പത്രോ​സി​ന്റെ കത്തുക​ളിൽനിന്ന്‌ പഠിക്കാ​നാ​കുന്ന പാഠങ്ങൾ

 1. ജീവി​താ​വ​സാ​ന​ത്തോട്‌ അടുത്ത സമയത്ത്‌ ഏതു കാര്യം ചെയ്യാൻ പത്രോ​സി​നെ യഹോവ ഉപയോ​ഗി​ച്ചു?

അപ്പോ​സ്‌ത​ല​നായ പത്രോസ്‌ വർഷങ്ങ​ളോ​ളം യഹോ​വയെ വിശ്വ​സ്‌ത​മാ​യി സേവിച്ചു. അദ്ദേഹം യേശു​വി​ന്റെ​കൂ​ടെ പ്രസം​ഗ​പ്ര​വർത്തനം ചെയ്‌തു, ജൂതന്മാർ അല്ലാത്ത​വ​രോ​ടു സന്തോ​ഷ​വാർത്ത അറിയി​ക്കു​ന്ന​തി​നു തുടക്ക​മി​ട്ടു. പിന്നീട്‌ ഭരണസം​ഘ​ത്തി​ലെ ഒരു അംഗമാ​യി​ത്തീ​രു​ക​യും ചെയ്‌തു. തന്റെ ജീവി​താ​വ​സാ​ന​ത്തോട്‌ അടുത്ത സമയത്ത്‌ യഹോ​വ​യിൽനിന്ന്‌ അദ്ദേഹ​ത്തി​നു മറ്റൊരു നിയമനം കൂടെ ലഭിച്ചു. ഏകദേശം എ.ഡി. 62-64 കാലഘ​ട്ട​ത്തിൽ രണ്ടു കത്തുകൾ എഴുതാൻ യഹോവ അദ്ദേഹത്തെ ഉപയോ​ഗി​ച്ചു. ബൈബി​ളി​ലെ 1 പത്രോസ്‌, 2 പത്രോസ്‌ എന്നീ പുസ്‌ത​ക​ങ്ങ​ളാണ്‌ അവ. തന്റെ മരണ​ശേ​ഷ​വും ഈ കത്തുകൾ ക്രിസ്‌ത്യാ​നി​കൾക്കു പ്രയോ​ജനം ചെയ്യു​മെന്ന്‌ അദ്ദേഹം വിശ്വ​സി​ച്ചി​രു​ന്ന​താ​യി അദ്ദേഹ​ത്തി​ന്റെ​തന്നെ വാക്കുകൾ കാണി​ക്കു​ന്നു.—2 പത്രോ. 1:12-15.

 2. ശരിക്കും ആവശ്യ​മായ സമയത്തു​ത​ന്നെ​യാണ്‌ പത്രോസ്‌ ആ കത്തുകൾ എഴുതി​യ​തെന്നു പറയാ​വു​ന്നത്‌ എന്തു​കൊണ്ട്‌?

² സഹോ​ദ​രങ്ങൾ ‘പല തരം പരീക്ഷ​ണ​ങ്ങ​ളാൽ കഷ്ടപ്പെ​ട്ടു​കൊ​ണ്ടി​രുന്ന’ സമയത്താ​ണു പത്രോസ്‌ ആ കത്തുകൾ എഴുതി​യത്‌. (1 പത്രോ. 1:6) ആ സമയത്ത്‌ ദുഷ്ടരായ ആളുകൾ ക്രിസ്‌തീ​യ​സ​ഭ​യി​ലേക്കു വ്യാ​ജോ​പ​ദേ​ശ​ങ്ങ​ളും മോശ​മായ പെരു​മാ​റ്റ​രീ​തി​ക​ളും കൊണ്ടു​വ​രാൻ ശ്രമി​ക്കു​ന്നു​ണ്ടാ​യി​രു​ന്നു. (2 പത്രോ. 2:1, 2, 14) മാത്രമല്ല, യരുശ​ലേ​മിൽ താമസി​ച്ചി​രുന്ന ആ ക്രിസ്‌ത്യാ​നി​കൾ ‘എല്ലാത്തി​ന്റെ​യും അവസാ​നത്തെ’ നേരി​ടാൻ പോകു​ക​യു​മാ​യി​രു​ന്നു. അതായത്‌ റോമൻ സൈന്യം പെട്ടെ​ന്നു​തന്നെ യരുശ​ലേം നഗര​ത്തെ​യും ജൂതവ്യ​വ​സ്ഥി​തി​യെ​യും നശിപ്പി​ക്കു​മാ​യി​രു​ന്നു. (1 പത്രോ. 4:7) അതു​കൊ​ണ്ടു​തന്നെ അവർ അപ്പോൾ നേരി​ട്ടു​കൊ​ണ്ടി​രുന്ന പ്രശ്‌നങ്ങൾ സഹിച്ചു​നിൽക്കാ​നും ഭാവി​യിൽ വരാനി​രുന്ന പരീക്ഷ​ണ​ങ്ങൾക്കാ​യി ഒരുങ്ങി​യി​രി​ക്കാ​നും പത്രോ​സി​ന്റെ കത്തുകൾ ആ ക്രിസ്‌ത്യാ​നി​കളെ സഹായി​ച്ചെന്ന്‌ ഉറപ്പാണ്‌.b

 3. പത്രോസ്‌ എഴുതിയ കത്തുകൾ നമ്മൾ ഇന്നു പഠി​ക്കേ​ണ്ടത്‌ എന്തു​കൊണ്ട്‌?

³ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ ഉദ്ദേശി​ച്ചാ​ണു പത്രോസ്‌ ആ കത്തുകൾ എഴുതി​യ​തെ​ങ്കി​ലും യഹോവ അവയെ ദൈവ​വ​ച​ന​ത്തി​ന്റെ ഭാഗമാ​ക്കി. അതു​കൊ​ണ്ടു​തന്നെ നമുക്ക്‌ ഇന്ന്‌ ആ കത്തുക​ളിൽനിന്ന്‌ പ്രയോ​ജനം നേടാ​നാ​കും. (റോമ. 15:4) അന്നത്തെ ക്രിസ്‌ത്യാ​നി​ക​ളെ​പ്പോ​ലെ നമ്മളും ഇന്നു ജീവി​ക്കു​ന്നതു മോശ​മായ പെരു​മാ​റ്റ​രീ​തി​കൾ വളരെ സാധാ​ര​ണ​മാ​യി​രി​ക്കുന്ന ഒരു കാലത്താണ്‌. അത്‌ യഹോ​വയെ സേവി​ക്കു​ന്നതു ബുദ്ധി​മു​ട്ടാ​ക്കി​യേ​ക്കാം. കൂടാതെ ജൂതവ്യ​വ​സ്ഥി​തി​യു​ടെ നാശത്തി​നു മുമ്പ്‌ ഉണ്ടായ​തി​നെ​ക്കാൾ വലി​യൊ​രു കഷ്ടതയെ നമ്മൾ പെട്ടെ​ന്നു​തന്നെ നേരി​ടാൻപോ​കു​ക​യു​മാണ്‌. അതു​കൊണ്ട്‌ നമുക്കും പ്രയോ​ജനം ചെയ്യുന്ന പ്രധാ​ന​പ്പെട്ട ചില ഓർമി​പ്പി​ക്ക​ലു​കൾ പത്രോ​സി​ന്റെ കത്തുക​ളിൽ കാണാ​നാ​കും. അവ യഹോ​വ​യു​ടെ ദിവസ​ത്തി​നാ​യി പ്രതീ​ക്ഷ​യോ​ടെ കാത്തി​രി​ക്കാ​നും മനുഷ്യ​ഭ​യത്തെ മറിക​ട​ക്കാ​നും പരസ്‌പരം അഗാധ​മായ സ്‌നേഹം വളർത്തി​യെ​ടു​ക്കാ​നും നമ്മളെ സഹായി​ക്കും. ഇനി, അതിലെ വിവരങ്ങൾ ദൈവ​ത്തി​ന്റെ ആട്ടിൻകൂ​ട്ടത്തെ നല്ല രീതി​യിൽ പരിപാ​ലി​ക്കാൻ മൂപ്പന്മാ​രെ​യും സഹായി​ക്കും.

 4. 2 പത്രോസ്‌ 3:3, 4 സൂചി​പ്പി​ക്കു​ന്ന​തു​പോ​ലെ ഏതു കാര്യങ്ങൾ നമ്മുടെ വിശ്വാ​സ​ത്തിന്‌ ഇളക്കം​ത​ട്ടാൻ ഇടയാ​ക്കി​യേ​ക്കാം?

⁴ ഭാവി​യെ​ക്കു​റിച്ച്‌ ബൈബിൾ പറയുന്ന കാര്യങ്ങൾ വിശ്വ​സി​ക്കാ​ത്ത​വ​രാണ്‌ ഇന്നു നമുക്കു ചുറ്റു​മു​ള്ളത്‌. അവസാനം ഉടനെ വരു​മെന്നു വർഷങ്ങ​ളാ​യി നമ്മൾ പറഞ്ഞു​കൊ​ണ്ടി​രി​ക്കു​ന്ന​തി​ന്റെ പേരിൽ എതിരാ​ളി​കൾ നമ്മളെ കളിയാ​ക്കി​യേ​ക്കാം. അത്‌ ഒരിക്ക​ലും വരാൻപോ​കു​ന്നില്ല എന്നായി​രി​ക്കാം ചിലരു​ടെ അഭി​പ്രാ​യം. (2 പത്രോസ്‌ 3:3, 4 വായി​ക്കുക.) ശുശ്രൂ​ഷ​യിൽ കണ്ടുമു​ട്ടുന്ന ഒരാളോ കൂടെ ജോലി ചെയ്യുന്ന ആരെങ്കി​ലു​മോ ഒരു കുടും​ബാം​ഗ​മോ ഇതു​പോ​ലെ എന്തെങ്കി​ലും പറയു​മ്പോൾ നമ്മുടെ വിശ്വാ​സ​ത്തിന്‌ ഇളക്കം​ത​ട്ടാൻ ഇടയുണ്ട്‌. അത്തര​മൊ​രു സാഹച​ര്യ​ത്തിൽ നമ്മളെ എന്തു സഹായി​ക്കു​മെന്നു പത്രോസ്‌ പറയുന്നു.

 5. വ്യവസ്ഥി​തി​യു​ടെ അവസാ​ന​ത്തെ​ക്കു​റിച്ച്‌ ശരിയായ ഒരു കാഴ്‌ച​പ്പാട്‌ ഉണ്ടായി​രി​ക്കാൻ എന്തു നമ്മളെ സഹായി​ക്കും? (2 പത്രോസ്‌ 3:8, 9)

⁵ ഈ ദുഷ്ടവ്യ​വ​സ്ഥി​തി​യെ നശിപ്പി​ക്കാൻ യഹോവ താമസി​ക്കു​ന്ന​താ​യി ചിലർക്കു തോന്നി​യേ​ക്കാം. എന്നാൽ ഇക്കാര്യ​ത്തെ​ക്കു​റിച്ച്‌ ശരിയായ കാഴ്‌ച​പ്പാ​ടു​ണ്ടാ​യി​രി​ക്കാൻ പത്രോ​സി​ന്റെ വാക്കുകൾ നമ്മളെ സഹായി​ക്കും. കാരണം സമയ​ത്തെ​ക്കു​റി​ച്ചുള്ള യഹോ​വ​യു​ടെ വീക്ഷണ​വും മനുഷ്യ​ന്റെ വീക്ഷണ​വും തമ്മിൽ വലിയ വ്യത്യാ​സ​മു​ണ്ടെന്ന്‌ അതു നമ്മളെ ഓർമി​പ്പി​ക്കു​ന്നു. (2 പത്രോസ്‌ 3:8, 9 വായി​ക്കുക.) യഹോ​വ​യ്‌ക്ക്‌ ആയിരം വർഷം ഒരു ദിവസം​പോ​ലെ​യാണ്‌. ഇനി, ആരും നശിച്ചു​പോ​കാൻ ആഗ്രഹി​ക്കാ​ത്ത​തു​കൊണ്ട്‌ യഹോവ ക്ഷമ കാണി​ക്കു​ക​യു​മാണ്‌. എങ്കിലും യഹോ​വ​യു​ടെ സമയം വരു​മ്പോൾ ഈ വ്യവസ്ഥി​തിക്ക്‌ അവസാനം വരും. അതു​കൊണ്ട്‌ ബാക്കി​യുള്ള ഈ സമയത്ത്‌ ലോക​മെ​ങ്ങു​മുള്ള ആളുകളെ സന്തോ​ഷ​വാർത്ത അറിയി​ക്കാ​നുള്ള വലിയ അവസര​മാ​ണു നമുക്കു​ള്ളത്‌.

