യഹോ​വ​യു​ടെ വചനത്തിൽ ഉല്ലാസം കണ്ടെത്തു​ന്നു

“യഹോ​വ​യു​ടെ നിയമ​ത്തിൽ പ്രമോ​ദ​മുള്ള മനുഷ്യൻ . . . സന്തുഷ്ട​നാ​കു​ന്നു.”—സങ്കീർത്തനം 1:1, 2

1. യഹോ​വ​യാൽ “വെളി​പ്പെ​ടു​ത്ത​പ്പെട്ട കാര്യങ്ങൾ” മററു​ള്ള​വരെ പഠിപ്പി​ക്കു​ന്ന​തിന്‌ ആർ നിയമി​ക്ക​പ്പെ​ട്ടി​രി​ക്കു​ന്നു?

“വെളി​പ്പെ​ടു​ത്ത​പ്പെട്ട കാര്യങ്ങൾ” നമ്മുടെ രക്ഷക്ക്‌ ജീവൽ പ്രധാ​ന​മാ​ക​യാൽ, യഹോവ മിക്ക​പ്പോ​ഴും ഉത്തരവാ​ദി​ത്ത​മു​ള്ള​വരെ വെളി​പ്പെ​ടു​ത്ത​പ്പെട്ട സത്യത്തി​ന്റെ ഉപദേ​ഷ്ടാ​ക്ക​ളാ​യി നിയോ​ഗി​ച്ചി​ട്ടുണ്ട്‌. (ആവർത്തനം 29:29) യിസ്രാ​യേ​ലിൽ പുരോ​ഹി​തൻമാ​രും ലേവ്യ​രു​മാ​യി​രു​ന്നു ഈ ധർമ്മം നിറ​വേ​റ​റി​യത്‌. (ലേവ്യ​പു​സ്‌തകം 10:8-11; 2 ദിനവൃ​ത്താ​ന്തം 35:3) യിസ്രാ​യേല്യ മാതാ​പി​താ​ക്ക​ളും സ്വന്തം മക്കളെ പഠിപ്പി​ച്ചി​രു​ന്നു. (ആവർത്തനം 11:19; സദൃശ​വാ​ക്യ​ങ്ങൾ 6:20) ക്രി. വ. ഒന്നാം നൂററാ​ണ്ടിൽ യഥാവി​ധി നിയമി​ത​രായ മൂപ്പൻമാർ അഭിഷി​ക്ത​ക്രി​സ്‌ത്യാ​നി​ക​ളു​ടെ സഭയിൽ ഉപദേ​ഷ്ടാ​ക്കൻമാ​രാ​യി സേവിച്ചു. ക്രിസ്‌തീയ മാതാ​പി​താ​ക്കൾ തങ്ങളുടെ മക്കളെ പ്രബോ​ധി​പ്പി​ക്കാൻ പ്രോ​ത്സാ​ഹി​പ്പി​ക്ക​പ്പെട്ടു. (എഫേസ്യർ 6:4; 1 തിമൊ​ഥെ​യോസ്‌ 3:2; 2 തിമൊ​ഥെ​യോസ്‌ 2:2) മാത്ര​വു​മല്ല, ക്രിസ്‌തീ​യ​സ​ഭ​യ്‌ക്കു പുറത്തു​ള്ള​വ​രോട്‌ യഹോ​വ​യു​ടെ വെളി​പ്പെ​ടു​ത്ത​പ്പെട്ട കാര്യങ്ങൾ അറിയി​ക്കാ​നുള്ള ഉത്തരവാ​ദി​ത്തം ഓരോ ക്രിസ്‌ത്യാ​നി​ക്കും ഉണ്ടായി​രു​ന്നു.—പ്രവൃ​ത്തി​കൾ 1:8.

2. യഹോ​വ​യു​ടെ വചനം നമ്മെ പഠിപ്പി​ക്കു​ന്ന​തിന്‌ മററു​ള്ള​വരെ ആശ്രയി​ക്കു​ന്നതു മതിയാ​കു​മോ? വിശദീ​ക​രി​ക്കുക.

² എന്നാൽ നമ്മെ ദൈവ​വ​ചനം പഠിപ്പി​ക്കാൻ മററു​ള്ള​വരെ ആശ്രയി​ക്കു​ന്നതു മതിയാ​കു​മോ? ഇല്ല. നമ്മിൽ ഓരോ​രു​ത്ത​രും യഹോ​വ​യാൽ “വെളി​പ്പെ​ടു​ത്ത​പ്പെട്ട കാര്യങ്ങൾ” പഠിക്കാൻ വ്യക്തി​പ​ര​മാ​യി ഉത്തരവാ​ദി​ത്ത​മു​ള്ള​വ​രാണ്‌. തന്നിമി​ത്തം, “യഹോ​വ​യു​ടെ നിയമ​ത്തിൽ പ്രമോ​ദ​മുള്ള മനുഷ്യർ . . . സന്തുഷ്ട​നാ​കു​ന്നു, അവൻ പകലും രാവും അവന്റെ നിയമം ഒരു മന്ദസ്വ​ര​ത്തിൽ വായി​ക്കു​ന്നു” എന്ന്‌ സങ്കീർത്ത​ന​ക്കാ​രൻ സഹയി​സ്രാ​യേ​ല്യർക്ക്‌ എഴുതി. (സങ്കീർത്തനം 1:1, 2) അപ്പോ​സ്‌ത​ല​നായ പത്രോ​സും സഹാരാ​ധ​കരെ പ്രോ​ത്സാ​ഹി​പ്പി​ച്ചു​കൊണ്ട്‌ ഇങ്ങനെ എഴുതി: “വചനത്തി​ന്റേ​തായ മായം ചേർക്കാത്ത പാലി​നു​വേണ്ടി ഒരു അഭിവാഞ്‌ഛ ഉളവാ​ക്കുക, അതിലൂ​ടെ നിങ്ങൾ രക്ഷയി​ലേക്കു വളരേ​ണ്ട​തി​നു​തന്നെ.”—1 പത്രോസ്‌ 2:2.

3. പഠനം സംബന്ധിച്ച അനേക​രു​ടെ സ്വാഭാ​വിക ചായ്‌വ്‌ എന്ത്‌ ആവശ്യ​മാ​ക്കി​ത്തീർക്കു​ന്നു?

³ നിങ്ങൾ ബൈബിൾ പഠനത്തെ എങ്ങനെ വീക്ഷി​ക്കു​ന്നു? നിങ്ങൾ ക്രമമാ​യി ക്രിസ്‌തീയ യോഗ​ങ്ങൾക്ക്‌ ഹാജരാ​കു​ന്നു​വെ​ങ്കിൽ നിങ്ങൾ നല്ല അനേകം ബൈബി​ള​ധി​ഷ്‌ഠിത ചർച്ചകൾ കേൾക്കു​മെ​ന്നു​ള്ള​തി​നു സംശയ​മില്ല. ചിലർ പറയു​ന്ന​തു​പോ​ലെ, നിങ്ങൾ ‘സത്യത്തിൽ വളർത്ത​പ്പെ​ട്ടി​രി​ക്കു​ന്നു’വെങ്കിൽ നിങ്ങളു​ടെ മാതാ​പി​താ​ക്കൾ യഹോ​വ​യാൽ “വെളി​പ്പെ​ടു​ത്ത​പ്പെട്ട” അനേകം “കാര്യങ്ങൾ” നിങ്ങളെ പഠിപ്പി​ച്ചി​രി​ക്കു​മെ​ന്ന​തി​നു സംശയ​മില്ല. എന്നാൽ അതിനു പുറമേ, നിങ്ങൾ വ്യക്തി​പ​ര​മാ​യി ബൈബിൾ പഠിക്കു​ന്നു​ണ്ടോ? സങ്കീർത്ത​ന​ക്കാ​രൻ അത്തരം പഠനം ആസ്വദി​ച്ചി​രു​ന്നു​വെ​ന്നും തെളി​വുണ്ട്‌, എന്നാൽ ഒരു പക്ഷെ അത്‌ എളുപ്പ​മാ​ണെന്ന്‌ നിങ്ങൾ കണ്ടെത്തു​ന്നി​ല്ലാ​യി​രി​ക്കാം. അങ്ങനെ​യെ​ങ്കിൽ നിങ്ങൾ ഒററയ്‌ക്കല്ല. ‘വചനത്തി​നു​വേണ്ടി ഒരു അഭിവാഞ്‌ഛ ഉളവാ​ക്കാൻ’ സഹ വിശ്വാ​സി​കളെ പ്രോ​ത്സാ​ഹി​പ്പി​ക്കു​ന്ന​തിന്‌ പത്രോസ്‌ നിശ്വ​സ്‌ത​നാ​ക്ക​പ്പെ​ട്ടു​വെന്ന വസ്‌തുത, അനേകർക്കും വ്യക്തി​പ​ര​മായ പഠനം സ്വാഭാ​വി​ക​മാ​യി സിദ്ധമാ​കു​ന്നി​ല്ലെന്നു സൂചി​പ്പി​ക്കു​ന്നു. എന്നാൽ അത്‌ ആസ്വദി​ക്കാൻ നമുക്കു പഠിക്കാ​വു​ന്ന​താണ്‌. എങ്ങനെ?

