അത്തരം കുതി​ര​ക​ളും കുതി​ര​ക്കാ​രും നമ്മുടെ മനം കവരു​ന്നുണ്ട്‌. എന്നാൽ വെളി​പ്പാട്‌ പുസ്‌ത​ക​ത്തി​ന്റെ [അപ്പോ​ക്കാ​ലി​പ്‌സി​ന്റെ] എഴുത്തു​കാ​രൻ ദർശിച്ച കുതി​ര​ക​ളു​ടെ​യും അവയുടെ കുതി​ര​ക്കാ​രു​ടെ​യും ദൃശ്യം ഉദ്വേ​ഗ​ജ​ന​ക​മായ ഒരു കാഴ്‌ച​യാണ്‌! അവ ഭയങ്കര​വും നിഗൂ​ഢ​വും ആണ്‌. ഈ കുതി​ര​ക്കാ​രാണ്‌ അപ്പോ​ക്കാ​ലി​പ്‌സി​ലെ കുതി​ര​ക്കാർ എന്ന്‌ വ്യാപ​ക​മാ​യി അറിയ​പ്പെ​ടു​ന്നത്‌.

ഇപ്പോൾ നിങ്ങളു​ടെ അരികി​ലേക്ക്‌ നാല്‌ കുതി​ര​ക്കാർ, അവരി​ലൊ​രാൾ വാൾ ചുഴറ​റി​ക്കൊ​ണ്ടും കൊടും​ങ്കാ​റ​റു​പോ​ലെ പാഞ്ഞടു​ക്കു​ന്ന​താ​യി വിഭാവന ചെയ്യുക! അവരുടെ കുതി​ര​ക​ളു​ടെ വർണ്ണം നോക്കുക. ഓരോ​ന്നും ഒന്നോ​ടൊന്ന്‌ ഭിന്നമാണ്‌. ഒരു കുതിര വെളു​ത്ത​തും ഒന്നു ചുവന്ന​തും ഒന്നു കറുത്ത​തും ഒന്നു പച്ചകലർന്നമഞ്ഞ എന്ന രോഗാ​തു​ര​വർണ്ണ​ത്തോട്‌ കൂടി​യ​തും ആണ്‌. അവ തികച്ചും അസാധാ​ര​ണ​വും നിഗൂ​ഢ​വു​മായ ഒരു ദൃശ്യം കാഴ്‌ച​വെ​ക്കു​ന്നു.

ബൈബിൾ എഴുത്തു​കാ​ര​നായ യോഹ​ന്നാൻ അപ്പോ​സ്‌തലൻ കണ്ട ദൃശ്യ​ത്തി​ന്റെ ഗതി​വേ​ഗ​മേ​റിയ വൃത്താന്തം പിൻതു​ട​രുക. അവൻ ഇങ്ങനെ പ്രസ്‌താ​വി​ക്കു​ന്നു: “അനന്തരം ഞാൻ ഒരു വെളുത്ത കുതി​രയെ കണ്ടു. അതിന്റെ സവാരി​ക്കാ​രൻ ഒരു വില്ലു വഹിച്ചി​രു​ന്നു. അവന്‌ ഒരു കീരി​ട​വും നൽക​പ്പെട്ടു. അവൻ ഒരു ജയശാ​ലി​യെ​പ്പോ​ലെ കീഴട​ക്കാൻ പുറ​പ്പെട്ടു. . . . മറെറാ​രു കുതി​ര​യും മുമ്പോട്ട്‌ വന്നു, ചുവന്ന്‌ തിളങ്ങു​ന്നത്‌, അതിന്റെ സവാരി​ക്കാ​രന്‌ ഭൂമി​യിൽ നിന്ന്‌ സമാധാ​നം എഴുത്തു​ക​ള​യു​ന്ന​തി​നും മനുഷ്യ​രെ അന്യോ​ന്യം കൊല്ലി​ക്കു​ന്ന​തി​നും അധികാ​രം ലഭിച്ചി​രു​ന്നു; അവന്‌ ഒരു വലിയ വാളും നൽക​പ്പെട്ടു. . . . കൂടാതെ അതാ, ഞാൻ ഒരു കറുത്ത കുതി​രയെ കണ്ടു, അതിന്റെ സവാരി​ക്കാ​രന്‌ തന്റെ കൈയിൽ ഒരു ത്രാസ്സു​ണ്ടാ​യി​രു​ന്നു, ഞാൻ ഇങ്ങനെ പറയു​ന്ന​താ​യി കേൾക്കു​ക​യും ചെയ്‌തു . . . ‘[ഒരു ദിവസത്തെ കൂലിക്ക്‌] ഒരിട​ങ്ങഴി കോതമ്പ്‌, ഒരു [ദിവസത്തെ കൂലിക്ക്‌] . . . മൂന്നി​ട​ങ്ങഴി യവം . . . തുടർന്നതാ ഞാൻ ഒരു ചാരനി​റ​മുള്ള കുതി​രയെ കണ്ടു, അതിൻമേൽ സവാരി ചെയ്യു​ന്ന​വന്‌ മരണം എന്നു പേർ. ഹേഡിസ്‌ അവനെ പിന്തു​ടർന്നു. വാൾ കൊണ്ടും ക്ഷാമം കൊണ്ടും മരണം കൊണ്ടും ഭൂമി​യി​ലെ കാട്ടു മൃഗങ്ങ​ളെ​ക്കൊ​ണ്ടും ജനങ്ങളെ കൊല്ലു​വാൻ തക്കവണ്ണം അവർക്ക്‌ ഭൂമി​യു​ടെ കാൽ അംശത്തിൻമേൽ അധികാ​രം ലഭിച്ചു.”—വെളി​പ്പാട്‌ 6:2-8 ഒരു അമേരി​ക്കൻ ഭാഷാ​ന്തരം.

