹച​ര്യ​ത്തി​ലും അല്ലെങ്കിൽ പ്രലോ​ഭ​ന​ത്തി​ലും ക്രിസ്‌തു​വി​ന്റെ മനസ്സ്‌ സ്വായ​ത്ത​മാ​ക്കു​ന്ന​തി​ന്റെ അനന്തര​ഫ​ല​മാ​ണു നമ്മുടെ ക്രിസ്‌തീയ നടപടി​കൾ. ആ വശത്ത്‌ യഹോ​വ​യാ​ണു നമ്മുടെ മഹാനായ ഉപദേ​ഷ്ടാവ്‌.—സങ്കീർത്തനം 25:9; യെശയ്യാ​വു 54:13; 1 കൊരി​ന്ത്യർ 2:16.

6. കുടും​ബാ​ധ്യ​യ​ന​ത്തി​ന്റെ ഏതു ലോക​വ്യാ​പക മാതൃക നമുക്കുണ്ട്‌?

⁶ കുടുംബ ബൈബി​ള​ധ്യ​യനം ഓരോ ക്രിസ്‌തീയ കുടും​ബ​ത്തി​ന്റെ​യും ആത്മീയ​ത​യിൽ ഒരു സർവ​പ്ര​ധാ​ന​മായ പങ്കുവ​ഹി​ക്കു​ന്നു. നിങ്ങളു​ടെ കുടും​ബാ​ധ്യ​യനം നിങ്ങൾ എപ്പോ​ഴാ​ണു നടത്തു​ന്നത്‌? യാദൃ​ശ്ചി​ക​മാ​യി വീണു​കി​ട്ടുന്ന അവസര​ത്തി​ലോ പെട്ടെ​ന്നൊ​രു നിമിഷം തോന്നു​മ്പോൾ തീരു​മാ​നി​ക്കു​ന്ന​തോ ആണെങ്കിൽ അതു വല്ലപ്പോ​ഴു​മാ​കാ​നാണ്‌ ഏറെ സാധ്യത. കുടും​ബാ​ധ്യ​യ​ന​ത്തി​ലെ ഒത്തൊ​രു​മക്കു നിരന്ത​ര​വും നിശ്ചി​ത​വു​മായ ഒരു പട്ടിക ആവശ്യ​മാ​ക്കി​ത്തീർക്കു​ന്നു. അപ്പോൾ കുടും​ബ​ത്തി​ന്റെ ഒരു ആത്മീയ ഒത്തു​ചേ​ര​ലിന്‌ ഏതു ദിവസം ഏതു സമയത്തു തങ്ങൾ സന്നിഹി​ത​രാ​കാൻ പ്രതീ​ക്ഷി​ക്കു​ന്നു​വെന്നു എല്ലാവർക്കും അറിയാ​നാ​കും. പന്തീരാ​യി​ര​ത്തി​ല​ധി​കം വരുന്ന ലോക​വ്യാ​പക ബെഥേൽ കുടും​ബാം​ഗ​ങ്ങൾക്കു തങ്ങളുടെ കുടും​ബാ​ധ്യ​യനം തിങ്കളാഴ്‌ച വൈകു​ന്നേ​ര​മാ​ണെന്ന്‌ അറിയാം. പകൽ അവസാ​നി​ക്കു​ന്ന​തോ​ടെ പസഫിക്‌ ദ്വീപു​ക​ളി​ലും ന്യൂസി​ലാൻഡി​ലും, പിന്നെ ക്രമത്തിൽ ആസ്‌​ട്രേ​ലി​യ​യി​ലും ജപ്പാനി​ലും തായ്‌വാ​നി​ലും ഹോ​ങ്കോം​ങി​ലും, തുടർന്ന്‌ ഏഷ്യയി​ലും ആഫ്രി​ക്ക​യി​ലും യൂറോ​പ്പി​ലും, അവസാനം അമേരി​ക്ക​ക​ളി​ലും തങ്ങളെ​ല്ലാം പങ്കുപ​റ​റു​ന്നത്‌ ഒരേ പഠനമാ​ണെന്ന്‌ ഓർക്കു​ന്നത്‌ ഈ ബെഥേൽ സ്വമേ​ധയാ സേവകർക്ക്‌ എത്ര മതിപ്പു​ള​വാ​ക്കു​ന്ന​താണ്‌. ആയിര​ക്ക​ണ​ക്കി​നു കിലോ​മീ​റ​റ​റു​ക​ളാ​ലും അനേകം ഭാഷക​ളാ​ലും അകന്നി​രി​ക്കു​ന്ന​വ​രെ​ങ്കി​ലും ഈ കുടും​ബാ​ധ്യ​യനം ബെഥേൽ കുടും​ബാം​ഗ​ങ്ങ​ളിൽ ഒരുമ​യു​ടെ വികാരം അങ്കുരി​പ്പി​ക്കു​ന്നു. ഒരു ചെറിയ തോതിൽ, നിങ്ങളു​ടെ കുടും​ബാ​ധ്യ​യ​ന​ത്തി​ലൂ​ടെ അതേ വികാരം നിങ്ങൾക്കു നട്ടുവ​ളർത്താ​നാ​കും.—1 പത്രൊസ്‌ 2:17; 5:9.

7. പത്രോസ്‌ പറയു​ന്നതു പ്രകാരം, സത്യവ​ച​നത്തെ നാം എപ്രകാ​രം വീക്ഷി​ക്കണം?

