११ यरुसलेम पुग्नेबित्तिकै रहबामले यहुदा र बिन्यामिनको घरानाबाट+ १ लाख ८० हजार तालिमप्राप्त योद्धा जम्मा गरे किनकि तिनी इस्राएलसित युद्ध गरेर आफ्नो राज्य फिर्ता लिन चाहन्थे।+ २ तब साँचो परमेश्‍वर यहोवाका सेवक सेमायाहकहाँ+ उहाँको यो वचन आयो: ३ “सुलेमानका छोरा यहुदाका राजा रहबामलाई अनि यहुदा र बिन्यामिनको कुलका सबै इस्राएलीलाई यसो भन्‍नू: ४ ‘यहोवा यसो भन्‍नुहुन्छ: “तिमीहरू आफ्ना भाइबन्धुसित युद्ध गर्न माथि उक्लेर नजानू। तिमीहरू आ-आफ्नो घर फर्कनू किनकि मेरै इच्छाअनुसार यी सब भएको हो।”’”+ त्यसैले तिनीहरूले यहोवा परमेश्‍वरको वचन पालन गरे र आ-आफ्नो घर फर्के। तिनीहरू यरोबामसित युद्ध गर्न गएनन्‌।

५ अमस्याहले यहुदा र बिन्यामिनको कुलका सबै मानिसलाई जम्मा गरे र तिनीहरूलाई हजार-हजार र सय-सयका कप्तानहरूको नेतृत्वमा बुबापट्टिको घरानाअनुसार उभिन लगाए।+ अनि तिनले २० वर्ष र सोभन्दा माथिको उमेरका मानिसहरूको नाम दर्ता गरे।+ त्यहाँ भाला र ठूलो ढाल लिएर लडाइँमा जान सक्ने ३ लाख तालिमप्राप्त सैनिक पाइए।