1 Crónicas

6 Na̱ se̱ʼe ta̱ Leví xi̱kuu ta̱ Guersón, ta̱ Cohat xíʼin ta̱ Merarí. 2 Na̱ se̱ʼe ta̱ Cohat xi̱kuu ta̱ Amram, ta̱ Izhar, ta̱ Hebrón xíʼin ta̱ Uziel. 3 Na̱ se̱ʼe ta̱ Amram xi̱kuu ta̱ Aarón, ta̱ Moisés xíʼin ñá Míriam. Na̱ se̱ʼe ta̱ Aarón xi̱kuu ta̱ Nadab, ta̱ Abihú, ta̱ Eleazar xíʼin ta̱ Itamar. 4 Ta̱ Eleazar xi̱kuu yivá ta̱ Finehás; ta̱ Finehás xi̱kuu yivá ta̱ Abisúa. 5 Ta̱ Abisúa xi̱kuu yivá ta̱ Buquí; ta̱ Buquí xi̱kuu yivá ta̱ Uzí. 6 Ta̱ Uzí xi̱kuu yivá ta̱ Zerahías; ta̱ Zerahías xi̱kuu yivá ta̱ Merayot. 7 Ta̱ Merayot xi̱kuu yivá ta̱ Amarías; ta̱ Amarías xi̱kuu yivá ta̱ Ahitub. 8 Ta̱ Ahitub xi̱kuu yivá ta̱ Sadoc; ta̱ Sadoc xi̱kuu yivá ta̱ Ahimáaz. 9 Ta̱ Ahimáaz xi̱kuu yivá ta̱ Azarías; ta̱ Azarías xi̱kuu yivá ta̱ Johanán. 10 Ta̱ Johanán xi̱kuu yivá ta̱ Azarías. Ta̱yóʼo xi̱kuu su̱tu̱ ini templo ña̱ i̱xava̱ʼa ta̱ Salomón chí ñuu Jerusalén.

11 Ta̱ Azarías xi̱kuu yivá ta̱ Amarías; ta̱ Amarías xi̱kuu yivá ta̱ Ahitub. 12 Ta̱ Ahitub xi̱kuu yivá ta̱ Sadoc; ta̱ Sadoc xi̱kuu yivá ta̱ Salum. 13 Ta̱ Salum xi̱kuu yivá ta̱ Hilquías; ta̱ Hilquías xi̱kuu yivá ta̱ Azarías. 14 Ta̱ Azarías xi̱kuu yivá ta̱ Seraya; ta̱ Seraya xi̱kuu yivá ta̱ Jehozadac. 15 Tá xi̱niñúʼu Jehová ta̱ Nabucodonosor ña̱ va̱ʼa ndakiʼinra na̱ ñuu Judá xíʼin na̱ ñuu Jerusalén ku̱ʼu̱nna inka ñuu, saá kúú ña̱ nda̱kiʼinna ta̱ Jehozadac ku̱a̱ʼa̱n xíʼinna.

16 Na̱ se̱ʼe ta̱ Leví xi̱kuu ta̱ Guersom,* ta̱ Cohat xíʼin ta̱ Merarí. 17 Na̱yóʼo xi̱kuu na̱ se̱ʼe ta̱ Guersom: ta̱ Libní xíʼin ta̱ Simeí. 18 Na̱ se̱ʼe ta̱ Cohat xi̱kuu ta̱ Amram, ta̱ Izhar, ta̱ Hebrón xíʼin ta̱ Uziel. 19 Na̱ se̱ʼe ta̱ Merarí xi̱kuu ta̱ Mahlí xíʼin ta̱ Musí.