⁷ അപ്പോ​സ്‌ത​ല​നായ പത്രോസ്‌ നമ്മെ ഇങ്ങനെ ബുദ്ധ്യു​പ​ദേ​ശി​ക്കു​ന്നു: “ഇപ്പോൾ ജനിച്ച ശിശു​ക്ക​ളെ​പ്പോ​ലെ രക്ഷെക്കാ​യി വളരു​വാൻ വചനം എന്ന മായമി​ല്ലാത്ത പാൽ കുടി​പ്പാൻ വാഞ്‌ഛി​പ്പിൻ. കർത്താവു ദയാലു എന്നു നിങ്ങൾ ആസ്വദി​ച്ചി​ട്ടു​ണ്ട​ല്ലോ.” (1 പത്രൊസ്‌ 2:2, 3) ആ വാക്കു​ക​ളാൽ എത്ര മനോ​ജ്ഞ​മായ ചിത്ര​മാണ്‌ പത്രോസ്‌ നമ്മുടെ ശ്രദ്ധയി​ലേക്കു കൊണ്ടു​വ​രു​ന്നത്‌! ലിങ്‌ഗ്വി​സ്‌റ​റിക്‌ കീ ററു ദ ഗ്രീക്ക്‌ ന്യൂ ടെസ്‌റ​റ​മെൻറ്‌ പറയുന്ന പ്രകാരം അദ്ദേഹം ഉപയോ​ഗിച്ച ഗ്രീക്ക്‌ പദമായ എപി​പ്പോ​തെ​സാ​തെ “അതീവ ആഗ്രഹം തോന്നുക, ആഗ്രഹി​ക്കുക, കേഴുക” എന്ന്‌ അർഥമുള്ള ഒരു പദത്തിൽനി​ന്നു വരുന്നു. അതു തീവ്ര​മായ ആഗ്രഹത്തെ അർഥമാ​ക്കു​ന്നു. ഒരു മൃഗത്തി​ന്റെ കുഞ്ഞ്‌ എത്ര ആർത്തി​യോ​ടെ അതിന്റെ അമ്മയുടെ മുലക്കണ്ണ്‌ പരതു​ന്നു​വെ​ന്നും ഒരു മനുഷ്യ​ശി​ശു അതിന്റെ അമ്മയുടെ മുലപ്പാൽ നുകരു​മ്പോൾ അത്‌ എത്ര തൃപ്‌തി​യു​ള്ള​താ​യി​രി​ക്കു​ന്നു​വെ​ന്നും നിങ്ങൾ ശ്രദ്ധി​ച്ചി​ട്ടു​ണ്ടോ? സത്യത്തി​ന്റെ വചനത്തി​നു​വേണ്ടി അതേ ആഗ്രഹം നമുക്കു​ണ്ടാ​യി​രി​ക്കണം. ഗ്രീക്ക്‌ പണ്ഡിത​നായ വില്യം ബാർക്ലേ ഇങ്ങനെ പ്രസ്‌താ​വി​ച്ചു: “ആത്മാർഥ​ത​യുള്ള ക്രിസ്‌ത്യാ​നിക്ക്‌ ദൈവ​വ​ചനം പഠിക്കുക എന്നത്‌ ഒരു പ്രയാ​സ​മേ​റിയ ജോലി​യല്ല, മറിച്ച്‌ പ്രമോ​ദ​മാണ്‌, കാരണം അയാളു​ടെ ഹൃദയം അതിയാ​യി ആഗ്രഹി​ക്കുന്ന പുഷ്ട​ഭോ​ജ്യം അതിൽ കണ്ടെത്തു​മെന്ന്‌ അയാൾക്ക്‌ അറിയാം.”

8. കുടും​ബാ​ധ്യ​യനം നിർവ​ഹി​ക്കു​ന്ന​തിൽ കുടും​ബ​നാ​ഥൻ അഭിമു​ഖീ​ക​രി​ക്കുന്ന വെല്ലു​വി​ളി ഏത്‌?

⁸ കുടും​ബാ​ധ്യ​യനം കുടുംബ നാഥനിൽ ഒരു വലിയ ഉത്തരവാ​ദി​ത്വം വെക്കുന്നു. അധ്യയനം എല്ലാവർക്കും രസാവ​ഹ​മാ​യി​രി​ക്കു​ന്നു എന്നും എല്ലാവർക്കും പങ്കെടു​ക്കാൻ കഴിയു​ന്നു എന്നും അദ്ദേഹം ഉറപ്പാ​ക്കേ​ണ്ട​തുണ്ട്‌. അധ്യയനം വാസ്‌ത​വ​ത്തിൽ മുതിർന്ന​വർക്കു​വേണ്ടി മാത്ര​മു​ള്ള​താ​ണെന്ന തോന്നൽ കുട്ടി​കൾക്കു​ണ്ടാ​ക​രുത്‌. അധ്യയ​ന​ത്തി​ന്റെ ഗുണനി​ല​വാ​രം പഠിപ്പി​ക്കുന്ന വിവര​ങ്ങ​ളു​ടെ അളവി​നെ​ക്കാൾ പ്രധാ​ന​മാണ്‌. ബൈബി​ളി​നെ ജീവസ്സു​റ​റ​താ​ക്കി​ത്തീർക്കുക. ഉചിത​മാ​യി​രി​ക്കു​ന്നി​ട​ത്തെ​ല്ലാം ചർച്ച ചെയ്യുന്ന സംഭവങ്ങൾ നടന്ന പാലസ്‌തീ​നി​ന്റെ പ്രദേ​ശ​ങ്ങ​ളും സവി​ശേ​ഷ​ത​ക​ളും ഭാവന​യിൽ കാണു​വാൻ നിങ്ങളു​ടെ കുട്ടി​കളെ സഹായി​ക്കുക. വ്യക്തി​ഗ​ത​മായ ഗവേഷണം നടത്താ​നും കുടും​ബ​വു​മാ​യി അതു പങ്കു​വെ​ക്കാ​നും എല്ലാവ​രെ​യും പ്രോ​ത്സാ​ഹി​പ്പി​ക്കണം. ഈ വിധത്തിൽ കുട്ടി​കൾക്കും ‘യഹോ​വ​യു​ടെ സന്നിധി​യിൽ വളർന്നു’വരാൻ കഴിയും.—1 ശമൂവേൽ 2:20, 21.

സുവി​ശേ​ഷ​വേ​ല​യി​ലെ ഒത്തൊ​രു​മ

9. പ്രസം​ഗ​വേ​ലയെ സന്തുഷ്ടി​ക​ര​മായ ഒരു കുടും​ബാ​നു​ഭ​വ​മാ​ക്കി​ത്തീർക്കാൻ കഴിയു​ന്ന​തെ​ങ്ങനെ?

