• Ekisodo 34:6, 7
    Baibulo la Dziko Latsopano la Malemba Opatulika

    • 6 Ndiyeno Yehova anadutsa pamaso pa Mose akulengeza kuti: “Yehova, Yehova, Mulungu wachifundo+ ndi wokoma mtima,*+ wosakwiya msanga+ ndiponso wachikondi chokhulupirika chochuluka+ komanso choonadi.*+ 7 Amasonyeza chikondi chokhulupirika kwa mibadwo masauzande,+ amakhululuka zolakwa ndi machimo,+ koma sadzalekerera wolakwa osamʼpatsa chilango.+ Amalanga ana, zidzukulu ndi ana a zidzukuluzo chifukwa cha zolakwa za abambo awo.”+

  • Yeremiya 46:27, 28
    Baibulo la Dziko Latsopano la Malemba Opatulika

    • 27 ‘Koma iwe Yakobo mtumiki wanga, usaope

      Ndipo usachite mantha, iwe Isiraeli.+

      Chifukwa ndidzakupulumutsa kuchokera kutali.

      Ndipo ndidzapulumutsa mbadwa* yako kuchokera mʼdziko limene anali kapolo.+

      Yakobo adzabwerera nʼkukhala mwamtendere ndiponso mosatekeseka,

      Sipadzakhala wowaopseza.+

      28 Choncho, iwe Yakobo mtumiki wanga usachite mantha, chifukwa ine ndili ndi iwe.

      Ndidzawononga anthu a mitundu yonse kumene ndakubalalitsirako,+

      Koma iwe sindidzakuwononga.+

      Ndidzakulanga* pamlingo woyenera,+

      Ndipo sindidzakusiya osakupatsa chilango,’ akutero Yehova.”