Jesu Ndiyani?

Jesu umwe wabanhu banozibikanwa penyika. Banji banongoziba izina lilye chete besinoziba zunji nozuzwe akale banolebeleka zulosiyana-siyana kuti wakabeli ani. IBhayibhili linotini nozuzwe?

1. Jesu ndiyani?

Jesu ingilozi inesimba inogala kudenga. Ndiye wakatanga kubumbwa naMwali kusanu kwabumbwa zumwe zunu. Ndizo ewi “imbano yozwibumbwa zose.” (BaKolose 1:15) IBhayibhili linoti ndiye chete wakabumbwa naJehova nokukwe ndizo ekakwelelwa kushobwa ewi mwananhulumyana waMwali “wakazwalwa ega.” (Johani 3:16) Jesu wakabeshinga pamwempela naDade babe ebabhancha kubumba zumwe zunu zwose. (Balani Zwichimbe 8:30.) Jehova naJesu banabukwayina bupopelyo. Jesu unoshobwa ewi “Iwhi” nokuti undebelekeli waMwali.​—Johani 1:14.

2. Neni Jesu akezha penyika?

Makole 2 000 apinda Jehova wakashingisa umpepo nchena uwe nokuta chishamiso kudenga chokuchincha bupenyu bwaJesu ebubiga muntumbu mwemhandala Mariya. Yozu zwakata kuti Jesu ezwalwe sonhu. (Balani Luka 1:34, 35.) Jesu wakezha penyika kuti oba Mesiya kana kuti Kristo wakagala abimbiswa kuti uchoochija banhu.a Zwose zwakalebwa muBhayibhili nozwaMesiya zwakazhajikija kuna Jesu akale zwakabhancha banhu kuziba kuti ndiye “Kristo Mwananhulumyana waMwali mpenyu.”​—Mateu 16:16.

3. Jesu ukokupi feno?

Jesu paakafa, wakamuswa elinombili wompepo akabwilila kudenga. Eli kwakaleko, “Mwali wakonyamula akombiga pechibhula chipopezhulu.” (BaFilipi 2:9) Feno Jesu unachibhula chopezhulu chinotobela chaJehova.

4. Jesu aatobeli Mwali Wamasimbawose

IBhayibhili linofundisa kuti kojoba Jesu elingilozi inamasimba kudenga koga unozuninipisa kuna Mwali uwe akale Dade babe, Jehova. Neni tidalo? Yebani iVIDIYO kuti mubone zunolebwa neBhayibhili nonsiyano upo pakati paJesu naMwali Wamasimba ose.

IVIDIYO: UJesu Khristu NguNkulunkulu Yini? (3:22)

Mavesi anotobela anotibhancha kuti tibone unsiyano upo pakati paJehova naJesu. Balani mavesi adeni akale kwejisani nemibhuzo ipo pamavesi adeni.

Balani Luka 1:30-​32.

• Ingilozi yakabhawunula chini bukamu bupo pakati paJesu naJehova Mwali, “Wamasimba ose”?

Balani Mateu 3:16, 17.

• Paakabe bhabhatizwa Jesu iwhi lyakava kudenga lyakatini?

• Ubweni sokuti lyakabeli iwhi lyani?

Balani Johani 14:28.

• Ndiyani unkuluwana akale unesimba lyokubuja umwe zokuta? Tate kana kuti mwana?

• Jesu wakabevani paakashoba Jehova eti ndiDade babe?

Balani Johani 12:49.

• Jesu unoyeya kuti iye naDade babe banokwelana na? Ani iwi unotini?

5. Jesu wakatondejela kuti ndiMesiya

IVIDIYO: Iziphrofetho Ezagcwaliseka KuJesu (3:03)

Balani zuprofeti zupo pamavesi yaya akale kwejisani nemibhuzo inotobela:

Balani Mika 5:2 kuti muwhe kuti Mesiya waloozwalilwapi .b

• Chiprofeti yechi chakazhajikijika na kuna Jesu? Mateu 2:1.

Balani Lwimbo 34:20 naZekaliya 12:10 mubone buprofeti bunolebeleka nozokufa kwaMesiya.

• Zuprofeti yozu zwakazhajikijika na? Johani 19:33-​37.

• Ubweni sokuti Jesu unazwaakata kuti zuprofeti yozu zuzhajikijike kuna iye na?

• Zwakatikana zunokutondejani nozwaJesu?

INI ZWAWAFUNDA

Jesu ingilozi inesimba. Mwananhulumyana waMwali akale ndiye Mesiya.

Kubwilulula

• Neni Jesu eshobwa ewi “imbano yozubumbwa zwose”?

• Wakabetani Jesu esanu ezha penyika?

• Tozuziba chini kuti Jesu ndiye Mesiya?

PAMIJA PANA ZWAWAWANA

Layijwa zunji nozonshingo wakabetiwa naMesiya.

“Iziphrofetho Ezimayelana LoMesiya Zagcwaliseka Yini KuJesu?” (Inyaya ipo peintaneti)

Bala uwhe kuti iBhayibhili linolayija na kuti Mwali wakazwala Jesu nenzila banhu yabanozwala nayo bana babo.

“Kungani Kuthiwa UJesu Yindodana KaNkulunkulu?” (Inyaya ipo peintaneti)

Bala uwhe kuti Butatu atobeli indayijo inova muBhayibhili.

“UJesu NguNkulunkulu Yini?” (INqabayokulinda, April 1, 2009)

Bala uwhe kuti iBhayibhili lyakombhancha chini umwe wechinhukaji kuwhisisisa kuti Jesu wakabeli ani.

“Owesifazana OngumJuda Uchasisa Ukuthi Watshintshelani Ayekukholwa” (Vukani!, May 2013)