⁹ “സുവി​ശേഷം മുമ്പെ സകല ജാതി​ക​ളോ​ടും പ്രസം​ഗി​ക്കേ​ണ്ട​താ​കു​ന്നു” എന്നു യേശു പറഞ്ഞു. (മർക്കൊസ്‌ 13:10) ആ വാക്കുകൾ മനസ്സാ​ക്ഷി​ബോ​ധ​മുള്ള ഓരോ ക്രിസ്‌ത്യാ​നി​ക്കും ഒരു നിയമനം നൽകുന്നു—സുവി​ശേ​ഷ​വേല ചെയ്യുക, ദൈവ​രാ​ജ്യ​ഭ​ര​ണ​ത്തി​ന്റെ സുവാർത്ത മററു​ള്ള​വ​രു​മാ​യി പങ്കു​വെ​ക്കുക. ഇതു കുടും​ബ​മെന്ന നിലയിൽ ഒത്തൊ​രു​മി​ച്ചു ചെയ്യു​ന്നതു പ്രോ​ത്സാ​ഹ​ജ​ന​ക​വും ഉല്ലാസ​പ്ര​ദ​വു​മായ ഒരു അനുഭ​വ​മാ​യി​രി​ക്കാ​വു​ന്ന​താണ്‌. മാതാ​പി​താ​ക്കൾ തങ്ങളുടെ കുട്ടികൾ സുവാർത്ത അവതരി​പ്പി​ക്കു​ന്ന​തിൽ അഭിമാ​നം കൊള്ളു​ന്നു. ബുധനാ​ഴ്‌ച​തോ​റും സ്‌കൂൾ കഴിഞ്ഞും ശനിയാ​ഴ്‌ച​തോ​റും രാവി​ലെ​യും പരസ്യ പ്രസം​ഗ​വേ​ല​യിൽ തങ്ങളുടെ കുട്ടി​ക​ളോ​ടൊ​പ്പം പോകുന്ന സ്വഭാവം തങ്ങൾക്ക്‌ എല്ലായ്‌പോ​ഴും ഉണ്ടെന്നു 15-നും 21-നും ഇടയ്‌ക്കു പ്രായ​മുള്ള മൂന്നു പുത്രൻമാ​രുള്ള ഒരു ദമ്പതികൾ പറയുന്നു. പിതാവ്‌ ഇപ്രകാ​രം പറഞ്ഞു: “ഓരോ പ്രാവ​ശ്യ​വും ഞങ്ങൾ അവരെ എന്തെങ്കി​ലും പഠിപ്പി​ക്കു​ന്നു. അത്‌ ആസ്വാ​ദ്യ​വും പ്രോ​ത്സാ​ഹ​ജ​ന​ക​വു​മായ ഒരു അനുഭ​വ​മാ​ണെന്നു ഞങ്ങൾ ഉറപ്പു​വ​രു​ത്തു​ക​യും ചെയ്യുന്നു.”

10. മാതാ​പി​താ​ക്കൾക്കു ശുശ്രൂ​ഷ​യിൽ തങ്ങളുടെ കുട്ടി​കൾക്കു പ്രയോ​ജനം ചെയ്യാൻ കഴിയു​ന്നത്‌ എങ്ങനെ?

¹⁰ പ്രസം​ഗ​വേ​ല​യി​ലും പഠിപ്പി​ക്കൽവേ​ല​യി​ലും ഒരു കുടും​ബ​മെന്ന നിലയിൽ ഒത്തൊ​രു​മി​ച്ചുള്ള പ്രവർത്തനം വളരെ ഫലദാ​യ​ക​മാ​യി​രി​ക്കാ​വു​ന്ന​താണ്‌. ചില​പ്പോൾ ഒരു കുട്ടി​യു​ടെ ലളിത​വും എന്നാൽ അതേ സമയം ആത്മാർഥ​വു​മായ അവതര​ണ​ത്തോട്‌ ആളുകൾ കൂടുതൽ അനുകൂ​ല​മാ​യി പ്രതി​ക​രി​ക്കു​ന്നു. അപ്പോൾ ആവശ്യ​മെ​ങ്കിൽ സഹായി​ക്കാൻ മമ്മിയും ഡാഡി​യും അവി​ടെ​യുണ്ട്‌. തങ്ങളുടെ കുട്ടി​കൾക്കു ക്രമാ​നു​ഗ​ത​മായ പരിശീ​ലനം ലഭിക്കു​ന്നു​ണ്ടെ​ന്നും അങ്ങനെ “സത്യവ​ച​നത്തെ യഥാർഥ​മാ​യി പ്രസം​ഗി​ച്ചു​കൊ​ണ്ടു ലജ്ജിപ്പാൻ സംഗതി​യി​ല്ലാത്ത” ശുശ്രൂ​ഷ​ക​രാ​യി​ത്തീ​രു​ന്നു​ണ്ടെ​ന്നും മാതാ​പി​താ​ക്കൾക്ക്‌ ഉറപ്പാ​ക്കാ​വു​ന്ന​താണ്‌. ഈവിധം ഒരുമി​ച്ചുള്ള സുവി​ശേ​ഷ​പ്ര​സം​ഗം തങ്ങളുടെ കുട്ടി​യു​ടെ ശുശ്രൂ​ഷ​യി​ലുള്ള മനോ​ഭാ​വ​ത്തെ​യും ഫലപ്ര​ദ​ത്വ​ത്തെ​യും നല്ല പെരു​മാ​ററ രീതി​ക​ളെ​യും നിരീ​ക്ഷി​ക്കാൻ മാതാ​പി​താ​ക്കളെ അനുവ​ദി​ക്കു​ന്നു. ഒരു പതിവു​ക്രമം അവലം​ബി​ച്ചു​കൊണ്ട്‌, അവർ കുട്ടി​യു​ടെ പുരോ​ഗതി മനസ്സി​ലാ​ക്കു​ക​യും അവന്റെ​യോ അവളു​ടെ​യോ വിശ്വാ​സത്തെ ബലിഷ്‌ഠ​മാ​ക്കാൻവേണ്ടി പടിപ​ടി​യാ​യുള്ള പരിശീ​ല​ന​വും പ്രോ​ത്സാ​ഹ​ന​വും നൽകു​ക​യും ചെയ്യുന്നു. അതേ സമയം തങ്ങളുടെ മാതാ​പി​താ​ക്കൾ ശുശ്രൂ​ഷ​യിൽ നല്ല ദൃഷ്ടാ​ന്ത​ങ്ങ​ളാ​ണെന്നു കുട്ടികൾ മനസ്സി​ലാ​ക്കു​ന്നു. ഏകീകൃ​ത​വും ശ്രദ്ധ​ചെ​ലു​ത്തു​ന്ന​തും ആയ ഒരു കുടും​ബ​മെന്ന നിലയിൽ പ്രവർത്തി​ക്കു​ന്നതു നിർണാ​യ​ക​വും അക്രമാ​സ​ക്ത​വു​മായ സമയങ്ങ​ളിൽ കുററ​കൃ​ത്യ​ങ്ങൾ സാധാ​ര​ണ​മാ​യി​രി​ക്കുന്ന ചുററു​പാ​ടു​ക​ളിൽ ഒരള​വോ​ളം സുരക്ഷ​പോ​ലും പ്രദാനം ചെയ്‌തേ​ക്കാം.—2 തിമൊ​ഥെ​യൊസ്‌ 2:15; ഫിലി​പ്പി​യർ 3:16.