 6. നമുക്ക്‌ എങ്ങനെ ‘യഹോ​വ​യു​ടെ ദിവസം’ ‘എപ്പോ​ഴും മനസ്സിൽക്കണ്ട്‌ ജീവി​ക്കാം?’ (2 പത്രോസ്‌ 3:11, 12)

⁶ യഹോ​വ​യു​ടെ ദിവസം ‘എപ്പോ​ഴും മനസ്സിൽക്കണ്ട്‌ ജീവി​ക്കാൻ’ പത്രോസ്‌ നമ്മളെ ഉപദേ​ശി​ക്കു​ന്നു. (2 പത്രോസ്‌ 3:11, 12 വായി​ക്കുക.) നമുക്ക്‌ അത്‌ എങ്ങനെ ചെയ്യാം? അതിനു​വേണ്ടി പുതിയ ലോക​ത്തി​ലെ ആ നല്ല ജീവി​ത​ത്തെ​ക്കു​റിച്ച്‌ നമുക്കു ദിവസ​വും ചിന്തി​ക്കാ​നാ​കും. അവിടെ ശുദ്ധവാ​യു ശ്വസി​ക്കു​ന്ന​തും നല്ല ഭക്ഷണം കഴിക്കു​ന്ന​തും പുനരു​ത്ഥാ​ന​പ്പെട്ട്‌ വരുന്ന നമ്മുടെ പ്രിയ​പ്പെ​ട്ട​വരെ സ്വാഗതം ചെയ്യു​ന്ന​തും നൂറ്റാ​ണ്ടു​കൾക്കു മുമ്പ്‌ ജീവി​ച്ചി​രു​ന്ന​വരെ ബൈബിൾപ്ര​വ​ച​നങ്ങൾ എങ്ങനെ നിറ​വേ​റി​യെന്നു പഠിപ്പി​ക്കു​ന്ന​തും ഒക്കെ ഒന്നു ഭാവന​യിൽ കാണുക. അങ്ങനെ ഒക്കെ ചെയ്യു​ന്നത്‌ യഹോ​വ​യു​ടെ ദിവസ​ത്തി​നാ​യി പ്രതീ​ക്ഷ​യോ​ടെ കാത്തി​രി​ക്കാ​നും ഈ വ്യവസ്ഥി​തി​യു​ടെ നാശം പെട്ടെ​ന്നു​തന്നെ വരു​മെന്ന്‌ ഉറപ്പു​ള്ള​വ​രാ​യി​രി​ക്കാ​നും നമ്മളെ സഹായി​ക്കും. ഇക്കാര്യ​ങ്ങ​ളെ​ക്കു​റിച്ച്‌ “മുൻകൂ​ട്ടി അറിഞ്ഞി​രി​ക്കു​ന്ന​തു​കൊണ്ട്‌” വ്യാ​ജോ​പ​ദേ​ഷ്ടാ​ക്ക​ളാൽ നമ്മൾ ‘വഴി​തെ​റ്റി​ക്ക​പ്പെ​ടില്ല.’—2 പത്രോ. 3:17.

 7. മനുഷ്യ​രെ പേടി​ച്ചാൽ നമുക്ക്‌ എന്തു സംഭവി​ച്ചേ​ക്കാം?

⁷ യഹോ​വ​യു​ടെ ദിവസം എപ്പോ​ഴും നമ്മുടെ മനസ്സി​ലു​ണ്ടെ​ങ്കിൽ സന്തോ​ഷ​വാർത്ത പരമാ​വധി ആളുകളെ അറിയി​ക്കാൻ നമുക്ക്‌ ആഗ്രഹം തോന്നും. എങ്കിലും ചില സാഹച​ര്യ​ങ്ങ​ളിൽ മറ്റുള്ള​വ​രോ​ടു സംസാ​രി​ക്കാൻ നമുക്കു പേടി​തോ​ന്നും. എന്തായി​രി​ക്കും കാരണം? മറ്റുള്ളവർ നമ്മളെ​ക്കു​റിച്ച്‌ എന്തു ചിന്തി​ക്കും, അവർ നമ്മളെ എന്തെങ്കി​ലും ചെയ്യു​മോ എന്നൊക്കെ ഓർത്തി​ട്ടാ​യി​രി​ക്കാം ചില​പ്പോൾ നമുക്ക്‌ അങ്ങനെ തോന്നു​ന്നത്‌. പത്രോ​സി​നും ഒരിക്കൽ അങ്ങനെ സംഭവി​ച്ചു. യേശു​വി​നെ വിചാരണ ചെയ്യുന്ന രാത്രി​യിൽ പേടി കാരണം താൻ യേശു​വി​ന്റെ ശിഷ്യ​നാ​ണെന്നു തുറന്നു​പ​റ​യാൻ പത്രോസ്‌ മടിച്ചു. പല തവണ യേശു​വി​നെ തള്ളിപ്പ​റ​യു​ക​പോ​ലും ചെയ്‌തു. (മത്താ. 26:69-75) എന്നാൽ പത്രോസ്‌ തന്റെ ഭയത്തെ മറിക​ടന്നു. പിന്നീട്‌ അദ്ദേഹം ഇങ്ങനെ എഴുതി: “അവർ പേടി​ക്കു​ന്ന​തി​നെ നിങ്ങൾ പേടി​ക്കു​ക​യോ അതിൽ അസ്വസ്ഥ​രാ​കു​ക​യോ അരുത്‌.” (1 പത്രോ. 3:14) മനുഷ്യ​ഭ​യത്തെ മറിക​ട​ക്കാൻ നമുക്കു കഴിയു​മെന്നു പത്രോ​സി​ന്റെ വാക്കുകൾ ഉറപ്പു​ത​രു​ന്നു.

