भजनसङ्‌ग्रह

१२५ यहोवामा भरोसा गर्नेहरू+ सियोन डाँडाजस्तै छन्‌,

जसलाई कहिल्यै हल्लाउन सकिँदैन,

जुन सधैँभरि स्थिर रहन्छ।+

 २ जसरी यरुसलेमको चारैतिर पहाडहरू छन्‌,+

त्यसरी नै यहोवा आफ्ना मानिसहरूको चारैतिर रहनुहुन्छ,+

अहिले र सदासर्वदा।

 ३ धर्मीहरूको अंशमा परेको जमिनमाथि दुष्टहरूको राजदण्ड रहनेछैन+

ताकि धर्मीहरू दुष्कर्मतिर नलागून्‌।*+

 ४ हे यहोवा, जो असल छन्‌, जो सोझो मनका छन्‌,+

तिनीहरूको भलाइ गर्नुहोस्‌।+

 ५ तर असल मार्गबाट तर्केर टेढो मार्गमा लाग्नेहरूलाई

यहोवाले कुकर्मीहरूसितै हटाउनुहुनेछ।+

इस्राएलमा शान्ति कायम रहोस्‌।