4. വ്യക്തി​പ​ര​മായ പഠനം കൂടുതൽ ആകർഷ​ക​മാ​ക്കി​ത്തീർക്കാൻ കഴിയു​മെന്ന്‌ ഏതു ദൃഷ്ടാന്തം പ്രകട​മാ​ക്കു​ന്നു?

⁴ ശരി, നിലത്ത്‌ ആഴമുള്ള ഒരു കുഴി കുഴി​ക്കാൻ നിങ്ങ​ളോട്‌ പറഞ്ഞു​വെ​ന്നി​രി​ക്കട്ടെ. കഠിന​മായ ദേഹാ​ദ്ധ്വാ​നം ചെയ്യാൻ നിങ്ങൾക്ക്‌ ഒരു സ്വാഭാ​വിക ചായ്‌വി​ല്ലാ​ത്ത​പക്ഷം നിങ്ങൾ ആ ജോലി​ക്കു​വേണ്ടി നോക്കി​പ്പാർത്തി​രി​ക്കു​ക​യില്ല. എന്നാൽ നിലത്ത്‌ നിധി കുഴി​ച്ചി​ട്ടി​ട്ടു​ണ്ടെന്ന്‌ നിങ്ങ​ളോ​ടു പറയു​ന്നു​വെ​ന്നി​രി​ക്കട്ടെ. അപ്പോൾ കുഴിക്കൽ വളരെ ആയാസ​ക​ര​മെന്നു തോന്നു​ക​യില്ല! കുഴി​ച്ചി​ട്ടി​രി​ക്കുന്ന നിധി പുറ​ത്തെ​ടു​ക്കു​ന്ന​തി​ലുള്ള ആകാം​ക്ഷ​യാൽ അത്‌ ആവേശ​കരം പോലു​മാ​യി​രി​ക്കാം. അതു​പോ​ലെ​തന്നെ, സ്വാഭാ​വി​ക​മാ​യി നിങ്ങൾക്ക്‌ പഠനശീ​ല​മി​ല്ലെ​ങ്കിൽപോ​ലും, നിങ്ങൾക്ക്‌ ശരിയായ മനോ​ഭാ​വ​മു​ണ്ടെ​ങ്കിൽ പഠനം രസകര​വും ആവേശ​കരം പോലു​മാ​യി​രി​ക്കാൻ കഴിയും. ഈ മനോ​ഭാ​വം വളർത്തി​യെ​ടു​ക്കു​ന്ന​തിന്‌ വഴിക​ളുണ്ട്‌.

ശരിയായ മനോ​ഭാ​വം വളർത്തി​യെ​ടു​ക്കുക

5, 6. യഹോ​വ​യു​ടെ വെളി​പ്പെ​ടു​ത്ത​പ്പെട്ട വചനത്തി​ലൂ​ടെ നമുക്കു ലഭിക്കുന്ന അതുല്യ​മായ ചില അനു​ഗ്ര​ഹങ്ങൾ വർണ്ണി​ക്കുക.

⁵ ഒന്നാമ​താ​യി, ബൈബി​ളിൽ നമുക്ക്‌ എന്തോരു നിക്ഷേ​പ​മാ​ണു ലഭിച്ചി​രി​ക്കു​ന്ന​തെന്ന്‌ നാം നിരന്തരം വിചി​ന്തനം ചെയ്യണം. അപ്പോ​സ്‌ത​ല​നായ പൗലോസ്‌ ഇങ്ങനെ ഉദ്‌ഘോ​ഷി​ച്ചു: “ഹാ, ദൈവ​ത്തി​ന്റെ ധനത്തി​ന്റെ​യും ജ്ഞാനത്തി​ന്റെ​യും അറിവി​ന്റെ​യും ആഴം!” (റോമർ 11:33) ആയിര​ക്ക​ണ​ക്കി​നു വർഷങ്ങൾകൊണ്ട്‌ ക്രമേണ വെളി​പ്പെ​ടു​ത്ത​പ്പെട്ട യഹോ​വ​യു​ടെ ഉദ്ദേശ്യ​ങ്ങൾ ഭയാവ​ഹ​മാണ്‌, അവ അതിശ​യ​ക​ര​വും സുനി​ശ്ചി​ത​വു​മായ ഒരു പ്രത്യാശ നമുക്കു തുറന്നു​ത​രു​ന്നു. ജീവിതം സംബന്ധിച്ച്‌ യഹോവ ബൈബി​ളിൽ രേഖ​പ്പെ​ടു​ത്തി​ച്ചി​ട്ടുള്ള ബുദ്ധി​യു​പ​ദേശം ബാധക​മാ​ക്കു​മ്പോൾ എല്ലായ്‌പ്പോ​ഴും വിജയം കൈവ​രും. (2 തിമൊ​ഥെ​യോസ്‌ 3:16) “നിന്റെ വചനങ്ങ​ളു​ടെ വെളി​പ്പെ​ടു​ത്തൽതന്നെ പരിച​യ​ഹീ​നരെ ഗ്രഹി​പ്പി​ക്കുന്ന വെളിച്ചം നൽകുന്നു” എന്ന്‌ സങ്കീർത്ത​ന​ക്കാ​രൻ പാടി​യത്‌ അതിശ​യമല്ല!—സങ്കീർത്തനം 119:130.

⁶ തന്നെയു​മല്ല, ബൈബി​ളിൽ ദൈവ​ത്തി​ന്റെ ചിന്തകൾ അടങ്ങി​യി​രി​ക്കു​ന്നു; ഈ ചിന്തകൾ ഉൾക്കൊ​ള്ളു​ന്ന​തി​നാൽ നാം അവനോ​ടു കൂടുതൽ അടുക്കു​ന്നു. (യാക്കോബ്‌ 4:8) കൂടാതെ, യേശു​വി​ന്റെ ശിഷ്യ​രാ​യി​രി​ക്കാൻ മററു​ള്ള​വരെ പഠിപ്പി​ക്കു​ന്ന​തിന്‌ നാം നിയോ​ഗി​ക്ക​പ്പെ​ട്ടി​രി​ക്കു​ന്നു. (മത്തായി 28:19, 20) ഈ വേലയ്‌ക്കുള്ള നമ്മുടെ മുഖ്യ പണിയാ​യു​ധം ബൈബി​ളാ​യി​രി​ക്കു​ന്ന​തു​കൊണ്ട്‌ അത്‌ നന്നായി ഉപയോ​ഗി​ക്കാൻ നാം അതു പഠി​ക്കേ​ണ്ട​തുണ്ട്‌. (എഫേസ്യർ 6:17; 2 തിമൊ​ഥെ​യോസ്‌ 2:15) ഒടുവിൽ, ബൈബി​ള​ധി​ഷ്‌ഠിത ആശയങ്ങൾ കൊണ്ട്‌ നമ്മുടെ മനസ്സിനെ നിറയ്‌ക്കു​ന്നത്‌ നമ്മെ സംരക്ഷി​ക്കു​ക​യും നിർമ്മ​ല​ത​യിൽ നടക്കു​ന്ന​തി​നും വിശ്വാ​സത്തെ ദുർബ്ബ​ല​പ്പെ​ടു​ത്തുന്ന സംശയ​ങ്ങ​ളും തെററായ ആശയങ്ങ​ളും ഒഴിവാ​ക്കു​ന്ന​തി​നും നമ്മെ സഹായി​ക്കു​ക​യും ചെയ്യുന്നു.—സദൃശ​വാ​ക്യ​ങ്ങൾ 4:5, 6; 20:7; ഫിലി​പ്യർ 4:8.