 8. മനുഷ്യ​ഭ​യത്തെ മറിക​ട​ക്കാൻ നമ്മളെ എന്തു സഹായി​ക്കും? (1 പത്രോസ്‌ 3:15)

⁸ മനുഷ്യ​ഭ​യത്തെ മറിക​ട​ക്കാൻ നമ്മളെ എന്തു സഹായി​ക്കും? പത്രോസ്‌ പറയുന്നു: “ക്രിസ്‌തു​വി​നെ നിങ്ങളു​ടെ ഹൃദയ​ങ്ങ​ളിൽ കർത്താ​വാ​യി വിശു​ദ്ധീ​ക​രി​ക്കുക.” (1 പത്രോസ്‌ 3:15 വായി​ക്കുക.) അങ്ങനെ ചെയ്യു​ന്ന​തിൽ, നമ്മുടെ കർത്താ​വും രാജാ​വും ആയ യേശു​ക്രി​സ്‌തു​വി​ന്റെ സ്ഥാന​ത്തെ​യും അധികാ​ര​ത്തെ​യും കുറിച്ച്‌ ചിന്തി​ക്കു​ന്നത്‌ ഉൾപ്പെ​ടു​ന്നു. മറ്റുള്ള​വ​രോ​ടു സന്തോ​ഷ​വാർത്ത അറിയി​ക്കാൻ ഒരു അവസരം കിട്ടു​മ്പോൾ നിങ്ങൾക്കു പേടി തോന്നു​ന്നെ​ങ്കിൽ നമുക്കു നമ്മുടെ രാജാ​വി​നെ ഓർക്കാം. സ്വർഗ​ത്തിൽ കോടി​ക്ക​ണ​ക്കി​നു ദൂതന്മാ​രു​ടെ നടുവി​ലി​രുന്ന്‌ രാജാ​വാ​യി ഭരിക്കുന്ന യേശു​വി​നെ ഒന്നു ഭാവന​യിൽ കാണുക. യേശു​വി​നു ‘സ്വർഗ​ത്തി​ലും ഭൂമി​യി​ലും എല്ലാ അധികാ​ര​വും നൽകി​യി​രി​ക്കു​ന്നു’ എന്നും ‘വ്യവസ്ഥി​തി​യു​ടെ അവസാ​ന​കാ​ലം​വരെ യേശു എന്നും നിങ്ങളു​ടെ​കൂ​ടെ​യു​ണ്ടാ​യി​രി​ക്കും’ എന്നും മനസ്സിൽപ്പി​ടി​ക്കാം. (മത്താ. 28:18-20) കൂടാതെ, നമ്മുടെ വിശ്വാ​സ​ത്തെ​ക്കു​റിച്ച്‌ സംസാ​രി​ക്കാൻ ‘എപ്പോ​ഴും ഒരുങ്ങി​യി​രി​ക്കാ​നും’ പത്രോസ്‌ നമ്മളോ​ടു പറയുന്നു. ജോലി​സ്ഥ​ല​ത്തോ സ്‌കൂ​ളി​ലോ മറ്റ്‌ എവി​ടെ​യെ​ങ്കി​ലും വെച്ചോ സന്തോ​ഷ​വാർത്ത അറിയി​ക്കാൻ നിങ്ങൾ ആഗ്രഹി​ക്കു​ന്നു​ണ്ടോ? അങ്ങനെ​യെ​ങ്കിൽ എപ്പോ​ഴാ​യി​രി​ക്കും അതിന്‌ ഒരു അവസരം കിട്ടുക എന്ന്‌ ആലോ​ചി​ക്കുക. എന്നിട്ട്‌ അപ്പോൾ എന്തു പറയാ​മെന്നു മുന്നമേ ചിന്തി​ച്ചു​വെ​ക്കുക. ഒപ്പം ധൈര്യ​ത്തി​നാ​യി പ്രാർഥി​ക്കു​ക​യും ചെയ്യുക. മനുഷ്യ​ഭ​യത്തെ തരണം​ചെ​യ്യാൻ യഹോവ നമ്മളെ സഹായി​ക്കു​മെന്ന്‌ ഉറപ്പാണ്‌.—പ്രവൃ. 4:29.

 9. പത്രോസ്‌ ഒരിക്കൽ സ്‌നേഹം കാണി​ക്കാൻ പരാജ​യ​പ്പെ​ട്ടത്‌ എങ്ങനെ? (ചിത്ര​വും കാണുക.)

⁹ മറ്റുള്ള​വ​രോട്‌ എങ്ങനെ സ്‌നേഹം കാണി​ക്കാ​മെന്നു പത്രോസ്‌ പഠിച്ചു. “നിങ്ങൾ തമ്മിൽത്ത​മ്മിൽ സ്‌നേ​ഹി​ക്കണം എന്ന ഒരു പുതിയ കല്‌പന ഞാൻ നിങ്ങൾക്കു തരുക​യാണ്‌. ഞാൻ നിങ്ങളെ സ്‌നേ​ഹി​ച്ച​തു​പോ​ലെ​തന്നെ നിങ്ങളും തമ്മിൽത്ത​മ്മിൽ സ്‌നേ​ഹി​ക്കണം” എന്നു യേശു പറഞ്ഞ​പ്പോൾ പത്രോ​സും അവി​ടെ​യു​ണ്ടാ​യി​രു​ന്നു. (യോഹ. 13:34) എന്നിട്ടു​പോ​ലും പിന്നീട്‌ ഒരവസ​ര​ത്തിൽ ജൂത​ക്രി​സ്‌ത്യാ​നി​കളെ പേടി​ച്ചി​ട്ടു പത്രോസ്‌ ജനതക​ളിൽപ്പെട്ട സഹോ​ദ​ര​ങ്ങ​ളോ​ടൊ​പ്പം ഭക്ഷണം കഴിക്കാൻ വിസമ്മ​തി​ച്ചു. പത്രോസ്‌ ‘കാപട്യം കാണിച്ചു’ എന്നാണു പൗലോസ്‌ അപ്പോ​സ്‌തലൻ അതെക്കു​റിച്ച്‌ പറഞ്ഞത്‌. (ഗലാ. 2:11-14) അദ്ദേഹം കൊടുത്ത ആ തിരുത്തൽ പത്രോസ്‌ സ്വീക​രി​ക്കു​ക​യും അതിൽനിന്ന്‌ പാഠം ഉൾക്കൊ​ള്ളു​ക​യും ചെയ്‌തു. പത്രോസ്‌ രണ്ടു കത്തുക​ളി​ലും, സഹോ​ദ​ര​ങ്ങ​ളോ​ടു സ്‌നേഹം തോന്നി​യാൽ മാത്രം പോരാ പ്രവൃ​ത്തി​യി​ലൂ​ടെ അതു കാണി​ക്കു​ക​യും വേണ​മെന്നു പറഞ്ഞതിൽനിന്ന്‌ നമുക്ക്‌ അതു മനസ്സി​ലാ​ക്കാം.

