Zunovani Kusotola Lutibi

Jesu wakalayija batobeli babe kuti “abatoba benyika.” (Johani 15:19) Yozu zunoshanganisila kusotola lutibi munazwamatongelo enyika nejihondo. Ichokomende kuti azutobeli zulelu kusotola lutibi unshaji wose. Bamwe banokwanisa kutiseka. Ini zwatingate kuti tisitole lutibi akale tigale tikabimbika kuna Jehova?

1. MaKristo echokomende anojibona chini jihulumende jabanhu?

MaKristo anolemekeja jihulumende. Tota zwakalebwa naJesu paakati “ipani Kesali zwaKesali.” Yozu zunova kuti tokwelela kuwhilila milawu yomunyika jatinogala, inanga sokubhadala mitelo. (Maliko 12:17) IBhayibhili linolayija kuti jihulumende jabanhu jimutonga pezhulu pokuti Jehova ndiye ulojivumila kuti jite alo. (BaRoma 13:1) Ndizo tiziba kuti isimba lyejihulumende jabanhu lina palinojiba. Tolingilila kuti Mwali ndiye uchapeja bukukutu bose bupo penyika eshingisa Bushe bubwe bokudenga.

2. Tingatondeja chini kuti atina lutibi lwatinootola?

SaJesu atitongwinila munazwamatongelo enyika. Banhu pabakabona chichenamiso chakatiwa naJesu bakakweja kuunta kuti ebe she wabo koga wakatizha. (Johani 6:15) Neni akadalo? Wakapa chizatu chokuti, “Bushe bwangu abutoba bwenyika yeyi.” (Johani 18:36) Sabatobeli baJesu totondeja nenzila jilosiyana-siyana kuti atitotola lutibi. Imwe inzila yadeni atitongwinila mujihondo. (Balani Mika 4:3.) Tolemekeja zutondejelo zwenyika zunanga sendembela koga atitozunamata. (1 Johani 5:21) Akale atitotola lutibi kana kunyenyeja limwe igapo lyezwamatongelo enyika kana kuti unhu unobeda kuvotelwa. Patinota alo tobetondeja kuti tilobimbika zuzhele kuBushe bwaMwali, inoba iyo ihulumende iye.

FUNDA ZUNJI

3. MaKristo echokomende abatotola lutibi

Jesu nabatobeli babe bakatisiyila unkwejaniso wokutobeleja. Balani BaRoma 13:1, 5-7 na1 Pita 2:13, 14. Mungopeja, yebani iVIDIYO akale kwejisani nemibhuzo inotobela.

IVIDIYO: AmaKristu Eqiniso Awathathi Hlangothi​—Ingxenye 1 (4:28)

• Neni tikwelela kulemekeja jihulumende jabanhu?

• Ndijipi inzila jatinotondeja najo kuti tojilemekeja jihulumende jabanhu?

Jimwe inyika jinoti ajitotola lutibi mujihondo koga jinobhanchija matibi ose anobelwana. Zunovani kusotola lutibi? Balani Johani 17:16. Mungopeja, yebani iVIDIYO akale kwejisani nombuzo unotobela.

IVIDIYO: AmaKristu Eqiniso Awathathi Hlangothi​—Ingxenye 2 (3:11)

• Zunovani kusotola lutibi?

Zunowini kana jihulumende jabanhu jingotibuja kuti tite zunu zusinokwendelana nondawu waMwali? Balani Mishingo 5:28, 29. Mungopeja, yebani iVIDIYO akale kwejisani nombuzo unotobela.

IVIDIYO: AmaKristu Eqiniso Awathathi Hlangothi​—Ingxenye 3 (1:18)

• Kana undawu wakabigwa nabanhu usinokwendelana, nondawu waMwali isu tokwelela kuwhilila ani?

• Pana zumwe zumo na zungata kuti unKristo esiwhilile jihulumende jabanhu?

4. Usitole lutibi mundangalilo kana muzuto

Balani 1 Johani 5:21. Mungopeja, yebani iVIDIYO akale kwejisani nemibhuzo inotobela.

IVIDIYO: Kungani Kumele Sibe Lesibindi​—Sokungathathi Uhlangothi (2:49)

• Muvidiyo yeyi ini zwakata kuti Ayenge esitole lutibi munazwamatongelo enyika kana kuti esishanganyile kumhembelelo jenyika jinanga sokukuja indembela?

• Ubweni sokuti wakashaluja nobuchenjeli na?

Ndizupi zumo zungakweja kusotola lutibi kwedu? Yebani iVIDIYO, akale kwejisani nemibhuzo inotobela.

IVIDIYO: Izifundo Esizithola KuNqabayokulinda​—Ungaphumi Endleleni Eyiyo (5:16)

• Tingatondeja chini kuti atina ibhazu lyatinotola kana petiwa mizano yenyika?

• Tingatondeja chini kuti atina ibhazu lyatinotola kana bozwamatongelo enyika bengoshala zunu zunotibhatanisa?

• Inyaya jatinowha mumarediyo kana kubanhu batinohwa nabo jingatikweja chini pokusotola lutibi?

INI ZWAWAFUNDA

MaKristo anokweja zwose zwabanokwanisa kuti besitole lutibi mungaba mundangalilo jabo, zwabanolebeleka kana kuti zwabanota.

Kubwilulula

• Tokwelela kujibona chini jihulumende jabanhu?

• Neni tisinotola lutibi munazwamatongelo enyika?

• Ndizupi zumo zungakweja kusotola lutibi kwedu?

PAMIJA PANA ZWAWAWANA

Ndizupi zwatingavume kulashikilwa nazo kutila kuti tigale tisina lutibi lwatinotola?

UJehova Kakaze Asilahle (3:14)

Jimhuli jingata chini kuti jigale jikabambanyila kuchimbeli nozukwejo zokusoba nolutibi?

Ungangeneli Kwezombusazwe Nxa Usembuthanweni (4:25)

Neni kutabilija inyika iyo kusiliwo unshingo unokujwa kupinda imwe yose?

“Zonke Izinto Ziyenzeka NgoNkulunkulu” (5:19)

Bona kuti ungata chini kuti usibe wenyika ponshaji ushala nozwemishingo.

“Umuntu Ngamunye Uzazithwalela Umthwalo Wakhe” (INqabayokulinda, March 15, 2006)