Bakorinthe ba Pele
6 Ge e ba o na le taba le ngwaneno,+ goreng o e iša kgorong ya tsheko go batho bao ba sa hlankelego Modimo, go e na le go e iša go bahlanka ba Modimo ba bakgethwa? 2 Goba na ga le tsebe gore bahlanka ba Modimo ba bakgethwa ba tlo ahlola lefase?+ Ka gona ge e ba le tlo ahlola lefase, ke ka baka lang le sa kgone go ahlola melato e menyenyane mo gare ga lena? 3 Na ga le tsebe gore re tlo ahlola barongwa?+ Bjale le paledišwa ke eng go ahlola melato e menyenyane ya lefase le? 4 Ge e ba le na le melato yeo le nyakago go e rarolla,+ gona ke ka baka lang le e iša go baahlodi bao ba sego ka phuthegong? 5 Ke bolela se gore le hlabje ke dihlong. Na ga go na le o tee gare ga lena yo a kgonago go ahlola banababo ka phuthegong? 6 Go e na le moo, le ge le le Bakriste le išana kgorong ya tsheko pele ga batho bao ba sa hlankelego Modimo.
7 Taba ya gore le išana kgorong ya tsheko e bontšha gore le fentšwe. Ke ka baka lang le sa kgotlelele ge le swarwa ka go hloka toka+ goba le radiiwa? 8 Le fora banababo lena ebile le a ba radia.
9 Na ga le tsebe gore batho bao ba dirago dilo tše di sa lokago ba ka se tsene Mmušong wa Modimo?+ Le se ke la forwa. Batho bao ba itshwarago gampe ka tša thobalano,*+ bao ba rapelago medimo ya diswantšho,+ dihlotlolo,*+ bao ba dumelelago batho ba bong bjo bo swanago le bja bona ba robala le bona+ le bao ba robalago le batho ba bong bjo bo swanago le bja bona,+ 10 mahodu, batho ba megabaru,+ matagwa,+ bao ba roganago le dikebekwa, ba ka se tsene Mmušong wa Modimo.+ 11 Ba bangwe ba lena le be le dira dilo tše. Eupša le hlatswitšwe,+ la dirwa ba bakgethwa+ le bao ba lokilego+ ka leina la Morena wa rena Jesu Kriste le ka moya wa Modimo wa rena.
12 Ke dumeletšwe go dira dilo ka moka, eupša ga se dilo ka moka tšeo di nago le mohola.+ Ke dumeletšwe go dira dilo ka moka, eupša nka se dumelele selo le ge e le sefe se ntaola. 13 Dijo ke tša mpa le mpa ke ya dijo, eupša Modimo o tlo di fediša bobedi bja tšona.+ Mmele o diretšwe go šomela Morena, e sego go itshwara gampe ka tša thobalano,+ ebile Morena o hlokomela mmele. 14 Modimo o tsošitše Morena+ bahung, gomme le rena o tla re tsoša bahung+ a diriša maatla a gagwe.+
15 Na ga le tsebe gore mebele ya lena ke ya Kriste?+ Na le bona go lokile gore le tšee selo sa Kriste le se kopanye le mogwebakammele? Aowa! 16 Na ga le tsebe gore yo a ikopanyago le mogwebakammele e ba selo setee le yena? Ka gobane Modimo o re: “Ba babedi e tla ba nama e tee.”+ 17 Eupša yo a ikopanyago le Morena o boteeng le yena.+ 18 Le se ke la* itshwara gampe ka tša thobalano.+ Dibe tše dingwe ka moka ga di šilafatše mmele, eupša go itshwara gampe ka tša thobalano go šilafatša mmele.+ 19 Na ga le tsebe gore mmele wa lena ke tempele+ ya moya o mokgethwa wo o lego go lena, wo o tšwago go Modimo?+ Ebile mebele ya lena ga se ya lena,+ 20 ka gobane le rekilwe ka theko ya godimo.+ Ka gona dirišang mebele ya lena+ go tumiša Modimo.+