Skeda għal-​Laqgħat tas-​Servizz

Ġimgħa li Tibda 12 taʼ Mejju

Għanja 1

10 min: Avviżi lokali. Avviżi magħżulin mill-​Ministeru tas-​Saltna. Uża s-​suġġerimenti f’paġna 8, u ħejji turija taʼ kif jiġi preżentat It-​Torri taʼ l-​Għassa tal-​15 taʼ Mejju flimkien maʼ ħarġa oħra taʼ Stenbaħ! Minkejja li ssir preżentazzjoni fuq It-​Torri taʼ l-​Għassa biss, iż-​żewġ rivisti għandhom jiġu offruti flimkien. Semmi l-​arranġament tad-​donazzjonijiet.

20 min: Ġenituri—Għinu lil Uliedkom Jagħmlu Progress. Taħdita li tiddiskuti punti prinċipali tal-​ktieb Ministry School, paġni 9-​12 u 21-​38. Inkuraġġixxi lill-​ġenituri biex jużaw ftit minn dan il-​materjal fl-​istudju tagħhom tal-​familja, bil-​mira li jħarrġu lil uliedhom biex jagħmlu progress fil-​ministeru. Uri x’punti speċifiċi jistgħu jiġu użati biex it-​tfal jiġu megħjunin jiżviluppaw l-​abbiltajiet li għandhom bżonn.

15 min: “Fdati bl-​Aħbar Tajba.”a Ipprepara minn qabel biex pubblikatur jew tnejn jispjegaw fil-​qosor kif setgħu jirranġaw iċ-​ċirkustanzi persunali tagħhom ħalli jkunu jistgħu jieħdu sehem iktar fix-​xogħol taʼ l-​ippridkar.

Għanja 46 u talba taʼ l-​għeluq.

Ġimgħa li Tibda 19 taʼ Mejju

Għanja 62

15 min: Avviżi lokali. Rapport tal-​kontijiet. Iddiskuti “Il-​Bini Internazzjonali tas-​Swali tas-​Saltna f’Xi Pajjiżi Ewropej.” Semmi li l-​bini taʼ Swali tas-​Saltna kemm f’postijiet b’riżorsi limitati u kemm dawk fit-​territorju lokali huwa appoġġat mill-​kontribuzzjonijiet lill-​Fond għas-​Swali tas-​Saltna.

15 min: “Napprezzaw lill-​Pijunieri.” L-​indokratur tas-​servizz jiddiskuti l-​informazzjoni maʼ żewġ pijunieri jew tlieta. Qanqal lill-​pijunieri jgħidu kif inkuraġġew lil oħrajn, u itlobhom jikkummentaw dwar x’inkuraġġiehom l-​iktar lokalment. Faħħar lill-​kongregazzjoni għall-​appoġġ li tagħti lill-​pijunieri.

15 min: “Faħħar lil Jehovah Permezz taʼ Xiehda Informali.” Taħdita u diskussjoni maʼ l-​udjenza. Meta tkun qed tiddiskuti paragrafu 3, staqsi lill-​udjenza dwar x’jistaʼ jintqal biex tinbeda diskussjoni mill-​Bibbja f’xi sitwazzjonijiet milli ġejjin: (1) waqt li tkun qiegħed fil-​kju biex tħallas f’xi ħanut, (2) meta tuża t-​trasport pubbliku, (3) maʼ xi ġâr li qiegħed jagħmel xi xogħol fil-​ġnien, (4) maʼ xi ħadd minn sħabek fil-​post tax-​xogħol, u (5) maʼ xi ħadd minn sħabek tal-​klassi fl-​iskola. Ipprepara minn qabel għal xi esperjenza lokali li turi kif pubblikatur ta xiehda informali b’suċċess.

Għanja 135 u talba taʼ l-​għeluq.

Ġimgħa li Tibda 26 taʼ Mejju

Għanja 174

10 min: Avviżi lokali. Fakkar lil kulħadd biex jitfaʼ r-​rapport tas-​servizz taʼ l-​għalqa għal Mejju. Uża s-​suġġerimenti f’paġna 8, u ħejji żewġ turijiet separati taʼ kif jiġu preżentati t-​Torri taʼ l-​Għassa taʼ l-​1 taʼ Ġunju u Stenbaħ! tat-​8 taʼ Ġunju. F’kull turija, iż-​żewġ rivisti għandhom jiġu offruti flimkien, minkejja li ssir preżentazzjoni fuq waħda minnhom biss. Fil-​konklużjoni taʼ waħda mill-​preżentazzjonijiet ħalli l-​fuljett Tixtieq Tkun Taf Iżjed dwar il-​Bibbja? maʼ inkwilin li ma jkunx aċċetta r-​rivisti.