ഈ ദർശനം ആദ്യമാ​യി എഴുത​പ്പെട്ട കാലം മുതൽക്ക്‌ തന്നെ അതിന്റെ അർത്ഥം വായന​ക്കാ​രിൽ അസംഖ്യം പേരെ കുഴക്കി​യി​ട്ടുണ്ട്‌. ഈ നിഗൂഢ കുതി​ര​ക്കാ​രും അവരുടെ കുതി​ര​ക​ളും എന്തി​നെ​യാണ്‌ പ്രതി​നി​ധാ​നം ചെയ്യു​ന്നത്‌? അവയുടെ സവാരി എന്ന്‌ തുടങ്ങി? അവരുടെ സവാരിക്ക്‌ ഇന്നത്തെ ജീവി​ത​വു​മാ​യി എന്തെങ്കി​ലും ബന്ധം ഉണ്ടോ? കുതി​ര​ക​ളാ​ലും കുതി​ര​ക്കാ​രാ​ലും പ്രതി​നി​ധാ​നം ചെയ്യ​പ്പെ​ടാ​നി​ട​യു​ള്ള​തെ​ന്തെ​ന്നും അവരുടെ സവാരി യഥാർത്ഥ​ത്തിൽ എന്നു നടത്ത​പ്പെ​ടും എന്നുമു​ള്ള​തിന്‌ വിശദീ​ക​ര​ണ​ങ്ങ​ളു​ടെ ഒരു വൈവി​ധ്യം തന്നെ അവതരി​പ്പി​ക്ക​പ്പെ​ട്ടി​ട്ടുണ്ട്‌.

വെളുത്ത കുതി​ര​യെ​യും കുതി​ര​ക്കാ​ര​നെ​യും പററി​യുള്ള വിശദീ​ക​ര​ണ​ത്തി​ലാണ്‌ ഏററവും വലിയ വ്യത്യാ​സം കാണു​ന്നത്‌. ദൃഷ്ടാ​ന്ത​ത്തിന്‌, വെളുത്ത കുതിര ‘ഒന്നുകിൽ സുവി​ശേ​ഷ​ത്തി​ന്റെ​യോ അല്ലെങ്കിൽ സാമ്രാ​ജ്യ​ത്വ​ത്തി​ന്റെ​യോ വിജയത്തെ’ ആണ്‌ പ്രതി​നി​ധീ​ക​രി​ക്കു​ന്നത്‌ എന്നാണ്‌ ദി ന്യൂ കാത്തലിക്‌ എൻ​സൈ​ക്ലോ​പ്പീ​ഡിയ വിശദീ​ക​രി​ക്കു​ന്നത്‌.

