N’chifukwa Chiyani Malo a Mboni za Yehova Opempherera Amawatchedwa Kuti “Nyumba ya Ufumu ya Mboni za Yehova”?

Dzinali ndi loyenera chifukwa:

• Nyumbayo imakhala malo osonkhanira.

• Timasonkhana kuti tilambire Yehova, yemwe ndi Mulungu wotchulidwa m’Baibulo, komanso kuti tichitire umboni za iye.—Salimo 83:18; Yesaya 43:12.

• Timasonkhananso kuti tiphunzire za Ufumu wa Mulungu, umene Yesu ankakonda kuutchula.—Mateyu 6:9, 10; 24:14; Luka 4:43.

Ngati mungakonde mukhoza kudzasonkhana nawo mu Nyumba ya Ufumu imene muli nayo pafupi kuti mudzaone mmene a Mboni za Yehova amachitira misonkhano yawo.