പുനഃ​സ്ഥാ​പിത “ദേശ”ത്ത്‌ ഒരുമി​ച്ചു വസിക്കു​ന്ന​വർ

“നിങ്ങളോ യഹോ​വ​യു​ടെ പുരോ​ഹി​തൻമാർ എന്നു വിളി​ക്ക​പ്പെ​ടും; നമ്മുടെ ദൈവ​ത്തി​ന്റെ ശുശ്രൂ​ഷ​കൻമാർ എന്നും നിങ്ങൾക്കു പേരാ​കും.”—യെശയ്യാ​വു 61:6.

1, 2. (എ) ഇസ്രാ​യേ​ലിൽ മതപരി​വർത്തനം ചെയ്‌ത​വ​രു​ടെ സ്ഥിതി എന്തായി​രു​ന്നു? (ബി) ആധുനിക നാളു​ക​ളിൽ “മഹാപു​രു​ഷാര”ത്തിലെ അംഗങ്ങൾ എന്തു മനോ​ഭാ​വ​മാ​ണു പ്രകടി​പ്പി​ച്ചി​രി​ക്കു​ന്നത്‌?

പുരാതന നാളു​ക​ളിൽ, ഇസ്രാ​യേ​ല്യർ വിശ്വ​സ്‌ത​രാ​യി​രു​ന്ന​പ്പോൾ യഹോ​വ​യു​ടെ മഹത്ത്വ​ത്തി​നാ​യി സാക്ഷി​ക​ളെന്ന നിലയിൽ ലോക​രം​ഗത്തു പ്രവർത്തി​ച്ചു. (യെശയ്യാ​വു 41:8, 9; 43:10) അനേകം വിദേ​ശീ​യർ അതി​നോ​ടു പ്രതി​ക​രി​ക്കു​ക​യും യഹോ​വ​യു​ടെ തിര​ഞ്ഞെ​ടു​ക്ക​പ്പെട്ട ജനത്തോ​ടു ചേർന്നു​കൊണ്ട്‌ അവനെ ആരാധി​ക്കാൻ തുടങ്ങു​ക​യും ചെയ്‌തു. ഫലത്തിൽ അവർ ഇസാ​യേ​ല്യ​രോട്‌, രൂത്ത്‌ നവോ​മി​യോ​ടു പറഞ്ഞ​പ്ര​കാ​രം പറഞ്ഞു: “നിന്റെ ജനം എന്റെ ജനം, നിന്റെ ദൈവം എന്റെ ദൈവം.” (രൂത്ത്‌ 1:16) അവർ ന്യായ​പ്ര​മാ​ണ​ത്തി​ലെ വ്യവസ്ഥ​കൾക്കു കീഴ്‌പെ​ട്ടു​നി​ന്നു, പുരു​ഷൻമാർ പരി​ച്ഛേദന ഏൽക്കു​ക​യും ചെയ്‌തു. (പുറപ്പാ​ടു 12:43-48) ചില സ്‌ത്രീ​കൾ ഇസ്രാ​യേ​ല്യ​രെ വിവാഹം കഴിച്ചു. യരീ​ഹോ​യി​ലെ രാഹാ​ബും മോവാ​ബ്യ സ്‌ത്രീ ആയിരുന്ന രൂത്തും യേശു​ക്രി​സ്‌തു​വി​ന്റെ പൂർവ മാതാക്കൾ ആയിത്തീർന്നു. (മത്തായി 1:5) മതപരി​വർത്തനം ചെയ്‌ത അത്തരം ആളുകൾ ഇസ്രാ​യേല്യ സഭയുടെ ഭാഗമാ​യി​രു​ന്നു.—ആവർത്ത​ന​പു​സ്‌തകം 23:7, 8.

² ഇസ്രാ​യേ​ലി​ലെ മതപരി​വർത്തനം ചെയ്‌ത​വ​രെ​പ്പോ​ലെ ഇന്നു “മഹാപു​രു​ഷാ​രം” അഭിഷിക്ത ശേഷി​പ്പി​നോട്‌ ഇങ്ങനെ പറഞ്ഞി​രി​ക്കു​ന്നു: “ദൈവം നിങ്ങ​ളോ​ടു​കൂ​ടെ ഉണ്ടെന്നു ഞങ്ങൾ കേട്ടി​രി​ക്ക​യാൽ ഞങ്ങൾ നിങ്ങ​ളോ​ടു​കൂ​ടെ പോരു​ന്നു.” (വെളി​പ്പാ​ടു 7:9; സെഖര്യാ​വു 8:23) ഈ അഭിഷിക്ത ക്രിസ്‌ത്യാ​നി​കൾ യഹോ​വ​യു​ടെ “വിശ്വ​സ്‌ത​നും വിവേ​കി​യു​മായ അടിമ”യാണെന്ന്‌ അവർ തിരി​ച്ച​റി​യു​ന്നു, കൂടാതെ അവരു​മാ​യി അടുത്തു പ്രവർത്തി​ക്കു​ന്ന​തു​കൊണ്ട്‌ അഭിഷി​ക്ത​രും “വേറെ ആടുക”ളും “ഒരാട്ടിൻകൂ​ട്ട​വും ഒരിട​യ​നും” ആണ്‌. (മത്തായി 24:45-47, NW; യോഹ​ന്നാൻ 10:16) തങ്ങളുടെ അഭിഷിക്ത സഹോ​ദ​ര​ങ്ങ​ളെ​ല്ലാം അവരുടെ സ്വർഗീയ പ്രതി​ഫലം കൈപ്പ​റ്റു​മ്പോൾ മഹാപു​രു​ഷാ​ര​ത്തിന്‌ എന്തു സംഭവി​ക്കും? അവർ ഭയപ്പെ​ടേണ്ട കാര്യ​മില്ല. ഈ “അന്ത്യകാല”ത്തെല്ലാം ആ നാളി​ലേ​ക്കാ​യി യഹോവ തയ്യാ​റെ​ടു​പ്പു നടത്തി​യി​രി​ക്കു​ന്നു.—2 തിമൊ​ഥെ​യൊസ്‌ 3:1.

ഒരു ആത്മീയ “ദേശം”

3. പത്രോസ്‌ പ്രവചിച്ച ‘പുതിയ ആകാശം’ എന്താണ്‌, എന്നാണ്‌ അതു സ്ഥാപി​ത​മാ​യത്‌?

³ 1,44,000 അഭിഷിക്ത ക്രിസ്‌ത്യാ​നി​കൾ പങ്കാളി​ക​ളാ​യി​രി​ക്കുന്ന സ്വർഗീയ ഭരണ ക്രമീ​ക​ര​ണ​ത്തെ​പ്പറ്റി അപ്പോ​സ്‌ത​ല​നായ പത്രോസ്‌ പ്രവചി​ച്ചി​രു​ന്നു. “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു,” അവൻ പറഞ്ഞു. (2 പത്രൊസ്‌ 3:13) ഈ ‘പുതിയ ആകാശം’ 1914-ൽ ക്രിസ്‌തു സ്വർഗീയ രാജ്യ​ത്തിൽ രാജാ​വാ​യി സിംഹാ​സ​ന​സ്ഥ​നാ​യ​പ്പോ​ഴാ​ണു സ്ഥാപി​ത​മാ​യത്‌. എന്നാൽ “പുതിയ ഭൂമി”യെപ്പറ്റി​യോ?