ദാനി​യേ​ലും വെളി​പ്പാ​ടും എന്ന പുസ്‌ത​ക​ത്തിൽ ഊരിയ സ്‌മിത്ത്‌ എന്നദ്ദേഹം പിൻവ​രുന്ന വ്യാഖ്യാ​നം നൽകുന്നു: “ഒരു വെളുത്ത കുതിര ഒന്നാം നൂററാ​ണ്ടി​ലെ . . . സുവി​ശേഷ വിജയ​ങ്ങ​ളു​ടെ യുക്തമായ പ്രതീകം ആയിരു​ന്നു . . . കുതി​ര​യു​ടെ വെളുപ്പ്‌ ആ യുഗത്തി​ലെ വിശ്വാ​സ​ത്തി​ന്റെ പരിശു​ദ്ധി​യെ ആണ്‌ സൂചി​പ്പി​ക്കു​ന്നത്‌.”

ദി എക്‌സ്‌പോ​സി​റേ​റ​ഴ്‌സ്‌ ബൈബിൾ ഇങ്ങനെ പറയുന്നു: “ഒന്നാം കുതി​ര​യി​ലൂ​ടെ ക്രിസ്‌തു എന്ന വ്യക്തിയെ അല്ല പിന്നെ​യോ ക്രിസ്‌ത്യൻ ആദർശ​ത്തെ​യും അതിന്റെ ആദിമ​കാ​ലത്തെ വിജയ​ക​ര​മായ പുരോ​ഗ​തി​യെ​യും അതിന്റെ ഭാവി വിജയ​ത്തിൻ വാഗ്‌ദാ​ന​ത്തെ​യും ആണ്‌ നമ്മുടെ മുമ്പാകെ അവതരി​പ്പി​ക്കു​ന്നത്‌. . . . ഈ ആദർശം ലോക​ത്തു​ണ്ടെ​ന്നും ഈ രാജ്യം നമ്മുടെ മദ്ധ്യേ ഉണ്ടെന്നും ഇതിനെ എതിർക്കു​ന്ന​വരെ പരാജയം ഗ്രസി​ച്ചു​ക​ള​യും എന്നും ഞങ്ങൾ അറിയു​ന്നു” പക്ഷെ ക്രിസ്‌ത്യൻ ജ്യൂ ഫൌ​ണ്ടേ​ഷന്റെ വുഡ്രോ ക്രോർ എന്ന ദേഹത്തിന്‌ തോന്നു​ന്നത്‌ വെള്ളകു​തി​ര​പ്പു​റത്തെ കുതി​ര​ക്കാ​രൻ എതിർക്രി​സ്‌തു ആണെന്നാണ്‌.

അപ്പോ​ക്കാ​ലി​പ്‌സി​ലെ കുതി​ര​ക്കാ​രു​ടെ മർമ്മത്തിൻ പൊരുൾ തിരി​ക്കാൻ ആർക്കാണ്‌ കഴിയുക? ബൈബി​ളിൽ ദാനി​യേൽ 2:47-ൽ യഹോ​വ​യാം ദൈവത്തെ “രഹസ്യങ്ങൾ വെളി​പ്പെ​ടു​ത്തു​ന്നവൻ” എന്ന്‌ വിളി​ച്ചി​രി​ക്കു​ന്നു. കുതി​ര​ക്കാ​രു​ടെ ദർശനം അടങ്ങുന്ന ബൈബിൾ നിശ്വ​സ്‌ത​മാ​ക്കിയ ഒരുവൻ അവനാ​യ​തു​കൊണ്ട്‌ നമുക്കാ​വ​ശ്യ​മായ ഉത്തരങ്ങൾ നൽകാൻ അവന്‌ കഴിയും. അതു​കൊണ്ട്‌ വിവര​ത്തി​നാ​യി അവന്റെ വെളി​പ്പെ​ടു​ത്ത​പ്പെട്ട വചനത്തിൽ അന്വേ​ഷി​ക്കു​ന്ന​തി​ലൂ​ടെ ആ ഭിന്ന വർണ്ണങ്ങ​ളോ​ടു​കൂ​ടിയ കുതി​ര​ക​ളു​ടെ​യും അവയുടെ സവാരി​ക്കാ​രു​ടെ​യും അർത്ഥത്തി​ന്റെ ചുരു​ള​ഴി​ക്കാൻ നമുക്ക്‌ കഴിയും.—ആമോസ്‌ 3:7; 2 തിമൊ​ഥെ​യോസ്‌ 3:16; 2 പത്രോസ്‌ 1:21.