7, 8. “വെളി​പ്പെ​ടു​ത്ത​പ്പെട്ട കാര്യങ്ങൾ” സംബന്ധിച്ച്‌ നാം ഇന്ന്‌ കഴിഞ്ഞു​പോയ കാലങ്ങ​ളി​ലെ ദൈവ​ദാ​സൻമാ​രെ​ക്കാൾ കൂടുതൽ അനുഗൃ​ഹീ​ത​രാ​യി​രി​ക്കു​ന്ന​തെ​ന്തു​കൊണ്ട്‌?

⁷ ഇന്ന്‌ നമുക്ക്‌, കഴിഞ്ഞ കാലത്ത്‌ ദൈവ​ദാ​സൻമാർക്കു സാധി​ക്കാഞ്ഞ ഒരു വിധത്തിൽ സത്യത്തി​ന്റെ “വീതി​യും നീളവും ഉയരവും സകല വിശു​ദ്ധൻമാ​രോ​ടും കൂടെ മാനസി​ക​മാ​യി ഗ്രഹി​ക്കാൻ” കഴിയു​ന്നു​വെ​ന്ന​തും പരിചി​ന്തി​ക്കുക. (എഫേസ്യർ 3:14-18) എന്നാൽ ദൈവിക വാഗ്‌ദ​ത്ത​ങ്ങ​ളു​ടെ നിവൃത്തി തന്റെ ആയുസ്സിൽ ഒരിക്ക​ലും കാണുക സാദ്ധ്യ​മാ​യി​രു​ന്നി​ല്ലെ​ങ്കിൽ അബ്രാ​ഹാം തന്റെ സ്വന്ത നഗരം ഉപേക്ഷിച്ച്‌ കൂടാ​ര​ങ്ങ​ളിൽ പാർത്തു​വെ​ന്നോർക്കുക. (എബ്രായർ 11:8-10) ദാനി​യേൽ താൻ നേരിൽ കണ്ട ദർശന​ങ്ങ​ളു​ടെ ഗ്രാഹ്യം ലഭിക്ക​ണ​മെ​ന്ന​പേ​ക്ഷി​ച്ചി​ട്ടും “ഈ വചനങ്ങൾ അന്ത്യകാ​ല​ത്തേക്ക്‌ രഹസ്യ​മാ​ക്കി മുദ്ര​യി​ടു​ന്നു”വെന്ന്‌ അവനോ​ടു പറയ​പ്പെട്ടു. (ദാനി​യേൽ 12:8, 9) ഇന്ന്‌, അബ്രാ​ഹാം നോക്കി​പ്പാർത്തി​രുന്ന സന്തതി പണ്ടേ പ്രത്യ​ക്ഷ​പ്പെ​ട്ടി​രി​ക്കു​ന്നു. ഇപ്പോൾ, ദാനി​യേൽ കണ്ടതിൽ അധിക​ത്തി​ന്റെ​യും അർത്ഥം “വെളി​പ്പെ​ടു​ത്ത​പ്പെട്ട കാര്യങ്ങൾ” സംബന്ധിച്ച നമ്മുടെ ഗ്രാഹ്യ​ത്തോ​ടു കൂട്ട​പ്പെ​ട്ടി​രി​ക്കുന്ന “അന്ത്യകാല”ത്താണ്‌ നാം ജീവി​ക്കു​ന്നത്‌.

⁸ അപ്പോ​സ്‌ത​ല​നായ പത്രോസ്‌ ഇങ്ങനെ എഴുതി: “നിങ്ങൾക്കു​വേണ്ടി ഉദ്ദേശി​ക്ക​പ്പെ​ട്ടി​രി​ക്കുന്ന അനർഹ​ദ​യ​യെ​ക്കു​റി​ച്ചു പ്രവചിച്ച പ്രവാ​ച​കൻമാർ ഈ രക്ഷയെ​ക്കു​റി​ച്ചു​തന്നെ ഉത്സുക​മായ അന്വേ​ഷ​ണ​വും ശ്രദ്ധാ​പൂർവ്വ​ക​മായ തെരച്ചി​ലും നടത്തി. ഇപ്പോൾ നിങ്ങ​ളോ​ടു പ്രഖ്യാ​പി​ക്ക​പ്പെ​ട്ടി​രി​ക്കുന്ന കാര്യ​ങ്ങ​ളിൽ അവർ ശുശ്രൂ​ഷി​ച്ചത്‌ തങ്ങൾക്കാ​യി​ട്ടല്ല, നിങ്ങൾക്കാ​യി​ട്ടാ​ണെന്ന്‌ അവർക്കു വെളി​പ്പെ​ടു​ത്ത​പ്പെട്ടു . . . ഈ കാര്യ​ങ്ങ​ളി​ലേ​ക്കു​തന്നെ ഉററു​നോ​ക്കാൻ ദൂതൻമാർ ആഗ്രഹി​ക്കു​ന്നു.” (1 പത്രോസ്‌ 1:10, 12) ആ ആദിമ പ്രവാ​ച​കൻമാർ അറിയാൻ കാംക്ഷി​ച്ചി​രുന്ന ഒട്ടേറെ കാര്യ​ങ്ങ​ളിൻമേൽ യഹോവ ഇപ്പോൾ വെളിച്ചം വീശി​യി​രി​ക്കു​ന്ന​തു​കൊണ്ട്‌ നമുക്ക്‌ യഥാർത്ഥ​മാ​യി ഈ കാര്യ​ങ്ങളെ വിലമ​തി​ക്കാം, അവയെ അഗണ്യ​മാ​യി കരുതാ​തി​രി​ക്കാം.

9, 10. വ്യക്തി​പ​ര​മായ ബൈബിൾ പഠനത്തി​ലേർപ്പെ​ടു​ന്ന​തിന്‌ നമ്മിൽ മിക്കവർക്കു​മുള്ള സ്വാത​ന്ത്ര്യ​ത്തെ നാം വിലമ​തി​ക്കു​ന്ന​തിന്‌ ഏതു ദൃഷ്ടാ​ന്തങ്ങൾ ഇടയാ​ക്കേ​ണ്ട​താണ്‌?