Na̱yóʼo xi̱kuu na̱ veʼe na̱ levita ta saátu ki̱vi̱ na̱ táʼanna na̱ xi̱ndoo xi̱naʼá. 20 Na̱ se̱ʼe ta̱ Guersom xi̱kuu ta̱ Libní, ta̱ Jáhat, ta̱ Zimá, 21 ta̱ Joá, ta̱ Idó, ta̱ Zérah, ta̱ Jeatrái. 22 Na̱ se̱ʼe ta̱ Cohat xi̱kuu ta̱ Aminadab, ta̱ Coré, ta̱ Asir, 23 ta̱ Elcaná, ta̱ Ebiasaf, ta̱ Asir, 24 ta̱ Táhat, ta̱ Uriel, ta̱ Uzías xíʼin ta̱ Shaúl. 25 Na̱ se̱ʼe ta̱ Elcaná xi̱kuu ta̱ Amasái xíʼin ta̱ Ahimot. 26 Ta na̱ se̱ʼe ta̱ Elcaná xi̱kuu ta̱ Zofái, ta̱ Náhat, 27 ta̱ Eliab, ta̱ Jeroham xíʼin ta̱ Elcaná. 28 Se̱ʼenu̱ú ta̱ Samuel xi̱kuu ta̱ Joel, ta ta̱ u̱vi̱ xi̱kuu ta̱ Abías. 29 Na̱ se̱ʼe ta̱ Merarí xi̱kuu ta̱ Mahlí, ta̱ Libní, ta̱ Simeí, ta̱ Uzá,* 30 ta̱ Simeá, ta̱ Haguías xíʼin ta̱ Asaya.

31 Na̱yóʼo kúú na̱ nda̱kaxin ta̱ David ña̱ va̱ʼa kuniʼina yichi̱ nu̱ú na̱ xi̱xita ini veʼe Jehová tá xa̱a̱ ni̱xa̱a̱ tú Arca xi̱kundichinú kán. 32 Na̱yóʼo kúú na̱ xi̱niʼi yichi̱ nu̱ú na̱ xi̱xita ini tabernáculo, nda̱a̱ tá i̱xava̱ʼa ta̱ Salomón veʼe Jehová chí Jerusalén, ta ke̱ʼéna chiñuna nda̱a̱ táki̱ʼva ni̱ka̱ʼa̱nna xíʼinna. 33 Na̱ ta̱a yóʼo kúú na̱ xi̱keʼé chiñu yóʼo xíʼin na̱ se̱ʼena: ta̱ Hemán ta̱ ki̱xi ti̱xin na̱ veʼe na̱ cohatita kúú ta̱ xi̱xita, ta xi̱kuura se̱ʼe ta̱ Joel, se̱ʼe ta̱ Samuel, 34 se̱ʼe ta̱ Elcaná, se̱ʼe ta̱ Jeroham, se̱ʼe ta̱ Eliel, se̱ʼe ta̱ Tóah, 35 se̱ʼe ta̱ Zuf, se̱ʼe ta̱ Elcaná, se̱ʼe ta̱ Máhat, se̱ʼe ta̱ Amasái, 36 se̱ʼe ta̱ Elcaná, se̱ʼe ta̱ Joel, se̱ʼe ta̱ Azarías, se̱ʼe ta̱ Sofonías, 37 se̱ʼe ta̱ Táhat, se̱ʼe ta̱ Asir, se̱ʼe ta̱ Ebiasaf, se̱ʼe ta̱ Coré, 38 se̱ʼe ta̱ Izhar, se̱ʼe ta̱ Cohat, se̱ʼe ta̱ Leví, se̱ʼe ta̱ Israel.

39 Ta ñanira* ta̱ Asaf xi̱ndichira chí ndaʼa̱ kúaʼara; ta̱ Asaf xi̱kuura se̱ʼe ta̱ Berekías, se̱ʼe ta̱ Simeá, 40 se̱ʼe ta̱ Miguel, se̱ʼe ta̱ Baaseyá, se̱ʼe ta̱ Malkiya, 41 se̱ʼe ta̱ Etní, se̱ʼe ta̱ Zérah, se̱ʼe ta̱ Adaya, 42 se̱ʼe ta̱ Etán, se̱ʼe ta̱ Zimá, se̱ʼe ta̱ Simeí, 43 se̱ʼe ta̱ Jáhat, se̱ʼe ta̱ Guersom, se̱ʼe ta̱ Leví.