4. (എ) 1919-ൽ എന്ത്‌ അപ്രതീ​ക്ഷിത സംഭവ​മാ​ണു നടന്നത്‌? (ബി) ‘ഒന്നായി​ട്ടു​തന്നേ ജനിച്ച ജനത’ എന്തായി​രു​ന്നു, ‘പ്രസവ വേദന​യോ​ടെ ജനിപ്പി​ക്ക​പ്പെട്ട ജനത’ എന്താണ്‌?

⁴ അഭിഷിക്ത ശേഷി​പ്പി​നെ 1919-ൽ യഹോവ മഹാബാ​ബി​ലോ​ന്റെ അടിമ​ത്ത​ത്തിൽനി​ന്നു വിടു​വി​ച്ചു. (വെളി​പ്പാ​ടു 18:4) ക്രൈ​സ്‌ത​വ​ലോ​ക​ത്തി​ലെ നേതാ​ക്കളെ സംബന്ധി​ച്ചി​ട​ത്തോ​ളം ഈ നാടകീയ സംഭവം തികച്ചും അപ്രതീ​ക്ഷി​ത​മാ​യി​രു​ന്നു. അതേപ്പറ്റി ബൈബിൾ പറയുന്നു: “ഈവക ആർ കേട്ടി​ട്ടു​ള്ളൂ? ഇങ്ങനെ​യു​ള്ളതു ആർ കണ്ടിട്ടു​ള്ളൂ? ഒരു ദേശം ഒരു ദിവസം​കൊ​ണ്ടു പിറക്കു​മോ? [“പ്രസവ​വേ​ദ​ന​യോ​ടെ പ്രസവി​ക്കു​മോ?,” NW] ഒരു ജാതി [“ജനത,” NW] ഒന്നായി​ട്ടു​തന്നേ ജനിക്കു​മോ?” (യെശയ്യാ​വു 66:8) സ്വത​ന്ത്ര​രാ​ക്ക​പ്പെട്ട ഒരു ജനമെന്ന നിലയിൽ അഭിഷിക്ത സഭ പെട്ടെന്നു ജാതി​ക​ളു​ടെ മുമ്പിൽ പ്രത്യ​ക്ഷ​പ്പെ​ട്ട​പ്പോൾ അതു വാസ്‌ത​വ​ത്തിൽ ഒരു ജനത “ഒന്നായി​ട്ടു​തന്നേ ജനി”ച്ചപോ​ലാ​യി​രു​ന്നു. എങ്കിലും, ആ “ദേശം” എന്തായി​രു​ന്നു? ഒരർഥ​ത്തിൽ അത്‌ പുരാതന ഇസ്രാ​യേ​ലി​ന്റെ ദേശത്തി​നു തുല്യ​മായ ഒരു ആത്മീയ ദേശമാ​യി​രു​ന്നു. അത്‌ പുതു​താ​യി പിറന്ന “ദേശ”ത്തിനു നൽകപ്പെട്ട പ്രവർത്തന മണ്ഡലം, പറുദീ​സ​യെ​പ്പറ്റി യെശയ്യാ​വി​ന്റെ പുസ്‌ത​ക​ത്തി​ലുള്ള പ്രവച​ന​ങ്ങൾക്ക്‌ ആധുനിക ആത്മീയ നിവൃ​ത്തി​യുള്ള ഒരു സ്ഥലം, ആയിരു​ന്നു. (യെശയ്യാ​വു 32:16-20; 35:1-7; താരത​മ്യം ചെയ്യുക: എബ്രായർ 12:12-14.) ഒരു ക്രിസ്‌ത്യാ​നി ശാരീ​രി​ക​മാ​യി എവി​ടെ​യാ​യി​രു​ന്നാ​ലും അവൻ ആ “ദേശ”ത്തായി​രി​ക്കും.

5. 1919-ൽ എന്തു കേന്ദ്ര​മാണ്‌ അസ്‌തി​ത്വ​ത്തിൽ വന്നത്‌? വിശദീ​ക​രി​ക്കുക.

⁵ പത്രോസ്‌ പ്രവചിച്ച “പുതിയ ഭൂമി”യുമായി ഇതിന്‌ എന്തു ബന്ധമാ​ണു​ള്ളത്‌? കൊള്ളാം, 1919-ൽ പുനഃ​സ്ഥാ​പി​ക്ക​പ്പെട്ട ഒരു “ദേശ”ത്തിലേക്കു പിറന്ന ആ പുതിയ “ജനത,” അഭിഷി​ക്ത​രും അഭിഷി​ക്ത​ര​ല്ലാ​ത്ത​വ​രും അടങ്ങിയ യഹോ​വ​യു​ടെ സ്‌തു​തി​പാ​ഠ​ക​രു​ടെ ഒരു ലോക​വ്യാ​പക സ്ഥാപന​മാ​യി വികാസം പ്രാപി​ക്കേ​ണ്ടി​യി​രു​ന്നു. ഈ സ്ഥാപനം അർമ​ഗെ​ദോ​നെ അതിജീ​വിച്ച്‌ ദൈവ​ത്തി​ന്റെ പുതിയ ലോക​ത്തിൽ പ്രവേ​ശി​ക്കും. ഈ വിധത്തിൽ, സാത്താന്റെ ലോക​ത്തി​ന്റെ നാശത്തി​നു ശേഷം നിലനിൽക്കാൻപോ​കുന്ന നീതി​യുള്ള മനുഷ്യ സമുദാ​യ​ത്തി​ന്റെ, പുതിയ ഭൂമി​യു​ടെ, കേന്ദ്ര​മാ​യി ആ ജനത വീക്ഷി​ക്ക​പ്പെ​ടും.a 1930-കളുടെ മധ്യ​ത്തോ​ടെ അഭിഷി​ക്തർ, ഒരു കൂട്ടമെന്ന നിലയിൽ, പുനഃ​സ്ഥാ​പിത ദേശത്തി​ലേക്കു കൂട്ടി​ച്ചേർക്ക​പ്പെട്ടു. അന്നുമു​തൽ, വേറെ ആടുക​ളു​ടെ മഹാപു​രു​ഷാ​രത്തെ കൂട്ടി​ച്ചേർക്കു​ന്ന​തി​ലാ​യി​രു​ന്നു ഊന്നൽ നൽകി​യി​രു​ന്നത്‌. ഇന്നത്‌ ഏതാണ്ട്‌ 50 ലക്ഷമാ​യി​രി​ക്കു​ന്നു. (വെളി​പ്പാ​ടു 14:15, 16) ആ “ദേശ”ത്ത്‌ ജനപ്പെ​രു​പ്പ​മു​ണ്ടോ? ഇല്ല, അതിന്റെ അതിർത്തി​കൾ ആവശ്യാ​നു​സ​രണം വിശാ​ല​മാ​ക്കാ​വു​ന്ന​താണ്‌. (യെശയ്യാ​വു 26:15) അഭിഷിക്ത ശേഷിപ്പ്‌ “ഫല”ത്താൽ—ആരോ​ഗ്യാ​വ​ഹ​മായ, ഊർജ​സ്വ​ല​മാ​ക്കുന്ന ആത്മീയ ആഹാര​ത്താൽ—“ദേശ”ത്തെ നിറയ്‌ക്കു​മ്പോൾ ജനസംഖ്യ വർധി​ക്കു​ന്നതു കാണു​ന്നത്‌ രോമാ​ഞ്ച​ജ​ന​ക​മാണ്‌. (യെശയ്യാ​വു 27:6) എന്നാൽ, ദൈവ​ജ​ന​ത്തി​ന്റെ പുനഃ​സ്ഥാ​പിത “ദേശ”ത്ത്‌ ഈ വേറെ ആടുക​ളു​ടെ സ്ഥാന​മെ​ന്താണ്‌?

