Nyimbo 133

Kufesa Mbewu za Ufumu

(Mateyu 13:4-8, 19-23)

1. Idzani akapolo a Yehova

Mwadzipereka kwa M’lungu.

Kuntchito yoikizidwa kwa inu;

Yendani monga Kristuyo.

Muli ndi ntchito yofesa cho’nadi

Panthaka yoberekayo

Zipatso zabwino ngati muchita

Utumiki mokwaniratu.

2. Zina zidzagwera m’mbali mwa njira,

Koma mbalame zidzadya;

Pamene zina zigwera pamwala,

Nkufota ndi kutenthako.

Nkhaŵa ndi dyera ziri zonga minga

Yotsamwitsa mbewu zanu.

Komabe zina zingagwere pansi

Pamalo abwino oyera.

3. Kuti zigwere panthaka yabwino

Zimadalira pa inu.

Mwa kuleza mtima ndi mwachikondi,

Mungaingitse “mbalame.”

Pokhala maso muchotsetu minga,

Mungayembekezeretu

Kuti mutute makumi atatu

Ngakhaletu zana limodzi.