10. ‘കാപട്യ​മി​ല്ലാത്ത സഹോ​ദ​ര​പ്രി​യം’ കാണി​ക്കാൻ നമ്മളെ എന്തു സഹായി​ക്കും, വിശദീ​ക​രി​ക്കുക. (1 പത്രോസ്‌ 1:22)

¹⁰ സഹാരാ​ധ​ക​രോ​ടു നമുക്കു ‘കാപട്യ​മി​ല്ലാത്ത സഹോ​ദ​ര​പ്രി​യം’ ഉണ്ടായി​രി​ക്ക​ണ​മെന്നു പത്രോസ്‌ പറയുന്നു. (1 പത്രോസ്‌ 1:22 വായി​ക്കുക.) അത്തരം പ്രിയം ഉണ്ടാകു​ന്നതു ‘സത്യ​ത്തോ​ടുള്ള അനുസ​ര​ണ​ത്തി​ലൂ​ടെ​യാണ്‌.’ അതായത്‌, സത്യം പഠിക്കു​മ്പോൾ മനസ്സി​ലാ​ക്കിയ കാര്യ​ങ്ങൾക്കു ചേർച്ച​യിൽ പ്രവർത്തി​ക്കു​ന്ന​തി​ലൂ​ടെ​യാണ്‌. ആ സത്യത്തിൽ ‘ദൈവം പക്ഷപാ​ത​മു​ള്ള​വനല്ല’ എന്ന പഠിപ്പി​ക്ക​ലും ഉൾപ്പെ​ടു​ന്നു. (പ്രവൃ. 10:34, 35) സഭയിൽ ചില​രോ​ടു സ്‌നേഹം കാണി​ക്കു​ക​യും മറ്റു ചില​രോ​ടു കാണി​ക്കാ​തി​രി​ക്കു​ക​യും ചെയ്‌താൽ സ്‌നേ​ഹി​ക്കാ​നുള്ള യേശു​വി​ന്റെ കല്പന നമ്മൾ അനുസ​രി​ക്കു​ന്നു​ണ്ടെന്നു പറയാ​നാ​കില്ല. സ്വാഭാ​വി​ക​മാ​യും ചില​രോ​ടു നമുക്കു കൂടുതൽ അടുപ്പം തോന്നു​മെ​ന്നതു ശരിയാണ്‌. യേശു​വി​നും അങ്ങനെ​യു​ണ്ടാ​യി​രു​ന്നു. (യോഹ. 13:23; 20:2) എന്നാൽ എല്ലാ സഹോ​ദ​ര​ങ്ങ​ളോ​ടും “സഹോ​ദ​ര​പ്രി​യം” അഥവാ ഒരു കുടും​ബാം​ഗ​ത്തോട്‌ എന്നപോ​ലെ​യുള്ള സ്‌നേ​ഹ​വും അടുപ്പ​വും നമുക്ക്‌ ഉണ്ടായി​രി​ക്ക​ണ​മെന്നു പത്രോസ്‌ ഓർമി​പ്പി​ക്കു​ന്നു.—1 പത്രോ. 2:17.

11. മറ്റുള്ള​വരെ ‘ഹൃദയ​പൂർവം ഗാഢമാ​യി സ്‌നേ​ഹി​ക്കുക’ എന്നു പറയു​ന്ന​തി​ന്റെ അർഥം എന്താണ്‌?

¹¹ ‘പരസ്‌പരം ഹൃദയ​പൂർവം ഗാഢമാ​യി സ്‌നേ​ഹി​ക്കാൻ’ പത്രോസ്‌ നമ്മളോ​ടു പറയുന്നു. ‘ഗാഢമാ​യി സ്‌നേ​ഹി​ക്കുക’ എന്നു പറഞ്ഞ​പ്പോൾ പത്രോസ്‌ ഉദ്ദേശി​ച്ചത്‌ ഒരാ​ളോ​ടു സ്‌നേഹം കാണി​ക്കാൻ ബുദ്ധി​മു​ട്ടു തോന്നു​മ്പോൾപ്പോ​ലും അങ്ങനെ ചെയ്യുക എന്നാണ്‌. ഉദാഹ​ര​ണ​ത്തിന്‌, ആരെങ്കി​ലും നമ്മളെ വിഷമി​പ്പി​ക്കു​ന്നു എന്നിരി​ക്കട്ടെ. അവരെ സ്‌നേ​ഹി​ക്കാ​നല്ല, അവരോ​ടു പകരം വീട്ടാ​നാ​യി​രി​ക്കും പെട്ടെന്നു നമുക്കു തോന്നു​ന്നത്‌. എന്നാൽ അങ്ങനെ ചെയ്യു​ന്നത്‌ യഹോ​വ​യ്‌ക്ക്‌ ഇഷ്ടമ​ല്ലെന്നു യേശു​വിൽനിന്ന്‌ പത്രോസ്‌ പഠിച്ചു. (യോഹ. 18:10, 11) അതു​കൊണ്ട്‌ പത്രോസ്‌ ഇങ്ങനെ എഴുതി: “ദ്രോ​ഹി​ക്കു​ന്ന​വരെ ദ്രോ​ഹി​ക്കു​ക​യോ അപമാ​നി​ക്കു​ന്ന​വരെ അപമാ​നി​ക്കു​ക​യോ ചെയ്യാതെ, അവരെ അനു​ഗ്ര​ഹി​ക്കുക.” (1 പത്രോ. 3:9) മറ്റുള്ള​വ​രോ​ടു നമുക്കു ഗാഢമായ സ്‌നേ​ഹ​മു​ള്ള​പ്പോൾ അവർ നമ്മളെ ദ്രോ​ഹി​ച്ചാ​ലും അവരോ​ടു ദയയും പരിഗ​ണ​ന​യും കാണി​ക്കാൻ നമ്മൾ തയ്യാറാ​കും.

12. (എ) അഗാധ​മായ സ്‌നേ​ഹ​മു​ണ്ടെ​ങ്കിൽ നമ്മൾ എന്തു ചെയ്യാൻ തയ്യാറാ​കും? (ബി) നമ്മുടെ വിലപ്പെട്ട ഐക്യം കാത്തു​സൂ​ക്ഷി​ക്കുക എന്ന വീഡി​യോ​യിൽ കാണി​ച്ചി​രി​ക്കു​ന്ന​തു​പോ​ലെ എന്തു ചെയ്യാ​നാ​ണു നിങ്ങൾ ആഗ്രഹി​ക്കു​ന്നത്‌?