11. സത്യ​ത്തോ​ടുള്ള ഒരു കുട്ടി​യു​ടെ തീക്ഷ്‌ണ​തയെ എളുപ്പ​ത്തിൽ കുറച്ചു​ക​ള​യാൻ എന്തിനു കഴിയും?

¹¹ മുതിർന്ന​വ​രി​ലുള്ള ഇരട്ടത്താ​പ്പു നയം കുട്ടികൾ എളുപ്പ​ത്തിൽ കണ്ടുപി​ടി​ക്കു​ന്നു. മാതാ​പി​താ​ക്കൾ സത്യ​ത്തോ​ടും വീടു​തോ​റു​മുള്ള ശുശ്രൂ​ഷ​യോ​ടും ഒരു യഥാർഥ സ്‌നേഹം പ്രകട​മാ​ക്കു​ന്നി​ല്ലെ​ങ്കിൽ കുട്ടികൾ തീക്ഷ്‌ണ​ത​യു​ള്ള​വ​രാ​യി​രി​ക്കാൻ പ്രതീ​ക്ഷി​ക്കാൻ കഴിയില്ല. അതിനാൽ, വാര​ന്തോ​റും കുട്ടി​ക​ളോ​ടൊ​ത്തുള്ള ബൈബി​ള​ധ്യ​യനം മാത്രം വയൽസേ​വ​ന​മാ​യി​ട്ടുള്ള ഒരു ആരോ​ഗ്യ​വാ​നായ പിതാവ്‌ ഇവർ പ്രായ​മാ​കു​മ്പോൾ ഒരു കനത്ത വില കൊടു​ക്കേ​ണ്ട​താ​യി വന്നേക്കാം.—സദൃശ​വാ​ക്യ​ങ്ങൾ 22:6; എഫെസ്യർ 6:4.

12. ചില കുടും​ബ​ങ്ങൾക്കു യഹോ​വ​യിൽനി​ന്നു വിശേ​ഷാ​ലുള്ള ഒരു അനു​ഗ്രഹം പ്രാപി​ക്കാൻ കഴിയു​ന്ന​തെ​ങ്ങനെ?

¹² ചുരു​ങ്ങി​യ​പക്ഷം ഒരംഗ​ത്തിന്‌ സഭയിൽ ഒരു മുഴു​സമയ പയനിയർ ശുശ്രൂ​ഷ​ക​നാ​യി സേവി​ക്കാൻ കഴി​യേ​ണ്ട​തിന്‌ ഒരുപക്ഷേ കുടും​ബ​ത്തി​നു സഹകരി​ക്കാൻ കഴിയു​മെ​ന്ന​താണ്‌ “ഏകമന​സ്സു​ള്ള​വരാ”യിരി​ക്കു​ന്ന​തി​ന്റെ ഒരു പ്രയോ​ജനം. ലോക​മെ​മ്പാ​ടും അനേകം കുടും​ബങ്ങൾ ഇതു ചെയ്യുന്നു, അവർക്ക്‌ എല്ലാവർക്കും അവരുടെ പയനിയർ കുടും​ബാം​ഗ​ത്തി​ന്റെ അനുഭ​വ​ങ്ങ​ളിൽനി​ന്നും വർധിച്ച ഫലക്ഷമ​ത​യിൽനി​ന്നും അനു​ഗ്രഹം ലഭിക്കു​ക​യും ചെയ്യുന്നു.—2 കൊരി​ന്ത്യർ 13:11; ഫിലി​പ്പി​യർ 2:1-4.

പ്രശ്‌നങ്ങൾ പരിഹ​രി​ക്കു​ന്ന​തി​ലെ ഒത്തൊ​രു​മ

13, 14. (എ) ഏതു സ്ഥിതി​വി​ശേ​ഷ​ങ്ങൾക്ക്‌ ഒരു കുടും​ബ​ത്തി​ന്റെ ഐക്യത്തെ ബാധി​ക്കാൻ കഴിയും? (ബി) അനേകം കുടും​ബ​പ്ര​ശ്‌നങ്ങൾ തടയാൻ കഴിയു​ന്ന​തെ​ങ്ങനെ?

¹³ “ഞെരുക്ക”ത്തിന്റെ​യും “അപകട”ത്തിന്റെ​യും ഈ പ്രയാ​സ​മേ​റിയ കാലഘ​ട്ട​ത്തിൽ നമു​ക്കെ​ല്ലാം സമ്മർദം അനുഭ​വ​പ്പെ​ടു​ന്നു. (2 തിമൊ​ഥെ​യൊസ്‌ 3:1, റി​വൈ​സ്‌ഡ്‌ സ്‌ററാൻഡേഡ്‌ വേർഷൻ; ഫിലി​പ്‌സ്‌) ജോലി​സ്ഥ​ല​ത്തും സ്‌കൂ​ളി​ലും തെരു​വി​ലും, പിന്നെ ഭവനത്തിൽപ്പോ​ലും പ്രശ്‌ന​ങ്ങ​ളുണ്ട്‌. ചിലർ മോശ​മായ ആരോ​ഗ്യ​ത്താ​ലോ വളരെ നാളു​ക​ളാ​യുള്ള വൈകാ​രിക പ്രശ്‌ന​ങ്ങ​ളാ​ലോ കഷ്ടപ്പെ​ടു​ന്നു, അതു ചില​പ്പോൾ കുടും​ബ​ത്തിൽ പിരി​മു​റു​ക്ക​ങ്ങ​ളി​ലേ​ക്കും തെററി​ധാ​ര​ണ​ക​ളി​ലേ​ക്കും നയിക്കു​ന്നു. അത്തരം സ്ഥിതി​വി​ശേ​ഷ​ങ്ങളെ എങ്ങനെ കൈകാ​ര്യം ചെയ്യാൻ കഴിയും? ഓരോ​രു​ത്ത​രും ആശയവി​നി​യമം ചെയ്യാ​തി​രു​ന്നു​കൊ​ണ്ടോ? ഒരേ ഭവനത്തിൽ ആയിരി​ക്കു​മ്പോൾ പോലും സ്വയം ഒററ​പ്പെ​ട്ടു​കൊ​ണ്ടോ? അല്ല. മറിച്ച്‌, നാം നമ്മുടെ ഉത്‌ക​ണ്‌ഠ​കളെ പറഞ്ഞറി​യി​ക്കേ​ണ്ട​തും സഹായം അഭ്യർഥി​ക്കേ​ണ്ട​തും ആവശ്യ​മാണ്‌. ഇതിന്‌ ഒരു സ്‌നേ​ഹ​മുള്ള കുടും​ബ​വൃ​ത്ത​ത്തി​നു​ള്ളി​ല​ല്ലാ​തെ കൂടുതൽ മെച്ചപ്പെട്ട വേറെ ഏതു സ്ഥലമാ​ണു​ള്ളത്‌?—1 കൊരി​ന്ത്യർ 16:14; 1 പത്രൊസ്‌ 4:8.