“ദേശ”ത്തു വിദേ​ശീ​യർ സജീവർ

6. ദൈവ​ജ​ന​ത്തി​ന്റെ “ദേശ”ത്തു വിദേ​ശീ​യർ എങ്ങനെ സജീവ​രാ​യി​രി​ക്കു​ന്നു?

⁶ ഇസ്രാ​യേൽ ദേശത്തു​ണ്ടാ​യി​രുന്ന മതപരി​വർത്തനം ചെയ്‌തവർ മോ​ശൈക ന്യായ​പ്ര​മാ​ണ​ത്തി​നു കീഴ്‌പെ​ട്ടി​രു​ന്ന​തു​പോ​ലെ ഇന്നു മഹാപു​രു​ഷാ​രം പുനഃ​സ്ഥാ​പിത “ദേശ”ത്ത്‌ യഹോ​വ​യു​ടെ കൽപ്പനകൾ അനുസ​രി​ക്കു​ന്നു. തങ്ങളുടെ അഭിഷിക്ത സഹോ​ദ​ര​ങ്ങ​ളാൽ പഠിപ്പി​ക്ക​പ്പെട്ട അവർ സകലവിധ വ്യാജാ​രാ​ധ​ന​യിൽനി​ന്നും പൂർണ​മാ​യി ഒഴിഞ്ഞു​നിൽക്കു​ക​യും രക്തത്തിന്റെ പവിത്രത മാനി​ക്കു​ക​യും ചെയ്യുന്നു. (പ്രവൃ​ത്തി​കൾ 15:19, 20; ഗലാത്യർ 5:19, 20; കൊ​ലൊ​സ്സ്യർ 3:5) അവർ യഹോ​വയെ തങ്ങളുടെ മുഴു ഹൃദയ​ത്തോ​ടും മനസ്സോ​ടും ദേഹി​യോ​ടും ശക്തി​യോ​ടും കൂടെ സ്‌നേ​ഹി​ക്കു​ക​യും തങ്ങളുടെ അയൽക്കാ​രെ തങ്ങളെ​പ്പോ​ലെ​തന്നെ സ്‌നേ​ഹി​ക്കു​ക​യും ചെയ്യുന്നു. (മത്തായി 22:37; യാക്കോബ്‌ 2:8) പുരാതന ഇസ്രാ​യേ​ലിൽ മതപരി​വർത്തനം ചെയ്‌തവർ ശലോ​മോ​ന്റെ ആലയ നിർമാ​ണ​ത്തിൽ സഹായി​ക്കു​ക​യും സത്യാ​രാ​ധന പുനഃ​സ്ഥി​തീ​ക​രി​ക്കു​ന്ന​തി​നു പിന്തുണ നൽകു​ക​യും ചെയ്‌തി​രു​ന്നു. (1 ദിനവൃ​ത്താ​ന്തം 22:2; 2 ദിനവൃ​ത്താ​ന്തം 15:8-14; 30:25) ഇന്ന്‌, മഹാപു​രു​ഷാ​ര​വും ഭൗതിക നിർമാണ പദ്ധതി​ക​ളിൽ പങ്കുപ​റ്റു​ന്നു. ഉദാഹ​ര​ണ​ത്തിന്‌, സഭകളും സർക്കി​ട്ടു​ക​ളും നിർമി​ക്കു​ന്ന​തിന്‌ അവർ സഹായി​ക്കു​ന്നു, രാജ്യ​ഹാ​ളു​കൾ, സമ്മേളന ഹാളുകൾ, ബ്രാഞ്ച്‌ സൗകര്യ​ങ്ങൾ എന്നിവ​യു​ടെ കാര്യം പ്രത്യേ​കം പറയേ​ണ്ട​തില്ല.

7. പ്രവാ​സാ​ന​ന്തരം യെരു​ശ​ലേ​മിൽ ആലയ ശുശ്രൂഷ നിർവ​ഹി​ക്കാൻ ആവശ്യ​ത്തി​നു ലേവ്യർ ഇല്ലാതി​രു​ന്ന​പ്പോൾ എന്തു സംഭവി​ച്ചു?

⁷ പൊ.യു.മു. (പൊതു​യു​ഗ​ത്തി​നു​മുമ്പ്‌) 537-ൽ ഇസ്രാ​യേ​ല്യർ ബാബി​ലോ​നി​ലെ പ്രവാ​സ​ത്തിൽനി​ന്നു തിരി​ച്ചെ​ത്തി​യ​ശേഷം ആലയ പ്രദേ​ശത്തു സേവന​മ​നു​ഷ്‌ഠി​ക്കു​ന്ന​തിന്‌ അവർ ക്രമീ​ക​ര​ണങ്ങൾ ചെയ്‌തു. എന്നിരു​ന്നാ​ലും, തിരി​ച്ചെ​ത്തിയ ലേവ്യ​രു​ടെ സംഖ്യ അത്ര വലുത​ല്ലാ​യി​രു​ന്നു. തൻമൂലം, ആലയ ശുശ്രൂ​ഷ​യിൽ നെഥി​നി​മു​കൾക്ക്‌—മുമ്പു ലേവ്യരെ സഹായി​ച്ചി​രുന്ന പരി​ച്ഛേ​ദ​ന​യേറ്റ പരദേ​ശി​കൾക്ക്‌—കൂടു​ത​ലായ പദവികൾ നൽക​പ്പെട്ടു. എന്നിരു​ന്നാ​ലും, അവർ അഭിഷിക്ത അഹരോ​ന്യ പുരോ​ഹി​തൻമാർക്കു തുല്യ​രാ​യി​രു​ന്നില്ല.b—എസ്രാ 7:24; 8:15-20; നെഹെ​മ്യാ​വു 3:22-26.

8, 9. വിശുദ്ധ സേവനം അർപ്പി​ക്കു​ന്ന​തി​നോ​ടു ബന്ധപ്പെട്ട വേലയിൽ അന്ത്യനാ​ളു​ക​ളിൽ വേറെ ആടുകൾ വർധിച്ച പങ്കു വഹിച്ചി​രി​ക്കു​ന്നത്‌ എങ്ങനെ?