വെളി​പ്പാ​ടി​ന്റെ അഥവാ അപ്പോ​ക്കാ​ലി​പ്‌സി​ന്റെ ആദ്യമൂ​ന്നു വാക്യങ്ങൾ മർമ്മത്തി​ന്റെ പൂട്ടു തുറക്കാൻ സഹായി​ക്കുന്ന താക്കോൽ നമുക്ക്‌ നൽകുന്നു. അവ കാണി​ക്കു​ന്നത്‌ ഈ ദർശന​പ​ര​മ്പ​രക്ക്‌ യോഹ​ന്നാൻ അപ്പോ​സ്‌തലൻ ഈ കാര്യ​ങ്ങ​ളെ​ല്ലാം കാണു​ക​യും എഴുതു​ക​യും ചെയ്‌ത ക്രി. വ. 96 എന്ന വർഷത്തി​നി​പ്പു​റ​മുള്ള ഭാവി​കാ​ല​വു​മാ​യി​ട്ടാണ്‌ ബന്ധമു​ള്ളത്‌ എന്നാണ്‌. “കർത്താ​വി​ന്റെ ദിവസം” ആരംഭി​ച്ച​തിന്‌ ശേഷം സംഭവി​ക്കാ​നു​ള്ള​താണ്‌ ഈ ദർശന​ങ്ങ​ളി​ലെ സംഗതി​ക​ളെ​ല്ലാം എന്ന വെളി​പ്പാട്‌ 1:10-ലെ പ്രസ്‌താ​വ​ന​യോട്‌ ഇത്‌ യോജി​ക്കു​ന്നു.—1 കൊരി​ന്ത്യർ 1:8, 5:5 ഇവ താരത​മ്യം ചെയ്യുക.

ഇത്‌ മനസ്സിൽ പിടി​ച്ചു​കൊണ്ട്‌ നമുക്ക്‌ കുതി​ര​ക​ളെ​യും സവാരി ചെയ്യു​ന്ന​വ​രെ​യും പരി​ശോ​ധി​ക്കാം. വെള്ളക്കു​തി​ര​യെ​യും കുതി​ര​ക്കാ​ര​നെ​യും കുറിച്ച്‌ തുടക്ക​ത്തി​ലേ​തന്നെ ശരിയായ ഗ്രാഹ്യം ഉണ്ടായി​രി​ക്കുക മർമ്മ​പ്ര​ധാ​ന​മാണ്‌. അങ്ങനെ ആയാൽ മററു കുതി​ര​ക്കാ​രു​ടെ അർത്ഥം യഥാവി​ധം യോജി​ച്ചു​കൊ​ള്ളും.

വ്യാഖ്യാ​നങ്ങൾ പരി​ശോ​ധി​ക്ക​പ്പെ​ടു​ന്നു

വെള്ളക്കു​തി​ര​യെ​യും അതിന്റെ കുതി​ര​ക്കാ​ര​നെ​യും കുറി​ച്ചുള്ള ഒരു വ്യഖ്യാ​നം അവർ ഒന്നുകിൽ സുവി​ശേ​ഷ​ത്തി​ന്റെ​യോ അല്ലെങ്കിൽ സാമ്രാ​ജ്യ​ത്വ​ത്തി​ന്റെ​യോ വിജയത്തെ പ്രതി​നി​ധാ​നം ചെയ്യുന്നു എന്നതാണ്‌ എന്ന്‌ കഴിഞ്ഞ ലേഖന​ത്തിൽ കുറി​ക്കൊ​ള്ളു​ക​യു​ണ്ടാ​യി. പക്ഷെ ലോകം ക്രിസ്‌തു​വി​നെ​യും അവനെ ചുററി​യുള്ള ദൈവ​ത്തി​ന്റെ ഉദ്ദേശ്യ​ങ്ങ​ളെ​യും സംബന്ധിച്ച്‌ സുവി​ശേഷ (സുവാർത്ത) ത്തിലേക്ക്‌ പരിവർത്തനം ചെയ്യ​പ്പെ​ട്ടില്ല കൂടാതെ നിശ്ചയ​മാ​യും സാമ്രാ​ജ്യ​ത്വം ജൈ​ത്ര​യാ​ത്ര നടത്തു​ക​യും ചെയ്‌തി​ട്ടില്ല. മറിച്ച്‌ അത്‌ ഈ നൂററാ​ണ്ടിൽ തകരു​ക​യാണ്‌, ശിഥി​ല​മാ​യി​ത്തീ​രു​ക​യാണ്‌.