¹² തന്റെ ആദ്യത്തെ കത്തിൽ പത്രോസ്‌ “അഗാധ​മാ​യി സ്‌നേ​ഹി​ക്കണം” എന്നും പറഞ്ഞി​ട്ടുണ്ട്‌. അത്തരം സ്‌നേഹം ‘പാപങ്ങൾ എത്രയു​ണ്ടെ​ങ്കി​ലും അതെല്ലാം മറയ്‌ക്കും.’ (1 പത്രോ. 4:8) ഇത്‌ എഴുതി​യ​പ്പോൾ ക്ഷമിക്കു​ന്ന​തി​നെ​ക്കു​റിച്ച്‌ വർഷങ്ങൾക്കു മുമ്പ്‌ യേശു പഠിപ്പിച്ച പാഠം പത്രോ​സി​ന്റെ മനസ്സി​ലേക്കു വന്നിട്ടു​ണ്ടാ​കാം. സഹോ​ദ​ര​നോട്‌ “ഏഴു തവണ” ക്ഷമിക്കു​മെന്നു പറഞ്ഞ​പ്പോൾ അക്കാര്യ​ത്തിൽ താൻ വളരെ ഉദാര​നാണ്‌ എന്നായി​രി​ക്കും പത്രോസ്‌ അന്നു ചിന്തി​ച്ചത്‌. പക്ഷേ യേശു പത്രോ​സി​നോട്‌ “77 തവണ” ക്ഷമിക്കാൻ പറഞ്ഞു. അതിലൂ​ടെ പരിധി​യി​ല്ലാ​തെ ക്ഷമിക്ക​ണ​മെന്നു യേശു അദ്ദേഹ​ത്തെ​യും നമ്മളെ​യും പഠിപ്പി​ക്കു​ക​യാ​യി​രു​ന്നു. (മത്താ. 18:21, 22) ആ നിർദേശം അനുസ​രി​ക്കാൻ ബുദ്ധി​മു​ട്ടു തോന്നു​ന്നെ​ങ്കിൽ നിരാ​ശ​പ്പെ​ട​രുത്‌. യഹോ​വ​യു​ടെ അപൂർണ​രായ എല്ലാ ദാസന്മാർക്കും ഇടയ്‌ക്കൊ​ക്കെ അങ്ങനെ തോന്നി​യി​ട്ടുണ്ട്‌. അതു​കൊണ്ട്‌ പ്രധാ​ന​പ്പെട്ട കാര്യം, മറ്റുള്ള​വ​രോ​ടു ക്ഷമിക്കാ​നും അവരു​മാ​യി സമാധാ​ന​ത്തി​ലാ​കാ​നും നമ്മൾ സകല ശ്രമവും ചെയ്യണം എന്നതാണ്‌.c

13. ആട്ടിൻകൂ​ട്ടത്തെ മേയ്‌ക്കു​ന്നതു മൂപ്പന്മാർക്കു പലപ്പോ​ഴും ഒരു ബുദ്ധി​മു​ട്ടാ​യി​ത്തീർന്നേ​ക്കാ​വു​ന്നത്‌ എന്തു​കൊണ്ട്‌?

¹³ പുനരു​ത്ഥാ​ന​ത്തി​നു​ശേഷം യേശു തന്നോടു പറഞ്ഞ വാക്കുകൾ പത്രോസ്‌ ഒരിക്ക​ലും മറന്നി​ട്ടു​ണ്ടാ​കില്ല. യേശു പറഞ്ഞു: “എന്റെ കുഞ്ഞാ​ടു​കളെ മേയ്‌ക്കുക.” (യോഹ. 21:16) നിങ്ങൾ ഒരു മൂപ്പനാ​ണെ​ങ്കിൽ, ഈ നിർദേശം നിങ്ങൾക്കും​കൂ​ടി ഉള്ളതാ​ണെന്ന്‌ ഉറപ്പാ​യും അറിയാ​മാ​യി​രി​ക്കും. എന്നാൽ പ്രധാ​ന​പ്പെട്ട ഈ നിയമനം ചെയ്യാൻവേണ്ടി സമയം കണ്ടെത്തുക എന്നു പറയു​ന്നതു മൂപ്പന്മാർക്ക്‌ അത്ര എളുപ്പമല്ല. മൂപ്പന്മാർ ആദ്യം​തന്നെ സ്വന്തം കുടും​ബ​ത്തി​ന്റെ ശാരീ​രി​ക​വും വൈകാ​രി​ക​വും ആത്മീയ​വും ആയ ആവശ്യ​ങ്ങൾക്കു​വേണ്ടി കരു​തേ​ണ്ട​തുണ്ട്‌. കൂടാതെ അവർ ഉത്സാഹ​ത്തോ​ടെ പ്രസം​ഗ​പ്ര​വർത്തനം ചെയ്യു​ക​യും മീറ്റി​ങ്ങു​ക​ളി​ലെ​യും സമ്മേള​ന​ങ്ങ​ളി​ലെ​യും കൺ​വെൻ​ഷ​നു​ക​ളി​ലെ​യും പരിപാ​ടി​കൾ നന്നായി തയ്യാറാ​യി നടത്തു​ക​യും ചെയ്യുന്നു. ചില മൂപ്പന്മാർ ആശുപ​ത്രി ഏകോപന സമിതി​യി​ലും പ്രാ​ദേ​ശിക ഡിസൈൻ നിർമാണ വിഭാ​ഗ​ത്തി​ലും പ്രവർത്തി​ക്കു​ന്നുണ്ട്‌. മൂപ്പന്മാർ എത്ര തിരക്കു​ള്ള​വ​രാണ്‌, അല്ലേ?

14. പത്രോ​സി​ന്റെ ഏതു വാക്കുകൾ ആട്ടിൻപ​റ്റത്തെ മേയ്‌ക്കാൻ മൂപ്പന്മാ​രെ പ്രചോ​ദി​പ്പി​ക്കണം? (1 പത്രോസ്‌ 5:1-4)