¹⁴ ഏതൊരു ഡോക്ടർക്കും അറിയാ​വു​ന്ന​തു​പോ​ലെ, ചികി​ത്സ​യെ​ക്കാൾ ഭേദം രോഗ​പ്ര​തി​രോ​ധ​മാണ്‌. കുടും​ബ​പ്ര​ശ്‌ന​ങ്ങ​ളു​ടെ കാര്യ​ത്തി​ലും ഇതു സത്യമാണ്‌. തുറന്ന​തും ആത്മാർഥ​വു​മായ ചർച്ചയ്‌ക്കു പലപ്പോ​ഴും പ്രശ്‌നങ്ങൾ ഗൗരവ​മാ​യി​ത്തീ​രു​ന്നതു തടയാ​നാ​കും. ഗൗരവ​മുള്ള പ്രശ്‌നങ്ങൾ പൊന്തി​വ​ന്നാൽപ്പോ​ലും ഉൾപ്പെ​ട്ടി​രി​ക്കുന്ന ബൈബിൾത​ത്ത്വ​ങ്ങൾ കുടും​ബം ഒത്തൊ​രു​മി​ച്ചി​രു​ന്നു പരിചി​ന്തി​ക്കു​ന്നെ​ങ്കിൽ അവ കൈകാ​ര്യം ചെയ്യാ​നും പരിഹ​രി​ക്കാൻ തന്നെയും കഴിയും. കൊ​ലൊ​സ്സ്യർ 3:12-14വരെയുള്ള പൗലോ​സി​ന്റെ വാക്കുകൾ ബാധക​മാ​ക്കി​ക്കൊ​ണ്ടു പലപ്പോ​ഴും ഉരസൽ മിനു​സ​മാർന്ന ബന്ധമാക്കി മാററാ​നാ​കും: “മനസ്സലി​വു, ദയ, താഴ്‌മ, സൌമ്യത, ദീർഘക്ഷമ എന്നിവ ധരിച്ചു​കൊ​ണ്ടു അന്യോ​ന്യം പൊറു​ക്ക​യും ഒരുവ​നോ​ടു ഒരുവന്നു വഴക്കു​ണ്ടാ​യാൽ തമ്മിൽ ക്ഷമിക്ക​യും ചെയ്‌വിൻ; . . . എല്ലാറ​റി​ന്നും മീതെ സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ.”

വിനോ​ദ​ത്തി​ലെ ഒത്തൊ​രു​മ

15, 16. (എ) ഏതു ഗുണമാ​ണു ക്രിസ്‌തീയ കുടും​ബ​ങ്ങളെ വേർതി​രി​ച്ച​റി​യി​ക്കേ​ണ്ടത്‌? (ബി) ചില മതങ്ങൾ ഏതുതരം ആളുക​ളെ​യാണ്‌ ഉത്‌പാ​ദി​പ്പി​ക്കു​ന്നത്‌, എന്തു​കൊണ്ട്‌?

¹⁵ യഹോവ സന്തുഷ്ട​നായ ദൈവ​മാണ്‌, സത്യം ഒരു സന്തോ​ഷ​ക​ര​മായ സന്ദേശ​വു​മാണ്‌—മനുഷ്യ​വർഗ​ത്തി​നു പ്രത്യാശ നൽകുന്ന ഒന്നുതന്നെ. അതിലു​പരി, ആത്മാവി​ന്റെ ഫലങ്ങളിൽ ഒന്നാണ്‌ സന്തോഷം. ഏതെങ്കി​ലും ഒരു മത്സരക്ക​ളി​യിൽ വിജയി​ക്കുന്ന കായി​ക​താ​ര​ത്തി​ന്റെ നൈമി​ഷിക ഉല്ലാസ​ത്തിൽനി​ന്നും വളരെ​യ​ധി​കം വിഭി​ന്ന​മാണ്‌ ഈ സന്തോഷം. അതു യഹോ​വ​യു​മാ​യി ഒരു ഉററ ബന്ധം നട്ടുവ​ളർത്തു​ന്ന​തി​ന്റെ ഫലമായി ഹൃദയ​ത്തിൽ നിറ​ഞ്ഞൊ​ഴു​കു​ന്ന​തും ആഴത്തിൽ നിലനിർത്ത​പ്പെ​ടു​ന്ന​തു​മായ സംതൃ​പ്‌തി​യു​ടെ വികാ​ര​മാണ്‌. അതു ദൈവം അടിസ്ഥാ​ന​മാ​യി​ട്ടുള്ള സന്തോ​ഷ​മാണ്‌. ആത്മീയ മൂല്യ​ങ്ങ​ളി​ലും പരിപു​ഷ്ടി​പ്പെ​ടു​ത്തുന്ന ബന്ധങ്ങളി​ലും വേരൂ​ന്നി​യ​താണ്‌ ഈ സന്തോഷം.—ഗലാത്യർ 5:22; 1 തിമൊ​ഥെ​യൊസ്‌ 1:11.