⁸ ഇന്ന്‌ അഭിഷിക്ത ക്രിസ്‌ത്യാ​നി​കൾ ഈ മാതൃക പിൻപ​റ്റി​യി​രി​ക്കു​ന്നു. “അന്ത്യകാല”ത്തിന്റെ പരിസ​മാ​പ്‌തി​യി​ലേക്കു നീങ്ങു​ന്ന​ത​നു​സ​രിച്ച്‌ അഭിഷി​ക്ത​രു​ടെ ശേഷിപ്പ്‌ ദൈവ​ജ​ന​ത്തി​ന്റെ “ദേശ”ത്തു കുറഞ്ഞു​കൊ​ണ്ടി​രി​ക്കു​ക​യാണ്‌. (ദാനീ​യേൽ 12:9; വെളി​പ്പാ​ടു 12:17) അതിന്റെ വീക്ഷണ​ത്തിൽ “വിശുദ്ധ സേവനം” അർപ്പി​ക്കു​ക​യെന്ന വേലയു​ടെ സിംഹ​ഭാ​ഗ​വും ഇപ്പോൾ മഹാപു​രു​ഷാ​ര​മാ​ണു നടത്തു​ന്നത്‌. (വെളി​പ്പാ​ടു 7:15) തങ്ങളുടെ അഭിഷിക്ത സഹോ​ദ​ര​ങ്ങ​ളു​ടെ നേതൃ​ത്വ​ത്തെ പിന്തു​ടർന്നു​കൊണ്ട്‌ അവർ “ദൈവ​ത്തി​ന്നു അവന്റെ നാമത്തെ ഏറ്റു പറയുന്ന അധരഫലം എന്ന സ്‌തോ​ത്ര​യാ​ഗം ഇടവി​ടാ​തെ അർപ്പിക്കു”ന്നു. അവർ “നൻമ​ചെ​യ്‌വാ​നും കൂട്ടായ്‌മ കാണി​പ്പാ​നും മറക്കു”ന്നില്ല, കാരണം ‘ഈവക യാഗത്തിൽ ദൈവം പ്രസാ​ദി​ക്കു​ന്നു’വെന്ന്‌ അവർ അറിയു​ന്നു.—എബ്രായർ 13:15, 16.

⁹ കൂടാതെ, മഹാപു​രു​ഷാ​രം വർഷം​തോ​റും ലക്ഷങ്ങളാ​യി വർധി​ച്ചു​വ​രു​ന്ന​തു​കൊണ്ട്‌ മേൽനോ​ട്ട​ത്തി​ന്റെ വർധിച്ച ആവശ്യ​മുണ്ട്‌. ഒരുകാ​ലത്ത്‌ അഭിഷിക്ത ക്രിസ്‌ത്യാ​നി​ക​ളാണ്‌ ഇതു മുഴുവൻ ചെയ്‌തു​കൊ​ണ്ടി​രു​ന്നത്‌. ഇപ്പോൾ മിക്ക സഭകളു​ടെ​യും സർക്കി​ട്ടു​ക​ളു​ടെ​യും ഡിസ്‌ട്രി​ക്‌റ്റു​ക​ളു​ടെ​യും ബ്രാഞ്ചു​ക​ളു​ടെ​യും മേൽനോ​ട്ടം വേറെ ആടുകളെ ഏൽപ്പി​ക്കേ​ണ്ടത്‌ അത്യന്താ​പേ​ക്ഷി​ത​മാ​യി​രി​ക്കു​ന്നു. 1992-ൽ ഭരണസം​ഘ​ത്തി​ന്റെ കമ്മിറ്റി​ക​ളു​ടെ യോഗ​ങ്ങ​ളിൽ സംബന്ധി​ക്കു​ന്ന​തി​നും വോട്ട​വ​കാ​ശ​മി​ല്ലാത്ത സഹായ​ക​രാ​യി സേവി​ക്കു​ന്ന​തി​നും ഇവരിൽ ചിലർക്കു പദവികൾ നൽക​പ്പെട്ടു. എങ്കിലും, വേറെ ആടുകൾ തങ്ങളുടെ അഭിഷിക്ത സഹ ക്രിസ്‌ത്യാ​നി​ക​ളോ​ടു വിശ്വ​സ്‌ത​ത​യു​ള്ള​വ​രാ​യി​രി​ക്കു​ക​യും യഹോ​വ​യു​ടെ വിശ്വ​സ്‌ത​നും വിവേ​കി​യു​മായ അടിമയെ പിന്തു​ണ​യ്‌ക്കു​ന്നതു പദവി​യാ​യി കരുതു​ക​യും ചെയ്യുന്നു.—മത്തായി 25:34-40.

“ഒരു മേധാ​വി​യെ​പ്പോ​ലെ”

10, 11. ചില ഫെലി​സ്‌ത്യ​രു​ടെ മാതൃക പിന്തു​ടർന്നു​കൊണ്ട്‌ ദൈവ​ജ​ന​ത്തി​ന്റെ മുൻ ശത്രു​ക്കൾക്ക്‌ ഹൃദയ​നി​ല​യിൽ ഒരു മാറ്റം വന്നിരി​ക്കു​ന്നത്‌ എങ്ങനെ? എന്തു ഫലത്തോ​ടെ?

¹⁰ വിശ്വ​സ്‌ത​നും വിവേ​കി​യു​മായ അടിമ വേറെ ആടുകളെ ഉത്തരവാ​ദി​ത്വ സ്ഥാനങ്ങൾ വഹിക്കു​ന്ന​തിന്‌ ഉപയോ​ഗി​ക്കുന്ന വിധ​ത്തെ​പ്പറ്റി സെഖര്യാ​വു 9:6, 7-ൽ പ്രവചി​ച്ചി​രു​ന്നു, അവിടെ നാം ഇങ്ങനെ വായി​ക്കു​ന്നു: “ഫെലി​സ്‌ത്യ​രു​ടെ ഗർവ്വം ഞാൻ ഛേദി​ച്ചു​ക​ള​യും. ഞാൻ അവന്റെ രക്തം അവന്റെ വായിൽനി​ന്നും അവന്റെ വെറു​പ്പു​കൾ അവന്റെ പല്ലിന്നി​ട​യിൽനി​ന്നും നീക്കി​ക്ക​ള​യും; എന്നാൽ അവനും നമ്മുടെ ദൈവ​ത്തി​ന്നു ഒരു ശേഷി​പ്പാ​യ്‌തീ​രും; അവൻ യഹൂദ​യിൽ ഒരു മേധാ​വി​യെ​പ്പോ​ലെ​യും എക്രോൻ ഒരു യെബൂ​സ്യ​നെ​പ്പോ​ലെ​യും ആകും.”c സാത്താന്റെ ഇന്നത്തെ ലോകം​പോ​ലെ ഫെലി​സ്‌ത്യർ യഹോ​വ​യു​ടെ ജനത്തിന്റെ ബദ്ധശ​ത്രു​ക്കൾ ആയിരു​ന്നു. (1 യോഹ​ന്നാൻ 5:19) ഒരു ജനമെന്ന നിലയിൽ ഫെലി​സ്‌ത്യർ ഒടുവിൽ നിർമൂ​ല​മാ​ക്ക​പ്പെ​ട്ട​തു​പോ​ലെ ഈ ലോകം അതിന്റെ മതപര​വും രാഷ്ട്രീ​യ​വും സാമ്പത്തി​ക​വു​മായ ഘടകങ്ങ​ളോ​ടൊ​പ്പം പെട്ടെ​ന്നു​തന്നെ യഹോ​വ​യു​ടെ നാശക​ര​മായ കോപം അനുഭ​വി​ച്ച​റി​യും.—വെളി​പ്പാ​ടു 18:21; 19:19-21.

