CHILAYIJO 11
Zwawungate Kuti IBhayibhili Likubhanche Kasa
Wakabazubona na kuti kana ulinonshingo nkulwana wawumuda kuta unoshayiwa pokutangila? Kuti zukulelupile unokwanisa kutanga nozulelu. Ndozwazuli kana uda kubala iBhayibhili. Ungazubhuza kuti, ‘Ndotangila poni?’ Muchilayijo yechi tichabona zumwe zunu zulelu zwawungate kuti unakilwe nokubala iBhayibhili.
1. Neni ukwelela kubala iBhayibhili unshaji wose?
Unhu unobala iBhayibhili unshaji wose kana kuti “undawu waJehova,” uchaba unoshanta akale uchabhudilila. (Balani Lwimbo 1:1-3.) Unokwanisa kutanga nokubala kwamaminiti mashoma pezhuba nezhuba. Ungozibila kulibala iBhayibhili uchanakilijwa nokulibala.
2. Ungata chini kuti ubhanchikane nokubala iBhayibhili?
Kuti tibhanchikane nokubala iBhayibhil tokwelela kuyeyesesa nozwatimubala. Tokwelela kulibala akale “tiyeyesese nozumomukati.” (Joshuwa 1:8, mawhi apo pasi) Pawuchabebala zubhuze kuti: ‘Zwandimubala zunondilayijani nozwaJehova Mwali? Ndingazushingisa chini yozu mubupenyu bwangu? Ndingashingisa chini mavesi yaya kubhancha bamwe?’
3. Ndingawana chini unshaji wokubala iBhayibhili?
Unozubona zulizulemu na kuwana unshaji wokubala iBhayibhil? Kana uwha alo awujiliwoga. Kweja “kushingisa zubhodo unshaji uwo.” (BaEfesu 5:16) Nokuzupa unshaji wokubala iBhayibhili izhuba nezhuba. Bamwe bakashaluja kubala iBhayibhili kuseni. Bamwe banobala masikati. Bamwe banobala madeko besanu balala. Ani iwi ndiwupi unshaji ulokunakila?
FUNDA ZUNJI
Layijwa zwawunokwelela kuta kuti unakilijwe nokubala iBhayibhili. Layijwa kuti unokwelela kubambanyila chini kuti ukwanise kubhanchikana nokubala iBhayibhili.
Kutanga kubala iBhayibhili kunanga sokutanga kulya chikafu chawusilozibila koga unoopejeleja unakilwa
4. Zwawungate kuti unakilwe nokubala iBhayibhili
Zungakukomela kutanga kubala iBhayibhili. Nokudalo, unokwanisa “kuba nechido” chokubala iBhayibhili sozunota unhu paanotanga kulya chikafu chasilozibila. Balani 1 Pita 2:2, akale kwejisani nombuzo yoyu:
Ubweni sofana ungotanga kubala iBhayibhili izhuba nezhuba zuchakunakilija zokuti uchaba nechido chokundila mbeli ulibala?
Yebani iVIDIYO tibone kuti bamwe banhu bakatanga chini kunakilwa nokubala iBhayibhili. Akale kwejisani nemibhuzo inotobela.
Ndibupi bukukutu bwakashangana nabachinokubuka bwawabona muvidiyo?
Ini zwakababhancha kuti bendilile mbeli nokubala iBhayibhili unshaji wose?
Bakata chini kuti benakilwe nokubala iBhayibhili?
Hozu zungakubhancha kubala iBhayibhili:
Shingisa iBhayibhili liloshandulilwa munzila inowhisisika. Kweja IBhayibhili Elingcwele ehunyutshwe ngolimi loluzwisisayo.
Tanga kubala mavesi anenyaya jimo muBhayibhili jinokunakilija. Kuti ungazuta chini linga ichati linoti “Kutanga Kubala IBhayibhili.”
Kwala pasi mavesi awabala. Shingisa “Pulogilamu Yokubala IBhayibhili” imomubhuku lyakaleli.
Shingisa i-app inowi® JW Library. Inokubhancha kubala kana kuwhilila iBhayibhili pefoni iyo kana panazumwe zwamazhubano.
Shingisa ISengezo IBhayibhili Elingcwele . Linamamepu namachati zuchata kuti unakilwe nokubala iBhayibhili.
5. Bambanyila zufundo zuzo
Balani Lwimbo 119:34, akale kwejisani nombhuzo yoyu:
Neni zulizubhodo kutanga nokunamata usanu wabala iBhayibhili kana kubambanyila zufundo zuzo?
Ungata chini kuti ubhanchikane nechilayijo chimwe nechimwe? Pawunobambanyila zulayijo zumomukosi yeyi ita zwinotobela:
Bala mapalagirafu apo pokutanga pechilayijo chimwe nechimwe.
Zhula mavesi ubone kuti anokwendelana chini nozwawumukubala.
Maka panowanika inshandulo yombuzo umwe nomwe; yozu zuchakubhancha pamunobeta chilayijo nonhu unokulayija.
Wabezuziba na?
BaSumikiji baJehova banoshingisa maBhayibhili alosiyana-siyana. Koga banowaja kushingisa IBhayibhili Elingcwele nokuti linoleba zulizo, linowhisisika akale linezina lyaMwali. Linga inyaya ipo peintaneti inowi “Ofakazi BakaJehova BaleBhayibhili Labo Yini?”
BAMWE BANOTI: “IBhayibhili alitowhisisika linonyenyejana. Andina nshaji wokulibala.”
Ani iwi unotini?
INI ZWAWAFUNDA
Kuti ubhanchikane neBhayibhili, zupe nshaji wokulibala, namatila kuti uwhisisise zwawumubala, akale ubambanyile zufundo zuzo.
Kubwilulula
Ini zuchakubhancha kuti ubhanchikane neBhayibhili?
Ndilini pawungawane unshaji wokubala nokulayijwa iBhayibhili?
Neni zulizubhodo kubambanyila zufundo zuzo?
PAMIJA PANA ZWAWAWANA
Bwilulula zumwe zungakubhancha kuti uliwhisisise iBhayibhili.
“Ungenzani Ukuze Ulizwisise IBhayibhili” (INqabayokulinda No. 1 2017)
Layijwa zunu zutatu zwawungate kana uda kubala iBhayibhili.
“Indlela IBhayibhili Elingakunceda Ngayo?—Ingxenye 1: Zijayeze Ukulibala” (Inyaya ipo peintaneti)
Wana kuti unganakilwa chini nokubala iBhayibhili.
Iwha zunotiwa nabamwe babanamakole bebala iBhayibhili.