5. Yeeyo Yehova onaavekeiye asinthamwene awe

Mweeparipari hiyaano ninnaweherya ichu ikina wa asinthamwene ahu.

• Ichu taani ikina munachunaanyu wi asinthamwene anyu epakeke ntakhara nyuwaano?

Mwaalakhanye 1 Yohani 5:3, voocharela muthokororye nikoho nla:

• Tiheeni Yehova onaweheryeiye wa asinthamwene awe?

Wi niwerye omwiiwelela Yehova, nnaphwanela otoroka meecelo ni omuchu ahu. Mwaalakhanye Isaiya 48:17, 18, nave voocharela muthokororye nikoho nla:

• Ntakhara heeni Yehova onnaaveka asinthamwene awe opaka matorokelo?

Nyuwaano muhaakumve opatisiwa, ti woochuneya ohuserya sa Yehova ni okhalano nroromelo noolipa mwa yoowo. (Mwaalakhanye Ahebri 11:6.) Vaavaa munakhalaanyuno masuwelelo awaaca ni nroromelo noolipa, omusivela wanyu tho Yehova onahaala waaceereryeya. Voocharela, nyuwaano munahaala okhalano nchuno na waaleela sa yoowo ni okhala mwawiiwanana ni malamulo awe. (2 Timóteo 4:2; 1 Yohani 5:3) Vaava muchu onooniheryeiye wi onnachuna okhala wi ‘amuhakalalihe’ Yehova, owo akhweya onnalakelela oveleela ekumi awe wa Muluku ni opatisiwa.—Kolosi 1:9, 10.a

Mwaanyiherye wi muri mmaahini mmiryeyaka nave muchu onnarwa wi oovuluxeni. Apwanne mwaahaala ocuwala vooloca sa yeeyo muchu owo opankeiye ntakhara nyuwo? Naari wi mwaahaala waavya mikhalelo saahaala wooniherya wi munnathamalela yeeyo owo enreiye?

Nookhalano ewehereryo ya okhalano okumi okhala wookhala wa nthowa na yeeyo Yehova opankeiye. Mwaalakhanye 1 Yohani 4:8-10, nave muthokororye makoho ala:

• Ntakhara heeni mukucho wa Yesu oryaaya yamahala yavameekhaaya?

• Munoona hai vooloca sa yeeyo Yehova ni Yesu apankaaya ntakhara nyuwo?

Nni nooniherye hai othamalela yeeyo Yehova vamoha ni Yesu apankaaya wa hiyo? Mwaalakhanye 2 Korinto 5:15 ni 1 Yohani 4:11; 5:3. Mmanle waalakhanya yoorepa ti yoorepa, muthokororye nikoho nla:

• Mwawiiwanana ni yoorepa yeela, tiheeni nnaphwanelaahu weera wi nooniherye othamalela?

Apwanne munniisoona okhala awaacameleya wa Muluku ovinyerya vaavale mpacenryaanyu omuhuserya Piipiliya? Apwanne mwaamusiveliwa otitelela olipiha onthamwene anyu ni yoowo? Yaari hiiha, muupuwele wi vaavaa Yehova onooneiye osivela wanyu ni yoowo waaceereryeyaka, owo onamoosivelaani vancipale ni woothokororyaani. Nyenya muni mooniherye hai wi munnamusivela yoowo?

1. Nnooniherya hai wi ninnamusivela Yehova?

Ninnooniherya omusivela wahu ntakhara Yehova moorweela wa omwiiwelela. (Mwaalakhanye 1 Yohani 5:3.) Owo hanamukhinyererya muchu weerano yeeyo. Moohiyana, owo onnamvaha mmoha ti mmoha a hiyo ekari ya othanla waakhanle wi onammwiiwelela naari hooye. Ntakhara heeni? Nthowa nawi Yehova onachuna wi ‘nimwiiweleleke ni murima ahu woothene.’ (Aroma 6:17) Mmasu makina, owo onachuna wi nyuwaano mmwiiweleleke ni murima woothene, ohiya mookhinyereryiwa. Makupa 3 ni 4 a liivuru yoola, anamookhaviheryaani wooniherya osivela wanyu wa Yehova moorweela mwa weera ichu seiyo inamuhakalaliha ohiya seiyo oniiceiye.