¹¹ എന്നിരു​ന്നാ​ലും, സെഖര്യാ​വി​ന്റെ വാക്കു​ക​ള​നു​സ​രിച്ച്‌ ചില ഫെലി​സ്‌ത്യ​രു​ടെ ഹൃദയ​നി​ല​യിൽ മാറ്റം വന്നു. ലോക​ക്കാ​രായ ചിലർ ഇന്ന്‌ യഹോ​വ​യു​മാ​യി ശത്രു​ത​യിൽ നില​കൊ​ള്ളു​ക​യി​ല്ലെന്ന്‌ ഇതു മുൻനി​ഴ​ലാ​ക്കി. വെറു​ക്കത്തക്ക ആചാര​വും അറയ്‌ക്കത്തക്ക വിധത്തി​ലുള്ള യാഗങ്ങ​ളർപ്പി​ക്കു​ന്ന​തും സഹിത​മുള്ള മതപര​മായ വിഗ്ര​ഹാ​രാ​ധന അവർ നിർത്തു​ക​യും യഹോ​വ​യു​ടെ ദൃഷ്ടി​യിൽ ശുദ്ധീ​ക​രി​ക്ക​പ്പെ​ട്ട​വ​രാ​യി​ത്തീ​രു​ക​യും ചെയ്യും. നമ്മുടെ നാളിൽ പരിവർത്തനം വന്ന അത്തരം “ഫെലി​സ്‌ത്യ”രെ മഹാപു​രു​ഷാ​ര​ത്തി​നി​ട​യിൽ കണ്ടെത്താ​വു​ന്ന​താണ്‌.

12. ആധുനിക നാളിൽ ‘എക്രോൻ’ “യെബൂ​സ്യ​നെ​പ്പോ​ലെ” ആയിരി​ക്കു​ന്ന​തെ​ങ്ങനെ?

¹² പ്രവചനം പറയു​ന്ന​ത​നു​സ​രിച്ച്‌, പ്രമുഖ ഫെലി​സ്‌ത്യ നഗരമായ എക്രോൻ “യെബൂ​സ്യ​നെ​പ്പോ​ലെ” ആകും. യെബൂ​സ്യ​രും ഒരിക്കൽ ഇസ്രാ​യേ​ലി​ന്റെ ശത്രു​ക്ക​ളാ​യി​രു​ന്നു. ദാവീദ്‌ യെരൂ​ശ​ലേം കീഴട​ക്കു​ന്ന​തു​വരെ അത്‌ അവരുടെ കൈക​ളി​ലാ​യി​രു​ന്നു. എന്നിരു​ന്നാ​ലും, ഇസ്രാ​യേ​ല്യ​രോ​ടൊ​പ്പം യുദ്ധങ്ങളെ അതിജീ​വിച്ച ചിലർ സ്‌പഷ്ട​മാ​യും മതപരി​വർത്തനം ചെയ്യ​പ്പെട്ടു. അവർ ഇസ്രാ​യേ​ലിൽ അടിമ​ക​ളാ​യി സേവിച്ചു, കൂടാതെ ആലയ നിർമാ​ണ​ത്തിൽ വേല​ചെ​യ്യു​ന്ന​തി​നുള്ള പദവി​പോ​ലും അവർക്കു ലഭിക്കു​ക​യു​ണ്ടാ​യി. (2 ശമൂവേൽ 5:4-9; 2 ദിനവൃ​ത്താ​ന്തം 8:1-18) ഇന്ന്‌, യഹോ​വയെ ആരാധി​ക്കുന്ന ‘എക്രോ​ന്യർ’ക്ക്‌ വിശ്വ​സ്‌ത​നും വിവേ​കി​യു​മായ അടിമ​യു​ടെ മേൽനോ​ട്ട​ത്തിൻ കീഴി​ലുള്ള “ദേശ”ത്തു സേവന​മ​നു​ഷ്‌ഠി​ക്കു​ന്ന​തി​നുള്ള പദവി​ക​ളും ഉണ്ട്‌.

13. പുരാതന ലോകത്തു മേധാ​വി​കൾ എന്തായി​രു​ന്നു?

¹³ ഫെലി​സ്‌ത്യർ യഹൂദ​യിൽ ഒരു മേധാ​വി​യെ​പ്പോ​ലെ ആയിരി​ക്കു​മെന്നു സെഖര്യാവ്‌ പറയുന്നു. “മേധാവി” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന അലൂഫ്‌ (ʼal·luphʹ) എന്ന എബ്രായ പദത്തിന്റെ അർഥം “ആയിര​ത്തി​ന്റെ നേതാവ്‌” (അല്ലെങ്കിൽ, “ചിലി​യാർക്ക്‌”) എന്നാണ്‌. അത്‌ വളരെ ഉന്നതമായ ഒരു സ്ഥാനമാ​യി​രു​ന്നു. മുമ്പു​ണ്ടാ​യി​രുന്ന ഏദോ​മ്യർക്ക്‌ 13 മേധാ​വി​കളെ ഉണ്ടായി​രു​ന്നു​ള്ളൂ. (ഉല്‌പത്തി 36:15-19) “മേധാവി” എന്ന പദം ഇസ്രാ​യേ​ല്യ​രെ​പ്പറ്റി സംസാ​രി​ക്കു​മ്പോൾ ഉപയോ​ഗി​ക്കാ​റു പതിവില്ല, എന്നാൽ ‘സഹസ്രാ​ധി​പൻമാർ’ എന്ന പദപ്ര​യോ​ഗം പതിവാ​യി കാണുന്നു. മോശ ഇസ്രാ​യേൽ ജനതയു​ടെ പ്രതി​നി​ധി​കളെ വിളി​പ്പി​ച്ച​പ്പോൾ അവൻ ‘സഹസ്രാ​ധി​പൻമാ​രെ’യാണു വിളി​ച്ചത്‌.d ഇവരിൽ 12 പേർ നേരിട്ടു മോശ​യ്‌ക്കു കീഴ്‌പെ​ട്ടി​രു​ന്ന​വ​രാ​യി​രു​ന്നു. (സംഖ്യാ​പു​സ്‌തകം 1:4-16) സമാന​മാ​യി, സൈനിക സ്ഥാപന​ത്തിൽ ജനറൽ അല്ലെങ്കിൽ രാജാവ്‌ കഴിഞ്ഞുള്ള സ്ഥാനമേ മുഖ്യ സഹസ്രാ​ധി​പൻമാർക്ക്‌ ഉണ്ടായി​രു​ന്നു​ള്ളൂ.—2 ശമൂവേൽ 18:1, 2; 2 ദിനവൃ​ത്താ​ന്തം 25:5.

