നിത്യ​ത​യു​ടെ രാജാ​വി​നെ സ്‌തു​തി​ക്കുക!

“യഹോവ എന്നെ​ന്നേ​ക്കും രാജാ​വാ​കു​ന്നു.”—സങ്കീർത്തനം 10:16.

1. നിത്യ​ത​സം​ബ​ന്ധിച്ച്‌ ഏതു ചോദ്യ​ങ്ങൾ ഉദിക്കു​ന്നു?

നിത്യത—അത്‌ എന്താ​ണെന്നു നിങ്ങൾ പറയും? സമയത്തി​നു യഥാർഥ​ത്തിൽ എന്നേക്കും തുടരാൻ കഴിയു​മെന്നു നിങ്ങൾ വിചാ​രി​ക്കു​ന്നു​വോ? ശരി, സമയം ഭൂതകാ​ല​ത്തേക്ക്‌ എന്നേക്കും നീണ്ടു​കി​ട​ക്കു​ന്നു​വെ​ന്നു​ള്ള​തി​നു സംശയ​മില്ല. അങ്ങനെ​യെ​ങ്കിൽ ഭാവി​യി​ലേക്ക്‌ എന്നേക്കും എന്തു​കൊ​ണ്ടു നീണ്ടു​കി​ട​ന്നു​കൂ​ടാ? വാസ്‌ത​വ​ത്തിൽ ബൈബി​ളി​ന്റെ പുതി​യ​ലോക ഭാഷാ​ന്തരം “അനിശ്ചി​ത​കാ​ലം​മു​തൽ അനിശ്ചി​ത​കാ​ല​ത്തോ​ളം തന്നെ” ദൈവം സ്‌തു​തി​ക്ക​പ്പെ​ടു​ന്ന​താ​യി പരാമർശി​ക്കു​ന്നു. (സങ്കീർത്തനം 41:13) ഈ പദപ്ര​യോ​ഗം എന്തർഥ​മാ​ക്കു​ന്നു? നാം ബന്ധപ്പെട്ട ഒരു വിഷയത്തെ—ആകാശത്തെ—പരാമർശി​ക്കു​ന്നു​വെ​ങ്കിൽ അതു മനസ്സി​ലാ​ക്കാൻ നാം സഹായി​ക്ക​പ്പെ​ട്ടേ​ക്കാം.

2, 3. (എ) നിത്യ​തയെ വിലമ​തി​ക്കാൻ നമ്മെ സഹായി​ക്കു​ന്ന​താ​യി ആകാശത്തെ സംബന്ധിച്ച എന്തു സംഗതി​ക​ളുണ്ട്‌? (ബി) നാം നിത്യ​ത​യു​ടെ രാജാ​വി​നെ ആരാധി​ക്കാൻ ആഗ്രഹി​ക്കേ​ണ്ടത്‌ എന്തു​കൊണ്ട്‌?

² ആകാശം എത്ര വിസ്‌തൃ​ത​മാണ്‌? അതിന്‌ ഏതെങ്കി​ലും അതിരു​ണ്ടോ? 400 വർഷം മുമ്പു​വരെ നമ്മുടെ ഭൂമി​യാ​ണു പ്രപഞ്ച​ത്തി​ന്റെ കേന്ദ്ര​മെന്നു വിചാ​രി​ക്ക​പ്പെ​ട്ടി​രു​ന്നു. പിന്നീട്‌, ഗലീലി​യോ ആകാശ​ങ്ങ​ളെ​സം​ബ​ന്ധിച്ച്‌ അത്യന്തം വിപു​ല​മായ ഒരു വീക്ഷണ​ത്തിന്‌ ഇടമു​ണ്ടാ​ക്കി​ക്കൊ​ണ്ടു ദൂരദർശി​നി വികസി​പ്പി​ച്ചെ​ടു​ത്തു. ഇപ്പോൾ ഗലീലി​യോ​യ്‌ക്ക്‌ അനേകം നക്ഷത്ര​ങ്ങൾകൂ​ടെ കാണാൻ കഴിഞ്ഞു, ഭൂമി​യും മററു ഗ്രഹങ്ങ​ളും സൂര്യനു ചുററും കറങ്ങു​ന്നു​വെന്നു തെളി​യി​ക്കാ​നും സാധിച്ചു. ക്ഷീരപഥം മേലാൽ ക്ഷീരനി​റ​ത്തി​ലു​ള്ള​താ​യി തോന്നി​യില്ല. അത്‌ 10,000 കോടി​യോ​ളം വരുന്ന ഒരു താരാ​പം​ക്തി ആണെന്നു തെളിഞ്ഞു. അത്രയ​ധി​കം യഥാർഥ നക്ഷത്ര​ങ്ങളെ നമുക്ക്‌ ഒരിക്ക​ലും എണ്ണാൻ കഴിയില്ല, ഒരു മനുഷ്യാ​യു​സ്സു​കൊ​ണ്ടു​പോ​ലും. പിന്നീട്‌ ജ്യോ​തി​ശ്ശാ​സ്‌ത്രജ്ഞർ കോടി​ക്ക​ണ​ക്കി​നു താരാ​പം​ക്തി​കൾ കണ്ടുപി​ടി​ച്ചു​തു​ടങ്ങി. ഇവ അനന്തമാ​യി ആകാശ​ത്തി​ലേക്കു നീണ്ടു​കി​ട​ക്കു​ക​യാണ്‌, ഏററവും ശക്തിയുള്ള ദൂരദർശി​നി​കൾക്കു ചുഴി​ഞ്ഞു​നോ​ക്കാൻ കഴിയുന്നടത്തോളം ദൂരത്തിൽ. ആകാശ​ത്തിന്‌ അതിരു​ക​ളി​ല്ലെന്നു തോന്നു​ന്നു. നിത്യ​ത​യു​ടെ കാര്യ​ത്തി​ലും ഇതുതന്നെ സത്യമാണ്‌—അതിന്‌ അതിരു​ക​ളില്ല.

³ നിത്യ​ത​യു​ടെ ആശയം നമ്മുടെ പരിമി​ത​മായ മനുഷ്യ​മ​സ്‌തി​ഷ്‌ക​ങ്ങ​ളു​ടെ ഗ്രാഹ്യ​ത്തിന്‌ അതീത​മാ​ണെന്നു തോന്നു​ന്നു. എന്നിരു​ന്നാ​ലും, അതു പൂർണ​മാ​യി മനസ്സി​ലാ​കുന്ന ഒരുവ​നുണ്ട്‌. അവനു ശതകോ​ടി​ക്ക​ണ​ക്കി​നുള്ള താരാ​പം​ക്തി​ക​ളിൽ അതിരററ സഹസ്ര​കോ​ടി​ക്ക​ണ​ക്കി​നുള്ള നക്ഷത്ര​ങ്ങളെ എണ്ണാൻ, അതേ, പേർവി​ളി​ക്കാൻ പോലും, കഴിയും! ഈ ഒരുവൻ പറയുന്നു: “നിങ്ങൾ കണ്ണു മേലോ​ട്ടു ഉയർത്തി നോക്കു​വിൻ; ഇവയെ സൃഷ്ടി​ച്ച​താർ? അവൻ അവയുടെ സൈന്യ​ത്തെ സംഖ്യാ​ക്ര​മ​ത്തിൽ പുറ​പ്പെ​ടു​വി​ക്ക​യും അവയെ എല്ലാം പേർ ചൊല്ലി വിളി​ക്ക​യും ചെയ്യുന്നു; അവന്റെ വീര്യ​മാ​ഹാ​ത്മ്യം നിമി​ത്ത​വും അവന്റെ ശക്തിയു​ടെ ആധിക്യം​നി​മി​ത്ത​വും അവയിൽ ഒന്നും കുറഞ്ഞു​കാ​ണു​ക​യില്ല. നിനക്ക​റി​ഞ്ഞു​കൂ​ട​യോ? നീ കേട്ടി​ട്ടി​ല്ല​യോ? യഹോവ നിത്യ​ദൈവം; ഭൂമി​യു​ടെ അറുതി​കളെ സൃഷ്ടി​ച്ചവൻ തന്നേ; അവൻ ക്ഷീണി​ക്കു​ന്നില്ല, തളർന്നു​പോ​കു​ന്ന​തു​മില്ല; അവന്റെ ബുദ്ധി അപ്ര​മേ​യ​മ​ത്രേ.” (യെശയ്യാ​വു 40:26, 28) അത്യത്ഭു​ത​വാ​നായ എന്തൊരു ദൈവം! തീർച്ച​യാ​യും, നാം ആരാധി​ക്കാൻ ആഗ്രഹി​ക്കേണ്ട ദൈവം അവനാണ്‌!