⁹ ശരിയായ മനോ​ഭാ​വം ലഭിക്കു​ന്ന​തിന്‌, ബൈബിൾ പഠിക്കാൻ ചിലർ എത്ര കഠിന​പോ​രാ​ട്ടം നടത്തേ​ണ്ടി​വ​ന്നി​ട്ടു​ണ്ടെന്ന്‌ നാം വിലമ​തി​ക്കണം. വില്യം ററിൻഡേ​യ്‌ലി​ന്റെ നാളിൽ ഏതെങ്കി​ലും ഇംഗ്ലീ​ഷു​കാ​രൻ സ്വന്തം ഭാഷയി​ലുള്ള ഗ്രീക്കു തിരു​വെ​ഴു​ത്തു​ക​ളു​ടെ ഒരു പരിഭാഷ വിൽക്കു​ക​യോ വാങ്ങു​ക​യോ വായി​ക്കു​ക​യോ ചെയ്യു​ന്നത്‌ കുററ​ക​ര​മാ​യി​രു​ന്നു. ഒരു പ്രൊ​ട്ട​സ്‌റ​റൻറ്‌ പുതു​വി​ശ്വാ​സി കുറെ ബൈബി​ളു​കൾ സ്‌പെ​യി​നി​ലേക്കു ഒളിച്ചു​ക​ട​ത്തി​യ​പ്പോൾ എന്തു സംഭവി​ച്ചു​വെന്ന്‌ 16-ാം നൂററാ​ണ്ടി​ലെ പ്യൂരി​ററൻ പ്രസം​ഗ​ക​നാ​യി​രുന്ന ജോൺ ഫോക്‌സ്‌ റിപ്പോർട്ടു​ചെ​യ്‌തു. അയാളെ ഒററി​ക്കൊ​ടു​ക്കു​ക​യും സ്‌തം​ഭ​ത്തിൽ ദഹിപ്പി​ക്കു​ക​യും ചെയ്‌തു. ബൈബിൾ വാങ്ങിയ 800 പേർ അറസ്‌ററു ചെയ്യ​പ്പെട്ടു. ഇരുപ​തു​പേർ കമ്പിക​ളിൽ കുത്തി വറുക്ക​പ്പെട്ടു. മററു ചിലർ ആജീവ​നാ​ന്തം തുറു​ങ്കി​ല​ട​യ്‌ക്ക​പ്പെ​ടു​ക​യോ ചാട്ടവാ​റി​ന​ടി​ക്ക​പ്പെ​ടു​ക​യോ കഴുമ​ര​ത്തി​ലേ​റ​റ​പ്പെ​ടു​ക​യോ ചെയ്‌തു. ഒരു ചുരു​ങ്ങിയ കൂട്ടം വെറുതെ വിട​പ്പെട്ടു.

¹⁰ ആധുനിക കാലങ്ങ​ളിൽ യഹോ​വ​യു​ടെ സാക്ഷി​ക​ളും ഗുരു​ത​ര​മായ അപകടങ്ങൾ തൃണവൽഗ​ണി​ച്ചു​കൊണ്ട്‌ ബൈബിൾ പഠി​ക്കേണ്ടി വന്നിട്ടുണ്ട്‌. തടങ്കൽപാ​ള​യ​ങ്ങ​ളി​ലോ തടവു​ക​ളി​ലോ വച്ച്‌ ശിക്ഷയു​ടെ​യോ മരണത്തി​ന്റെ​യോ അപകടം വരിച്ചി​ട്ടുണ്ട്‌. തന്റെ വിശ്വാ​സം നിമിത്തം ഏകാന്ത​ത്ത​ട​വി​ലാ​ക്ക​പ്പെട്ട ഒരു മിഷനറി തനിക്ക്‌ ഓർമ്മി​ക്കാൻ കഴിഞ്ഞ സകല തിരു​വെ​ഴു​ത്തു​ക​ളും എഴുതി​യി​ടു​ക​യും അനന്തരം വർത്തമാ​ന​പ്പ​ത്ര​ങ്ങ​ളി​ലെ “മത” പംക്തി​ക​ളിൽ പ്രത്യ​ക്ഷ​പ്പെ​ടുന്ന ഒററപ്പെട്ട ബൈബിൾ വാക്യ​ങ്ങൾക്കു​വേണ്ടി പരതു​ക​യും ചെയ്‌തു. വർഷങ്ങ​ളിൽ അദ്ദേഹ​ത്തിന്‌ ലഭ്യമായ ബൈബിൾ അതുമാ​ത്ര​മാ​യി​രു​ന്നു. അതെ, ബൈബിൾ നിരോ​ധി​ക്ക​പ്പെ​ടു​മ്പോൾ, ക്രിസ്‌ത്യാ​നി​കൾ അതു വായി​ക്കാൻ തീവ്ര​ശ്രമം നടത്തുന്നു. മിക്ക​പ്പോ​ഴും, ഒരു ബുക്ക്‌ ഷെൽഫിൽ നിന്ന്‌ കൈനീ​ട്ടി എടുക്കേണ്ട ആവശ്യം മാത്ര​മു​ള്ള​പ്പോൾ നാം കുറഞ്ഞ ഉത്സാഹം പ്രകട​മാ​ക്കി​യാൽ മതിയോ?

11. ചില വിവരങ്ങൾ ആവർത്തി​ച്ചു ചർച്ച ചെയ്യു​ന്നു​ണ്ടെ​ന്നുള്ള വസ്‌തുത ബൈബിൾ പഠനം സംബന്ധിച്ച്‌ നമ്മിൽ താൽപ്പ​ര്യ​ക്കു​റ​വു​ണ്ടാ​ക്കേ​ണ്ട​തു​ണ്ടോ?

¹¹ ചില വിവരങ്ങൾ ആവർത്തി​ക്കു​ന്ന​തു​കൊണ്ട്‌ തങ്ങൾക്ക്‌ വളരെ​യ​ധി​കം പ്രയാസം കൂടാതെ വീക്ഷാ​ഗോ​പുര മാസി​ക​യി​ലെ ചോദ്യ​ങ്ങ​ളു​ടെ ഉത്തരം പറയാൻ കഴിയു​മെന്ന്‌ ചിലർ പറഞ്ഞി​ട്ടുണ്ട്‌. അതു​കൊണ്ട്‌, അവർ വ്യക്തി​പ​ര​മായ പഠനത്തി​ന്റെ ആവശ്യം കാണു​ന്നില്ല. അങ്ങനെ​യു​ള്ളവർ ആവർത്ത​ന​ത്തി​ന്റെ മൂല്യത്തെ താഴ്‌ത്തി മതിക്കു​ക​യാണ്‌. സങ്കീർത്ത​ന​ക്കാ​രൻ യഹോ​വ​യു​ടെ ഓർമ്മി​പ്പി​ക്ക​ലു​കളെ ഇഷ്ടപ്പെട്ടു, നാമും അങ്ങനെ​യാ​യി​രി​ക്കണം. (സങ്കീർത്തനം 119:119) ലോകം അധാർമ്മി​ക​വും ധനാസ​ക്ത​വു​മായ ഒരേ പ്രചാ​ര​ണ​ത്താൽ നമ്മെ നിമജ്ജനം ചെയ്‌തു​കൊ​ണ്ടി​രി​ക്കു​ന്നു​വെ​ന്നോർക്കുക. തന്നിമി​ത്തം ആവർത്തി​ച്ചുള്ള ബൈബി​ളോർമ്മി​പ്പി​ക്ക​ലു​ക​ളാൽ നാം നമ്മുടെ മനസ്സു​കളെ അതി​നെ​തി​രെ ബലപ്പെ​ടു​ത്തേ​ണ്ട​തുണ്ട്‌.

പ്രശ്‌നങ്ങൾ തരണം ചെയ്യാൻ ശ്രമി​ക്കു​ക

12. ബൈബിൾ പഠനത്തിന്‌ സമയം കണ്ടെത്തു​ന്ന​തി​ലുള്ള പ്രശ്‌നത്തെ തരണം ചെയ്യു​ന്ന​തി​നുള്ള ചില പ്രാ​യോ​ഗിക നിർദ്ദേ​ശങ്ങൾ നൽകുക.