¹⁴ “ദൈവ​ത്തി​ന്റെ ആട്ടിൻപ​റ്റത്തെ മേയ്‌ക്കുക” എന്നു പത്രോസ്‌ സഹമൂ​പ്പ​ന്മാ​രോ​ടു പറഞ്ഞു. (1 പത്രോസ്‌ 5:1-4 വായി​ക്കുക.) നിങ്ങൾ ഒരു മൂപ്പനാ​ണെ​ങ്കിൽ സഹോ​ദ​ര​ങ്ങളെ നിങ്ങൾ സ്‌നേ​ഹി​ക്കു​ന്നു​ണ്ടെ​ന്നും അവർക്കു വേണ്ട സഹായ​വും പ്രോ​ത്സാ​ഹ​ന​വും നൽകാൻ ആഗ്രഹി​ക്കു​ന്നു​ണ്ടെ​ന്നും ഉറപ്പാണ്‌. പക്ഷേ തിരക്കും ക്ഷീണവും കാരണം ആ ഉത്തരവാ​ദി​ത്വം ചെയ്യാൻ ചില​പ്പോ​ഴെ​ങ്കി​ലും നിങ്ങൾക്കു ബുദ്ധി​മു​ട്ടു തോന്നി​യേ​ക്കാം. അപ്പോൾ നിങ്ങളെ എന്തു സഹായി​ക്കും? നിങ്ങളു​ടെ ഉത്‌ക​ണ്‌ഠ​ക​ളെ​ക്കു​റിച്ച്‌ യഹോ​വ​യോ​ടു തുറന്നു​പ​റ​യുക. പത്രോസ്‌ എഴുതി: “ആരെങ്കി​ലും . . . ശുശ്രൂ​ഷി​ക്കു​ന്നെ​ങ്കിൽ ദൈവം നൽകുന്ന ശക്തിയിൽ ആശ്രയിച്ച്‌ ശുശ്രൂ​ഷി​ക്കട്ടെ.” (1 പത്രോ. 4:11) ഈ വ്യവസ്ഥി​തി​യിൽ പൂർണ​മാ​യി പരിഹ​രി​ക്കാൻ കഴിയാത്ത പ്രശ്‌ന​ങ്ങ​ളാ​യി​രി​ക്കാം ചില​പ്പോൾ സഹോ​ദ​രങ്ങൾ അനുഭ​വി​ക്കു​ന്നത്‌. എന്നാൽ മറ്റാ​രെ​ക്കാ​ളും നന്നായി അവരെ സഹായി​ക്കാൻ ‘മുഖ്യ​യി​ട​യ​നായ’ യേശു​ക്രി​സ്‌തു​വി​നു കഴിയു​മെന്ന കാര്യം ഓർക്കുക. ഇപ്പോ​ഴും പുതിയ ഭൂമി​യി​ലും യേശു അങ്ങനെ ചെയ്യും. യഹോവ മൂപ്പന്മാ​രിൽനിന്ന്‌ പ്രതീ​ക്ഷി​ക്കു​ന്നതു സഹോ​ദ​ര​ങ്ങളെ സ്‌നേ​ഹി​ക്കാ​നും അവർക്ക്‌ ഇടയവേല ചെയ്യാ​നും ‘ആട്ടിൻപ​റ്റ​ത്തി​നു മാതൃ​ക​ക​ളാ​യി​രി​ക്കാ​നും’ മാത്ര​മാണ്‌.

15. ദൈവ​ത്തി​ന്റെ ആടുകളെ പരിപാ​ലി​ക്കാൻ ഒരു മൂപ്പൻ എന്താണു ചെയ്യു​ന്നത്‌? (ചിത്ര​വും കാണുക.)

¹⁵ ദൈവ​ത്തി​ന്റെ ആട്ടിൻപ​റ്റത്തെ പരിപാ​ലി​ക്കു​ന്നത്‌ എത്ര പ്രധാ​ന​മാ​ണെന്നു വർഷങ്ങ​ളാ​യി ഒരു മൂപ്പനാ​യി സേവി​ക്കുന്ന വില്യം സഹോ​ദ​രന്‌ അറിയാം. കോവിഡ്‌-19 മഹാമാ​രി തുടങ്ങിയ സമയത്ത്‌ അദ്ദേഹ​വും കൂടെ​യുള്ള മറ്റു മൂപ്പന്മാ​രും തങ്ങളുടെ വയൽസേവന കൂട്ടത്തി​ലുള്ള ഓരോ വ്യക്തി​യെ​യും ആഴ്‌ച​തോ​റും വിളിച്ച്‌ സംസാ​രി​ക്കാൻ പ്രത്യേ​ക​ശ്രമം ചെയ്‌തു. അതിന്റെ കാരണ​ത്തെ​ക്കു​റിച്ച്‌ അദ്ദേഹം പറയുന്നു: “ആ സമയത്ത്‌ നമ്മുടെ സഹോ​ദ​ര​ങ്ങ​ളിൽ പലരും ഒറ്റയ്‌ക്കു വീട്ടിൽ കഴിഞ്ഞു​കൂ​ടു​ക​യാ​യി​രു​ന്നു. അപ്പോൾ ആവശ്യ​മി​ല്ലാ​ത്ത​തൊ​ക്കെ ചിന്തി​ച്ചു​കൂ​ട്ടാൻ സാധ്യത കൂടു​ത​ലാ​ണ​ല്ലോ.” സഹോ​ദ​ര​ങ്ങൾക്ക്‌ എന്തെങ്കി​ലും പ്രശ്‌ന​മു​ള്ള​പ്പോൾ വില്യം അവർ പറയു​ന്നതു ശ്രദ്ധി​ച്ചു​കേൾക്കും. എന്താണ്‌ അവരെ വിഷമി​പ്പി​ക്കു​ന്ന​തെ​ന്നും അവരുടെ ആവശ്യങ്ങൾ എന്താ​ണെ​ന്നും മനസ്സി​ലാ​ക്കാൻ ശ്രമി​ക്കു​ക​യും ചെയ്യും. എന്നിട്ട്‌ സഹോ​ദരൻ അവരെ പ്രോ​ത്സാ​ഹി​പ്പി​ക്കാൻ പറ്റിയ വിവരങ്ങൾ വെബ്‌​സൈ​റ്റി​ലെ നമ്മുടെ വീഡി​യോ​ക​ളിൽനി​ന്നോ ഏതെങ്കി​ലും പ്രസി​ദ്ധീ​ക​ര​ണ​ങ്ങ​ളിൽനി​ന്നോ കണ്ടെത്താൻ ശ്രമി​ക്കും. സഹോ​ദരൻ പറയുന്നു: “മുമ്പെ​ന്ന​ത്തെ​ക്കാൾ അധിക​മാ​യി സഹോ​ദ​ര​ങ്ങൾക്ക്‌ ഇന്ന്‌ ഇടയന്മാ​രു​ടെ സഹായം ആവശ്യ​മാണ്‌. പുതി​യ​വരെ സത്യത്തി​ലേക്കു കൊണ്ടു​വ​രാൻ നമ്മൾ ഒരുപാ​ടു ശ്രമി​ക്കു​ന്നു. യഹോ​വ​യു​ടെ ആടുകളെ പരിപാ​ലി​ക്കാ​നും നമ്മൾ അതു​പോ​ലെ​തന്നെ ശ്രമി​ക്കേ​ണ്ട​തുണ്ട്‌. എങ്കിൽ മാത്രമേ അവർക്കു സത്യത്തിൽ തുടരാ​നാ​കൂ.”

