¿Nda̱saa kivi sána̱ʼún na̱ chée ña̱ taana letra?

1. Na̱ sána̱ʼún, xíniñúʼu taana letra táʼan ña̱ va̱xi nu̱ú tutu yóʼo, ta saáví kixáʼana taana letra ndaʼa̱. Letra ña̱ va̱xi nu̱ú tutu yóʼo kamaka kútu̱ʼvana taana ña̱yóʼo chi iin kúúña xíʼin letra ña̱ va̱xi nu̱ú inka tutu.

2. Sa̱ta̱ tutu yóʼo va̱xi u̱vi̱ nu̱ú letra ña̱ xíniñúʼuyó tá táayó. Tá xa̱kixáʼana taana letra, kivi chindúʼuna iin tutu sa̱ta̱ iin iin letra ta saá natavánaña. Ku̱a̱ʼá yichi̱ keʼéna ña̱yóʼo ta saáví kixáʼana taana.

3. Kamaka kútu̱ʼvana kaʼvina letra nu̱úka ña̱ kutu̱ʼvana taana. Xa̱ʼa ña̱kán va̱ása kundatún sákuaʼa va̱ʼana taana saáví sána̱ʼúnna kaʼvina inka letra ña̱ kúni̱ka sákuaʼana. Ndakáʼún chi ña̱ va̱ʼa kutu̱ʼvana iin iin letra xíniñúʼu ku̱a̱ʼá yichi̱ taanaña.

4. Ni ku̱a̱ʼá chiñu xíni̱na keʼéna, su̱ví iin kúúña xíʼin ña̱ sákuaʼana taana, chi ña̱yóʼo xuxakaña á yo̱ʼvikaña ta kivi ndakava-inina xíʼinña. Va̱ása asandúxaún xíʼinna ña̱ vi̱í ná taana letra.