10 min: Kaxxa għall-​Mistoqsija. Taħdita. Irrivedi fil-​qosor xi suġġerimenti għall-​preżentazzjonijiet fuq it-​telefon li jidhru fil-​Ministeru tas-​Saltna taʼ Frar 2001, f’paġna 6, paragrafi 12-15, jew xi suġġerimenti oħrajn li kienu effettivi fit-​territorju lokali.

25 min: “Il-​Kelma t’Alla Hija Verità.”b Uża l-​mistoqsijiet provduti. Stieden lil dawk fl-​udjenza biex jikkummentaw kif ġew megħjunin jitgħallmu l-​verità meta xi pubblikaturi użaw il-​Bibbja biex iwieġbu l-​mistoqsijiet li kellhom. Meta tkun qed tiddiskuti paragrafu 4, pubblikatur kapaċi jagħmel turija taʼ kif tintuża l-​Bibbja fl-​ewwel żjara, billi juża ftit mis-​suġġerimenti li jidhru fl-​artiklu “Uża l-​Kelma t’Alla Sew.”—km-MT 12/01 pġ. 1 pari. 3-4.

Għanja 188 u talba taʼ l-​għeluq.

Ġimgħa li Tibda 2 taʼ Ġunju

Għanja 210

10 min: Avviżi lokali. Irrivedi xi suġġeriment jew tnejn mill-​insert tal-​Ministeru tas-​Saltna taʼ Jannar 2002 biex jiġu preżentati l-​browxer X’Jirrikjedi u l-​ktieb Għarfien.

20 min: Żwieġ Onorabbli—Obbligu Divin. Taħdita u diskussjoni maʼ l-​udjenza. F’ħafna artijiet, huwa komuni għall-​koppji biex jgħixu flimkien mingħajr ma jkunu miżżewġin legalment. Xi wħud isostnu li dan għandu vantaġġi prattiċi. Uri x’inhi l-​ħarsa tal-​Bibbja, billi tenfasizza li ż-​żwieġ huwa taʼ oriġini divina. (rs pġi. 248-9) Il-​fatt li tnejn jgħixu flimkien mingħajr ma jkunu miżżewġin huwa fornikazzjoni. (fy-MT pġ. 17) Għall-​kuntrarju taʼ x’jaħsbu ħafna, l-​istudji juru li meta tgħix maʼ xi ħadd qabel iż-​żwieġ dan inaqqas il-​potenzjal li ż-​żwieġ ikun wieħed taʼ suċċess. (g02 3/8 pġ. 29; g92 9/8 pġ. 28; g91 5/8 pġ. 28) Il-​Kristjani jonoraw lil Jehovah billi jżommu mal-​livelli tiegħu. Billi jagħmlu dan, jibbenefikaw huma wkoll.—Is. 48:17, 18.

15 min: Kif Qiegħed Tibbenefika? Diskussjoni maʼ l-​udjenza li għandha tingħata mill-​indokratur taʼ l-​iskola. Mill-​bidu taʼ Jannar, l-​Iskola tal-​Ministeru Teokratiku bdiet titqassam b’mod differenti. Irrivedi fil-​qosor xi ftit mill-​aspetti l-​ġodda taʼ l-​iskola. Uri l-​benefiċċji li rriżultaw s’issa. Hemm iktar li nkitbu fl-​iskola? Hemm iktar ħeġġa biex l-​udjenza tipparteċipa? L-​istudenti kif qegħdin jibbenefikaw mill-​arranġamenti l-​ġodda taʼ kif jingħataw il-​pariri? Stieden lill-​udjenza biex tgħid kif ibbenefikat personalment s’issa u kif tħoss li l-​programm il-​ġdid se jgħinha fil-​futur.

Għanja 225 u talba taʼ l-​għeluq.

[Noti taʼ taħt]