¿Á ta̱ Jesús kúú Ndióxi̱ ta̱ kúúmií ndiʼi ndee̱?

Ña̱ káʼa̱n Biblia xa̱ʼa̱ ña̱yóʼo

Na̱ xi̱saa̱-ini xi̱xini ta̱ Jesús ni̱ka̱ʼa̱nna ña̱ vatá xa̱ʼa̱ra chi ni̱ka̱ʼa̱nna ña̱ ni̱ka̱ʼa̱nra ña̱ íyora nda̱a̱ táki̱ʼva íyo Ndióxi̱ (Juan 5:18; 10:30-33). Soo ta̱kán nda̱a̱ ni iin yichi̱ kǒo níka̱ʼa̱nra ña̱ kúúra Ndióxi̱ ta̱ kúúmií ndiʼi ndee̱. Chi ña̱ ni̱ka̱ʼa̱nra kúú ña̱yóʼo: “Káʼnukava yivái̱ nu̱ú yi̱ʼi̱” (Juan 14:28).

Ni na̱ cristiano na̱ xi̱ndoo tá siglo nu̱ú va̱ása níndakanixi̱nína ña̱ kúú ta̱ Jesús Ndióxi̱ ta̱ kúúmií ndiʼi ndee̱. Tá kúú, ta̱ apóstol Pablo ka̱ʼyira ña̱ tá sa̱ndátaku Ndióxi̱ ta̱ Jesús, “ta̱xira ña̱ kuumiíra iin chiñu ña̱ káʼnuka”. Xíʼin ña̱yóʼo kúnda̱a̱-iniyó ña̱ va̱ása níxi̱ndakanixi̱ní ta̱ Pablo ña̱ xi̱kuu ta̱ Jesús Ndióxi̱ ta̱ kúúmií ndiʼi ndee̱. Tá saá níxi̱ndakanixi̱níra, ¿á ka̱ʼa̱nvíra ña̱ ta̱xi Ndióxi̱ iin chiñu ña̱ káʼnuka ndaʼa̱ ta̱ Jesús? (Filipenses 2:9).