¹⁶ അതു​കൊണ്ട്‌, യഹോ​വ​യു​ടെ ക്രിസ്‌തീയ സാക്ഷി​ക​ളെന്ന നിലയിൽ മ്ലാനരോ നർമ​ബോ​ധ​മി​ല്ലാ​ത്ത​വ​രോ ആയിരി​ക്കാൻ നമുക്ക്‌ ഒരു കാരണ​വു​മില്ല. ചില മതങ്ങൾ അതു​പോ​ലുള്ള ആളുകളെ ഉത്‌പാ​ദി​പ്പി​ക്കു​ന്നു, കാരണം അവരുടെ വിശ്വാ​സ​ത്തി​ന്റെ സ്വഭാവം നിഷേ​ധാ​ത്മക ഘടകങ്ങൾക്ക്‌ ഊന്നൽ കൊടു​ക്കു​ന്നു. അവരുടെ പഠിപ്പി​ക്ക​ലു​കൾ ബൈബിൾപ​ര​മോ സമനി​ല​യു​ള്ള​തോ അല്ലാത്ത മ്ലാനമായ, സന്തോ​ഷ​ര​ഹി​ത​മായ ആരാധ​നാ​രീ​തി​യിൽ കലാശി​ക്കു​ന്നു. അവർ ദൈവ​സേ​വ​ന​ത്തിൽ സന്തുഷ്ട​രായ കുടും​ബ​ങ്ങളെ ഉത്‌പാ​ദി​പ്പി​ക്കു​ന്നില്ല. യേശു വിനോ​ദ​ത്തി​ന്റെ​യും വിശ്ര​മ​ത്തി​ന്റെ​യും ആവശ്യം കണ്ടു. ഉദാഹ​ര​ണ​ത്തിന്‌, ഒരു സന്ദർഭ​ത്തിൽ അവിടു​ന്നു ശിഷ്യൻമാ​രോട്‌ “ഒരു ഏകാന്ത​സ്ഥ​ലത്തു വേറി​ട്ടു​വന്നു അല്‌പം ആശ്വസി​ച്ചു​കൊൾവിൻ” എന്ന്‌ ആവശ്യ​പ്പെട്ടു.—മർക്കൊസ്‌ 6:30-32; സങ്കീർത്തനം 126:1-3; യിരെ​മ്യാ​വു 30:18, 19.

17, 18. ക്രിസ്‌തീയ കുടും​ബങ്ങൾ വിനോ​ദ​ത്തി​ലേർപ്പെ​ട്ടേ​ക്കാ​വുന്ന ഉചിത​മായ വിധങ്ങൾ ഏതെല്ലാം?

¹⁷ അതു​പോ​ലെ കുടും​ബ​ങ്ങൾക്കു വിനോ​ദ​ത്തി​നാ​യി സമയം ആവശ്യ​മാണ്‌. ഒരു പിതാവ്‌ തന്റെ കുട്ടി​കളെ സംബന്ധിച്ച്‌ ഇങ്ങനെ പറഞ്ഞു: “ഞങ്ങൾ ഒരുമി​ച്ചു പല നേര​മ്പോ​ക്കു​ക​ളി​ലും ഏർപ്പെ​ടു​ന്നു—കടൽത്തീ​രത്തു പോകു​ന്നു, പാർക്കിൽ പന്തു കളിക്കു​ന്നു, മലകളി​ലേക്കു വിനോ​ദ​യാ​ത്രകൾ നടത്തുന്നു. ചില​പ്പോ​ഴൊ​ക്കെ, ശുശ്രൂ​ഷ​യിൽ ഞങ്ങൾ ഒരുമിച്ച്‌ ‘ഒരു പയനിയർ ദിനം’ ചെലവ​ഴി​ക്കും; പിന്നെ ആഘോ​ഷ​പൂർവം ഒരു വിശേ​ഷ​പ്പെട്ട ഭക്ഷണവും, ചില​പ്പോൾ ഞങ്ങൾ പരസ്‌പരം സമ്മാനങ്ങൾ കൈമാ​റുക പോലും ചെയ്യും.”

¹⁸ മാതാ​പി​താ​ക്കൾ പരിഗ​ണി​ച്ചേ​ക്കാ​വുന്ന മററു ചില നിർദേ​ശങ്ങൾ മൃഗശാ​ല​ക​ളി​ലേ​ക്കും വിനോ​ദ​ത്തി​നു വ്യത്യസ്‌ത ഉപാധി​കൾ നിറഞ്ഞ പാർക്കു​ക​ളി​ലേ​ക്കും (amusement parks) കാഴ്‌ച​ബം​ഗ്ലാ​വി​ലേ​ക്കും മററു രസകര​മായ സ്ഥലങ്ങളി​ലേ​ക്കും കുടുംബ വിനോ​ദ​യാ​ത്രകൾ നടത്തലാണ്‌. ചെറു​കാ​ടു​ക​ളി​ലൂ​ടെ​യുള്ള പദയാത്ര, പക്ഷിനി​രീ​ക്ഷണം, പൂന്തോ​ട്ട​നിർമാ​ണം എന്നിവ​യെ​ല്ലാം ആസ്വാ​ദ​ന​പൂർവം പങ്കു​കൊ​ള്ളാ​വുന്ന പ്രവർത്ത​ന​ങ്ങ​ളാണ്‌. മാതാ​പി​താ​ക്കൾക്കു തങ്ങളുടെ കുട്ടി​കളെ ഒരു സംഗീ​തോ​പ​ക​രണം വായി​ക്കാൻ പഠിക്കു​ന്ന​തി​നോ പ്രാ​യോ​ഗി​ക​മായ ഒരു ഹോബി​യി​ലേർപ്പെ​ടു​ന്ന​തി​നോ പ്രോ​ത്സാ​ഹി​പ്പി​ക്കാ​നും കഴിയും. തീർച്ച​യാ​യും സമനി​ല​യുള്ള മാതാ​പി​താ​ക്കൾ തങ്ങളുടെ കുട്ടി​ക​ളു​മൊ​ത്തു കളിക്കാൻ സമയം കണ്ടെത്തും. കുടും​ബങ്ങൾ ഒരുമി​ച്ചു കളിക്കു​ന്നെ​ങ്കിൽ അവർ ഒരുമി​ച്ചു നില​കൊ​ള്ളാ​നുള്ള സാധ്യത കൂടു​ത​ലാണ്‌!

19. ഏത്‌ ആധുനിക പ്രവണത കുടും​ബ​ത്തി​നു ദോഷം വരുത്തി​ക്കൂ​ട്ടി​യേ​ക്കാം?

