3 വ്യായാ​മം പതിവാക്കുക

കായി​കപ്ര​വർത്ത​ന​ങ്ങ​ളിൽ ഏർപ്പെ​ടുക. ശരീരം അനങ്ങി ജോലിചെ​യ്യു​ന്ന​തിന്റെ​യും വ്യായാ​മം ചെയ്യു​ന്ന​തിന്റെ​യും പ്രയോ​ജ​നങ്ങൾ പലതാണ്‌. അത്‌ മനസ്സിനു സന്തോഷം പകരും, നേരാം​വണ്ണം ചിന്തി​ക്കാൻ സഹായി​ക്കും, ഊർജ​സ്വ​ലത നൽകും, കാര്യ​ക്ഷമത വർധി​പ്പി​ക്കും. ഇനി, വ്യായാ​മത്തോടൊ​പ്പം ഭക്ഷണനി​യന്ത്രണം കൂടെ​യുണ്ടെ​ങ്കിൽ തൂക്കം വർധി​ക്കാ​തെ നോക്കാം. കടുത്ത വ്യായാ​മ​മു​റകൾ ആവശ്യ​മില്ല. ചിട്ട​യോ​ടെ ആഴ്‌ച​യിൽ പലതവണ വ്യായാ​മം ചെയ്‌താൽ നല്ല ആരോ​ഗ്യം ഉറപ്പാ​ക്കാം.

ജോഗിങ്‌, നടത്തം, സൈക്ലിങ്‌, സ്‌പോർട്‌സ്‌ തുടങ്ങി​യവ പ്രതിരോ​ധശേഷി വർധി​പ്പി​ക്കും, ഹൃദയാ​ഘാ​ത​വും മസ്‌തി​ഷ്‌കാ​ഘാ​ത​വും തടയും. വിയർക്കു​ന്ന​തു​വരെ വ്യായാ​മം ചെയ്യു​ന്ന​താണ്‌ ഗുണകരം. ഇത്തരം എയ്‌റോ​ബിക്‌ വ്യായാ​മ​ങ്ങളോടൊ​പ്പം എല്ലുകളെ​യും പേശി​കളെ​യും ബലപ്പെ​ടു​ത്തുന്ന മറ്റു ലഘുവ്യാ​യാ​മ​ങ്ങ​ളും ചെയ്യാം. ഈ വ്യായാ​മ​മു​റകൾ ഉപാപചയ പ്രവർത്ത​നങ്ങൾ ത്വരി​തപ്പെ​ടു​ത്തു​ന്ന​തി​നാൽ ശരീര​ത്തി​ന്റെ തൂക്കം നിയ​ന്ത്രി​ച്ചു​നി​റു​ത്താൻ സഹായ​ക​മാണ്‌.

കഴിയു​ന്ന​തും നടക്കാൻ നോക്കുക. ഏതു പ്രായ​ക്കാർക്കും വ്യായാ​മം ഗുണംചെ​യ്യും. ജിം​നേ​ഷ്യ​ത്തിൽ പോയാ​ലേ വ്യായാ​മം ചെയ്യാ​നാ​കൂ എന്നില്ല. നടന്നു പോകാ​വു​ന്നി​ടത്തൊ​ക്കെ നടന്നു​തന്നെ പോകുക. ആരോ​ഗ്യ​ത്തി​നു ഗുണക​ര​മാണെന്നു മാത്രമല്ല, ചില​പ്പോൾ ഉദ്ദേശി​ച്ച​തി​ലും നേരത്തെ ലക്ഷ്യസ്ഥാ​നത്ത്‌ എത്താനും അതായി​രി​ക്കും നല്ലത്‌. അതു​പോ​ലെ, ലിഫ്‌റ്റി​നു​പ​കരം ഗോവണി ഉപയോ​ഗി​ക്കുക. വീടിനു വെളി​യിൽ ഓടി​ച്ചാ​ടി കളിക്കാൻ മാതാ​പി​താ​ക്കൾ കുട്ടി​കളെ അനുവ​ദി​ക്കണം. അത്‌ അവരുടെ പേശീ​ബലം വർധി​പ്പി​ക്കും. ശരീര​ഭാ​ഗ​ങ്ങ​ളു​ടെ ഏകോ​പനം സാധ്യ​മാ​ക്കു​ന്ന​തി​ലും അതിനു വലി​യൊ​രു പങ്കുണ്ട്‌. വീഡി​യോ ഗെയിംപോ​ലെ എവി​ടെയെ​ങ്കി​ലും ചടഞ്ഞി​രു​ന്നുള്ള കളിക​ളി​ലൂ​ടെ ഈ പ്രയോ​ജ​നങ്ങൾ ലഭിക്കു​ക​യില്ല.

വ്യായാ​മ​ത്തിന്‌ പ്രായം ഒരു തടസ്സമല്ലെന്ന്‌ ഓർക്കുക. മിതമായ വ്യായാ​മം വലിയ പ്രയോ​ജനം ചെയ്യും. പ്രായ​മാ​യ​വ​രും ആരോ​ഗ്യപ്ര​ശ്‌നങ്ങൾ ഉള്ളവരും വ്യായാ​മം തുടങ്ങാൻ തീരു​മാ​നി​ക്കു​ന്ന​തി​നു​മുമ്പ്‌ ഡോക്‌ടറോ​ടു സംസാ​രി​ക്കണം. പക്ഷേ വ്യായാ​മം വേണ്ടെ​ന്നുവെ​ക്ക​രുത്‌. കുറേശ്ശെ​യാ​യി​ട്ടാണ്‌ വ്യായാ​മം ചെയ്‌തു​തു​ടങ്ങേ​ണ്ടത്‌. അത്‌ അമിത​മാ​കാ​തി​രി​ക്കാ​നും ശ്രദ്ധി​ക്കണം. അങ്ങനെ​യാ​യാൽ എത്ര പ്രായ​മാ​യ​വർക്കും പേശീ​ബ​ല​വും അസ്ഥിബ​ല​വും കാത്തു​സൂ​ക്ഷി​ക്കാ​നാ​കും. അതാകട്ടെ, വീഴ്‌ചകൾ ഒഴിവാ​ക്കാൻ സഹായി​ക്കും.

ആദ്യ​ലേ​ഖ​ന​ത്തിൽ പരിച​യ​പ്പെട്ട റുസ്റ്റത്തെ സഹായി​ച്ചത്‌ വ്യായാ​മ​മാണ്‌. ഏഴുവർഷം​മുമ്പ്‌ അദ്ദേഹ​വും ഭാര്യ​യും രാവിലെ ചെറിയ തോതിൽ ജോഗിങ്‌ ചെയ്യാൻ തുടങ്ങി, ആഴ്‌ച​യിൽ അഞ്ചുദി​വസം. “ആദ്യ​മൊ​ക്കെ ഓരോ​രോ കാരണങ്ങൾ കണ്ടെത്തി പോകാ​തി​രി​ക്കാൻ നോക്കു​മാ​യി​രു​ന്നു.” റുസ്റ്റം പറയുന്നു. “പക്ഷേ കൂടെ ഒരാൾ ഉണ്ടെങ്കിൽ തനിച്ചുപോ​കു​ന്ന​തിനെ​ക്കാൾ ഉത്സാഹം തോന്നും. ഇപ്പോൾ ജോഗി​ങ്ങി​നു പോകാൻ ഞങ്ങൾക്ക്‌ ഇഷ്ടമാണ്‌.” (g11-E 03)