14. ഇന്ന്‌ ‘ഫെലി​സ്‌ത്യൻ’ മേധാ​വി​യെ​പ്പോ​ലെ ആയിത്തീർന്നി​രി​ക്കു​ന്നത്‌ എങ്ങനെ?

¹⁴ അനുതാ​പ​മുള്ള ഫെലി​സ്‌ത്യൻ യഥാർഥ​ത്തിൽ ഇസ്രാ​യേ​ലിൽ മേധാ​വി​യാ​യി​രി​ക്കു​മെന്നു സെഖര്യാവ്‌ പ്രവചി​ച്ചില്ല. അയാൾ ഒരു സ്വാഭാ​വിക ഇസ്രാ​യേ​ല്യ​നാ​യി പിറക്കാ​ത്ത​തി​നാൽ അത്‌ ഉചിത​മാ​യി​രി​ക്ക​യില്ല. എങ്കിലും അവൻ ഒരു മേധാ​വി​യെ പോലെ ആയിരി​ക്കും, ഒരു മേധാ​വി​യു​ടെ അധികാര സ്ഥാനത്തി​നു സാമ്യ​മുള്ള ഒരു സ്ഥാനം അവൻ വഹിക്കും. അത്‌ അങ്ങനെ​തന്നെ സംഭവി​ച്ചു. അഭിഷിക്ത ക്രിസ്‌ത്യാ​നി​ക​ളു​ടെ ശേഷി​പ്പി​ന്റെ സംഖ്യ കുറഞ്ഞു​വ​രു​ക​യും അതിജീ​വി​ക്കു​ന്ന​വ​രിൽ അനേക​രു​ടെ​യും പ്രായാ​ധി​ക്യം നിമിത്തം അവരുടെ പ്രവർത്തനം പരിമി​ത​പ്പെ​ടു​ക​യും ചെയ്യുന്നു. തൻമൂലം വേറെ ആടുക​ളിൽപ്പെട്ട, നല്ലവണ്ണം പരിശീ​ലി​പ്പി​ക്ക​പ്പെ​ട്ടവർ ആവശ്യാ​നു​സ​രണം സഹായ​ഹ​സ്‌തം നീട്ടുന്നു. തങ്ങളുടെ അഭിഷിക്ത സഹോ​ദ​ര​ങ്ങളെ കടത്തി​വെ​ട്ടാൻ അവർ ആഗ്രഹി​ക്കു​ന്നില്ല. എന്നാൽ ദൈവ​ത്തി​ന്റെ സ്ഥാപനം സംഘടി​ത​മായ വിധത്തിൽ മുന്നേ​റു​ന്ന​തിൽ വിശ്വ​സ്‌ത​നും വിവേ​കി​യു​മായ അടിമ “ദേശ”ത്ത്‌ ആവശ്യ​മാ​യി​രി​ക്കുന്ന അധികാ​രം അവർക്കു നൽകുന്നു. പുരോ​ഗ​മ​ന​പ​ര​മായ അത്തര​മൊ​രു നടപടി​ക്രമം മറ്റൊരു പ്രവച​ന​ത്തിൽ കാണാ​വു​ന്ന​താണ്‌.

പുരോ​ഹി​തൻമാ​രും ഉഴവു​കാ​രും

15. (എ) യെശയ്യാ​വു 61:5, 6-ന്റെ നിവൃ​ത്തി​യാ​യി “യഹോ​വ​യു​ടെ പുരോ​ഹി​തൻമാർ” ആരാണ്‌, പരിപൂർണ അർഥത്തിൽ അവർ ഈ സ്ഥാനത്ത്‌ സേവി​ക്കു​ന്നത്‌ എപ്പോൾ? (ബി) ഇസ്രാ​യേ​ലിൽ കൃഷി​പ്പണി ചെയ്യുന്ന “അന്യജാ​തി​ക്കാർ” ആരാണ്‌, ആത്മീയ അർഥത്തിൽ ഈ വേലയിൽ എന്ത്‌ ഉൾപ്പെ​ട്ടി​രി​ക്കു​ന്നു?

¹⁵ യെശയ്യാ​വു 61:5, 6 ഇങ്ങനെ വായി​ക്കു​ന്നു: “അന്യജാ​തി​ക്കാർ നിന്നു നിങ്ങളു​ടെ ആട്ടിൻകൂ​ട്ട​ങ്ങളെ മേയ്‌ക്കും; പരദേ​ശ​ക്കാർ നിങ്ങൾക്കു ഉഴവു​കാ​രും മുന്തി​രി​ത്തോ​ട്ട​ക്കാ​രും ആയിരി​ക്കും. നിങ്ങളോ യഹോ​വ​യു​ടെ പുരോ​ഹി​തൻമാർ എന്നു വിളി​ക്ക​പ്പെ​ടും; നമ്മുടെ ദൈവ​ത്തി​ന്റെ ശുശ്രൂ​ഷ​കൻമാർ എന്നും നിങ്ങൾക്കു പേരാ​കും; നിങ്ങൾ ജാതി​ക​ളു​ടെ സമ്പത്തു അനുഭ​വി​ച്ചു, അവരുടെ മഹത്വ​ത്തി​ന്നു അവകാ​ശി​കൾ ആയിത്തീ​രും.” ഇന്ന്‌, അഭിഷിക്ത ക്രിസ്‌ത്യാ​നി​ക​ളാണ്‌ “യഹോ​വ​യു​ടെ പുരോ​ഹി​തൻമാർ.” അന്തിമ​വും പരിപൂർണ​വു​മായ അർഥത്തിൽ അവർ സ്വർഗീയ രാജ്യ​ത്തിൽ “യഹോ​വ​യു​ടെ പുരോ​ഹി​തൻമാർ . . . നമ്മുടെ ദൈവ​ത്തി​ന്റെ ശുശ്രൂ​ഷ​കൻമാർ” ആയിത്തീ​രും. (വെളി​പ്പാ​ടു 4:9-11) കൃഷി​പ്പ​ണിക്ക്‌ ഉത്തരവാ​ദി​ക​ളായ “അന്യജാ​തി​ക്കാർ” ആരാണ്‌? അവർ ദൈവ​ത്തി​ന്റെ ഇസ്രാ​യേ​ലി​ന്റെ “ദേശ”ത്തു വസിക്കുന്ന വേറെ ആടുക​ളാണ്‌. അവരെ ഏൽപ്പി​ച്ചി​രി​ക്കുന്ന ഇടയ​വേ​ല​യും ഉഴവു​വേ​ല​യും മുന്തി​രി​കൃ​ഷി​യും എന്താണ്‌? സുപ്ര​ധാ​ന​മായ ആത്മീയ അർഥത്തിൽ ഈ വേലകൾ ജനത്തെ സഹായി​ക്കു​ക​യും പരിപാ​ലി​ക്കു​ക​യും വിള​വെ​ടു​പ്പി​നു കൂട്ടി​ച്ചേർക്കു​ക​യും ചെയ്യു​ന്ന​തി​നോ​ടു ബന്ധപ്പെ​ട്ടി​രി​ക്കു​ന്നു.—യെശയ്യാ​വു 5:7; മത്തായി 9:37, 38; 1 കൊരി​ന്ത്യർ 3:9; 1 പത്രൊസ്‌ 5:2.