¹² ബൈബിൾ പഠനം സംബന്ധിച്ച ശരിയായ മനോ​ഭാ​വ​മുള്ള ഒരു വ്യക്തി സാധാ​ര​ണ​യാ​യി പഠിക്കാ​നുള്ള ഒരു മാർഗ്ഗം കണ്ടെത്തും. എന്നാൽ അത്‌ എളുപ്പ​മ​ല്ലാ​യി​രി​ക്കാം. പ്രശ്‌നങ്ങൾ തരണം ചെയ്യേ​ണ്ട​തു​ണ്ടാ​യി​രി​ക്കാം. ദൃഷ്ടാ​ന്ത​മാ​യി, ഇന്നത്തെ തിരക്കു പിടിച്ച ജീവി​ത​ത്തിൽ നാം വ്യക്തി​പ​ര​മായ പഠനത്തിന്‌ എവിടെ സമയം കണ്ടെത്താ​നാണ്‌? ഈ പ്രശ്‌നം പരിഹ​രി​ക്കു​ന്ന​തി​ലുള്ള ആദ്യ നടപടി ബൈബിൾ പഠനം വയൽശു​ശ്രൂ​ഷ​യും യോഗ​ഹാ​ജ​രും പോലെ അത്യാ​വ​ശ്യ​മാ​ണെന്ന്‌ തിരി​ച്ച​റി​യു​ക​യാണ്‌. (1 തിമൊ​ഥെ​യോസ്‌ 4:15) അനന്തരം അതിന്‌ ഇടം കണ്ടെത്താൻ നമുക്ക്‌ നമ്മുടെ ദിനച​ര്യ​യെ പരി​ശോ​ധി​ക്കാൻ കഴിയും. ചിലർ പൊതു​വാ​ഹ​ന​ങ്ങ​ളിൽ സഞ്ചരി​ക്കു​മ്പോൾ പഠിക്കു​ന്നു. ചിലർ വാഹന​മോ​ടി​ക്കു​മ്പോൾ ബൈബിൾ വായനാ റെക്കോർഡു​കൾ ശ്രദ്ധി​ക്കു​ന്നു. അല്ലെങ്കിൽ വീട്ടു​ജോ​ലി​യു​ടെ സമയത്ത്‌ ശ്രദ്ധി​ക്കു​ന്നു. ജോലി​സ്ഥ​ലത്തെ ഭക്ഷണ​വേ​ള​യിൽ പഠിക്കു​ന്ന​വ​രുണ്ട്‌. മററു ചിലർ രാവിലെ അല്‌പം നേരത്തെ എഴു​ന്നേൽക്കു​ക​യും ദിവസത്തെ പതിവു​ജോ​ലി തുടങ്ങു​ന്ന​തി​നു മുൻപ്‌ പഠിക്കു​ക​യും ചെയ്യുന്നു, അല്ലെങ്കിൽ കുട്ടികൾ ഉറങ്ങി​യ​ശേഷം വൈകു​ന്നേ​ര​ങ്ങ​ളിൽ പഠനത്തിന്‌ സമയം ചെലവ​ഴി​ക്കു​ന്നു. മിക്ക​പ്പോ​ഴും നമുക്ക്‌ പഠനത്തി​നാ​യി മററു പ്രവർത്ത​ന​ങ്ങ​ളിൽനിന്ന്‌—ഒരുപക്ഷേ വിശ്ര​മ​വേ​ള​ക​ളിൽനി​ന്നു​പോ​ലും—സമയം വിലയ്‌ക്കു​വാ​ങ്ങേ​ണ്ട​തുണ്ട്‌. (കൊ​ലോ​സ്യർ 4:5) എന്നാൽ പഠനം തന്നെ തങ്ങൾക്ക്‌ വിശ്രമം നൽകു​ന്ന​തു​കൊണ്ട്‌ വളരെ​യ​ധി​കം മററു വിശ്ര​മങ്ങൾ ആവശ്യ​മി​ല്ലെന്ന്‌ അനേകർ പെട്ടെന്നു കണ്ടെത്തു​ന്നു.

13. നമ്മുടെ പഠനത്തിൽ ശ്രദ്ധ​കേ​ന്ദ്രീ​ക​രി​ക്കു​ന്ന​തിന്‌ നമുക്ക്‌ എങ്ങനെ സഹായി​ക്ക​പ്പെ​ടാൻ കഴിയും?

¹³ ചിലർക്ക്‌ ശ്രദ്ധാ​കേ​ന്ദ്രീ​ക​രണം ഒരു പ്രശ്‌ന​മാണ്‌. അവർക്ക്‌ തങ്ങളുടെ ദൈനം​ദിന പ്രശ്‌ന​ങ്ങ​ളെ​ക്കു​റി​ച്ചുള്ള ചിന്തനിർത്തി​യിട്ട്‌ ബൈബിൾപ​ഠ​ന​ത്തിൽ ശ്രദ്ധ​കേ​ന്ദ്രീ​ക​രി​ക്കു​ന്നതു പ്രയാ​സ​മാണ്‌. ഇതിനെ തരണം ചെയ്യാൻ പ്രാർത്ഥ​നക്കു സഹായി​ക്കാൻ കഴിയും. പഠിക്കാൻ തുടങ്ങു​ന്ന​തി​നു മുൻപ്‌, യഹോവ വെളി​പ്പെ​ടു​ത്തി​യി​രി​ക്കുന്ന കാര്യ​ങ്ങൾക്കു​വേണ്ടി നന്ദി പറയാൻ പാടി​ല്ല​യോ? അവയിൽ ശ്രദ്ധ കേന്ദ്രീ​ക​രി​ക്കാ​നും അവയുടെ മൂല്യം വിവേ​ചി​ക്കാൻ അവന്റെ സഹായ​മ​പേ​ക്ഷി​ക്കാ​നും പാടി​ല്ല​യോ? (ഫിലി​പ്യർ 4:6; 2 തിമൊ​ഥെ​യോസ്‌ 2:7) അങ്ങനെ​യുള്ള പ്രാർത്ഥന നമ്മേ സംബന്ധി​ച്ചുള്ള യഹോ​വ​യു​ടെ ഇഷ്ടത്തോ​ടു പൂർണ്ണ​യോ​ജി​പ്പി​ലാണ്‌. (1 യോഹ​ന്നാൻ 5:14) ആത്മനി​യ​ന്ത്ര​ണ​വും അനു​പേ​ക്ഷ​ണീ​യ​മാണ്‌, വിശേ​ഷിച്ച്‌ ആദ്യം. (1 കൊരി​ന്ത്യർ 9:25) ബെരോ​വ​ക്കാർ ദൈവ​വ​ചനം അനുദി​നം പരി​ശോ​ധി​ച്ചു. (പ്രവൃ​ത്തി​കൾ 17:10, 11) അവരു​ടേത്‌ നല്ല ദൃഷ്ടാ​ന്ത​മാണ്‌. ക്രമമായ പഠനം പെട്ടെന്നു രസകര​മാ​യി​ത്തീ​രും, അതു ചെയ്യാൻ നിങ്ങളെ നിർബ​ന്ധി​ക്കേ​ണ്ട​തി​ല്ലാ​തെ അതിനാ​യി നിങ്ങൾ നോക്കി​പ്പാർത്തി​രി​ക്കാ​നി​ട​യുണ്ട്‌.