‘എന്നെ​ന്നേ​ക്കും രാജാവ്‌’

4. (എ) ദാവീദ്‌ നിത്യ​ത​യു​ടെ രാജാ​വി​നോ​ടുള്ള വിലമ​തി​പ്പു പ്രകട​മാ​ക്കി​യത്‌ എങ്ങനെ? (ബി) ചരി​ത്ര​ത്തി​ലെ ഏററവും വലിയ ശാസ്‌ത്ര​ജ്ഞൻമാ​രിൽ ഒരാൾ പ്രപഞ്ച​ത്തി​ന്റെ ഉത്ഭവം സംബന്ധിച്ച്‌ എന്തു നിഗമനം ചെയ്‌തു?

⁴ സ്രഷ്ടാ​വായ ദൈവ​ത്തെ​ക്കു​റി​ച്ചു സങ്കീർത്തനം 10:16-ൽ “യഹോവ എന്നെ​ന്നേ​ക്കും രാജാ​വാ​കു​ന്നു” എന്നു ദാവീദു പറയുന്നു. സങ്കീർത്തനം 29:10-ൽ അവൻ ആവർത്തി​ക്കു​ന്നു: “യഹോവ എന്നേക്കും രാജാ​വാ​യി ഇരിക്കു​ന്നു.” അതേ, യഹോവ നിത്യ​ത​യു​ടെ രാജാ​വാ​കു​ന്നു! കൂടാതെ, ഈ ഉന്നതനായ രാജാവ്‌ നാം ആകാശത്തു കാണുന്ന സകലത്തി​ന്റെ​യും സംവി​ധാ​യ​ക​നും നിർമാ​താ​വു​മാ​ണെന്നു സാക്ഷ്യ​പ്പെ​ടു​ത്തി​ക്കൊ​ണ്ടു സങ്കീർത്തനം 19:1-ൽ ദാവീദു പറയുന്നു: “ആകാശം ദൈവ​ത്തി​ന്റെ മഹത്വത്തെ വർണി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ പ്രസി​ദ്ധ​മാ​ക്കു​ന്നു.” ഏകദേശം 2,700 വർഷം കഴിഞ്ഞ്‌, പ്രസിദ്ധ ശാസ്‌ത്ര​ജ്ഞ​നായ സർ ഐസക്‌ ന്യൂട്ടൻ ദാവീ​ദി​നോ​ടു യോജി​പ്പു പ്രകട​മാ​ക്കി​ക്കൊണ്ട്‌ എഴുതി: “സൂര്യൻമാ​രു​ടെ​യും ഗ്രഹങ്ങ​ളു​ടെ​യും ധൂമ​കേ​തു​ക്ക​ളു​ടെ​യും ഈ അത്യന്തം രമണീ​യ​മായ വ്യൂഹം പ്രബു​ദ്ധ​നും ശക്തനു​മായ ഒരുവന്റെ ഉദ്ദേശ്യ​ത്തിൽനി​ന്നും പരമാ​ധി​കാ​ര​ത്തിൽനി​ന്നും മാത്രമേ സംജാ​ത​മാ​കാൻ കഴിയൂ.”

5. ജ്ഞാനത്തി​ന്റെ ഉറവി​നെ​സം​ബ​ന്ധിച്ച്‌ യെശയ്യാ​വും പൗലോ​സും എന്ത്‌ എഴുതി?

⁵ വിസ്‌തൃ​ത​മായ ‘സ്വർഗ്ഗ​ത്തി​ലും സ്വർഗ്ഗാ​ധി​സ്വർഗ​ത്തി​ലും പോലും അടങ്ങു​ക​യി​ല്ലാത്ത’ പരമാ​ധി​കാ​രി​യാം കർത്താ​വായ യഹോവ നിത്യ​മാ​യി ജീവി​ക്കു​ന്നു​വെന്ന്‌ അറിയു​ന്നതു നമ്മെ എത്ര വിനീ​ത​രാ​ക്കേ​ണ്ട​താണ്‌! (1 രാജാ​ക്കൻമാർ 8:27) യെശയ്യാ​വു 45:18-ൽ ‘ഭൂമിയെ നിർമ്മി​ച്ചു​ണ്ടാ​ക്കി​യ​വ​നും ആകാശത്തെ സൃഷ്ടി​ച്ച​വ​നു​മാ​യി’ വർണി​ച്ചി​രി​ക്കുന്ന യഹോവ മരണമുള്ള മനുഷ്യ​മ​സ്‌തി​ഷ്‌ക​ങ്ങൾക്ക്‌ അളക്കാൻ കഴിയു​ന്ന​തി​നെ​ക്കാൾ അതിവി​പു​ല​മായ ജ്ഞാനത്തി​ന്റെ ഉറവാണ്‌. 1 കൊരി​ന്ത്യർ 1:19-ൽ പ്രദീ​പ്‌ത​മാ​ക്കി​യി​രി​ക്കുന്ന പ്രകാരം “ജ്ഞാനി​ക​ളു​ടെ ജ്ഞാനം ഞാൻ നശിപ്പി​ക്ക​യും ബുദ്ധി​മാൻമാ​രു​ടെ ബുദ്ധി ദുർബ്ബ​ല​മാ​ക്കു​ക​യും ചെയ്യും” എന്നു യഹോവ പറഞ്ഞു. അപ്പോ​സ്‌ത​ല​നായ പൗലോസ്‌ 20-ാം വാക്യ​ത്തിൽ ഇങ്ങനെ കൂട്ടി​ച്ചേർത്തു: “ജ്ഞാനി എവിടെ? ശാസ്‌ത്രി എവിടെ? ഈ ലോക​ത്തി​ലെ താർക്കി​കൻ എവിടെ? ലോക​ത്തി​ന്റെ ജ്ഞാനം ദൈവം ഭോഷ​ത്വ​മാ​ക്കി​യി​ല്ല​യോ?” അതെ, 3-ാം അധ്യായം 19-ാം വാക്യ​ത്തിൽ പൗലോസ്‌ തുടർന്നു പറഞ്ഞ​പ്ര​കാ​രം “ഈ ലോക​ത്തി​ന്റെ ജ്ഞാനം ദൈവ​സ​ന്നി​ധി​യിൽ ഭോഷ​ത്വ​മ​ത്രേ.”

6. “നിത്യത”സംബന്ധി​ച്ചു സഭാ​പ്ര​സം​ഗി 3:11 എന്തു സൂചി​പ്പി​ക്കു​ന്നു?

⁶ ആകാശ​ഗോ​ളങ്ങൾ ശലോ​മോൻ രാജാവ്‌ പരാമർശിച്ച സൃഷ്ടി​യു​ടെ ഭാഗമാണ്‌: “[ദൈവം] സകലവും അതതിന്റെ സമയത്തു ഭംഗി​യാ​യി ചെയ്‌തു നിത്യ​ത​യും മനുഷ്യ​രു​ടെ ഹൃദയ​ത്തിൽ വെച്ചി​രി​ക്കു​ന്നു; എങ്കിലും ദൈവം ആദി​യോ​ടന്തം ചെയ്യുന്ന പ്രവൃ​ത്തി​യെ ഗ്രഹി​പ്പാൻ അവർക്കു കഴിവില്ല.” (സഭാ​പ്ര​സം​ഗി 3:11) സത്യമാ​യി, “നിത്യത”യുടെ അർഥം ഗ്രഹി​ക്കാ​നുള്ള ശ്രമം മനുഷ്യ​ഹൃ​ദ​യ​ത്തിൽ നട്ടിരി​ക്കു​ക​യാണ്‌. എന്നാൽ അവന്‌ അങ്ങനെ​യുള്ള പരിജ്ഞാ​നം പ്രാപി​ക്കുക എന്നെങ്കി​ലും സാധ്യ​മാ​ണോ?

