IBhayibhili Linotini Nozonshingo neMali?

Unososhushikana na ungoyeya nozonshingo kana kuti imali? Zunotikomela kuwana zokulalamisa akale yoku tida kunamata Jehova nenzila yaanoda. IBhayibhili linopa kulaya kunobhancha.

1. IBhayibhili linotini nozonshingo?

Mwali unoda kuti tinakilwe nemishingo yedu. IBhayibhili linoti “akuna chimwe chinu chibuya kuzhe kokuti unhu . . . enakilwe nokushinga kukwe nesimba.” (Mbaunuli 2:24) Jehova unoshinga nesimba. Tingookwejejela nokushinga nesimba, tonshantisa akale zunota kuti tigunchikane.

Unshingo ulokosha. Koga atitokwelela kuunkoshesa kupinda kunamata kwedu Jehova. (Johani 6:27) Unotibimbisa kuti tingombiga pokutanga mubupenyu, iye uchatipa zwatinoda pokulalama.

2. Tokwelela kuyibona chini imali?

Kojoba iBhayibhili livuma kuti “imali inotitabilija,” linotilimukisa kuti imali yoga ayitotibuzila lushanto. (Mbaunuli 7:12) Tokutayijwa kuti tiside mali koga “tigunchikane nozwo zwatina nazwo.” (Balani BaHebhelu 13:5.) Tingogunchikana nozwo zwatina nazwo zuchata kuti tisishushikane nokuda zunji. Atitongwina mukunya zukwelete. (Zwichimbe 22:7) Akale zunotibhancha kuti tisibheje nokuta zunu zunotingwinisa mubukukutu kutila kuti tikambije kufuma.

3. Tingayishingisa chini imali kubhancha bamwe?

Jehova ndiMwali unokoba nebo tingonkwejejela “nokukoba zwatina nazwo.” (1 Timoti 6:18) Tokwanisa kushingisa imali yedu nokupila mugubungano akale nokubhancha banoshayiwa kasa kasa batinonamata nabo. Jehova atokoshesa bunji bozunu zwatinopa koga unokoshesa kasa chinangwa chedu chokupa. Tingopa zunova pamoyo zunota kuti tishante akale zunoshantisa Jehova.​—Balani Mishingo 20:35.

FUNDA ZUNJI

4. Kuja Jehova namashingilo awunota

IVIDIYO: Sebenzela UJehova Ngenhliziyo Yonke (4:39)

• Muvidiyo yeyi, ini zwakunakilija namabonelo anota Jason unshingo uwe akale nokuzubhata kukwe kana eliponshingo?

• Wakatani kuti unshingo usumpambanise penyaya jokunamata?

Balani BaKolose 3:23, 24, akale kwejisani nombuzo yoyu:

• Neni mabonelo edu atinota nozonshingo ekakosha?

Unshingo ulokosha. Koga atitokwelela kuwunkoshesa kupinda kunamata kwatinota Jehova

5. Kugunchikana kunotibhancha

Banhu banji abajimulala bekweja kubunganisa imali. Koga iBhayibhili linotipa kulaya kulosiyana. Balani 1 Timoti 6:6-8, akale kwejisani nombuzo yoyu:

• IBhayibhili linotikutayija kutani?

IVIDIYO: “Suthisekani Ngalokho Elilakho” (3:20)

• Ini zunota kuti jimhuli yeji jishante kojoba jilinemali nshoma?

Koga zunowini kana tilinozunji akale tida zumwe? Jesu wakapa unkwejaniso unotondeja bubi bwadeni. Balani Luka 12:15-21, akale kwejisani nombuzo yoyu:

• Wafundani ponkwejaniso waJesu?​—Linga vesi 15.

Balani Zwichimbe 10:22 mukwejanise na1 Timoti 6:10. Akale kwejisani nemibhuzo yeyi:

• Ubweni sokuti ndichipi chilokosha kupinda chimwe? Kuba nobukwayina naJehova kana kuti kuba nemali inji? Neni udalo?

• Bukukutu bupi bunobayipo nokulabukisana nemali?

6. Jehova unotipa zwatinoda pakulalama

IVIDIYO: UJehova Uzasinika Esikudingayo (6:21)

• Mwanakwayina wakashangana nobukukutu bupi?

• Wakatani kuti ekome bukukutu yobo?

Balani Mateu 6:25-34, akale kwejisani nombuzo yoyu:

• Jehova unobabimbisa kubatilani yabo banombiga pokutananga?

INI ZWAWAFUNDA

Unshingo nemali zunodiwa mubupenyu koga azutokwelela kukukoneja kunamata Jehova.

Kubwilulula

• Ini zungakubhancha kuti ube namabonelo mabhodo nozonshingo?

• Kugunchikana kungakubhancha chini?

• Ungatondeja chini unobimba nozwakalebwa naJehova kuti uchapa banhu babe zwokulalama nazwo?

PAMIJA PANA ZWAWAWANA

Tokoloja uwhe kuti iBhayibhili linoti imali imbi na.

“Imali Yimpande Yesono Yini?” (Inyaya ipo peintaneti)

Bala uwhe kuti kupa kulichini kunoshantisa Mwali.

“IBhayibhili Lithini Ngokupha?” (Inyaya ipo peintaneti)

Kubheja kunokubaja na?

“Umbono WeBhayibhili​—Ukubheja” (Vukani!, March 2015)

Bona kuti ini zwakabhancha umwe nhulume wakabeta zokubheja nokukwiba mujingumba jabanhu kuti echinche bupenyu bubwe.

“IBhayibhili Liyamtshintsha Umuntu” (INqabayokulinda, November 1, 2011)