44 Na̱ ñanira na̱ ki̱xi ti̱xin na̱ veʼe ta̱ Merarí xi̱nditana chí ndaʼa̱ yitinra; kán xi̱ndichi ta̱ Etán, se̱ʼe ta̱ Quisí, se̱ʼe ta̱ Abdí, se̱ʼe ta̱ Maluc, 45 se̱ʼe ta̱ Hasabías, se̱ʼe ta̱ Amasías, se̱ʼe ta̱ Hilquías, 46 se̱ʼe ta̱ Amzí, se̱ʼe ta̱ Baní, se̱ʼe ta̱ Sémer, 47 se̱ʼe ta̱ Mahlí, se̱ʼe ta̱ Musí, se̱ʼe ta̱ Merarí, se̱ʼe ta̱ Leví.

48 Na̱ ñanira na̱ levita kúú na̱ nda̱kaxinna ña̱ keʼéna ndiʼi chiñu ti̱xin tabernáculo, ña̱ xi̱kuu veʼe Ndióxi̱ ta̱ nda̱a̱. 49 Ta̱ Aarón xíʼin na̱ se̱ʼera kúú na̱ xi̱xaʼmi kití* ta xi̱sokónarí nu̱ú altar ña̱ va̱ʼa kana yi̱ʼma̱rí ta saátu xi̱sokóna ña̱ʼa nu̱ú altar nu̱ú xi̱chiʼmána. Sa̱xínuna ndiʼi chiñu ña̱ xi̱niñúʼu keʼéna xíʼin ña̱ʼa ña̱ yi̱i̱ ña̱ va̱ʼa ndoo ku̱a̱chi na̱ ñuu Israel, nda̱a̱ táki̱ʼva ni̱ka̱ʼa̱n ta̱ Moisés xíʼinna, ta̱ xi̱kachíñu nu̱ú Ndióxi̱ ta̱ nda̱a̱. 50 Na̱yóʼo xi̱kuu na̱ se̱ʼe ta̱ Aarón: ta̱ Eleazar, ta̱ Finehás, ta̱ Abisúa, 51 ta̱ Buquí, ta̱ Uzí, ta̱ Zerahías, 52 ta̱ Merayot, ta̱ Amarías, ta̱ Ahitub, 53 ta̱ Sadoc xíʼin ta̱ Ahimáaz.

54 Ña̱yóʼo kúú ñuu ña̱ ta̱xina ndaʼa̱na ta yóʼo kúú nu̱ú xi̱kundoona. Tá chi̱kaa̱na suerte,* na̱ siʼnaka nda̱kiʼinña xi̱kuu na̱ veʼe ta̱ Aarón na̱ ki̱xi ti̱xin na̱ veʼe na̱ cohatita, 55 ta nda̱kiʼinna Hebrón, ña̱ ni̱xi̱yo chí nu̱ú ñuʼú na̱ tribu ta̱ Judá, ta saátu ñuʼú nu̱ú íyo ku̱ʼu̱ ña̱ kixáʼan* kití sa̱na̱na. 56 Soo ñuʼú ña̱ ni̱xi̱yo ñuu kán ta saátu ñuu ña̱ ni̱xi̱yo yatin kán, ta̱xinaña ndaʼa̱ ta̱ Caleb se̱ʼe ta̱ Jefuné. 57 Ta ñuu nu̱ú kivi ku̱ʼu̱n na̱ yiví ña̱ va̱ʼa ka̱kuna ta̱xinaña ndaʼa̱ na̱ se̱ʼe ta̱ Aarón, nda̱kiʼinna Hebrón, saátu Libná xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, nda̱kiʼinna Jatir, Estemoa xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 58 Hilén xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Debir xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 59 Asán xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Bet-Semes xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na; 60 ta ña̱ ta̱xi na̱ tribu ta̱ Benjamín xi̱kuu Gueba xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Alémet xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Anatot xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na. Ndiʼi ñuu ña̱ nda̱kiʼinna ña̱ va̱ʼa kundoona xíʼin na̱ veʼena xi̱kuuña 13.