14. നാം വ്യക്തി​പ​ര​മായ പഠനത്തിൽ ഏർപ്പെ​ടു​മ്പോൾ പ്രശാ​ന്ത​മായ ഒരു ചുററു​പാട്‌ അഭികാ​മ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁴ ഒരു സമുചി​ത​മായ ചുററു​പാട്‌ ശ്രദ്ധാ​കേ​ന്ദ്രീ​ക​ര​ണത്തെ സഹായി​ക്കു​ക​യും ചെയ്യുന്നു. യിസഹാക്ക്‌ ധ്യാനി​ക്കാ​നാ​ഗ്ര​ഹി​ച്ച​പ്പോൾ അവൻ കൂടാ​ര​ങ്ങ​ളി​ലെ ബഹളങ്ങ​ളിൽനിന്ന്‌ അകന്ന്‌ വയലു​ക​ളി​ലേക്കു പോയി. (ഉല്‌പത്തി 24:63) നമ്മിൽ എല്ലാവർക്കും തുറസ്സായ ഒരു വയൽപോ​ലെ ശല്യങ്ങ​ളിൽനി​ന്നു വിമു​ക്ത​മായ ഒരു സ്ഥലം കണ്ടെത്താൻ കഴിക​യി​ല്ലെ​ന്നു​ള്ളതു സത്യം​തന്നെ, എന്നാൽ നമുക്കു സാധാ​ര​ണ​യാ​യി ശല്യങ്ങൾ കുറയ്‌ക്കാൻ കഴിയും. ഓൺ ചെയ്‌തി​രി​ക്കുന്ന ഒരു റെറലി​വി​ഷന്റെ മുമ്പി​ലോ, പിമ്പിൽ ശബ്ദായ​മാ​ന​മായ സ്‌ററീ​രി​യോ വെച്ചു​കൊ​ണ്ടോ പഠിക്കു​ന്നത്‌ കൂടുതൽ പ്രശാ​ന്ത​മായ ഒരു സ്ഥലത്ത്‌ പഠിക്കു​ന്ന​തി​നോ​ളം ഫലപ്ര​ദ​മാ​യി​രി​ക്കു​ക​യില്ല, അല്ലെങ്കിൽ രസകര​മാ​യി​രി​ക്കു​ക​യില്ല. നമുക്ക്‌ എല്ലായ്‌പ്പോ​ഴും ശല്യങ്ങൾ ഒഴിവാ​ക്കാൻ കഴിക​യില്ല, എന്നാൽ നമ്മിൽ മിക്കവർക്കും തീർച്ച​യാ​യും പഠനത്തിന്‌ താരത​മ്യേന ശാന്തമായ ഒരു ഇടം കണ്ടെത്താൻ കഴിയും.

15. ബൈബിൾ പരിജ്ഞാ​നം സമ്പാദി​ക്കു​ന്ന​തി​നുള്ള ചില അനൗപ​ചാ​രിക മാർഗ്ഗ​ങ്ങ​ളേവ?

¹⁵ മറെറാ​രു പ്രശ്‌നം ഉണ്ടായി​രി​ക്കാം. ചിലർക്ക്‌ എങ്ങനെ പഠിക്ക​ണ​മെന്ന്‌ അറിയാൻ പാടി​ല്ലാ​യി​രി​ക്കാം. വിശേ​ഷിച്ച്‌ ഈ നാളു​ക​ളിൽ കുട്ടികൾ സ്‌കൂ​ളിൽ പഠി​ക്കേ​ണ്ട​തെ​ങ്ങ​നെ​യെന്ന്‌ പഠിക്കു​ന്നു​ണ്ടെന്ന്‌ സങ്കൽപ്പി​ക്കാ​വു​ന്നതല്ല. കുറേ​നാൾ മുമ്പ്‌ സ്‌കൂൾ വിട്ടവർക്ക്‌ പഠനശീ​ലം നഷ്ടപ്പെ​ട്ടി​രി​ക്കാം. എന്നാൽ പഠനം യഥാർത്ഥ​ത്തിൽ അത്ര​പ്ര​യാ​സമല്ല. അത്‌ ബൈബിൾ ഗ്രാഹ്യ​സ​ഹാ​യി​യിൽ നിങ്ങൾക്കു താൽപ​ര്യ​മുള്ള ലേഖനങ്ങൾ വായി​ക്കു​ന്ന​തു​പോ​ലെ​യോ പുതിയ ലോക​ഭാ​ഷാ​ന്തരം സംശോ​ധക ബൈബിൾ വായി​ക്കു​ന്ന​തു​പോ​ലെ​യോ ലളിത​മാ​യി​രി​ക്കാൻ കഴിയും. കാസററ്‌ റേറപ്പു​ക​ളി​ലെ ബൈബിൾ റെക്കോർഡിം​ഗു​കൾ ശ്രദ്ധി​ക്കു​ന്നത്‌ അല്ലെങ്കിൽ വ്യക്തി​പ​ര​മായ ഗവേഷണ പദ്ധതികൾ പിന്തു​ട​രു​ന്നത്‌ പഠനത്തി​നുള്ള മററു മാർഗ്ഗ​ങ്ങ​ളാണ്‌. വീക്ഷാ​ഗോ​പു​ര​ത്തി​ന്റെ​യോ ഉണരുക! മാസി​ക​യു​ടെ​യോ പഴയ ലക്കങ്ങൾ ഓടി​ച്ചു​നോ​ക്കി നിങ്ങളു​ടെ ശ്രദ്ധ പിടി​ച്ചു​പ​റ​റുന്ന ലേഖനങ്ങൾ വായി​ക്കു​ന്നത്‌ പരീക്ഷി​ച്ചു​നോ​ക്കി​യി​ട്ടു​ണ്ടോ? ഇത്‌ ഗാഢമായ പഠനമ​ല്ലെ​ന്നു​ള്ളതു സത്യം​തന്നെ, എന്നാൽ അത്‌ യഹോ​വ​യു​ടെ വചനത്തി​ലുള്ള നിങ്ങളു​ടെ പ്രമോ​ദത്തെ പരിപു​ഷ്ടി​പ്പെ​ടു​ത്താൻ സഹായി​ക്കും.

16. പ്രതി​വാര വീക്ഷാ​ഗോ​പു​രാ​ദ്ധ്യ​യ​ന​ത്തിന്‌ പഠിക്കു​ന്ന​തി​ലുള്ള നമ്മുടെ ഉദ്ദേശ്യം എന്തായി​രി​ക്കണം?

¹⁶ എന്നാൽ കൂടുതൽ ഔപചാ​രി​ക​മായ പഠനത്തെ സംബന്ധിച്ച്‌ എന്ത്‌? ദൃഷ്ടാ​ന്ത​മാ​യി പ്രതി​വാര വീക്ഷാ​ഗോ​പു​രാ​ദ്ധ്യ​യ​ന​ത്തി​ന്റെ തയ്യാറാ​കൽ. അങ്ങനെ​യുള്ള പഠനത്തിന്‌ അദ്ധ്യേ​താ​വിന്‌ മനസ്സിൽ ഒരു ലക്ഷ്യമു​ണ്ടാ​യി​രി​ക്കേ​ണ്ട​തുണ്ട്‌. ഏതു തരം ലക്ഷ്യം? വീക്ഷാ​ഗോ​പു​രാ​ദ്ധ്യ​യ​ന​ത്തിന്‌ തയ്യാറാ​കുന്ന കാര്യ​ത്തിൽ, “വിശ്വ​സ്‌ത​നും വിവേ​കി​യു​മായ അടിമ”യിലൂടെ പ്രദാനം ചെയ്യ​പ്പെ​ട്ടി​രി​ക്കുന്ന “തക്ക സമയത്തെ ആഹാര”ത്തിൽ നിന്ന്‌ ഏററവു​മ​ധി​കം പ്രയോ​ജനം നേടാൻ അയാൾ ആഗ്രഹി​ക്കണം. യോഗ​ങ്ങ​ളി​ലെ തന്റെ അഭി​പ്രാ​യ​ങ്ങ​ളാൽ മററു​ള്ള​വരെ സഹായി​ക്കാ​നും അയാൾ ആഗ്രഹി​ക്കണം. (മത്തായി 24:45) അയാൾക്ക്‌ എങ്ങനെ മുന്നോ​ട്ടു നീങ്ങാം? ചട്ടങ്ങളില്ല, എന്നാൽ ഒരു നിർദ്ദേ​ശ​മി​താ:

17, 18. (എ) ഒരു വിദ്യാർത്ഥിക്ക്‌ പ്രതി​വാര വീക്ഷാ​ഗോ​പു​രാ​ദ്ധ്യ​യ​ന​ത്തിന്‌ തയ്യാറാ​കാൻ എങ്ങനെ കഴിയു​മെന്ന്‌ ചില നിർദ്ദേ​ശങ്ങൾ നൽകുക. (ബി) വ്യക്തി​പ​ര​മായ പഠനത്തിന്‌ സഹായ​ക​മെന്ന്‌ നിങ്ങൾ കണ്ടെത്തി​യി​ട്ടുള്ള മററു നിർദ്ദേ​ശങ്ങൾ നൽകുക. (അടിക്കു​റി​പ്പു കാണുക.)