അത്ഭുത​ക​ര​മായ ഒരു ജീവി​ത​പ്ര​തീ​ക്ഷ

7, 8. (എ) മനുഷ്യ​വർഗ​ത്തി​ന്റെ മുമ്പിൽ ഏത്‌ അത്ഭുത​ക​ര​മായ ജീവി​ത​പ്ര​തീക്ഷ സ്ഥിതി​ചെ​യ്യു​ന്നു, അത്‌ എങ്ങനെ പ്രാപി​ക്കാം? (ബി) ദിവ്യ​വി​ദ്യാ​ഭ്യാ​സം സകല നിത്യ​ത​യി​ലും തുടരു​ന്ന​തിൽ നാം സന്തോ​ഷി​ക്കേ​ണ്ടത്‌ എന്തു​കൊണ്ട്‌?

⁷ യഹോ​വ​യോ​ടുള്ള പ്രാർഥ​ന​യിൽ യേശു​ക്രി​സ്‌തു ഇങ്ങനെ പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്ന​തു​തന്നേ നിത്യ​ജീ​വൻ ആകുന്നു.” (യോഹ​ന്നാൻ 17:3) നമുക്ക്‌ അങ്ങനെ​യുള്ള അറിവ്‌ എങ്ങനെ നേടാ​നാ​വും? നാം ദൈവ​വ​ച​ന​മായ വിശു​ദ്ധ​ബൈ​ബിൾ പഠി​ക്കേ​ണ്ട​തുണ്ട്‌. അതിലൂ​ടെ ഒരു പറുദീ​സാ​ഭൂ​മി​യി​ലെ നിത്യ​ജീ​വ​നു​വേണ്ടി തന്റെ പുത്രൻമു​ഖാ​ന്തരം ചെയ്‌തി​രി​ക്കുന്ന കരുതൽ ഉൾപ്പെടെ​യുള്ള ദൈവ​ത്തി​ന്റെ മഹത്തായ ഉദ്ദേശ്യ​ങ്ങ​ളെ​ക്കു​റി​ച്ചുള്ള സൂക്ഷ്‌മ​മായ അറിവു നമുക്കു നേടാ​നാ​വും. അതായി​രി​ക്കും 1 തിമൊ​ഥെ​യൊസ്‌ 6:19-ൽ പരാമർശി​ച്ചി​രി​ക്കുന്ന ‘സാക്ഷാ​ലുള്ള ജീവൻ.’ അതു “നമ്മുടെ കർത്താ​വായ യേശു​ക്രി​സ്‌തു​വി​നോ​ടുള്ള ബന്ധത്തിൽ [ദൈവം] രൂപ​പ്പെ​ടു​ത്തിയ നിത്യോ​ദ്ദേ​ശ്യം” എന്നു എഫേസ്യർ 3:11 [NW] വർണി​ക്കു​ന്ന​തി​നോ​ടു യോജി​പ്പി​ലാ​യി​രി​ക്കും.

⁸ അതേ, പാപപൂർണ​രാ​യി​രി​ക്കുന്ന മനുഷ്യ​രായ നമുക്കു ദിവ്യ വിദ്യാ​ഭ്യാ​സ​ത്തി​ലൂ​ടെ​യും യേശു​വി​ന്റെ മറുവി​ല​യാ​ഗ​ത്തി​ലുള്ള വിശ്വാ​സ​ത്തി​ലൂ​ടെ​യും നിത്യ​ജീ​വൻ പ്രാപി​ക്കാ​വു​ന്ന​താണ്‌. ഈ വിദ്യാ​ഭ്യാ​സം എത്രനാൾ തുടരും? നമ്മുടെ സ്രഷ്ടാ​വി​ന്റെ ജ്ഞാനത്തിൽ മനുഷ്യ​വർഗം പടിപ​ടി​യാ​യി പ്രബോ​ധി​പ്പി​ക്ക​പ്പെ​ടു​മ്പോൾ അതു സകല നിത്യ​ത​യി​ലേ​ക്കും നീളും. യഹോ​വ​യു​ടെ ജ്ഞാനത്തിന്‌ അതിരു​ക​ളില്ല. ഇതു തിരി​ച്ച​റി​ഞ്ഞു​കൊണ്ട്‌ അപ്പോ​സ്‌ത​ല​നായ പൗലോസ്‌ ഇങ്ങനെ ഉദ്‌ഘോ​ഷി​ച്ചു: “ഹാ, ദൈവ​ത്തി​ന്റെ ധനം, ജ്ഞാനം, അറിവു എന്നിവ​യു​ടെ ആഴമേ! അവന്റെ ന്യായ​വി​ധി​കൾ എത്ര അപ്ര​മേ​യ​വും അവന്റെ വഴികൾ എത്ര അഗോ​ച​ര​വും ആകുന്നു.” (റോമർ 11:33) തീർച്ച​യാ​യും 1 തിമൊ​ഥെ​യൊസ്‌ 1:17 യഹോ​വയെ ‘നിത്യ​ത​യു​ടെ രാജാവ്‌’ എന്നു വിളി​ക്കു​ന്നത്‌ ഉചിത​മാണ്‌!

യഹോ​വ​യു​ടെ സൃഷ്ടി​പ​ര​മായ ജ്ഞാനം

9, 10. (എ) മനുഷ്യ​വർഗ​ത്തി​നുള്ള തന്റെ ദാനമെന്ന നിലയിൽ ഭൂമിയെ ഒരുക്കു​ന്ന​തിൽ യഹോവ ഏതു മഹത്തായ വേലകൾ നിർവ​ഹി​ച്ചു? (ബി) യഹോ​വ​യു​ടെ സൃഷ്ടി​ക​ളിൽ അവന്റെ മികച്ച ജ്ഞാനം പ്രകട​മാ​ക്ക​പ്പെ​ട്ടി​രി​ക്കു​ന്നത്‌ എങ്ങനെ? (ചതുരം കാണുക.)

⁹ നിത്യ​ത​യു​ടെ രാജാവ്‌ നമുക്കു പ്രദാ​നം​ചെ​യ്‌തി​രി​ക്കുന്ന വിശി​ഷ്ട​മായ പൈതൃ​ക​ത്തെ​ക്കു​റി​ച്ചു ചിന്തി​ക്കുക. സങ്കീർത്തനം 115:16 നമ്മോടു പറയുന്നു: “സ്വർഗ്ഗം യഹോ​വ​യു​ടെ സ്വർഗ്ഗ​മാ​കു​ന്നു; ഭൂമിയെ അവൻ മനുഷ്യർക്കു കൊടു​ത്തി​രി​ക്കു​ന്നു.” അത്‌ വിശ്വ​സിച്ച്‌ ഏൽപ്പി​ച്ചി​രി​ക്കുന്ന വിശി​ഷ്ട​മായ ഒരു സ്വത്താ​ണെന്നു നിങ്ങൾ വിചാ​രി​ക്കു​ന്നി​ല്ലേ? തീർച്ച​യാ​യും! ഭൂമിയെ നമ്മുടെ ഭവനമാ​യി ഒരുക്കി​യ​തി​ലുള്ള നമ്മുടെ സ്രഷ്ടാ​വി​ന്റെ മുന്തിയ മുൻകാ​ഴ്‌ചയെ നാം എത്ര വിലമ​തി​ക്കു​ന്നു!—സങ്കീർത്തനം 107:8.

