വെളിപാട്‌ പുസ്‌ത​കം—എന്താണ്‌ അത്‌ അർഥമാ​ക്കു​ന്നത്‌?

ബൈബി​ളി​ലെ വെളി​പാട്‌ പുസ്‌ത​ക​ത്തി​ന്റെ ഗ്രീക്ക്‌ വാക്കായ അപ്പൊ​ക്കാ​ലി​പ്‌സിസ്‌ (അപ്പൊ​ക്കാ​ലി​പ്‌സ്‌) എന്ന പദത്തിന്റെ അർഥം “അനാവ​ര​ണം ചെയ്യൽ” അഥവാ “മറനീക്കൽ” എന്നാണ്‌. ഇതു വെളി​പാട്‌ എന്നതിന്റെ അർഥം വ്യക്തമാ​ക്കു​ന്നു. ഈ പുസ്‌ത​കം, മറഞ്ഞി​രു​ന്ന കാര്യങ്ങൾ വെളി​പ്പെ​ടു​ത്തു​ക​യും ഇത്‌ എഴുതി​യ​തി​നു ശേഷം വർഷങ്ങൾ കഴിഞ്ഞ്‌ സംഭവി​ക്കാ​നു​ള്ള കാര്യങ്ങൾ തുറന്നു​കാ​ണി​ക്കു​ക​യും ചെയ്യുന്നു. ഇതിലെ പല പ്രവച​ന​ങ്ങ​ളും സത്യമാ​യി ഭവിക്കാൻ പോകു​ന്ന​തേ ഉള്ളൂ.

വെളി​പാട്‌ പുസ്‌ത​ക​ത്തി​ലേക്ക്‌ ഒരു എത്തി​നോ​ട്ടം

• ആമുഖം.​—വെളി​പാട്‌ 1:1-9.

• ഏഴു സഭകൾക്കു​ള്ള യേശു​വി​ന്റെ സന്ദേശം.​—വെളി​പാട്‌ 1:10–3:22.

• സ്വർഗ​ത്തിൽ ദൈവം സിംഹാ​സ​ന​ത്തിൽ ഇരിക്കു​ന്ന​തി​ന്റെ ഒരു ദർശനം.​—വെളി​പാട്‌ 4:1-11.

• ഒന്ന്‌ ഒന്നി​ലേ​ക്കു നയിക്കുന്ന ദർശന​ങ്ങ​ളു​ടെ ഒരു പരമ്പര:

  • ഏഴു മുദ്രകൾ.​—വെളി​പാട്‌ 5:1–8:6.

  • ഏഴു കാഹളങ്ങൾ, അവസാ​ന​ത്തെ മൂന്ന്‌ എണ്ണത്തെ തുടർന്ന്‌ വലിയ കഷ്ടങ്ങളു​ണ്ടാ​കു​ന്നു.​—വെളി​പാട്‌ 8:7–14:20.

  • ഏഴു പാത്രങ്ങൾ. അതിൽ ഓരോ​ന്നി​ലും ഓരോ ബാധയുണ്ട്‌. ഭൂമി​യു​ടെ മേൽ ഒഴിക്കാ​നി​രി​ക്കു​ന്ന ഒരു ദിവ്യ​ന്യാ​യ​വി​ധി​യെ​യാണ്‌ ഈ ബാധകൾ അർഥമാ​ക്കു​ന്നത്‌.​—വെളി​പാട്‌ 15:1–16:21.

  • ദൈവ​ത്തി​ന്റെ ശത്രു​ക്ക​ളു​ടെ നാശ​ത്തെ​ക്കു​റി​ച്ചു​ള്ള ദർശനങ്ങൾ.​—വെളി​പാട്‌ 17:1–20:10.

  • സ്വർഗ​ത്തി​നും ഭൂമി​ക്കും കിട്ടാൻ പോകുന്ന ദൈവ​ത്തിൽനി​ന്നു​ള്ള അനു​ഗ്ര​ഹ​ങ്ങ​ളു​ടെ ദർശനങ്ങൾ.​—വെളി​പാട്‌ 20:11–22:5.