വെള്ളക്കു​തി​ര ഒന്നാം നൂററാ​ണ്ടി​ലെ സുവി​ശേഷ വിജയ​ത്തെ​യും വിശ്വാസ പരിശു​ദ്ധി​യെ​യും പ്രതി​നി​ധാ​നം ചെയ്യു​ന്നു​വെന്ന വ്യാഖ്യാ​നം സംബന്ധി​ച്ചെന്ത്‌? ഇത്‌ ദർശനം ഭാവി​യിൽ സംഭവി​ക്കാ​നി​രുന്ന കാര്യ​ങ്ങ​ളെ​ക്കു​റി​ച്ചാ​യി​രു​ന്നു എന്ന വസ്‌തു​തയെ അവഗണി​ക്കു​ന്നു. ഒരു നാടു​ക​ട​ത്ത​പ്പെട്ട തടവു​കാ​ര​നെന്ന നിലയിൽ പത്‌മോസ്‌ ദ്വീപിൽ വച്ച്‌ അപ്പോ​സ്‌ത​ല​നായ യോഹ​ന്നാൻ നമ്മുടെ പൊതു​യു​ഗ​ത്തി​ന്റെ 96-ാം ആണ്ടിൽ ആയിരു​ന്നു ആ ദർശനം എഴുതി​യത്‌ എന്നതു​കൊണ്ട്‌ സാദ്ധ്യ​ത​യ​നു​സ​രിച്ച്‌ ഒന്നാം നൂററാ​ണ്ടി​നോട്‌ ബന്ധപ്പെട്ട എന്തി​നെ​യെ​ങ്കി​ലും അത്‌ പ്രതി​നി​ധീ​ക​രി​ക്കാൻ ഇടയില്ല.

മറെറാ​രു വിശദീ​ക​രണം, വെള്ളക്കു​തിര ക്രിസ്‌തു എന്ന വ്യക്തിയെ അല്ല മറിച്ച്‌ ക്രിസ്‌ത്യൻ ആദർശ​ത്തെ​യാണ്‌ അവതരി​പ്പി​ക്കു​ന്ന​തെ​ന്നും അവന്റെ രാജ്യം ‘നമ്മുടെ മദ്ധ്യേ’ അതായത്‌ നമ്മുടെ ഹൃദയ​ങ്ങ​ളിൽ ഉണ്ട്‌ എന്നുമു​ള്ള​താ​യി​രു​ന്നു. പക്ഷെ ക്രിസ്‌തു​വി​ന്റെ ആദർശ​വും ക്രിസ്‌ത്യാ​നി​ത്വ​വും വെളി​പ്പാ​ടി​ന്റെ എഴുത്തിന്‌ ശേഷമുള്ള ഭാവി​യിൽ എന്നെങ്കി​ലും ആയിരു​ന്നില്ല തുടക്കം കുറച്ചത്‌. മറിച്ച്‌ ആ ആദർശ​ത്തിന്‌ ക്രിസ്‌ത്യാ​നി​ക​ളു​ടെ ഇടയിൽ യോഹ​ന്നാൻ ഇത്‌ എഴുതു​ന്ന​തിന്‌ മുമ്പ്‌ തന്നെയു​ണ്ടാ​യി​രുന്ന പ്രഭാ​വ​ത്തിന്‌ സമൃദ്ധ​മായ തെളി​വുണ്ട്‌.

കൂടാതെ “ദൈവ​രാ​ജ്യം നിങ്ങളു​ടെ മദ്ധ്യത്തിൽ ഉണ്ട്‌” എന്ന്‌ യേശു പറഞ്ഞ​പ്പോൾ അവൻ കപടഭ​ക്ത​രായ മതപരീ​ശൻമാർ ഉന്നയിച്ച ഒരു ചോദ്യ​ത്തിന്‌ ഉത്തരം നൽകി​ക്കൊണ്ട്‌ സംസാ​രി​ക്കു​ക​യാ​യി​രു​ന്നു. യേശു തന്റെ വിശ്വസ്‌ത അനുഗാ​മി​ക​ളോട്‌ സംസാ​രി​ക്കു​ക​യും ദൈവ​രാ​ജ്യം അവരുടെ ഹൃദയ​ത്തിൽ ഉള്ള എന്തോ ആണ്‌ എന്ന അർത്ഥത്തിൽ നിങ്ങളു​ടെ മദ്ധ്യേ ഉണ്ട്‌ എന്നു പറയു​ക​യും അല്ലായി​രു​ന്നു. പ്രത്യുത അവിശ്വ​സിച്ച പരീശൻമാ​രോട്‌ ഭാവി​യി​ലെ ദൈവ​രാ​ജ്യ​ത്തി​ന്റെ പ്രതി​നി​ധി എന്ന നിലയിൽ അവൻ, യേശു ആ സന്ദർഭ​ത്തിൽ അവരുടെ ഇടയിൽ സാന്നി​ദ്ധ്യ​വാൻ ആണ്‌ എന്ന്‌ പറയു​ക​യാ​യി​രു​ന്നു.—ലൂക്കോസ്‌ 17:21; ജറുസ​ലേം ബൈബി​ളും ദി ന്യൂ ഇംഗ്ലീഷ്‌ ബൈബി​ളും കാണുക.

