उकालीको गीत।
१२१ म आफ्नो आँखा पहाडहरूतिर उठाउँछु।+
मलाई मदत कहाँबाट आउँछ?
२ मलाई मदत यहोवाबाट आउँछ,+
जो आकाश र पृथ्वीका सृष्टिकर्ता हुनुहुन्छ।
३ उहाँले तिम्रा खुट्टा कहिल्यै चिप्लन दिनुहुनेछैन।+
तिम्रो रक्षा गर्नुहुने परमेश्वर कहिल्यै झुल्नुहुनेछैन।
४ हेर! इस्राएलको रक्षा गर्नुहुने परमेश्वर+ कहिल्यै झुल्नुहुनेछैन
न त उहाँ कहिल्यै निदाउनु नै हुनेछ।
५ यहोवा तिम्रो रक्षक हुनुहुन्छ।
यहोवा तिम्रो दाहिने हाततिरको+ तिम्रो छहारी+ हुनुहुन्छ।
६ न दिनको घामले न त रातको जूनले नै
तिमीलाई हानि पुऱ्याउनेछ।+
७ यहोवाले तिमीलाई सबै खतराबाट जोगाउनुहुनेछ,+
उहाँले तिम्रो जीवनको रक्षा गर्नुहुनेछ।+
८ तिमीले गर्ने सबै काममा यहोवाले तिम्रो रक्षा गर्नुहुनेछ,
अहिले र सदासर्वदा।