¹⁰ ഉല്‌പത്തി 1-ാം അധ്യാ​യ​ത്തി​ലെ ആറു സൃഷ്ടി​പ്പിൻ “ദിവസ”ങ്ങളിൽ ഭൂമി​യിൽ അത്ഭുത​ക​ര​മായ സംഭവ​വി​കാ​സങ്ങൾ ഉണ്ടായി. ആ ഓരോ ദിവസ​വും ആയിര​ക്ക​ണ​ക്കി​നു വർഷങ്ങൾ ഉൾക്കൊ​ള്ളു​ന്ന​താ​യി​രു​ന്നു. ദൈവ​ത്തി​ന്റെ ഈ സൃഷ്ടികൾ അന്തിമ​മാ​യി മുഴു​ഭൂ​മി​യെ​യും പച്ചപ്പുൽപ്പ​ര​വ​താ​നി​കൊ​ണ്ടും മഹത്ത്വ​മാർന്ന വനങ്ങളാ​ലും വർണ​പ്പൊ​ലി​മ​യുള്ള പുഷ്‌പ​ങ്ങ​ളാ​ലും ആവരണം ചെയ്യും, ആവേശം പകരുന്ന അനവധി വിശിഷ്ട സമു​ദ്ര​ജീ​വി​ക​ളും ചിറക​ടി​ച്ചു​പ​റ​ക്കുന്ന മനോ​ഹ​ര​മായ പക്ഷിക്കൂ​ട്ട​ങ്ങ​ളും ഓരോ​ന്നും ‘അതതു തരത്തെ’ ഉളവാ​ക്കുന്ന ഒട്ടേറെ വീട്ടു​മൃ​ഗ​ങ്ങ​ളും കാട്ടു​മൃ​ഗ​ങ്ങ​ളും നിറഞ്ഞു​ക​വി​യും. മനുഷ്യ​ന്റെ​യും സ്‌ത്രീ​യു​ടെ​യും സൃഷ്ടി​പ്പി​ന്റെ വർണനയെ തുടർന്ന്‌ “താൻ ഉണ്ടാക്കി​യ​തി​നെ ഒക്കെയും ദൈവം നോക്കി, അതു എത്രയും നല്ലതു എന്നു കണ്ടു” എന്ന്‌ ഉല്‌പത്തി 1:31 പ്രതി​പാ​ദി​ക്കു​ന്നു. ആ ആദ്യമ​നു​ഷ്യർക്കു ചുററും എത്ര ഉല്ലാസ​പ്ര​ദ​മായ പരിസ്ഥി​തി​യാ​ണു​ണ്ടാ​യി​രു​ന്നത്‌! ഈ സൃഷ്ടി​ക​ളി​ലെ​ല്ലാം നാം ഒരു സ്‌നേ​ഹ​വാ​നായ സ്രഷ്ടാ​വി​ന്റെ ജ്ഞാനവും മുൻകാ​ഴ്‌ച​യും പരിപാ​ല​ന​വും കാണു​ന്നി​ല്ലേ?—യെശയ്യാ​വു 45:11, 12, 18.

11. യഹോ​വ​യു​ടെ സൃഷ്ടി​പ​ര​മായ ജ്ഞാനത്തെ ശലോ​മോൻ മഹിമ​പ്പെ​ടു​ത്തി​യത്‌ എങ്ങനെ?

¹¹ നിത്യ​ത​യു​ടെ രാജാ​വി​ന്റെ ജ്ഞാനത്തിൽ അത്ഭുത​പ​ര​ത​ന്ത്ര​നായ ഒരുവൻ ശലോ​മോൻ ആയിരു​ന്നു. അവൻ സ്രഷ്ടാ​വി​ന്റെ ജ്ഞാനത്തി​ലേക്ക്‌ ആവർത്തി​ച്ചു ശ്രദ്ധ ക്ഷണിച്ചു. (സദൃശ​വാ​ക്യ​ങ്ങൾ 1:1, 2; 2:1, 6; 3:13-18) “ഭൂമി​യോ എന്നേക്കും നില്‌ക്കു​ന്നു” എന്നു ശലോ​മോൻ നമുക്ക്‌ ഉറപ്പു​നൽകു​ന്നു. നമ്മുടെ ഭൂമിക്കു നവോൻമേഷം പകരു​ന്ന​തിൽ മഴമേ​ഘങ്ങൾ വഹിക്കുന്ന പങ്ക്‌ ഉൾപ്പെടെ സൃഷ്ടി​യി​ലെ അനേകം അത്ഭുത​ങ്ങളെ അവൻ വിലമ​തി​ച്ചു. തന്നിമി​ത്തം, അവൻ ഇങ്ങനെ എഴുതി: “സകല നദിക​ളും സമു​ദ്ര​ത്തി​ലേക്കു ഒഴുകി​വീ​ഴു​ന്നു; എന്നിട്ടും സമുദ്രം നിറയു​ന്നില്ല; നദികൾ ഒഴുകി​വീ​ഴുന്ന ഇടത്തേക്കു പിന്നെ​യും പിന്നെ​യും ചെല്ലുന്നു.” (സഭാ​പ്ര​സം​ഗി 1:4, 7) അങ്ങനെ മഴയും നദിക​ളും ഭൂമിയെ പുതു​ക്കി​യ​ശേഷം അവയിലെ വെള്ളങ്ങൾ സമു​ദ്ര​ത്തിൽനി​ന്നു മേഘങ്ങ​ളി​ലേക്കു പുനഃ​ച​ക്രണം ചെയ്യ​പ്പെ​ടു​ന്നു. വെള്ളത്തി​ന്റെ ഈ ശുദ്ധീ​ക​ര​ണ​വും പുനഃ​ച​ക്ര​ണ​വും ഇല്ലായി​രു​ന്നെ​ങ്കിൽ ഈ ഭൂമി എന്തു​പോ​ലാ​കു​മാ​യി​രു​ന്നു, നമ്മുടെ സാഹച​ര്യ​ങ്ങൾ എന്താകു​മാ​യി​രു​ന്നു?

12, 13. ദൈവ​ത്തി​ന്റെ സൃഷ്ടി​യോ​ടു നമുക്ക്‌ എങ്ങനെ വിലമ​തി​പ്പു പ്രകട​മാ​ക്കാ​വു​ന്ന​താണ്‌?

¹² സൃഷ്ടി​യി​ലെ സമനി​ല​യോ​ടുള്ള നമ്മുടെ വിലമ​തിപ്പ്‌ പ്രവർത്ത​ന​ത്താൽ പിന്താ​ങ്ങ​പ്പെ​ടണം, സഭാ​പ്ര​സം​ഗി​യി​ലെ സമാപ​ന​വാ​ക്കു​ക​ളിൽ ശലോ​മോൻ രാജാവു കുറി​ക്കൊ​ണ്ട​തു​പോ​ലെ​തന്നെ: “എല്ലാറ​റി​ന്റെ​യും സാരം കേൾക്കുക; ദൈവത്തെ ഭയപ്പെട്ടു അവന്റെ കല്‌പ​ന​കളെ പ്രമാ​ണി​ച്ചു​കൊൾക; അതു ആകുന്നു സകല മനുഷ്യർക്കും വേണ്ടു​ന്നതു. ദൈവം നല്ലതും തീയതു​മായ സകല​പ്ര​വൃ​ത്തി​യെ​യും സകല രഹസ്യ​ങ്ങ​ളു​മാ​യി ന്യായ​വി​സ്‌താ​ര​ത്തി​ലേക്കു വരുത്തു​മ​ല്ലോ.” (സഭാ​പ്ര​സം​ഗി 12:13, 14) ദൈവ​ത്തിന്‌ അപ്രീ​തി​ക​ര​മായ എന്തെങ്കി​ലും ചെയ്യു​ന്ന​തി​നു നാം ഭയപ്പെ​ടണം. മറിച്ച്‌, നാം ഭയാദ​ര​വോ​ടെ അവനെ അനുസ​രി​ക്കാൻ ശ്രമി​ക്കണം.