• ഉപസം​ഹാ​രം.​—വെളി​പാട്‌ 22:6-21.

വെളി​പാട്‌ പുസ്‌ത​ക​ത്തി​ന്റെ അർഥം മനസ്സി​ലാ​ക്കാ​നു​ള്ള എളുപ്പ​വ​ഴി​കൾ

1. വെളിപാട്‌ പുസ്‌ത​ക​ത്തി​ന്റെ അർഥം ദൈവത്തെ സേവി​ക്കു​ന്ന​വർക്കു ശുഭ​പ്ര​തീ​ക്ഷ നൽകു​ന്ന​താണ്‌, യാതൊ​രു വിധത്തി​ലു​മു​ള്ള ഭയത്തി​നോ ഭീതി​ക്കോ ഇട നൽകു​ന്നി​ല്ല. “അപ്പൊ​ക്കാ​ലി​പ്‌സ്‌” എന്ന പദം ഒരു വലിയ ദുരന്ത​വു​മാ​യി ബന്ധപ്പെ​ട്ടി​രി​ക്കു​ന്നു എന്നു പലരും പറയുന്നു. എങ്കിലും അതിലെ സന്ദേശം വായി​ക്കു​ക​യും മനസ്സി​ലാ​ക്കു​ക​യും അനുസ​രി​ക്കു​ക​യും ചെയ്യു​ന്ന​വർ സന്തുഷ്ട​രാ​യി​രി​ക്കും എന്ന വാക്കു​ക​ളോ​ടെ​യാണ്‌ ഈ പുസ്‌ത​കം തുടങ്ങു​ന്ന​തും അവസാ​നി​ക്കു​ന്ന​തും.—വെളി​പാട്‌ 1:3; 22:7.

2. വെളിപാട്‌ പുസ്‌ത​ക​ത്തിൽ പല ‘അടയാ​ള​ങ്ങൾ’ അഥവാ പ്രതീ​ക​ങ്ങൾ ഉപയോ​ഗി​ച്ചി​ട്ടുണ്ട്‌. ഇവയൊ​ന്നും അക്ഷരീ​യ​മാ​യി മനസ്സി​ലാ​ക്കേ​ണ്ട​തല്ല.—വെളി​പാട്‌ 1:1.

3. വെളിപാട്‌ പുസ്‌ത​ക​ത്തി​ലെ പല പ്രധാന ചിഹ്നങ്ങ​ളും അടയാ​ള​ങ്ങ​ളും വെളി​പാ​ടി​നു മുമ്പുള്ള ചില ബൈബിൾപു​സ്‌ത​ക​ങ്ങ​ളിൽ പരാമർശി​ച്ചി​ട്ടു​ള്ള​വ​യാണ്‌:

   • യഹോവ—സ്വർഗത്തിലുള്ള സത്യ​ദൈ​വം, എല്ലാത്തി​ന്റെ​യും സ്രഷ്‌ടാവ്‌.—ആവർത്തനം 4:39; സങ്കീർത്ത​നം 103:19; വെളി​പാട്‌ 4:11; 15:3.

   • യേശു​ക്രി​സ്‌തു—“ദൈവ​ത്തി​ന്റെ കുഞ്ഞാട്‌.”—യോഹ​ന്നാൻ 1:29; വെളി​പാട്‌ 5:6; 14:1.

   • പിശാ​ചാ​യ സാത്താൻ—ദൈവ​ത്തി​ന്റെ ശത്രു.—ഉൽപത്തി 3:14, 15; യോഹ​ന്നാൻ 8:44; വെളി​പാട്‌ 12:9.

