CHILAYIJO 12
Ini Zuchakubhancha Kuti Undilembeli Ulayijwa nozweBhayibhili?
Kulayijwa iBhayibhili kunotibhancha. Koga azutobazulelu. Umwe unshaji unosowha uda kuleka kulayijwa iBhayibhili. Neni tisinokwelela kulekeja? Ini zungakubhancha kuti undililembeli zusineni nobukukutu bwawunoshangamijana nabo?
1. Neni kulayijwa iBhayibhili kukakosha?
“Iwhi lyaMwali ibhenyu akale linesimba.” (BaHebhelu 4:12) IBhayibhili lilokosha nokuti linotibuja kuti Mwali unoyeyani akale unowha chini nozuzo. Linokubhancha kuti ube noluzibo, buchenjevu bwechokomende akale nechibimbo. Koga zulokosha kasa lichakubhancha kuti ube unkwayina waJehova. Pawunobelayijwa iBhayibhili unebevumila isimba lyalo kuti lishinge mubupenyu bubo.
2. Neni zukakosha kuziba chokomende imomuBhayibhili?
Chokomende imomuBhayibhili inanga sefuma ilokosha. Ndizo iBhayibhili litikutayija kuti “titenge ichokomende akale tisilitengese.” (Zwichimbe 23:23) Kana tikagala tikumbuluka kuti ichokomende imomuBhayibhili ilokosha tichashinga nesimba kuti tilifunde kojoba tishangamijana nobulemu. Balani Zwichimbe 2:4, 5.
3. Jehova angakubhancha chini kuti undililembeli ulayijwa?
Sezwo elinkwayina nombumbi wedu, Jehova unoda kukubhancha kuti unzibe. Unotubula kukupa “chido nesimba lyokuta zunonshantisa.” (Balani BaFilipi 2:13.) Unokwanisa kuta kuti ube nechido chokulayijwa akale ukwanise kushingisa zwawalayijwa. Unokwanisa kukupa isimba lyokumisikijana nobukukutu akale nokunyenyejwa kwawunoshangana nako. Namata unshaji wose kuna Jehova kuti ekubhanche undilembeli ulayijwa iBhayibhili. 1 BaTesalonika 5:17.
FUNDA ZUNJI
Bona zungakubhancha kuti undilembeli ulayijwa iBhayibhili zusineni nokubhatikana kana kunyenyejwa. Uchabona kuti Jehova angakubhancha chini kuti undilembeli ulayijwa.
4. Kulayijwa iBhayibhili ngakube pokutanga mubupenyu bubo
Panomwe nshaji tosobhatikana zokuti tobona sofana atitowana nshaji wokulayijwa iBhayibhili. Ini zungakubhancha? Balani BaFilipi 1:10, akale kwejisani nemibhuzo yeyi:
Ubweni sokuti ndizupi zwawungati “zulokosha kupinda zumwe zose” mubupenyu?
Ungata chini kuti kulayijwa iBhayibhili kube pokutanga mubupenyu?
Ungotanga kubiga unseche mugabha usikobiga mabwe unobona kuti amwe mabwe achinokwana
Ungotanga kubiga mabwe usikobiga unseche uchabona kuti unseche wose uchakwana. Nokudalo “ungobiga zunu zulokosha pokutanga” mubupenyu bubo uchawana unshaji wokuta zumwe zunu
Kulayijwa iBhayibhili kunota kuti tide kutungamililwa naMwali zuleba kuti tunzibe akale tunamate. Balani Mateu 5:3, akale kwejisani nombuzo yoyu:
Tobhanchikana chini nokuta kuti kulayijwa iBhayibhili kube pokutanga mubupenyu?
5. Usubwilile shule pawunobenyenyejwa
Panomwe nshaji bamwe banokwanisa kukunyakija kuti usiye kulayijwa iBhayibhili. Bona zwakatikana kunhulume unowi Francesco. Yebani iVIDIYO, akale kwejisani nombuzo unotobela
Muvidiyo yeyi, makamu nabakwayina baFrancesco bakata chini paakababuja zwaakabelayijwa?
Wakabhanchikana chini nokusobwilila shule kukwe?
Balani 2 Timoti 2:24, 25, akale kwejisani nemibhuzo yeyi:
Makamu nabakwayina babo bamuwha chini nozwawumulayijwa?
Mawililano nozwatabala mumavesi yaya, ungashandula chini unhu usinoshanta nokulayijwa kwawumuta iBhayibhili? Neni udalo?
6. Bimba naJehova kuti ekubhanche
Patinosendela pelyo naJehova chido chedu chokuta zunonshantisa chinopamhijika. Chimwe chikati zunotikomela kuchincha zumwe zunhu mubupenyu bwedu kuti tite zunonshantisa. Kana zwakadalo zutikana kunawi usubwilile shule. Jehova uchakubhancha. Yebani iVIDIYO, akale kwejisani nemibhuzo inotobela.
Muvidiyo yeyi, Jim wakachincha chini bupenyu bubwe kuti eshantise Jehova?
Ini zwawalayijwa nozuzwe?
Balani BaHebhelu 11:6, akale kwejisani nemibhuzo yeyi:
Jehova uchabatilani yabo “banonshaka nomoyo wose” banota zwose zwabanokwanisa kuti bonzibe akale bonshantise?
Jehova unowha chini yopo paanokubona ukweja namasimba ose kuti ufunde iBhayibhili?
UMWE ANGABHUZA KUTI: “Neni umukulayijwa iBhayibhili?”
Ungashandula chini?
INI ZWAWAFUNDA
Kojoba zusizulelu kulayijwa iBhayibhili koga zuchakubhancha kuti ushantilwe nobupenyu nokusinopela. Ungondilila mbeli ubimba naJehova akale iye uchakukombolela.
Kubwilulula
Neni ichokomende imomuBhayibhili ikakosha kunawi?
Ungaba chini “nechokomende chokuti ndizupi zulokosha kupinda zumwe zunu zwose”?
Neni ukwelela kukumbila Jehova ekubhanche kuti undilembeli ulayijwa iBhayibhili?
PAMIJA PANA ZWAWAWANA
Bona zunu zuna zwakabhancha bamwe kuti beshingise unshaji wabo nobuchenjeli.
Bona kuti Jehova wakombhancha chini umwe wechinhukaji wakabeli nondume usijakabeshantilwa nokunamata kwakabeta Mwali.
UJehova Uyasinika Amandla Ukuze Sithwale Imithwalo Yethu (5:05)
Bona kuti umwe nhulume wakabhanchikana chini nokuba nomoyo ndefu konkaji uwe.
BaSumikiji baJehova bamutamijilwa kuti bamukubulaya jingumba jabanhu. Koga zungaba ichokomende na yozu?