¹³ തീർച്ച​യാ​യും നാം നിത്യ​ത​യു​ടെ രാജാ​വി​നെ അവന്റെ മഹത്തായ സൃഷ്ടി​ക്രി​യകൾ നിമിത്തം സ്‌തു​തി​ക്കാ​നാ​ഗ്ര​ഹി​ക്കണം! സങ്കീർത്തനം 104:24 ഇങ്ങനെ പ്രഖ്യാ​പി​ക്കു​ന്നു: “യഹോവേ, നിന്റെ പ്രവൃ​ത്തി​കൾ എത്ര പെരു​കി​യി​രി​ക്കു​ന്നു! ജ്ഞാന​ത്തോ​ടെ നീ അവയെ ഒക്കെയും ഉണ്ടാക്കി​യി​രി​ക്കു​ന്നു; ഭൂമി നിന്റെ സൃഷ്ടി​ക​ളാൽ നിറെ​ഞ്ഞി​രി​ക്കു​ന്നു.” “എൻ മനമേ, യഹോ​വയെ വാഴ്‌ത്തുക; യഹോ​വയെ സ്‌തു​തി​പ്പിൻ” എന്നു നമ്മോ​ടു​ത​ന്നെ​യും മററു​ള്ള​വ​രോ​ടും പറഞ്ഞു​കൊണ്ട്‌ ഈ സങ്കീർത്ത​ന​ത്തി​ലെ അവസാ​നത്തെ വാക്യ​ത്തോ​ടു നമുക്കു സന്തോ​ഷ​ത്തോ​ടെ യോജി​ക്കാം.

മകുടം​ചാർത്തുന്ന ഭൗമി​ക​സൃ​ഷ്ടി

14. ഏതു വിധങ്ങ​ളി​ലാ​ണു ദൈവ​ത്തി​ന്റെ മനുഷ്യ​സൃ​ഷ്ടി മൃഗങ്ങ​ളെ​ക്കാൾ വളരെ മികച്ച​താ​യി​രി​ക്കു​ന്നത്‌?

¹⁴ യഹോ​വ​യു​ടെ സൃഷ്ടി​യെ​ല്ലാം അതിവി​ശി​ഷ്ട​മാണ്‌. എന്നാൽ ഏററവും ശ്രദ്ധേ​യ​മായ ഭൗമി​ക​സൃ​ഷ്ടി നമ്മളാണ്‌—മനുഷ്യ​വർഗം. യഹോ​വ​യു​ടെ ആറാം സൃഷ്ടി​ദി​വ​സ​ത്തി​ന്റെ പാരമ്യ​മെന്ന നിലയിൽ ആദാമും അനന്തരം ഹവ്വായും ഉളവാ​ക്ക​പ്പെട്ടു—മത്സ്യങ്ങ​ളെ​യും പക്ഷിക​ളെ​യും മൃഗങ്ങ​ളെ​യും​കാൾ വളരെ മികച്ച ഒരു സൃഷ്ടി​തന്നെ! ഇവയിൽ അനേക​വും സഹജജ്ഞാ​ന​മു​ള്ള​താ​ണെ​ങ്കി​ലും മനുഷ്യ​വർഗ​ത്തി​നു ന്യായ​ചി​ന്താ​പ്രാ​പ്‌തി​യും തെററും ശരിയും തിരി​ച്ച​റി​യാൻ കഴിയുന്ന ഒരു മനഃസാ​ക്ഷി​യും ഭാവി​ക്കു​വേണ്ടി ആസൂ​ത്ര​ണം​ചെ​യ്യാ​നുള്ള പ്രാപ്‌തി​യും ആരാധി​ക്കാ​നുള്ള ഒരു അദമ്യ​മായ ആഗ്രഹ​വും കൊടു​ക്ക​പ്പെട്ടു. ഇതെല്ലാം എങ്ങനെ സംഭവി​ച്ചു? ബുദ്ധി​യി​ല്ലാത്ത ജന്തുക്ക​ളിൽനി​ന്നു പരിണ​മി​ക്കു​ന്ന​തി​നു പകരം മനുഷ്യൻ ദൈവ​ത്തി​ന്റെ പ്രതി​ച്ഛാ​യ​യിൽ സൃഷ്ടി​ക്ക​പ്പെട്ടു. അതിൻപ്ര​കാ​രം മനുഷ്യ​നു​മാ​ത്രമേ നമ്മുടെ സ്രഷ്ടാ​വി​ന്റെ ഗുണങ്ങളെ പ്രതി​ഫ​ലി​പ്പി​ക്കാൻ കഴിയൂ. “യഹോവ, യഹോ​വ​യായ ദൈവം, കരുണ​യും കൃപയു​മു​ള്ളവൻ; ദീർഘ​ക്ഷ​മ​യും മഹാദ​യ​യു​മു​ള്ളവൻ” എന്നു സ്രഷ്ടാവു തന്നേത്തന്നെ തിരി​ച്ച​റി​യി​ച്ചു.—പുറപ്പാ​ടു 34:6.

15. നാം വിനീ​ത​മാ​യി യഹോ​വയെ കീർത്തി​ക്കേ​ണ്ടത്‌ എന്തു​കൊണ്ട്‌?

¹⁵ നമ്മുടെ ശരീര​ത്തി​ന്റെ അസാധാ​ര​ണ​മായ രൂപസംവി​ധാ​ന​ത്തിന്‌ നമുക്കു യഹോ​വയെ സ്‌തു​തി​ക്ക​യും അവനു നന്ദി കൊടു​ക്ക​യും ചെയ്യാം. ജീവന്‌ അത്യന്താ​പേ​ക്ഷി​ത​മായ നമ്മുടെ രക്തധാര ഓരോ 60 സെക്കണ്ടി​ലും ശരീര​ത്തി​ലൂ​ടെ ചുററി​സ​ഞ്ച​രി​ക്കു​ന്നു. ആവർത്ത​ന​പു​സ്‌തകം 12:23 [NW] പ്രസ്‌താ​വി​ക്കു​ന്ന​തു​പോ​ലെ, “രക്തം ദേഹി ആകുന്നു”—ദൈവ​ദൃ​ഷ്ടി​യിൽ വില​യേ​റിയ നമ്മുടെ ജീവൻ. ഏതു മൃഗമ​സ്‌തി​ഷ്‌ക​ത്തെ​ക്കാ​ളും വളരെ മികച്ച​തും ഒരു അംബര​ചും​ബി​യു​ടെ വലിപ്പ​മുള്ള ഒരു കമ്പ്യൂ​ട്ട​റിന്‌ ഉൾക്കൊ​ള്ളാൻ കഴിയാത്ത പ്രാപ്‌തി​ക​ളോ​ടു​കൂ​ടി​യ​തു​മായ ഒരു തലച്ചോർ ദൃഢത​യുള്ള അസ്ഥികൾക്കും വഴക്കമുള്ള മാംസ​പേ​ശി​കൾക്കും പ്രതി​ക​ര​ണ​ശേ​ഷി​യുള്ള ഒരു നാഡീ​വ്യ​വ​സ്ഥ​യ്‌ക്കും മകുടം ചാർത്തു​ന്നു. ഇതു നിങ്ങളെ വിനീ​ത​രാ​ക്കു​ന്നി​ല്ലേ? വിനീ​ത​രാ​ക്കണം. (സദൃശ​വാ​ക്യ​ങ്ങൾ 22:4) ഇതും പരിഗ​ണി​ക്കുക: ആയിര​ക്ക​ണ​ക്കി​നുള്ള ഭാഷക​ളിൽ ഏതിലും മനുഷ്യ​സം​സാ​രം പ്രദാ​നം​ചെ​യ്യു​ന്ന​തി​നു നമ്മുടെ ശ്വാസ​കോ​ശ​ങ്ങ​ളും കണ്‌ഠ​നാ​ള​വും നാവും പല്ലുക​ളും വായും പ്രതി​പ്ര​വർത്തനം നടത്തുന്നു. “ഭയങ്കര​വും അതിശ​യ​വു​മാ​യി എന്നെ സൃഷ്ടി​ച്ചി​രി​ക്ക​യാൽ ഞാൻ നിനക്കു സ്‌തോ​ത്രം ചെയ്യുന്നു; നിന്റെ പ്രവൃ​ത്തി​കൾ അത്ഭുത​ക​ര​മാ​കു​ന്നു; അതു എന്റെ ഉള്ളം നല്ലവണ്ണം അറിയു​ന്നു” എന്നു പറഞ്ഞു​കൊണ്ട്‌ ദാവീദ്‌ യഹോ​വ​യ്‌ക്ക്‌ ഉചിത​മായ കീർത്തനം പാടി. (സങ്കീർത്തനം 139:14) നമ്മുടെ അത്ഭുത​രൂ​പ​സം​വി​ധാ​യ​ക​നും ദൈവ​വു​മായ യഹോ​വക്കു നന്ദിപൂർവം സ്‌തു​തി​ക​രേ​റ​റു​ന്ന​തിൽ നമുക്കു ദാവീ​ദി​നോ​ടു ചേരാം!

