Kusinthika Poyang’anizana ndi Mikhalidwe Yomasintha

 6. Kodi ndimotani mmene Yesu anasonyezera kulolera pochita ndi mkazi Wachikunja amene mwana wake wamkazi anagwidwa ndi chiŵanda?

⁶ Mofanana ndi Yehova, Yesu anasonyeza kukhala wofulumira kusintha kachitidwe kapena kusinthira ku mikhalidwe yatsopano pamene inabuka. Panthaŵi ina mkazi Wachikunja anampempha kuchiritsa mwana wake wamkazi wogwidwa ndi chiŵanda moipitsitsa. M’njira zitatu zosiyanasiyana, Yesu poyamba anasonyeza kuti sakamthandiza​—yoyamba, mwa kukana kumyankha; yachiŵiri, mwa kutchula mwachindunji kuti anatumizidwa, osati kwa Akunja, koma kwa Ayuda; ndipo yachitatu, mwa kupereka fanizo limene mokoma mtima linamveketsa mfundo imodzimodziyo. Komabe, mkaziyo anaumirira m’zonsezi, akumapereka umboni wa chikhulupiriro chapadera. Poona mkhalidwe wapadera umenewu, Yesu anakhoza kuona kuti iyi siinali nthaŵi ya kugwiritsira ntchito lamulo logwira ntchito kwa onse; inali nthaŵi ya kusintha molingana ndi malamulo apamwamba.a Chifukwa chake, Yesu anachita chimene anali atasonyeza katatu konse kuti sakachita. Anachiritsa mwana wamkazi wa mayiyo!​—Mateyu 15:21-28.

[Chithunzi patsamba 16]

Pamene mkazi anasonyeza chikhulupiriro chapadera, Yesu anaona kuti siinali nthaŵi ya kugwiritsira ntchito lamulo logwira ntchito kwa onse