2. Ntakhara heeni enanwerya okhala yoovila wooniherya omusivela wahu Yehova?

“Masooso a awookololowa murima annaaca.” (Salumu 34:19) Oothene ninnawaniha ni ohiphaameya wahu. Hiyaano akhweya nnanwerya ohoolela makacamiho a ophwanya ikhorowa, ohookololowa, ni makacamiho makina. Vaavaa nnahoolelaahu makacamiho, onamukhala woovila weera yeeyo Yehova onanivekeiye. Eyo eneereya nthowa nawi weera yeeyo eri yoonanara onanwerya okhala wookhweyaxa. Nyenya, vaavaa munamuroromelaanyu ni omwiiwelela Yehova, munnooniherya wi munnamusivela yoowo opwaha echu vyakala. Nave nyuwaano munnooniherya wi mwa muchu oororomeleya. Owo harwa oonyanyalaani.—Mwaalakhanye Salumu 4:3.

4. Muhakalalihe murima wa Yehova

Mwaalakhanye Masiposipo 27:11, nave voocharela muthokororye makoho ala:

• Yehova onoona hai vaavaa munakhalaanyu a miruku ni omwiiwelela yoowo? Ntakhara heeni?

5. Munanwerya okhala oororomeleya wa Yehova

EXILEMA: Defenda a sua fé mesmo enfrentando oposição (5:09)

• Apwanne munnoona okhala woovila waaleela akina vooloca sa Yehova?

• Mu exilema, tiheeni yaamukhavihenrye Klawutiyu ovootha woova?

Onnakhala wookhweya okhala oororomeleya wa Yehova wakhala wi ninnasiveliwa ni yeeyo onasiveliweiyeno ni wiica yeeyo oniiceiye. Mwaalakhanye Salumu 97:10, nave voocharela muthokororye makoho ala:

• Mwawiiwanana ni yeeyo muhusenryaanyu, tisivi mwa ichu ikina seiyo Yehova onasiveliweiyeno? Tisivi mwa ichu ikina seiyo Yehova oniiceiye?

• Muni nwerye hai ohuserya osiveliwakano yeeyo eri yaphaama ni wiica yeeyo eri yoonanara?

6. Ninnaphura vaavaa nnamwiiwelelaahu Yehova

Omwiiwelela ilukuluku soothene Yehova echu yaphaama. Mwaalakhanye Isaiya 48:17, 18, nave voocharela muthokororye makoho anacharela:

• Apwanne munuupuwela wi nnanwerya ororomela wi Yehova ilukuluku soothene onnasuwela yeeyo eri yaphaama wa hiyaano? Ntakhara heeni?

• Ti mwawiihai ichu muhusenryaanyu Mpiipiliyani ni vooloca sa Muluku eeparipari, Yehova, sookhavihenryaayaani ophiyerya hiihaano?

MUKWASU

Munanwerya wooniherya omusivela wanyu Yehova moorweela wa omwiiwelela ni otitelela okhala oororomeleya wa yene moohipwacha makacamiho.

Makoho awuuluulela

• Tiheeni muhusenryaanyu orweela wa yootakiherya ya Yobi?

• Munahaala wooniherya hai omusivela wanyu Yehova?

• Tiheeni enahaala wookhaviheryaani otitelela okhala oororomeleya wa Yehova?

OTHOLATHOLA

Moone ti mwawiihai munahaalaanyu okhala oororomeleya wa Yehova ni mmulokoni.

“Jeová é leal com os que são leais a ele” (16:49)

Muhuserye sincipale vooloca sa waakaaha wa Satana ntakhara achu

“Jó mantém a integridade” (A Bíblia—Qual É a Sua Mensagem? seção 6)

Moone ti mwawiihai ophiyerya tho anamwane anahaalaya owerya woniherya wi annamusivela Yehova.

Deixe Jeová feliz (8:16)

Ti mwawiihai mmiravo yoowo onahoolela okhinyererya wa amiravo akina oneereiye awerye okhala oororomeleya wa Muluku?

Musepe Okhinyererya wa Asinthamwene! (3:59)