16. ഒരു പ്രസിദ്ധ സംഗീ​തജ്ഞൻ യഹോ​വ​യു​ടെ സ്‌തു​തി​ക്കാ​യി ഏതു കീർത്തനം രചിച്ചു, ഏതു നിർബ​ന്ധ​പൂർവ​ക​മായ ക്ഷണത്തോ​ടു നാം പ്രതി​ക​രി​ക്കേ​ണ്ട​താണ്‌?

¹⁶ ജോസഫ്‌ ഹേഡൻ രചിച്ച 18-ാം നൂററാ​ണ്ടി​ലെ ഒരു സങ്കീർത്ത​നി​ക​യു​ടെ സംഗീ​ത​ഗ്രന്ഥം യഹോ​വയെ സ്‌തു​തി​ച്ചു​കൊണ്ട്‌ ഇങ്ങനെ പറയുന്നു: “അത്ഭുത​ക​ര​മായ അവന്റെ സകല പ്രവൃ​ത്തി​ക​ളു​മേ അവനു നന്ദി കൊടു​ക്കുക! അവന്റെ ബഹുമാ​ന​ത്തി​നു പാടുക, അവന്റെ മഹത്വ​ത്തി​നു പാടുക, അവന്റെ നാമത്തെ വാഴ്‌ത്തു​ക​യും മഹിമ​പ്പെ​ടു​ത്തു​ക​യും ചെയ്യുക! യഹോ​വ​യു​ടെ സ്‌തുതി എന്നു​മെ​ന്നേ​ക്കും നിലനിൽക്കു​ന്നു, ആമേൻ, ആമേൻ!” 107-ാം സങ്കീർത്ത​ന​ത്തിൽ നാലു പ്രാവ​ശ്യം നീട്ടി​ത്ത​രുന്ന ക്ഷണം​പോ​ലെ, മിക്ക​പ്പോ​ഴും ആവർത്തി​ക്ക​പ്പെ​ടുന്ന സങ്കീർത്ത​ന​ങ്ങ​ളി​ലെ നിശ്വ​സ്‌ത​മൊ​ഴി​കൾ അതിലും മനോ​ഹ​ര​മാണ്‌: “അവർ യഹോ​വയെ അവന്റെ നൻമയെ ചൊല്ലി​യും മനുഷ്യ​പു​ത്രൻമാ​രിൽ ചെയ്‌ത അത്ഭുത​ങ്ങളെ ചൊല്ലി​യും സ്‌തു​തി​ക്കട്ടെ.” നിങ്ങൾ ആ സ്‌തു​തി​യിൽ ചേരു​ന്നു​വോ? നിങ്ങൾ ചേരണം, കാരണം യഥാർഥ​ത്തിൽ മനോ​ഹ​ര​മാ​യ​തി​ന്റെ​യെ​ല്ലാം ഉറവ്‌ നിത്യ​ത​യു​ടെ രാജാ​വായ യഹോ​വ​യാണ്‌.

കുറേ​ക്കൂ​ടെ വീര്യ​മേ​റിയ പ്രവൃ​ത്തി​കൾ

17. ‘മോ​ശെ​യു​ടെ​യും കുഞ്ഞാ​ടി​ന്റെ​യും പാട്ട്‌’ യഹോ​വയെ പുകഴ്‌ത്തു​ന്നത്‌ എങ്ങനെ?

¹⁷ കഴിഞ്ഞ ആറായി​രം വർഷക്കാ​ലത്ത്‌, നിത്യ​ത​യു​ടെ രാജാവ്‌ കുറേ​ക്കൂ​ടെ വീര്യ​മേ​റിയ പ്രവൃ​ത്തി​കൾ ആരംഭി​ച്ചി​രി​ക്കു​ന്നു. ബൈബി​ളി​ന്റെ അവസാ​നത്തെ പുസ്‌ത​ക​ത്തിൽ, വെളി​പ്പാ​ടു 15:3, 4-ൽ ഭൂതശ​ത്രു​ക്ക​ളു​ടെ​മേൽ വിജയം​വ​രി​ച്ച​വ​രാ​യി സ്വർഗ​ത്തി​ലു​ള്ള​വ​രെ​ക്കു​റി​ച്ചു നാം വായി​ക്കു​ന്നു: “അവർ ദൈവ​ത്തി​ന്റെ ദാസനായ മോ​ശെ​യു​ടെ പാട്ടും കുഞ്ഞാ​ടി​ന്റെ പാട്ടും പാടി ചൊല്ലി​യതു: സർവ്വശ​ക്തി​യുള്ള ദൈവ​മായ കർത്താവേ, [“യഹോവേ,” NW] നിന്റെ പ്രവൃ​ത്തി​കൾ വലുതും അത്ഭുത​വു​മാ​യവ; സർവ്വജാ​തി​ക​ളു​ടെ​യും രാജാവേ, നിന്റെ വഴികൾ നീതി​യും സത്യവു​മു​ള്ളവ. കർത്താവേ, ആർ നിന്റെ നാമത്തെ ഭയപ്പെ​ടാ​തെ​യും മഹത്വ​പ്പെ​ടു​ത്താ​തെ​യും ഇരിക്കും? നീയല്ലോ ഏക പരിശു​ദ്ധൻ; നിന്റെ ന്യായ​വി​ധി​കൾ വിളങ്ങി​വ​ന്ന​തി​നാൽ സകല ജാതി​ക​ളും വന്നു തിരു​സ​ന്നി​ധി​യിൽ നമസ്‌ക​രി​ക്കും.” ഇത്‌ ‘മോ​ശെ​യു​ടെ​യും കുഞ്ഞാ​ടി​ന്റെ​യും പാട്ട്‌’ എന്നു വിളി​ക്ക​പ്പെ​ടു​ന്നത്‌ എന്തു​കൊണ്ട്‌? നമുക്കു കാണാം.

18. പുറപ്പാ​ടു 15-ാം അധ്യാ​യ​ത്തി​ലെ പാട്ടിൽ ഏതു വീര്യ​പ്ര​വൃ​ത്തി​യു​ടെ സ്‌മരണ നിലനിർത്തി​യി​രി​ക്കു​ന്നു?

¹⁸ ഏതാണ്ടു 3,500 വർഷം മുമ്പ്‌, ഫറവോ​ന്റെ ശക്തമായ സൈന്യം ചെങ്കട​ലിൽ നശിച്ച​പ്പോൾ ഇസ്രാ​യേ​ല്യർ നന്ദിപൂർവം പാട്ടു​പാ​ടി യഹോ​വയെ സ്‌തു​തി​ച്ചു. പുറപ്പാ​ടു 15:1, 18-ൽ നാം വായി​ക്കു​ന്നു: “മോ​ശെ​യും യിസ്രാ​യേൽമ​ക്ക​ളും അന്നു യഹോ​വെക്കു സങ്കീർത്തനം പാടി ചൊല്ലി​യതു എന്തെന്നാൽ: ഞാൻ യഹോ​വെക്കു പാട്ടു​പാ​ടും, അവൻ മഹോ​ന്നതൻ; കുതി​ര​യെ​യും അതിൻമേൽ ഇരുന്നവനെയും അവൻ കടലിൽ തള്ളിയി​ട്ടി​രി​ക്കു​ന്നു. യഹോവ എന്നും എന്നേക്കും രാജാ​വാ​യി വാഴും.” ഈ നിത്യ​ത​യു​ടെ രാജാ​വി​ന്റെ നീതി​യുള്ള വിധികൾ തന്റെ പരമാ​ധി​കാ​രത്തെ ധിക്കരിച്ച ശത്രു​ക്ക​ളു​ടെ​മേ​ലുള്ള ന്യായ​വി​ധി​നിർവ​ഹ​ണ​ത്തിൽ പ്രകട​മാ​യി​രു​ന്നു.