16. ദൈവ​ജ​ന​ത്തി​ന്റെ “ദേശ”ത്ത്‌ ഒടുവിൽ എല്ലാ വേലയും ചെയ്യു​ന്നത്‌ ആരായി​രി​ക്കും?

¹⁶ ഇപ്പോൾ, ആത്മീയ ഇസ്രാ​യേ​ല്യ​രു​ടെ ഒരു ചെറിയ സംഖ്യ ആത്മീയ ഇടയ​വേ​ല​യി​ലും ഉഴവു​വേ​ല​യി​ലും മുന്തി​രി​കൃ​ഷി​യി​ലും പങ്കുപ​റ്റു​ന്നു. അഭിഷിക്ത സഭ മുഴു​വ​നാ​യി ഒടുവിൽ ക്രിസ്‌തു​വി​നോ​ടു ചേരു​മ്പോൾ ഈ വേല മുഴു​വ​നും വേറെ ആടുക​ളു​ടെ കൈക​ളി​ലാ​യി​ത്തീ​രും. “ദേശ”ത്തിന്റെ മാനവ മേൽനോ​ട്ടം​പോ​ലും യോഗ്യ​ത​യുള്ള വേറെ ആടുക​ളു​ടെ കരങ്ങളി​ലാ​യി​രി​ക്കും. യെഹെ​സ്‌കേ​ലി​ന്റെ പുസ്‌തകം അവരെ “പ്രഭു​ക്കൻമാർ” എന്നു നാമകരണം ചെയ്യുന്നു.—യെഹെ​സ്‌കേൽ 45-ഉം 46-ഉം അധ്യാ​യങ്ങൾ.e

“ദേശം” സഹിച്ചു​നിൽക്കു​ന്നു

17. ഈ അന്ത്യനാ​ളു​ക​ളി​ലെ​ല്ലാം യഹോവ എന്ത്‌ ഒരുക്ക​ങ്ങ​ളാ​ണു നടത്തി​യി​രി​ക്കു​ന്നത്‌?

¹⁷ അതേ, മഹാപു​രു​ഷാ​ര​ത്തി​നു ഭയപ്പെ​ടേണ്ട ഒരു കാര്യ​വു​മില്ല! അവർക്കു​വേണ്ടി യഹോവ ധാരാ​ള​മാ​യി തയ്യാ​റെ​ടു​പ്പു​കൾ നടത്തി​യി​ട്ടുണ്ട്‌. ഈ അന്ത്യനാ​ളു​ക​ളിൽ ഭൂമി​യിൽ നടക്കുന്ന സുപ്ര​ധാന സംഭവ​വി​കാ​സം അഭിഷി​ക്തരെ കൂട്ടി​ച്ചേർക്കു​ന്ന​തും മുദ്ര​യി​ടു​ന്ന​തു​മാണ്‌. (വെളി​പ്പാ​ടു 7:3) എന്നിരു​ന്നാ​ലും, ഇതു നടത്തി​ക്കൊ​ണ്ടി​രി​ക്കു​മ്പോൾത്തന്നെ അവരോ​ടുള്ള സഹവാ​സ​ത്തിൽ പുനഃ​സ്ഥാ​പി​ക്ക​പ്പെട്ട ആത്മീയ ദേശ​ത്തേക്ക്‌ യഹോവ വേറെ ആടുകളെ കൊണ്ടു​വ​ന്നി​രി​ക്കു​ന്നു. അവിടെ അവർ ആത്മീയ​മാ​യി പോഷി​പ്പി​ക്ക​പ്പെ​ടു​ക​യും ക്രിസ്‌തീയ ജീവി​ത​രീ​തി​യിൽ പരിശീ​ലി​പ്പി​ക്ക​പ്പെ​ടു​ക​യും ചെയ്യുന്നു. കൂടാതെ അവർ മേൽനോ​ട്ടം ഉൾപ്പെടെ വിശുദ്ധ സേവന​ത്തിൽ നല്ലവണ്ണം പ്രബോ​ധി​പ്പി​ക്ക​പ്പെ​ട്ടി​രി​ക്കു​ന്നു. ഇതിന്‌ അവർ യഹോ​വ​യോ​ടും തങ്ങളുടെ അഭിഷിക്ത സഹോ​ദ​ര​ങ്ങ​ളോ​ടും ആഴമായ നന്ദിയു​ള്ള​വ​രാണ്‌.

18. ആത്മീയ ഇസ്രാ​യേ​ലി​ന്റെ “ദേശ”ത്ത്‌ വേറെ ആടുകൾ എന്തു സംഭവ​ങ്ങ​ളി​ലെ​ല്ലാം വിശ്വ​സ്‌ത​രാ​യി നില​കൊ​ള്ളും?

¹⁸ മാഗോ​ഗി​ലെ ഗോഗ്‌ ദൈവ​ജ​ന​ത്തിൻമേൽ തന്റെ അന്തിമ ആക്രമണം നടത്തു​മ്പോൾ വേറെ ആടുകൾ അഭിഷിക്ത ശേഷി​പ്പി​നോ​ടൊ​പ്പം “മതിലി​ല്ലാത്ത ഗ്രാമങ്ങൾ ഉള്ള ദേശത്തു” ഉറച്ചു നില​കൊ​ള്ളും. ജനതക​ളു​ടെ നാശത്തെ അതിജീ​വി​ച്ചു ദൈവ​ത്തി​ന്റെ പുതിയ ലോക​ത്തിൽ പ്രവേ​ശി​ക്കു​മ്പോൾ വേറെ ആടുകൾ ആ “ദേശ”ത്ത്‌ ഉണ്ടായി​രി​ക്കും. (യെഹെ​സ്‌കേൽ 38:11; 39:12, 13; ദാനീ​യേൽ 12:1; വെളി​പ്പാ​ടു 7:9, 14) വിശ്വ​സ്‌ത​രാ​യി തുടരു​ന്ന​പക്ഷം അവർക്ക്‌ ആ രമണീ​യ​മായ സ്ഥലം വിടേ​ണ്ടി​വ​രില്ല.—യെശയ്യാ​വു 11:9.

19, 20. (എ) പുതിയ ലോക​ത്തിൽ എന്തു മഹത്‌ മേൽനോ​ട്ട​മാണ്‌ “ദേശ”ത്തിലെ നിവാ​സി​കൾ ആസ്വദി​ക്കാൻ പോകു​ന്നത്‌? (ബി) അതിവാ​ഞ്‌ഛ​യോ​ടെ നാം എന്തി​ലേ​ക്കാ​ണു നോക്കി​പ്പാർത്തി​രി​ക്കു​ന്നത്‌?

