¿Ndáa xa̱ʼa̱ kúú ña̱ xíʼi̱yó?

Ña̱ káʼa̱n Biblia xa̱ʼa̱ ña̱yóʼo

Tá xa̱a̱ xíʼi̱ iin na̱ kúʼvi̱-inina xínina saá kúú ña̱ ku̱a̱ʼánína ndáka̱tu̱ʼunna miína ña̱yóʼo. Biblia káchiña xíʼi̱na xa̱ʼa̱ ña̱ kúúna na̱ yiví ku̱a̱chi (1 Corintios 15:56).

¿Nda̱chun kúúyó na̱ yiví ku̱a̱chi ta xíʼi̱yó?

Ta̱ Adán xíʼin ñá Eva xi̱kuuna na̱ yiví na̱ nu̱ú ni̱xi̱yo, xa̱ʼa̱ ña̱ kǒo níxiniso̱ʼona ta̱ i̱xava̱ʼa miína ni̱xi̱ʼi̱vana (Génesis 3:17-19). Tá ni̱ki̱ʼvina nu̱ú ku̱a̱chi ni̱kuxíkána nu̱ú Ndióxi̱ “ta̱ táxi ña̱ táku na̱ yiví” ta̱ xa̱ʼa̱ ña̱kán kúú ña̱ ni̱xi̱ʼi̱na (Salmo 36:9; Génesis 2:17).

Ta̱ Adán sa̱yáʼara ku̱a̱chi sa̱tá ndiʼi se̱ʼera, Biblia káʼa̱nña xa̱ʼa̱ ña̱yóʼo: “Ña̱kán, xa̱ʼa̱ iin ta̱a kúú ña̱ ni̱ki̱ʼvi ku̱a̱chi ñuyǐví yóʼo ta xa̱ʼa̱ ku̱a̱chi yóʼo kúú ña̱ xíʼi̱yó, tasaá kúú ña̱ ki̱xáʼa xíʼi̱ ndiʼi na̱ yiví, chi ndiʼina ni̱ki̱ʼvi ku̱a̱chi” (Romanos 5:12). Xa̱ʼa̱ ña̱ ndiʼiyó kúúyó na̱ yiví ku̱a̱chi ndiʼiyó xíʼi̱ (Romanos 3:23).

Tá ná ndiʼi-xa̱ʼa̱ ña̱ xíʼi̱yó

Ndióxi̱ ni̱ka̱ʼa̱nra ña̱ “sandíʼi-xa̱ʼa̱ va̱ʼara ña̱ xíʼi̱ na̱ yiví” (Isaías 25:8) Soo ña̱ va̱ʼa kéʼéra ña̱yóʼo xíniñúʼu sandíʼira xa̱ʼa̱ ku̱a̱chi. Ta kivi keʼéra ña̱yóʼo xa̱ʼa̱ ña̱ ke̱ʼé ta̱ Jesucristo “ta̱ sándiʼi-xa̱ʼa̱ ku̱a̱chi ñuyǐví yóʼo” (Juan 1:29; 1 Juan 1:7).