വെളുത്ത കുരി​ര​പ്പു​റത്തെ സവാരി​ക്കാ​രൻ എതിർക്രി​സ്‌തു ആണ്‌ എന്ന ആശയ​ത്തെ​ക്കു​റിച്ച്‌ എന്തു പറയാം? വെള്ളക്കു​തി​ര​യു​ടെ കുതിരക്കാരനെപ്പററിപ്പറയപ്പെട്ടിരിക്കുന്നതുപോലെ “കീഴട​ക്കാ​നും കീഴടക്കൽ പൂർത്തീ​ക​രി​ക്കാ​നു​മാ​യി അവൻ പുറ​പ്പെട്ടു” എന്ന്‌ എതിർക്രി​സ്‌തു​വി​നെ​ക്കു​റിച്ച്‌ പറയാ​നാ​കു​മാറ്‌ അവൻ അത്തരം കടന്നാ​ക്ര​മ​ണങ്ങൾ നടത്തു​മെന്ന്‌ ബൈബിൾ ഒരിട​ത്തും പറയു​ന്നില്ല. (വെളി​പ്പാട്‌ 6:2) വെള്ളക്കു​തി​ര​പ്പു​റ​ത്തേ​റി​യി​രി​ക്കു​ന്നവൻ ആരായി​രു​ന്നാ​ലും അവൻ സമ്പൂർണ്ണ​മാ​യി കീഴട​ക്കി​ക്കൊണ്ട്‌ സവാരി നടത്തും. എന്ന്‌ വ്യക്തമാണ്‌. അവന്റെ കീഴടക്കൽ സംരം​ഭ​ത്തിന്‌ പരാജയം നേരി​ടു​ക​യില്ല. അവന്റെ ശത്രു​ക്ക​ളേ​വ​രും നശിപ്പി​ക്ക​പ്പെ​ടും.

ബൈബിൾ സൂചനകൾ തിരി​ച്ച​റി​യാൻ സഹായി​ക്കു​ന്നു

അതേ ദർശന പരമ്പര​യിൽ തന്നെ പിന്നീട്‌, വെള്ളക്കു​തി​ര​പ്പു​റത്തെ സവാരി​ക്കാ​ര​നെ​പ്പ​ററി തെററാത്ത തിരി​ച്ച​റിവ്‌ “രഹസ്യ​ങ്ങളെ വെളി​പ്പെ​ടു​ത്തു​ന്നവൻ” നൽകുന്നു. വെളി​പ്പാട്‌ 19:11-16-ൽ ഒരു വെള്ളക്കു​തി​രയെ വീണ്ടും കാണുന്നു. ഈ പ്രാവ​ശ്യം സവാരി​ക്കാ​രനെ വ്യക്തമാ​യി തിരി​ച്ച​റി​യി​ച്ചു​കൊണ്ട്‌ തന്നെ.

ഈ പ്രാവ​ച​നിക ദർശന​ങ്ങ​ളിൽ ഒരു വെള്ളക്കു​തി​രയെ രണ്ടു​പ്രാ​വ​ശ്യം കാണുന്നു എന്നത്‌ അത്‌ ഒരേ കുതി​ര​യാണ്‌ എന്ന്‌ അവിടെ അതിന്റെ വ്യത്യസ്‌ത ധർമ്മങ്ങളെ അഥവാ പ്രവൃ​ത്തി​കളെ ചിത്രീ​ക​രി​ക്കുക ആയിരു​ന്നു​വെ​ന്നും സൂചി​പ്പി​ക്കു​ന്നു. രണ്ടാമത്തെ രംഗത്ത്‌ സവാരി​ക്കാ​രന്റെ പേർ പറഞ്ഞി​രി​ക്കു​ന്നു. അവനെ “വിശ്വ​സ്‌ത​നും സത്യവാ​നും,” “ദൈവ​വ​ചനം” “രാജാ​ധി​രാ​ജാ​വും കർത്താ​ധി​കർത്താ​വും” എന്നും ആണ്‌ വിളി​ച്ചി​രി​ക്കു​ന്നത്‌.