19, 20. (എ) യഹോവ ഇസ്രാ​യേൽജ​ന​തയെ രൂപവൽക്ക​രി​ച്ചത്‌ എന്തിന്‌? (ബി) കുഞ്ഞാ​ടും മററു​ള്ള​വ​രും സാത്താന്റെ വെല്ലു​വി​ളിക്ക്‌ എങ്ങനെ ഉത്തരം കൊടു​ത്തി​രി​ക്കു​ന്നു?

¹⁹ ഇത്‌ ആവശ്യ​മാ​യി​ത്തീർന്നത്‌ എന്തു​കൊ​ണ്ടാ​യി​രു​ന്നു? നമ്മുടെ ആദ്യ മാതാ​പി​താ​ക്കളെ കൗശല​മേ​റിയ പാമ്പ്‌ പാപത്തി​ലേക്കു നയിച്ചത്‌ ഏദെൻതോ​ട്ട​ത്തിൽവെ​ച്ചാ​യി​രു​ന്നു. ഇതു സകല മനുഷ്യ​വർഗ​ത്തി​ലേ​ക്കും പാപപൂർണ​മായ അപൂർണത കടക്കു​ന്ന​തിൽ കലാശി​ച്ചു. എന്നിരു​ന്നാ​ലും, നിത്യ​ത​യു​ടെ രാജാവ്‌ തന്റെ ആദിമ ഉദ്ദേശ്യ​ത്തോ​ടുള്ള യോജി​പ്പിൽ പെട്ടെ​ന്നു​തന്നെ നടപടി​കൾ സ്വീക​രി​ച്ചു. അതു തന്റെ സകല ശത്രു​ക്ക​ളെ​യും ഭൂപ്ര​ദേ​ശ​ത്തു​നി​ന്നു ബഹിഷ്‌ക​രി​ക്കു​ന്ന​തി​ലേ​ക്കും പറുദീ​സാ​യ​വ​സ്ഥകൾ പുനഃ​സ്ഥാ​പി​ക്കു​ന്ന​തി​ലേ​ക്കും നയിക്കും. നിത്യ​ത​യു​ടെ രാജാവ്‌ ഇത്‌ എങ്ങനെ നിറ​വേ​റ​റു​മെന്നു മുൻനി​ഴ​ലാ​ക്കി​ക്കാ​ണി​ക്കാൻ ഇസ്രാ​യേൽജ​ന​തയെ രൂപവൽക്ക​രി​ക്ക​യും തന്റെ ന്യായ​പ്ര​മാ​ണം കൊടു​ക്കു​ക​യും ചെയ്‌തു.—ഗലാത്യർ 3:24.

²⁰ എങ്കിലും, കാല​ക്ര​മ​ത്തിൽ ഇസ്രാ​യേൽതന്നെ അവിശ്വ​സ്‌ത​ത​യി​ലേക്ക്‌ ആണ്ടിറങ്ങി. ഈ പരിതാ​പ​ക​ര​മായ അവസ്ഥ അതിലെ നേതാ​ക്കൻമാർ ക്രൂര​മാ​യി ദണ്ഡിപ്പി​ച്ചു​കൊ​ല്ലാൻ ദൈവ​ത്തി​ന്റെ ഏകജാ​ത​നായ പുത്രനെ റോമാ​ക്കാർക്കു വിട്ടു​കൊ​ടു​ത്ത​പ്പോൾ പാരമ്യ​ത്തി​ലെത്തി. (പ്രവൃ​ത്തി​കൾ 10:39; ഫിലി​പ്പി​യർ 2:8) എന്നിരു​ന്നാ​ലും, ബലിക്കുള്ള “ദൈവ​ത്തി​ന്റെ കുഞ്ഞാട്‌” എന്നനി​ല​യി​ലുള്ള യേശു​വി​ന്റെ മരണ​ത്തോ​ള​മുള്ള നിർമലത ഭൂമി​യി​ലെ യാതൊ​രു മനുഷ്യ​നും ഒരു കഠിന​പ​രി​ശോ​ധ​ന​യിൽ ദൈവ​ത്തോ​ടു വിശ്വ​സ്‌ത​നാ​യി നിലനിൽക്കാൻക​ഴി​യി​ല്ലെ​ന്നുള്ള, ദൈവ​ത്തി​ന്റെ പുരാ​ത​ന​ശ​ത്രു​വായ സാത്താന്റെ വെല്ലു​വി​ളി​യെ പ്രമു​ഖ​മാ​യി ഖണ്ഡിച്ചു. (യോഹ​ന്നാൻ 1:29, 36; ഇയ്യോബ്‌ 1:9-12; 27:5) ആദാമിൽനിന്ന്‌ അപൂർണത അവകാ​ശ​പ്പെ​ടു​ത്തി​യെ​ങ്കി​ലും ദൈവ​ഭ​യ​മുള്ള ലക്ഷക്കണ​ക്കി​നു മററു മനുഷ്യർ സാത്താ​ന്യാ​ക്ര​മണം ഗണ്യമാ​ക്കാ​തെ നിർമലത പാലി​ച്ചു​കൊ​ണ്ടു യേശു​വി​ന്റെ കാൽചു​വ​ടു​കളെ പിന്തു​ടർന്നി​രി​ക്കു​ന്നു.—1 പത്രൊസ്‌ 1:18, 19; 2:19, 21.

21. പ്രവൃ​ത്തി​കൾ 17:29-31-നു ചേർച്ച​യിൽ അടുത്ത​താ​യി എന്തു ചർച്ച​ചെ​യ്യും?

²¹ ഇപ്പോൾ ആ വിശ്വ​സ്‌തർക്കു യഹോവ പ്രതി​ഫലം കൊടു​ക്കാ​നും സത്യത്തി​ന്റെ​യും നീതി​യു​ടെ​യും സകല ശത്രു​ക്ക​ളെ​യും ന്യായം വിധി​ക്കാ​നു​മുള്ള ദിവസം ആഗതമാ​യി​രി​ക്കു​ന്നു. (പ്രവൃ​ത്തി​കൾ 17:29-31) ഇത്‌ എങ്ങനെ സംഭവി​ക്കും? നമ്മുടെ അടുത്ത ലേഖനം പറയും.

പുനര​വ​ലോ​കന ചതുരം

◻ യഹോവ ഉചിത​മാ​യി ‘നിത്യ​ത​യു​ടെ രാജാവ്‌’ എന്നു വിളി​ക്ക​പ്പെ​ടു​ന്നത്‌ എന്തു​കൊണ്ട്‌?

◻ യഹോ​വ​യു​ടെ ജ്ഞാനം അവന്റെ സൃഷ്ടി​ക​ളിൽ പ്രകടി​ത​മാ​യി​രി​ക്കു​ന്നത്‌ എങ്ങനെ?

◻ മനുഷ്യ​വർഗം ഒരു വിദഗ്‌ധ​സൃ​ഷ്ടി​യാ​യി​രി​ക്കു​ന്നത്‌ ഏതു വിധങ്ങ​ളിൽ?

◻ ഏതു പ്രവൃ​ത്തി​കൾ ‘മോശ​യു​ടെ​യും കുഞ്ഞാ​ടി​ന്റെ​യും പാട്ട്‌’ ആവശ്യ​മാ​ക്കി​ത്തീർക്കു​ന്നു?