¹⁹ വിനോ​ദ​ത്തി​ന്റെ കാര്യം വരു​മ്പോൾ കുടും​ബ​ത്തിൽനി​ന്നു വേർപെ​ട്ടു​നിൽക്കാ​നും സ്വന്ത ഇഷ്ടാനു​സാ​രം പ്രവർത്തി​ക്കാ​നും ആഗ്രഹി​ക്കു​ന്നു​വെ​ന്ന​താണ്‌ യുവാ​ക്കളെ സംബന്ധിച്ച ആധുനിക പ്രവണത. ഒരു യുവാ​വിന്‌ ഒരു ഹോബി​യു​ണ്ടാ​യി​രി​ക്കു​ന്ന​തി​ലോ വ്യക്തി​പ​ര​മാ​യി ഇഷ്ടപ്പെട്ട ഒരു നേര​മ്പോ​ക്കു​ണ്ടാ​യി​രി​ക്കു​ന്ന​തി​ലോ ദോഷ​മൊ​ന്നും ഇല്ലെങ്കി​ലും കുടും​ബ​ത്തി​ലെ ശേഷി​ക്കു​ന്ന​വ​രിൽനി​ന്നു സ്ഥിരമായ ഒരു വേർപാ​ടു സൃഷ്ടി​ക്കാൻ അത്തരം താത്‌പ​ര്യ​ങ്ങളെ അനുവ​ദി​ക്കു​ന്നതു ബുദ്ധി​യാ​യി​രി​ക്കില്ല. പ്രത്യുത, പൗലോസ്‌ അപ്പോ​സ്‌തലൻ പ്രസ്‌താ​വിച്ച തത്ത്വം ബാധക​മാ​ക്കാൻ നാം ആഗ്രഹി​ക്കു​ന്നു: “ഓരോ​രു​ത്തൻ സ്വന്തഗു​ണമല്ല മററു​ള്ള​വന്റെ ഗുണവും കൂടെ നോ​ക്കേണം.”—ഫിലി​പ്പി​യർ 2:4.

20. സമ്മേള​ന​ങ്ങ​ളും കൺ​വെൻ​ഷ​നു​ക​ളും സന്തോ​ഷ​ക​ര​മായ സമയങ്ങ​ളാ​യി​രി​ക്കാൻ കഴിയു​ന്ന​തെ​ങ്ങനെ?

²⁰ കൺ​വെൻ​ഷ​നു​ക​ളി​ലും സമ്മേള​ന​ങ്ങ​ളി​ലും കുടും​ബങ്ങൾ ഒരുമി​ച്ചി​രി​ക്കു​ന്നതു കാണു​ന്നതു നമു​ക്കെ​ല്ലാ​വർക്കും എന്തൊരു സന്തോ​ഷ​മാണ്‌! അതുവഴി പലപ്പോ​ഴും മുതിർന്ന കുട്ടി​കൾക്ക്‌ ഇളയവരെ സഹായി​ക്കാൻ കഴിയു​ന്നു. അത്തരം ഒരു ക്രമീ​ക​രണം പിറകി​ലെ നിരക​ളിൽ കൂട്ടം​കൂ​ടി ഇരുന്നു കൺ​വെൻ​ഷൻ പരിപാ​ടി​ക്കു തീരെ കുറഞ്ഞ ശ്രദ്ധ കൊടു​ക്കുന്ന ചില യുവജ​ന​ങ്ങ​ളു​ടെ പ്രവണ​തയെ തടയുക കൂടി ചെയ്യുന്നു. ഏതു വഴിയെ പോകണം, പോകും​വഴി ഏതെല്ലാം സ്ഥലങ്ങൾ സന്ദർശി​ക്കണം, എവിടെ താമസി​ക്കണം എന്നിവ​യെ​ക്കു​റി​ച്ചെ​ല്ലാം കുടും​ബ​വു​മാ​യി ചർച്ച ചെയ്യു​ക​യാ​ണെ​ങ്കിൽ കൺ​വെൻ​ഷൻ സ്ഥലത്തേ​ക്കുള്ള യാത്ര​യും മടക്കയാ​ത്ര​യും പോലും ഉല്ലാസ​പ്ര​ദ​മാ​യി​രി​ക്കാ​വു​ന്ന​താണ്‌. യേശു​വി​ന്റെ നാളിൽ കുടും​ബ​ങ്ങൾക്ക്‌ ഒരുമി​ച്ചു യരൂശ​ലേം​വരെ യാത്ര ചെയ്യാൻ കഴിഞ്ഞത്‌ എന്തുമാ​ത്രം രസകര​മായ സമയമാ​യി​രു​ന്നി​രി​ക്കണം എന്ന്‌ ഭാവന​യിൽ കാണുക!—ലൂക്കൊസ്‌ 2:41, 42.

ഒത്തൊ​രു​മ​യു​ടെ അനു​ഗ്ര​ഹ​ങ്ങൾ

21. (എ) വിവാ​ഹ​ജീ​വി​ത​ത്തി​ലെ വിജയ​ത്തി​നു​വേണ്ടി നമുക്ക്‌ എങ്ങനെ കഠിന​പ്ര​യ​ത്‌നം ചെയ്യാ​നാ​കും? (ബി) നിലനിൽക്കുന്ന ഒരു വിവാ​ഹ​ത്തി​നു​വേ​ണ്ടി​യുള്ള നാലു നിർദേ​ശങ്ങൾ ഏതെല്ലാം?