¹⁹ പുരാതന ഇസ്രാ​യേൽ ഭരിച്ചി​രു​ന്നത്‌ മാനുഷ രാജാ​ക്കൻമാ​രാണ്‌, അവർക്കു ലേവ്യ പുരോ​ഹി​തൻമാ​രും ഉണ്ടായി​രു​ന്നു. പുതിയ ലോക​ത്തിൽ ക്രിസ്‌ത്യാ​നി​കൾക്ക്‌ അതിലും വളരെ മഹത്തായ മേൽനോ​ട്ട​മു​ണ്ടാ​യി​രി​ക്കും: യഹോ​വ​യു​ടെ കീഴിൽ അവർ മഹാപു​രോ​ഹി​ത​നും രാജാ​വു​മായ യേശു​ക്രി​സ്‌തു​വി​നും 1,44,000 സഹ പുരോ​ഹി​തൻമാർക്കും രാജാ​ക്കൻമാർക്കും കീഴ്‌പെ​ട്ടി​രി​ക്കും. അവരിൽ ചിലരെ ഭൂമി​യി​ലെ തങ്ങളുടെ ക്രിസ്‌തീയ സഹോ​ദ​ര​ന്മാ​രും സഹോ​ദ​രി​മാ​രു​മെന്ന നിലയിൽ ഈ ക്രിസ്‌ത്യാ​നി​കൾ നേരത്തെ അറിയു​മാ​യി​രു​ന്നു. (വെളി​പ്പാ​ടു 21:1) പുതിയ യെരു​ശ​ലേ​മിൽനിന്ന്‌ ഒഴുകി​വ​രുന്ന രോഗ​ശാ​ന്തി പകരുന്ന അനു​ഗ്ര​ഹ​ങ്ങ​ളിൽ പ്രമോ​ദി​ച്ചു​കൊണ്ട്‌ ആത്മീയ ദേശത്തെ വിശ്വസ്‌ത നിവാ​സി​കൾ അക്ഷരീയ പറുദീ​സ​യാ​യി പുനഃ​സ്ഥാ​പി​ക്ക​പ്പെട്ട ഭൂമി​യിൽ ജീവി​ക്കും.—യെശയ്യാ​വു 32:1; വെളി​പ്പാ​ടു 21:2; 22:1, 2.

²⁰ യഹോ​വ​യു​ടെ മഹനീ​യ​മായ സ്വർഗീയ രഥം തന്റെ ലക്ഷ്യ​പ്രാ​പ്‌തി​യി​ലേക്കു നിർത്താ​തെ കുതി​ക്കു​മ്പോൾ നമ്മി​ലോ​രോ​രു​ത്ത​രും നമുക്കു നിയമി​ച്ചു നൽകി​യി​രി​ക്കുന്ന ഭാഗം പൂർത്തി​യാ​ക്കാൻ അതീവ താത്‌പ​ര്യ​ത്തോ​ടെ നോക്കി​പ്പാർത്തി​രി​ക്കു​ന്നു. (യെഹെ​സ്‌കേൽ 1:1-28) ആ ഉദ്ദേശ്യ​ങ്ങൾ ഒടുവിൽ പൂർത്തി​യാ​ക്കു​മ്പോൾ യഹോ​വ​യു​ടെ വിജയ​ക​ര​മായ നാമവി​ശു​ദ്ധീ​ക​രണം എത്ര സന്തോ​ഷ​ത്തോ​ടെ​യാ​യി​രി​ക്കും ആഘോ​ഷി​ക്ക​പ്പെ​ടു​ന്നത്‌ എന്നു ചിന്തിച്ചു നോക്കൂ! വെളി​പ്പാ​ടു 5:13-ൽ രേഖ​പ്പെ​ടു​ത്തി​യി​രി​ക്കുന്ന ശക്തമായ സ്‌തോ​ത്ര​ഗീ​തം അപ്പോൾ സകല സൃഷ്ടി​യും പാടും: “സിംഹാ​സ​ന​ത്തിൽ ഇരിക്കു​ന്ന​വ​ന്നും കുഞ്ഞാ​ടി​ന്നും സ്‌തോ​ത്ര​വും ബഹുമാ​ന​വും മഹത്വ​വും ബലവും എന്നെ​ന്നേ​ക്കും ഉണ്ടാകട്ടെ!” നമ്മുടെ സ്ഥാനം സ്വർഗ​ത്തി​ലാ​യാ​ലും ശരി, ഭൂമി​യി​ലാ​യാ​ലും ശരി, സ്‌തു​തി​പാ​ഠ​ക​രു​ടെ ആ മഹനീയ സംഘ​ത്തോ​ടു നമ്മുടെ സ്വരവും ചേർക്കു​ന്ന​തിന്‌ അവിടെ ഉണ്ടായി​രി​ക്കാൻ നാം വാഞ്‌ഛി​ക്കു​ന്നി​ല്ലേ?

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം നൽകും?

◻ 1919-ൽ ഏതു “ദേശ”മാണ്‌ പുനഃ​സ്ഥാ​പി​ക്ക​പ്പെ​ട്ടത്‌, അത്‌ നിവാ​സി​ക​ളാൽ നിറയ​പ്പെ​ട്ടത്‌ എങ്ങനെ?

◻ ദൈവ​ത്തി​ന്റെ പുനഃ​സ്ഥാ​പി​ക്ക​പ്പെട്ട ജനത്തിന്റെ “ദേശ”ത്ത്‌ വേറെ ആടുകൾക്ക്‌ കൂടു​ത​ലായ ഉത്തരവാ​ദി​ത്വ​ങ്ങൾ നൽക​പ്പെ​ട്ടി​രി​ക്കു​ന്ന​തെ​ങ്ങനെ?

◻ മഹാപു​രു​ഷാ​ര​ത്തിൽപ്പെട്ട അംഗങ്ങൾ ഏതു വിധത്തി​ലാണ്‌ ‘യെബൂ​സ്യ​നെ​പ്പോ​ലെ’യും “യഹൂദ​യിൽ ഒരു മേധാ​വി​യെ​പ്പോ​ലെ”യും ആയിരി​ക്കു​ന്നത്‌?

◻ വിശ്വ​സ്‌ത​രായ വേറെ ആടുകൾ “ദേശ”ത്ത്‌ എത്ര കാലം നിലനിൽക്കും?

[23-ാം പേജിലെ ചിത്രം]

ആധുനിക ഫെലി​സ്‌ത്യൻ “യഹൂദ​യിൽ ഒരു മേധാ​വി​യെ​പ്പോ​ലെ” ആയിരി​ക്കും

[24-ാം പേജിലെ ചിത്രം]

അഭിഷിക്തരും വേറെ ആടുക​ളും ആത്മീയ ദേശത്ത്‌ ഒരുമി​ച്ചു സേവന​മ​നു​ഷ്‌ഠി​ക്കു​ന്നു