Chingalawacho chinali chachikulu, chooneka ngati bokosi. M’litali chinali chachitali mamita 133, m’mbali chinali chachitali mamita 22 komanso mamita 13 kupita m’mwamba. Chingalawachi chinapangidwa ndi mtengo wa mnjale ndipo anachimata phula mkati ndi kunja komwe. Chinali ndi nyumba zosanjikizana zitatu komanso zipinda. M’mbali mwa chingalawachi munali chitseko komanso chiyenera kuti chinali ndi windo m’mwamba mwake. Zikuonekanso kuti chingalawachi chinali ndi denga lomwe linali lotalikirapo pang’ono chapakati pake kuti madzi azigwera pansi.—Genesis.6:14-16.