61 Ta ndiʼika na̱ cohatita na̱ ki̱ndoo, nda̱kiʼinna u̱xu̱ ñuu ña̱ xi̱kuu kuenta inkaka na̱ tribu ta saátu ña̱ xi̱kuu kuenta iin táʼví na̱ tribu ta̱ Manasés.

62 Ta na̱ tribu ta̱ Isacar, na̱ tribu ta̱ Aser, na̱ tribu ta̱ Neftalí xíʼin na̱ tribu ta̱ Manasés, ta̱xina 13 ñuu ña̱ ni̱xi̱yo chí Basán ndaʼa̱ na̱ se̱ʼe ta̱ Guersom ña̱ va̱ʼa ndataʼvínaña xíʼin na̱ veʼena.

63 Tá chi̱kaa̱na suerte, na̱ tribu ta̱ Rubén, na̱ tribu ta̱ Gad xíʼin na̱ tribu ta̱ Zabulón ta̱xina 12 ñuu ndaʼa̱ na̱ merarita ña̱ va̱ʼa ndataʼvínaña xíʼin na̱ veʼena.

64 Saá kúú ña̱ ke̱ʼé na̱ israelita tá ta̱xina ñuu ndaʼa̱ na̱ levita xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na. 65 Ta tá chi̱kaa̱tuna suerte, na̱ tribu ta̱ Judá, na̱ tribu ta̱ Simeón xíʼin na̱ tribu ta̱ Benjamín, ta̱xina ñuu ña̱ va̱xi ki̱vi̱ yóʼo ndaʼa̱na.

66 Ta sava na̱ veʼe na̱ cohatita nda̱kiʼinna sava ñuu ña̱ ni̱xi̱yo nu̱ú ñuʼú na̱ tribu ta̱ Efraín. 67 Nda̱kiʼinna ñuu nu̱ú kivi ku̱ʼu̱n na̱ yiví ña̱ va̱ʼa ka̱kuna, nda̱kiʼinna Siquem xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ña̱ íyo chí yuku̱, chí nu̱ú ndóo na̱ tribu ta̱ Efraín, Guézer xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 68 Jocmeam xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Bet-Horón xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 69 Ayalón xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Gat-Rimón xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na; 70 ta ndiʼika na̱ veʼe na̱ cohatita na̱ ki̱ndoo, iin táʼví na̱ tribu ta̱ Manasés kúú na̱ ta̱xi ñuu yóʼo ndaʼa̱na: Aner xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Bileam xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na.

71 Ta inka táʼví na̱ tribu ta̱ Manasés ta̱xina ñuu yóʼo ndaʼa̱ na̱ veʼe ta̱ Guersom: ta̱xina Golán ña̱ kíndo̱o chí Basán xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Astarot xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na; 72 na̱ tribu ta̱ Isacar ta̱xina Quedes xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Daberat xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 73 Ramot xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Anem xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na; 74 na̱ tribu ta̱ Aser ta̱xina Masal xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Abdón xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 75 Hucoc* xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Rehob xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na; 76 ta na̱ tribu ta̱ Neftalí ta̱xina Quedes ña̱ kíndo̱o chí Galilea xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Hamón xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Quiryataim xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na.

77 Ta na̱ tribu ta̱ Zabulón ta̱xina ñuu yóʼo ndaʼa̱ ndiʼika na̱ merarita na̱ ki̱ndoo: ta̱xina Rimono xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Tabor xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na; 78 ta na̱ tribu ta̱ Rubén ta̱xina ñuu ña̱ kíndo̱o chí táʼví este yu̱ta Jordán, yatin nu̱ú ndíkaa̱ ñuu Jericó: ta̱xina Bézer, ña̱ ndíkaa̱ chí nu̱ú ñuʼú yi̱chí, xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Jáhaz xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 79 Quedemot xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Mefaat xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na; 80 ta na̱ tribu ta̱ Gad ta̱xina Ramot ña̱ kíndo̱o chí Galaad xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, Mahanaim xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na, 81 Hesbón xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na ta saátu Jazer xíʼin ñuʼú nu̱ú íyo ku̱ʼu̱ ña̱ kixáʼan kití sa̱na̱na.