[12-ാം പേജിലെ ചതുരം]

യഹോവയുടെ മികച്ച ജ്ഞാനം

നിത്യ​ത​യു​ടെ രാജാ​വി​ന്റെ ജ്ഞാനം ഭൂമി​യി​ലെ അവന്റെ ഉത്‌പ​ന്ന​ങ്ങ​ളിൽ വളരെ​യേറെ വിധങ്ങ​ളിൽ പ്രതി​ഫ​ലി​ക്കു​ന്നുണ്ട്‌. ആഗൂറി​ന്റെ വചനങ്ങൾ ശ്രദ്ധി​ക്കുക: “ദൈവ​ത്തി​ന്റെ സകല വചനവും ശുദ്ധി ചെയ്‌ത​താ​കു​ന്നു.; തന്നിൽ ആശ്രയി​ക്കു​ന്ന​വർക്കു അവൻ പരിച​തന്നേ.” (സദൃശ​വാ​ക്യ​ങ്ങൾ 30:5) അനന്തരം ആഗൂർ ദൈവ​ത്തി​ന്റെ വലുതും ചെറു​തു​മായ ജീവനുള്ള അനേകം സൃഷ്ടി​കളെ പരാമർശി​ക്കു​ന്നു. ദൃഷ്ടാ​ന്ത​ത്തിന്‌, 24 മുതൽ 28 വരെയുള്ള വാക്യ​ങ്ങ​ളിൽ ‘ഭൂമി​യിൽ എത്രയും ചെറി​യ​വ​യെ​ങ്കി​ലും അത്യന്തം ജ്ഞാനമുള്ള [“സഹജജ്ഞാ​ന​മുള്ള,” NW] നാലു’ ജീവി​ക​ളെ​ക്കു​റിച്ച്‌ അവൻ വർണി​ക്കു​ന്നു. അവ ഉറുമ്പു, കുഴി​മു​യൽ, വെട്ടു​ക്കി​ളി, പല്ലി എന്നിവ​യാണ്‌.

“സഹജജ്ഞാ​ന​മുള്ള”—അതെ, മൃഗങ്ങളെ ആവിധ​ത്തി​ലാണ്‌ നിർമി​ച്ചി​രി​ക്കു​ന്നത്‌. അവ മനുഷ്യ​രെ​പ്പോ​ലെ കാര്യങ്ങൾ സംബന്ധി​ച്ചു ന്യായ​വാ​ദം​ചെ​യ്യാ​തെ ഉൾനട്ടി​ട്ടുള്ള ജ്ഞാനത്തിൽ ആശ്രയി​ക്കു​ന്നു. നിങ്ങൾ ഇതിൽ എന്നെങ്കി​ലും അത്ഭുത​പ്പെ​ട്ടി​ട്ടു​ണ്ടോ? അവ എത്ര സംഘടി​ത​രായ സൃഷ്ടി​ക​ളാണ്‌! ഉദാഹ​ര​ണ​ത്തിന്‌, ഉറുമ്പു​കൾ കോള​നി​ക​ളാ​യി സംഘടി​പ്പി​ക്ക​പ്പെ​ട്ടി​രി​ക്കു​ന്നു, അവയിൽ റാണി​യും വേലക്കാ​രി​ക​ളും ആണുങ്ങ​ളും ഉൾപ്പെ​ടു​ന്നു. ചില ജാതി​ക​ളിൽ വേലക്കാർ അവ നിർമി​ച്ചി​രി​ക്കുന്ന വളപ്പു​ക​ളിൽ പുഴു​ക്കളെ കൂട്ടി​യി​ടു​ന്നു. അവിടെ അവ പുഴു​ക്ക​ളി​ലെ ദ്രാവകം ഊററി​ക്കു​ടി​ക്കു​ന്നു, അതേസ​മയം പടയാ​ളി​ക​ളായ ഉറുമ്പു​കൾ ആക്രമ​ണ​കാ​രി​ക​ളായ ഏതു ശത്രു​ക്ക​ളെ​യും തുരത്തു​ക​യും ചെയ്യുന്നു. സദൃശ​വാ​ക്യ​ങ്ങൾ 6:6-ൽ ഈ ബുദ്ധ്യു​പ​ദേശം നൽക​പ്പെ​ട്ടി​രി​ക്കു​ന്നു: “മടിയാ, ഉറുമ്പി​ന്റെ അടുക്കൽ ചെല്ലുക; അതിന്റെ വഴികളെ നോക്കി ബുദ്ധി പഠിക്ക.” അങ്ങനെ​യുള്ള ദൃഷ്ടാ​ന്തങ്ങൾ “കർത്താ​വി​ന്റെ വേലയിൽ ധാരാളം ചെയ്യാൻ” ഉണ്ടായി​രി​ക്കാൻ മനുഷ്യ​രായ നമ്മെ പ്രേരി​പ്പി​ക്കേ​ണ്ട​തല്ലേ?—1 കൊരി​ന്ത്യർ 15:58, NW.

മനുഷ്യൻ വലിയ വിമാ​നങ്ങൾ നിർമി​ച്ചി​ട്ടുണ്ട്‌. എന്നാൽ പക്ഷികൾ എത്ര​യേറെ നിപു​ണ​രാണ്‌, അവയിൽ 30 ഗ്രാമിൽ കുറഞ്ഞ തൂക്കമുള്ള ഹമ്മിങ്‌ ബേർഡ്‌ ഉൾപ്പെ​ടു​ന്നു! ഒരു ബോയിംഗ്‌ 747 വിമാനം 1,80,000 ലിററർ ഇന്ധനം വഹിക്കണം. പരിശീ​ലനം സിദ്ധിച്ച ജോലി​ക്കാർ അതു പ്രവർത്തി​പ്പി​ക്കണം. ഒരു സമു​ദ്ര​ത്തി​നു കുറുകെ പറക്കു​ന്ന​തി​നു സങ്കീർണ​ങ്ങ​ളായ വ്യോ​മ​യാ​ത്രാ​വ്യ​വ​സ്ഥകൾ ഉപയോ​ഗി​ക്ക​യും വേണം. എന്നിരു​ന്നാ​ലും, ഒരു ചെറിയ ഹമ്മിങ്‌ബേർഡ്‌ വടക്കേ അമേരി​ക്ക​യിൽനിന്ന്‌ മെക്‌സി​ക്കോ ഉൾക്കട​ലി​നു കുറുകെ തെക്കേ അമേരി​ക്ക​യി​ലേ​ക്കുള്ള മുഴു​ദൂ​ര​വും പറക്കു​ന്ന​തിന്‌ കൊഴു​പ്പു​നി​റഞ്ഞ ഒരു ഗ്രാം ഇന്ധനത്തെ ആശ്രയി​ക്കു​ന്നു. ഇന്ധനത്തി​ന്റെ ഭാരിച്ച ചുമടില്ല, വ്യോ​മ​യാ​ത്ര​യിൽ പരിശീ​ല​ന​മില്ല, സമ്മി​ശ്ര​മായ ചാർട്ടു​ക​ളോ കമ്പ്യൂ​ട്ട​റു​ക​ളോ ഇല്ല! ഈ പ്രാപ്‌തി പരിണാ​മ​ത്തി​ന്റെ ഒരു യാദൃ​ച്ഛി​ക​പ്ര​ക്രി​യ​യിൽനി​ന്നു സംജാ​ത​മാ​യ​താ​ണോ? അശേഷമല്ല! ഈ ചെറിയ പക്ഷി സഹജജ്ഞാ​ന​മു​ള്ള​താണ്‌, അതിന്റെ സ്രഷ്ടാ​വായ യഹോ​വ​യാം ദൈവ​ത്താൽ അങ്ങനെ ആസൂ​ത്രണം ചെയ്യ​പ്പെ​ട്ടി​രി​ക്കു​ന്ന​തി​നാൽത്തന്നെ.

[10-ാം പേജിലെ ചിത്രം]

‘നിത്യ​ത​യു​ടെ രാജാ​വി​ന്റെ’ ബഹുവിധ സൃഷ്ടികൾ അവന്റെ മഹത്ത്വത്തെ പുകഴ്‌ത്തു​ന്നു

[15-ാം പേജിലെ ചിത്രം]

മോശയും സകല ഇസ്രാ​യേ​ലും ചെങ്കട​ലി​ങ്കൽ യഹോ​വ​യു​ടെ വിജയം ആഘോ​ഷി​ച്ച​തു​പോ​ലെ, അർമ​ഗെ​ദ്ദോ​നു​ശേഷം വലിയ സന്തോ​ഷി​ക്കൽ ഉണ്ടായി​രി​ക്കും