   • ബാബിലോൺ എന്ന മഹതി—പുരാതന ബാബി​ലോ​ണി​നെ​പ്പോ​ലെ (ബാബേൽ) ദൈവ​ത്തി​ന്റെ​യും ദൈവ​ജ​ന​ത്തി​ന്റെ​യും ശത്രു​വും മതപര​മാ​യ നുണക​ളു​ടെ ഉറവി​ട​വും.—ഉൽപത്തി 11:2-9; യശയ്യ 13:1, 11; വെളി​പാട്‌ 17:4-6; 18:4, 20.

   • “കടൽ”—ദൈവത്തെ എതിർക്കു​ന്ന ദുഷ്ടമ​നു​ഷ്യർ.—യശയ്യ 57:20; വെളി​പാട്‌ 13:1; 21:1.

   • ദൈവത്തെ ആരാധി​ക്കാ​നാ​യി ഉപയോ​ഗി​ച്ചി​രു​ന്ന പുരാ​ത​ന​കാ​ല​ത്തെ വിശു​ദ്ധ​കൂ​ടാ​ര​ത്തി​ന്റെ സവി​ശേ​ഷ​ത​കൾ—ഉട​മ്പടി​പ്പെ​ട്ട​കം, പളുങ്കി​ന്നൊ​ത്ത കണ്ണാടിക്കടൽ (കഴുകാ​നു​ള്ള തൊട്ടി), വിളക്കു​കൾ, അർപ്പി​ക്കാ​നു​ള്ള സുഗന്ധ​ക്കൂട്ട്‌, യാഗപീ​ഠം.—പുറപ്പാട്‌ 25:10, 17, 18; 40:24-32; വെളി​പാട്‌ 4:5, 6; 5:8; 8:3; 11:19.

   • കാട്ടു​മൃ​ഗ​ങ്ങൾ—മനുഷ്യഗവണ്മെന്റുകളെ പ്രതീ​ക​പ്പെ​ടു​ത്തു​ന്നു.—ദാനി​യേൽ 7:1-8, 17-26; വെളി​പാട്‌ 13:2, 11; 17:3.

   • പ്രതീ​കാ​ത്മ​ക​മാ​യ അർഥത്തിൽ ഉപയോ​ഗി​ച്ചി​രി​ക്കു​ന്ന സംഖ്യകൾ.—വെളി​പാട്‌ 1:20; 8:13; 13:18; 21:16.

4. ‘കർത്താ​വി​ന്റെ ദിവസ​ത്തിൽ’ നിറ​വേ​റു​ന്ന ദർശനങ്ങൾ. 1914-ൽ ദൈവ​രാ​ജ്യം സ്വർഗ​ത്തിൽ സ്ഥാപി​ത​മാ​കു​ക​യും യേശു രാജാ​വാ​കു​ക​യും ചെയ്‌ത​പ്പോ​ഴാണ്‌ ആ ദിവസം ആരംഭി​ച്ചത്‌. (വെളി​പാട്‌ 1:10) അതു​കൊണ്ട്‌ വെളി​പാ​ടി​ലെ പ്രവച​ന​ങ്ങൾ പ്രധാ​ന​മാ​യും നിറ​വേ​റു​ന്ന​തു നമ്മുടെ നാളി​ലാ​ണെ​ന്നു പ്രതീ​ക്ഷി​ക്കാം.

5. ബൈബിളിന്റെ മറ്റു പുസ്‌ത​ക​ങ്ങൾ മനസ്സി​ലാ​ക്കാൻ ദൈവ​ത്തിൽനി​ന്നു​ള്ള ജ്ഞാനവും അതു മനസ്സി​ലാ​ക്കി​യി​ട്ടു​ള്ള ആളുക​ളു​ടെ സഹായ​വും നമുക്ക്‌ ആവശ്യ​മാണ്‌. വെളി​പാട്‌ പുസ്‌ത​കം മനസ്സി​ലാ​ക്കു​ന്ന കാര്യ​ത്തി​ലും അതു സത്യമാണ്‌.—പ്രവൃ​ത്തി​കൾ 8:26-39; യാക്കോബ്‌ 1:5.