ആ സ്ഥാന​പ്പേ​രു​കൾ വെള്ളക്കു​തി​ര​പ്പു​റത്തെ സവാരി​ക്കാ​രൻ ആർ എന്നുള്ള​തിൽ യാതൊ​രു സംശയ​വും അവശേ​ഷി​പ്പി​ക്കു​ന്നില്ല. അതു കർത്താ​വായ യേശു​ക്രി​സ്‌തു അല്ലാതെ മററാ​രു​മല്ല! (വെളി​പ്പാട്‌ 17:14 താരത​മ്യം ചെയ്യുക) പക്ഷെ അവന്റെ ജീവി​ത​ത്തി​ന്റെ ഏതു കാലത്താ​ണത്‌? അത്‌ വെളി​പ്പാ​ടി​ലെ ദർശനങ്ങൾ നൽകപ്പെട്ട ഒന്നാം നൂററാ​ണ്ടി​ന്റെ അന്ത്യത്തിന്‌ കുറെ​ക്കാ​ല​ങ്ങൾക്ക്‌ ശേഷം ആയിരി​ക്കേ​ണ്ടി​യി​രു​ന്നു. അവന്‌ ഇപ്പോൾ ഒരു രാജകി​രീ​ട​വും ലഭിച്ചു എന്നതും ശ്രദ്ധി​ക്കുക അതു​കൊണ്ട്‌ ഭാവി​യി​ലൊ​രി​ക്കൽ യേശു​ക്രി​സ്‌തു രാജാവ്‌ അഥവാ ഭരണാ​ധി​കാ​രി എന്നനി​ല​യി​ലുള്ള അവന്റെ പ്രത്യേക റോളിന്‌ ആരംഭ​മി​ടേ​ണ്ട​തു​ണ്ടാ​യി​രു​ന്നു. ആ നിലയിൽ അവൻ “കീഴട​ക്കു​ന്ന​തി​നും കീഴടക്കൽ പൂർത്തി​യാ​ക്കു​ന്ന​തി​നും വേണ്ടി” സവാരി ചെയ്യുന്ന, ഒരു വില്ലു​പേ​റിയ യോദ്ധാവ്‌ എന്ന പോലെ ചിത്രീ​ക​രി​ക്ക​പ്പെ​ടു​ക​യും ചെയ്‌തി​രി​ക്കു​ന്നു.

ഇത്‌ ഭാവി​തന്നെ ആയിരി​ക്കണം എന്ന്‌ കാണി​ക്കുന്ന മറെറാ​രു വസ്‌തുത ഇതാണ്‌: “അപ്പോ​ക്കാ​ലി​പ്‌സി​ലെ ദർശന​ത്തി​ന്റെ സമയത്ത്‌ യേശു തന്റെ ദൗമിക ജീവിതം പൂർത്തി​ക​രിച്ച, മരിച്ച​വ​രിൽ നിന്ന്‌ പുനരു​ത്ഥാ​നം പ്രാപിച്ച്‌, സ്വർഗ്ഗാ​രോ​ഹണം ചെയ്‌തു കഴിഞ്ഞിട്ട്‌ 60-ൽ അധികം വർഷങ്ങൾ കഴിഞ്ഞി​രു​ന്നു. അവൻ സ്വർഗ്ഗ​ത്തി​ലേക്ക്‌ മടങ്ങി​പ്പോ​യ​പ്പോൾ തന്റെ ശത്രുക്കൾ തനിക്ക്‌ “പാദപീ​ഠമാ”കുന്ന ആ ഭാവി സമയം വരെ ദൈവ​ത്തി​ന്റെ വലത്തു​ഭാ​ഗത്ത്‌ കാത്തി​രി​ക്കു​ന്ന​തിന്‌ യേശു​വി​നോട്‌ നിർദ്ദേ​ശി​ക്ക​പ്പെട്ടു.—എബ്രായർ 10:12, 13.