¹⁷ ആദ്യമാ​യി, മുഴു ലേഖന​വും വായി​ച്ചു​തീർക്കുക, ഒരുപക്ഷേ വീക്ഷാ​ഗോ​പു​ര​ത്തി​ന്റെ പ്രതി കിട്ടി​യ​ശേഷം ഉടനെ. അങ്ങനെ​യുള്ള ഒരു പ്രാഥ​മിക വായനക്ക്‌ 20 മിനി​റേറ എടുക്കു​ക​യു​ള്ളാ​യി​രി​ക്കാം. എന്നാൽ അത്‌ നിങ്ങൾക്ക്‌ മുഖ്യ​പോ​യിൻറു​ക​ളു​ടെ ഒരു പൊതു​ധാ​ര​ണ​യും ലേഖന​ത്തി​ന്റെ ലക്ഷ്യവും നൽകും. ലേഖനം ഉത്സുക​മാ​യി പഠിക്കാ​നുള്ള സമയം വരു​മ്പോൾ ഒരു ബൈബി​ളും ഒരു പേനയും അല്ലെങ്കിൽ അടയാ​ള​പ്പെ​ടു​ത്താ​നുള്ള എന്തെങ്കി​ലു​മാ​യി ഇരിക്കുക. പിന്നീട്‌, വാദങ്ങ​ളും ആശയങ്ങ​ളു​ടെ ആവിഷ്‌ക്കരണ രീതി​യും ശ്രദ്ധി​ച്ചു​കൊണ്ട്‌ ഒന്നാമത്തെ ഖണ്ഡിക ശ്രദ്ധാ​പൂർവ്വം വായി​ക്കുക ഖണ്ഡിക​യിൽ സൂചി​പ്പി​ച്ചി​രി​ക്കു​ന്ന​തും ഉദ്ധരി​ച്ചി​ട്ടി​ല്ലാ​ത്ത​തു​മായ ഏതു തിരു​വെ​ഴു​ത്തു​ക​ളും എടുത്തു​നോ​ക്കു​ക​യും അവ അവിടെ ചേർത്തി​രി​ക്കു​ന്ന​തെ​ന്തി​നെന്ന്‌ മനസ്സി​ലാ​ക്കാൻ കഴിയു​മോ​യെന്ന്‌ നോക്കു​ക​യും ചെയ്യുക. അടുത്ത​താ​യി ഖണ്ഡിക​യു​ടെ ചോദ്യം വായി​ക്കു​ക​യും ഉത്തരം അറിയാ​മോ​യെന്നു നോക്കു​ക​യും ചെയ്യുക. ഉത്തരം തിരി​ച്ച​റി​ഞ്ഞു കഴിയു​മ്പോൾ, നിങ്ങൾ വീക്ഷാ​ഗോ​പു​രാ​ദ്ധ്യ​യ​ന​ത്തിന്‌ ഹാജരാ​കു​മ്പോൾ നിങ്ങളെ ഉത്തരം ഓർമ്മി​പ്പി​ക്കു​ന്ന​വി​ധം ഖണ്ഡിക​യി​ലെ ചുരുക്കം ചില വാക്കു​ക​ളു​ടെ അടിയിൽ വരയ്‌ക്കുക. നിങ്ങൾ എടുത്തു​നോ​ക്കിയ തിരു​വെ​ഴു​ത്തു​ക​ളെ​ക്കു​റിച്ച്‌ ചുരു​ങ്ങിയ കുറി​പ്പു​ക​ളും കൂടുതൽ ഗവേഷണം ചെയ്യാ​നാ​ഗ്ര​ഹി​ക്കുന്ന പോയിൻറു​ക​ളും മററും മാർജി​നിൽ കുറി​ച്ചി​ടാ​നും നിങ്ങളാ​ഗ്ര​ഹി​ച്ചേ​ക്കാം.

¹⁸ ഈ വിധത്തിൽ മുഴു ലേഖന​വും പൂർത്തി​യാ​ക്കി​യ​ശേഷം, ലേഖന​ത്തി​ന്റെ ഒടുവി​ലുള്ള പഠിപ്പി​ക്കൽ ചതുര​ത്തി​ലെ ചോദ്യ​ങ്ങൾ നോക്കു​ക​യും മുഖ്യാ​ശ​യങ്ങൾ മനസ്സി​ലാ​ക്കി​യോ എന്നു കാണു​ക​യും ചെയ്യുക. നിങ്ങൾക്ക്‌ ഉത്തരം പറയാൻ കഴിയാത്ത ഏതെങ്കി​ലും ചോദ്യ​ങ്ങൾ ഉണ്ടെങ്കിൽ സ്വയം ഉത്തരം കണ്ടുപി​ടി​ക്കാൻ ലേഖനം പുനഃ​പ​രി​ശോ​ധന ചെയ്യുക. നിങ്ങൾ പ്രതി​വാര വീക്ഷാ​ഗോ​പു​രാ​ദ്ധ്യ​യ​ന​ത്തിന്‌ ഏതാനും ദിവസ​ങ്ങൾക്കു മുൻപാണ്‌ ഇതു ചെയ്യു​ന്ന​തെ​ങ്കിൽ വിവരങ്ങൾ സംബന്ധിച്ച്‌ ഓർമ്മ പുതു​ക്കു​ന്ന​തിന്‌ അദ്ധ്യയന ദിവസം ലേഖനം ഓടി​ച്ചു​വാ​യി​ക്കു​ന്നതു നല്ലതാ​ണെന്ന്‌ നിങ്ങൾ കണ്ടെത്തി​യേ​ക്കാം.a

ധ്യാനി​ക്കേ​ണ്ട​തി​ന്റെ ആവശ്യകത

19. ധ്യാന​ത്തിന്‌ യഹോ​വ​യു​ടെ വചന​ത്തോ​ടുള്ള സ്‌നേഹം കെട്ടു​പണി ചെയ്യു​ന്ന​തിന്‌ എങ്ങനെ സഹായി​ക്കാൻ കഴിയും?

¹⁹ പഠനത്തിൽ ധ്യാനം ഉൾപ്പെ​ടു​ത്ത​ണ​മെ​ന്നോർക്കുക. ധ്യാനം കൂടാ​തെ​യുള്ള പഠനം ദഹനം കൂടാ​തെ​യുള്ള തീററി​പോ​ലെ​യാണ്‌. തന്നിമി​ത്തം, നിങ്ങൾ പഠിക്കു​ന്ന​തി​നെ​ക്കു​റിച്ച്‌ വിചി​ന്തനം ചെയ്യുക. നിങ്ങൾക്ക​റി​യാ​വുന്ന മററു കാര്യ​ങ്ങ​ളോട്‌ അതിനെ ബന്ധിപ്പി​ക്കാൻ ശ്രമി​ക്കുക. അതു നിങ്ങളു​ടെ ജീവി​തത്തെ എങ്ങനെ ബാധി​ക്കു​ന്നു? മററു​ള്ള​വരെ സഹായി​ക്കാൻ നിങ്ങൾക്ക്‌ അത്‌ എങ്ങനെ ഉപയോ​ഗി​ക്കാൻ കഴിയും? (സദൃശ​വാ​ക്യ​ങ്ങൾ 15:28) വിശദാം​ശ​ങ്ങൾക്കു ശ്രദ്ധ​കൊ​ടു​ക്കാൻ പഠിക്കുക. നിങ്ങൾ പഠിക്കു​ന്ന​തി​നെ​ക്കു​റി​ച്ചു മററു​ള്ള​വ​രോ​ടു സംസാ​രി​ക്കുക. നിങ്ങളു​ടെ പുതിയ കണ്ടുപി​ടു​ത്തങ്ങൾ പങ്കു​വെ​ക്കുക. (സദൃശ​വാ​ക്യ​ങ്ങൾ 27:17) ഇതും നിങ്ങൾ ബൈബി​ളിൽ കണ്ടെത്തുന്ന സന്തോ​ഷത്തെ പരിപു​ഷ്ടി​പ്പെ​ടു​ത്തും.

