Koshesa Chipo Chobupenyu

Bupenyu buzhele nozunu zunonakilija. Kojoba tishangana nobukukutu tokwanisa kunakilwa nobupenyu. Tingatondeja chini kuti tokoshesa chipo chobupenyu? Akale ndichipi chizatu chikulwana chinota kuti tite alo?

1. Neni tikwelela kukoshesa bupenyu?

Tokwelela kukoshesa bupenyu nokuti chipo chatakapiwa naDade bedu banaludo Jehova. Iye “ndiye idiba lyobupenyu”​—ndiye wakabumba zunu zwose. (Lwimbo 36:9) “Ndiye unopa banhu bose bupenyu nokufema nozunu zwose.” (Mishingo 17:25, 28) Jehova unotipa zwatinoda kuti tilalame. Akale unotipa zunu zunota kuti tinakilwe nobupenyu.​—Balani Mishingo 14:17.

2. Tingatondeja chini Jehova kuti tomboka nechipo chobupenyu chaakatipa?

Jehova wakatanga kukuda kuva ulimuntumbu mwamayibabo. Umwe unkwali weBhayibhili wakakwala kuti: “Mesho enu akandibona nditanga kubumbwa.” (Lwimbo 139:16) Jehova unokoshesa bupenyu bubo. (Balani Mateu 10:29-31.) Unolwajilwa kubona unhu ezubulaya kana kubulaya umwe nomwaza .a (Kubhuda 20:13) Akale Jehova unolwajilwa yopo patinobiga bupenyu bwedu kana bwabamwe mubukukutu. Tingokoshesa bupenyu bwedu nobwabamwe zunotondeja kuti toboka chipo chobupenyu chatakapiwa.

FUNDA ZUNJI

3. Londota bupenyu bubo

MaKristo akazupila kuna Jehova kuti bonamate kobupenyu bwabo bose. Zunota sokuti bapila mibili yabo sompilo kuna Mwali. Balani BaRoma 12:1, 2, akale kwejisani nemibhuzo yeyi:

• Ini zwatingate kuti tilondete bupenyu bwedu?

• Tingazuta chini?

4. Zutabilije kuzunu zungakukubaja kana kukubulaya

IBhayibhili linotikutayija kuti tisiyane nozunu zuchakubaja bupenyu bwedu. Yebani iVIDIYO kuti ubone zumwe zunu zwawungate kuti uzutabilije.

IVIDIYO: Qakathekisa Ukuvikeleka (8:34)

Balani Zwichimbe 22:3, akale kwejisani nozokuti mungatani kuti iwi nabamwe mutabilijike  . . .

• pengumba.

• kumishingo.

• pamizano.

• pawunobekwendesa imota kana pawunobekagada .

5. Koshesa bupenyu bomwana umomuntumbu

Davida wakakwala unkumo unotondeja kuti Jehova unokoshesa bupenyu nobomwana umomuntumbu. Balani Lwimbo 139:13-17, akale kwejisani nombuzo yoyu:

• Mumesho aJehova bupenyu bonhu bunotanga unhu azwalwa na kana kuti amayi pabanoba nemimba?

Milawu yakapiwa maIsrayeli naJehova yakabetabilija amayi nomwana umomuntumbu. Balani Kubhuda 21:22, 23, akale kwejisani nemibhuzo yeyi:

• Jehova wakabebona chini unhu wakabebulaya mwana umomuntumbu mwamayi esakananga?

• Wakabewha chini kana unhu ebulaya nomwaza?b

• Unowha chini namabonelo aMwali nenyaya yeyi?

Yebani iVIDIYO.

IVIDIYO: Qakathekisa Impilo NjengoNkulunkulu (5:00)

Kojoba unhukaji unanemimba ekoshesa bupenyu angayeya kuti apana zumwe zwaangate kuzhe kokubhisa imimba. Balani Izaya 41:10, akale kwejisani nemibhuzo yeyi:

• Ndikupi kwaanokwelela kuwana lubhancho wechinhukaji umumanikijwa kubhisa imimba? Neni udalo?

INI ZWAWAFUNDA

IBhayibhili linoti layija kuti tide, tilemekeje akale tilondote chipo chobupenyu chatakapiwa naJehova. Yozu zunoshanganisila bupenyu bwedu nobwabamwe.

Kubwilulula

• Neni Jehova ekoshesa bupenyu bonhu?

• Jehova unowha chini yopo unhu ezubulaya akale ebulaya umwe unhu nomwaza?

• Ini zwawungate kuti ukoshese chipo chobupenyu?

PAMIJA PANA ZWAWAWANA

Tingomboka chini Jehova nechipo chobupenyu?

Ingoma 141​—Isipho Sokuphila (2:41)

Wana inshandulo jombuzo unoti, Mwali unondekelela na unhu wakabhisa imimba?

“IBhayibhili Lithini Ngokukhipha Isisu?” (Inyaya ipo peintaneti)

Bala uwhe mabonelo anota Mwali nobupenyu kuti anotibhancha chini patinobeshaluja zokuzubalayija.

“Kumele Siyidlale Yini Imidlalo Eyingozi?” (Vukani!, October 8, 2000)

Kana unhu eyeya nokuzubulaya. Bona kuti iBhayibhili lingobhanch chini.

“IBhayibhili Lingakunceda Yini Ukuthi Utshiye Imicabango Yokufuna Ukuzibulala?” (Inyaya ipo peintaneti)