²¹ വിജയ​ക​ര​മായ വിവാ​ഹ​ജീ​വി​ത​ങ്ങ​ളും ഏകീകൃത കുടും​ബ​ങ്ങ​ളും യാഥാർഥ്യ​മാ​ക്കുക എന്നത്‌ ഒരിക്ക​ലും അത്രക്ക്‌ എളുപ്പ​മാ​യി​രു​ന്നി​ട്ടില്ല, അവ ആകസ്‌മി​ക​മാ​യി സംഭവി​ക്കു​ന്നു​മില്ല. ശ്രമം ഉപേക്ഷിച്ച്‌ വിവാ​ഹ​മോ​ച​ന​ത്തി​ലൂ​ടെ ബന്ധം വേർപെ​ടു​ത്തി വീണ്ടും ആദ്യം​മു​തൽ ആരംഭി​ക്കാൻ ശ്രമി​ക്കു​ന്ന​തും ചിലർ എളുപ്പ​മാ​യി കണ്ടെത്തു​ന്നു. എന്നിരു​ന്നാ​ലും, രണ്ടാമ​ത്തെ​യോ മൂന്നാ​മ​ത്തെ​യോ വിവാ​ഹ​ത്തി​ലും അതേ പ്രശ്‌ന​ങ്ങൾതന്നെ പലപ്പോ​ഴും അവരെ ബാധി​ക്കു​ന്നു. ഏറെ മെച്ചപ്പെട്ട ഒരു പരിഹാ​രം ക്രിസ്‌തീ​യ​മായ ഒന്നാണ്‌: സ്‌നേ​ഹ​ത്തി​ന്റെ​യും ആദരവി​ന്റെ​യും ബൈബിൾത​ത്ത്വ​ങ്ങൾ ബാധക​മാ​ക്കി​ക്കൊ​ണ്ടു വിജയ​ത്തി​നു​വേണ്ടി അശ്രാന്ത പരി​ശ്രമം നടത്തുക. ഏകീകൃത കുടും​ബം നിസ്വാർഥ​ത​യു​ടെ, വിട്ടു​വീ​ഴ്‌ച​യു​ടെ ഒരു ആത്മാവിൽ ആശ്രയി​ച്ചി​രി​ക്കു​ന്നു. ഒരു വിവാ​ഹോ​പ​ദേ​ഷ്ടാവ്‌ വിവാ​ഹത്തെ നിലനിൽക്കു​ന്ന​താ​ക്കാൻ ഒരു ലളിത​മായ സമവാ​ക്യം മുന്നോ​ട്ടു​വെ​ക്കു​ന്നു. അദ്ദേഹം ഇങ്ങനെ എഴുതി: “മിക്കവാ​റും ഉത്തമമായ എല്ലാ വിവാ​ഹ​ങ്ങ​ളി​ലും കാണ​പ്പെ​ടുന്ന നാലു നിർണാ​യക ഘടകങ്ങൾ ശ്രദ്ധി​ക്കാ​നുള്ള മനസ്സൊ​രു​ക്കം, ക്ഷമാപണം നടത്താ​നുള്ള പ്രാപ്‌തി, പൊരു​ത്ത​മുള്ള വൈകാ​രിക പിന്തുണ പ്രദാനം ചെയ്യാ​നുള്ള കഴിവ്‌, വാത്സല്യ​പൂർവം സ്‌പർശി​ക്കാ​നുള്ള ആഗ്രഹം എന്നിവ​യാണ്‌.” ഈ ഘടകങ്ങൾക്കു തീർച്ച​യാ​യും ഒരു വിവാ​ഹത്തെ നിലനിൽക്കു​ന്ന​താ​ക്കാൻ കഴിയും, എന്തു​കൊ​ണ്ടെ​ന്നാൽ അവ അടിസ്ഥാ​ന​പ്പെ​ട്ടി​രി​ക്കു​ന്ന​തും സയുക്തി​ക​മായ ബൈബിൾത​ത്ത്വ​ങ്ങ​ളിൽ തന്നെയാണ്‌.—1 കൊരി​ന്ത്യർ 13:1-8; എഫെസ്യർ 5:33; യാക്കോബ്‌ 1:19.

22. ഒരു ഏകീകൃത കുടും​ബ​മു​ണ്ടാ​യി​രി​ക്കു​ന്ന​തിൽ നിന്നു​മുള്ള ഏതാനും പ്രയോ​ജ​നങ്ങൾ ഏവ?

²² നാം ബൈബിൾ ബുദ്ധ്യു​പ​ദേശം പിൻപ​റ​റു​ന്നെ​ങ്കിൽ ഏകീകൃത കുടും​ബ​ത്തി​നാ​യുള്ള ഒരു ഈടുററ അടിത്തറ നമുക്കു​ണ്ടാ​യി​രി​ക്കും, ഏകീകൃ​ത​വും ആത്മീയ​മാ​യി ബലിഷ്‌ഠ​വും ആയ ഒരു സഭയുടെ അടിസ്ഥാ​നം ഏകീകൃത കുടും​ബ​ങ്ങ​ളാണ്‌. അങ്ങനെ, നാം ഏകീകൃ​ത​മാ​യി യഹോ​വക്കു വർധിച്ച സ്‌തുതി സമർപ്പി​ക്കു​മ്പോൾ നമുക്കു യഹോ​വ​യിൽനി​ന്നു സമൃദ്ധ​മായ അനു​ഗ്ര​ഹങ്ങൾ ലഭിക്കു​ന്ന​താ​യി​രി​ക്കും.

[അടിക്കു​റിപ്പ്‌]

നിങ്ങൾ ഓർമി​ക്കു​ന്നു​വോ?

◻ കാര്യങ്ങൾ ഒത്തൊ​രു​മി​ച്ചു ചെയ്യു​ന്നതു കുടും​ബ​ങ്ങൾക്കു പ്രയോ​ജ​ന​പ്ര​ദ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

◻ നിരന്ത​ര​മായ ഒരു കുടുംബ ബൈബി​ള​ധ്യ​യനം സർവ​പ്ര​ധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

◻ മാതാ​പി​താ​ക്കൾ തങ്ങളുടെ കുട്ടി​ക​ളു​മൊ​ത്തു വയൽശു​ശ്രൂ​ഷ​യിൽ ഏർപ്പെ​ടു​ന്നത്‌ ഉത്തമമാ​യി​രി​ക്കു​ന്നത്‌ എന്തു​കൊ​ണ്ടാണ്‌?

◻ പ്രശ്‌നങ്ങൾ കുടും​ബ​വൃ​ത്ത​ത്തി​നു​ള്ളിൽ ചർച്ച ചെയ്യു​ന്നത്‌ സഹായം ചെയ്യു​ന്ന​തെ​ന്തു​കൊണ്ട്‌?

◻ ക്രിസ്‌തീയ കുടും​ബങ്ങൾ വിഷണ്ണ​രും സന്തോ​ഷ​ര​ഹി​ത​രും ആയിരി​ക്കാൻ പാടി​ല്ലാ​ത്തത്‌ എന്തു​കൊ​ണ്ടാണ്‌?

[17-ാം പേജിലെ ചിത്രം]

ദിവസം ഒരു പ്രാവ​ശ്യ​മെ​ങ്കി​ലും നിങ്ങളു​ടെ കുടും​ബം ഒത്തൊ​രു​മി​ച്ചു ഭക്ഷണം ആസ്വദി​ക്കാ​റു​ണ്ടോ?

[18-ാം പേജിലെ ചിത്രം]

കുടുംബ വിനോ​ദ​യാ​ത്രകൾ വിനോ​ദ​പ​ര​വും ആസ്വാ​ദ്യ​വു​മാ​യി​രി​ക്കണം