20. യഹോ​വ​യു​ടെ വെളി​പ്പെ​ടു​ത്ത​പ്പെട്ട വചന​ത്തോട്‌ ദാവീദു രാജാ​വി​നു​ണ്ടാ​യി​രുന്ന ആഴമായ വിലമ​തിപ്പ്‌ വർണ്ണി​ക്കുക.

²⁰ ദാവീ​ദു​രാ​ജാ​വിന്‌ യഹോ​വ​യു​ടെ വചന​ത്തെ​ക്കു​റിച്ച്‌ മുന്തിയ വിലമ​തി​പ്പു​ണ്ടാ​യി​രു​ന്നു. അവൻ ഇങ്ങനെ എഴുതി: “യഹോ​വ​യു​ടെ നിയമം പൂർണ്ണ​ത​യു​ള്ള​താ​കു​ന്നു, ദേഹിയെ തിരികെ വരുത്തു​ന്ന​തു​തന്നെ. യഹോ​വ​യു​ടെ ഓർമ്മി​പ്പി​ക്കൽ ആശ്രയ​യോ​ഗ്യ​മാ​കു​ന്നു, പരിച​യ​ഹീ​നനെ ജ്ഞാനി​യാ​ക്കു​ന്ന​തു​തന്നെ. യഹോ​വ​യിൽനി​ന്നുള്ള ആജ്ഞകൾ നേരു​ള്ള​വ​യാ​കു​ന്നു, ഹൃദയത്തെ സന്തോ​ഷി​പ്പി​ക്കു​ന്ന​തു​തന്നെ; യഹോ​വ​യു​ടെ കല്‌പന നിർമ്മ​ല​മാ​കു​ന്നു, കണ്ണുകളെ പ്രകാ​ശി​പ്പി​ക്കു​ന്ന​തു​തന്നെ. യഹോ​വാ​ഭയം ശുദ്ധമാ​കു​ന്നു, എന്നേക്കും നിൽക്കു​ന്നതു തന്നെ. യഹോ​വ​യു​ടെ ന്യായ​ത്തീർപ്പു​കൾ സത്യമാ​കു​ന്നു; അവ തികച്ചും നീതി​നി​ഷ്‌ഠ​മെന്നു തെളി​ഞ്ഞി​രി​ക്കു​ന്നു. അവ സ്വർണ്ണ​ത്തെ​ക്കാൾ, അതെ, ശുദ്ധി ചെയ്‌ത വളരെ​യ​ധി​കം സ്വർണ്ണ​ത്തെ​ക്കാൾ അഭില​ഷ​ണീ​യ​മാ​കു​ന്നു; തേനി​നെ​ക്കാ​ളും ഒഴുകുന്ന തേൻക​ട്ട​യെ​ക്കാ​ളും മധുര​മു​ള്ള​തു​തന്നെ.”—സങ്കീർത്തനം 19:7-10.

21. യഹോ​വ​യാൽ “വെളി​പ്പെ​ടു​ത്ത​പ്പെട്ട കാര്യ​ങ്ങ​ളോട്‌” നാം യഥാർത്ഥ​സ്‌നേഹം വളർത്തു​ന്നു​വെ​ങ്കിൽ നാം ഏത്‌ അനു​ഗ്ര​ഹങ്ങൾ കൊയ്യും?

²¹ ഒന്നാം സങ്കീർത്ത​ന​ത്തി​ലെ ബുദ്ധി​യു​പ​ദേശം അനുസ​രി​ക്കു​ന്ന​തി​നാ​ലും ക്രമമായ അടിസ്ഥാ​ന​ത്തിൽ ബൈബിൾ പഠിക്കു​ന്ന​തി​നാ​ലും നിങ്ങളും യഹോ​വ​യാൽ വെളി​പ്പെ​ടു​ത്ത​പ്പെട്ട കാര്യ​ങ്ങ​ളോട്‌ ഇത്തരം വിലമ​തി​പ്പു വളർത്തി​യെ​ടു​ക്കും. ക്രമത്തിൽ, ഇത്‌ യഹോ​വ​യു​ടെ വചനത്തിൽ പ്രമോ​ദി​ക്കു​ന്ന​വന്‌ ആ സങ്കീർത്തനം വാഗ്‌ദാ​നം ചെയ്‌തി​രി​ക്കുന്ന അനു​ഗ്രഹം നിങ്ങൾ ആസ്വദി​ക്കു​ന്ന​തി​ലേക്കു നയിക്കും. “അവൻ തീർച്ച​യാ​യും വെള്ളത്തി​ന്ന​രി​കെ നട്ടിരി​ക്കു​ന്ന​താ​യി തക്കകാ​ലത്ത്‌ അതി​ന്റെ​തന്നെ ഫലം നൽകു​ന്ന​തും ഇല വാടാ​ത്ത​തു​മായ ഒരു വൃക്ഷം​പോ​ലെ​യാ​യി​ത്തീ​രും, അവൻ ചെയ്യു​ന്ന​തെ​ല്ലാം വിജയി​ക്കും . . . യഹോവ നീതി​മാൻമാ​രു​ടെ വഴി അറിയു​ന്നു.”—സങ്കീർത്തനം 1:3, 6. (w86 5/15)

[അടിക്കു​റി​പ്പു​കൾ]

നിങ്ങൾ എങ്ങനെ വിശദീ​ക​രി​ക്കും?

◻ ദൈവ​വ​ചനം നമ്മെ പഠിപ്പി​ക്കാൻ കേവലം മററു​ള്ള​വരെ ആശ്രയി​ക്കു​ന്നതു മതിയാ​കാ​ത്ത​തെ​ന്തു​കൊണ്ട്‌?

◻ ബൈബിൾ പഠിക്കു​ന്ന​തിൽനിന്ന്‌ നമുക്ക്‌ എന്ത്‌ അനു​ഗ്ര​ഹങ്ങൾ ലഭിക്കും?

◻ ബൈബിൾ പഠിക്കു​ന്ന​തിന്‌ എങ്ങനെ സമയം കണ്ടെത്താൻ കഴിയും?

◻ നാം പഠിക്കു​മ്പോൾ ശ്രദ്ധാ​കേ​ന്ദ്രീ​ക​ര​ണ​ത്തി​നുള്ള ചില സഹായ​ങ്ങ​ളേവ?

◻ വീക്ഷാ​ഗോ​പു​രാ​ദ്ധ്യ​യ​ന​ത്തി​നു തയ്യാറാ​കു​മ്പോ​ഴത്തെ നമ്മുടെ ലക്ഷ്യം എന്തായി​രി​ക്കണം?

[12-ാം പേജിലെ ചിത്രം]

ബൈബിൾ വായി​ച്ചതു നിമിത്തം ആളുകൾ മരി​ക്കേ​ണ്ടി​വ​ന്നി​ട്ടുണ്ട്‌

[13-ാം പേജിലെ ചിത്രം]

നമ്മുടെ തിരക്കു​പി​ടിച്ച ജീവി​ത​ത്തിൽ എവി​ടെ​യെ​ങ്കി​ലും ദൈവ​വ​ചനം പരിചി​ന്തി​ക്കു​ന്ന​തിന്‌ നാം സമയം കണ്ടെത്തണം