സവാരി തുടങ്ങു​ന്നു

അതു​കൊണ്ട്‌ യേശു​ക്രി​സ്‌തു ദൈവ​രാ​ജ്യ​ത്തി​ന്റെ സ്വർഗ്ഗീയ രാജാ​വാ​യി സിംഹാ​സ​ന​സ്ഥ​നാ​കുന്ന ഏതോ ഭാവി​കാല സമയത്താണ്‌ വെള്ളക്കു​തി​ര​പ്പു​റത്തെ സവാരി ആരംഭി​ക്കേ​ണ്ടി​യി​രു​ന്നത്‌. ആ സമയത്ത്‌ ദൈവം ഈ ആജ്ഞയു​മാ​യി അവനെ അയക്കും. “കീഴട​ക്കി​ക്കൊണ്ട്‌ നിന്റെ ശത്രു​ക്കൾക്കു മദ്ധ്യേ പുറ​പ്പെ​ടുക.” (സങ്കീർത്തനം 110:2) പക്ഷെ ഇത്‌ എന്നാണ്‌ സംഭവി​ക്കുക?

സ്വർഗ്ഗീയ രാജാവ്‌ എന്ന നിലയി​ലുള്ള യേശു​ക്രി​സ്‌തു​വി​ന്റെ കീരീ​ട​ധാ​രണം സങ്കീർത്തനം 45:3-7-ൽ വിവരി​ക്ക​പ്പെ​ട്ടി​ട്ടുണ്ട്‌. പിന്നീട്‌ എബ്രായർ 1:8, 9-ൽ പൗലോസ്‌ അപ്പോ​സ്‌തലൻ ഈ സങ്കീർത്ത​ന​ത്തിൽ നിന്നു​ദ്ധ​രി​ക്കു​ക​യും 6ഉം 7ഉം വാക്യങ്ങൾ ദൈവ​പു​ത്ര​നായ യേശു​ക്രി​സ്‌തു​വി​നു ബാധക​മാ​ക്കു​ക​യും ചെയ്‌തു. യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച വിശദാം​ശ​ങ്ങ​ളും തിരു​വെ​ഴു​ത്തു തെളി​വു​ക​ളും സ്വർഗ്ഗ​ത്തിൽ യേശു​വി​ന്റെ രാജാ​ഭി​ഷേകം 1914 എന്ന വർഷത്തി​ലെ “ജാതി​ക​ളു​ടെ നിയമി​ത​കാ​ല​ങ്ങ​ളു​ടെ അന്ത്യത്തി​ങ്കൽ നടന്നു​വെന്ന്‌ കാണി​ക്കു​ന്നു.—ലൂക്കോസ്‌ 21:24.a

അതു​കൊണ്ട്‌ കുതി​ര​ക്കാ​രു​ടെ സവാരി​യെ 1914 എന്ന വർഷത്തിന്‌ മുമ്പ്‌ വക്കുന്ന ഏതു വ്യാഖ്യാ​ന​വും ശരിയാ​യി​രി​ക്കാൻ കഴിയു​ക​യില്ല. മാത്രമല്ല വെള്ളക്കു​തി​ര​യു​ടെ സവാരി​ക്കാ​രൻ ആണ്‌ മുന്നിൽ എന്നതു​കൊണ്ട്‌ പിൻതു​ട​രുന്ന മററു കുതി​ര​ക​ളും സവാരി​ക്കാ​രും അവന്റെ സവാരി തുടങ്ങു​ന്ന​തി​നോ​ട​നു​ബ​ന്ധി​ച്ചോ കുറെ സമയം കഴിഞ്ഞോ സംഭവി​ക്കേ​ണ്ടുന്ന സംഭവ​ങ്ങളെ കാണി​ക്കു​ന്നു. അതു​കൊണ്ട്‌ ഈ 4 കുതി​ര​ക്കാ​രു​ടെ​യും സവാരി 1914-ലെ അന്ത്യകാ​ല​ത്തി​ന്റെ തുടക്ക​ത്തിന്‌ ശേഷമാണ്‌ സംഭവി​ക്കേ​ണ്ടത്‌. അന്നു മുതൽക്കാണ്‌ അന്ത്യകാ​ല​ത്തി​ന്റെ തെളി​വു​കൾ കാണ​പ്പെ​ട്ടു​കൊ​ണ്ടി​രി​ക്കു​ന്നത്‌.—ദാനി​യേൽ 12:4; 2 തിമൊ​ഥെ​യോസ്‌ 3:1-5, 13.