16. പത്രോ​സി​ന്റെ കത്തുക​ളിൽനിന്ന്‌ പഠിച്ച പാഠങ്ങൾ നമുക്ക്‌ എങ്ങനെ​യെ​ല്ലാം പ്രാവർത്തി​ക​മാ​ക്കാം?

¹⁶ പത്രോസ്‌ എഴുതിയ രണ്ടു കത്തുക​ളിൽനിന്ന്‌ പഠിക്കാ​നാ​കുന്ന ചില പാഠങ്ങൾ മാത്ര​മാ​ണു നമ്മൾ ഇതുവരെ ചർച്ച ചെയ്‌തത്‌. മെച്ച​പ്പെ​ടേണ്ട ഏതെങ്കി​ലും ഒരു കാര്യം ചില​പ്പോൾ നിങ്ങൾ ശ്രദ്ധി​ച്ചി​ട്ടു​ണ്ടാ​കും. ഉദാഹ​ര​ണ​ത്തിന്‌, പുതിയ ലോക​ത്തിൽ ലഭിക്കാ​നി​രി​ക്കുന്ന അനു​ഗ്ര​ഹ​ങ്ങ​ളെ​ക്കു​റിച്ച്‌ കൂടു​ത​ലാ​യി ചിന്തി​ക്ക​ണ​മെന്നു നിങ്ങൾക്കു തോന്നു​ന്നു​ണ്ടോ? ജോലി​സ്ഥ​ല​ത്തോ സ്‌കൂ​ളി​ലോ മറ്റ്‌ എവി​ടെ​യെ​ങ്കി​ലു​മോ വെച്ച്‌ സാക്ഷീ​ക​രി​ക്കാൻ നിങ്ങൾ ഒരു ലക്ഷ്യം വെച്ചോ? സഹോ​ദ​ര​ങ്ങളെ മുമ്പ​ത്തെ​ക്കാൾ കൂടുതൽ ഗാഢമാ​യി സ്‌നേ​ഹി​ക്കാൻ എന്തു ചെയ്യാ​നാ​കു​മെന്നു നിങ്ങൾ മനസ്സി​ലാ​ക്കി​യോ? മൂപ്പന്മാ​രേ, യഹോ​വ​യു​ടെ ആടുകളെ മനസ്സോ​ടെ​യും അതീവ​താ​ത്‌പ​ര്യ​ത്തോ​ടെ​യും പരിപാ​ലി​ക്കാൻ നിങ്ങൾ ഉറച്ച തീരു​മാ​ന​മെ​ടു​ത്തോ? ആത്മാർഥ​മാ​യി പരി​ശോ​ധി​ക്കു​മ്പോൾ ഏതെങ്കി​ലും ഒക്കെ കാര്യ​ത്തിൽ നിങ്ങൾ മെച്ച​പ്പെ​ടേ​ണ്ട​തു​ണ്ടെന്നു ചില​പ്പോൾ കണ്ടെത്തി​യേ​ക്കാം. പക്ഷേ നിരാ​ശ​പ്പെ​ട​രുത്‌. ‘കർത്താവ്‌ ദയയു​ള്ള​വ​നാണ്‌.’ മെച്ച​പ്പെ​ടാൻ യേശു നിങ്ങളെ സഹായി​ക്കും. (1 പത്രോ. 2:3) പത്രോസ്‌ നമുക്ക്‌ ഇങ്ങനെ ഉറപ്പു​ത​ന്നി​ട്ടുണ്ട്‌: “ദൈവം നിങ്ങളു​ടെ പരിശീ​ലനം പൂർത്തീ​ക​രി​ക്കും. ദൈവം നിങ്ങളെ ബലപ്പെ​ടു​ത്തു​ക​യും ശക്തരാ​ക്കു​ക​യും ഉറപ്പി​ക്കു​ക​യും ചെയ്യും.”—1 പത്രോ. 5:10.

17. നമ്മൾ മടുത്തു​പോ​കാ​തെ ശ്രമം തുടരു​ക​യും നമ്മളെ പരിശീ​ലി​പ്പി​ക്കാൻ യഹോ​വയെ അനുവ​ദി​ക്കു​ക​യും ആണെങ്കിൽ എന്തായി​രി​ക്കും അതിന്റെ ഫലം?

¹⁷ ദൈവ​പു​ത്രന്റെ കൂടെ​യാ​യി​രി​ക്കാൻ തനിക്ക്‌ യോഗ്യ​ത​യി​ല്ലെന്ന്‌ ഒരിക്കൽ പത്രോസ്‌ ചിന്തി​ച്ച​താണ്‌. (ലൂക്കോ. 5:8) പക്ഷേ യഹോ​വ​യു​ടെ​യും യേശു​വി​ന്റെ​യും സ്‌നേ​ഹ​ത്തോ​ടെ​യുള്ള സഹായം സ്വീക​രി​ച്ചു​കൊണ്ട്‌ അദ്ദേഹം മടുത്തു​പി​ന്മാ​റാ​തെ യേശു​വി​ന്റെ വിശ്വ​സ്‌താ​നു​ഗാ​മി​യാ​യി തുടർന്നു. അങ്ങനെ പത്രോ​സി​നു ‘കർത്താ​വും രക്ഷകനും ആയ യേശു​ക്രി​സ്‌തു​വി​ന്റെ നിത്യ​രാ​ജ്യ​ത്തി​ലേക്കു പ്രവേ​ശി​ക്കാ​നുള്ള’ അംഗീ​കാ​രം ലഭിച്ചു. (2 പത്രോ. 1:11) അത്‌ എത്ര വലി​യൊ​രു അനു​ഗ്ര​ഹ​മാണ്‌, അല്ലേ! നിങ്ങളും പത്രോ​സി​നെ​പ്പോ​ലെ മടുത്തു​പോ​കാ​തെ ശ്രമം തുടരു​ക​യും നിങ്ങളെ പരിശീ​ലി​പ്പി​ക്കാൻ യഹോ​വയെ അനുവ​ദി​ക്കു​ക​യും ആണെങ്കിൽ നിങ്ങൾക്കും നിത്യ​ജീ​വ​നാ​കുന്ന സമ്മാനം കിട്ടും. നിങ്ങളു​ടെ ‘വിശ്വാ​സം രക്ഷയി​ലേക്കു നയിക്കും.’—1 പത്രോ. 1:9.