उत्पत्ति

५ यो आदमका सन्तानको विवरण हो: परमेश्‍वरले आदमलाई आफ्नै स्वरूपमा बनाउनुभयो।+ २ उहाँले पुरुष र स्त्री बनाउनुभयो।+ उहाँले तिनीहरूलाई जुन दिन सृष्टि गर्नुभयो,+ त्यस दिन उहाँले तिनीहरूलाई आशिष्‌ दिनुभयो र तिनीहरूलाई मानिस* भन्‍नुभयो।

३ आदम १३० वर्षको हुँदा तिनको एउटा छोरा जन्मियो, जो तिनीजस्तै थिए। आदमले उसको नाम सेत+ राखे। ४ सेत जन्मेपछि आदम अरू ८०० वर्ष बाँचे। तिनका अरू छोराछोरी पनि जन्मिए। ५ आदम जम्मा ९३० वर्ष बाँचे; त्यसपछि तिनी मरे।+

६ सेत १०५ वर्षको हुँदा तिनका छोरा एनोस+ जन्मिए। ७ एनोस जन्मेपछि सेत अरू ८०७ वर्ष बाँचे। तिनका अरू छोराछोरी पनि जन्मिए। ८ सेत जम्मा ९१२ वर्ष बाँचे; त्यसपछि तिनी मरे।

९ एनोस ९० वर्षको हुँदा तिनका छोरा केनान जन्मिए। १० केनान जन्मेपछि एनोस अरू ८१५ वर्ष बाँचे। तिनका अरू छोराछोरी पनि जन्मिए। ११ एनोस जम्मा ९०५ वर्ष बाँचे; त्यसपछि तिनी मरे।

१२ केनान ७० वर्षको हुँदा तिनका छोरा महलालेल+ जन्मिए। १३ महलालेल जन्मेपछि केनान अरू ८४० वर्ष बाँचे। तिनका अरू छोराछोरी पनि जन्मिए। १४ केनान जम्मा ९१० वर्ष बाँचे; त्यसपछि तिनी मरे।

१५ महलालेल ६५ वर्षको हुँदा तिनका छोरा यारेद+ जन्मिए। १६ यारेद जन्मेपछि महलालेल अरू ८३० वर्ष बाँचे। तिनका अरू छोराछोरी पनि जन्मिए। १७ महलालेल जम्मा ८९५ वर्ष बाँचे; त्यसपछि तिनी मरे।

१८ यारेद १६२ वर्षको हुँदा तिनका छोरा हनोक+ जन्मिए। १९ हनोक जन्मेपछि यारेद अरू ८०० वर्ष बाँचे। तिनका अरू छोराछोरी पनि जन्मिए। २० यारेद जम्मा ९६२ वर्ष बाँचे; त्यसपछि तिनी मरे।

२१ हनोक ६५ वर्षको हुँदा तिनका छोरा मतुसेलह+ जन्मिए। २२ मतुसेलह जन्मेपछि पनि हनोक ३०० वर्षसम्म साँचो परमेश्‍वरले* देखाउनुभएको बाटोमा हिँडिरहे।* तिनका अरू छोराछोरी पनि जन्मिए। २३ हनोक जम्मा ३६५ वर्ष बाँचे। २४ तिनी परमेश्‍वरले देखाउनुभएको बाटोमा जीवनभर हिँडिरहे।+ त्यसपछि कसैले तिनलाई कहिल्यै देखेन। किनकि परमेश्‍वरले तिनलाई लैजानुभयो।+

२५ मतुसेलह १८७ वर्षको हुँदा तिनका छोरा लेमेक+ जन्मिए। २६ लेमेक जन्मेपछि मतुसेलह अरू ७८२ वर्ष बाँचे। तिनका अरू छोराछोरी पनि जन्मिए। २७ मतुसेलह जम्मा ९६९ वर्ष बाँचे; त्यसपछि तिनी मरे।

२८ लेमेक १८२ वर्षको हुँदा तिनको एउटा छोरा जन्मियो। २९ तिनले उसको नाम नुह*+ राखे र यसो भने: “यहोवा परमेश्‍वरले भूमिलाई सराप दिनुभएकोले हामीले कडा मेहनत गर्नुपरेको छ, निकै दुःख गर्नुपरेको छ।+ तर अब यस बालकले हामीलाई यी सबै कष्टबाट राहत* दिनेछ।” ३० नुह जन्मेपछि लेमेक अरू ५९५ वर्ष बाँचे। तिनका अरू छोराछोरी पनि जन्मिए। ३१ लेमेक जम्मा ७७७ वर्ष बाँचे; त्यसपछि तिनी मरे।

३२ नुह ५०० वर्षको भएपछि तिनका छोराहरू सेम,+ हाम+ र यापेत+ जन्मिए।